0700100   Proemium.
0700101   Precamur nostras, Deus, animas et conscientias digne munda,
0700102   Ut nunc nostra Christus veniens corda sibi inveniat parata.
0700200   Dominica I Adventus.
0700201a  Veniet rex in aeternum, quem exspectant justi ab origine mundi, et vita,
0700201b  Rex noster, Christus, manens sacra invisibilis forma et palma.
0700202a  Alme, nobilissime, gratia, deitas,
0700202b  Aeterne, angelorum voces assiduas
0700203a  Regnant cum Christo per cuncta saecula in sede patria sua
0700203b  Et cantant die noctuque splendidas voces et illorum veras.
0700204a  In coelis quoque in terra universa te laudant
0700204b  Volucrumque bestiarum divina mysteria
0700205a  Gaudent simul et laetantur miracula
0700205b  Regi autem saeculorum perpetua
0700206a  Dominator, princeps pacis, magna lux clara, vera carmina
0700206b  Adjuva, rex, quoque semper famulos tuos et dicant: gloria
0700207   Regna, dominator, per saecula.
0700300   Dominica I Adventus.
0700301   Orbis vita,
0700302a  Patris sapientia, proles unica,
0700302b  Ante cuncta creata primogenita.
0700303a  Quae ima adire dignata, exornans poli culmina,
0700303b  Velata corica trabea, pia tacta clementia.
0700304a  Quam vaticinantur prisca dogmata afflata sacra gratia.
0700304b  Nostra amplia opimans opera pietate propitia.
0700305a  Quo forma nata egregia cunctis plus speciosa,
0700305b  Veniens arva per sacrata viscera virginea,
0700306a  Solvat admissa nostra omnia piacula,
0700306b  Ut queant serenata mortalium lumina
0700307   Inter compta per aeterna videre sitientia agmina ideam herilem saecla.
0700400   Dominica I Adventus.
0700401a  Salus aeterna, indeficiens mundi vita,
0700401b  Lux sempiterna et redemptio vere nostra,
0700402a  Condolens humana perire saecla per temptantis numina,
0700402b  Non liquens excelsa adisti ima propria clementia.
0700403a  Mox tua spontanea gratia assumens humana
0700403b  Quae fuerant perdita omnia salvasti terrea,
0700404a  Ferens mundo gaudia; tu animas et corpora, omnia vivificata
0700404b  Nostra, Christe, expia, ut possideas lucida nosmet habitacula.
0700405a  Adventu primo justifica
0700405b  In secundo nosque libera.
0700406a  Ut, cum facta luce magna judicabis omnia,
0700406b  Compti stola incorrupta nos tua subsequamur
0700407   Mox vestigia quocunque visa.
0700500   Dominica II Adventus.
0700501a  Vox prophetica clara agnum adfore clamat, qui cuncta
0700501b  Gratis relaxat facinora vernis, ac distribuens celsa atria.
0700502a  Aula ex politica venit haec in arva,
0700502b  Proles ut Davidica regnet in regia,
0700503a  Lingua praesaga ex illa uti jam priscorum adstipularat.
0700503b  Odarum tuba cui nostra proclamat melos laeta hac in aula,
0700504a  Salutifera reboans olim dicta coelica,
0700504b  Est qua mater gravidata manens ipsa intacta:
0700505a  Ave, virgo, plena divina gratia,
0700505b  O Maria, benedicta per saecula.
0700506a  Intra claustra portas tua, regum qui sceptra jure jugi nutat cuncta;
0700506b  Quem exora, ut hinc ferat nos ad amoena luciflua comtos doxa.
0700507   Sit laus saecula cui per cuncta.
0700600   Dominica II Adventus.
0700601a  Pangat laudes nunc lingua nostra Jesu canora, ut possit Christo fore tuta,
0700601b  Camoena vocis digna polorum ad excelsa cantica mittendo libera.
0700602a  Sic valeat callidi zabuli superare machinamenta,
0700602b  Qui jugiter circuit avidus, ut dividat Christi catervam.
0700603a  Mittendo dura spicula
0700603b  Ac mortis saeva jacula.
0700604a  Quia non dormit rapidus et vorax, ut exurat plebem sanctam,
0700604b  Regali Christi concio sanguine quae redempta vere constat,
0700605a  Sedule illius habere arma, valeat
0700605b  Cuspide qui demersit iniquum ad inferna.
0700606a  Semper possit ipso ducente secura
0700606b  Permanere atque munita per saecla
0700607   Scandere polorum alta.
0700700   Dominica II Adventus.
0700701a  Regnantem sempiterna per saecla susceptura concio devota concrepa,
0700701b  Divino sono vota tuo jam nunc Domino factori reddendo debita
0700702a  Cui jubilant agmina coelica, ejus vultu exhilarata;
0700702b  Quem exspectant omnia terrea, ejus nutu examinanda,
0700703a  Districtum ad judicia,
0700703b  Clementem in potentia.
0700704a  Tua nos salva, Christe, clementia, propter quos passus es dira.
0700704b  Ad poli astra subleva nitida, qui sorde tergis saecula.
0700705a  Influa, salus vera, effuga pericula,
0700705b  Omnia ut sint munda, tribue pacifica.
0700706a  Ut hic tua salvi misericordia
0700706b  Laeti regna post adeamus supera,
0700707b  Quo regnas saecula per infinita.
0700800   Dominica III Adventus.
0700801   Pangat laudes digne lingua, canora poli mittens ad alta, quo possit Christo fore tuta.
0700802a  Sic valeat callidi zabuli superare machinamenta.
0700802b  Qui jugiter circuit avidus, ut dividat Christi catervam,
0700803a  Mittendo dura spicula
0700803b  Ac mortis saeva jacula.
0700804a  Quia non dormit lucidus et vorax, ut exurat plebem sanctam,
0700804b  Regali Christi concio sanguine quae redempta vere constat,
0700805a  Sedule illius habere arma,
0700805b  Cuspide qui demersit ad inferna,
0700806a  Semper possit, ipso ducente secura
0700806b  Permanere atque munita gloria
0700807   Scandere polorum alma.
0700900   Dominica III Adventus.
0700901a  Qui regis sceptra forti dextra solus cuncta,
0700901b  Celsa et ima fovens tua clementia,
0700902a  Tu plebi tuam ostende magnam excitando jam gloriam.
0700902b  Crimina dira illius tua mira solve potentia.
0700903a  Praesta dona illi salutaria,
0700903b  Praesentia Christi eam libera.
0700904a  Quem praedixerunt prophetica vaticinia. a clara poli regia tu nostra ipsum mitte, Domine, ad arva.
0700904b  Jamque per ipsum restituta coeli patria protege tua dextera per saecla perpetrata solvens peccamina.
0701000   Dominica III Adventus.
0701001   Age nunc, dia camoena, in hac praecelsa annua prome carmen laeta.
0701002   Lux vera perlustrat hodie quia terras genesi sua item reddita pace summa.
0701003   Reserat vitae portam, cujus fescennina jubilat una uranica turba in arva.
0701004   Venusta nosque cantica Jesu crepundia laudantes pia promamus casta.
0701005   Nectarea quia reboant hodierna nimis clara die pneumata:
0701006   Proles divina est nata, perpes cui doxa per saecula. Amen.
0701100   Dominica IV Adventus.
0701101a  Laus beata vita paxque perfecta,
0701101b  Qui ab alta descendisti ad ima,
0701102a  Visitare nostra. Salus aeterna, exaudi fidelia
0701102b  Dignatus nostram moderare camoenam Pietatis gratia.
0701103a  Nam pangimus tibi clara dando vocum neumata, Voce praecelsa perstringentes sonora sillabatim simul organa.
0701103b  Nunc laus nostra tibi grata dulcem dans symphoniam, Per te edita, tibi rite dicata, poscens tua et subsidia.
0701104a  Te sine quia nulla sunt felicia.
0701104b  Reddatur fausta hominum per te vita,
0701105   In patriam quo nos introducas beatam, qua nobis cuncta sint serena et pacatissima affatim saecla.
0701200   Dominica IV Adventus.
0701201   Aure benigna audias trina nos
0701202a  Nunc tu deitas, omnipotens per omnia,
0701202b  Qui te per ista laudamus officiosa
0701203a  Mente devota celsa nostra cantica, ut sancta servet nos tua dextra
0701203b  Hinc inter ista pericula, exemptis ad vitam regna ut des aeterna
0701204   Per saecula.
0701300   Dominica IV Adventus.
0701301   Jubilemus omnes modo una
0701302a  Deo nostro, qui creavit omnia,
0701302b  Per quem cuncta condita sunt saecula:
0701303a  Coelum, quod plurima luce corruscat, et diversa sidera;
0701303b  Sol, mundi schema, noctium decus, luna, cetera splendentia;
0701304a  Mare, solum, alta, plana ac profunda flumina;
0701304b  Aeris ampla spatia, qua discurrunt aves, venti atque pluvia.
0701305a  Haec simul cuncta tibi Deo soli patri militant.
0701305b  Nunc et in aevum sine fine per saecula laus eorum tua gloria.
0701306a  Qui pro salute nostra prolem unicam
0701306b  Pati in terram misisti sine culpa sed ob nostra delicta.
0701307a  Te, trinitas, precamur, ut corpora nostra et corda
0701307b  Regas et protegas et des peccatorum veniam.
0701400   In Nativitate Domini.
0701401   Hodie puer natus est nobis, canat ecclesia.
0701402a  Angelica simul et resonant agmina,
0701402b  Sui quia regis nunc celebrant gaudia.
0701403a  Lux nova jam terras illustrat et veteres tenebras,
0701403b  Fit callis sidera et petens haec faciens pervia.
0701404a  Felix mater sola et virgo, intacta puerpera,
0701404b  Regem geris feta, cum viri sis cubilis nescia.
0701405a  Te petimus supplices voce et humillima, Ut impetres veniam nobis mortalibus a Christo, virgo sacratissima;
0701405b  Et ut deleas nostra fugans prece crimina, Primae matris restaures genus supero, promptissime cui credula.
0701406a  Jam Domino Christo nostra personent cum laudibus pia carmina,
0701406b  Ut tribuat sancta vitae pascua, qui satiat animalia.
0701407a  Te quondam per Mariam dulcem viam Liberata carpsit turba et venit ad pacifluam Jerosolymam.
0701407b  Ejecti paradisi sede sacra Tristes valle luctuosa te petimus, redde, Christe, nostram patriam.
0701408a  Paterna te scimus in dextera jam regnare per cuncta saecla.
0701408b  Largitor, praemia da digna nobis; frequentare natalia
0701409   O Jesu, hymnis rite tua, excita nostra flamina alma per gaudia.
0701500   In Natali Domini.
0701501   Adest una
0701502a  Atque praecelsa annuata festa, qua salus venit in terra
0701502b  Ex virginea carne tectus clara, ut fatur magnus propheta.
0701503a  Hic est ille, qui cuncta mundi venit solvere agnus crimina.
0701503b  Pax refulsit in ima, et in altis gloria sonat excelsa.
0701504a  Processit stella maris lustrata et porta clausa fertque Maria.
0701504b  Viscera matris tument lactea, intacta, sine viro gravida.
0701505a  Nunc per tempora Ecce puerpera genuit Emanuel, regem in saecula Praesentia potens, coelestia regens et terra
0701505b  Semper interna. Deum oraculis prophetarum promissum, magnum in suprema Cunabula gignit prolem virgo sacra opima.
0701506a  Resipiscat Sabelliana haereticorum mendax lingua,
0701506b  Quae latratur inter graphia scholari dicens lingua ita:
0701507a  Non de Deo esse natum, sed de virili semine ortum pandit stupentia.
0701507b  Dicit ita ad haec contra sors Christiana irridens istam satis plebeculam:
0701508a  Tace, superba Judaea, quae pugnas contra Christum ira tumida,
0701508b  Homo natus est in ea, olim dicit scriptura sic Davidica.
0701509a  Pacis inclita Nobis det ut omnia, quae sunt patris et sua praemia aeterna, Qui nasci dignatur hodie in arva
0701509b  Vera lucerna. Salus et victoria illi sit et gratia omnia per saecla, Averni latrina confringens januas.
0701510a  Perpes inthronizari sancta queat in aula sua nos ipse dilecta,
0701510b  Ut nativitas ejus incarnata diluat semper nostra cuncta probra.
0701511a  Pace cum prospera decantemus nunc mente pura
0701511b  Melodum carmina psallentes illi voce clara.
0701512   Alleluja.
0701600   In Nativitate Domini.
0701601   Haec dies est sancta atque gloriosa,
0701602a  Christus in qua natus est Maria semper ex virgine.
0701602b  Luxque perpes hodie orta est humano generi.
0701603a  O Deus, mundus quem non capit cunctus; in praesepio hodie est positus atque pannis involutus.
0701603b  O pie, herus inaestimabilis; humilis visus hodie terris est miseris, polos ut scanderent.
0701604a  Exultent ergo hodie terrena simul coelestia,
0701604b  Et coelestibus quia est unitas illa restaurata.
0701605a  Nos quoque omnes, clerus ac populus voce celsa cordis simul atque oris canamus Deo laudem.
0701605b  Nam angelicum sacrum illud hymnum Dei genitricis juvamine fulti dicentes persolvamus:
0701606a  Gloria in altis Deo et in terra pax,
0701606b  Populus bono animo sit perenniter.
0701607a  Famulos, tu trina deitas, nos fove tuos.
0701607b  Nunc atque in aevum auxiliare, laus, honor.
0701608a  Potestas ac virtus tibi sit regi nato,
0701608b  Qui omnia regis simul in trinitate.
0701609   In saeculorum saecula.
0701700   In Nativitate Domini.
0701701   Haec dies,
0701702a  Quam excelsus ipse fecit Deus,
0701702b  Jucundemur simul et laetemur.
0701703a  Serenatis cordibus annuis temporibus laeti celebremus,
0701703b  In hac die siquidem creator angelorum omnium sanctorum
0701704a  Formam servi dignatus est sumere nostri causa salutis nosque liberandum.
0701704b  Rerum creator de sacro solio descendens nos eruit, quos hostis perfidus
0701705a  Rapuit dudum ingerens vitia
0701705b  Atque trahens in antrum sulfureum.
0701706a  Totus mundus exsultans libans jubila voce
0701706b  Summas laudes, ut decet, cum angelis: Gloria
0701707a  Deo in excelsis cantantes. Gloria sit trinitati unicae,
0701707b  Patri, filioque spiritui sancto, nunc et ultra et in aevum.
0701800   In Nativitate Domini.
0701801   Gloriosa dies
0701802a  Solemnis atque sancta,
0701802b  Qua Dei genitrix virgo
0701803a  Sacra enixa, agnum totius orbis, est redemptorem Christum.
0701803b  Quem et prophetae olim praeconiando cecinerunt futurum.
0701804a  Angelico cernuis pastoribus prae lumine,
0701804b  Intuentibus simul coelum, laudantes audiunt
0701805a  Exercitum dicentium: Gloria in altissimis sit Deo
0701805b  Et in terra pax hominibus bonae voluntatis id in ipsum.
0701806a  Quem adoramus conregnantem in coelis
0701806b  In sede patris Deum aequiparatum
0701807a  Et sancto spiritu implorantes, ne labamus
0701807b  Corruentes taetris, sed sanctis juncti mereamur
0701808   Digne angelorum gloriam.
0701900   De Nativitate Domini.
0701901   Gaudeamus, in hac die Christus natus est.
0701902a  Quem prophetae praedixerunt,
0701902b  Quem pater misit in mundum.
0701903a  Ipsum adoremus, qui fecit maria nec non
0701903b  Et totam aridam, sol, lunam, sidus et globum,
0701904a  Quem gloriosa virgo Maria et puerpera genuit;
0701904b  Ipsum adorant cunctum fulgentem; in circuitu sedium
0701905a  Manent in regnum qui trinum et unum Deum laudant atque concinunt:
0701905b  Sanctus Deus, sanctus fortis, Sanctus immortalis, gloriosus, alme conditor.
0701906a  Tollis qui noxas atque facinora, concede nobis tuam largam bonitatem.
0701906b  Non nos permittas a te separari, qui usque nunc adventum tuum exspectamus.
0701907a  Sed per tuam sacram nativitatem, o Domine,
0701907b  Omnes nos fac in hac die praeclara jucundari
0701908   Atque laetari ovantes, Christe rex, feliciter.
0702000   In Nativitate Domini.
0702001   Epithalamia
0702002a  Affla, reboa Domino edita Ididiacia lyra.
0702002b  Divae me virgae osculetur jam flos, gratior est myrrha quia.
0702003a  Unguentis flagrantia optimis sacrosancta tua ubera,
0702003b  Austera legis praecepta, bacchi quae figurant haec nectarea.
0702004a  Melliflua carmina quadrigae Cherubim hoc resultat pupilla
0702004b  Areola dilecta quae venit Maria est intacta sportula.
0702005a  Inquit sophia:Ecce puerpera genuit Emmanuel, regem in saecula sistentia, regentem cuncta cosmi creata,
0702005b  Intemerata, Deum oraculis prophetarum promissum, magnum in saecula, qui tempora disponit replens pietate sua.
0702006a  Pulchra amica es tu mea, suavis atque decorata,
0702006b  Ceu Hierosolomonina ornata fulvi nunc bractea.
0702007a  Qualis est dilectus tuus ex dilecto, inter virgines o pulchra, inquit, sponsa?
0702007b  In figura rubicunda mox candor emicat segregati in mille et milia.
0702008a  Caput lamina ejus exstat auri pretiosis gemmis inserta
0702008b  Suaque coma ut elatae palmarum quasi corvus caerulea:
0702009a  Dei idea Nobis det ut omnia, quae sunt patris et sua praemia aeterna Olivifera immarcessibilia,
0702009b  Psalle tu, sponsa: Salus et victoria illi sit et gratia omnia per saecla, Trophaeum perpes, virtus atque potestas.
0702010a  Erga fluenta oculi ejus resident ut columba plenissima,
0702010b  Myrrham distillant illius primam labiaque praeclara ut lilia.
0702011a  Divina usia obrizo sistit figurata aeterna.
0702011b  Coma ejus corda sanctorum puro hoc aevo lugentia.
0702012a  Sunamitis cara, revertere parata.
0702012b  Quid in Sunamite videbis nisi mana
0702013   In phalangas?
0702100   In Nativitate Domini.
0702101a  Coelica resonant clare camoenas agmina
0702101b  Nunc regis celebrando gratulanter nuptias.
0702102a  Lux nova jam terras illustrat veteres pellens tenebras.
0702102b  Reserat superna gratia diu clausa palatia.
0702103a  Felix mater et sola intacta aeterna puerpera,
0702103b  Jam nato stas gravida, cum viri sis cubilis nescia.
0702104a  Omnis caterva nostra te rogat, domina, Solvas quo nostra cuncta peccaminum vincula, virgo sempiterna, beata.
0702104b  Digna fuisti sola, tollentem crimina Intra uteri claustra portare, qui gubernat omnia, supera, infera.
0702105a  Hunc sua laudant facta gaudentes bona qua vivunt super essentia.
0702105b  Nos humillima tuba damus debita poscentes ejus clementiam.
0702106a  Ut nostra praestans tempora nunc quieta, det placita frui vita, utilia donando famulis munera.
0702106b  Ac inter nos discrimina saeva salvans post funera derelictam sedem ducat, mortis ac malorum ignaram.
0702107a  Ubi ad dextram patris almam sedet conregnans, coaeternus per omnia,
0702107b  Potenter cuncta disponendo cum eo saecla praesentia et futura.
0702108a  Beata justis donans cuncta praemia repromissa coelestia.
0702108b  Praeclara qua lux vera micat, quae est salus aeterna et cunctorum
0702109   Gloria.
0702200   De Nativitate Domini.
0702201a  Christi sacra serenat nativitas mundi nubila,
0702201b  Humana corda sua praesentia faciens laeta.
0702202a  Hunc nostra digne resonant cantica, qui factus caro nostra prodiit de virginea potenter vulva.
0702202b  Quem cuncta laudat coeli militia pariter et humana, hominibus angelica pace reddita.
0702203a  Christum parit puerpera, qui exstat ante saecula.
0702203b  Jacet inter praesepia augusta continens regna.
0702204a  Unde prolata mitis vox angelica nuntiat magna omni plebi gaudia coelitus luce fusa.
0702204b  Stant et canora coelestia agmina, dant Deo digna organa ad aethera gloria pacifica.
0702205a  Jesum nostra concio sacra personet laeta,
0702205b  Nobisque pax, Deo gloria sit per saecula.
0702206a  Jam quia Christi nativitas est nobis nota, cujus cunabula circumdet nostra moderata fistula.
0702206b  Hac nova promamus cantica mente decliva, laude composita sacratissima voce precantes una,
0702207a  Clementer ut nos regna ducat at coelestia
0702207b  Et vita perpetua det frui per saecula.
0702208   Amen caterva dic redempta.
0702300   In Nativitate Domini.
0702301   Christi hodierna pangimini omnes una.
0702302a  Nunc voce consona nativitatem magnam.
0702302b  Verbum caro factum exhibere se voluit
0702303a  Mundo, quem redemit; jam venit de sede patris Dominus.
0702303b  Docente angelo pastores ingenti currunt gaudio.
0702304a  Praesepio puerum Maria posuit in stabulum.
0702304b  Vagiens infantulus est, a quo regitur omnis mundus.
0702305a  Vigilantes pastores audiunt nam chorum Angelicum in coelis, psallentem: gloria, laus, decus in excelsis Deo.
0702305b  Quem prophetae cuncti praeconiarunt olim, Jam apparet forma, quam induit Dominus, quem virgo mater pannis tegit.
0702306a  Exiguo tegitur diversorio, qui arva condidit ac polum.
0702306b  Non hic ostris elegit, non aurificis, non rutilum venit in locum.
0702307a  Mariae genitricis exsultabat incontaminatus alvus, enixa est auctorem omnium Dominum.
0702307b  Joseph valde se simul recolebat, admirando retractabat, quid rei actu hujuscemodi veniret.
0702308a  Monitus somnis ab angelo, ut in Aegyptum pergeret cum parvulo,
0702308b  Herodem impium fugeret, qui quaerit Christum callide occidere.
0702309a  Nos quoque ipsum adoremus ipsumque deprecemur simul omnes,
0702309b  Nostra ut relaxet delicta, perennis donet bonis in aeterna
0702310   Saecula.
0702400   De Nativitate Domini.
0702401   Celebranda
0702402a  Satis nobis est diei praesentis praeclara euprepia,
0702402b  In qua Johannis baptistae completur veraciter prophetia
0702403a  Ajens ipse: minui oportet in ista nunc me vita,
0702403b  Illum autem crescere convenit, qui Deus est per saecula.
0702404a  Hoc denique compleri hodie cuncta simul novit ecclesia.
0702404b  Atque per hoc nunc inquiens laudes Christo celsas nunc micat in ipsa
0702405a  Nostra caterva: Ecce puerpera genuit Emanuel, regem in saecula, Prophetia testante noscitur Isaiaca.
0702405b  Haec boans aula, Deum oraculis prophetarum promissum. magnum in saecula Sine fine regnare, resonet tuba praeclara.
0702406a  Quem de virgine nasciturum Gabriel angelus dixerat.
0702406b  Ave, inquit, virgo praeclara, Dominus tecum, o Maria.
0702407a  Locuta est ad angelum: quomodo poterit evenire, ut virum cognoscam.
0702407b  Et angelus ad Mariam respondit: spiritus veniet sancti in te gratia.
0702408a  Ecce completum hodie hoc dicimus in Christo, natum Maria
0702408b  Quem adorari convenit, ut ipse nobis donet sua gaudia.
0702409a  Cuncta commoda Nobis det ut omnia, quae sunt patris et sua praemia aeterna, Ubi regnant sancti in sede beata.
0702409b  Honor, gloria, Salus et victoria illi sit et gratia omnia per saecla, De quo angelorum concinunt agmina.
0702410a  Laudes Christo canamus omnes simul, quia natus est salute pro nostra.
0702410b  Cujus sacram nativitatem mundus praesenti die pariter celebrat.
0702411a  Nos quoque hodie solvamus illi vota nostra.
0702411b  Psallentes pariter dicamus ipsi voce celsa:
0702412   Alleluja.
0702500   In Nativitate Domini.
0702501a  Alleluja quia verbum hodie est caro factum ex virginea stirpe Davidica.
0702501b  Olim vates quod cuncti praecinere fore venturum, ut mundi cuncta tolleret peccata.
0702502a  Quis audivit talia cuncta per saecula, quod virgo incorrupta fit mater feta?
0702502b  Viro virga Jessea floruit Maria, attulit vitae fructum mater intacta.
0702503a  Casta ejus gestant viscera, quem mundi non capit figura.
0702503b  Gremiis fert haec sacrosancta, qui palmo concludit omnia.
0702504a  O semper benedicta, quae tale pignus hodie mundo edidisti alma.
0702504b  Ave gratia plena, Dominus tecum, Domina, quem tu es virgo enixa.
0702505a  Cui innumera ac praemaxima coelestis boat splendens caterva:
0702505b  In altis gloria Deo sit magna pax hominibus atque in terra.
0702600   In Nativitate Domini.
0702601a  Lux clarissima orta ante omnia exsistentia
0702601b  Ex ingenita manans patris usia virtute mira.
0702602a  Hujus astra tenebrat genealogia.
0702602b  Noctis pellens propria fit caro vivida.
0702603a  Qua praefulgida emicant lumina pastoribus conspicua,
0702603b  Quis clarum neuma dedisti solida fatur vigilia ita:
0702604a  Corda ponite pavida, omnibus veneranda
0702604b  Quod gaudia herilia lustrant passim saecula.
0702605a  Hinc Bethlaea climata, Davidis sceptra,
0702605b  Adorare ite sacra cunabula.
0702606a  Haec post fata militia una plurima celsis pangit nato doxa,
0702606b  Atque ima voti bona sibi nuntiat foederata pace vera,
0702607   Cum qua laetemur in arce summa.
0702700   In Nativitate Domini.
0702701a  Pangat vox humana, Christe, carmina rex tibi semper praeclara,
0702701b  Nostra qui salute venis in arva virginis sacrae per aulam.
0702702a  Cujus festa et natalem celebrat fidelium ecclesia.
0702702b  Tibi nato atque psallit cantica convexo corde dulcia.
0702703a  Fidelis namque turba hodie in arvis modulando concinat.
0702703b  Intactae matris almae viscera vox omnis plectro cum linguae boat.
0702704a  Et vati lingua: Ecce puerpera genuit Emmanuel, regem in saecula, Nutu dira qui sacro venit delere noxia.
0702704b  Et virgo sacra Deum, oraculis prophetarum promissum, magnum in saecula, Sancto plena spiritu genuit natum in terra.
0702705a  Nam inquit angelus Gabriel: Ave, virgo, plena gratia,
0702705b  Benedicta tu per saecula, a Deo electa Maria.
0702706a  Quem non capit totus orbis, in tua se clausit viscera, factus homo in terra
0702706b  Qui de poli sede clara descendit ad ima pro salute gratanter nunc nostra.
0702707a  Cui angelorum turba nato modulanti voce nunc jam concinat:
0702707b  In altis Deo gloria permaneat, in tellure nunc semperque pax.
0702708a  Quem mente pura, Nobis det ut omnia. quae sunt patris et sua praemia aeterna, Deposcimus omnes per saecula cuncta.
0702708b  Semperque pia Salus et victoria illi sit et gratia omnia per saecla, Nostra que delere venit peccamina.
0702709a  Te deprecamur omnes in hac aula, annue votis per cuncta tempora
0702709b  Et clarifica corda passim nostra, soboles patris, per omnia arva.
0702710   Quo mente pura psallere tibi queamus Alleluja.
0702800   De Nativitate Domini.
0702801a  Prome nunc concio laeta rhythmice poemata,
0702801b  Summae proli una decantans jucunda sonora.
0702802a  En for aurea cosmi climata lustrat cuncta;
0702802b  Polorum turma doxa reboant arvis dindima.
0702803a  Pace vera mundo reddita inclita demus tinnula melodemata nato in arva.
0702803b  Jesus, qui exstat ante saecula aeterna, virginis ex aula est natus pudica hodie, micans
0702804   Lux clara; beet nos ipse in aethera.
0702900   In Nativitate Domini.
0702901   Salve, exsultans
0702902a  Sancta parens, a gratia divina electa ante saecula.
0702902b  Cujus intacta viscera sunt digna, ferre regentem omnia.
0702903a  Haec ventura, ut cana cecinit patrum lingua, mox angelica
0702903b  Promunt ora Mariae, fore jam properata; fit mox credula.
0702904a  Innuba fert intra ventris claustra, quem lata non capit poli aula,
0702904b  Undisona non maris procella terrarum spatiosa nec sola.
0702905a  Inviolata Ecce puerpera genuit Emmanuel, regem in saecula, Speciosa decorum prae natis hominum forma.
0702905b  Quem tremunt cuncta Deum, oraculis prophetarum promissum, magnum in saecula, Servilia pro nobis Dominus qui tulit membra.
0702906a  Inter praesepia angusta velant tunc vilia tegmina tenentem sceptra.
0702906b  Quae lux nova micat per arva, quo nitore candent supera coeli culmina?
0702907a  Regis proles cum procedit ut sponsus ovans, quo sibi nectat firma connubia,
0702907b  Exhibendo gloriosam ecclesiam sibi sine ruga, carentem macula.
0702908a  Gaude, coelorum regina, quae pellis, benedicta, Evae crimina.
0702908b  Ima superis socians paradisi amoena redde nemora.
0702909a  Natum rogita, Nobis det ut omnia, quae sunt patris et sua praemia aeterna, Inter nitida angelorum agmina.
0702909b  Qui petit arva, Salus et victoria illi sit et gratia omnia per saecla, Qui est sophia patris ipso genita.
0702910a  Cuncta cum quo tempora componens, se nasci censuit die hodierna.
0702910b  In qua jubilamina gens da sancta per commercia acquisita mira.
0702911a  Redempta omnia psallant Domino mente pura
0702911b  Cantica concinna, coelica quae canit caterva.
0702912   Alleluja.
0703000   In Nativitate Domini.
0703001a  Prome verba consona vox nunc harmonica,
0703001b  Jam quia solemnitas instat praefulgida.
0703002a  Ignaris angelus pastoribus nuntiat praemaxima gaudia, Deum natum in urbe sancta
0703002b  Maria ex alma; uti fatur propheta, ergo pariet feta semper manens inviolata.
0703003a  Post haec nuntia sacra cum angelo juncta in altis plura agmina dant Deo gloriam.
0703003b  Redditaque benigna pace voce ipsa terrae, aethera coeli scandit rutilans turma.
0703004a  Spiritalia agnita verenter famina opiliones Christum requirunt in arva.
0703004b  Devotione adorant Dominum cernua, contectum carne, cuna positum in arta.
0703005a  Fidibus cunctis rhythmica harmonia tinnula concinat cantica et Christi natalitia lingua clara clangat et mens proba.
0703005b  Salvator noster die hac virginea prodiens de aula emicat; suos alumnos per saecla tueatur sua clementia.
0703100   In Nativitate Domini.
0703101a  Nato canant omnia Domino pie agmina,
0703101b  Sillabatim neumata perstringendo organica.
0703102a  Haec dies sacrata, in qua nova sunt gaudia mundo plene dedita.
0703102b  Hac nocte praecelsa intonuit et gloria in voce angelica.
0703103a  Fulserunt et immania nocte media pastoribus lumina.
0703103b  Dum fovent sua pecora, subito diva percipiunt monita.
0703104a  Est immensa in coelo gloria pax et in terra.
0703104b  Natus alma virgine, qui exstat ante saecula.
0703105a  Sic ergo coeli caterva altissime jubila,
0703105b  Ut tanto canore tremat alta poli machina.
0703106a  Sonet et per omnia hac in die gloria voce clara reddita. Humana concrepent cuncta Deum natum in terra.
0703106b  Confracta sunt imperia hostis crudelissima, Pax in terris reddita; nunc laetentur omnia nati per exordia,
0703107a  Solus qui condidit omnia;
0703107b  Solus qui tuetur omnia.
0703108   Ipse sua pietate solvat omnia peccata nostra.
0703200   In Nativitate Domini.
0703201   Age nunc, mitis caterva,
0703202a  Et dic verba nectarea voce cum tinnula,
0703202b  Vera instat solemnitas quia praefulgida.
0703203a  Ignaris angelus pastoribus nuntiat praemaxima gaudia, Deum natum in terra
0703203b  Maria ex alma; uti infit propheta, virgo pariet feta semper degens intacta.
0703204a  In sede politica promunt praeconia Deo angeli heriles nam fantes gloriam.
0703204b  In arvis quae linquentes pacem fidelibus, turmae coelicae tranant coelorum fastigia.
0703205a  Spiritalia agnita verenter famina opiliones Christum requirunt in arva.
0703205b  Devotione adorant Dominum cernua, contectum carne, positum cuna in arta.
0703206a  Fidibus cunctis rhythmica harmonia choritu concinant cantica natalitio in Christi lingua clara mensque proba.
0703206b  Salvator noster die hac virginea prodiens de aula emicat; suos alumnos clementer tueatur atque regat.
0703300   In Nativitate Domini.
0703301a  Venit rex in aeternum, qui praestolabatur ab origine mundi per saecla.
0703301b  Rex noster. Christus adest forma nunc indutus humana in terra.
0703302a  Alma fertur nox ista ac sacratissima,
0703302b  Aeterno qua lumine fulsit lux corrusca,
0703303a  Regna quae sanctos in cuncta saecula perducit ad coelestia.
0703303b  Decantent Deo jugiter dulcia splendida voce carmina.
0703304a  In coelis eum et terra conlaudant universa
0703304b  Ab ipso Deo condita, quia sunt valde bona.
0703305a  Gaudet simul et laetatur plebs redempta,
0703305b  Rex Deus qua carne tectus est nostra
0703306a  Dominator, princeps pacis, qui lux es vera fulgens per cuncta,
0703306b  Adjuva nos, ut possimus psallere digna tibi carmina
0703307   Aeterna per saecla.
0703400   De Nativitate Domini.
0703401a  Psalle jam, turba laeta, cui cantat superna caterva.
0703401b  Rex ecce noster Christus adest forma nunc indutus humana in terra.
0703402a  Alma fertur nox ista atque sacratissima,
0703402b  Aeterno qua lumine refulsit lux beata.
0703403a  Regna quae sanctos in cuncta saecula perducit ad coelestia,
0703403b  Ut cantent Deo jugiter dulcia splendida voce carmina.
0703404a  In coelum eum et terra conlaudant universa
0703404b  Ab ipso Deo condita, quia sunt valde bona.
0703405a  Gaudet simul et laetatur plebs redempta,
0703405b  Rex Deus quia carne tectus est nostra.
0703406a  Dominator princeps pacis, qui lux es vera, clarificans jam omnia,
0703406b  Adjuva nos, ut possimus psallere digna tibi Domino cantica
0703407   Per sempiterna semper saecula.
0703500   In Nativitate Domini.
0703501a  Coeleste organum hodie sonuit in terra.
0703501b  Ad partum virginis superum cecinit caterva.
0703502a  Quid facis humana turba, cur non gaudes cum supera?
0703502b  Vigilat pastorum cura, vox auditur angelica.
0703503a  Cantabant inclita carmina, plena pace et gloria.
0703503b  Ad Christum referunt propria, nobis canunt ex gratia.
0703504a  Nec cunctorum sunt haec dona, sed mens quorum erit bona.
0703504b  Non sunt absolute data differenter sed prolata.
0703505a  Affectus deserat vitia, et sic nobis pax est illa, quia bonis est promissa.
0703505b  Junguntur superis terrea, ob hoc quidem laus est juncta, sed decenter est divisa.
0703506a  Gaude, homo, cum perpendis talia.
0703506b  Gaude, caro, facta Verbi socia.
0703507a  Nuntiant ejus ortum aethera lucis per indicia.
0703507b  Subeunt duces gregum lumina Bethlem usque praevia.
0703508a  Invenitur rex coelorum inter animalia,
0703508b  Arto jacet in praesepi rex, qui cingit omnia.
0703509a  Stella maris, quem tu paris, colit hunc ecclesia;
0703509b  Ipsi nostra per te pia placeant servitia.
0703510   Jam dicantur alia.
0703600   In Nativitate Domini.
0703601a  Veneranda die ista pax hominibus est data
0703601b  Et aeterna laetitia atque beata gloria.
0703602a  Jam lux divina mundo resplenduit clara, ut mens humana
0703602b  Obscuritate pulsa manifeste videret, quae sunt bona
0703603   Et caperet scienter illa, unde gaudeamus modo et per cuncta saecula.
0703700   In Epiphania Domini.
0703701a  Epiphaniam Domino canamus gloriosam,
0703701b  Qua prolem Dei vere magi adorant.
0703702a  Immensam Chaldaei cujus Persaeque venerantur potentiam,
0703702b  Quem cuncti prophetae praecinere venturum gentes ad salvandas.
0703703a  Cujus majestas ita est inclinata, ut assumeret servi formam.
0703703b  Ante saecula qui Deus et tempora, homo factus est in Maria.
0703704a  Balaam de quo vaticinans, exibit ex Jacob rutilans, inquit, stella
0703704b  Et confringet ducum agmina regionis Moab maxima potentia.
0703705a  Huic magi munera deferunt praeclara aurum simul thus et myrrham.
0703705b  Thure Deum praedicant, auro regem magnum, hominem mortalem myrrha.
0703706a  In somnis hos monet angelus, ne redeant ad regem commotum propter regna.
0703706b  Pavebat etenim nimium regem natum verens amittere regni jura.
0703707a  Magi stella sibi micante praevia pergunt alacres itinera, patriam quae eos ducebat ad propriam linquentes Herodis mandata.
0703707b  Qui perculsus corda nimia prae ira extemplo mandat, eludia magica non linqui taliter impunita, sed mox privari eos vita.
0703708a  Omnis nunc caterva tinnulum laudibus jungat organi pneuma,
0703708b  Mystice offerens regi regum Christo munera pretiosa,
0703709   Poscens ut per orbem regna, omnia protegat in saecula sempiterna.
0703800   In Epiphania Domini.
0703801a  Alleluja nostri promat chori caterva
0703801b  Laude beata propria Deo reddens vota.
0703802a  Concinat ipsa laeta melodia sonora sacra praeconia.
0703802b  Gaudeat omnigena plebs redempta per ampla telluris spatia.
0703803a  Laetabuda dies quia nunc rutilat, Epiphania Christi dedicata.
0703803b  In qua plura Dei sonant mysteria trinitatis et gloria unica.
0703804a  Adoratur hic intra positus cunabula, salus factus inclita, gentium et rex imperans omnia.
0703804b  Hac quoque die ipsa sanctificat flumina lavat et membra sua, diluens nostra foeda peccamina.
0703805a  Hic antiqua renovatur jam natura, quam iniqua foedarat olim sententia.
0703806b  Baptizatur Christus lympha et humana conditio a noxa purgatur dolosa.
0703807a  Mox spiritus super aqua manet sanctus consecrata veluti columba intonat ac voce paterna:
0703807b  Proles mea haec dilecta, quam genui ante saecla; credite in ipsa, est quia mihi complacita.
0703808a  Post nuptialia inter convivia in vinum vertitur aqua hujus mira potentia.
0703808b  Hac virtute sua perfrui gloria faciat nos perpetua ipse, qui regnat aeterna
0703809   Semper in saecla.
0703900   In Epiphaniam Domini.
0703901   Jam dies instat alma, qua proles diva nobis est revelata.
0703902a  Laudat jam nunc una connexa plebs utraque a Christo redempta
0703902b  Pandens ipsa laeta hodierna mysteria fide devota.
0703903a  Ferat munera sic plena ac mystica, aurum, thus, myrrham mente pura,
0703903b  Christum quae summa declarant potentia regnare per saecula cuncta.
0703904a  Celebrantes nunc solemnia concio praesens clarissima die ista
0703904b  Enarremus voce praecomta canendo Christi magnalia gloriosa.
0703905a  Nascitur virginea idem vulva, qui est ante saecula infinita.
0703905b  Sugit matris ubera, jacet intra praesepe gubernans universa.
0703906a  Ipse duce nova ad sua cunabula duxit magos stella veneranda,
0703906b  Offerentes dona regia, testantia divam atque humanam naturam.
0703907a  Sonat Christi fama per urbis moenia, patent inaudita stellae miracla, regia contremunt imperia atque Jerosolyma tota.
0703907b  Vocantur Hebraea ad haec concilia, pandunt quae descripta loca, properant reddita Bethlehem magi via, ferunt munera Deo sacra.
0703908a  Sic via directa ad tua duc nos, Christe, regna sempiterna.
0703908b  Quo digna munera tibimet offeramus semper fide munda
0703909   Atque patriam ad nostram redeuntes vivamus vita sempiterna.
0704000   In Transfiguratione Domini.
0704001   Sempiterna
0704002a  Virtute cluit cuncta Dominus regens creata,
0704002b  Cujus in caltudia resonemus organica,
0704003a  Quod die una Petro, Johanni, Jacobo annuit dextera
0704003b  In Olympica nitens juga quibus coram se praebet figura.
0704004a  Vestimenta ut nix alba, facies ut phoebicoma.
0704004b  Petrus spectat duo una cum Moyse, cum Elia.
0704005a  Ajens hero: eja, tabernacula condamus hic tria.
0704005b  Mox a nube clara placida umbra vox procedit magna:
0704006a  Prole mea dilecta in me complacita
0704006b  Audite jam sophiam aure cum intima.
0704007a  Majestas est sola regis excelsa,
0704007b  Quae dedit praecepta celanda illa.
0704008a  Haec est pulchra festa cosmi per cuncta
0704008b  Adhuc videbitur talis idea.
0704009a  Princeps Petre, jam praecinendo nunc tuma haec, tua familia
0704009b  Supplex te rogat in hac festa praecelsa, quo nos ducas ad illa
0704010   Coelica tecta, quo est trinitas sancta.
0704100   In Vigilia Paschae.
0704101   Jubilate Deo omnis arva,
0704102   Quia hodie rex heros conditus antro quievit in sepulchri aula.
0704103   Porta obtrusa mulieres ocius pergentes cum aromata pulchra cernunt illic adesse angelorum custodiam,
0704104   Qui Jesum vivere affantur.
0704200   In Vigilia Paschae.
0704201   Jam turma coelica
0704202   Laeta reboans jubilat nova melodemata
0704203   Regi, triumphalia,
0704204   Vexilla reportat qui post tartarea spolia; nostra canat turma
0704205   Sociata super astra tinnula quis voce tonans perenne Alleluja.
0704300   In Vigilia Paschae.
0704301   Alleluja hoc pium recitat plebs nova nunc laeta.
0704302   Quia resonant trophea Christi jam pretiosa.
0704303   Et nox instat, in qua tartara lugent evacuata.
0704304   Tu contra renata ex aqua jubila Domino cantica caterva inclita.
0704305   Tibi vita restituta nunc perpetua,
0704306   Ut reiterata se solvat peccamina. Amen.
0704400   In festo Paschae.
0704401   Fulgens praeclara
0704402a  Rutilat per orbem hodie dies, in qua Christi lucida narrantur ovanter proelia,
0704402b  De hoste superbo quod Jesus triumphavit pulchre castra illius perimens taeterrima.
0704403a  Infelix culpa Evae, qua caruimus omnes vita.
0704403b  Felix proles Mariae, qua epulamur modo una.
0704404a  Benedicta sit celsa regina illa
0704404b  Generans regem spoliantem tartara,
0704405a  Pollentem jam in aethera. Rex in aeternum, suscipe benignus praeconia nostra Sedule tibi canentia.
0704405b  Patris sedens ad dexteram, Victor ubique, morte superata atque triumphata Polorum possidens gaudia.
0704406a  O magna, o celsa, o pulchra clementia Christi, luciflua, o alma.
0704406b  Laus tibi honorque ac virtus, qui nostram antiquam leviasti sarcinam.
0704407a  Roseo cruore agni benignissimi empta florida micat haec aula.
0704407b  Potenti virtute nostra qui lavit facinora, tribuit dona fulgida.
0704408a  Stupens valde in memet jam miror hodierna
0704408b  Tanta indignis pandere nobis sacramenta.
0704409a  Stirpe Davidica Ortus de tribu Juda, leo potens surrexit in gloria, Agnus visus in terra.
0704409b  Fundans olim arva, Regna petens supera, justis reddens praemia in saecula Dignanter ovantia.
0704410a  Dic, impie zabule, quid valet nunc fraus tua?
0704410b  Igneis nexus loris a Christi victoria.
0704411a  Tribus, linguae, admiramini, quis audivit talia mysteria,
0704411b  Ut mors mortem sic superaret, rei perciperent talem gratiam!
0704412a  Judaea incredula, cur manes adhuc inverecunda?
0704412b  Perspice christicolas, qualiter laeti scandunt inclita
0704413a  Redemptori carmina. Ergo, pie rex Christe, nobis dans peccamina Solve nexorum vincula.
0704413b  Electorum agmina Fac tecum resurgere ad beatam gloriam, Digna rependens merita.
0704414a  Paracliti sancti consolationem piam
0704414b  Exspectamus secundum promissionem tuam
0704415a  Peracta ascensionis sancta solemnia,
0704415b  Qua es regressus in coelum nube tectus clara,
0704416   Pollens laude aeterna.
07044a15a Efflagitantes ab ipso secreta pangi gaudia.
07044a15b Ubi habere possimus per infinita saecula.
07044a16  Cum Christo gloriam. Amen.
0704500   Dominica Paschae.
0704501   Canat omnis turba
0704502a  Fonte renata spiritusque gratia
0704502b  Laude jucunda et mente perspicua.
0704503a  Jam restituta pars est decima, fuerat quae culpa perdita.
0704503b  Sicque jactura coelistis illa completur in laude divina.
0704504a  Ecce praeclara dies dominica
0704504b  Enitet ampla per orbis spatia,
0704505a  Exsultat in qua plebs omnis redempta,
0704505b  Quia destructa mors est perpetua.
0704506a  Dum Christus, mundi vita, infera adit claustra, statim turba daemonum valida
0704506b  Exclamat tremefacta: quae potentia tanta ita nostra penetrans atria?
0704507a  Laxa sunt vincla captivorum omnia,
0704507b  Cessarunt alta fletuum suspiria.
0704508a  Virtute nostra ad nihil redacta
0704508b  Patimur ipsa jamque supplicia.
0704509a  Post ista flebilia daemonum famina sine mora alligat.
0704509b  Confracta sunt limina carceris omnia regis ad imperia.
0704510a  Illico plebs captiva genua amplexans dominica,
0704510b  Libera jam effecta exclamat voce sic humillima:
0704511a  Christe, qui tua potentia venisti nostra
0704511b  Pius absolvere vincula salute data,
0704512a  Nos ad regna transfer aetherea patria reddita pristina dudum fraudata.
0704512b  Redde nova saeculo gaudia resurgens cum magna gloria morte perempta.
0704513a  Post peracta insignia redemptor mirabilia
0704513b  Corda sua praesentia refovet apostolica.
0704514a  Agnita facie dominica gaudet ipsa caterva pacis inclita.
0704514b  Vulnera adspectant egregia perspicua oculorum instantia.
0704515a  O quam ineffabilia enarrat dies ista laudiflua virtutum Dei magnalia,
0704515b  In qua lege mortifera seducta plebs est a Christo redempta gratiaque data superna.
0704516a  Peccata veteris cuncta culpae soluta,
0704516b  Praemia quoque reddita sunt coelestia.
0704517a  Laudum digna hac die sacra concinat poemata chorda laeta, voce pudica concio nostra, coelica cui sonant semper organa.
0704517b  Solemnia Paschae beata annua celebritate revolvat mente devota facta libera, mystica redemptori solvens munia.
0704518   Vita Christus nostra faciat universa sibimet digna.
0704600   Feria II Paschae.
0704601   Cuncta simul
0704602a  Instantia Christo canat solemnia
0704602b  In die, qua spoliat Christus tartara.
0704603a  Mors quippe saeva potestate cum tyrannica
0704603b  Crucis vulnera Christo rerum patrat inscia,
0704604a  Ut exstingueret hunc, qui est saeculi vita.
0704604b  Sed morte pia Christi fuit superata.
0704605a  Nam ingressus profunda tartari latibula
0704605b  Captivos forte vinctos levavit ad supera
0704606a  Atque coelorum secum transtulit ad habitacula.
0704606b  Ubi etiam regna nobis dedit immortalia,
0704607   Quibus fruamur per saecla.
0704700   Feria III Paschae.
0704701a  Prome, casta concio, carmina organa subnoctens hypodorica.
0704701b  Regi claustra Deo tartarea rumpenti decanta nunc symphonia.
0704702a  Morte qui victa, resurgens gaudia mundo gestat colenda.
0704702b  Ac insolita morantes perdita Cocyti confinia
0704703a  Adspectant lumina intrante illo vita beata.
0704703b  Terrore perculsa tremescit daemonum plebs valida.
0704704a  Dant suspiria fletuum alta: repagula quis sic audax fregerit mirantur tunc fortia.
0704704b  Sic ad supera redit cum turma gloriosa et timida refovet discipulorum corda.
0704705a  Praecelsa hujus trophaea admirantes flagitemus nunc voce decliva,
0704705b  Virginum inter agmina mereamur pretiosa colere ut Pascha
0704706   Gallilaea inque sacrata praefulgora contueri lucis exordia.
0704800   Feria V Paschae.
0704801   Laetabunda
0704802a  Nunc imminet in terris festa praeclara,
0704802b  In qua potens confregit taetra tartara.
0704803a  Manu bellica protoplasti resolvit vincla,
0704803b  Immortalia tribuendo reddidit dona.
0704804a  Mirantur omnia angelorum agmina,
0704804b  Tremescunt valida impiorum scelera.
0704805a  Ortus ac occasus, mare atque pulchra arva,
0704805b  Clangite pro modo regis aeterni carmina.
0704806a  Nosque pro posse solvamus ovanter jam praeconia.
0704806b  Laus, decus, honor tibi Deo nostro sit per omnia
0704807   In aeternum. Alleluja.
0704900   Feria VI Paschae.
0704901   Solemnem diem celebret plebs inclita atque praeclara,
0704902a  In qua Dominus redemptor surrexit victor antiqua morte superata.
0704902b  Confregit claustra inferni, potens potenter liberat sanctorum animas.
0704903a  Gaudent omnes pariter dicentes: Tibi sit gloria,
0704903b  Qui de coelesti regno propter nos venisti in terra.
0704904a  O adoranda trinitas, veneranda unitas, majestas aeterna et claritas et pax perpetua.
0704904b  Nostrorum quoque crimina per sanctorum merita, o rex clemens pie et domine, solve vincla cuncta.
0704905a  Te laudat cuncta polorum caterva et angelica et coelorum sancta agmina.
0704905b  O bone rex, nostra tibi vox pangat, ut mereamur esse in sanctorum gloria
0704906   Per cuncta semper saeculorum saecula.
0705000   Feria sexta Paschae.
0705001a  Ecce vicit. radix David, leo de tribu Juda.
0705001b  Mors vicit mortem, et mors nostra est vita.
0705002a  Mira bella atque stupenda satis inter omnes victorias,
0705002b  Ut moriens sic superaret fortem cum callida versutia.
0705003a  Domum ejus ingressus est rex aeternus et Arverni confregit vasa.
0705003b  Drachmam secum, quae perierat, portavit, et patefecit regni claustra.
0705004a  Paradisi portam, quae clausa fuerat
0705004b  Per lignum vetitum et culpam letalem,
0705005a  Quam comisit protoplastus, reseravit dextra per stipitem, aetheream.
0705005b  Susceperat mors indemnem, quem tenere nunquam potuerat propter culpam.
0705006a  Dum ambiit illicita, quae tenebat juste perdidit acquisita.
0705006b  Ampliare voluerat in successu et remansit evacuata.
0705007a  In se refuscata defecit extremitas, ut quibus ad vitam fuerat largitus ingressus, donaret et regressus ad percipiendam veniam.
0705007b  Hic verus est agnus legalis, qui in multis se manifestavit figuris, tandem se pro mundo hostiam dedit patri, ut redimeret membra sua.
0705008a  Hic lapis est angularis, quem reprobaverunt constructores.
0705008b  Jam factus est in caput anguli super omnes in excelso.
0705009a  Regnum ejus magnum et potestas ejus et honor
0705009b  Manens in aeternum per cuncta semper saeculorum
0705010   Saecla. Amen.
0705100   Feria sexta Paschae.
0705101   Creator poli rexque terrae,
0705102a  Qui semper es salvator gloriosus,
0705102b  Qui hominem perditum reparasti
0705103a  Nunc tuos famulos salva, Christe, alme rex, a delictis,
0705103b  Ut semper dextera tua salvi ac tuti laudes canant.
0705104a  Gloria tibi semper sit, Jesu Christe, in aeternum,
0705104b  Qui super astra regnas a dextris patris in excelsis.
0705105a  Angelicis choris digneris voces conjungere et nostras.
0705105b  Post labem effecti coelibes mansuris sistamus laudibus.
0705106a  Laus tibi sit, Domine, sancte pater, in aevum,
0705106b  Qui regnas cum filio et cum sancto spiritu.
0705107a  Dignare, Domine, preces nostras acceptare in Christo.
0705107b  Simus perenniter te Dominum collaudantes ubique
0705108   Nunc et semper feliciter.
07051a06a Ignoremus poenam malorum fulti gloria.
07051a06b Conregnemus conjuncti agno sine macula.
07051b06a Dignare, Domine Jesu rex
07051b06b Alme nos custodire a malo
07051b07  Bonisque omnibus repleri. Amen.
07051c07a Proclamat et tuba Deus nostra
07051c07b Tibi maneat summa doxa
07051c08  Et cuncta per saecula coelo atque terra.
0705200   In Sabbato Paschae.
0705201   Adest enim festa paschalia, redemptio nostra.
0705202a  Christus surrexit victor vincens tartara nosque redemit morte dira.
0705202b  Propter Adae culpam lugent tartara, et almi fulgent in gloria.
0705203a  Lux vera Deus, victor qui regnat in saecula
0705203b  In trinitate et unitate cum gloria.
0705204a  Nos exspectamus eorum suffragia, qui regnant cum Deo laeti simul per astra;
0705204b  Ut precibus eorum mereamur ad aethra jungere semper deorum digna
0705205   Hic et in aevum habitacula.
0705300   In Octava Paschae.
0705301   O beata et
0705302a  Venerabilis virgo Maria alma,
0705302b  Quae sola digna fuisti tu praecelsa --
0705303a  Inter omnes mulieres apparuisti grata sublima --
0705303b   Ut ex te oriretur sol, qui regnat in aeterna saecula.
0705304a  Cum esset in nubilo, refulsit in antris saevis.
0705304b  Daemones mirantur nimis anxie cruciati
0705305a  Inquirentes: Quis est iste rex tam fortis, tam potens?
0705305b  Claustra ingressus est nostra cuncta confregit vasa.
0705306a  Potestas aeterna haec est nimium valida,
0705306b  Latuitque nobis ista tam mira caritas.
0705307a  Migrans de mundo sol rutilans ad astra poli ignea gerens miracla.
0705307b  Patriarcharum clamat chorus: redemptor venit, solvere nos a vinculis.
0705308a  Sol justitiae oritur, quem exspectabamus, disrumpere jugum saevum,
0705308b  Solvere vinctos, retrusos in ergastula, nostra vacabant suspiria.
0705309a  Et eripuisti vinctos trophaea nos tua ex inferno sacra morte libera.
0705309b  Laeta processit cum Christo beatorum agmina in coelorum sede secreta.
0705310a  Portans, quae perierat drachmam,
0705310b  Gaudet angelorum caterva.
0705311a  Christum laudemus hodie, pascha jucundemur plurimis sacris
0705311b  Hymnorum tonis reboantes, ad aulam regis perveniamus,
0705312   Ut sine fine fruamur alma.
0705400   In Resurrectione Domini.
0705401   Clara gaudia, festa paschalia
0705402a  Congaudet coetus per omnia
0705402b  Dulce decantans Alleluja.
0705403a  In qua Christus per crucem redemit animas inferno deditas,
0705403b  A protoplasto quotquot in hoc saeculo progenitae fuerant;
0705404a  Patriarcharum omniumque simul prophetarum regum pontificum
0705404b  Detinebantur claustra tartarea mortis -- cruore retrusae
0705405a  Donec victor mortis dominus omnium atque sanctus sanctorum,
0705405b  Cum crucis trophaeo infernum penetrans abegit claustra saeva.
0705406a  Quis es, daemones ululant, crucifer, qui nostra ut Deus solvis vincula cuncta?
0705406b  Fugans tenebras fulgurat theatralis horror rutilans lumine perlustrata.
0705407a  Clamabant sancti: advenisti, o jam Domine, regum rex, ave,
0705407b  Quem olim vates praecinere, jam nos salva, redemptor, rex Christe!
0705408a  Tunc Jesus cum laeta sanctorum gloria processit nostra vita,
0705408b  Cui psallere laudes sub omni cardine non cessat omnis aetas
0705409   Decantans Alleluja.
0705500   In Resurrectione Domini.
0705501   Turba proclama laeta,
0705502a  Laude corona facta prome divina,
0705502b  Jam instituta superna disciplina.
0705503a  Christi sacra per magnalia es quia de morte liberata,
0705503b  Et destructa inferni claustra janua et coeli patefacta.
0705504a  Jam nunc omnia, coelestia, terrestria virtute gubernat aeterna.
0705504b  In quibus sua judicia semper aequa dat auctoritate paterna.
0705505a  Ab arce superna veniens ad ima, factus est ex vulva virginis intacta caro nostra.
0705505b  Illustravit saecla apparens perdita, manifestans sua et patris dogmata gloriosa.
0705506a  Solvit ipse crucis ara nostra vincula, factus hostia immaculata.
0705506b  Castra diremit iniqua virtute mira, suos ad superna vexit regna.
0705507a  Sic angelica et humana creatura Christi morte pacificata.
0705507b  Ipse pro nostra passus noxa, lavans membra, surgit in vita sempiterna.
0705508a  Laudum pia vota solvat ecclesia, cari moderata resonet fistula voce laudiflua, mente pura Christi proelia copiosa;
0705508b  Christus quia nostra lavit peccamina ac morte perempta vivit in gloria, contulit praemia coelestia, regna reddidit sempiterna.
0705509a  Ipsi doxa honorifica sit in saecula semper aeterna,
0705509b  Virtus summa, laus perpetua honor et potestas sine meta.
0705510   Cui nova cantica depromat nostra vox excelsa.
0705600   In Resurrectione Domini.
0705601a  Rutilat per orbem praeclara dies ista, in qua lucida Christi enarrantur proelia.
0705601b  Hostis qui superba antiqua stravit imperia, castra illius perimens taeterrima.
0705602a  Infelix Evae culpa aeterna nos privavit vita.
0705602b  Proles Mariae celsa ad regna revocavit coelica.
0705603a  Benedicta sit ipsa mundi regina,
0705603b  Qua vita nostra prodiit in saecula.
0705604a  Jam nunc qui regis omnia Rex in aeternum, suscipe benignus praeconia nostra Haec vota tibi solventia.
0705604b  Qui jussa complens paterna, Victor ubique, morte superata atque triumphata, Cum magna resurgis gloria.
0705605a  Jam nostra te laudat camoena moderata tua gratia hac die sacra.
0705605b  Te cuncta caterva redempta benedicit una per ampla mundi spatia.
0705606a  Qui cruce perempta hostis callida versutia infera spolias claustra
0705606b  Fersque tuum plasma ad coeli summa palatia, florida collocans aula.
0705607a  Jam tua morte beata, Christe, plebs redempta
0705607b  Supplicat, vitae tempora praestes ut quieta.
0705608a  Nam salutis causa Ortus te tribu Juda leo potens surrexisti in gloria Nos tua liberans dextera.
0705608b  Das quibus munia Regna petens supera, justis reddens praemia, in saecula Trutina exigis aequa.
0705609a  Te tua familia, Christe, precatur una
0705609b  Ut perimas vitia augeas et merita.
0705610a  Corda nostra nunc vivifica, qui pandens sepulchra hac die plura
0705610b  Tecum multa patrum corpora revelasti tua virtute mira.
0705611a  Semper tibi gloria, cui subdita mors est et vita,
0705611b  Potestas omnis data ac judicia coelis et terra,
0705612a  Universa commoda. Ergo, rex pie Christe, nobis dans peccamina Resolve nostra omnia.
0705612b  Et indulta venia Fac tecum resurgere ad beatam gloriam, Vita reformans aeterna.
0705613a  Paschalia quoque festa per ista annua
0705613b  Suscipias nostra, precamur, ministeria.
0705614a  Cuncta dans commoda summa semper ministra gaudia,
0705614b  Tuaque gratia vivat plebs redempta in saecla
0705615b  Intra polorum castra laudabillima.
0705700   In Resurrectione Domini.
0705701   Alleluja,
0705702a  Quoniam vita resurrexit nostra,
0705702b  Canat mens proba voce laudiflua.
0705703a  Haec dies est illa, in qua mortis destructa sunt jura,
0705703b  Et qua fraude dira turba dudum captivata redempta.
0705704a  Agmina sublimia, numero diminuta, integra sunt facta die ista dominica gratia.
0705704b  Creatura humana, per offensam perdita, per ligni trophaea est coelica reducta ad culmina.
0705705a  Sic unita caterva celebrat propria solemnia,
0705705b  Quae cum stola candida species indicat angelica.
0705706a  In cujus praeclara vultus praesentia corruunt territa custodum agmina visione fulguris simulata.
0705706b  Mulierum corda dum pavent timida, voce melliflua clementer prolata angelica confortant alloquia:
0705707a  Non, inquit, illa hic caro sancta est cruce passa.
0705707b  Sed cum gloria vivit in vita jam perpetua.
0705708a  Hac voce percepta praecona socia athletum concilia nuntiant audita et visu probata de Jesu Christo testimonia.
0705708b  Turba dehinc apostolica dubia dum manet, hac de causa subintrans atria Christus ipse clausa, satis certa refert probamina.
0705709a  Sic nostra penetrans clausa cordis secreta
0705709b  Confortet gratia sua in pace nos
0705710   Aeterna.
0705800   In Resurrectione Domini.
0705801   Gaudeat ecclesia, innovant gaudia haec festa paschalia.
0705802a  Candidata nunc agmina Christo laeta promant carmina,
0705802b  Nova personent famina, Christus mundi lavit crimina.
0705803a  Mortis passus supplicia mortis fregit imperia.
0705803b  Signa gerens victricia surrexit die tertia.
0705804a  Tunc Maria Domino dilectissima surgens mane die dominica
0705804b  Aromata deportat suavissima ad ungenda membra dominica.
0705805a  Angelus adfuit in veste candida, facie rutilans sicut sol fulgida, sedens in parte sepulchri dextera.
0705805b  Nuntiat Mariae optata gaudia: Christus, qui passus est crucis suspendia, redemit mundum spolians infera.
0705806a  Nunc intuere, ecce signa perspicua. cerne sepulchri loca vacua.
0705806b  Surrexit vere secundum promissa sua, triumphans morte de perpetua.
0705807a  Patri reportans nova trophaea sanctis tribuit regna siderea.
0705807b  Cunctis nuntia haec verba mea, vobis videbitur in Gallilaea.
0705808a  Venit Maria nuntians talia, tunc discipuli praesignant gaudia damnata de morte tristitia.
0705808b  Stupet Judaea, plena perfidia, Christo dilecta gaudet ecclesia exsultans de tanta laetitia.
0705809a  Et nos inter tanta solemnia
0705809b  Conlaudemus Dei magnalia.
0705810   Cui nunc et semper sit gloria.
0705900   In Resurrectione Domini.
0705901   Clara resonant nunc organa,
0705902a  Quia pascha celebrat nova turba refecta spiritali azima.
0705902b  Regna in qua, veritas atque vita reddita patria clariflua.
0705903a  Ex arce summa paternaque dextera Proles divina petens ima de virginea nascitur vulva, Cum carne vera homo factus in terra.
0705903b  Mundo mystica illustrato doctrina Crucis stigmata gloriosa subiit pro salute humana Traxitque sua regnum ad imperia.
0705904a  Sic vere digna hostia probata, in ara crucis immolata, nostra resolvit peccamina.
0705904b  Per hanc antiqua mors est superata, et vita mundo restituta, regnaque redempta cativa.
0705905a  Hostis iniqua perempta versutia ac tyrannica potestate superata, Christus splendida ad aethra fert spolia.
0705905b  Tantae peracta gloriae victoria, carne humana iterum glorificata, vestiri sua voluit potentia.
0705906a  Qua reinduta surrexit in vita jam perpetua simulque plura justorum defuncta corpora, veridica ut ferunt scripta.
0705906b  Quae satis fida demonstrant exempla atque provida, sperare summa resurrectionis gaudia post finita aevi tempora.
0705907a  Jam cantica praedulcia voce celsa
0705907b  Ecclesia promat laeta laude digna.
0705908a  Quia mors est dira triumphata
0705908b  Vita surrexitque Christus nostra.
0705909a  Ipsi gloria sit honorifica, cui famulatur una mors atque vita omnia per creata,
0705909b  Sol sive luna, decora lumina, terra, maria, sidera et poli clara, mundi machina tota.
0705910a  Cujus gratia sempiterna plebis alma gubernet pectora, Quo fide pura mereatur illi digna Ac perspicua voce sacra praelibata supplere cantica.
0705910b  Jam corde laeta suum pascha colit ampla per orbis spatia. Ut quae fuerat perdita sub morte dira, Nunc per divina sacramenta adinventa exsultet libera.
0705911a  Victori celsa cum gloria persona laude digna, vox nunc clara mensque pudica,
0705911b  Qui sic tartara saevissima propria potentia sternens liberat suum plasma
0705912   In saecula.
0706000   In Resurrectione Domini.
0706001a  Coelica terrenaque simul turba
0706001b  Personant nunc laeta pace reddita.
0706002a  Dies ista pacifera perpetua mundo nuntiat gaudia,
0706002b  Mors est in qua superata liberata et conditio humana.
0706003a  Inferni claustra superba penetrat cum magna Christus gloria.
0706003b  Disrumpit vincla iniqua, effugat omnia potens nubila.
0706004a  Captiva sic turba redditur libera rupta culpae catena.
0706004b  Exsultantque pia justorum agmina et plaudunt voce digna.
0706005a  Vertuntur sua in tortores fera supplicia potestate tyrannica victa.
0706005b  Cadunt intima atque luctuosa suspiria, remedia et surgunt aeterna.
0706006a  Sancti jam tanta percepta gratia gaudia metunt suprema.
0706006b  Lugent absorpta atria infera, superna gaudet patria.
0706007a  Mortis lege dira Christus perempta redit victor ad arva.
0706007b  Cui mente prona personans gloria, psallit nostra caterva
0706008   Festivum Alleluja.
0706100   In Resurrectione Domini.
0706101   Dic nobis, quibus e terris nova
0706102a  Cuncto mundo nuntians gaudia
0706102b  Nostram rursus visitas patriam?
0706103a  Respondens placido vultu dulci voce dixit: Alleluja,
0706103b  Angelus mihi de Christo intimavit pia miracula.
0706104a  Resurrexisse dominum siderum cecinit voce laudanda.
0706104b  Mox ergo pennas volucris vacuas dirigens laeta per auras
0706105a  Redii, famulis ut dicam, renovatam legem veterem et novam regnare gratiam.
0706105b  Itaque plaudite, servuli, voce clara; Christus hodie redemit nos a morte dira.
0706106a  Pater filium Tradidit, servi interemerunt pro salute nostra.
0706106b  Sponte subiit filius mortem, ut nos redimeret morte ab aeterna.
0706107a  Jam nunc requiem capere licet omnibus et vita frui perpetua.
0706107b  Nunc recolite pariter mecum, famuli, celebri laude sanctum Pascha.
0706108   Christus est pax nostra.
0706200   In Resurrectione Domini.
0706201   Festus adest nobis
0706202a  Cunctis nimium venerandus dies,
0706202b  Quos verus pius refovet ubique.
0706203a  Suos gaudet esse secum suique dilecti in aevum maneant laetantesque
0706203b  Cum pastore pio, qui derelictis nonaginta novem ovibus in deserto,
0706204a  Propter unam erraticam; sublimem gaudent jam chori in polo.
0706204b  O pater et aeterne, o cunctis largitor o pius infirmis!
0706205a  Christe, qui famulos tuos consolaris, qui spem promisisti, ut polos scanderent,
0706205b  Miserere tibi juste supplicantum, adjuva nunc ipsos, quos tu redemisti.
0706206a  Tibi, Domine, pastor bone, decet laus honorque
0706206b  Et imperium semper in saecula saeculorum.
0706300   In Resurrectione Domini.
0706301   Gaudens mater pange laudes ecclesia,
0706302a  Quia surrexit salvator,
0706302b  Cujus dies hodierna,
0706303a  Et sol post tenebras
0706303b  Diem irradiat.
0706304a  Sic Christus post tartara
0706304b  Te surgens illuminat.
0706305a  O mira Dei clementia, quae tanta habita
0706305b  Confers creatis indesinenter beneficia.
0706306a  O salus perpetua tam
0706306b  Morte potenter devicta
0706307a  Largita quae benigne vitam.
0706307b  En canimus pium Pascha.
0706308a  Etenim, ex quo amisit Adam volens vitam,
0706308b  Clausa fuit, usque tuo sanguine rompheam
0706309a  Stinxisti in cruce fixus idemque de morte transiens ad vitam.
0706309b  Quam nobis ipse possidere praesta, tu es enim omnium vita.
0706310a  Dies haec festa omnibus expletis laeta tibi vere debet esse unica,
0706310b  Te resurgente tibi dedicata, qui a morte mundum reduxisti ad vitam.
0706311a  Largire tu nobis clemens vitae gaudia,
0706311b  Paradiso reduc, qua valeamus nectarea
0706312   Tibi referre cantica et concrepare Alleluja.
0706400   In Resurrectione Domini.
0706401   Haec est praeclarae solemnitatis hodiernae festivas,
0706402a  Cunctis Domini fidelibus firmiter honore celebranda
0706402b  Atque nobis cum gaudio feliciter omnibus recolenda.
0706403a  Hodie surrexit Christus, salus nostra. Atque Mariae Magdalenae prius voluit pastor ostendere sacratissima sua membra
0706403b  Quam discipulis suis ipse vita. Qui est lux, via et veritas et sine fine perennis gloria, simul trinitas et unitas.
0706404a  Qui pro nobis sustinuit Deus ipse creator poenam, ut purgaret nostra facinora.
0706404b  De sepulchro resurrexit agnus, qui Deus simul et homo cum patre regnat per saecula.
0706405a  O lux splendida, in coelis regnans perpetua,
0706405b  Suscipe vocis nostrae laudes devotissimas.
0706406a  Ut ignoscas nobis, quae gessimus, crimina,
0706406b  Sicut precamur voce valde humillima.
0706407a  O quam beata es mundi salus,
0706407b  O quam stupenda et gloriosa!
0706408a  In coelis ab angelis admiranda,
0706408b  Resurrectionis festa praecellens,
0706409a  Cunctis sublimior ceteris, obtinet nomen sacrum, corrusca luce, gloria fulgentissima,
0706409b  Satis laetabunda; ideo poscimus omnes sanctorum suffragia, ut mereamur gloriam,
0706410   Quam Christus promisit sanctis, regnare in coelis sine fine perpetua.
0706500   In Resurrectione Domini.
0706501   Haec est vera redemptio et celsa festa,
0706502a  Mors sanguinum triumphata,
0706502b  Monumentum margarita
0706503a  Redditur, rutilat
0706503b  Clara atque digna
0706504a  Nec non tota fulgida.
0706504b  Quem cernit primum Maria.
0706505a  Vexillum crucis jam sublimatur, dicata membra
0706505b  Agni cruore mamantis latere est redempta.
0706506a  Insignis victoria Per lignum quod jam notaverat
0706506b  Diluens nostra facinora Contulit remedia.
0706507a  Et hujus mundi jam principem bellans alligat,
0706507b  Inferni claustra demolit abstrahens spolia.
0706508a  Adae solvit culpam, labuerat esca obnoxius in hac aerumna.
0706508b  Perducit ad vitam, quem expulit culpa, et collocat in coelestia.
0706509a  Voce obnixa omnes mente prona pectoris pulchram aulam repingamus almam.
0706509b  Laudem boando exsultemus in hac solemnia paschali sacra melodia:
0706510a  O mira Domini est misericordia,
0706510b  Ut nos liberaret, se patris victimavit
0706511   Immaculata hostia et regnat per saecula.
0706600   In Resurrectione Domini.
0706601   Hodie solemnitas solemnitatum, gloriosa dies,
0706602a  In qua surrexit potenter sepulchro leo fortis et mortem nunc destruens Et aeternam vitam tribuit, Ideoque omnes submissi vocibus exsultantibus
0706602b  Occiso agno redemptione pro mundi laudum feramus praeconia: Laus, honor, potestas et virtus, Gloria, imperium, decus tibi sit in aevum verus.
0706603a  Perpetuo hoc nostrum resonet os nec sileat,
0706603b  Canamus pio redemptori semper Alleluja.
0706604a  Deus noster, humili nos te prece deposcimus omnes pariter,
0706604b  Ut his diebus simus paschalibus tuo auxilio protecti.
0706605a  Adsint et sanctorum suffragia, ut post cursum hujus vitae socii simus illis
0706605b  Atque mereamur, angelicis interesse choris in aevum Christicolae omnes.
0706606a  Majestatem tuam indesinenter frui,
0706606b  Qui regnas cum patre, spiritu sancto, Deus
0706607   In sempiterna saeculorum saecula.
0706700   In Resurrectione Domini.
0706701   Laudes Deo,
0706702a  Sexus omnis consonet, voce dulces canat melodias crucifixo libantes preces ut decet,
0706702b  Praecelso regi sine fine gratanter in paschae mysterium pia et jubila constipantes.
0706703a  Per quem renovatus redditur, mortis vinculis absolutus, mundus in hac die redemptus.
0706703b  Alpa et Omega, orbis conditor, primus atque novissimus, redemptor surrexit mortis victor.
0706704a  Nam a primo protoplasto quotquot in saeclo fuerunt
0706704b  Et ipsi justi, cum ipso, qui sunt locuti Domino,
0706705a  Detinebantur in tartaro gehennae dissimili,
0706705b  Donec auctor mundi impiam carnem nostram induens
0706706a  Ipsum auctorem mortis vincens justos omnes eruit.
0706706b  Portas paradisi iisdem crucifer aperuit.
0706707a  Cui tripudiantur, quae in coelis
0706707b  Et in terris et panta, quae moventur.
0706708a  Qui crucifixus erat, ecce per omnia regnat,
0706708b  Resuscitans multorum corpora sanctorum simul
0706709   Psallentes Hosanna in excelcis jucunditer, Alleluja vociferantes in alta.
0706800   In Resurrectione Domini.
0706801a  Laudum laeta psallat poemata paschalia mysteria venerans plebs antiqua, jam nova facta,
0706801b  Simpla, digna, congrua cantica, angelica melodia decorata, quae sonat laude benigna.
0706802a  Est quia ex Aegypto erepta ac dira servitute liberata forti dextra, manu valida;
0706802b  Illustrata columna ignea, defensa hostes contra nube taetra, fontis unda regenerata.
0706803a  Regna cepit repromissa,
0706803b  Cuncta fluentia bona.
0706804a  Surrexit ipsa quippe vita, qua sunt fracta tartara
0706804b  Quaque redempta vivit turba, quae erat captivata.
0706805a  Gratia percepta, superna patria reddita, ad gaudia properemus aeterna praesentia colendo festa.
0706805b  Haec dies, quam ipsa dominica fecit gloria, psalmodica ut fatur prophetia, exsultemus omnes in ea
0706806a  Christus in ista dira spoliavit tartara atque negata diu regna sanctis reddens celsa cum magna surrexit gloria;
0706806b  Agmina sancta quo visitans apostolica, quae tremebunda ac tristitia manebant plena, sua foveret praesentia.
0706807a  Grata cujus ad ipsa
0706807b  Collegia perducat nos-
0706808   met alma.
0706900   In Resurrectione Domini.
0706901a  Omnigena concio redempta
0706901b  Certamina pangat Christi sacra.
0706902a  Et antiqua jam culpa indulta salubria personans lavacra
0706902b  Nova solvat organa et vota praecipua ac Deo congrua.
0706903a  Vitae sunt quia reddita praemia, quae sua perdiderat homo per scelera,
0706903b  Tartara cuncta spoliata dira, superna patefacta per Christum moenia.
0706904a  Unde beata atque gloriosa illustrat celebritas ista per spatia mundi lata luce clarissima corda pariter fidelia.
0706904b  Omnia dira fugata nubila et nostra sunt disrupta vincla atque sacra Deo laudis mente pacifica sic sacrificatur hostia.
0706905a  Ipsi nostra plebecula, fontis unda jam renata, ferat digna nunc munia.
0706905b  Potens quia forti dextra infera destruxit claustra, excelsa pandit limina.
0706906a  Post de nova surrexit sepultura sua potentia.
0706906b  Plaudit turba discipulorum laeta eo viso facta.
0706907a  Cui laudum munera moderata vocis cithara offert nostra nunc caterva.
0706907b  Ipse nostra delicta solvat patris sedens in dextra, qui gubernat universa.
0706908   Saecula per infinita.
0707000   In Resurrectione Domini.
0707001   Adest pia ac salutifera paschalis gloria,
0707002a  Christus surrexit in qua damnans tartara nosque relevans ex morte dira.
0707002b  Claustra destruxit saeva virtute sua, solvens iniqua justorum vincla.
0707003a  Exsultat jam beata per orbem ecclesia,
0707003b  Est quia morte sacra libera Christi facta.
0707004a  Suum qui plasma ad regna devexit aetherea morte victa atque triumphata.
0707004b  Quique nos sua a noxa emundet clementia et gratia foveat superna
0707005   Regnans in saecula potenter sempiterna.
0707100   In Resurrectione Domini.
0707101   Praecelsa admodum et clara nimis elevata festa super cuncta.
0707102   Haec cluens gemma incanduit ultra cujusquam modum ita, quo fari nequeant lepidi lingua.
0707103   Totum legis, quod fuscaverat atrae noctis umbra, spicula sui jubaris radiavit alma,
0707104   Sic moderando cuncta quod legis veteris sit exemplar nova.
0707105   Annon tibi videtur servitus illa Mesraim mystica fore hujus saecli profecto figura?
0707106   Pharaonis cuncta quae premebant juga, typum gerebant dominationis diabolicae, Israelis colla.
0707107   Si per compendia ex multis pauca utriusque conferantur gesta,
0707108   Videbitur vetus nostrum novum pascha incunctanter testamenti figurasse una.
0707109   Ac si per angelum Dei filium et per rubum carnis indumentum, per Moysen Johannem clara erit intellecta tibi assertio nostra,
0707110   Suum ad populum utrumque missum libertatis causa et dominationis adgravata jugaque vel ambigua tepentia corda.
0707111   Sed cum transcurrantur cursim nonnulla media allegorica seu tota typica krononque nostrum designantia, tamen adhibenda non sunt paschalia, in quibus pepulit diutina Dominus ergastula.
0707112   Servati et inrespersi sumebatur vita agni, cujus cruore una postes ac liminaria linebantur cuncta.
0707113   Etenim nostrum pariter pascha, crucis Christus tulit suspendia; uterque postis intinctus et piacula tanti criminis liminaria templi cum velo scissa.
0707114   Sic primogenitus Israel conservatur, Aegyptiis qui carior cunctis habebatur populis, utrosque luce cassos parebit illos corpore vah et istos anima.
0707115   Nam nocte media claustra inferni sunt diruta fideliumque omnium redemptio est facta.
0707116   Foetida jam findantur coclea, erumpant confota, deducantur nova.
0707117   Crucifixus Dominus pro homine eadem die, qua creavit hominem, mortuus atque sepultus, velut in principio sua cuncta patravit opera.
0707118   Sabbato namque quievit sepultus lapide, ut veteris cuncta fuisse factura cernatur jam novae umbra.
0707119   Eoa lux occurrat octava, quae est et prima, evigilet, qui dormierat et potum mortis biberat, det tristi mundo gaudia, qui ejus tulit peccata.
0707120   Jam surrexit, jam se ostendit, jam cunctorum ora volitat haec fama:
0707121   Nunc exsultent, epulentur omnia sui resurrectione domini tanti congaudentia.
0707122   Lauda, jubila, hymni et decanta plebs nunc tu Christiana, cum Christo commortua et convivificata, adhuc per eum resurrectura.
0707123   Dole et ange, Judaea, quae amisisti quondam misera tutorem tui fornicaria.
0707124   Redi ad eum, qui te dilexit ab adolescentia, quo nobiscum sis sponsa
0707125   Ejus, qui cum patre et spiritu sancto unus vivit et regnat Deus per cuncta saecula.
07071a12  Splendent ecce novi rutilantia festa diei, Azima fermento quibus est plebs laeta repulso; Non haec Hebraei vetus est celebratio Phase, Agnus praecipuam tulerit licet ille figuram.
0707200   In Ascensione Domini.
0707201   Rex omnipotens die hodierna.
0707202a  Mundo triumphali redempto potentia
0707202b  Victor ascendit coelos, unde descenderat.
0707203a  Nam quadraginta postquam surrexerat
0707203b  Diebus sacris confirmans pectora
0707204a  Apostolorum, pacis cara relinquens oscula.
0707204b  Quibus et dedit potestatem laxandi crimina.
0707205a  Et misit eos in mundum, baptizare cunctas animas
0707205b  In patris et filii et sancti spiritus clementia.
0707206a  Et convescens praecepit eis, ab Jerosolyma
0707206b  Ne abirent sed exspectarent promissa munera.
0707207a  Non post multos enim dies mittam vobis spiritum paraclitum in terra
0707207b  Et eritis mihi testes in Jerusalem, Judaea sive et Samaria.
0707208a  Et cum hoc dixisset, videntibus illis elevatus est, et nubes clara
0707208b  Suscepit eum ab eorum oculis; intuentibus illis aëra
0707209a  Ecce stetere amicti duo viri in veste alba
0707209b  Juxta dicentes: quid admiramini coelorum alta?
0707210a  Jesus enim hic, qui assumptus est a vobis ad patris dexteram,
0707210b  Ut ascendit, ita veniet quaerens talenti commissi lucra.
0707211a  O Deus maris, poli, arvae, hominem, quem creasti, fraude subdola
0707211b  Hostis expulit paradiso et captivatum secum traxit tartara.
0707212a  Sanguine proprio quem redemisti Deo illuc et provehis, unde prius corruit, paradisi gaudia.
0707212b  Da nobis, quaesumus, sempiterna gaudia, judex cum veneris judicare saecula, in sanctorum patria;
0707213   In qua tibi cantemus omnes Alleluja.
0707300   In Ascensione Domini.
0707301   Rex aeterne arvae, poli pontique, omnium rerum artifex, gubernans omnia.
0707302a  Qui salvas Israel, gubernas ubique et regis omnia, Domine, alme pater, poli rex
0707302b  Rectorque agminum sanctorum milium, qui sistunt praeclari caelibes ante tuam gloriam.
0707303a  Auxilium, summe pater, tribue perenniter famulis,
0707303b  Quo adjuti mereamur semper tibi canere gloriam.
0707304a  Laus, honor tibi sit, qui creasti omnia,
0707304b  Qui verbo jussisti fecistique maria.
0707305a  Cunctaque terrena simulque superna, quae tibi cuncta sunt devota serviuntque domino
0707305b  Sol, luna, sidera, maris natantia, robur angelicum, tibi rex, fabricator omnium.
0707306a  Nostrasque preces jungas sanctis in supernis, magne rex, qui es benedictus in saecula,
0707306b  O Deus semper ubique, ut mereamur semper secreta conscendere in gloria.
0707307a  Qui regnas ubique omnia gloria, mitis Domine, herus, dominator,
0707307b  Te quaesumus petimusque, ut deleas nostrum crimen, Deus, qui regnas semper.
0707400   In Ascensione Domini.
0707401a  Laude laetabunda hodie una cunctorum per orbem gaudet ecclesia,
0707401b  Quae moestificata dudum fuerat morte Domini Jesu Christi dira.
0707402a  Qui postquam resurrexit die tertia, eadem tristitia in gaudium est versa.
0707402b  Quoniam se potenter per argumenta multa vivum praebuit diebus quadraginta.
0707403a  Loquens et convescens cum eis una pandensque Dei regni mysteria.
0707403b  Novissime autem hac die sancta visus est cunctis patenter una.
0707404a  Quibus Jerosolymis manere imperat, quousque promissa percipiant dona.
0707404b  Nam hi, qui convenerant, cum interrogant, quando Israelis reddet regni jura.
0707405a  Non est vestrum, ait, scire tempora, quae pater voluit fore occulta.
0707405b  Sed percepto coelitus munere eritis mihi testes per cuncta regna.
0707406a  Et cum hoc dixisset, videntibus illis alta coeli penetravit secreta, eumque ab eorum oculis suscepit nubes clara.
0707406b  Cumque intuerentur petentem illum supera, ecce viri steterunt juxta illos dicentes in veste alba: cur conspicitis aethra?
0707407a  Hic Jesus veniet ita, quemadmodum ascendit supera,
0707407b  Ut reddat singulis juxta judex justus propria opera.
0707408a  Nos, qui interim eum sedentem patris ad dextram, cuncta disponentem lege justa,
0707408b  Venturum exspectamus avida mente et proba semper suspecti de die illa,
0707409a  Omnes unanimes pingui lampade pervigili simul nos solertia, praestolemur illum fide perfecta.
0707409b  Mortis nox quodsi nos tegit opaca, redire dum differt, necdum propriam quia celebravit sponsus copulam;
0707410a  Contigerit nos dum cunctos sopiri una, plena interea oleo sint cuncta nostrorum lecytha.
0707410b  Clanguerit ut dum tuba nocte media et vigilaverit omnium valida nostrorum caterva,
0707411a  Surgentes lampades ornemus proprias et venienti cuncti occurramus sponso cum laetitia.
0707411b  Intremus cum eo simul ad nuptias et discumbamus, quo reficiamur cuncti dape regia.
0707412a  Ipse autem transiens ministret nobis bona rex inaestimabilia.
0707412b  Hujus laetam faciem cernamus cuncti, plena sint tunc ut nostra gaudia.
0707413a  Cui dicamus nunc voce consona: ecce jam dones, quod promiseras cum te videmus in gloria.
0707413b  Tibi cum patre et sancto spiritu sit semper et ubique gloria sempiterna.
0707500   In Ascensione Domini.
0707501   Agnus Dei,
0707502a  Christus rex, hodie pro nostra
0707502b  Tutela venit in saecula.
0707503a  Divinam dans nobis gratiam et provehit ad patriam,
0707503b  Unde primum decidit genus humanum per superbiam.
0707504a  Fraude factor condolens protoplasti, condidit quem, hostis expulit paradiso ad laetitiam magnam
0707504b  Serpentis saevitia, mulierem blandimenta gustando vetita duxit ad poenam tartaricam.
0707505a  O tu Deus, sublima qui regis atque ima,
0707505b  Mare cunctum, sidera quoque rutilantia;
0707506a  Cuncta, quae fecisti, laudant te omnia
0707506b  Mortalis homo acquisivit in arva.
0707507a  Angelica jubilat militia: Gloria resonet in excelsis Deo
0707507b  Et in terra summa pax voluntas bona. Perditum hominem, quem fecerat,
0707508a  Venit quaerere et salvare una;
0707508b  Ovem, quae erraverat, centesimam
0707509a  In ulnis imponens reportat, coelestia regna conlaudant, angelorum chorus sublimat, exsultat modulans secreta coelestia.
0707509b  Laudat prophetarum numerus apostolorumque, martyrum, confessorum namque virginum etiam simulque supernorum agmina.
0707510   Congratulantes nos eja dicamus simul omnes: Deo tibi sit gloria.
0707600   In festo Pentecostes.
0707601a  Laudiflua cantica det mens nostra sacratissima per haec festa annua sancti illuminata gratia spiritus vera.
0707601b  Plaudat ecclesia catholica cum prole sua dominica repleta fide atque doctrina imbuta apostolica.
0707602a  Hodierna salutis gaudia per ampla mundi climata dant plurima atque plena beneficia.
0707602b  Quibus aegra omnium pectora pleniter refocillata valentia sunt reddita ac fortissima.
0707603a  Jam nunc dona mystica omnium genera linguarum reddentia mente consona promat lingua voce canora.
0707603b  Per quem tanta gratia divinaque doxa in terris est cognita regna omnia suntque tracta ad Christi jussa.
0707604a  Christus supera dum scandit aethra, jubet, ut promissa Patris et sua docta caterva attendat ventura, Exhinc dominica cohors alma observat
0707604b  Praecepta collecta in urbe sancta Hierosolyma. Cum repente magna voce facta ab arce superna, Quo erant impleta ipsa sono atria,
0707605a  Munera linguarum dispertita in igne patent visa atque sunt communia per singula dispensata sedilia.
0707605b  Haec bina sensibus elementa externis applicata manifestant mystica sacramenta interna fide percepta.
0707606a  Repleta siquidem castra sunt apostolica spiritus sancti gratia exsufflata omnigena sapientia.
0707606b  Resonant et inaudita per eorum ora Christi sacra magnalia ac diversa affamina linguarum data.
0707607a  Ipsa denique Judaea stupet manens adhuc iniqua ad haec tanta mirabilia interna necdum dona cognita.
0707607b  Musti crapula lasciva deputat madere agmina inspirata ad certamina et docta pugnare forti dextra.
0707608a  Integra percepta flaminis sancti gratia et aeterna ab aula infusa munera plebi cohors alma suggerit ipsa.
0707608b  Instabantque vasa sic novo nectare plena ferentia pocula conferta fiala doctrina parata ad convivia.
0707609a  Tertia tunc hora erat ista, luce clariora cum divina charismata sunt tributa ac repleta pectora apostolica.
0707609b  In ipsa tempora et ostensa simul sacramenta pandunt alta mysteria deitatis atque trina personarum vocabula.
0707610a  Dies ista pacifera sempiterna atque plena orbis ampla spatia fide perlustrat, qua vivit humana Deo usia.
0707610b  Quaque gaudet ecclesia jam nunc una catholica loqui lingua effecta nova ac robusta pace superna dynamis clara.
0707611a  Jam nunc referta munere lingua laetissima laudiflua cantica psallens in hac aula Deo dulcimoda symphonia hymnizia verba mystica.
0707611b  Laude jucunda, concio sancta, per haec sacra solemnia annua solve tuo vota auctori debita instigata gratia spiritus alma.
0707612a  Celsa et ima gaudeant omnia, quia natura restituta nostra ad superna reducta est collegia.
0707612b  Sicque cognita divina gloria laetemur una voce pacifica deifica recinendo magnalia.
0707613a  Laus beata ac veneranda sancto flamini dicata die ista personet clara.
0707613b  Cui doxa sit coaeterna, patri natoque omnia per saecula majestas una.
0707614   Ipsa jam sua gratia debita solvat nostra.
0707700   Feria II Pentecostes.
0707701a  Eja Musa, dic quaeso praeclara chorea
0707701b  Blandificaque libens perstrepe organa.
0707702a  Ast modulans concio resultet plectro laudum laeta carmina.
0707702b  Te conlaudans nostraque caterva, hujus diei euprepia.
0707703a  Paracliti charisma hodie alumnos irradiat.
0707703b  Facto repente sono linguis Christi fantur magnalia.
0707704a  Vesana plena ructu perfidia alumnos musto madere putat, spiritus gratia ardentes quos reddit fervida.
0707704b  Anastasis peracta quinquagena mysticus penetrarat spiritus pectorum intima oppido reddens flagrantia.
0707705a  Mox egressi omnes una taetra peragrant arva diffundentes verbi semina,
0707705b  Mystica patrantes signa superno rore nova cordium madidant intima.
0707706a  Ecce, Christe, tua nunc caterva in hac aula decantat carmina, ut coelesti permixta agmini in dextera dicat nova tibi promens cantica:
0707706b  Sit perennis Domino gloria, decus, honor, potestas per saecla, qui tribuit spiritus gratiam omnibus per arva, qui sequuntur ejus monita.
0707707a  Poscimus omnes tua supplices magnalia,
0707707b  Et sanctus nostra spiritus mundans intima
0707708   Illustret clara sophia. Alleluja
0707800   Feria II Pentecostes.
0707801a  Resonat sacrata jam turma diva symphonia,
0707801b  Repleta gaudia promissa e coelo reddita.
0707802a  In unum congregata apostolorum phalanx praeclara exspectans munera.
0707802b  Repente vox divina Paraclitum nuntiat decorans sanctorum viscera.
0707803a  Fantur omni lingua nonnulla mysteria Deique magnalia.
0707803b  Cantica divina non cessat reboare ejus quoque caterva.
0707804a  O Deus, omnis arva te laudat, sol et luna, concrepat usia cuncta coelica et profunda flumina.
0707804b  Te psallat tellus alma, sidera tua clara, jubilat, adorat, amat redempta omnis quoque anima.
0707805a  Stupens Judaea haec inquit exsecranda: concio vino ista est repleta mustique crapula; baccho plenos deputat repletos gratia.
0707805b  Surgens haec Petrus divina clementia superat obdurata corda illa et fore affirmat vaticinia de hoc Joelis praedicta.
0707806a  Ovans agmina nunc nostra boat carmina devota quo suscipiat coelestia habitacla
0707807b  Pangat omnis chorda nostra sancta praeconia tua ut semper pia percipiat charismata.
0707808a  Omnem hanc meram suscipe melodiam, ut queamus scandere luciflua et tua celsa ac decora uranica.
0707808b  Dudum sacrata invenisti pectora, nunc nos reple lumine, polorum ut gaudia cedas perpetua atque regna.
0707809a  Te decet laus perpetua et gloria siderea sit diuturna.
0707809b  Tu animas et corpora nostra, Christe, possideas in sempiterna
0707810   Gloria.
0707900   Feria IV Pentecostes.
0707901   Almiphona jam gaudia
0707902a  Coeli rutilant per climata,
0707902b  Elogiantur cuncta bona.
0707903a  Neumatis afflata sacra flamma
0707903b  Replentur hodie quis piorum
0707904a  Affabre pura corda; renovantur namque festalia
0707904b  Typicalia dudum in Sina Moysi consignata.
0707905a  O beata et vera gaudia, homo cum celsa petit Deus et ima in ignis forma.
0707905b  Pace namque hodie in vera sunt copulata duo animalia, superna, ima.
0707906a  Theologa rhemata concrepet utriusque diapason vera
0707906b  Cherubim aetherea, Seraphim atque cuncta ignicoma turma.
0707907a  Tuba jubilaea tympanizet rupta vincula,
0707907b  Prius verbigenam detinebant quae nexam drachmam.
0707908a  Nunc vos, Michael satrapa, Gabriel vera police dans nuntia,
0707908b  Nos terrigenas vernulas ferte in vestras policas officinas.
0707909a  Nunc ergo cuncta superna juncta phalanga benedicat sanctum pneuma voce sonora.
0707909b  Cujus et munere compta fistula rubra redimpendat vera symbola enharmonica.
0707910a  Esse ultima vel particula mereamur ejus in aula.
0707910b  Amen omnia subjungant pium mente pura jam nunc redempta,
0707911   Rite canentes Alleluja.
0708000   In festo Pentecostes.
0708001   Rex mundi dominator die hodierna.
0708002a  Triumphavit impleta prophetia sicut olim praedixit in arva.
0708002b  Calcata morte, hoste furibunda, destruxit ejus castra foetida.
0708003a  Abstrahens sua, quae redemit spolia. Cum potentia traxitque praedam, quae olim fuerat captivata propter culpam primaevae creaturae, Erexit sibique gentem gloriosam resurgens ex mortuis vita pollente virtute aeterna.
0708003b  Discipulorumque corda nuper moesta gaudia demonstravit clara ostendens eis miracula Humanae carnis, cicatricum vulnera; Praedixit verba evangelica, quod repleta essent sacra dicta, convescens eis per dies quadraginta.
0708004a  Sed exspectarent promissa futura quae revelarent patris arcana
0708004b  Haec cum dixisset, videntibus illis eum suscepit nubes splendida.
0708005a  Cum completi essent dies quinquaginta,
0708005b  Erant omnes congregati mente una
0708006a  Discipuli atque omnis lingua
0708006b  Quod egit supera et in terra.
0708007a  Repente sonus venit de aethra, flamma corruscans ignea
0708007b  Descendit per cuncta linguarum genera; eorum pectora
0708008a  Tunc replevit omnes divinum pneuma.
0708008b  Unusquisque audivit sua lingua
0708009a  Dei magnifica. Dei repletique magnalia coeperunt per prolixa terrarum spatia
0708009b  Cuncta praedicare omnes in Judaea, baptizare in Africa uno baptismate lotos per
0708010   Saecula.
0708100   In festo Pentecostes.
0708101a  Praecipua aderit nobis salus continua festa
0708101b  Sitque jucunda videlicet semper atque decorata.
0708102a  Laus et honor erit nostra gloria, Sequamur Christi si vere vestigia, magna pietas redemptio est vera.
0708102b  O Deus caritas, etiam carne humana Dignatus est redimere facinora et curare nostra delicta injusta
0708103a  Nec non dare vitam; sincera mente solvamus vota.
0708103b  Exsultemus ergo promere simul laudes aeternas.
0708104a  Ut dignanter possimus adhaerere Christo atque adimplere debita cuncta
0708104b  Ac denique sociari gaudia inclita, qui morte redemit nos ab atra.
0708105a  Te, Christe, quaesumus, accipe vota nostra,
0708105b  Ut laeti adeamus tua loca amoena.
0708106a  Ad coelestia quae ducit fideles regna,
0708106b  Sine fine manet estque semper mansura.
0708200   In festo Pentecostes.
0708201   Orbis conditor regressus est in sinu patris,
0708202a  Promissa munera dare patris gratia
0708202b  Et almum spiritum, sicuti praedixerat:
0708203a  Rogabo patrem meum, alium dabit vobis paraclitum.
0708203b  Et cum venerit, arguet mundum de sordida facinora.
0708204a  Et cum complerentur dies pentecostes erant omnes pariter
0708204b  Discipuli loco uno exspectantes promissa triumphantes.
0708205a  De coelo factus est subito sonus tamquam torrens, replevit spiritus totam domum, ubi erant sedentes.
0708205b  Ignis advenit divinus non comburens, illuminans, nec consumens sed lucens, tribuit carismatum dona.
0708206a  Repleti sunt spiritu sancto et coeperunt loqui
0708206b  Variis linguis apostoli Christi magnalia.
0708207a  Facta autem hac voce convenit multitudo et mente est confusa
0708207b  Audiebat unusquisque linguam suam loquentes Dei potentia.
0708208a  Quae nulla valet omnium comprehendi solertia; cuncta clara sidera,
0708208b  Potestates et virtutes, intercedite pro nobis omnibus ad Dominum.
0708209a  Ut digni accipere mereamur regna coelestia sancta.
0708209b  Jesu, redemptor bone, da nobis, quod te petimus in saecula.
0708210   Laus tibi sit et gloria.
0708300   In festo Pentecostes.
0708301   Nunc exsultet omnis mundus quia hodie rex victor
0708302a  Triumphavit et vicit leo fortis de tribu Juda radix-que David
0708302b  Exspoliavit furem et crudelem suos secum reduxit captivos.
0708303a  Collocans illos in aeternam gloriam. Praedixerat ipse jam suis, quod die tertia resurgeret; Adimplevit, sicut dixit, hodie.
0708303b  Ad monumentum custodia posita, Terrae motus magnus factus est, angelus ad lapidem accedens, Quem revolvit et sedit super eum.
0708304a  Exterriti custodes prae timore, mulieribus angelus blande affatur loquens illis:
0708304b  Nolite expavescere, vos Jesus quem quaeritis, non est hic surrexit, ut ipse praedixit.
0708305a  Videte locum, ubi fuit Dominus, recordamini, quid vivens locutus sit, quod ipse die tertia resurgeret,
0708305b  Et nunc euntes nuntiantes dicite, ut properent discipuli Gallilaeam, illum videre, sicuti promissum est.
0708306a  Illae regressae a monumento percepta nuntiant. Audientes quidam dubitaverunt, non credentes, verba vera esse, quae dicebantur.
0708306b  Quidam ex ipsis ad monumentum videre properant. Ut mulieres jam dixerant, ita invenerunt, hunc sublatum esse aestimaverunt.
0708307a  Dolore nimio cordis aestuantes,
0708307b  Timentes, ne visuri jam eum essent.
0708308a  Frequenter eis post haec apparens Praecepit, ut euntes in mundum Praedicent evangelium et baptizent.
0708308b  Et Dominus Jesus, postquam eis Locutus est, assumptus in coelum Sedet in excelsis ad dexteram patris
0708309a  Venturusque, ut reddat unicuique secundum opera.
0708309b  Ipsum ergo pura mente obsecremus, ut memor nobis sit;
0708310a  Ne pereamus cum damnatis, sed cum justis pariter gratulemur jucundantes,
0708310b  Hymnum novum ei cantantes in aevum exsultantes per cuncta semper saecula
0708311   Saeculorum. Amen.
07083a9b  Qui pro grege suo mori dignatus fuit et hodie a mortuis victor surrexit, ut nobis pius sit. Ipse qui hominem perditum reparavit, mundet nos a noxa Qui signum in cruce vexillum nobis dedit et sedet in excelsis dextris sui patr
0708400   In festo Pentecostes.
0708401   Cantemus organa pulchra satis atque decora.
0708402a  Deo nostro psallentes, qui pro nobis sumere dignatus est terrena
0708402b  Non amissa praeclara deitate assumens morticina sed nostra.
0708403a  Dei gloria majestate fulgida,
0708403b  Virtus praepotens, indiscussa essentia.
0708404a  Solis claritas, fabricator siderum omnium climatumque, mundi machina, maris atque spatia.
0708404b  Fovens qui cuncta majestate hominem coelitus redemisti carnem sumendo membraque mortalia.
0708405a  Pauper effectus, humilis innocens coeli rex, Deus angelorum, ornans poli summi culmina.
0708405b  Neque recusans se mori pro nobis largitor spiritus ac vitae ima nutu vastans tartara.
0708406a  Mortis aeternae dissoluta vincla saeva, damnans potenter inferni supplicia.
0708406b  Secum revehens clariora atque cara hostis spolia fraudulenter seducta.
0708407a  Sicque resurgens dona dedisti tuis coelestia.
0708407b  Dies quadragis sacra firmans ipsorum praecordia.
0708408a  Nostra tribue tibi placere, Christe, pectora decora atque foederata.
0708408b  Nec non delue nostra cunctorum, alme, criminum turpia saeva flagitia.
0708409a  Ut cum sanctis apostolis ad superna
0708409b  Te sequentes ascendamus celsiora,
0708410a  Splendent ubi cuncta fulgentia
0708410b  Alta resonantque canentia.
0708411a  Tibi patri filioque una extollentia voce consona copia laudis, organa clara.
0708411b  Quo spiritum sanctum die ista nostris patribus praemia sancta dedisti paschae quinquagesima.
0708412a  Propter quod laeti omnes decantemus melodias, prolixa neumata,
0708412b  Nobis ut ipsa sancta dona dare tu digneris spiritus praeclara.
0708413a  Quod tibi Deo famulantes per sancti placeamus spiritus dona sanctissima.
0708413b  Qui gratulati pacifice, spiritu consolati vivamus praeclara cuncta per
0708414   Saecula. Amen.
0708500   In festo Pentecostes.
0708501a  Cantantibus hodie cunctis una numquid non et ipse canam Dei magnalia,
0708501b  Christus postquam ad supera summa regressus est in gloria, quae gessit divina?
0708502a  Patris ac sua dextera sanctique sui spiritus gratia infundens vera hominibus charismata.
0708502b  Implevit, quae promiserat, quia veracis veritas est vera, falli nequibat et nequibit in saecula.
0708503a  Solemne pentecostes festum instabat, quo olim in Sina coelitus lex alma a Deo est edita terribili voce ac mira.
0708503b  Vehemens vox, dum turba orat pavida credentium multa in Sion, mox flamma adfuit velut lingua, munda cunctorum replens corda.
0708504a  Confestim illa omnis caterva, sancto spiritu repleta, cunctigena affamina docte loquitur ut voce patria.
0708504b  Extemplo turba Hierosolymea, postquam sonuit vox illa, perpropera adest cuncta, Falerno fartos aestimat vesana.
0708505a  Arguit quos una voce prophetica dieique hora, dum Joelis vera fatetur impleta Petrus vaticinia.
0708505b  Nunc, sancte spiritus, adveni coelitus, reple corda nostra mundaque corpora, mentes purifica, solve nexorum vincla.
0708506a  Quo cantemus jugi voce dulci atque consona, quae sunt Christi et sua patrisque magnalia, quamdiu simul ac secum sibique consubsistunt omnia.
0708506b  Cantem et ego meatim tibi semper placita viritim mirifica, tua plenus gratia gratuler et, qui sunt Christi, cum illo in aeterna gloria.
0708507a  Ubi semper concanamus angelorum nimis grata melodemata
0708507b  Incessanter conclamantes: Deus omnium, tibi cuncta perpes gloria,
0708508   Nunc et semper et in cuncta beatorum beata saeculorum sempiterna omnium saecula.
0708600   De Pentecoste.
0708601   Canat cuncta per orbem creata, patris gloria.
0708602a  Mundo redemptionem veram
0708602b  Misit ex sua dextera.
0708603a  Namque praecelsus respexit ima,
0708603b  Claustra penetravit tartarea.
0708604a  Momordit, ut dixerat, clara dans angelica suffragia.
0708604b  Quo solvit vincula a morte dira collocat vel aethera.
0708605a  Numerata jam deka per psente replevit pariter congregatis pectora.
0708605b  Paraclitus tamquam ignis venit vehemens apostolorumque laetitia.
0708606a  Loquebantur cum fiducia.
0708606b  Magnalia Dei carmina.
0708607a  Incessanter deprecemur voce et mente humillima,
0708607b  Ut superna perfruamur eum cum polorum agmina,
0708608   Congregata una cum Christo cuncta per saecula.
0708700   In festo Pentecostes.
0708701   Ad te, summe, celsa laus Alleluja
0708702a  Sonans nostra chorda recitando verba
0708702b  Boat cum sonora dulcis harmonia.
0708703a  Apostolica hymnizante doctrina
0708703b  Luminaria praefulgente saecula.
0708704a  Spiritus sancti gratia hodierna promissa patris munera
0708704b  Igneis linguis divisa, fulmina spiritus sancti jacula.
0708705a  Doctrina pacis Deo sacra Spiritus almus invisere dignetur corda nostra Parando digna sua in nos receptacula.
0708705b  A nobis cuncta erronea Noxia quaeque pellat, profutura concedat Sua gratia, corona splendoris fulgida.
0708706a  Concrepent canora praecelsa poemata,
0708706b  Sanctorum catervae resultent jure sacra
0708707a  Omnia per saecla diffusa Dei magnalia,
0708707b  Munera paterna doctrina sancta micantia.
0708708a  Salus et vita apostolorum dona
0708708b  Jucunda nobis grata fecundant verba.
0708709a  Cum ipsis aeterna Mereamur doxa largiente praemia Secreta cordis rigante dulcia.
0708709b  Sancta solemnia, Coelica gaudia fruamur per saecula Splendente decora luce aurea.
0708710a  Coelestis sacra agmina congratulando jubilant laude jucundissima;
0708710b  Cherubim sancta agmina Seraphim nec ne socia sine fine proclamant:
0708711a  Sanctus, sanctus Dominus, tibi decet plenitudo, omnia,
0708711b  Terra simul maria tremunt, clamant cuncta animantia:
0708712   Laus aeterna per saecla.
0708800   In Pentecoste.
0708801   Adest sancta dies ac praeclara.
0708802a  Relaxans debita omni mundo cuncta,
0708802b  Dans spiritalia ac dona mystica.
0708803a  Sacrans sua roborata agmina
0708803b  Ac gaudia tribuens coelestia.
0708804a  Nam Deus ipsa, qua sacra conscendit evectus inde ad alta
0708804b  Triumphalia reportans ad coelos vexilla, ampla trophaea,
0708805a  Promisit suis charismata. Spiritus almus invisere dignetur corda nostra, Apostolica qui replevit corda devota.
0708805b  Facta omnium scientia. Noxia quaeque pellat, profutura concedat. Namque omnia linguarum concessit munera.
0708806a  Fulgens gaudet ipsa praesens omnis caterva
0708806b  A Christo electa apostolorum sancta.
0708807a  Inter quos Martialis fulget, praeclarus collega.
0708807b  Apostolus ipsa possidet ille charismata,
0708808a  A pueritia repletus Christi sacra doctrina,
0708808b  Cum Petro Judaeam revincens de Christo incredulam.
0708809a  Cujus nos gratia Mereamur doxa largiente praemia. Qui solvat nostrorum cuncta crimina.
0708809b  Et per eum una Coelica gaudia fruamur per saecula Gaudentes hodierna die festa.
0708810a  Unde superna numina angelorum conlaetantur atque archangelica,
0708810b  Beata per cuncta saecla et cuncta contubernia trinitatem conlaudant.
0708811a  Nosque per haec annua festa jubilemus Deo in terra.
0708811b  Plaudatque omnis creatura per Christum jam nova effecta,
0708812   Cui gloria per saecla.
0708900   In festo Pentecostes.
0708901   Magne et pie hac die rex exsultant
0708902a  Laetanter, ovanter omnia climata perampla tibi reboantia clara cantica,
0708902b  Quo Stygia claustra penetrans virtute invicta spolia hinc traxisti dudum perdita.
0708903a  Velatus carnis forma opera geris admiranda,
0708903b  Patris manens sophia genita ante cuncta saecla.
0708904a  Paterna missus ab arce petis arva.
0708904b  Ut tuum poli ad alta vehas plasma.
0708905a  Nam placatus aure pia, Rex in aeternum, suscipe benignus praeconia nostra, Caterva quae canit fulgida.
0708905b  Vivens crucis post vulnera Victor ubique morte superata atque triumphata Das nova redemptis gaudia.
0708906a  Praeclara trophaea prostrarunt fortia agmina auferendo tela noxia.
0708906b  Solita catena jam colla libera habentes exultat cohors captivata.
0708907a  Angelica cura palam nuntiat haec festiva ferentibus aromata.
0708907b  His gaudia magna portat, ad malos terrae forma corruscans veste pavida.
0708908a  Monita quibus dat pia perfruite vita.
0708908b  Abditus qui jam fueras sepulchrali urna,
0708909a  Sceptra regens summa, Ortus de tribu Juda, in gloria Amara morte devicta,
0708909b  Ad patris dexteram Regna petens supera, in saecula Moderaris justa et cuncta.
0708910a  Charismata promissa mittis tuis ignea,
0708910b  Quo peragant stupida palam mirabilia.
0708911a  Ut repleta reddant horrea tua cumulata diva gratia.
0708911b  Synagoga spreta tumida vocas oves tua voce propria.
0708912a  Quas unda lavans pura tibi facis vasa sacrata.
0708912b  Quis da, nequeant ultra iterare taetra opera.
0708913a  Virtus patris unica, Ergo, pie rex Christe, peccamina Solve perenni gratia.
0708913b  Sanctorum collegia Fac tecum resurgere ad gloriam Regna donans perpetua.
0708914a  Quis maneant sempiterna festa paschalia,
0708914b  Angelica quo cum turma Deo dent organa.
0708915a  Compti praefulgida palma cum stola candida
0708915b  Paradisiaca doxa fruentes per saecla
0708916   Semper gestantes serta rutilantia.
0709000   In festo Pentecostes.
0709001   Spiritus sanctus, procedens a patre, in terris
0709002a  Apostolis missus est, illuminare corda discipulorum suorum.
0709002b  Ignis advenit lucens, non comburens sed illustrans fidelium intima.
0709003a  Invenit corda apostolorum, discipulorum munda habitacla.
0709003b  Invenit concordes, caritatis tribuens eis charismatum dona.
0709007a  Tertia cunctis hora repente mundus intonat, advenisse nuntians
0709004b  Omni gente cognitum, latinis atque barbaris admirantibus cunctis.
0709005a  Dispartitae sunt linguae tamquam ignis super illos sedit spiritus.
0709005b  Rex Christe, pater sancte, preces nostras suscipe perennis; in terris
0709006   Tibi semper laus et honor in saecula; dicant cuncti tui: Amen.
0709100   In Inventione s. Crucis.
0709101   Vexilla regis
0709102a  Prodeunt et fulget crucis mysterium,
0709102b  Quo carnes conditor suspendit patibulo
0709103a  Confixa clavis viscera; manus, tendens, vestigia
0709103b  Redemptionis gratia immolata est hostia.
0709104a  Quo vulneratus insuper mucrone dirae lanceae, ut nos lavaret crimine, manavit unda, sanguine.
0709104b  Impleta sunt, quae concinit David fideli carmine, dicens, in nationibus regnavit a ligno Deus.
0709105a  Ornata regis purpura arbor decora fulgida,
0709105b  Electa, digno stipite dum sancta membra tangeret.
0709106a  Dum enim pretium pependit saeculi, statera facta est corporis. Nunc opima mansisti membris Christi fulgida.
0709106b  Fundis aromata jucunda fertilis et plaudis triumphum nobilem Sustinens gubernantem celsa atque infima.
0709107a  O crux benedicta, in qua Christus carne pependit.
0709107b  Atque cruore suo vulnera nostra tunc lavit.
0709108a  O crux veneranda, quae sola fuisti digna portare regem coelorum et dominum. O crux splendidior cunctis astris, mundi hominibus multumque amabilis, Quae meruisti, portare talentum mundi;
0709108b  O crux gloriosa, o crux adoranda, o lignum pretiosum et mirabile signum. Per quod anguis est victus et mundus redemptus, hoc signum apparebit in coelo, Quando Dominus ad judicandum venerit.
0709109   Ipse dignetur salvare nos omnes per signum crucis.
0709200   De sancta cruce.
0709201   Festa praepollet dies, in qua
0709202a  Celsi tonantis concrepemus ovanter rutilantia vexilla.
0709202b  Per quae perornatur usia humana ab exordio creata.
0709203a  Culpam laetalem, ab aevo protis propinatam, diluit Christus pendens stauro tentam.
0709203b  Lignum mortis fuit causa, crux auctrix est vitae, per crucem omnis ovant cosmi arva.
0709204a  O crux alma, cujus stigmate fidelium signatur pectus et glebella.
0709204b  In qua Christus mundo triumphat, mortis vincla disrupit atque fregit vasa.
0709205a  Traducis jam putres educens exuvias vexit secum ad supera satis pulchre corruscans.
0709205b  Virus, quod humanam infecerat formulam, annulavit unicus, patris factus hostia.
0709206a  Lignum mortis dedit noxam, lignum reddidit nobis vitae formam.
0709206b  Hostia patris, Jesu, summa, tuere famulos crucis vexilla.
0709207a  Tui sanguinis unda redemptos atque libera.
0709207b  Nunc atque in aevum et in cuncta saeculorum
0709208   Saecula.
0709300   De sancta cruce.
0709301   Creator poli atque arvae,
0709302a  In quo sistit vita ac salus nostra,
0709302b  Per quem morte redempti ab aeterna.
0709303a  Nunc tuos famulos, alme rex, a delictis clemens munda,
0709303b  Quo semper dextera tua salvi, protecti melos reddant.
0709304a  Gloria et honor tibi, Jesu bone, infinita,
0709304b  Qui sedes ad dextram patris in excelsis super astra.
0709305a  Angelicis choris digneris voces adjungere nunc nostras,
0709305b  Post labem effecti coelibes coelica perfrui gaudia.
0709306a  In qua jugiter promunt clara sancti rhythmica,
0709306b  Quorum obtentu te supplices petimus una.
0709307a  Proclamans dicit haec vox nostra:
0709307b  Jam miserere cui doxa
0709308   Regi regnum celsa. Alleluja.
0709400   De sancta cruce.
0709401   Alte vox canat dulcis ac mera
0709402a  Cleri canentis camoenas clara per stipadia
0709402b  Crucis aeterni sonoras regis palinodias.
0709403a  Quae Christi dicata membris exstirpat
0709403b  Callidas gerronis pulchre sutelas.
0709404a  Gemmis ornata lampat haec aula divina ut astra.
0709404b  Mysteria, quae continet, nostra non quit fari turba.
0709405a  Thau litera sed est illa paventia
0709405b  Corda roborans; laus Christo sit per omnia.
0709406a  Sustinuit pondera crucis lignum dulcia,
0709406b  Gestavit saecli cara atque pulchra talenta.
0709500   In festo SS. Trinitatis.
0709501   Benedicta semper sancta sit trinitas, deitas scilicet unica coaequalis gloria.
0709502a  Pater, filius, sanctus spiritus, tria sunt omnia nomina, eadem substantia.
0709502b  Deus genitor, Deus genitus, in utroque sacer spiritus, deitate socius.
0709503a  Pater a nullo factus est, filius a patre genitus est, spiritus a patre et filio, ab utroque procedit.
0709503b  Non tres tamen Dii sunt, Deus verus unus est; sic pater Dominus et filius spiritusque procedens.
0709504a  Proprietas in personis, unitas est et in essentia.
0709504b  Majestas par et potestas, simul in utroque clementia.
0709505a  Sidera, maria continet, arva simul, et universa condita.
0709505b  Quem tremunt impia tartara, colit quoque quem et abyssus infima.
0709506a  Quem laudat sol atque luna, dignitas adorat angelica.
0709506b  Nunc omnis vox atque lingua fateatur laude dignissima.
0709507a  Et nos voce praecelsa jubilemus organica cantica dulci melodia.
0709507b  Eja et eja, nunc ore simul modulemus altithrono Domino laudes in excelso.
0709508a  O adoranda trinitas,
0709508b  O veneranda unitas,
0709509a  Per te sumus salvati, vera aeternitas.
0709509b  Per te sumus redempti, summa tu bonitas.
0709510a  Populum cunctum tu protege, salva, libera, eripe atque munda.
0709510b  Te deprecamur, omnipotens, tibi canimus: tibi laus et gloria.
0709600   In festo SS. Trinitatis.
0709601a  Benedicta sit beata trinitas, deitas aeterna pariter, coaequalis gloria.
0709602a  Deus genitor, natus genitus, cum sacro pneumate permanens super omne quod exstat.
0709602b  Quibus est una semper voluntas, nec a se discrepat haud unquam triplicata persona.
0709603a  Nam constat deitas una non in tres deos divisa, quae fides fatetur, a Christo orthodoxe dedita.
0709603b  Haec namque pellit delicta, patriam reddit serenam, qua dulcem jubilant agmina symphoniam coelica.
0709604a  Altithroni vestigia imitantur stolis candidata
0709604b  Operiunturque binas, quas captant post saecli discrimina.
0709605a  Et nos, quos illustrat gratia Dei supera, demus nostra debita,
0709605b  Quatenus caterva coelica nobis maneat socia post funera.
0709606a  Ultimaque peracta discrimina possimus alta possidere mox palatia,
0709606b  Quo perspicua flagrat lux accensa constanti flamma, quae Deus est, visio nostra,
0709607a  Angelorum quae illustrat fortiter pectora,
0709607b  Ut in Christo solo sua defigant lumina.
0709608a  Haec namque est illa sitis flagrans, qua tunc sitient animae sanctorum vel corpora,
0709608b  Cum fuerint data perpetua bonis pro eis a judice praemia.
0709700   In festo SS. Trinitatis.
0709701   O alma trinitas, deitas et invidua.
0709702a  Quae habitas coelestis regni palatia,
0709702b  Quam laudat sol atque cuncta simul infima.
0709703a  Jubilat caterva maris ac tellus factura,
0709703b  Voce consonora angeli boant cantica
0709704a  Et clara contuentur alta et mira nimis sidera, Unde splendent sat in aethera sancta tabernacula.
0709704b  Non potest mens humana patris cernere poli suprema, Sicut manet solus praepotens cum summa potentia.
0709705a  Majestas ejus clara est valde laeta, assidue reboant agmina coelestia, dicentes affantur haec verba rhythmica:
0709705b  Sanctus ter nominatur cum laude una, magne Deus, tibimet gloria, gratiarum actio maneat devota per saecla.
0709706a  Clangit virtus apostolica, per quam reboat ecclesia, plebs omnis exspectat futura per eorum doctrinam solvere delicta nimia.
0709706b  Preces martyrum, suffragia sacerdotum simul gloria sors ac virginea lampada catervatim depromat pneuma, melos, laeta carmina.
0709707a  Sancte sanctorum mitte milium chorea;
0709707b  Qui omnium nostra semper abluat vitia,
0709708   Et conjungant in superna perpes regna.
07097a06a Preces martyrum suffragia sacerdotum simul gloria plebs omnis exspectat futura per eorum doctrinam affantur haec verba rhythmica
07097a06b Clangit virtus apostolica per quam reboat ecclesia sors ac virginea lampada catervatim depromunt pneuma, melos, laeta carmina.
0709800   In Nativitate BMV.
0709801   Alle coeleste nec non et perenne luja
0709802a  Dic paraphonista cum mera symphonia,
0709802b  Tuba et canora palinodias canta.
0709803a  Nam omnis usia hanc Christi genitricem die ista
0709803b  Congaudet exortam, per quam sibi sublatam capit vitam.
0709804a  Davidica stirpe sata, Davidis ad sceptra est regenda prole fecundata.
0709804b  Nec gravidata viscera sunt tamen per ulla patris membra sed ex fide sola.
0709805a  Ab arce summa angelus adstat: Maria, inquit, alma, ave plena
0709805b  Gratia sacra, et benedicta feminas inter omnes, paritura
0709806a  Regem, qui dira mortis vincula damnabit mira cum potentia, suum plasma solvens sponte sua atque beata donans vita.
0709806b  Fit mox puella verbis credula et puerperam stupet et castam, natum gestans speciosum forma, regentem cuncta orbis regna.
0709807a  Haec est virgo non irrigata sed Dei gratia florigera.
0709807b  Haec est sola cunctorum hera materna obscurans piacula.
0709808a  Velut rosa decorans spineta, sic quod laedat nil habet Maria.
0709808b  Virgo Eva quod contulit prima, Christi sponsa effugat Maria.
0709809a  O virgo, sola mater casta, nostra crimina
0709809b  Solve dans regna, quis beata regnant agmina.
0709810a  Potens enim cuncta ut mundi regina et jura Cum nato omnia decernis in saecla et ultra subnixa es in gloria
0709810b  Cherubim electa Seraphim agmina; nam juxta Filium posita sedes in dextera rutilat virtus, lampat et socia.
0709811a  Nativitas unde gaudia nobis hodie affert annua.
0709811b  Et resonat camoenis aula in laude tua, virgo Maria.
0709812a  Gaudet per climata orbis ecclesia
0709812b  Dicens: Alleluja quod et palatia
0709813   Coeli clamant dindima usque dantia praeconia.
07098a08c Hinc per baptisma pellens nubila
07098a08d Hanc innduentes stola candida.
0709900   In Annunciatione BMV.
0709901a  Ave, salutata ab angelo, Maria.
0709901b  Ave, salus mundi per quam venit, Maria.
0709902a  Ave, virgo virginum, sponsa regis omnium, virginitatis candens lilium Maria.
0709902b  Ave, coeli de spina reginarum domina, te benedicunt coeli et terrae, Maria.
0709903a  Ave, coelestis margarita, coelesti regi congrua, Maria.
0709903b  Ave, rutilans velut rosa aestivo sole fulgida, Maria.
0709904a  Ave, superna cuncta creantis mater intacta regis, Maria.
0709904b  Ave, coelorum domina, virgo mater et sponsa Dei, Maria.
0709905a  Ave, o theotocos, virgo peperisti, virgo fuisti, post partum permanens integra et incorrupta, Maria.
0709905b  Ave, o eusebia, Noemi formosa, stella praeclara, praecellens ceteras inclita et sine labe, Maria.
0709906a  Ave, decora David filia, cujus est ab intus gloria, Maria.
0709906b  Ave, cunctorum decus virginum et plena Domini gratia, Maria.
0709907a  Ave, benedicta coeli super astra rutilans, formosa ut sol, radians ut luna, tota pulchra es Dei velut sponsa, Maria.
0709907b  Ave, gloriosa Jesu Domini genitrix, splendida cuncta, Cherubim gloria, vincens omnia sanctorum agmina, Maria.
0709908a  Ave, pia peccaminum medicina, Maria.
0709908b  Ave, nostra post Dominum salus tota, Maria.
0709909a  Ave dulcis et benigna, tuo nato nos praesenta, o felix Maria.
0709909b  Ave, tibi sine fine ut queamus decantare in coelis, Maria.
0709910a  Ave, domina coeli, terrae et maris, Maria.
0709910b  Ave, cunctorum hera, duc nos, quo manes, Maria.
0710000   In Annunciatione BMV.
0710001a  Virginis virginum cantica Mariae, Genitricis Dei, fidibus canamus atque laeta resonemus melodia.
0710001b  Superi dominam quam cives adorant, Dominum quoniam machinae totius sine lege maritali progenuit.
0710002a  Ex quo ordine tanta res
0710002b  Dignissima gesta est,
0710003a  Vocibus fidei dicamus ac devote recitemus harmonia.
0710003b  Cithara faciat sonora genitorem salvatoris relatio.
0710004a  Missus sacer a supernis ad Mariam angelus
0710004b  Castitate pubertatis dictis his affatus est:
0710005a  Ave, virgo gloriosa, plena dei gratia.
0710005b  Spiritum divinum tua bibet innocentia.
0710006a  Regum rex egredietur et de tuo utero
0710006b  Tamquam sponsus speciosus de cubili proprio.
0710007a  En concipies et
0710007b  Paries filium,
0710008a  Quem solis radii atque luna tremit aurea,
0710008b  Pelagi metuunt atque terrae substantia.
0710009a  Haec Dei angelo prosequenti virgo credidit
0710009b  Et Jesum hominem atque verum Deum peperit.
0710010a  Modulis itaque dulcibus et consonis
0710010b  Omnium filii conlaudate virginem.
0710011a  Salve, semper benedicta, dicite, puerpera;
0710011b  Tu papilla Deum nostrum aluisti lactea.
0710012a  Nos quoque supplices, ut placeant nostra cantus obsequia,
0710012b  Talibus atque precum verbis pia loquamur clementia:
0710013a  O Maria, puellarum omnium sanctissima,
0710013b  Quae tonantem inter sacra bajulasti viscera,
0710014a  Vide clades famulorum atque contumelias,
0710014b  Quas pro vita criminosa patimur assiduas.
0710015a  Justa quippe nos forensis jugulamur framea,
0710015b  Quas interna reos mortis facit conscientia.
0710016a  Telisque propriis
0710016b  Graviter saucii
0710017a  Gentibus caedimur undique opprimentibus,
0710017b  Barbaris manibus captivati distrahimur.
0710018a  Et quia tibimet nostra patet negligentia,
0710018b  Argue, increpa, tanta sanes uti vulnera.
0710019a  Scelerum maculas delue propitius,
0710019b  Hostium valeat ut quas salus proelia.
0710020a  Redde mores innocentes, actus probos ingere,
0710020b  Ut laetantes celebremus festa pacis inclita.
0710021a  Tunc tibi carmina securi corde voce recitemus insignia,
0710021b  Ut tua dextera protecti semper tecum gaudeamus in saecula.
0710100   In Annunciatione BMV.
0710101a  Hac clara die, turma festiva, da praeconia,
0710101b  Mariam concrepando symphonia nactarea,
0710102a  Mundi domina quae est sola, castissima virginum regina,
0710102b  Salutis causa, vitae porta atque coeli referta gratia.
0710103a  Nam ad illam sunt nuntia olim facta angelica:
0710103b  Ave, Maria, gratia Dei plena per saecula,
0710104a  Mulierum pia agmina intra semper benedicta,
0710104b  Virgo et gravida, mater intacta, prole gloriosa.
0710105a  Cui contra Maria haec reddit famina:
0710105b  In me quomodo tua jam fient nuntia?
0710106a  Viri novi nullam certe copulam,
0710106b  Ex quo atque nata sum incorrupta.
0710107a  Diva missus ita reddit affata:
0710107b  Flatu sacro plena fies, Maria,
0710108a  Nova et feres gaudia coelo, terrae nati per exordia,
0710108b  Quae intra tui uteri claustra portas, qui gubernat aethera.
0710109   Omnia qui det tempora pacifica.
0710200   In Purificatione BMV.
0710201   Virgo, Israel decus et cunctorum gloria,
0710202a  Quem prophetae cantica praedicaverant, de David procedit germine.
0710202b  Ipsa enim descendit cum aromata multa sicut fumi virgula.
0710203a  Flos campi flagrans atque lilia, florens virga, quae fuerat arida.
0710203b  Puella erat nimis inclita, decorata David regis genus orta.
0710204a  Rex aeternus venit in sua ineffabiliter sacra viscera.
0710204b  Desponsavit te vir Judaeus, replevit te divinitas mystica.
0710205a  Novum vitae signum, o alma, permanens inviolata,
0710205b  Satis summa et admiranda pulchra erant commercia.
0710206a  Quae salutata aure concepit verbum carne generans.
0710206b  Felix partus, de quo est egressa mundo lux clarissima.
0710207a  Processit sicut gigas decurrens viam suam et in sole posuit tabernacla.
0710207b  Veritas nobis orta est denique de terra et de coelo prospexit justitia.
0710208a  Tamquam sponsus egressus de thalamo cum gloria.
0710208b  Descendit a regalibus potestas aetherea.
0710209a  Rubum, quem viderat Moyses, famulus Domini, incombustum in monte Sinai,
0710209b  Tua adimplevit, beata, munda virginitas, puerpera facta es lucida.
0710210a  Jam quaesumus, ad filium tuum pro nobis intercedas,
0710210b  Ut purgentur per te, pia, cuncta facinora nostra
0710211   Nunc, semper et per cuncta saecula.
0710300   In Purificatione BMV.
0710301a  Egregia plebs, una concrepa die ista organa sonora
0710301b  De Maria inclita, est de qua verbigena exortus in arva.
0710302a  Nam virgo beata, summa repleta gratia, divina capit nuntia famina per angelica.
0710302b  Sicque benedicta super mulieres dicta Domino virginalia parat alvi hospitia.
0710303a  Quem cosmi fabrica non ampla capit, angusta ambiunt viscera semper intacta.
0710303b  Regentem supera et ima lactant materna ubera in arva de coelo plena.
0710304a  Qui Deus est ante saecula, fertur in templum manu patria legis jura firmansque clara antiqua.
0710304b  Columbarum innocentia turturum atque castimonia sunt illata cum ipso dona mystica.
0710305a  Plenus summa sancti gratia spiritus vigebat plena et justitia vir Simeon, erat hac in meta,
0710305b  Sic beata donatus vita, exspectans consolamina plebis aeterna, providebat spiritu futura.
0710306a  Dum templum Maria subintrat intacta legalia per tempora, subiens justus ora
0710306b  Spiritu cognita, pignora divina senilia in brachia suscipit cum gratia.
0710307a  Vita mundo dedita jam visa mox funera mortis expetit dilata.
0710307b  Ipsa salutaria lumina remedia plebis praedicant futura.
0710308a  Eadem hora loquens digna testimonia femina venit Dei plena gratia.
0710308b  Prisca ac nova testamenta de Christo vera exempla promit infantia beata.
0710309a  Nos quoque festiva carmina, laude digna templi canamus in aula.
0710309b  Jam quia lumina aeterna latissima per orbis micant climata.
0710310a  Te nunc, nostra domina, Maria, agmina, precamur, redempta foveas prece sedula;
0710310b  Ut per haec officia venia percepta praemia promissa capiamus in saecula
0710311   Fulti gloria.
0710400   In Purificatione BMV.
0710401a  Claris vocibus inclita cane turma sacra melodemata.
0710401b  Voci mens bene consona sonet verbis pneumatum concordia.
0710402a  Divina robusto tetrachorda plectro docta manus perite feriat.
0710402b  Resultet virtutum pie lyra Deo sonans nunc dramata dulcisona.
0710403a  Est harmonia haec divina sonore virtutum liquidissima.
0710403b  Mixta castitas est quas intra in sede locata mixolydica.
0710404a  Cujus in te consistoria inimitabilia,
0710404b  Quae mater es inviolata virgoque puerpera.
0710405a  Idcirco tua Deum fuere digna ferre sacrata viscera,
0710405b  Quem non coelica neque terrea cuncta claudunt omnino spatia.
0710406a  Virginum o regina, te canimus, Maria, per quam fulsere clara mundo lumina.
0710406b  Tu salus orbis alma, tu coeli porta facta, per te saeculo vita omni est data.
0710407a  Coelicis terrea tu jungis, divinis humana.
0710407b  Paradisiaca per te nobis patet janua;
0710408a  Adesto famulis, piissima, influa suspendens jam prece pericula.
0710408b  Audi fidelia precamina impetratam deferens coelitus veniam.
0710409a  Et quiete nobis temporum inclita
0710409b  In hac vita nostra dirige opera.
0710410a  Post funera uranica nos duc ad habitacula,
0710410b  Quo laetemur omnes una tecum per cuncta saecula.
0710411   Exclamet nunc omnigena Amen redempta.
0710500   In Assumptione BMV.
0710501   Virgo
0710502a  Dei Maria astra petit, gaudete una,
0710502b  Pollens sidera polorum regina, Maria.
0710503a  Angelica agmina laudes psallant dantes Deo patri gloriam,
0710503b  Melodica carmina reboant nunc in honore prolis Mariae.
0710504a  Gaudet tellus atque polus, cum sacra vehitur in astris.
0710504b  Gaudent sancti pariterque, cum eam recipit dextera.
0710505a  Eja, o christicolae, jubilantes psallite, summum boatum date, trinum adorate Deum.
0710505b  Gloriosam virginem supplices exorate, ut emittat pro nobis preces ac fundat Domino.
0710506a  O beata et venerabilis virgo, quae gaudiis perfruis angelorum.
0710506b  O regina coelestis Maria, quia non eges paradisi gloria.
0710507a  Illustra hos, quaesumus, qui satagunt famulos in aula hac tibi famulari, Deus, per saecla.
0710507b  Peccamina abluas noxia ac delicta non sinas multiplicari tuis, o alme Deus.
0710508a  Adoremus Christum, regem angelorum, preces offeramus ei in aeternum ac munera.
0710508b  Ipse quoque nobis tribuat gloriam martyrum simul omnium atque sanctarum virginum.
07105a04b Gaudet namque virgo sacra cumque venisset o alma.
0710600   In Assumptione BMV.
0710601a  Aureo flore primae matris Evae florens rosa processit Maria.
0710601b  Oritur ut lucifer inter astra decorata polorum sidera.
0710602a  Flavescunt campi eremi, cassia collo germinantque lilia.
0710602b  Odore novo acanthi roscida nectarea rorantque arva.
0710603a  Patris summa filius arce convexo aevo clara soboles virtute paterna ab exordio patrat omnia.
0710603b  Nuntius celso Gabriel summus angelus aeterni regis egressus est castra aulae virginis stetit radians,
0710604a  Praecelsa Maria virgo pavescit lumine, Gabriel affatur ita:
0710604b  Concipies, alma regina, orbis regem in saecula regentem cuncta.
0710605a  Intactaque Mariae virginis tumuerunt viscera comitata fide credidit, digna namque tali foedere sola.
0710605b  Feta mater gloriosa, casta ante partum integra et post partum, non est similis, permansit genitrix inviolata.
0710606a  Enixa regem puerpera sacra hominem una Deumque genuit innuba, servavit fore pudica.
0710606b  Porta, quae clausa fuerat per Evam, paradisi, reserata praecelsae meritis Mariae, quae benedicta
0710607a  Inter omnes mulieres fructu floris ventris tui; exemplo sine placuisti sola,
0710607b  Nec primam similem visa nec habebisque sequentem; felixque nam nimium es, Maria.
0710608a  Ut sol migrans cuncta conscendisti globorum luminaria lucerna nitens inter angelorum castra.
0710608b  Hodie coeli templa scandens, beata Dei genitrix alma, cum coelicolis exorare regem sancta.
0710609a  Ruricolas cunctos tua annua recolentes recepta coelifera patria.
0710609b  Precibusque tuis adjuti omnes gloriemur simul nunc et per aeterna saecla,
0710610   Florigera casta una fruamur alma.
0710700   In Assumptione BMV.
0710701a  Aurea virga primae matris Evae florens rosa processit Maria.
0710701b  Oritur ut lucifer inter astra aetherea, perpulchra ut luna.
0710702a  Fraglescit ultra omnia Balsama pigmenta et thymiamata,
0710702b  Purpurea ut viola, roscida ut rosa, candens ut lilia.
0710703a  Patris summi quam elegit proles deica, ut assumeret carnem sacrosanctam ex virginis carne incorrupta.
0710703b  Celsus nuntiat angelus nova gaudia aeterni regis exortum in terra matremque ejus salutat ita;
0710704a  Ave, Maria, Domini mei mater alma, coelica plena gratia,
0710704b  Tu benedicta regem in saecula paries, effecta orbis regina.
0710705a  Fecunda ego, inquit, quomodo esse queam, cum virum non agnoscam, ex quo sum nata, et semper permanens virgo pudica
0710705b  Ne timeas, respondit angelus sanctum pneuma descendet in te, casta, quo fecundata paries Deum et hominem una.
0710706a  O vere sancta atque amanda, ex qua est orta redemptio nostra, salus quoque mundi veraque vita.
0710706b  O Dei nostri genitrix pia, suscipe nostra hac die precata, in qua es assumpta ad coeli claustra.
0710707a  Tu es enim patri cara, tu es Jesu mater bona, tu sancti Spiritus es templum facta.
0710707b  Tu es pulchra Dei sponsa, Tu regem Christum enixa, domina es in coelo et in terra.
0710708a  Hodie namque curiae coelestis tibi obviant agmina, te assumpserunt ad palatia stellata.
0710708b  Jesus et ipse festivus tibi matri cum angelis occurrens sede paterna secum locavit in saecla.
0710709a  Jam cum Deo regnas, nostra excusa clemens mala, poscens cuncta bona, o benigna.
0710709b  Mediatrix nostra, quae es post Deum spes sola, tuo filio nos repraesenta,
0710710   Ut in poli aula laeti jubilemus Alleluja.
0710800   In Assumptione BMV.
0710801   Salve, porta perpetuae lucis fulgida
0710802a  Maris stella, inclita domina, virgo materque Dei, Maria.
0710802b  Praeelecta ipsius gratia ante saecularia tempora.
0710803a  Cui missus Gabriel archangelus mira detulit a Deo famina, mundo nunquam audita:
0710803b  Aveto tu, Maria, quae totius plena muneris effulges gratia, est nam tecum dominans.
0710804a  Quapropter tu sola inter cunctas mulieres mater benedicta.
0710804b  Ne paveas, divina, quia ecce laetaberis te fore gravidam.
0710805a  Magnus hic erit Jesus filius summi ac throni Davidis gloria, et regni meta ipsius non erit aliqua.
0710805b  Mox ad haec dicta parans credula corda concipis Dominum Sabaoth, sic verbum caro factum est ex te, sacrata.
0710806   Te ergo petimus, ipsum pro nobis rogita, salvet ut nos per omnia saecula.
0710900   In Assumptione BMV.
0710901   In hac die sacra nimisque mira,
0710902   Qua jugis gloria micat inter cuncta sanctorum festa,
0710903   Qua theotocos Maria petivit aethra, nunc voce sonora
0710904   Hodie coelestes dicunt militiae:
0710905   Hodie Maria virgo in diademate niveo coelos ascendit.
0710906   Gaudia nobis retulit immensa, unde et vos, terrigenae,
0710907   Gaudete, quia cum Christo
0710908   Regali compta sistit laurea sine fine.
0710909   Ideoque nimis laetabunda matrem virginem dixit se regem genuisse,
0710910   Qui semper ubique regnat in aeternum.
0711000   De beata Maria V.
0711001   Reginae nunc coelorum festa
0711002a  Recolat veneranda caterva fidelis, eja,
0711002b  Modulando resultet praeconia ejus pia.
0711003a  In cujus aulam descenderat divinitas pro salute nostra,
0711003b  Quam non supera nec terrea maritima nec tenent spatia.
0711004a  Ergo laude ad sidera tollamus eam lucida,
0711004b  Super quae jam est posita tam corpore quam anima.
0711005a  Haec virgo inclita materque casta, vera deifera
0711005b  Cogit ad tartara ire profunda mentes Judaicas
0711006a  Propter sua dogmata, plena blasphemia,
0711006b  Quod Christus non ex ea carnem assumpserat
0711007a  Absque maris aliqua illecebra,
0711007b  Horrent quod fari ora catholica.
0711008a  Unde semper ora, sancta Maria,
0711008b  Omnium pro nostra salute magna;
0711009a  Ut per tua possimus coeli regna nos scandere merita,
0711009b  Qui credimus, quod virgo Deum vera de carne genueras
0711010   Et virgo post partum inviolata maneas.
07110a03a In cujus laude melliflua symphonia resonant organa.
0711100   De beata Maria V.
0711101a  Quam dulcis es, o alma, et sonore
0711101b  Te reboant sanctorum candidata
0711102a  Agmina, quae voce pulchra cantitant temet, Alleluja.
0711102b  O Deus, alta polorum residens, nobis pacem dona.
0711103a  In te omnis usia jubilat atque jubilum dat
0711103b  Hinc polorum dindima charismatumque quater tria.
0711104a  O alma, o celsa theotocos, nites, Maria, in saecla.
0711104b  Paranymphus ad te veniens orbem dat gaudiis, o alma.
0711105a  Nugantibus verba symphoniaeque necne rhythmica
0711105b  Tu fave, praecelsa ac personare verba in saecla.
0711106a  Quo theorica Christo una
0711106b  Fruamur vita compti stola
0711107   Simplaque post bina ovanter in saecla.
0711200   De beata Maria V.
0711201   O beata theotocos alma,
0711202a  Qui in tua se clausit viscera, salus nostra,
0711202b  De excelsis humilis venit salvare cuncta,
0711203a  Siderorum sic quoque clara summa Dei aedificantia.
0711203b  Quem Simeon senex Deum mox in ulnis ferens mysteria.
0711204a  Responsum accepit a spiritu sancto, non sese moriturum antea,
0711204b  Donec videret regem regum namque Dominum formans coeli et terrae.
0711205a  Moxque ut fieret humanata gloriosa deitas.
0711205b  Magnas ac virtutes mirificas coelorumque agmina
0711206a  Tibique laus et gloria resonant sancta agmina beata virginumque chorus canentia.
0711206b  Salus et virtus aeterna, Domine, tua decet sanctitudo nunc per infinita saecula.
0711207a  Quem beata virgo sacra Maria praesepio ornabat. O magna, o pulchra, nimis superna amantissima! Quem adorant beatorum chori et jucunda agmina,
0711207b  Martyrum et confessorum devota, virginum candentia; O Deus, o alma, trina et una quoque majestas, Pater, filius sanctusque spiritus una essentia.
0711208a  O bone rex et gloriose,
0711208b  Preces nostras nunc tu suscipe.
0711209a  Nostrorum quoque peccata ablue,
0711209b  Praeterita ac ventura dilue,
0711210   Ut dicamus tibi gloriam.
0711300   De BMV. tempore Nativitatis Domini.
0711301   Beata tu, virgo Maria,
0711302a  Mater Christi gloriosa
0711302b  Deique plena gratia,
0711303a  Nimium credula
0711303b  Gabrielis verba.
0711304a  O alma Maria,
0711304b  O sancta Maria!
0711305a  De te enim dixit Ezechiel propheta,
0711305b  Quia eras clausa in domo Dei porta,
0711306a  O alma Maria,
0711306b  O sancta Maria!
0711307a  Jam tripudias coelestia regna
0711307b  Angelorum super choros exaltata,
0711308a  O alma Maria,
0711308b  O sancta Maria!
0711309a  Petimus ergo tua, sancta Maria, suffragia.
0711309b  Intercede pro nobis ad eum, qui est saecli vita.
0711310a  Te enim exspectat supplex ista atque humilis plebecula,
0711310b  Ut tuis fulta precibus semper convalescat ad meliora.
0711311a  O beata Dei genitrix, virgo semper gloriosa,
0711311b  Quae sola digna fuisti, portare saeculi vitam.
0711312a  Nostris ergo, quaesumus, memorare precibus sedula.
0711312b  Ut una simul tecum mereamur gaudere per aevum
0711313   In coelestia regna.
0711400   De Christo et B. Maria V.
0711401a  Ave, Jesu, fili David, regnans in patris dextra.
0711401b  Ave, virgo, proles David, salve coeli fenestra.
0711402a  Rex Christe, virtus patris, pater et puer matris, nos verae castitatis cinge zona.
0711402b  Maria, vitae porta, per quam salus est orta, nos per vitam reporta, mater bona.
0711403a  O nate de matre virgine, rex Messia, matris prece nos a nece carnis emunda et pace funda.
0711403b  O pia Maria, sis nobis vitae via, monstra natum coronatum in Sion illa urbe tranquilla.
0711404a  O Jesu, fili Mariae, in rationis die per Mariam nos libera.
0711404b  Maria te intactam factoris matrem factam clamantes fer in aethera.
0711405a  Bone fili, tu nos salva; Bona mater, tu nos adjuva, ambo ad regna ferte superna.
0711405b  Per vos ambos est redempta, per vos sit et ecclesia angelis juncta per saecla cuncta.
0711500   In festo Omnium Sanctorum.
0711501a  Hodierna dies rutilat climata orbis per ampla
0711501b  Regi sacrata, qui supera moderatur atque ima.
0711502a  Qua intemerata Maria exsultat formata, quem tulit casta dynami mira.
0711502b  Sola quae janua regia exstat, qua amissa redditur vita, scandunt qui celsa.
0711503a  Angelica ter trina agmina, exornant atria quae uranica,
0711503b  Tripudiant melica cantica voce laudiflua in arce summa.
0711504a  Patriarcharum pia emicant acta sidera super lucida, qui nacti famina sunt herilia
0711504b  Ac vatum oracula multifaria, vernat quibus ecclesia, praesente retecta Christo omnia.
0711505a  Summa merita praecellis qui cuncta, Johannes, pelle nostra saeva pericla.
0711505b  Clara lumina, arva quae serenant, Israel duodena judicantia.
0711506a  Redimita caterva martyrum laurea decusata honora et palma reportans trophaea hoste fortia.
0711506b  Imitata opima vestigia una nos ad alta evehant, quo cuncta amoena sunt passimque felicia.
0711507a  Turba confessorum egregia, quae paradisiaca frueris aula, prece nostra solve vincula.
0711507b  Eremitica serta fulgida candentia dindima super aethera nobis sua dent collegia.
0711508a  Casta virginea turma, albicans super lilia, hymnica concinat organa voce pudica.
0711508b  Jam concilia florida omnium sanctorum una, impetrate nobis polica contubernia.
0711509   Infinita quo per saecula repromissa praemia capiamus felicissima.
0711600   In festo Omnium Sanctorum.
0711601   Ecce pulchra
0711602a  Canorum resonat voce Alleluja
0711602b  Intimans requiem civium inclitam.
0711603a  Felix stat nimium angelorum rutilans agmina,
0711603b  Sancte, sancte, sancte, Christo ovanter proclamantia.
0711604a  Sublimis in cathedra apostolorum sedet fulgida lampada, tribus et linguas judicantia.
0711604b  Omnia ut stercora reputarunt humida, propter hoc emicant velut stella firmamenti clara.
0711605a  Stolis candidis martyrum adornantur colla.
0711605b  Hi sunt milites, qui mundi proeliarunt bella.
0711606a  Coronis albis coronantur sancti, qui confitentes crediderunt justa vel fide certantes respuerunt vana, modo habent coelestia regna.
0711606b  In qua triumphant gliscentes optime sive cantitant psallentes carmina arte laudiflua, voce dulciflua, Regi Christo submittentes colla.
0711607a  Multum recitaris laude spirituum atque jubilaris in choro virginum, Alleluja, dulcimode te decantant pudicum agmina.
0711607b  Laus tibi sit semper, Christe, per omnia, qui opitularis cantantes talia. Voce pulchra Alleluja et nos ipsi proclamemus una.
0711608   Da nobis aeterna regna florida, ubi cantemus omnes Alleluja.
0711700   In festo Omnium Sanctorum.
0711701   Adonai, Sabaoth, rex Emanuel,
0711702a  Unigenite Deus, fili qui regnas semper cum patre
0711702b  Atque spiritu sancto in trinitate et unitate.
0711703a  Laudamus et adoramus te, quem laudant angeli et adorant simul archangeli,
0711703b  Quem apostolorum chorus gloriosus, martyrum candidatus laudat exercitus.
0711704a  Metuunt atque tremunt. glorificant ac conlaudant omnes sancti
0711704b  Dicentes: tibi Deo benedictio semper sit ac potestas.
0711705a  Saeculorum rex Deus omnium, gaudium angelorum, qui es pax et salus, via et veritas atque vita.
0711705b  Qui es dies aeternus atque lux indeficiens et claritas sempiterna omniumque redemptio vera.
0711706a  Apud quem semper clara vita sanctorum, quorum nos mors pretiosa laetificat, et apostolorum, martyrum, confessorum, virginum sanctarum.
0711706b  Te supplices, benigne pater, obsecramus in tuorum sanctorum commemoratione omnium, ut nobis claritatis largiaris donum.
0711707a  Precibus enim eorum nos petimus adjuvari, quorum festa noscimus venerari.
0711707b  Ut quorum gaudemus festo, instituamur exemplo, meritis quoque horum adjuvemur.
0711708a  Et gloriam tuam humiles exoramus, ut quorum festa celebramus, eorum sanctitate imitari exempla valeamus.
0711708b  Atque cum omnibus in coelestia sancta te auxiliante adscisci mereamur, ut laudes trinitatis gratulanter dicamus:
0711709a  Gloria patri sit Deo, Domino Jesu Christo cum paraclito.
0711709b  Qui Deus unus et regnas per infinita saeculorum saecula.
0711800   In festo Omnium Sanctorum.
0711801a  Christo inclita candida nostra canant melodia agmina,
0711801b  Laudes omnibus dantia sanctis per haec sacrata festalia.
0711802a  Mariam primum vox sonet nostra, nobis per quam sunt vitae data praemia.
0711802b  Regina, quae est mater et casta, tergat nostra per filium facinora.
0711803a  Angelorum concio sacra et archangelorum turma inclita
0711803b  Nostra diluant jam peccata praestando superam coeli gloriam.
0711804a  Tu propheta, praeco, lucerna atque plus quam propheta,
0711804b  In lucida nos pone via mundans nostra corpora.
0711805a  Apostolorum princeps et cuncta juncta caterva,
0711805b  Jam corrobora vera in doctrina plebis pectora.
0711806a  Stephane, gloriose rutilans in corona, sanctorumque martyrum turma valida,
0711806b  Fortia date corda corpora atque firma, sacra ut hostem vincant rite spicula.
0711807a  Martine inclite et praesulum omnis caterva,
0711807b  Suscipe nunc pie modo nostra clemens precata.
0711808a  Regina virginum praemaxima, tu mater incorrupta virgo et gravida,
0711808b  Sacrata Domino et castitas, nostras serva animas mundaque corpora.
0711809a  Electorum veneranda suffragia
0711809b  Omniumque sanctorum contubernia
0711810a  Per precata assidua nostra gubernent tempora
0711810b  Nosque ducant ad supera polorum vera gaudia.
0711811   Subjungant pium agmina Amen redempta.
0711900   De Omnibus Sanctis.
0711901   Rex alme Deus, salus omniumque vita,
0711902a  Nostras aure pia voces intende una,
0711902b  Hodie ovanter precamur hac in aula.
0711903a  Namque de regia poli aula per virginem enixam
0711903b  Visitasti tua praesentia, rex clemens, cosmi arva.
0711904a  Cruore redempta unde tuo gaudent praecelsa omnium sanctorum agmina,
0711904b  Propria conlaudant haec te, Deus noster, in patria tua, boant praeconia
0711905a  Archangelorum insignis turma, patriarcharum prodigia celsa
0711905b  Et prophetarum oracula jam manifestis signis patefacta.
0711906a  Apostolorum manet conjuncta felix atque pia prodigia, de quorum concrevit voce blanda ecclesia olim sancta.
0711906b  Quam mitis ornat martyrum gleba et confessorum virtus praeclara, virginum quoque conlaudantia fortiter mira caterva.
0711907a  Quorum omnes festa colimus annua hodie in hac aula.
0711907b  Justi vita Martialis ex quorum caterva manet alma.
0711908a  Triumphavit qui adversi hostis tela potenter vincens per omnia.
0711908b  Cujus olim doctrina fulget optima tellus ubique Lemovica.
0711909a  Ipsius semper, Christe, per saecla
0711909b  Nos serva votis, poscimus una.
0711910a  Nam moderaris celsa polorum tu culmina.
0711910b  Terrarum atque torques ima sistens in aethra.
0711911a  Et pie clarifica corda potenter nostra, tergens cunctorum saeva peccaminum vincula, optime, luce clara.
0711911b  Quo queamus propria passim servare jussa, uti congaudeamus ovanter nos in aethra pulchra dati corona.
0711912a  Atque simul nos venerantes sanctorum omnium olim festa,
0711912b  Ipsi fundant pro nobis preces in sede poli celsa per saecla.
0711913a  Quo vulgo noxia a nobis auferas, vitam feliciter nobis perpetuam, rex mitis atque pie, praebeas.
0711913b  Atque nos cantica psallamus dulcia te semper in cuncta laudantes saecula, en cuncti voce dixentes una:
0711914   Alleluja.
0712000   De Omnibus Sanctis.
0712001a  Te conlaudant agmina manentia in aeterna palatia,
0712001b  Proles unigenita, cum patre semper diuturna per tempora.
0712002a  Tu enim constas optata sanctis gloria, illos semper beatificans visione tua valde clarissima.
0712002b  Cujus in regna poscimus omnes supera compotes fieri, nunc nostra persolventes debita mente devota.
0712003a  Captans aure illa jam placida contribuas repromissa, petimus a te, patria.
0712003b  In qua melodiam dulcifluam angelica tibi cantant Domino Christo agmina
0712005   Omnia per saecula.
0712100   De sancto Andrea.
0712101a  Praefulgida dies exstat, Andreas qua tripudiat
0712101b  Angelica inter clara agmina post vestigia
0712102a  Agni reboans cantica concinna; quem fratre a procella Thetidis una convocat voce propria
0712102b  Jussa dans: modo terrea retia et cuncta blandimenta mundi linquite, alia sectantes lucra.
0712103a  Hominum turbam orbis per maria capite lata.
0712103b  Ergo fraterna divino intima calore nexa
0712104a  Parent monita, praepotentis dextra lina quorum plena ducta per compita sunt telluris perampla.
0712104b  Qui circumcirca ferentes dogmata nova valde mira peragebant signa deitatis gratia.
0712105a  Nam defleta lucique functa reddebant corpora
0712105b  Incommoda nec non omnia pellebant pericla.
0712106a  Donec alta scandunt per vexilla poli dindima
0712106b  Fruentes aurea luce per saecla, quorum per suffragia
0712107a  Audi jubilamina, rex, aure piissima,
0712107b  Quae Andreae celebrans plebs canit solemnia,
0712108   Ope cujus nos guberna.
0712200   De sancto Andrea.
0712201a  Nostra promat caterva cantica mixolydica
0712201b  Sacra boans carmina Andreae in solemnia.
0712202a  Est nempe per arva recolenda nimiumque clara haec dies alma,
0712202b  In qua polica redimitus serta tenet sceptra alta sidera.
0712203a  Hic namque mundi crimina agnum tollentem est secutus in terra.
0712203b  Relinquens sua omnia Christi nimia mente tulit devota.
0712204a  Dum per alta aequoris spatia ambit capturam,
0711204b  Captus diva dextera est factus mox Christicola.
0712205a  In sorte apostolica sublimatus est ita.
0712205b  Peracta mira plurima crucis gestans trophea,
0712206a  Scandit polorum alta hac in die praecelsa laureatus cum palma. Hinc ergo plaudat humana ob sancta praeconia
0712206b  Clangat et uranica simul melos chorea, Fratrum nec ne canora jucundetur nunc turma Christo promens neumata.
0712207a  Doxam altithrono in aethra
0712207b  Nostra vox sonat in hac aula,
0712208   Qui nos ducat sine meta ad aetherea felices regna.
0712300   De sancto Andrea.
0712301   Adest festa praecelsa
0712302a  Et cunctis nimium colenda,
0712302b  Devota sacra solemnitas,
0712303a  Quae in honore Andreae, apostoli Domini, mundo rutilat.
0712303b  Qui Domini Christi jussis obediens amisit omnia sua.
0712304a  Scilicet retia et patrem navimque, qua arte vivebat.
0712304b  Amisit patrem temporalem, secutus est saeculi vitam.
0712305a  Namque ideo cum Christo vivit perenni coronatus in saeculo.
0712305b  Oremus omnes, ut pro nostra abluenda facinora intercedat
0712306   Per saeculorum saecula.
0712400   De sancto Andrea.
0712401   Haec est festivitas magna cunctis populis
0712402a  Diei hujus veneranda beati Andreae condigna,
0712402b  Cujus beatitudo magna processit in cruce levata.
0712403a  Ipse denique dixit cunctis athletis, Christi devicit trophea,
0712403b  Ideoque meruit in arce poli cacumen admitti summa.
0712404a  Quia et mundi hujus gaudia nempe devicit cum gratia,
0712404b  Illam sortiens vitam beatam, quae sine fine dat praemia.
0712405a  Pateant, quaesumus, regna coelestia sequentibus tua monita.
0712405b  Aperi januam vitae fidelibus, qui tuam exspectant gratiam.
0712406a  Tibi collata est a Domino potestas quidem maxima.
0712406b  Solve devictos libera illos, qui tua sequuntur dicta.
0712407a  Ut tua vestigia sequendo per omnia et consecuti vitae palmam
0712407b  Mannae dulcedine sine fine data perfrui meremur tecum
0712408   Conlata per infinita saeculorum saecula.
0712500   De sancto Aredio.
0712501   Astra hodie Aredius polica
0712502a  Subiit ovans virtute vectus valida.
0712502b  Christus ad ima descendit quondam humana.
0712503a  Quoniam sanctis clarescit gloria
0712503b  Et Christi multa fulgescit gratia,
0712504a  Ista sit vobis celebranda rite caltudia
0712504b  Reboentque pneumata clara potestate digna.
0712505a  Ipsa pueritia Aredii grata rudimenta
0712505b  Exsistunt redimita honestate sat bene praeclua.
0712506a  Praecordia literata student dum officia,
0712506b  Qua lectio dat salubris, via itur directa.
0712507a  Qua tendit ac per coelica haec facta collegia poli super sidera,
0712507b  Inventus floribus grata titulorum aureis plurescit laureata.
0712508a  Tum vestigia offerunt se tota quadrivia jam juveni tradita.
0712508b  Luce praevia quaeque sequens cauta pedestrica sumit tirocinia.
0712509a  Talibus sacra induit tum arma fortis athleta,
0712509b  Spreturus dura hostium spicula, ausa frangenda.
0712510a  Qui regia receptus aula Theodeberti amicitia
0712510b  Fruens ejus per palatia fit praeclarus fide semper una.
0712511a  Quatienda ad prava corda placidum numen in columbae idea
0712511b  Serena regis reddit corda intimans Aredium sorte electa.
0712512a  Qui pastor ovibus prudenter monastica intexuit per exercitia Nicetii jam nota dogmata.
0712512b  Aeterna gaudia deposcimus nos una, o Aredi, impetra nobis, sancte confessor Christi; saecula
0712513   Per cuncta honor, laus, Deo sit gloria.
0712600   De sancto Aredio.
0712601   Alle -- vox promat Christo carmina perpulchra -- luja.
0712602a  Clara camoena sona turma lyra boans alternatimque jubila.
0712602b  Cui chorea sat lucida mira atque dulcia clangat pneumata.
0712603a  Nos tua, Christe, gratia
0712603b  Anguis vincere machina
0712604a  Ac temnere tela, sola tua optantes frui gloria,
0712604b  Quo tecum socia plaudat poli caterva voce consona.
0712605a  Tita, astra, luna, cuncta cosmi quoque creata te adorant per saecla
0712605b  Ac profunda maris nata aquatica nonnulla et abyssi opaca.
0712606a  Etiam jam tua plebs celebrat haec festa sancti Aredii, in qua odas attollit mente excelsa.
0712606b  Qui lucerna super candelabrum accensa cuncta illustrat circumquaque emicans sua doctrina.
0712607a  Ceu sol lustrat cuncta orbis spatia, ita sua verba nonnulla corda, ut spernant probra omnia, tendant ad habitacla illa superna.
0712607b  Gemina praestans dona, clausa ocella propria tacta manu reddens aperta solvensque nexorum vincla, cuncta praebens pacata Christi gratia.
0712608a  Ad alta, sancte, eleva nunc nostra corda, perpetua regna ut scandat haec plebecula; precata tua maneant praeclara, canticaque nunc nostra ferto ad alta.
0712608b  Quo jubilando lyrica modulamina ovans gaurizans cum agmina purpureata cantitans perpulcherrima neumata voce clara sanctum ter Deum adoras.
0712609   Hagie rex Sabaoth, tibi sit doxa per saecla.
0712700   De sancto Augustino.
0712701   Laude praeclara
0712702a  Reboat haec aula laetanter die ista, in qua annua Domino solvimus cantica,
0712702b  Qui sua gratia nobis dat Augustini sancti nunc pura mente colere solemnia.
0712703a  Cujus doctrina deperit haeretica perfidia,
0712703b  Christi quoque devota corroboratur ecclesia
0712704a  Benedicta sit illa doctoris lingua,
0712704b  Cujus sophia toto orbe lucida
0712705a  Praepollet in ecclesia; hic haeretica perfida agmina, superabat cuncta rabido ore stridentia
0712705b  Circa Christi ovilia; sed per omnia fide confirmata ista venenata hostium confregit jacula.
0712706a  O alma, o digna, o quanta praecipua Christi benignitas, o sancta.
0712706b  Quae tantum ac talem tam sancta dedisti mystica proferentem dogmata.
0712707a  Illius doctrina modo splendidissima cuncta illustrat orbis climata,
0712707b  Ut coeli luminaria dicta et salubria ejus fulgent in ecclesia.
0712708a  Stupe valde talia, quicunque Christicola,
0712708b  Per hunc facta adversus tot haereses proelia.
0712709a  Stirpe egregia ortus de tribu magna Christi miles tendens ad coelica reliquit propria.
0712709b  Optans Dei dona Dei perrennis gratia, pro quo sprevit terrea, per saecula percepit coelestia.
0712710a  Dic, impia pravitas, credere quid dubitas?
0712710b  Quid Domino properas inferre contraria?
0712711a  Unde infers Christo schismata? nil tua valet jam versutia.
0712711b  Te, ubique ne praevaleas, damnat Augustini sapientia.
0712712a  Haeresis incredula, cur perstas adhuc temeraria?
0712712b  Tenemus arma illa doctoris magni dicta inclita,
0712713a  Quo perculsa pereas. Ergo fortis athleta, a Deo nobis impetra, Ut fide semper integra
0712713b  Teneamus dogmata, Quae doces admiranda de fide catholica; Tua quod donet gratia.
0712714a  Per hujus, Christe, cara nobis fave merita.
0712714b  Tu et sanctum neuma per omnia nos adjuva,
0712715a  Ut instructi fide sancta faciamus bona
0712715b  Propterque resurrectionis sancta vigilia
0712716   Consequamur aeterna.
0712800   De sancto Benedicto.
0712801   Quem superne
0712802a  Tripudiatim beatificant cohortes in aethra, cui fovet consors aetherea curia,
0712802b  Cujus nomen beatum felicem tenet praesagium, qui Christi nancisci meruit gratiam,
0712803a  Hujus enim grata celebritas nunc micat, qua corporea translata sunt sancta membra.
0712803b  Ipsum ergo extollamus per saecla, qui cuncta sprevit orbis funditus lenocinia.
0712804a  Cum esset aevo indolis in primaevo flore incanuerat animo in recenti tirocinio.
0712804b  Qui patris spreta omnia supellectilia anachoreseos petens cluebatque anachoreta.
0712805a  O agie Benedicte, inclitorum summe, quique mente avida internum inspectorem sitiens, amictu exutus cruentabaris inter dumeta;
0712805b  Tu flamine cunctorum christicolarum fartus sternens potenter hydrum zabulorum pellens praestigia, praescius futurorum, agnitor cordium arcana.
0712806a  Tibi cuncta mundi machina nocte intempesta instar sub Titanis speculo ostenditur prorsus collecta.
0712806b  Momento postmodum modico exutum corpore Germanum praesulem cernebas nantem ad superna adyta.
0712807a  Fare, age, schola canora, Christo cernua, sacras laudes Benedicto theologo, laudabillima dic praeconia.
0712807b  Jamjam chori alternatim melos pangite hymnifluos categorizantes ovatim symphoniaca modulamina.
0712808a  Sophus sophorum tu sophiae angelorum consors, virtuteque compar apostolorum, confessorum apex, meritis rutilans.
0712808b  Coenobitarum gerens sceptra, quibus vitalia condideras monita sat docilis custodientibus ac salutaria.
0712809a  Cumque examine supremo censor censorum majestate splenduerit corruscus, orbis ut discutiat damnabilia crimina,
0712809b  O Benedicte, pater patrum, te corruscante schemate tunc genuino, nostrorum patronus agnoscaris et heros ante omnia.
0712810a  Ergo nos tuos clientulos agnitos tecum mansuros, fac ut adeamus ovilia, ubi degunt monachorum agmina.
0712810b  Jam harmonicis cantilenis paene exactis precamur, ut exituri a saeculo reperiamur tuam clementiam.
0712811a  Antiquum hostem amove, uti possimus subire te duce poli regiam.
0712811b  Completa nostra camoena tecum canamus Domino perpetim jubilamina.
0712900   De sancto Benedicto.
0712901a  Praeconia modo nectarea voce promamus cum tinnula, concio o nostra.
0712901b  Quia instat dies decusata patris Benedicti annuatim rite dicata.
0712902a  Dum patris esset in tutela inclitissima respuit domata,
0712902b  Cosmi cuncta oblectamenta, evangelica conferens dogmata.
0712903a  Linquens solamina sueta eremi spelaea adortus est sine mora.
0712903b  Illic mentem suam in vita fixit theorica divina plenus gratia.
0712904a  Nonnullam secum aggregavit turmam centum quatuor ac quadraginta,
0712904b  Duo per dena condens coenobia, quae Deo redderet obsequia.
0712905a  Felix patrata multimoda miracula coelitus data resuscitavit corpora defuncta vita natura.
0712905b  Machinamenta praeagnita saevi regis decenter cuncta deserta eum arguit impia dicens ventura.
0712906a  Cum tuba canite fibrea carmina illi modulata, cui parent mundi climata;
0712906b  Qui cum tanta tulit gloria, caelibes ubi tripudiant, Benedicti patris animam.
0712907a  Pater agie, cernuam semper familiam tuereque nunc tuam,
0712907b  Uti in arvis suffulta gaudere valeat in sede siderea
0712908   Cum turma angelica.
0713000   De sancto Benedicto.
0713001a  Aetherea laudant quem agmina, o Deus, approba cantica, nostra boat quae nunc caterva.
0713001b  Almiflua patris nam celebrat Benedicti festa plebs ovans casta pangens tibi carmina.
0713002a  Nectarea cujus fraglant ligustra passim per orbem diffusa, scilicet pia dogmata.
0713002b  Ut sol micat inter astra praeclara, Benedictus exstat ita corruscans in ecclesia.
0713003a  Exornat quem sat doctrina mystica arduam signans petendam regiam, Deus, regnas in qua per saecla.
0713003b  Arta sed mira ipsius est norma praemonstrans linquenda mundi compita ac sequenda tua munia.
0713004a  Pollens magna qui gratia egit mira, sua in primaeva floscula nugacia fluxa atque vana omnia despiciens, pneumate sat comptus pubeda.
0713004b  Ut lucerna refulgebat hinc in aula abba virtutum insignia patrans multa ampliabat lucra commissa ad superna quosque poterat.
0713005a  Prophetali comptus gratia confregit delubra obsoleta, vincens venena, sat spectandam ducebat vitam.
0713005b  Circumcirca demum semina propagans divina duodena fratrum inclita fundavitque monasteria.
0713006a  Hostis tela flamivoma detegens immissa dedit farra immensa suis missa pneumata ac persacra munia.
0713006b  Sic ex petra praebens lympham ad vitam mortuum et restaurans solis spicula omnem mundi vidit simul hic ideam.
0713007a  Haec post mira polorum alta scandere animas Germani sororisque vidit sanctas et sui praedixit temporis metam.
0713007b  Carens sacra corporis gleba tandem ad aethera, praedixerat sicut jam, ab alumnis scandere cernitur ejus anima.
0713008a  Corruscam signans claris viam vir ait quibus: haec est illa nempe via, Benedictus abba clara cum palma scandit per quam supera felix ad regna.
0713008b  Expediat quis digne tua o Benedicte magnalia? namque mira Virtute corruscas glebam ad tuam expotata praestando beneficia.
0713009a  Saecla peracta novissima duodena tunc intra collegia cum Christo judicia tu suprema corruscans in sede decernes senatoria.
0713009b  Fer ad supera hinc moenia, humillima petimus mancipia, sacrum concinentia Alleluja, recolunt qui tua nunc festa mente devota.
0713010   Sit trinitati gloria, per quam bearis aeterna, Benedicte, per saecula.
0713100   De sancto Benedicto.
0713101a  Laudum carmina creatori lira plaude, eia,
0713101b  Pangens inclita Benedicti gesta voce canora.
0713102a  A puero florida sprevit mundi cuncta gliscendo coelica
0713102b  Et Domini gratia confracta restaurat, fraus signo retecta.
0713103a  Fratrem verbere miserum virtute reparat,
0713103b  Ferrum enatat, solida fit undae semita.
0713104a  Rupes flumina dant insolita, corvus nil murmurans fert jussa.
0713104b  Vidit sphaericam mundi machinam radio sub uno collectam.
0713105a  Binos zabuli salvavit ab ira.
0713105b  Patri filium post mortem redonat.
0713106a  Prophetis non impar ventura pronuntiat, pueri superba divinat.
0713106b  Sororis lacrimae fraterna mutant vota, fantur simul Dei arcana.
0713107a  Post haec anima sororis ad alta evolat.
0713107b  Frater haec ita audiens mox laudem decantat.
0713108   Laus et honor sit Christo et sanctis omnibus gloria.
0713200   De sancto Benedicto.
0713201   Laeta dies aureo jubare corruscat aethra nitentia,
0713202a  In qua jubilat coelestis schola fistula pneumatica.
0713202b  Aula regia ecce resultat cuneis glomerata.
0713203a  Mysticus senatus tibi plasmatori dat tinnula harmonica.
0713203b  Unde tibi, Christe, decus favet proditus apicis agalmata.
0713204a  De castra herilia ambrosio liquore pulchra redolent balsama.
0713204b  Hymnidica resonat apparatus theologus naviter laudamina.
0713205a  Age, eja sacra phalanga, propter quid tanta tripudias organa?
0713205b  Immo in quem? Benedictus christicola quia conscendit alta jam moenia.
0713206a  Qui voti compos trabea lucida
0713206b  Nactus per aevum purpurea fulcra.
0713207a  Gloriosa cujus redimita anima schemate poligera
0713207b  Triambum perennem retinebit penes duodena collegia.
0713208a  Insignitus toga gemmata nunc quoque triumphat aurea intra thalama.
0713208b  Sacer miles lampabit sceptra, arbiter summus cum inluxerit in gloria.
0713209a  O quam feliciter, o quam remediabiliter in aeterna atria, Benedicte, inexhausta rutilas lampada.
0713209b  Quapropter quaesumus in hujus diei annua, accede apud Christum suffragator pietatis pro nostra crimina
0713210   Cuncta per saecla.
0713300   De sancto Felice.
0713301a  Concrepet symbolica Christo psallens melodema polorum chorea.
0713301b  Uranica regia en pertonat symphonia hac die inclita.
0713302a  Trina ternarum curia dindima concrepent simul praeconia.
0713302b  Felicis testis trophea reboans augusta intra palatia.
0713303a  Cujus dynamis invicta pollet in arva, haec cui pia odas fert caterva hypophetica hymnologia.
0713303b  Tellus olim qui Spaniae traxit archica pandens munia, jugavit plurima Christo climata pellens ludicra.
0713304a  Theologa Gerunda opimans verbi sat spermata hieromysta.
0713304b  Artis tempsit scita, Rufini saeva, ejus omnigena vicens tormenta.
0713305a  Crucis et vexilla fortia vibrat ovans, ambulat super undas, pontum triumphat naviter depromens melos Alleluja.
0713305b  Fretus nam phalange divina angelorum lympha post solidata sub vestigia agonem iterat mactus in summa.
0713306a  Carceris claustra clausus horrida agonista potens georgia alitur coelitus Felix athleta.
0713306b  Lanista demum pervicax fera tergora mulorum nexum soma invictum spiritum misit in aethra.
0713307a  Cujus affla laureata micat aula in superna felix feliciter lampas septa.
0713307b  Veneranda cujus membra angelorum tumulata manibus exstant, cura urbis moenia.
0713308a  Felix Gerunda, tanta redimita sanctorum clara pignora, portare mira quorum semper gliscit gleba.
0713308b  O quam rutilat martyr nitens serta in sede senatoria ornans virtute artus sanctos suos pulchra.
0713309a  Poscimus jam tua nosmet colentes caltudia ferto in superna nos in regna.
0713309b  Pneumatum cum temet cohors et alma ubi doxa ovans Christo psallit myxolidica.
0713310   Poematum cui demus hyperlydica cuncta per saecla.
0713400   De sancto Geraldo.
0713401a  Auriflua comant luce arva astra micantia die hac, qua jucundant virtute mira;
0713401b  Qua Geraldus ad alta posita corporis trabea conscendit bonus coeli capitolia.
0713402a  Quem divina praeeligit gratia, ante forent quam saecula, quae erant in nato vita.
0713402b  Quo jubilat tellus Aquitanica, quam luminat arce summa posita velut lucerna.
0713403a  Opulenta prosapia qui satus emicat religionis inclita pietate satis decora.
0713403b  Sed honestat munifica eundem pietas, ornans virtute debita in semet clementer refusa.
0713404a  Initia cujus prima in materna vulva indicia publica dant per terna vocis sonamina audita, quod trinitas ejus acta det vitalia.
0713404b  Modifica patris cura quem tradit ad diva studia felicia, quo intima ejus riget arva copia dulcisona decantata Davidis lyra.
0713405a  Quem superna tuens gratia subarrhat opima jugans dote sibi socia sophialia dans pocula.
0713405b  Hinc transacta pueritia corde manent sata ejus penita scientia ad degustanda suavia.
0713406a  Ergo quia hunc roburea membra percitaque firmabant, sumenda ad arma quaerebatur jure proprio debita.
0713406b  A quo dextra Christi invicta tela noxia pellit versa, electa dum ala triumphat corripiendo bastilia.
0713407a  Virginea cujus tempora protegit laurea, lilia quam decusant cum caterva, quae canit cantica specialia.
0713407b  Innumera gessit opera ad theoremata pertinentia, multa ad activam, in utraque piam nactus gratiam.
0713408a  Quem doxa sustollit ad alta gloriam rependens crebra per miracula, agmina languida quibus sanata jubilant per commoda sibi reddita.
0713408b  Haec merito virtutum dona impetrat, reserat qui superna limina praedia propria qui sub norma fabricam struendo tribuit sub aequa.
0713409a  Nunc jam curia in supera residens inter turmam consulum fulgida gestans serta, pater, precamina supplicum percipe aure serena.
0713409b  Cuncta relega discrimina, errata procul arcens noxia, militantia salvans tibimet agmina, donec ad superna ducas culmina.
0713410   Felicia quo capiant quondam amissa gramina sempiterna per saecula.
0713500   De sancto Hilario.
0713501a  Nova gratia aethera reboantia promunt carmina,
0713501b  Quia Domini athleta scandit aurea ovanter regna.
0713502a  Concors angelorum celsa nunc caterva succentibus organica,
0713502b  Apostolorum repleta jam phalanga affabre cane neumata.
0713503a  Martyrum atque confessorum, virginum cunei, nobiscum una
0713503b  Voce clara, mente devota sistris diapason pangite odas.
0713504a  Ad hujus viri suffragia Gloria, victoria
0713504b  Laxis fibris et arteria Innovantur organa.
0713505a  Quod fuscaverat haereticum longe per orbem diffusum dogma,
0713505b  Reparavit Hilarii lingua apostolicis praeceptis docta.
0713506a  Innumera beluina cellula vagantia, vocis ejus organa tremula facta,
0713506b  Fugiunt moesta facta limites, in externa transeunt nec redeunt habita loca.
0713507a  Prima conditio obedivit serpentis praeceptis docta,
0713507b  Secundo ditatur talis sermo, quem angues fugiunt atque ipsa.
0713508a  Clarus ac diversus idiota Ad Hilarii annua
0713508b  Clerus atque omnis indigena Persolvendo munia.
0713509a  Tunc mater exstincti moesta facta, provoluta ad pedes ejus exaudita,
0713509b  Recepit filium cum gaudio exspoliata manens quod stitit tartara.
0713510a  Qui prostrata lubrica
0713510b  Melle fluit in gloria
0713511a  Creatura tua stellaque matutina.
0713511b  Miserere, soter, Hierusalem gloria,
0713512a  Da veniam, quibus tollit nocivum, facit nos coronam,
0713512b  Ut, cum omnes demerseris inimicos tuos in atra,
0713513   Nos ducat ad praemia semper mansura.
0713600   In festo Innocentium.
0713601   Rex magne Deus,
0713602a  Qui intueris abyssos et montes ponderas tua magna potentia,
0713602b  In cujus manu sunt omnia regna et cui non latent omnia occulta.
0713603a  Te laudat polorum fulgentia ac mira potestas,
0713603b  Te archangelorum luciflua praecelsa agmina.
0713604a  Tibi turba cantorum juvenilis adstat,
0713604b  Incessanter gloriam regni tui jubilant.
0713605a  Carmina laeta ac nova proclamant,
0713605b  Laus tua Deus per saecla devota.
0713606a  Centum quadraginta ac quatuor milia. qui empti sunt de terra,
0713606b  Cum mulieribus non sunt coinquinati, virgines enim perstant.
0713607a  Ante thronum Domini quotidie boant, sine macula
0713607b  Stolis albis induti, decorati triumphali corona
0713608a  Voce una proclamant: vera et justa, Deus, judicia tua.
0713608b  Sanctus rex, almipotens, quare tu non vindicas ultionem nostram?
0713609a  Accipiunt divina responsa et mira: Sustinete modica tempora atque hora,
0713609b  Donec fiat impletio fratrum vestrorum eorum, qui habent in frontibus Dei normam.
0713610a  Oportet impleri omnia sacra testamenta,
0713610b  Quae sunt prophetata a mundi hujus principio.
0713611   Deus tibi laus.
07136a03a Te per orbem laudat cuncta populorum fidelis caterva.
07136a03b Te in astra angelorum legio jubilando proclamat.
07136a05a Carmina laeta ac nova proclamant: laus tua, Deus, per saecla, alleluja, magnifice devota.
07136a05b Afflata tua sancta gloria pro te gaudenter rubricata colla agnum sequuntur ita,
07136a08  Voce una proclamant: Deus, judicia
07136a09  Vere justa, sanctus rector, qui almipotens.
07136a10  Quare tu non vindicas sanguinem nostrum?
07136a11  Accipiunt divina responsa: Sustinete tempora modica,
07136a12  Donec fiat impletio fratrum vestrorum olim praedicta.
07136a13  Deus, tibi laus.
0713700   In festo Innocentium.
0713701a  Nunc cithara Christo digna regi solve debita,
0713701b  Sacra cui turba pangit infantum melodema.
0713702a  Saeva regis dextra cuncta ubera nam privat natis matrum dulcia.
0713702b  Plorant matres una, alta adspectant sidera, tundunt pugnis pectora.
0713703a  Horum vita nunquam finienda erit solis ut jubar munda.
0713703b  Horum pia precamina nostra diluant peccamina cuncta.
0713800   In natali Innocentium.
0713801   Altissime Deus, qui gubernas omnia,
0713802a  Coelos et arva regis magna potentia,
0713802b  In cujus namque manu sunt regna omnia.
0713803a  Gaudent et exsultant in sublimi gloria creatura tua.
0713803b  Te laudat cuncta polorum mira praecelsa potestas caterva.
0713804a  Tibi incessanter juvenilis cantorum turba, semper adstat.
0713804b  Carmina laeta ac nova veneranda proclamant, Alleluja.
0713805a  Quatuor enim et centum quadraginta milia cum mulieribus non sunt inquinati corpora, qui empti sunt de terra.
0713805b  Ante thronum tuum sanctum gratulantes jubilant, stolas praeclaras induti, decorati cum palmis, triumphales fulserant.
0713806a  Proclamant voces: vere, Deus, justa judicia tua.
0713806b  Sanctus et rector, quare non vindicas ultionem nostram?
0713807a  Et audiunt a sanctissima voce praeclara: tempora sustinete modica,
0713807b  Donec impleatur numerus fratrum vestrorum, quos Dei habet notitia.
0713808a  Oportet sacra omnia impleri testamenta, quae sunt per prophetas praedicata.
0713808b  O certamina, gloriosa, qui pro Christo immania pertuleruntque tormenta.
0713809a  Acceperunt coronas et pervenerunt ad magna gaudia.
0713809b  Ergo non erit ultra luctus nec clamor sed nec ulla poena.
0713810   Alme Jesu, junge nos cum ipsis in gloria.
0713900   In festo Innocentium.
0713901a  Coelos et arva qui regis atque maria,
0713901b  Omnia creas omniaque vivificas.
0713902a  Te laudat cuncta poli caterva, omnis natura et humana.
0713902b  Audi carmina te laudantia et dona, quaeque sunt optima.
0713903a  Bethlemitica infantum agmina candidata colunt saecla,
0713903b  Quae paene nata coelo per trophaea sunt assumpta gloriosa.
0713904a  Nam summi proles patris nata de vulva virginea et stella magis nova visa, directa qua semita ejus ad cunabula,
0713904b  Exarsit tyrannus in ira pro tanta Christi fama et cum felle dulcia format famina, quo subdolas excitaret furias.
0713905a  Fallunt reperta Christum contra machinamenta inita.
0713905b  Patet detecta perfidia frausque maligna prodita.
0713906a  Sic publica versant proelia supra tenera castra sed fortissima.
0713906b  Caedunt sine causa corpora passim beata mundo paene edita.
0713907a  Mox pretiosa sertis compta petit celsa martyrum tanta militia.
0713907b  Ac mundi vita necdum nota jam peracta in sempiterna vivunt saecla.
0713908a  Horum, rex Christe, nostra mortifica meritis malitiam,
0713908b  Quorum cruore sancta decorata rutilat ecclesia
0713909   Et dat pulchra cantica voce nostra.
0714000   In festo Innocentium.
0714001a  Qui regis una supera et ima omnia, Deus, vivens in saecula
0714001b  Quae tibi sancta promit ecclesia, festiva respice pius cantica.
0714002a  Te laudat beata martyrum gloria in coeli patria,
0714002b  Adepti superna polorum gaudia summa per trophea.
0714003a  Huic puerilia sunt agmina immixta
0714003b  Pro Christi infantia in terra caesa nova.
0714004a  Quam satis illa visio beata
0714004b  Narrat sub ara clamare talia:
0714005a  Cur, rex, tantum de nostro tua sanguine suspendis judicia,
0714005b  Qui est frustra sine noxia et sine pugna fusus in terra?
0714006a  Accipiunt statim talia responsa voce data divina:
0714006b  Pacifica mente ac pia tempora sustinete modica,
0714007a  Plena donec omnia saecula, unita sitque fraterna turba,
0714007b  Ut vos ornet corona regia, carnifices damnet sententia,
0714008a  Ergo festa veneremur horum annua, qui tuba vocis tacita peregerunt sacra proelia.
0714008b  Sine noxa sequuntur agni vestigia ac nova promunt cantica, quae nec lingua novit humana.
0714009a  Per quorum merita sic gloriosa, Christe, nostra
0714009b  Repelle vitia favens et praesta remedia
0714010   Nobis aeterna.
0714100   In Nativitate s. Johannis B.
0714101   Nativitas praecursoris hodierna
0714102a  Mundo illuxit novo lumini voce praecurrendo vera.
0714102b  Ad Zachariam vox angelica talia fatur gaudia
0714103a  Ne timeas, audita est oratio tua a Deo, atque pariet tibi filium Elisabeth, uxor tua.
0714103b  Et vocabis nomen ejus Johannem; hic insignia meretur non minima gratia voce perlustrans saecula
0714104a  Qui voce viva Deo viam praedicat parare inter abrupta
0714104b  Ac in desertis degens locis docuit nos ire regna aeterna.
0714105a  Ubi rosarum nivea specie floribus aula panditur aetherea felix refulgens gratia.
0714105b  Gemma renitet fulgore perspicuo, splendor stellarum micat, agni dextra optimum aurum radiat.
0714106a  Illic requies aeterna, gaudia felicia
0714106b  Posita permanentia illa semper rutilant.
0714107a  In qua pax summa et sempiterna florum vernantia, odor cunctis fraglat; tu possides illa, Johannes athleta.
0714107b  Aeterna lucis gaudia nostra tu suscipe pia vota, cujus hodie gaudentes celebramus solemnia.
0714108a  Pro nobis intercedas, habere coelestia
0714108b  Ut mereamur, illa scandere angelica
0714109   In sempiterna saecula.
0714200   In Nativitate s. Johannis B.
0714201   Praecursor Christi et magnus baptista,
0714202a  Qui inter vates plus namque est quam propheta, Qui Dei prolem Jordanis meruit tingere aqua,
0714202b  Ipse secreta cognovit mirabilia Christum cernens conjungere mystice cum ecclesia.
0714203a  Nunc te, Deus, deprecamur, ut nobis des subsidia,
0714203b  Ut per ejus intercessum nobis concedas veniam.
0714204a  Quibus redolet per orbem sacra observandaque festa,
0714204b  Nobis fiat firmamentum et de inimicis tutela.
0714205a  Illius feliciter sequamur tramitem, quae ducit ad patriam.
0714205b  Ibi Christum cernamus, regem nostrum, per cuncta semper et saecula.
0714206a  Qui nobis digne cum Johanne baptista tribuat coelestia,
0714206b  Cum summa laude Domino celebrare laudes mellifluas.
0714207a  Mittens cum choris angelicis et cum sanctis aeterna percipiamus vitae, sine, subsidia.
0714207b  Da, Jesu bone, quod petimus, ut per meritum ejus, quem recolimus, nostra lavet facinora.
0714208a  Quaesumus, rex omnipatrator, hujus solemnia, qui nova primus sumpsit sacraque privilegia,
0714208b  Laeti eam percelebramus atque per multa annorum curricula tenentesque caltudia
0714209   Et sanctorum palmam.
0714300   In Nativitate s. Johannis B.
0714301a  Nostra promat herilia vox hac aula mysteria mente pura.
0714301b  Verbi vox quia est orta, boat una mundo cuncta sonantia.
0714302a  Haec prima patent facta, obtrusa vetus lingua fatur nova affamina.
0714302b  Exsultent admonita deserta, clangit tuba quo devia sunt praevia.
0714303a  Jam lucerna ardens in ima designat supera solis lumina.
0714303b  Spectant ista dindima sacra ad Johannis alma natalitia.
0714304a  Hic namque sonat Christi maxima gloria victoria cui summa data in saecla.
0714304b  Ipsum caterva efferat nostra per sacra praeconia natalis Johannis apta.
0714305a  Laus illi digna, salus et in saecula, cuncta qui sanat infima.
0714305b  In ejus doxa innovantur organa, novantur quia vetera.
0714306a  Tempora quippe prisca deflua lege labant pristina.
0714306b  Stirps nova subiit in gratia, regna surgunt aurea.
0714307a  Soboles adest nata, coelitus intimata, haec audientes arvae Dei praeconia,
0714307b  Gaudia nultis ampla suggerit dies ista, qua proles patris dempta reddidit famina.
0714308a  Haec prima vox missa verbi contulit praeconia,
0714308b  Organa patria solvens dogmata ad divina.
0714309a  Summa dignitas salus lausque pia Christo sit per omnia, per quem fert praeco signa suis talia.
0704309b  Christus sit nostra vita perpetua, at Johannis annua festa nobis praevia ad poli regna.
0714310a  Quo gaudet una cum eo baptista, qui calcata infera spoliavit tartara virtute sua.
0714310b  Ipsi fabrica laudum orbis ampla persolvendo omnia Johannis colat laeta nunc excordia.
0714311a  Quem Christus materna clausum vulva visitat in aula accubans virginea.
0714311b  Cujus magnalia domus ultra omnium merita, cunctis quia sunt plura.
0714312a  Nobis ut auxilia resurgens in gloria ferat indiga
0714312b  Ejus ad imperia, qui prostrata lubrica subvertit regna.
0714313a  Potentia qui sua rexerit per saecula regens omnia.
0714313b  Cum quo sacer baptista rutilat in gloria, mundi lucerna.
0714314a  Tuque, lux vera, omnia nostra fuga nublila.
0714314b  Inde tua clarifica pia gratia pectora.
0714315a  Ad illa praeparet magna nos baptista,
0714315b  Superna fungi patria prece summa.
0714400   De s. Johanne Baptista.
0714401   Hodierna
0714402a  Dies veneranda est namque omni mundo
0714402b  Nimis recolenda magno cum tripudio
0714403a  Haec enim est festivitas magna celebranda cum gaudio
0714403b  Sub honore Johannis Baptistae almiter laudes ovando.
0714404a  Hic enim est Johannes, quem salvator collaudans ait discipulis:
0714404b  Nullus major in mulierum natis surrexit Johanne Baptista.
0714405a  Angeli namque nomen meruit teste propheta.
0714405b  Ecce enim, inquit, mitto angelum meum ante te,
0714406a  Praeparet ut viam tuam ante te. Vocem se asserit verbum praecedens in deserto. Clamans atque dicens: parate viam Christo, regi Domino.
0714406b  Iisdem ut fieret amicus sponsi Christum se fantibus confessus est et non negavit: Non sum, inquit, Christus, in medio vestrum stat, quem vos nescitis.
0714407a  Jam igitur nunc in ejus nativitate gaudete angelicam juxta vocem patri dicentem:
0714407b  Erit enim puer magnus coram Domino Deo, et multi in nativitate ejus gaudebunt.
0714408a  Ipsum igitur rogemus omnes, ut intercedat pro nobis ad Dominum,
0714408b  Ut cum illo et cum sanctis omnibus capiamus sempiterna munera
0714409   In saeculorum saecula.
0714500   De s. Johanne Baptista.
0714501a  Da camoena nunc sonora cum lyra modulamina
0714501b  Organica, quae superna jubilant poli agmina
0714502a  Hac clara die, qua micat lucerna nitens luce corrusca arcens et orbis nubila, potens baptista,
0714502b  Qui patris diu organa tacita gratia pollens mira reseravit uranica lingua privata.
0714503a  Intra materna casta cubilia ventris tumida
0714503b  Septus exsultat is noscens nitida mundi gaudia.
0714504a  Ergo propheta et plus quam propheta, solus qui peccata et scelera cuncta abolentem e terra
0714504b  Tingere sacra meruisti lympha, quo sanctificaret universa vada pietatis gratia,
0714505a  Voce pia cujus merita transcendis omnia,
0714505b  Hunc rogita, quo nos ad alta ducat palatia.
0714506a  Ubi una theologa boat pneumatum turma
0714506b  Canens juge per saecla agni post vestigia.
0714507a  Quis sociati clara recitemus cantica
0714507b  Regnantes summa aula sine temporis meta
0714508   Functi doxa perpetua
0714600   De s. Johanne Baptista.
0714601   Ecce dies orbi redit veneranda,
0714602a  Angelico qua praedictus nomine nascitur vates,
0714602b  Agnum Dei qui praedixit digitoque demonstravit.
0714603a  Hic est ille, de quo ante dictum est: Angelum ecce mitto meum, qui viam praeparet ante te.
0714603b  Haec est vox, quae deserta colens clamat: Viam Domini dirigite sicut Isaias propheta.
0714604a  Hic in aetatis trigesimo Christum baptizans anno
0714604b  Spiritum vidit descendentem, qui super eum mansit.
0714605a  Ergo tua deprecamur suffragia, ut sicut paterna reserasti vincula, ita nostra crimina
0714605b  Precibus tuis solvat dans juvamina, ut effugiamus mortium discrimina, quae minantur tartara.
0714606a  Coelica habitacula, ubi almifica
0714606b  Decantant laudum carmina, ut valeat nostra
0714607a  Scandere illuc vestigia super aethera
0714607b  Ad contemplandum polorum agmina, quibus nexit gloria.
0714608a  Prendamus sine fine mansuram atque palmam,
0714608b  Dicamus laudes Christo, canamus per saecula
0714609   Dicentes Amen, Alleluja.
0714700   De s. Johanne Baptista.
0714701   Gaude, caterva,
0714702a  Diei praesentis celebrans annuatim festum, per quod totius mundi gaudent climata.
0714702b  Honore praeclaro et digno mens exsultet pia dignos concentus modulans et organa
0714703a  Angelorum laetantur, archangelorum et agmina.
0714703b  Sanctorum chorus omnis mira triumphat laetitia
0714704a  Cum quibus hololampas Johannes micat
0714704b  Superans solis jubar luce corrusca.
0714705a  O quanta Dei pietas! Nam Zachariam senio labentem coelestis affatur nuntius proferens talia:
0714705b  Oratio Deo tua Est exaudita, gravida manebit Elisabeth uxor filium tibi paritura.
0714706a  Quam felix, quam digna, quam sancta promissio voce prolata angelica.
0714706b  Quam clarus in mundo processit flos hodie divina ferens aromata.
0714707a  Fulgore perenni ecce rutilat dies ista saeculo donans gaudia.
0714707b  Lucerna Johannes coeli perlustrat rem publicam splendidus Christi gratia.
0714708a  Praecellit patriarchas nec non et prophetas,
0714708b  Angelis consimilis dignitate summa.
0714709a  O plus quam propheta, Gemma sanctorum clara, paradisi diadema, mundi stella Et lampas splendiflua.
0714709b  Victrice palma Sublimatus exsultas inter choros angelorum cernens altam Deitatis usiam.
0714710a  Tu saeculi dominum Jordanis in fluenta
0714710b  Meruisti tingere, o Johannes Baptista.
0714711a  Tam benigna, tam gloriosa meritorum obtines insignia.
0714711b  Quis sanctorum hac promeruit sublimari honoris potentia?
0714712a  Fideles, jam psallite laudibus dantes nova gaudia,
0714712b  Devotis obsequiis colite modo haec solemnia
0714713a  Praecursoris inclita. Rex regum Deus, semper tibi summa potestas, Sit virtus, laus, gloria.
0714713b  Qui gubernas omnia, Jam nostra clemens vota fac tibi dignissima Johannis per merita.
0714714a  Amore flagranti nostras mentes irradia
0714714b  Concedens beata nobis indignis gaudia,
0714715a  Ut tibi melos supernum laude perpetua
0714715b  Cantemus secum regnantes cuncta per saecula.
0714716   Amen vox sonet nostra
0714800   De sancto Johanne Baptista.
0714801   Hodierna die namque adest festa annua beati Johannis, magni baptistae.
0714802   Salutis humani generis propheta exsultat lucis lucerna lucida natalitia perfrui de vulva materna.
0714803   Sterilis Elisabeth germinat lucernam splendidam fulgentia.
0714804   Apparuit autem Zachariae archangelus Gabriel stans a dextris altaris hora incensi, aspectus ejus igneus splendor, quem vidit Moyses in rubo in monte Sina.
0714805   Ait illi angelus: Nascetur tibi filius coram Domino magnus praedicans et clamans in deserto: Levate capita vestra, jam appropinquat redemptio vestra sacra, baptisma poenitentiae.
0714806   Gignit pater filium de coelo promissum, Zacharias genuit magnum virum, puerum Johannem baptistam, qui viam Domibo in eremo praeparat.
0714807   Sterili Elisabeth exortus refulget Johannes, Domini baptista, vinum et siceram non bibit; de quo ait salvator:
0714808   Non surrexit major inter natos mulierum Johanne baptista. qui viam Domini in eremo praeparat.
0714809   Ego mittam vobis Eliam prophetam; amen dico vobis non surrexit major Johanne baptista; quod cecinit, ac digito demonstravit.
0714810   Ecce constitui te in gentes et regna, aedifices et plantes verba mea in ore tuo, melliflua sint labia tua.
0714811   Jam tuam quaesumus felicitatem, beate Johannes, ut intercedas pro nobis, eruas facinora nostra.
0714812   Corda nostra laetifica recta tua semita, quem Johannes praedicat, sensus nostros illumina; gaudia ejus nostra patrocinia,
0714813   In qua tibi cantemus Alleluja.
0714900   In Decollatione s. Johannis B.
0714901a  Plebs redempta, cantica prome celsa de Johanne baptista die ista annua.
0714901b  Qui confecta temporis prisci meta factus est in gratia proles nova sed magna
0714902a  Ortus plurima mundo dat gaudia et stella ut matutina solis vera praeconabat lumina.
0714902b  Deserti loca petit extranea, humana respuit acta angelica missus ad officia.
0714903a  Planabat vias, itinera aspera ad sacra Christi vestigia, qui semper affectat placida.
0714903b  Agnum Dei tollentem mala omnia monstravit adesse in arva, natum ad aeterna gaudia.
0714904a  Christe, dextra stans in paterna, Via, lux, veritas paxque tuorum omnia per tempora, Cantica sonantia Johannem da placita.
0714904b  Cujus digna pro memoria Preces et munera hac domo sacra suscipe per saecula, Sunt quia ejus plura supra cuncta merita.
0714905a  Incesta connubia exprobrat Herodiana celsus propheta.
0714905b  Ac in ira baptista spelaea carceris intra servatur arta.
0714906a  Hinc coenam regiam puella agressa ludibunda dat vana ludicra, ac pro ipsa obtruncatur baptista
0714906b  Factus ita hostia digna, corona tunc delata, de Christo nuntia mundo data detulit ac parata
0714907a  Regna subiit infera gaudia nuntians justis supera.
0714907b  Turba sanctorum inclita fit obtenta nuntia laetissima.
0714908a  Christe, tua gratia Et piis precibus almi Johannis martyris Relaxans peccamina Laudum pia suscipe munera.
0704908b  Colentibus haec festa Regna concede beata sanctorum in gloria Et sancta tabernacula, Prece serva Johannis absida.
0714909a  Jam sancte baptista Deum ora quo vota nostra sint digna,
0714909b  Qui matris ex vulva Christum intra virginis nosti viscera.
0714910a  Nativitas tua est multa mundo laetitia
0714910b  Mors tua beata sit vita justorum lucida.
0714911a  Tu sancte, nobis sis lucerna
0714911b  Ardens et lucens ad aeterna
0714912   Capienda praemia.
0715000   De sancto Johanne Ev.
0715001   Haec est sancta solemnitas
0715002a  Et veneranda beati Johannis et honoranda.
0715002b  Ipse namque ut gaudia possideret coelestia
0715003a  Christi secutus est vestigia
0715003b  Idcirco adeptus est praemia.
0715004a  Jam nunc ergo ipsius petamus suffragia, nostra ut solvat debita
0715004b  Ac precatu benigno adjuti sempiterna digni captemus munera.
0715005a  Ubi videamus regem aeterna reddentem praemia sequentibus tua monita.
0715005b  Quibus medium credimus te fore, beate Johannes, et luce fulgentem rutila.
0715006a  Atque Domini sequens vestigia cum innumera populi milia
0715006b  Dulces canora odas resonabis candidissima cum turba maxima.
0715007a  Et voce decantabis angelica
0715007b  Cum quatuor coeli animalia
0715008a  Ter agnus, agnus, agnus kyrios
0715008b  Hoc est: Sanctus, sanctus, sanctus Dominus.
0715009a  Et Domino decantabis munera
0715009b  Et maxima videberis in gloria.
0715010a  Ideoque praecelsam tuam imploramus clementiam,
0715010b  Uti clara gaudia percipiamus per splendida
0715011   Saecula. Amen.
0715100   De sancto Johanne Ev.
0715101   Solemnitas
0715102a  Veneranda cunctis beati Johannis nitet alma.
0715102b  Ipse namque, ut gaudia possideret coelestia,
0715103a  Christi secutus est vestigia,
0715103b  Digna donat qui sanctis praemia
0715104a  Cujus festiva praeconia psallat ecclesia symphonia rhythmica.
0715104b  Atque precatu benigno deposcat suffragia ejus amabilia.
0715105a  Ut per illius merita superna pateat patria sequentibus sancta monita.
0715105b  Quem proles quidem divina dilexit charitate summa stola praecinctum virginea.
0715106a  Ejus qui supra recubans in coena pectus dogmata hausit evangelica
0715106b  Et dominica repletus gratia diffudit ampla terrarum per spatia.
0715107a  Mysteria divina coelique secreta
0715107b  Novit, cuncta atria penetrans superna.
0715108a  Et sic mystica documenta spiritui cognita
0715108b  Mundum beata manifestans imbuit doctrina.
0715109a  Jam nunc nostra te rogat, Christe, vox sonora,
0715109b  Suscipias cantica tibi ministrata.
0715110a  Mundans nostra a noxa corda simul tua gratia
0715110b  Et indulta venia ducat coeli regna supera,
0715111   Uti clara simul dona percipiamus saecula veraciter per infinita.
0715200   De sancto Johanne Ev.
0715201a  Organicis canamus modulis in Johannis solemnia
0715201b  Omnigenis Domino vocibus reddentes odas debitas.
0715202a  Quique in suis sanctis mirabilis nimis multiplici virtutum flore eosdem decorat ac mirifice adornat
0715202b  Nam et in ipsis quasi quibusdam musicis instrumentis digito fides proprio agitat fides virtutum sonoras.
0715203a  Has numerose percurrens singula permiscet singulis diatessaron mellifluam melodiam.
0715203b  Quam generat virtutum mater illa, quae aliis decenter composita dat suavem melodiam.
0715204a  Qua sine cuncta fiunt dissona nec non et frivola.
0715204b  Qua cum omnia fiunt consona nec non utilia.
0715205a  Qua justi bene
0715205b  Morati rite
0715206a  Petentes excelsa poli sidera
0715206b  Alacres decantant nova cantica
0715207a  In cithara treicia; quorum agentes festa
0715207b  Consortium mereamur in coelesti patria.
0715300   De sancto Johanne Ev.
0715301a  Organicis canamus modulis in Johannis solemnia
0715301b  Omnigenis Domino vocibus reddentes odas debitas.
0715302a  Cujus opera semper sunt mirabilia, qui sanctis documenta contulit evangelica claustra reserans superna.
0715302b  Huic debita solvamus digne cantica dilecta Dei sacra venerantes solemnia laude Johannis canora.
0715303a  Qui pectus supra Domini in coena hausit fluenta recubans mystica doctrinae sacra plurima.
0715303b  Quibus per ampla telluris spatia rigavit corda gentium arida divinas plenus gratia.
0715304a  Hic virginea nitens lampada transit ab hac vita
0715304b  Comptus purpura coeli in aula tenens jam gaudia.
0715305a  Huic praeclara
0715305b  Vocis organa
0715306a  Decantent mystica laudum pneumata
0715306b  Cui sunt omnia coeli secreta
0715307a  Patefacta mysteria; ipsius per saecula
0715307b  Nobis praesta suffragia, Christe, salutifera.
0715400   De sancto Juliano.
0715401a  Summatim una cunctipotentem
0715401b  Casta cui adstans turma in astra
0715402a  Ovatim tripudiat voce clara
0715402b  Ac certamina sua praemaxima.
0715403a  Vindica, clamat, sub ara
0715403b  Amore tuo peracta,
0715404a  Magna sanctorum qui es gloria.
0715404b  Juste qua rutilat praemaxima
0715405a  Decoratus martyr Julianus.
0715405b  Cui una per cosmi climata
0715406a  Adest dies sacra et valde praeclara,
0715406b  Jucunda qua turma reboat musica
0715407a  Atque ejus merita supplicat devota; Juliani martyris sancta atque veneranda caterva boat in hac aula,
0715407b  Assidue preccata ut ferat ad alta, Amoena paradisiaca praebeat, quo clara praepollet martyrum agmina.
0715408a  Qui spreta omnia
0715408b  Lubrica affata
0715409a  Maxima tormenta passus hac die, in qua
0715409b  Exsultantes jubilemus organa digna.
0715410a  Triumphando lyra alternatim clara donando pneumata Jam triumphat phalanga coelica socium complectens in aethra.
0715410b  Poli tenens sceptra, gloria aptus aeterna, praemia beata, Alalagma praedulcem consonat, decantat voce clariflua.
0715411a  Jamjam, Christe, tibi gloria laus et in saecla.
0715411b  Nostra peccamina abluant hujus precata,
0715412   Ut mereamur tua gratia perpetua regna.
0715500   De ss. Justo et Pastore.
0715501   Virtutum Deus, corporibus qui ingeris auram mentis,
0715502a  Attende nunc rhythmica nostri labii, poscimus, verba,
0715502b  Exsolvimus hac die tibi gemino stemmate a clara.
0715503a  Ecce corruscat victoriosus Justus, callidi hostis qui cuncta devicit bella.
0715503b  Et compar Pastor emicat, qui sicuti socius exstitit vita, morte et ita.
0715504a  Hi sunt quippe lumina fulgida ante te, rex, bona consistentia
0715504b  Hi milites in arvis invicti permansere tui virtute multa.
0715505a  Ulti recesserunt a praetore saevo vindicta, postquam gessit quod licebat bona voluntas.
0715505b  Hi mali calcarunt caput hydri fortes, jacula pro nihilo Plutonis tulerunt omnia.
0715506a  Vobis Stygea cessit feritas, honorati martyres terris et aethra.
0715506b  Nunc nunc pueri flores istorum imitamini, coeli quos alit vita.
0715507a  Justus justum sequitur agnum inter lilia odorem virentia, ubi psallunt, riserunt qui mundi vana.
0715507b  Pastor verum pastorum comitatur in axe admixtus ovili, quod ignorat pati quaelibet noxia.
0715508a  Canora phalanx harmonicum boatum prome justorum excolendo natalitia.
0715508b  Coetus promiscuus ad gaudia pallentes ferte violas, alba date quoque ligustra.
0715509a  Salvete, viri sancti, qui per multa certamina transcendistis luciflua polorum astra.
0715509b  Nostra precamur dira abstergite flagitia, ut vobiscum habeamus Christi gratiam.
0715510a  Deo nostro triuno sit gloria,
0715510b  Qui simplex semper exstat absque meta.
0715600   De sancto Laurentio.
0715601   Clara tibi nos, Christe, dulcifluum Alleluja
0715602a  Pangamus melos una die ista summa Christi aula.
0715602b  Sacra ejus gloria nos ad alma vehat coeli regna.
0715603a  In qua sine meta dulcimode pertonant
0715603b  Angelorum, archangelorum examina.
0715604a  Simulque et turba apostolorum martyrumque caterva,
0715604b  Quam Dei gratia semper exornat super omne, quod exstat.
0715605a  Ubi perpetim rutilat laurea namque poli adepta
0715605b  Fulget martyr in aethera Laurentius, praeclarus levita.
0715606a  Qui rabie Deciana pro fide propriam dedit animam.
0715606b  Constans inter tormenta saeva promebat clara Christo dogmata.
0715607a  Ungularum, verberum crepita nam per immensa
0715607b  Odas solvebat permagnifica Christi gloria.
0715608a  Torrida carne migrat ferrea in crate
0715608b  Pneumata conscenditque in poli dindima.
0715609a  In qua jugiter summe rutilat,
0715609b  Nos sua introducat gratia,
0715610a  Ubi Christo pro quire solvamus carmina;
0715610b  Et nos ejus hac die dextera protegat.
0715611   Regi Christo Alleluja!
0715700   De sancto Laurentio.
0715701   Alme
0715702a  Martyr Domini, gloriose enim athleta,
0715702b  Vocesque nostras audi aure placatissima,
0715703a  Ut mereamur dignas tibi laudes canere in hac aula sancta,
0715703b  Quem hodie celebrat cuncta simul caterva tua solemnia.
0715704a  Qui per fidem trinitatis dignae meruisti triumphi palmam
0715704b  Et per precem tuam et per signum crucis caecos illuminabas.
0715705a  Ecclesiae thesauros tuis manibus donabas, in coelestes thesauros manus pauperum deportabant.
0715705b  Et sequenti magistro voce clara proclamabas: quo progrederis, pater, sine filio ad victimam?
0715706a  O beate, summe martyr, Laurenti, qui inter martyres gloriose regnas,
0715706b  Intercede pro nostrorum crimine, ut mente devota celebremus festa.
0715707a  Et cum sanctis omnibus mereamur gaudere, ut dignis precibus nobis adjuvent in saecula.
0715707b  O rex aeterne Deus, qui sine fine regnas, junge nos cum ipsis in coelestia regna sancta.
0715708a  Tibi sit gloria, qui gubernas cuncta maria et arva, montium cacumina.
0715708b  Qui es trina sancta majestas, aeterna tua potentia salva nos per saecula.
0715800   De s. Maria Magdalena.
0715801   Laudes Deo personet uni caterva,
0715802a  Quem laudant semper agmina coelica revocantem lapsos ad vera gaudia,
0715802b  In quo fundata permanet solida, porta coeli sancta, mater ecclesia.
0715803a  Cujus caput perunxit lacrimis rigans et pedes Maria
0715803b  Atque plangens delicta pandit medico vulnera intima.
0715804a  Audit etenim: mulier, dimissa sunt tibi crimina.
0715804b  Scito, quoniam veniam tibi praestat haec fides tua.
0715805a  Cum autem turbaretur erga plurima ministrando Martha Domino jam sollicita,
0715805b  Maria secus sacra sedens vestigia sitiens redundabat verba dominica.
0715806a  O pie pastor, ave, tua sunt ista munera, quanta tua gratia!
0715806b  Languida venit ovis, sed resecasti vitia, dele nostra crimina.
0715807a  Tu jam facta es angelis socia, margarita nitens, gemma splendida, tu sponsa regis, o felix Maria.
0715807b  Expurga nostra clemens facinora, o lucerna micans, stella fulgida, tu respiciens peccantes excusa.
0715808a  Adesto pro nobis, pia mater, ut laetemur aeterna gloria.
0715808b  Sit Deo laus, honor, imperium et potestas per cuncta saecula.
0715900   De s. Maria Magdalena.
0715901   Fulget dies praeclara
0715902a  Beatae Mariae, vocatae Magdalenae, festa sacrata, felix qua conscendit aethera.
0715902b  Haec gente Judaea, Abrahae stirpe orta, diu vixit immunda, agagolae dedita.
0715903a  Sed post sic est conversa, testatur ipsa ut veritas,
0715903b  Quod optimam elegit partem, audire Dei verba.
0715904a  Haec sapienter intrans ad ipsum aegra
0715904b  Attulit nardum cum balsamo permixtam
0715905a  Implens domum fraglantia. Mox deflens noxas lacrimis rigavit capillis detersit et unxit Christi vestigia.
0715905b  Dulcissime deosculans Sicque veniam scelerum adepta ad caput Messiae ungendum est pie conversa.
0715906a  O magna, o celsa, o pulchra clementia Christi, luciflua, o alma.
0715906b  Laus tibi honorque ac virtus, qui sanctificasti poenitentem Mariam
0715907a  Roseo cruore tuo benignissime ut apostolis esset apostola.
0715907b  Potenti virtute ejus relaxans facinora largiens dona fulgida
0715908a  Cruci constans adstitit nec timens vertit terga,
0715908b  Tamquam impleri prospectans, victoriam gerens.
0715909a  Jam vero postea Sepulto Domino venit amans cum sociis pretiosa Ferens secum aromata,
0715909b  Stupens angelicam Visionem anxia, a quo est certa facta, surrexisse Dominum morte devicta,
0715910a  Et ut dicat fratribus ac Petro haec mandata:
0715910b  Praecedet eos ipse videndus in Gallilea.
0715911a  Magdalenae primo Mariae Christus apparuit carne vivida.
0715911b  Postquam necem surgens devicit, avete, inquit, salutans amicas.
0715912a  Et, de qua ejecerat septem daemonia nequissima,
0715912b  Replevit septiformis spiritus multiplici gratia.
0715913a  Quo ardore succensa Stabat ad monumentum redemptoris et flebat Ac se monstrantem quaerebat.
0715913b  Credit tandem Maria, Christum resurexisse ad beatam gloriam Et hoc omnibus praedicat.
0715914a  Quando autem sancta de terris ad coelestia
0715914b  Assumenda erat, Jesus hanc vocat visitans.
0715915a  Parata in coelo digna daturus praemia,
0715915b  Ubi orando pro nobis veniam impetra
0715916   Quo tecum regnemus per saecla.
0716000   De sancto Martiali.
0716001   Laudum da phalanx
0716002a  Praeconia devota harmoniam pangens divinam, quam dulciter resonat polorum bis quaterna rotatim volvens machina.
0716002b  Hujus pulchra carmina voce clara cantorum turma laetabunda concrepa Deo litans organa odarum acceptissima.
0716003a  Symphonia resonet dulcis jam laude apostoli digna, per quem cuncta plebs renata est Aquitana.
0716003b  In hac sacra concrepent nunc cuncta musica organa festa, Martialis almus alta qua scandit aethra.
0716004a  Hic in vita emicans practica, pariter theorica rutilans, rite dominica complevit jussa sacrata.
0716004b  Namque terna dum lustra ageret aetatis eximia inventa, Christi melliflua nactus est contubernia.
0716005a  Captans omnia supernarum genera virtutum in sua dicata praecordia sequens herilia salutis vitae monita mente jucunda.
0716005b  Fausta dogmata cordis in apotheca hauriens supera ad regna ducentia, ubi justi larga a Deo captant praemia juge mansura.
0716006a  Avida qua mente anhelans Martialis athleta postposuit fragilia omnia gloria pro infinita.
0716006b  Majestas quem dignans divina celsa contulit jura religandi omnigena vincula solvendi necne crimina.
0716007a  Ad alta virtute mira Messia scandente poli sidera tum alta apostoli peragrant cosmi climata.
0716007b  Hinc sacra verbi semina serenda inclitus Martialis agonista Aquitana per arva mittitur una.
0716008a  Plaude, nobilis patria, tam claro primate venusta, urbs praeclara nunc Lemovica, maxime jubilans exsulta.
0716008b  Celsa jam voce hymnizans modula, concio benigna, insignita virtutum dona decantans ab ipso patrata
0716009a  In vita rutilans veluti fulsit lucerna, cuncta a Christo jugiter impetrans, poposcit quae diva supplex munera.
0716009b  Nam senas ab ima animas traxit gehenna, nata corpora semel rediviva clementer fore dans prece obnixa.
0716010a  Invasas mentes ab truculenta ira Leviathan expurgabat eliminans praestigia daemonica in rura cunctis avia.
0716010b  Lumina virorum nubilosa luce illustrabat ac somata debilium invalida fore dabat robusta virtute prisca.
0716011a  Salutifera ab summa arce coeli antidota demittebat ad ima pius sacer arva praebens aegris optata commoda.
0716011b  Virtutum mira per signa submittebat tumentia plebis colla salubri lavacro perfusa leni sub Christi jugo subdita.
0716012a  Ad repellendam zabuli technan custodia angelica bis sena illum circa sita dira molimina orco missa pellebat ab ipso cuncta.
0716012b  Post praelibata signa peracta Aquitana jam patria imbuta fide catholica felix cum gloria ad supera migravit hac die regna.
0716013a  Ovant omnia virtutum agmina, cum Christus almam ipsius animam fert ad alta secum sidera.
0716013b  Boant carmina justi nectarea, intra supernam Martialem aulam inthronizant comptum laurea.
0716014a  Ob merita, inclite, sacra frueris quo jam gloria inexhausta pastor per saecla,
0716014b  Collegia respice nostra, poscimus, tibi rythmica canentia melodemata.
0716015   Tua perpia gratia debita nostra solvat.
0716100   De sancto Martiali.
0716101   Valde lumen, quod mirantur sol, luna,
0716102a  Nunc Martialis pia merita concrepent agmina dando devotissima tibi cantica.
0716102b  Hunc nam apostolica sodalem captant collegia praeclarum consocia per sedilia.
0716103a  Rite sacra vestigia nam tua secutus est perpropera coelitus ipse gratia.
0716103b  Respuit ac consortia paterna, inde promeruit claram coelo terraque gloriam.
0716104a  Benjaminea satus est tribu nam inclita, mane praedamque vespera comedat ac dividat suam
0716104b  Vaticinia prompserunt Israelitica, quae recinit haec caterva promens grata vocum sirmata
0716105a  Suscipias jam devota precum libamina, Martialis quae turma harmonica resultando lyra ad alta, Christe, tua ac precata promit sidera.
0716105b  Aquitana haec precata Lemovicum pia laudantia patronum festalia per celeberrima, quae mente jam devota venerantur ac humillima.
0716106a  Monastica plaude caterva, Martialem sonans, Martialem rogans debita persolvendo hyperlydica.
0716106b  Lemovica sic plebs resulta Martiali nova, Martiali tuo carmina concrepando hypodorica.
0716107a  Da festiva voce carmina rite patronum, Aquitana, proprium jam devota ferens laudibus super aethera
0716107b  Namque signa apostolatus sacri sic exstas ejus alma, domita Christo colla subdens credula verba per sacra.
0716108a  Altisona ergo cantica talia rhythmica nunc nunc camoenas addas, quae concentu lyricam resonent rite musicam.
0716108b  Hydraulica mela reboans praesuli concrepa jam Martiali necne Aquitana venerando fave plaudens caterva.
0716109a  Ergo precata, praesul, nostra, perfer in astra coelica Christo propria, quae sibi placeant, dans scelerum improborum veniam tua gratia.
0716109b  Hanc impetratam nobis feras, quo celebrantes gaudia festi rutili optata potiri ac solemni mereamur perfrui regni gloria.
0716110a  Ubi concinit angelica cohors conjubilans coelicum alalagma dindima praecelsa resonans in aethra melodemata.
0716110b  Laetaris ubi in gloria, praesul, cum Cherubim ac Seraphim beata agmina ter sancta dulciter carmina Christo dantia.
0716111   Quo nobis sedem beatam precibus sacris impetra ac pium Alleluja.
0716200   De santo Martiali.
0716201   Alle - sublime tibi turma nostra resultat - luja,
0716202a  Martiali laudum devota cantica cum jam recinit hac in aula jubilans.
0716202b  Nam terrea hac die membra posita novit nunc nostra plebs urbana famulans.
0716203a  Patroni gratulans sese radiatam gratia.
0716203b  Praecelsum qui dogma sevit per populorum corda.
0716204a  Ergo sacra jam concio haec pretiosa carmina
0716204b  Extolle nunc et devota ferens ad alta sidera.
0716205a  Haec festalia precata geminans funde pia ac clara gaudia.
0716205b  Christi gratia quo nobis faveat per placita saeculorum tempora.
0716206a  Ac pericula jam praesul nostra submoveas, poscit nostra jam turma.
0716206b  Quo nostra socia coelo fiant sic agmina tibi, sancte, devota.
0716207a  Scelerum veniam impetratam famulis condonans precum per sacra merita,
0716207b  Ut tecum gaudeant in gloria coeli clarissima tua sublati gratia.
0716208a  Monastica postulat ista caterva
0716208b  Vitae dona, tempora rite quieta
0716209   In saecula saeculorum revolvenda.
0716300   De santo Martiali.
0716301   Aulae supernae qui resides celsa sede per saecla,
0716302a  Rex cujus sunt arva suppedanea ima,
0716302b  A quo constant cuncta vasti cosmi creta.
0716303a  Cujus manus simpla orbis claudit pugillo molem totam,
0716303b  Quem formidant summa, pavent media, tremunt et infima.
0716304a  Nectarea audi mela, nostra quae caterva pangit pulchra diploide compta,
0716304b  Martialis praeconia apostoli digna conjubilans per annua festa.
0716305a  Ex tribu clara Benjaminea is ortus generosa est natura.
0716305b  Quem patris alma proles ad suam adscivit augmentandam hierarchiam.
0716306a  Actore sacra vescente coena hic interfuit sacer conviva, panis vini agapen melleam percipiens heri dextera.
0716306b  Cumque peracta mystica mensa Christus alumnis lavaret plantas, praesens adstans alacer inventa exhibuit peditergia.
0716307a  Poli tonans scandens culmina dum dicaret suam clientelam,
0716307b  Martialem beavit intra sistentem clientum collegia.
0716308a  Coelo missa charismata diva hausit mente indole sincera.
0716308b  Hinc diversas fans ore loquelas Petro fidus est nexus collega.
0716309a  Quo duce Romam, orbis cephal, commeat una.
0716309b  Docendo sancta plebi jura cum fiducia.
0716310a  Demum herilia Petrum monent oracula, mittat justum ut ad Galliae praeclaram patriam Martialem athletam.
0716310b  Quo gentem ethnicam monendo faciat credulum sibique subjugat provinciam Aquitanicam urbemque Lemovicam.
0716311a  Complens jussa rite divina occidua illustravit rura.
0716311b  Cujus exstat Lemovix cathedra, apostolatus ejus Gallia.
0716312a  Nos cujus annua celebrantes festa
0716312b  Precamur, mansura nobis det gaudia
0716313   In aeterna gloria saecula per infinita.
0716400   De sancto Martiali.
0706401   Alme Deus, nunc parce tuis
0716402a  Per saecla cuncta,
0716402b  Qui celebrantes
0716403a  Summi patris annua nunc devote solemnia
0716403b  Exsolvimus cantica supplices hypodorica.
0716404a  Ergo, paraphonista, plectro jam jubila et jubilando intona.
0716404b  In hac sacratissima die, quam Martialis multa perornat gloria.
0716405a  Qui in coena omnino sat mystica Christo fuit conviva coelestis panis sumens reliquias.
0716405b  Et cum discipulorum vestigia surgens tersit postea, praebuit laetus hic linteamina.
0716406a  Nec unquam refugit sacra contubernia absque Thoma piorum unus ex caterva timidia.
0716406b  Quinimo cum Christus peteret coelestia, benedici meruit inter adstantium agmina.
0716407a  Nec choros laudantium sprevit sed cum eisdem sancti spiritus tunc suscepit charismata.
0716407b  Et linguas multifidas, quibus tandem subnixus Petro comite pervenit Antiochiam.
0716408a  Ac dehinc urbem permaximam Romuleam.
0716408b  Qua derelicta pertransivit ad Galliam.
0716409a  Cujus clara ac nobilis provincia Aquitania et magna,
0716409b  In qua vernat Lemovica, urbs inclita, rerum copia fecunda.
0716410a  Ad hanc igitur perveniens verendus pontifex suscepit tuendam
0716410b  Et provinciae fit totius tandem apostolus per cuncta saecula
0716411a  Quapropter cuncti nunc petimus, ut sua gratia
0716411b  Compotes reddat, jam benignus sua dextera
0716412   Nos benedicat.
0716500   De sancto Martiali.
0716501   Psallat jucunda
0716502a  Regnanti Christo sancta mater ecclesia in hac die suis filiis celeberrima,
0716502b  Qua felix et inclita Martialis anima gaudens coelorum levatur ad palatia.
0716503a  Occurrit angelica psallens laeta sancta caterva.
0716503b  Excepit Christus ovans et omnis coelestis conviva,
0716504a  Donans ei cupita secum arva
0716504b  Atque dilecta semper tabernacla
0716505a  Sine fine permansura. Jesu redemptor, clemens suscipe sancte cantica nostra Propter Martialis merita,
0716505b  Dilecti tui per omnia. Qui te secutus est, aetatis tria cum volveret lustra, Terrarum respuens gaudia.
0716506a  O digna, o pulchra, o sancta infantia Martialis bona et celsa,
0716506b  Quae Christum cognovit, patris sapientiam, jam indutum carne humana,
0716507a  Et tantam meruit gratiam, ut ejus in coena teneret linteamina.
0716507b  Nec discessit, donec videt passum, resuscitatum, scandentem ad dexteram.
0716508a  Et sancti repletur paracliti gratia.
0716508b  Exinde jussu Petri veniens Galliam
0716509a  Dans Christi semina Lemovicas firmasti, bone pastor Martialis, pontificalem Sacratam cathedram.
0716509b  Dispergens idola Fundansque ecclesiam, confirmas eam supra firmam petram, Roborans in saecula.
0716510a  De qua primum virginem Valeriam sacratam
0716510b  Christo misisti sponsam rutilantem ut rosam.
0716511a  Hinc revocans ducem Stephanum Aquitanorum ad Christi atria,
0716511b  Pro quo magis infirmaretur in Gallia idololatria.
0716512a  Agnoscit cum duce simul Christum omnis Aquitania,
0716512b  Conlaudans jam libera facta in se ejus magnalia
0716513a  Tua dante gratia. Oramus, o pastor, suscipe jam nostra carmina Solvens nostra facinora,
0716513b  Nos ducens ad aethera, Jungens uranicis civibus in aeterna gloria, Non propter nostra merita,
0716514a  Sed pro sola salvatoris dulcis clementia,
0716514b  Qui solus justus et pius est super omnia.
0716515a  Quo tecum laeti valeamus ejus praeconia
0716515b  Incessanter decantare voce semper clara
0716516   Nunc psallendo Alleluja.
0716600   De sancto Martiali.
0716601a  Concelebremus sacram hujus diei euprepiam,
0716601b  In qua sunt resoluta pulchri corporis fausta climata.
0716602a  Hinc pretiosa probi Martialis meta,
0716602b  Spiritus astra, membra complectuntur arva.
0716603a  Poli vindicarunt sua similia namque sibi arida
0716603b  Simpla usia bis caesa stelligera sede ac florigera.
0716604a  Hinc claret, coelo animam esse petitam, terris et tunicam.
0716604b  Sic una coeuntia dicaverunt elegans Deo doma.
0716605a  Ergo hujus clara sancti solemnia fit ultra agmina
0716605b  Quippe terrestria. ac nihilominus colant coelestia:
0716606a  Illa merita decenter alma, haec ob dogmata inclita et sancta miracula;
0716606b  Cives coelicolae ut collegam omnes, uti apostolum suum Aquitania.
0716607a  Eja igitur, egregia regia,
0716607b  Attollens in excelsa almas dic odas.
0716608a  Quo exstat basileos hicce tibi primas
0716608b  Cosmum salvans omnique pressura liberans
0716609a  Ut nobilis pars
0716609b  Apostolica.
0716610a  Unde rogamus te, nostri patriarcham,
0716610b  Adeptam quo nobis deferas veniam,
0716611   Fungi aeterna tecum doxa.
0716700   De sancto Martiali.
0716701a  Candida concio melos croncrepa.
0716701b  Tinnula cantibus jungens organa.
0716702a  Martialem resultet casta liquido sonore symphonia
0716702b  Artificis plectro perita sillabatim stringere pneumata
0716703a  Fluxerat quondam sopor immanior praesulis fessa per membra,
0716703b  Cui praebens sacra Christus viatica intulit grata famina.
0716704a  Care, quid haesitas, non est quod metuas, dulcem mox petiturus patriam.
0716704b  Reposcunt sidera civem ad supera, quo manent sine fine gaudia.
0716705a  Diva monita comes exipit aegrimonia membra carpens languida.
0716705b  Die septima supera sequens coeli convexa felix scandit anima.
0716706a  Plaudens Gallia funus excipit ac inclita servat in aula.
0716706b  Cujus per sacra, Christe, suffragia nostra guberna tempora.
0716707   Amen dicant omnia.
0716800   De sancto Martiali.
0716801a  Arce polorum tu micans praecelsa patris dextera,
0716801b  Qua facta sunt omnia, lux vera apostolica.
0716802a  Annua Martialis clara per haec festa tibi recinenda accipias gratanter nostra. Christe, affamina.
0716802b  Adornas quem Benjamin clara ortum tribu Israelitica, Lemovica subnixum, pastorem donans cathedra.
0716803a  Harmonica fans organa turma musica tibi, rector, omnia promat dulcia laudum munia.
0716803b  Almiflua tua dextra electus est hic patriarcha rutilans inter duodena subsellia.
0716804a  Altissima tua rex inter castra virorum designata duorum atque septuaginta tamquam sol et luna rutilat tibi per arva.
0716804b  Ac propria tua per documenta tactus luce intima cum cohorte tua nexus sacra tum tibi sedula praebuit ministeria.
0716805a  Ardua facta tua potentia, Christe, tua mundo ostensa in Judaea ipse omnia cernere meruit in praesentia.
0716805b  Agnus Dei, qui nostra diluisti facinora, ad tua sacra paschalia hic convivia tibi exhibuit linteamina.
0716806a  Arbiter tu coelica ipsi dedisti omnia solvere ac terrea ac retinere sibi potestate tradita.
0716806b  Ab arce poli summa tum paracliti munera promissa a te captat, quae a te perceperat hic antea in terra.
0716807a  Adoranda trinitas, tu simplex usia, mittis longa tuum per climata Martialem occidua.
0716807b  Applaudat unde ipsa rex tibi Gallia ipso docta cum Aquitania devota tibi patria.
0716808a  Ad dogmata quam coelestia subdidit tibi, rector, Martialis per saecula, numina diruens falsa praecelsa, rex, virtute tua.
0716808b  Agens festa celeberrima alta super sidera, omnipotens, tibi tua melodum pangat carmina Martialis per solemnia.
0716809a  Almifica pollens iufula apostolica per te supera scansurus arcana, Christe, tua sumpsit hic oracula:
0716809b  Athleta, pax tibi sit multa et infinita, carissime frater, veni, penetra regna mea tibi jam praeparata.
0716810a  Agmina angelica inter clara tecum alta, Christe, tum scandit ad aethra; o quam praefulgida discipulus tuus gloria et apostolus fulgebit ipse per saecula.
0716810b  Adhaesit tibi quia, per te reliquit omnia, a te missus est divina praedicare regna, cujus apostolatus data sunt signacula Gallia cum Aquitania.
0716811   Assidua cujus prece, rex nostra, placatus junge cum sanctis vota.
0716900   De sancto Martiali.
0716901   Apostolorum gloriosa turba Deo clangit: Alleluja.
0716902a  Nos quoque organa resonemus laeta voce consona laude cum angelica dantes praeconia.
0716902b  Martialis instant quia apostoli nunc solemnia, unde ovant infima simulque suprema,
0716903a  Tibi namque, verbigena, sit laus, honor, perpes gloria.
0716903b  Cui placuit Martialis clara virginitate sua.
0716904a  Hebraeus Hebraea stirpe electa,
0716904b  Proditus ex tribu Benjaminea.
0716905a  Cujus per sacra haec festa Te, Christe rex, laudent agmina laeta hac sancta aula, Quo te novit gens Aquitana.
0716905b  Cujus tu es salus, vita, Regnans sempiterna gloria, potentia cum summa, Tu dignitas apostolica.
0716906a  Ipsa a te sacra et lucentia sunt lumina electa.
0716906b  Numerus quae signat bissena atque duo septuaginta.
0716907a  Quos inter Martialis reluxit propria gratia in arva missus Judaea,
0716907b  Ut agnus pacem conferat lupos inter et comprimat cuncta bellorum semina.
0716808a  Et annuntiet Dei opera atque verba
0716908b  Coelorum regna ac praedicet propinquantia.
0716909a  Per ipsa tempora In carne apparens in Judaea, rex, praedicasti ipsa praesentia tua Magna pandens prodigia.
0716909b  Morte triumphata Clara victoria jam completa laetificasti discipulorum tu corda, Quae erant dolore plena.
0716910a  Tunc Martialem provexisti ad altiora.
0716910b  Dans remittendi retinendi posse peccata.
0716911a  Cui dedisti sancti spiritus dona insufflatione tua.
0716911b  Quem baptizaverat olim propria Petrus jussione tua.
0716912a  Factus qui carnali affinis illi parentela legitima,
0716912b  In sua jugiter condiscipulus ejus mansit clientela.
0716913a  Cujus prece placatus pia, Lux apostolorum, pax vera, da nobis indulgentiam Relaxans nostra cuncta probra.
0716913b  Procul pellens cuncta adversa Concede temporum pacem laetam, praesta aeternam patriam, Qua Martialis tecum regnat.
0716914a  Quem Gallia summum poscat patrem universa,
0716914b  Quae illius fructus manens exstat perspicua.
0716915a  Quem scandens Christus astra sua benedixit ipsa dextera,
0716915b  Cujus principatus est nimis confortatus saecla per cuncta.
0716916   Quapropter omnes una exclamemus: Amen, Alleluja.
0717000   De sancto Martino.
0717001   Haec est dies veneranda nimis,
0717002a  Qua pontifex Martinus coelo fulget praeclarus
0717002b  Atque adstat ante regem aeternum in astris.
0717003a  Veluti gaudet cum angelis atque triumphat cum archangelis,
0717003b  Cum apostolis et prophetis, confessoribus ac virginibus.
0717004a  Qui tantam meruit gratiam habere, ut in trinitatis deificae
0717004b  Suscitans corporum trium mortuorum magnifici Dei potentia
0717005a  Vere mira virtutum sanabatque languidos atque claudos.
0717005b  Mortuos intercessu suscitabat atque cosmum evocabat.
0717006a  Devota, Turonorum urbium ut fieret praesul atque abba seu pastor cathedrae ovium,
0717006b  Divinae cosmographiae gratia coelestis tuae vocabas, conservabas vel erudiebas.
0717007a  Pretiosa vita tua, o gloria pontificalis, fuit, Martine
0717007b  O beate vel praesule, clementia Dei quae contulit remedia.
0717008a  Flagrans Dei fide Christi athleta Martinus in quo ejus anima et corpus est soluta coelo recepta,
0717008b  Quem concrepant angelica organa sonu voce candidata atque modulata vel Maria cum choro virginum.
0717009a  Te praesul atque beate obsecramus, Martine, o alme.
0717009b  Ut pro nostro omnium facinore pro nobis intercedas.
0717010   In saeculorum saecula.
0717100   De sancto Martino.
0717101   Digna cultu dies hodierna,
0717102a  Qua Martinus regia est exceptus superna
0717102b  Splendens stella ante solem, qui lux est aeterna.
0717103a  Cum apostolis diadema fert angelica septus chorea.
0717103b  Sanctorum cuncta psallens turma gaudet Martino splendificata.
0717104a  Quem tanta coelitus potestas divina magnificavit praerogativa,
0717104b  Quod tria mortua corpora humana Deo supplicans reddidit viva.
0717105a  Dabat prompta languidis adjumenta, sanis vitae documenta.
0717105b  Subdito gregi forma justitiae, cunctis generalis norma.
0717106a  His mota plebs Turonica instat tota ardens devota, ut praesulatus assumat jura.
0717106b  Haec tanta desideria, tam justa et pia misericordi complevit Deus potentia.
0717107a  Oves Christi suscepisti, diligenter enutristi, gemma pretiosa.
0717107b  Visu Rachel, fructu Lia, Martha factus et Maria, lampas luminosa.
0717108a  Nunc expleta vitae meta, felix victoria regnans in gloria, nunc, caritas plena, Deum nobis precibus serena.
0717108b  Et peccata perpetrata per te sint sepulta nobisque indulta, ac praemia fine carentia donet theoria.
0717109a  Per te, Christe Messia, qui homo factus es ex Maria,
0717109b  Cum quo pater et pneumata est una virtus simplex usia,
0717110   Ipsi per saecula laus honor et gloria.
0717200   De sancto Martino.
0717201   Alma pangat symphonizans caterva
0717202a  In hac aula sistens Martini praeclara trophaea,
0717202b  Felix qui coelica meruit perfrui pascua,
0717203a  Contubernia vitae perfruens aetherea,
0717203b  Coelicolis conjunctus in axionia
0717204a  Nitens nivea instar liliorum comptus stola sacra.
0717204b  Claro dogmate qui dudum bibula madidavit corda.
0717205a  Hinc quoque celsa poli rutilat laurea, stipatus digniter agmina coelica, perenni fulcitus gloria, triumphans sublimam antistitum nactus cathedram;
0717205b  Atque super lucida sidera conlaudans regem Dominum in aethera, cum sanctis sortitus beata pariter paradisiaca, perfruens roscida vireta.
0717206a  O Martine, precum vota suscipe servulorum in hac aula,
0717206b  Ut deleantur facinora reatus nostri, noxae et delicta
0717207a  Et vitam perfrui mereamur conlatam
0717207b  Conlaudantes Christum Dominum mente pura.
0717208a  Ubi perenniter altithronizant sanctorum pia vota.
0717208b  Cantantes carmina sequuntur agnum et dicunt voce clara:
0717209   Alleluja.
0717300   De sancto Martino.
0717301   Exsultet nunc omnis chorus psallens organa.
0717302a  Jugando rhythmicum pneuma
0717302b  Enharmonia divina.
0717303a  Paraphonistarum turba,
0717303b  Tinnula voce persona.
0717304a  Martini solemnia Cujus ut astra nitida vita fulsit terra.
0717304b  Multorum corda succendit flamma urania Pellens procul tenebras.
0717305a  Nam clarum dogma inserebat cunctorum pectora.
0717305b  Percipiebat certe quia sanctorum famina.
0717306a  Angelorum gaudens nunc caterva et sanctorum plebs valida
0717306b  Concurrit persultans symphonia Martini per exsequia.
0717307a  Virginum regina et adest Maria, niveo choro septa ornat haec funera.
0717307b  Nec non et lyrica prophetarum turma, patriarcharum cuncta Martinum collaudant
0717308a  Almus Michael cum gloria assumens hunc jubilat.
0717308b  Tristatur hostis in tartara trusus per cuncta saecla.
0717309   Omnium corona nunc cantet: Alleluja, Amen sic fiat.
0717400   De sancto Martino.
0717401   O Martine sacer, merito
0717402a  Canimus devotissime tibi in aula hac nos carmina.
0717402b  Rex coelorum catechuminum se veste tunc indutum laudans.
0717403a  Pangit clerus concioque fidelis ore simul mente debita.
0717403b  Circumstantum castra herili ante sacra baptismatis flumina
0717404a  Barbarorum virtute tua subdere declarabas; post magni Hilarii fama
0717404b  Gressus facili extollitur a te, Martine pastor, qui factus es exorcista.
0717405a  Virtute mira languidos tu sanabas,
0717405b  Mortuos voce suscitans evocabas.
0717406a  Post apostolos namque Dominus tantam dignatus est largiri suam gratiam,
0717406b  Ut in virtute trinitatis deificae suscitares mortuorum trium corpora.
0717407a  Te devota, Turonorum ut fieres praesul atque abba,
0717407b  Lectioque divina et coelestis evocabat gratia.
0717408a  O quam pontificalis vita Martini fuit gloriosa, o beati viri pretiosissima, quam contulit coelestis terrestris Dei clementia.
0717408b  Fide Christi flagrans munia orans implesti pro gregis vita et pro nobis, petimus, Deum supplica, ut meritis tuis pateat coelestis aula.
0717409a  O nimis veneranda dies et fidelibus Dei satis praeclara,
0717409b  Qua ejus migravit anima, cui sanctorum virtutum occurrunt agmina.
0717410a  Tua nos, Christe, gratia per ejus merita salva.
0717410b  Nunc et per omnia saecla ab omni malo libera.
0717500   De sancto Martino.
0717501a  Perspicua rutilat jam dies ista,
0717501b  Immania quae plebi confert gaudia.
0717502a  Splendida festa nunc liquida voce praecinat
0717502b  Devote turba Martino dans jam praeconia.
0717503a  Posthabita mente sincera terrea
0717503b  Quem decusant polo trophea inclita.
0717504a  Agmina qui ovat inter candidata
0717504b  Cantica decantans Christo nectarea,
0717505a  Cujus faciant dignos suffragia aula coelica,
0717505b  Qua perpetua redemptor concedat nos frui vita.
0717506   Amen conclament redempta.
0717600   De sancto Mauritio.
0717601   Alludat laetus ordo psallens pie dulcifluum nunc Alleluja.
0717602a  Carmina concrepent tinnula mellita jugans organa.
0717602b  Laudum Christo tymiamata vox canat liquide nostra.
0717603a  O quam veneranda, colenda, tremenda, trinitas adoranda, deitas una.
0717603b  Quam poli agmina nivea jubilant tympanizantes lyrica modulamina.
0717604a  Angelica et archangelica turma canit cui voce jucunda.
0717604b  Sanctus, sanctus, sanctus et Dominus Deus omnipotens regnans in saecla.
0717605a  Hunc Apostolica laudat harmonia, martyrum quoque cithara, confessorum ac virginum lyra.
0717605b  Quibus sociata legio Thebaea, hodie pro Christo caesa, nunc laureata ovans hymnizat.
0717606a  O dulcissima, o quam largiflua Domini clementia, tanta milia
0717606b  Qui tam lucida salvans die una de ore Leviathan levat ad astra.
0717607a  Gaudet phalanx coelica lucra suscipiens tam beata, exsultans tellus efflagitat ipsorum patrocinia.
0717607b  Plangit turba picea ereptam praedam a sua poena; quid doles omnes non perire, o infelix invidia?
0717608a  O Mauriti, dux in curia, te poscentum errata pie excusa virtutumque da monilia.
0717608b  O Exsuperi et Candide, Innocens atque Victor cunctaque turma, laudantum audite precata.
0717609a  Qui jam stelligerata meruistis palatia, nobis liliosa flagitate campestria.
0717609b  Christo quo annuente jubila symphoniaca pangamus aurosa in poli, amen, dindima.
0717610   Ave nunc jam, legio alma, ovatizans saecula per cuncta: Alleluja.
0717700   De sancto Mauro.
0717701a  Clariflua caterva Deo lyrica canat cantica.
0717701b  Hac die, qua penetrat Maurus supera pater sidera.
0717702a  Qui satus alta vernat carnis prosapia
0717702b  Artaque via capit ampla palatia.
0717703a  Rubrica patris quem aequa Benedicti comit sanctitate cernua.
0717703b  Crebra cujus miracula praesentia suis speculatur propria.
0717704a  Nam paterna complens jussa Placidum traxit a lympha calcata.
0717704b  Reddit claudo vestigia stolaque muto reformat loquelam.
0717705a  Quem paterna cura irradiare partes mittit occiduas,
0717705b  Non quaerendo sua sed Domini gliscens augere ovilia.
0717706a  Ergo rutila ardens lucerna pellit nubila orbis clara spargendo lumina.
0717706b  Mirabilia cluit opera medicamina aegrotis dans satis utilia.
0717707a  Sacra fundans domicilia gregat Domino monastica pie agmina.
0717707b  Post annorum revolumina bis tricena, quo induerat sacra tegmina,
0717708a  Bis denaque novena transacta orbita, quo fundarat opima Domino climata, sublimia percipit gaudia,
0717708b  Expiata delibans Domino agmina, quo una laetaretur cum prole promissa herilia praesentans munera.
0717709a  Aure jam pia exaudi vota praesentia,
0717709b  Quo sempiterna impetres nobis subsidia.
0717710   Clament redempta: Deo doxa.
0717800   De sancto Michaele.
0717801   Has celebres, rex coelice, laudes cuncta
0717802a  Clangat nunc canora caterva symphonia,
0717802b  Odas atque solvat concio tibi nostra.
0717803a  Cum jam renovantur Michaelis inclita valde festa.
0717803b  Perquam laetabunda perornatur machina mundi tota.
0717804a  Novies distincta pneumatum sunt agmina per te facta,
0717804b  Sed, cum vis, facis haec flammeas per angelicas officinas.
0717805a  Inter primaeva sunt haec nam creata tua, cum simus nos ultima imago sed factura tua.
0717805b  Theologica cathegorizant symbola nobis haec ter tripartita per privata officia.
0717806a  Plebs angelica, phalanx archangelica, principans turma, virtus uranica ac potestas almiphona;
0717806b  Dominantia numina divinaque subsellia, Cherubim aetherea ac Seraphim ignicoma.
0717807a  Vos, o Michael, coeli satrapa, Gabrielque vera dans verbi nuntia
0717807b  Atque Raphael, vitae vernula, transferte nos inter paradisicolas.
0717808a  Ergo digna per vos patris cuncta complentur mandata, quae dat ejusdem sophia compar quoque pneuma, una permanens in usia, cui estis Deo adstantia milia milium sacra.
0717808b  Numerata vices per bis quinas bis atque quingenta dena centena milia adsistunt in aula, a qua rex ovem centesimam verbigena drachmamque decimam vestra duxit super agalmata
0717809a  Vos per aethra, nos per rura dena pars electa harmonia vota demus hyperlydica cithara.
0717809b  Quo post bella Michaelis inclita nostra Deo sint accepta aurea circa aramque thymiamata.
0717810a  Quo in coaeva jam gloria
0717810b  Condecantemus Alleluja.
0717900   De sancto Nazario.
0717901   Laude summa
0717902a  Deo psallat nunc caterva coelica
0717902b  Nazarii sacra pangens carmina.
0717903a  Die festiva, qua cum Celso penetravit aethera.
0717903b  Annua mundo laetabunda renovantur gaudia.
0717904a  Urbs Romulea gens et Italica plaudit et Gallia,
0717904b  Quibus semina fidei plurima hic dedit athleta.
0717905a  Indefessus christicola vicit fera vincla, verbera, ambulans super maria.
0717905b  Sprevit dira supplicia et illatas contumelias, principum quoque furias.
0717906a  Hinc Mediolano dum praedicat, laureatus intrat vitae regiam.
0717906b  Hunc inviolata puerpera virginali choro junxit Maria.
0717907a  Paradisum Michael reserans decoravit gloria.
0717907b  Sacra cuncta milia invitant tunc ad agni nuptias.
0717908a  O quam veneranda dies est inclita, praedicans electorum trophaea.
0717908b  Victor agonista, Nazari, releva miserans peccatorum vulnera.
0717909a  Culpas relaxa prece sedula,
0717909b  Pestes et clades fuga nocuas.
0717910a  Cuncta impetra commoda, cuncta pellens prava praebens omnia famulis humillima.
0717910b  Esto galea, lorica, umbo nobis, hasta, calciamenta, cingulum, victoria,
0717911a  Quo tecum fruamur gloria repromissa.
0717911b  Praestet haec servulis deitas sempiterna.
0718000   De sancto Pardulpho.
0718001a  Voce consona jubilet ecclesia
0718001b  In sancti hujus Pardulphi celebria.
0718002a  Cujus insignia et praeclara virtutum praeconia,
0718002b  Christo gratissima, hodierna exhibent solemnia.
0718003a  Ejus opera mundo sunt lumina in terris coelica.
0718003b  Ejus anima angelis socia in coeli curia.
0718004a  Dum membra pueri parvula puerili stringuntur fascia, qui sit, monstrant cunabula.
0718004b  Amittens corporis lumina virtutum promeruit munera, testantur hoc miracula.
0718005a  O Pardulphe sancte, cujus vita jam fuit digna, nunc patet et gloria.
0718005b  Fove, pie pater, haec agmina, quae Deum laudant in tui memoria.
0718006a  Esto nobis dux et custodia saeculi per itinera.
0718006b  Duc nos tecum ad coeli gaudia, quo regnas super aethera.
0718007a  Ubi felicia sanctorum sunt illa agmina sibi collaetantia,
0718007b  Ubi sublimia angelorum sonant carmina Deum collaudantia.
0718008a  Sanctus Deo ter exclamantia,
0718008b  Plena sunt cuncta gloria tua.
0718009a  Ut et nos ovantes una ipsi placeamus illum venerantes laude continua,
0718009b  Ut confitentes merita loca teneamus, quae sunt sanctorum in luce perpetua,
0718010   Cantantes cum symphonia: Deo gloria.
0718100   De ss Petro et Paulo.
0718101   Sanctus Petrus et magnus Paulus,
0718102a  Doctores orbis praeclara atque mundi lumina,
0718102b  Superni regis praesules, narrantes coeli gloriam.
0718103a  Petrus Jerosolyma magno favore populi corruscat gerens miracula.
0718103b  Et Paulus in Graecia philosophorum pectora miranter facit stupentia.
0718104a  Confligit docte Petrus cum Simone mago, potenter quem retrusit in tartara.
0718104b  Resistens sancto Paulo magus Elymas arroganter duo amisit lumina.
0718105a  Olim jam Petrum Christus navigantem per undas vocavit voce benigna: piscator hominum eris, si me sequi curas.
0718105b  Et Paulum ipse Christus inflammantem Judaeam de coelo clamavit dicens: faciam doctum vas te mihi doctrina sana.
0718106a  Celsa polorum agmina angelorum, quae laetantur videre Christum, Dei filium, quem Petrus in terris confessus est voce praecipua.
0718106b  Coeli secreta penetravit et Paulus, gentium clarus doctor, sapienter mundum irradians, a vitam perpetuam caelibes invitans.
0718107a  Petrus ab Herode captus vinculis nexus custodia ab angelo liberatur gratulante ecclesia.
0718107b  Paulus a Judaeis tentus convinctus Caesarem appellat, miris signis fulget usque Romam mari atque terra.
0718108a  Petrus denique aures pandit obtusas, corpora redintegrat, animas purificat, caecis lumen praestat cordaque sanat.
0718108b  Paulus deinde mores confert honestos, justitiam praedicat, prudentiam dedicat, fortissimus instat, cuncta temperat.
0718109a  Tali dum pollent famine, saeclum amittunt rabie Neroniana.
0718109b  Regna petunt coelestia, Nobis praestent suffragia, Precamur omnes.
0718110   Sic fiat, Amen.
0718200   De ss. Petro et Paulo.
0718201   Alme rex Christe, regens cuncta,
0718202a  Coaeva sophia patris, qua existunt omnia,
0718202b  Hanc turmam guberna colentem gemina. lumina.
0718203a  Nam Petri victricia trophea sat emicant per lata orbis confinia.
0718203b  Et Pauli consocia virtus lustrans terrea serenat nubila omnia.
0718204a  Gratia plenus diva Petrus vividam prolem patris fatur voce beata.
0718204b  Lumina post amissa Paulus cernit poli secreta visione mystica.
0718205a  Polica Petro regna Christus dat reseranda, quo traditis aperiat clavibus paradisi atria.
0718205b  Vasa praeparat munda plurima vas superna electum praescientia, trinitas ubi sedem statuat.
0718206a  Aequora calcat Petrus flatu turbata Christi prensus a dextra, a procella tradita quo septa eruat ad amoena ducens cubilia.
0718206b  Sacratum sperma Paulus serit per arva rura rigans optima, quo centena fruge fecundata ubertim herilia repleant horrea.
0718207a  Clara angelus fert astra Petrum trahens a custodia, lux ut lustraret cuncta reddita ovilia.
0718207b  Paulum cogit plebs Judaea Romae adire palatia, apostolica ne parva forent serta sed summa.
0718208a  Petrus suscitat Thabitam luce functam, Aeneam quoque sanat, gerens signa plurima, donec cruce versa scandit celsa.
0718208b  Paulus elevat mortis clade suprema patrem Publii, hinc vitae dans commoda, post caput machaera caesus saeva.
0718209a  Primates hic coelestia agmina sibi commissa ducant ad regna,
0718209b  Quo rex in aula rutila in trinitate unica regnat per saecla
0718210   Omnia.
0718300   De ss. Petro et Paulo.
0718301a  Laude jucunda melos, turma, persona
0718301b  Jugando verba symphonia rhythmica.
0718302a  Concrepans inclita harmonia vera saecli lumina,
0718302b  Luce qui aurea illustrarunt regna mundi omnia.
0718303a  Vernant fortia jam quorum trophea in coeli regia.
0718303b  Quorum merita dissolvunt crimina hac die fulgida.
0718304a  Nam alter crucis supplicia triumphans, alter ensis jugula, uterque nitet laurea.
0718304b  Super sublimia sidera insignes victoria coelica praelati sunt in curia.
0718305a  Hinc, beate Petre, qui maxima reseras clausa verbo coeli limina,
0718305b  Sume pius vota fidelia peccati cuncta resolvendo vincula.
0718306a  Sacra, Paule, ingere dogmata inlustrans plebis pectora,
0718306b  Et quousque det Deus perfecta, ultra fer mente sidera.
0718307a  Dulcis qua resultat musica virtutum fidibus atque melis concinna.
0718307b  In qua symphonia miscetur, est illa quae vera diatessaron prima,
0718308a  Constans virtute et justitia,
0718308b  Temperantia et prudentia.
0718309a  Quibus supera agmina rite decusata Christo cantica psallunt enharmonica.
0718309b  Nostra sint quorum socia, illa dent lumina, quis praeconia damus hyperlydica.
0718310   Sublime dicant nunc omnia Amen redempta.
0718400   De ss. Petro et Paulo.
0718401   Pulchra prae-
0718402a  pollent in arva hac die duorum lumina.
0718402b  Petri cantica excelsa dicamus physica.
0718403a  Dein Pauli musica dulciflua cantica recitemus alta.
0718403b  Primaeva nitet alma Petri summa principalis quippe caterva.
0718404a  Postsecuta socius gemmula Paulus tenet postrema dogmata.
0718404b  Universam Petrus substantiam jam reliquit, patrem et retia.
0718405a  Paulus de terrestribus vocatus ad supera, synagogam aridam reliquit quaerens Domini gratiam.
0718405b  Romae ducti moenia Simonis pestiferam haeresim contrariam vicerunt per Dei simul sophiam.
0718406a  Et Neronis dignitatem viperinam non terruere suam gloriam
0718406b  Ad superba Simonis mendosa verba, qui properare dixit ad astra.
0718407a  Cum plus intendit suprema, tunc statim ruit ad ima vulneratus, regnat in barathri sat cunabula.
0718407b  Per geminatam praeclaram Petri vel Pauli doctrinam cecidit proterva Simoniaca tunc fibula.
0718408a  Tunc Neronis jussu crucifixus poena Petrus venit ad superna feliciter cum corona.
0718408b  Paulus tenso collo capitis vulnere praecisus die in illa ferens palmam victoria.
0718409   Feliciter vivamus per saecula.
0718500   De sancto Petro.
0718501   Pretiosa solemnitas adest annuata Christi secutoris, cui tanta vox audita:
0718502a  Tibi regna Mea, angelorum consors clara apud agmina, dabo, edere nutu portam,
0718502b  Cohors prophetarum ubi, Petre, egredietur potens amicta veste alba Cum corona.
0718503a  Ubi adstant coram Domino mille milia clamantia,
0718503b  Quae non cessant voce congrua nomen ejus laudantia.
0718504a  Ubi Cherubim, Seraphim ardentes amoris igne, nulla fuscata nequitia,
0718504b  Muri refulgent ornati parentque gemmis, redolet nectar, oleum lac et vina
0718505a  Roris tua. Cum quibus fortiter collatos clavos regni coelorum Petrus, Christi athleta, regens cuncta.
0718505b  Ipseque pro nobis intercedere patrem polorum devotione, fiat, atque fide Non desistat.
0718506a  Ut digna carmina patri ac filio posita
0718506b  Proferamus per coaeterna saeculorum saecula.
0718600   De sancto Petro.
0718601   Voce praecelsa laudes
0718602a  Debitas nunc concinat Christo nostra societas,
0718602b  Conjubilant maxima cives coeli laetitia,
0718603a  Pro meritis inter astra sempiterna electus qui dat gloria
0718603b  Ac post certamina dura reddit serta victoribus candentia.
0718604a  Gloriosum quorum catervis Simonis merita Petri lucida
0718604b  Propalata lata per arva eminent gratia Christo praevia.
0718605a  In regia claviger aula ac fidei munia
0718605b  Fore primas, qui dominica promeruit sententia.
0718606a  Cui tradita gregis Dei cura est praemaxima.
0718606b  Et ibi ligandi solvendique mox sublimitas.
0718607a  Qui Dei fretus dextrae corruscas super undas ambulans vestigia fixit solida,
0718607b  Et crucis gloriosa passione completa aetheris sublimia subit praemia.
0718608a  Ipsius gloria nunc et meritis angelica
0718608b  Regio maxima gratulans recolit gaudia.
0718609a  Ipsius et omnis ecclesia honore laetitia resonat plurima.
0718609b  Auctori Domino perspicuam gratiam referendo mundi latissima.
0718610a  Ergo nostra te vox obsecrat, Bar Jona,
0718610b  Interpella Jesum in sua gloria,
0718611a  Ut munera coelestia supplicantibus tribuat,
0718611b  Quod consona melodia tecum gloriantes una
0718612   Dicamus Alleluja.
0718700   In sancti Petri ad vincula.
0718701   Ad te, cunctipotens, rex celse, soter, devote coetus noster nunc supplicat.
0718702a  Audi clemens cantica, quae tibi phalanx haec boat,
0718702b  Archiclavis gloria dicatam colens emeran,
0718703a  Herodis qua captus vesana est in furia, mersus umbra, strictus bacca militaria sub cura;
0718703b  Divina respectus sed gratia est ab illa custodia angelica eductus per obsequia.
0718704a  Nam recumbens inter carceris claustra,
0718704b  En splendida refulserunt lumina.
0718705a  Summus paranymphus ab aethera migrans Barjonam ciens excitat ista promens famina:
0718705b  Citatim consurge, Cepha, amictiens tua podera, postgyra mea ippodromias
0718706a  Angelica post oracula dissoluta lora sunt cuncta artuum dira.
0718706b  Liber Simon surgens et illa linquens ergastula superna complevit jussa.
0718707a  Sequens angelum recta semita, ut qua libeat venit ad valvam.
0718707b  Tacta virtute diva confestim patuit eis ultro aperta.
0718708a  Coelicola peracta divina mandata subiit celsa poli culmina.
0718708b  Agonista properans clientum ad turmam, notus a Rhoda, refert gaudia.
0718709a  Apostolica caterva sibi redditum jubilat collegiarcham.
0718709b  Laetetur omnis credula plebs laetitia sincera in die ista.
0718710a  Symphonia jam paene exhausta siderea jam cuncti numina poscamus una.
0718710b  Tu coelorum aeditue, vincla nostra solve potestate data tibi per saecla.
0718711a  Lucida maris stella,
0718711b  Justorum signifera,
0718712   Nos Domino exorando commenda.
0718800   In s. Petri ad vincula.
0718801a  Summa culmina apostolica
0718801b  Laeta pertonat nunc ecclesia,
0718802a  Petrus digna turpi turba quia gerit sceptra,
0718802b  Ab ipso percepta verbigena gregis cura.
0718803a  Cujus pia merita die patent ista sublima,
0718803b  Qui per sua soluta vincula dat nostra libera.
0718804a  Pulchra decet illum camoena lausque digna,
0718804b  Cui coelica dat Deus regna conservanda.
0718805a  Quae ligat in arva, in aethra solida manent ipsa.
0718805b  Infera, supera, fores, valvae, cuncta sunt soluta.
0718806a  Agnorum summa adepta custodia sanctique capta spiraminis gratia, ovium plurima congerens milia, per pascua vitae sancta duxit ad ovilia.
0718806b  Hunc invidia ob tanta negotia Herodes arta trusit in ergastula, claudit qui coelica reserat et regna; quem divina virtus summa laxa solvit catena.
0718807a  Solamina per angelica
0718807b  Ad socia redit agmina.
0718808a  Maxima haec festa praestant atque salutifera remedia,
0718808b  Quod nostra sunt vincla per sacra Petri absoluta ligamina.
0718809a  Pura paterna ampla qui per arva ac poli supera celsa tenes a Deo cessa,
0718809b  Laxa ligata reseraque clausa, crimina lava cuncta potestate commissa.
0718810a  Olim tua sunt umbra omnia aegra tacta reddita valida viam juxta corpora posita.
0718810b  Ita nostra facinora magna, quae sunt in via ejus ac morbida tactu fuga qui sat fimbria.
0718811a  Quo coepta tendat semita ad regna secura,
0718811b  Ac septa ovium turma subeat astrea.
0718812a  Nostra jam turba cantica edita regia fac in aula almisona.
0718812b  Culpa soluta per jura tibimet tradita superna claustra resera.
0718813a  O summa Petre columna, nixa qua stat ecclesia.
0718813b  Et gregi fer auxilia, quo in pacis ovilia
0718814   Divina subeat fovendus gratia.
0718900   De sancto Petro.
0718901   Celsa personet melos vox in hac aula
0718902a  Factori creata jubilent Deo cuncta in hac rhythmica die reboando carmina,
0718902b  De hoste maligno Pontius reportavit in qua trophaea praeclara peracta machia.
0718903a  Prolem patris unicam supera laudent atque ima,
0718903b  Per quam mundi valida perornatur semper machina.
0718904a  Laetabunda quem jure laudant agmina
0718904b  Tripudiando celsa in palatia.
0718905a  Clara gestant in qua serta. Carmina laudum suscipe, redemptor, arce superna, Qua Deus regnas per saecula,
0718905b  Quae nunc boat haec caterva. Annua sancta martyris nam festa Pontii laeta Celebrans concinit organa.
0718906a  Quam pulchra nivea corruscant martyrum polica in aula agmina cum palma,
0718906b  Calcarunt illata tormenta jussa tyrannica et cassa qui cuncta in arva.
0718907a  Fides quorum firma, virtus infracta, supra veram mansit solidata sat petram.
0718907b  Adsignant in axe agno laureas et phialas, per aethra sequuntur quem una.
0718908a  Coelica inter chorea Pontius triumphat,
0718908b  Insignis martyr corona rutilans corruscat.
0718909a  Stirpe de inclita Ortus in Romulea urbe fulsit splendida ut lucerna Veterna diruens delubra.
0718909b  Pollens verum dogma, Urbs vertebat orbitam Roma cum millesimam, monarchiam Primus Christo fecit credulam.
0718910a  Sacrilega et saeva ingemebat tunc turba,
0718910b  Fana ruisse sua repurgia cum ipsa.
0718911a  Pars electa multum per ampla praepollebat ovans orbis climata.
0718911b  O quam laeta piorum phalanx properabat sacra ad ovilia.
0718912a  Peracta jam talia Pontius, gestans crucis stigmata,
0718912b  Senator in curia radiabat sol ut inter astra.
0718913a  Regis regum athleta Tormentorum genera superata omnia, Ensis per dira jugula
0718913b  Laureatus, in aethra Regnat, triumphalia redimitus laurea, Micans virtutum lampada.
0718914a  Nostra suis solvat cuncta meritis crimina,
0718914b  Rogitamus, ferat et nos moenia ad alta,
0718915a  Quo vera fruamur sine meta cum Christo gaudia.
0718915b  Sint grata cui nostra per cuncta saecula obsequia,
0718916   Praestans nobis commoda cuncta.
0719000   De sancto Sacerdote.
0719001   Celsa coelorum cohors angelorum cuncta,
0719002a  Prome jubilando modulamina sacra
0719002b  Voce cum sonora, triumphali, jucunda.
0719003a  Sacerdotis festa dulcissima canora melos digna,
0719003b  Suavis et lena recitetur melodum cantilena.
0719004a  Omnigena dulcisona psallant conlaetanter Sacerdoti modulando dulciter hymnica.
0719004b  Sacerdotum reboent sacra catervatim turma Sacerdoti hymnizantes simul et organa.
0719005a  Bis infulata bina figura gestante iterando geminata
0719005b  Rite beata nomine euphonia et honoris fulgens gemma.
0719006a  Sacerdos, sacra piorum schema, Aquitanica ortus patria Cadurcensis stirpis veneranda claret totius orbis regna.
0719006b  Sevit semina verbi divina, sancta monita, fortis athleta sic manando mel et favum stillat ore ut apis uberrima.
0719007a  Monastica fulgente schema corruscante sancta miracula.
0719007b  Genitoris carnis funera reddidit parentis vitalia.
0719008a  Aequitatis regimen adeptus vegetando triumphans cathedra
0719008b  Post Germani successor virtutum almae sedis Autisiodora.
0719009a  O summe sacer, pie nos juva
0719009b  Intercedendo tua precata.
0719010a  Poscimus tibi omnes mente devota,
0719010b  Ut fias auctor nobis super aethera.
0719011a  O Jesu, virtus celsa et redemptio nostra, subleva nos jugiter intercedendo sancta sanctorum juvamina.
0719011b  Fac gaudere cum ipsis caltudiarum celsa sine fine mansura cernendo tua sancta arce principalia.
0719012a  Ubi clara jubilando depromunt organa triumphalia,
0719012b  Angelorum melodigmas jugiter resonant coeli dindima.
0719013a  Cherubim agmina, Seraphim socia sine fine clamant indifferentia ardentes, incendentes mystica:
0719013b  Sanctus, sanctus, sanctus, sublimis Dominus, trinitas unitas, vera divinitas, tibi soli famulant omnia
0719014   Cuncta per saecla.
0719100   De sancto Saturnino.
0719101a  Angelica tuba astrigera, reboat quae supra aethera coram summa regis cathedra,
0719101b  Voce sonet nostra perinclita numeris famina edita ab intima cordis cithara.
0719102a  Attonita stat plebs alma ac una spectacula ad annua, quo sua expleat vota.
0719102b  Nos adeamus haec festa pneumata tonantia gestat pulchra super Saturnini pugna.
0719103a  Qui fide plena superna percepta gratia in sacramenta divina juramenta fixit solida.
0719103b  Apostolica doctrina domitus vivida suavia Christi juga super colla tulit propria.
0719104a  Verae certe praecognita disciplinae norma, postposita lubrica mundi vita atque vanissima, aeterna decertabat frui doxa coeli patria.
0719104b  Factus ita Christicola virtute superna frugifera semina ab electa Christi familia accepta regnans ea sevit arva per occidua.
0719105a  Haec ad regna novus extera venit agricola ac terga ruris arentia fortis vena rigat inducta.
0719105b  Tellus dura nec non gelida ligonum ignara repugnat, quo coelo stolida hic cultura instat improba.
0719106a  Coelestia atque terrea cuncta fert opima fomenta, quae facta seges vivida Deo comproba reddat germina.
0719106b  Sicque plaga Oceanica dira, ignava et acerba per sancta hujus merita Deo domita est et subdita.
0719107a  Pecunia tibi credita conservis praestita, invidus hostis contra movit bella propria amissa ingerens jura.
0719107b  Militia sanctus assumpta ornatus galea, sat virtutum lorica, cunctus alma effectat stadia triumphalia.
0719108a  Cum stat ovans in agonia fortis athleta mente firma, angelica pietas divina praesentia misit illi submissa consolamina.
0719108b  Quae praemia ipsi parata jam in patria fert aeterna postque, laeta visio, discissa corpora tauro nexa, anima petit aethera.
0719109a  Prisca obruta sic victima, per sacra sacerdotis funera hostia est confecta nova, plebis qua libera in saecla nunc manet turba.
0719109b  Eja, praecelsa urbs Tolosa, exsulta, pace summa condita pignora in te quia sunt, ad commoda Saturnini data patrocinia.
0719110a  Hinc plebs omnis consortia, hujus rogamus merita foveant nos in saecula.
0719110b  Hujus, o Christe, sedula nos prece munda a noxa et dona frui doxa.
0719200   De sancto Saturnino.
0719201   Hodiernus
0719202a  Sacratior venerandus in orbe dies praeclarus ubique.
0719202b  Hoc sonora voce polus terraque resonant cunctipotenti.
0719203a  Quo pontificale decantant carmina totius mundi decus, nobilior decoratus talique fultus principe.
0719203b  Qui vinculis carnis solutus hodie sidera celsa petens, terras relinquens perpetim cum Christo est sociatus.
0719204a  Feliciaque poli semperque manentia regna tenens
0719204b  Felix polorum aula disjungit numquam amicos in saecla.
0719205a  Sit pius clemens omnipotens nobis atque preces nostras coelestibus donis augeat in aeternum
0719205b  Per interventum Sancti Saturnini, summi almifici matyris atque patroni singularis.
0719206a  Ad limina sacrata cujus veniunt omnes
0719206b  Peccatorum veniam pio poscentes corde.
0719207a  Adprecatu benignus exaudi vota famulorum,
0719207b  Ut Olympum scandere possimus profectu bonorum.
0719208a  Veniam concedat peccato poscentium sanctorum auxilium,
0719208b  Hoc nobis cunctipotens tribuat clementia Domini.
0719300   In Natali sancti Stephano.
0719301a  Gloriosa dies adest, qua processit praepotens ex virginis aula
0719301b  Idem Deus conditor hominum factus est homo die ista,
0719302a  Qua gloria in excelsis cantant sancta agmina
0719302b  Regi nato, quem quoque vox canat liquide nostra.
0719303a  Ipse namque, ut curaret nostra facinora et peccata, non linquens coelestia
0719303b  Praesepio poni non distulit, ut qui panis vivus erat, nobis daret pabula.
0719304a  Jam nunc igitur alacres laudum feramus praeconia,
0719304b  Nostra certantes, ut sit pura mens atque conscientia.
0719305a  O beate protomartyr Stephane, cujus instat solemnitas gloriosa,
0719305b  Te quaesumus, ut possimus tuo obtentu fulti vitae sumere pascua.
0719306a  Satiati quibus adeamus digne coelica contubernia.
0719306b  Quo pangamus Sine fine Christo nato virgine inviolata,
0719307a  Regnanti cum patre simul orbis regna per omnia,
0719307b  Potestas cui et honor est in aeterna saecula.
0719308   Amen dicant omnia.
07193a04a Namque petimus incessanter, dari nobis suffragia te donante nobis, Christe.
07193a04b Praesentis vitae necne polos scandere florigera sanctidica praemia.
0719400   De sancto Stephano.
0719401a  Praecentorum succentorumque turma concentorumque pia personet laude una.
0719401b  Psallat Christo neumata regi compta concordi symphonia vota reddens debita.
0719402a  Hac die, qua instant solemnia Stephani martyris alma, maxima concelebranda gloria.
0719402b  Nam sub nova fidei gratia exstitit mira caterva mundi regna Christo subdens omnia.
0719403a  Sors apostolorum scilicet summa ac levitarum officia eo ordine moderata,
0719403b  Anni quo vigent volumina, signa, planetae, menses, septimana, cuncta statuta per tempora.
0719404a  Unde unus patrando signa Suscitat proelia primus herilia, ideo jure norma Vocatur meritis nominis sui corona.
0719404b  Frendens falsa quidem Judaea Contra Christi jura excitat adversa in sanctum discrimina, Sed mente ipse fida tolerat opposita.
0719405a  Dant sibimet obliqua: sanctus precamina, saxa quoque Judaea.
0719405b  Caeditur materia, solvitur usia morte corporis sacra.
0719406a  Sic martyr regna trophaea referens ad excelsa in aula permanet astrigera, dignus semper athleta.
0719406b  Triumphi palma adepta possidet sempiterna cum Deo gaudia laurea redimitus vernifica.
0719407a  Voce concrepet mellica jam sacra per numeros ecclesia,
0719407b  Laude connectens divina poemata harmoniae rhythmica.
0719408a  O insignis athleta, Qui trophaea primus alma fers coelica ad culmina, et dans sanctis exempla Praeponeris coelica curia.
0719408b  Concede prece pia, Ut merita tua sancta nos dubia per stadia sic ducant, quo fulgida Meramur consequi bravia.
0719409a  Haec nobis intacta natus vulva annue, Christe, omnia,
0719409b  Qui comptum corona ad excelsa Stephanum duxisti regna.
0719410a  Quo die schemata sanctorum resonant dulcia.
0719410b  Quibus et vox nostra jungatur in illa chorea,
0719411a  Ipso supplicante choraula,
0719411b  Cujus laudi praebemus ista
0719412   Festiva comitia.
0719500   De sancto Stephano.
0719501a  Nunc dies inclita atque pretiosa nobis instat orta
0719501b  Clange tuba sonora, concio beata, festa praesentia.
0719502a  Hinc merita Stephani recita martyris clara,
0719502b  Qui plurima faciebat signa factus levita.
0719503a  Hunc Judaea perdurans in sua malitia et peccatis, dura semper et perfida,
0719503b  Necat dira lapidum jactura, coelestia sicque regna conscendit ipse cum palma.
0719504a  Jam nunc igitur alacres laudum feramus praeconia
0719504b  Certantes, nostra ut sit pura mens atque conscientia.
0719505a  O beate protomartyr Stephane, cujus instat solemnitas jam gloriosa,
0719505b  Te poscimus et petimus, tuo obtentu fulti vitae percipere pascua.
0719506a  Satiati quibus adeamus angelorum digne consortia
0719506b  Atque laeti videamus Christum, regem natum virgine Maria.
0719507a  Regnantem cum patre pariter in sede aethera,
0719507b  Cui est honor et potestas in aeterna saecula.
0719508   Amen dicant omnia.
0719600   De sancto Stephano.
0719601   Haec est sancta solemnitas
0719602a  Et veneranda beati Stephani et honoranda.
0719602b  Ipse namque, ut gaudia possideret coelestia,
0719603a  Christi secutus est vestigia,
0719603b  Ideo adeptus est praemia.
0719604a  Jam nunc ergo ipsius petamus suffragia, nostra solvantur debita,
0719604b  Ac precatu benigno adjuti sempiterna digne captemus munera.
0719605a  Ubi videamus regem aeterna reddentem praemia sequentibus tua monita.
0719605b  Quibus medium credimus te fore, beate Stephane, et luce fulgentem rutila.
0719606a  Ideoque praecelsa tua imploramus auxilia,
0719606b  Uti clara gaudia percipiamus splendida
0719607   Per saecula.
0719700   De sancto Stephano.
0719701   Pretiosa candidata martyrum turma.
0719702a  Hinc Stephanus merita consecutus
0719702b  Ecce insuper aethra gavisurus.
0719703a  O quam amarus, infelix Judaea, populus Christum denegans,
0719703b  O quam infelix, Stephanum Dominum confitentem lapidarunt.
0719704a  Facie decora ut angelus, velut rosarum color
0719704b  Assumptus in aethra, gaudet tellus de suorum praemia.
0719705a  Adest dies sacra et valde praeclara,
0719705b  Rutilat per orbem hodierna dies,
0719706a  Qua angeli decantant organa dulcia, Stephani martyris sancta ac veneranda;
0719706b  Dies, inquam, ista hodie per saecula Qua in coelis resultant angelorum sacra.
0719707a  Nostrasque, precamur Domine, suscipe laudes, ut nos abluas a crimine.
0719707b  Coelica resultant hodie organa nosque per tuae caritatis magna
0719708a  Exsultemus et jubilemus organa digna. Resultentque omnia Stephani per saecla lauda symphonia.
0719708b  Nunc per tua praemia consequamur blanda Dei judicia, Poli tenens sceptra, gloria aptus aeterna.
0719709a  Corona capitis decora fulgida pretiosa sculpta.
0719709b  Judaeo populo jactante lapides, se vero dicente:
0719710a  Domine, nihil hoc reputes illis in malum;
0719710b  Intendens in coelum oculis vidit Dominum,
0719711   Erectas manus suas ad eum susceptus est in aethra.
0719800   De sancto Stephano.
0719801a  Regis, celsa qui regit atque ima, in nitida regia exsultant candentia,
0719801b  Quae praetexta martyrum aethre castra potentia invicta ferunt serta fulgida.
0719802a  Segmentata candidata toga sonora rhythmica boant laetantia jugiter per saecula
0719802b  Inimica vicere quae tela, objecta fidei parma contra saeva at marcida jacula.
0719803a  Piaque tironum rosea agmina, nostra tibi vota placita reddant abolendo debita.
0719803b  Haec namque secuti gaudia lubrica pede calcavere machinamenta gerronis dirissima.
0719804a  Proles summa, virtus paterna, Via, lux, veritas paxque tuorum omnia per tempora, Guberna tuum plasma, quod imago est tua.
0719804b  Cujus laeta audi carmina Preces et munera hac domo sacra suscipe per saecula, Resonat quod lyricis chordis flabra musica.
0719805a  Hac in die vexilla proto qua martyr reportat triumphalia.
0709805b  Habens nomen, quod sonat merita, serit in summa poenam regia.
0719806a  Quem cohors rigida plus dura quam saxa neci mandat, lymphata quatiens jactura, qua capessit aethra.
0719806b  Atque miles ovans per sacra vulnera carpit viam, nemora repetens amissa sed a Christo reddita.
0719807a  Supra fundatus qui petram per plurimas uni nexus radices.
0719807b  Qui nobis poscat veniam a te, spectat quem patris ad dexteram.
0719808a  Ipsius verbigena, Et piis precibus almi Stephani martyris relaxa facinora Et omnia errata admissa,
0719808b  Inque coelesti patria Regna concede beata sanctorum in gloria et sancta tabernacla Cum supera Quiritum caterva.
0719809a  Quo candidus intrat agnus, ovis virginis, clara cum turma,
0719809b  Quae servat amoena et lilia atque vireta pascua.
0719810a  Qua stola rutila, quam ejus cruore prius laveras,
0719810b  Martyr, tripudias exempla reportans primus opima.
0719811a  Ergo, beate, nobis sancta
0719811b  Suffragiis concede regna
0719812   In coelica curia.
0719900   De sancto Stephano.
0719901   Celsa polorum continens astra,
0719902a  Alpha namque, rex regum, ante saecla pollens laude aeterna, Seraphim consocia
0719902b  Angelorum voces jubilant claras, ardentes, incendentes proclamant laude una.
0719903a  Cantica nempe resonant dulcia: trinitas sancta ac vera, sit gratia tecum plena per saecla.
0719903b  Apostolica reboat caterva, exsultat martyrum palma, confessorum merita sanctissima.
0719904a  Quanta o sancte pater, consors magna, tibi milia mille adstat ante te caterva.
0719904b  Cuncta fulgent die ac nocte tota agmina sanctorum fuscata nulla nequitia.
0719905a  Mente pura atque devota. Via lux veritas paxque tuorum omnia per tempora, Lux vera, lucis de luce corruscans lucerna,
0719905b  Laudum laeta audi carmina. Preces et munera hac domo sacra suscipe per saecula Aeterna in patria servulorum gratia.
0719906a  Qui terram ac maria, supera, infera, simul tegens omnia,
0719906b  Relaxans facinora contulit nobis ad alta pandens gaudia.
0719907a  O pulchra tabernacula sacrata, quam casta intacta refulget orbem terrarum de matre Maria.
0719907b  Porta es in domo Dei posita rutilans intacta, labiis in tuisque est diffusa gratia.
0719908a  Alma genitrix domina, intercede pro nostrorum pondera,
0719908b  Fermento nempe veteri azimis sinceritatis innova
0719909a  Abluendo vitia Et piis precibus almi Stephani martyris relaxans peccamina Praeterita dilue crimina.
0719909b  Praesentia de vita Regna concede beata sanctorum in gloria et sancta tabernacla Futurorum bonorum promissa.
0719910a  Quidquid in hac vita nos egimus, mala per acta tempora
0719910b  Judicandum tuis bonis bona tunc possidebunt praemia.
0719911a  Non cum impiorum eorum damnemur opera,
0719911b  Sed cum justis alta ad ampla tendamus moenia.
0719912a  Possideamus sempiterna
0719912b  Per saeculorum infinita
0719913   Saecula.
0720000   De sancto Stephano.
0720001a  Enharmonica voce sonora personemus modulata
0720001b  Primi fortia martyris sacra casta promat symphonia.
0720002a  Plenus gratia Stephanus Dei magna signa gerebat admiranda.
0720002b  Sancta coelitus insita prudentia corda increpat obdurata.
0720003a  Efferata plebs Judaica sanctum Dei ad consilia ducit sua.
0720003b  Perconctabat illum talia, invenerit ubi dogmata exsecranda.
0720004a  Tunc ille angelica illustratus forma sancta semper dat responsa.
0720004b  In quem nimium ira inflammata turba dente stridunt scelerata.
0720005a  Beatus lumina elevans ad supera ista adstantibus inquit verba:
0720005b  Aperta video aetheris abscondita et Jesum ad patris stantem dextram.
0720006a  Alte furiose intonant agmina, sancta aspernantur pessime famina, impetum faciunt in quem supra, pellunt protinus urbem extra.
0720006b  Tela assumunt torrentia saxea, mortis infligunt discrimina gravia; pararunt haec tibi coelestia, martyr inclite, habitacla.
0720007a  Mente qui pia pro persequente profudisti exoranda,
0720007b  Nostra crimina absterge cuncta abolendo mortis acta,
0720008   Ut lux vita et gloria sit nobis tecum per saecla infinita.
0720100   In inventione s. Stephani.
0720101   Magnus Deus in universa terra,
0720102a  Magna sunt ejus ubique omnia in coelo atque in terra opera.
0720102b  Qui est rex regum, Dominus omnium, a patre genitus ante saecula.
0720103a  Cujus caritas vera coelo sublevat Stephanum de terra.
0720103b  Atque perenni vita ornat candida dignanter corona.
0720104a  Plenus etenim Stephanus deitate atque gratia
0720104b  Magna dabat prodigia docens verissima dogmata.
0720105a  Cum autem praedicaret jam praesentia
0720105b  Nostrae redemptionis nova gaudia,
0720106a  Intento in superna coeli patet janua,
0720106b  Dixitque circumstanti plebi voce publica,
0720107a  Sacra plenus gratia: Ecce Dei video admirabilem gloriam,
0720107b  Caritate fulgida Atque Jesum stantem in virtutis Dei dextera.
0720108a  Cum hoc dixisset, impia gens Judaica dans fremitum concita quassat lapidibus Stephani membra.
0720108b  Sed stat fortiter patiens martyr et orans: Ne his Christe noxam statuas, sed jam accipe animam meam.
0720109a  Et cum haec dixisset obdormivit in Domino pace aeterna.
0720109b  Tu et nobis, martyr o Stephane, sempiterna impetra gaudia.
0720200   In inventione s.Stephani.
0720201   Nobis annua basilicae hujus festa
0720202a  Laude digna festive recolendo concrepemus organica sacra laetitia,
0720202b  Martialis quod sacravit hanc aulam apostolus, radians terra, polo lampada,
0720203a  Hac in die sanctificando ipsa Deo domicilia idolorum diruendo profana.
0720203b  Qui sacrata hic primus cathedra resedit discipulorum Christi magnus et praepollens collega.
0720204a  Hinc ei propria Aquitania ut magno patrono devote exultat fide clara.
0720204b  Qua jubilat pulchra regia sponsa ecclesia, compta immarcessibili in gloria.
0720205a  Lavans unda quam in rosea via, lux, veritas paxque tuorum omnia per tempora in cruce triumphali supra vehis omnia.
0720205b  Unde tibi, Deus, dicata preces et munera hac domo sacra suscipe per saecula merita propter clara Martialis et magna.
0720206a  Cui compar athleta levitica protomartyris flavescit stola.
0720206b  Ergo pia Stephanum proclament agmina, Stephanum personent cuncta
0720207a  Namque praecelsa in sua corona ista sancta templi aula exstat insigniter erecta.
0720207b  Cum ejus fulgida cluant sanctorum gesta meritorum plura summa inter apostolica.
0720208a  Ac facies angelica reserata contemplatur aethera,
0720208b  Prolem ubi verbigenam stantem monstrat in omnipotentia.
0720209a  Jam Martialis una et precibus almi Stephani relaxa peccamina et impende gratiarum dona.
0720209b  Regna concede beata sanctorum in gloria et sancta tabernacula, quae parasti electis amoena.
0720210a  Qui hodie membra martyris revelas pretiosissima.
0720210b  Inventio sancta ejus per quem adest hac luce aurea.
0720211a  Rogamus vocum harmonia persolvendo tibi neumata.
0720211b  Nos fac ut tua sanctus, sanctus, sanctus, resultemus carmina.
0720212a  Coelo trinitas dato sancta
0720212b  Cantemus tibi pium semper
0720213   Alleluja.
0720300   De sancta Valeria.
0720301   Laude digna clementia Christi
0720302a  Est merito, perpetim coelorum terraeque solium regentem laudant digne nostra carmina.
0720302b  Nunc Dominum canamus auctorem benignum omnium, precamur vota pie tenens dextera.
0720303a  Angelicis civicisque choris patriarcharum, martyrum sociemur omnes una.
0720303b  Confessio sacerdotum pia, virginitatis gloria nos juvet semper per saecla.
0720304a  Illa meruit Domino Dei feliciter sanctissima Valeria prudens, virgo felicissima.
0720304b  Pulchra facie, pulchrior quoque animo, desponsatur, altissimo cara manens perenni meta.
0720305a  Sanctissima Valeria, audi precamina famulorum, quae sponsa Christi Dei praeclecta felix ad alta scandis fideque merito vera gratia.
0720305b  Despiciens labilia tenens coelestia infantilis aetatis annos parvos decorasti factis virtutum, unde corona decore fulgens nitida.
0720306a  Formosior pulchro, nitida specie decora, rosis, liliis similis solis hujus splendens lampada.
0720306b  Famulorum audi carmina, quae cantant devote, fide clarior et mente placa nobis Deum famula.
0720307a  Infantiam tuam consecrans Deo sanctisque superasti vana terrestria amans Dominum fide valida.
0720307b  Desponsata viro Stephano, duci strenuo, despexisti terrae conjugium spernens misera carnis vitia.
0720308a  Quam pulchra es fide merito, valida virtute, nomine Valeria, potens Deo, monachos, famulos tuos, adjuva.
0720308b  Virtutibus fulges maximis monstratis saeculo, et nobis da tuis famulis et clientibus pia semper per saecula.
0720309a  Amore Christi minas spernens conjugis fortis coelica bona retinens, quae fuso sanguine mercasti valide tui caesi capitis vita.
0720309b  Erectum corpus manu gestat miroque dictu caput reportat, quo sanctus antistes Martialis Christi decantare non cessat gaudia.
0720310a  Ubi apparent vestigia plantarum in marmore impressa ad laudem Domini atque memoranda martyris Valeriae monumenta.
0720310b  Tu nos adjuva, sanctissima virginum, in aeternum in coelis conlaudans Dominum, sancta, felix, digna, praepotens et inclita Valeria.
0720311   Audi preces cantantium votaque tuorum ama, quae dicunt: Alleluja.
0720400   De sancta Valeria.
0720401   Alle - boans - luja pangat candida hac in aula sistens turma.
0720402a  Chorda dans simul perliquida Valeriae virginis in laude sacra,
0720402b  Cujus annuatim inclita nobis gaudia rependunt festalia.
0720403a  Haec stirpe sat ingenua effigieque nitida, moribus placita viguit castissima pudicitia.
0720403b  Ac nimium flagitia vitans omnino pessima virtutum semina intra serebat suae mentis viscera.
0720404a  Spernens ipsa Christo nupta Stephani sponsalia ducis prorsus foedera,
0720404b  Sententia hujus dira plectier est capite jussa martyr effecta.
0720405a  O admiranda admodum facta, tulit casta sublimis erecta cephal sua gestando inter brachia,
0720405b  Dum Dei sponsa sanguine fusa perventura foret veneranda Martialis ante sacri vestigia.
0720406a  Acer occumbit demum lanista, dux tremebundus mente conscia diva flagitans lavacra, praesulis salvifica carpsit monita.
0720406b  Hic nam suprema captans praemia sensit, quid virgo posset pudica in celsa poli curia, quod prece caelebs sua exstitit pia.
0720407a  Tum vernulos Valeria en tuos alma, ex meritis atque gratia semper illustra, mystica qui praeconia nunc tua voce promunt consona nectendo pneuma.
0720407b  Te quoque nostra sincera supplicant vota, coelo suffragia rogites nobis aeterna, quo sancta resides intra agmina virginum in gloria praestans supera,
0720408   In qua laetemur per saecla.
0720408a  Moderaris cuncta, rex, qui regnas sub axe sita per saecla.
0720408b  Nostram symphoniam ad te fusam exaudi aure benigna.
0720409a  Genitrix praeclara cum casta caterva Maria,
0720409b  Christo prece tua nos junge in aethrali aula.
0720410a  Valeria, martyr alma,
0720410b  Nobis Deum supplex placa.
0720411   Amen, sic fiat, Amen.
0720500   De sancto Vicentio.
0720501   Praecelsa saeclis colitur dies omnibus fidelibus clara,
0720502a  Sub honore martyris Christi Vincentii rite dicata,
0720502b  In cujus hodie natali solvimus laudes debitas.
0720503a  Insignis olim fulsisti, levita, gemina sub Valerio gliscens dogmata.
0720503b  Flagrans amore divino calcasti lubrica mundi gaudia, fortis athleta.
0720504a  Tempsisti saeva poenarum genera, risisti sereno corde plurima,
0720504b  Vincla, verbera furias, faculas, catenas, unguglas ac craticulam.
0720505a  Carcer te taeter nil terruit aut ulla tortorum crudelitas nec torrida ferri machina.
0720505b  Flammas, testularum aspera fragmina subisti impavidus taeterrima trusus spelaea.
0720506a  Septus cuneis mox sidereis hymnizabas mystica laetus carmina.
0720506b  Sonant organa praemirifica modulatis vocibus concrepantia.
0720507a  Victis victor hostibus victorem cernebas cominus, angelorum caterva psallebat voce tinnula:
0720507b  Eja, miles invicte, postia caduca sarcina arce poli florida necteris noster collega.
0720508a  Post tot tormentorum supplicia feliciter peracta atque devicta penetrasti coeli sidera.
0720508b  Stola laureatus perspicua, agnum sequens fulgida inter lilia, agonista jam tripudias.
0720509a  Jamjam sancta anima funde pia precamina pro nostro foedo facinore prece sedula.
0720509b  Fove martyr immeritos famulos tuos noxas pellens et commoda praebens omnia.
0720510   Quo aeterna una tecum gloria jucundemur cantantes Alleluja.
0720600   De sancto Vicentio.
0720601a  Praecelsa intonent cantica laude debita Domino,
0720601b  Dies quia rutilat alma mundi per ampla spatia,
0720602a  Sancti certamina Vicentii fortia qua narrantur ac mystica ministeria
0720602b  Summaque merita morsque pretiosa et de hoste victoria coelo delata.
0720603a  Infantia illius, gratia repleta dominica, fuit inclita.
0720603b  Fide plena refulgebat intra patria documenta fortis athleta.
0720604a  Clarus in ecclesia factus levita gaudia mundi lubrica vitabat provida conscientia.
0720604b  Cura sibi tradita doctrina pia implebat fideli cura pontificalia et officia.
0720605a  Fundatus ita virtute superna currit ad certamina mox herilia.
0720605b  Unde numina contempsit iniqua ac judicialia sprevit edicta.
0720606a  Unde poena valida diversa feritate reperta per membra decurrit beata plurimaque supplicia.
0720606b  Applicantur verbera aspera maximaque flagella ac multa ignita tormenta, ferrea candens machina.
0720607a  Tanta poenarum saevitia fortiter superata virtute diva vinctus umbra clauditur arta.
0720607b  Illic agmina aetherea obsequia congrua suggerentia praesentia fovent hunc sua.
0720608a  Hinc psalmodica resonant organa ac melica procul alloquia sonant diffusa.
0720608b  Jamque posita corporis trabea coelestia martyr adit regna comptus corona.
0720609   Hujus pia nobis praesta patrocinia, quia tua regis omnia potentia.
0720700   De sancto Vicentio.
0720701   Post apostolicos globos fulgidos victoriosa documenta
0720702a  Martyrum exstat memoria sacris nexibus prodita.
0720702b  Quibus et patet paradisi janua lucidissima.
0720703a  Ex quibus unus, cujus et probitas celsior nomen evexit ad astra.
0720703b  Cum Daciano conflixit audacter fide probati Vincentius levita.
0720704a  Post labores carcerum, talorum pondera, catenarum injurias,
0720704b  Itineris pressuram, post vincla aspera postque famis penuriam
0720705a  Ingeminaverat tyrannus verbera, impavidus athleta derisit jussa Daciana.
0720705b  Praeses tot renovat poenarum genera, taedarum incendia, equulei cruciamenta.
0720706a  Fortis bellator subegit cuncta Daciani alacer prava commenta.
0720706b  Furor pestifer suos compellat, derscrutamini antra lucis ignara.
0720707a  Applicate testulas, quo suorum vulnerum inflictis saltim inter tormenta crucietur graviora.
0720707b  Daemonici milites taetro sanctum recludunt in antro, angelorum caterva conlucet fulgorea.
0720708a  Famulantibus angelis tanta praeconia dignus promulgari confortabatur levita.
0720708b  Tyrannica feralitas didicit emori, foveri quiete levitam dolo imperat.
0720709a  Completo triumpho almus martyr coelos pergit, ubi pro nobis poscat divinam clementiam.
0720709b  Laetare meritis, sacra prece nos tuere, ut accepta aeterna exspectata emolumenta
0720710   Salutemur sic vale dicente: Salvete, alumni mei, per saecla.
0720800   De Communi Martyrum.
0720801a  Festum martyrum diem celebrantes carmina dantes,
0720801b  In qua coelestis turma gratulatur canora laude.
0720802a  Hodie ad astra subiit fraternitas sancta
0720802b  Laurea corona coronata per saecula,
0720803a  Intra polorum amoena
0720803b  Soluta mortis habena.
0720804a  Alleluja laeta clamat, quam felix, qui Deum amat.
0720804b  Et quam bonum, quam jucundum, nos fratres esse in unum.
0720805a  Si despeximus terrena, sumus hic in pace plena.
0720805b  Deum solum venerantes, pro quo mortem tolerantes.
0720806a  Omne sprevimus mundanum
0720806b  Fragile decus ac vanum.
0720807a  Erubesce jam, lanista, quod olim pro Christi vita
0720807b  Cruciando minabaris, inde nunc tu cruciaris.
0720808a  Nobis honor, tibi dolor pro tanto supplicio.
0720808b  Noster luctus Jam fit fructus, quo jungimur Domino.
0720809a  Quando quidem hi resultant simul coram Domino,
0720809b  Ergo jure nos laetemur de illorum gaudio.
0720810a  Dantes laudes cum organo
0720810b  Deo patri ac filio
0720811a  Sanctoque paraclito,
0720811b  Sit tribus unus honor.
0720900   De Communi Martyrum.
0720901   Hic est sonus coelestis et
0720902a  Angelica laus, quae trinum docet et unum Dominum in sua magna esse gloria.
0720902b  Carmen perenne, quod canunt sancti et chori perstrepunt naviter in civem aetherea.
0720903a  Vox aeterna et insignis est carmina
0720903b  Cantum novum inter vates est gloria.
0720904a  Alleluja et nos canimus Deo, indigni quamvis, in hac sacra solemnia.
0720904b  Felicem redde tu veniam supplicantibus, Christe, cum sacra melodia.
0720905a  Junge nos cum ipsis, cum quibus et canimus,
0720905b  Ut labente culpa habeamus veniam
0720906   Et requiem sempiternam.
0721000   De Communi Martyrum.
0721001a  Mirabilis Deus in sanctis mirabilia dans magnifica,
0721001b  Qui fide praeclara vicerunt mundi gravissima pericula.
0721002a  Judicum minas, verbera et blanditias contemnentes mente devota vero transfuderunt regi animas.
0721002b  Ergo triumphant laurea comti capita, secuti recte vestigia, agni singularis, Christi sacrata.
0721003a  Cui melliflua assidue dant cantica ejus praedulcissima pleni gloria.
0721003b  Quorum celebrantes solemnia consortio jungi quo mereamur, Christus annuat,
0721004   Qui nostra est gloria.
0721100   De Communi Martyrum.
0721101   Vexilla martyrum sacra
0721102a  Melodemata clangant sonora justorum recolendo magnalia,
0721102b  Qua candidata procerum turma coelica transcendit penetralia.
0721103a  Hodie piorum arte dia festiva psallant poemata.
0721103b  Hodie astrorum concentus exsultent de tanta caltudia.
0721104a  Decus martyriale agonis palmae diadema, triumphalia stigmata clarent victricia.
0721104b  Quorum gesta fulgida praetitulata augusta intra palatia meritorum cluit famina.
0721105a  Athletarum concives florida trophea cruore sacrorum sua casta cubilia
0721105b  Pro aeterna numina prodita corpora fausta meruerunt provehi commercia.
0721106a  Debellata discrimina tyrannica deifica floruere serta regni culmina,
0721106b  Trina ternarum curia angelica ubi Christum adorant in arce principalia.
0721107a  Unde laudes indefessa senatoria militia
0721107b  Assistentia decantant hymnologia symbolica.
0721108a  Flos tuus, paradise, pulcher, unde manant nardi nectaris odoramina,
0721108b  Ubi martyrum societas splendidata trinam glorificat essentiam.
0721109a  O quam beata domata sanctorum, ubi sonant jubilamina,
0721109b  Ubi jam tua bonitas martyrum intercessu nos perducat,
0721110   Christe bone, per saecula.
0721200   De Communi Martyrum.
0721201   Phoebus nunc pollens hodie dies qua recolentes Christicolae
0721202a  Angelorum quoque caterva atque sanctorum omnium
0721202b  Solemnitatem hodiernam quae in aevum rutilantes.
0721203a  O quam beata es, virgo Maria, quae portasti hujus mundi Deum creatorem.
0721203b  Qui te fecit, genuisti et in domo Domini porta clausa permanens alma.
0721204a  Quae protoplastus per lignum perdidit vetitum, Mariae proles restituit.
0721204b  Ipse etenim sanguine proprio nos redemit, caro atque mellifluo.
0721205a  Latices veternas diluitque culpas, ut ovem erraticam elevaret ad aetherea.
0721205b  Perfundunt et terram dulcedine astra, jucundantur animae sanctorum coelo sublimatae.
0721206a  O quam lucida splendentia pergunt ad aetherea loca animae justorum.
0721206b  Fulgent ut Titam septempliciter trinitatem venerantes per saecula.
0721207a  Bellum factum est in coelis, Michael archangelus exstitit victor, praebens auxilium caterva pretiosa.
0721207b  Gaudent poli, astra, tellus, aequora ac milia milium angelorum dicentes: salus, honor altithrono.
0721208a  Patriarcharum, prophetarum, apostolorumque organa concrepantes denique laudes resonant.
0721208b  O quam pulchra fraternitas, quae nunquam potuit violari, in florigera castra ideo regnant.
0721209a  O quam pretiosi omnes estis, sancti Dei, ornati liliis, stillantes balsami guttulis.
0721209b  Inspiranteque paraclito spiritu exorare vos pro nobis non cessetis trinam majestatem,
0721210   Ut vobiscum mereamur gaudere fruentes claritatem in aeternum.
0721300   De Communi Martyrum.
0721301   Verba
0721302a  Cuncta regis celsi quem laudat potentia
0721302b  Christi, qui sanctos praeelegit ad gloriam.
0721303a  Et quia unus spiritus in eis aderat
0721303b  Et una fides et una praeclara caritas,
0721304a  Accensi amore secuti sunt Dei praecepta;
0721304b  Ideo et cum Christo regnant in coelorum alta.
0721305a  Coronas perpetuas in eorum capita,
0721305b  Rosae liliarum repleti fraglantia,
0721306   Colla ferent parentia cruore ac laeti possident palmam et cum Christo regnant.
0721400   De Communi Martyris.
0721401   Martyr Dei, regem coeli deplora, ut nostra deleat facinora.
0721402   Per tuam intercessionem veniam mereamur culparum nostrarum laeti per cuncta saecula saeculorum.
0721500   De Communi Confessoris.
0721501a  Succina cantibus, phalanx, organa Martiali jubila,
0721501b  Inclita concinens praesulis sacri divina charismata.
0721502a  Natu nobilis proles edita, fide nobilior maxima,
0721502b  Sancti spiritus mox templum factus ardebat ad spiritalia.
0721503a  Ut mitissima ovis ruminans divinas sententias,
0721503b  Succum fundebat intra nitida spiritalem pectora.
0721504a  Ardescit hic anima religionis vera fide plenissima succensa.
0721504b  Agni velut hostia hic laudis immolata Christo victima gratissima.
0721505a  Atque specie rutilans in facie angelica serebat dulcia famina.
0721505b  Plebs facta quibus credula amabat diva monita Deo sanctoque illustrata.
0721506   Hujus ut hic corpore nobis salubriter splendet praesentia, coelo sociata sic fiat gloria.
0721600   De Communi Confessoris.
0721601   Gloriosa dies adest praeclara atque laeta.
0721602a  Dies colenda hodierna maxima devotione pia;
0721602b  Nobis omnibus veneranda, annua solemnitate digna
0721603a  Beati Martini ob merita; ipse nam promeruit gaudia coelestia sociatus angelis in gloria.
0721603b  Aeterna cujus exsultat coelum societate, chorus sanctorum angelorum, confessorum atque apostolorum.
0721604a  Ubi Cherubim, Seraphim ardentes amore igneo, socia exultatione lucida,
0721604b  Ubi conlaudant milia milium, non cessant congrua devota voce atque dicentia:
0721605a  Sanctus, sanctus, sanctus Dominus Deus Sabaoth, omnipotens, qui erat et qui est et qui venturus est in sua majestate splendida.
0721605b  Cujus opera admirantur clara atque praemia coelestia fulgebunt pretiosa cum magna promissione semperque manentia.
0721606a  Tuam, Domine, precamur quoque magnificentiam, Te rogamus, pacem beatam ut concedas nobis praestesque aeterna praemia.
0721606b  Ubi Martinus pontifex summus atque magnificus Patriarchae Arbahae sinu excipitur laetus virtutum supernarum consors.
0721607a  O beate, egregie pastor bone,
0721607b  Dispensator fideliter talentorum,
0721608a  Intercede pro nobis ad Dominum,
0721608b  Ut possimus consequi consortium
0721609   Et aeterna gaudia.
0721700   De Communi Confessoris.
0721701   Adest festa gloriosi sacra
0721702a  Confessoris veneranda die hodierna,
0721702b  Qua deserens infima transvolavit ad alta.
0721703a  Coelestia obviat illi angelica splendens caterva.
0721703b  Canditata Deo plebs promens voce pulchra cum melodia.
0721704a  O trina majestas, perpetua doxa tibimet adsistat assidua.
0721704b  Qui prolem coaevum misisti in arva, saecla per quem facta sunt omnia.
0721705a  Ut suam facturam reformaret, tecum quam crearat,
0721705b  Ovem perditam secum ferens scanderet ad alta.
0721706a  Unde devota turba respuens ima, intuens celsa tendit assidue mente in aethra.
0721706b  Tripudiatque digna contubernia coelestis aulae sanctorum praecelsa favens gaudia.
0721707a  Inter quos pontifex conregnat, cujus colimus nunc solemnia.
0721707b  Quem mente decliva ut solvat pie petimus nostra crimina.
0721708a  Condonet delicta preceque sua atque merito capiamus alta coelestis aulae sacra moenia.
0721708b  O Christi athleta, voce praecelsa tibi carmina demus in hac festa, ut tecum feras super aethera.
0721709a  Quo gloria coelica perfruamur ac melliflua
0721709b  Inter sacra agmina trinitatem intuentia,
0721710   Quae nobis sit pax perpetua atque vita.
0721800   De Communi Confessoris.
0721801   Alma cohors, una laudum sonora nunc prome praeconia.
0721802a  Quibus en insignis rutilat Martialis ut luna solque sidera,
0721802b  Meritorum est mirifica radians idem sacra praerogativa.
0721803a  Hunc nam sophiae mystica Ornarunt mire dogmata, qua fulsit nitida luculenter per ampla orbis climata.
0721803b  Verbi nec non fructifera Sevit divini semina mentium per arva pellendo quoque cuncta noctis nubila.
0721804a  Hinc famina fundens diva utpote coelestia ferens in se numina,
0721804b  Sublimavit catholica vehementer culmina sancta per eloquia.
0721805a  Is nempe celsa compos gloria nunc exsultat inter laetabunda coelicolarum ovans contubernia.
0721805b  Sublimis exstat sede superna fruens vita semper inexhausta sat per saluberrima Christi pascua.
0721806a  O dignum cuncta laude praecelsa praesulem tanta nactum gaudia virtutum propter merita, quibus viguit ardens velut lampada.
0721806b  Nos voce clara hunc et jucunda dantes oremus preces et vota, quo nobis ferat commoda, impetret et aeterna poscens praemia.
0721807a  Quod petit praesens caterva, praesulum gemma, devota rependens munia mente sincera, favens da sibi precum instantia, scilicet ut polorum intret limina.
0721807b  Quonam intra palatia stantes suprema laeti gratulemur adepti polorum regna, qui tua, praesul, sistentes hac aula jubilamus ingenti cum laetitia
0721808   Recinentes dulcia nunc celsaque Alleluja.
0721900   De Communi unius Sancti.
0721901   O alma trinitas, Deus es et unitas,
0721902a  Qui resides supera et cernis infima,
0721902b  Claudis pugillo cuncta sub coeli factura.
0721903a  Angelorum quoque adstat tibi agmina clariflua sat beata.
0721903b  Cherubim atque Seraphim jam nunc intonant praeconia voce sonora.
0721904a  Clamentes atque dicentes: Sanctus, sanctus Deus, qui regnas per omnia tempora.
0721904b  Ardentes atque cernentes Christum Dominum laudantia per saecula agmina.
0721905a  Patriarchae cum pulchris coronis in circuitu sedis tuae sedent in albis.
0721905b  Apostolorum chorus prophetarum laudabilis exercitus te collaudant.
0721906a  Martyrum proclamat chorus: Alpha et Omega, rex regum bone, via, vita, virtus, trinitas sancta es benedicta.
0721906b  O Jesu, corona nostra, cujus clara rutilant dona, quis aeternae vitae consequimur magna praemia,
0721907a  Tecum in aethra Alleluja decantantes cum pneuma,
0721907b  Quo vota nostra, annuas, tendant affatim sincera.
0721908a  Sillabatim cum organa plebs nonnulla perstrepet melodia
0721908b  Et voce clara proclamant, quam beata sanctorum sunt agmina.
0721909a  Quorum non sol, luna sed Christus vera est lucerna.
0721909b  Cum quo fulgent alma ut inter lucifer nubila.
0721910a  Cum quibus et rutilans coronatus in axe athleta candidatus purpura praeclara,
0721910b  Sociatus cum agmina trinitatem sancta cernentia in gloria aeterna cum palma.
0721911a  O alme atque gloriose, impetra nobis indulgentiam,
0721911b  Ut cum Domino mereamur gaudere per omnia saecula.
0722000   De Communi Virginum.
0722001   En virginum agmina praecellit in gloria
0722002a  Et inter ceteros ordines fulsit lucidum
0722002b  Et ovans decurrit in aera Christo obviam
0722003a  Cum claro lumine; dignum est enim ut in sponsi adventum
0722003b  Fidelis turma praestoletur insomnis cum fulgentes lampadas.
0722004a  Ne respuat nuptialis digna habitacula Eas consortes, quas mundas a reatu invenerit requiescentes.
0722004b  Quid dignius quidve nobis sublimius adscriptum, Ut illi semper vigilemus et firmam teneamus parsimoniam
0722005a  Ut cum in nocte sonuerit media
0722005b  Clamor timendus, cum opere perfecto
0722006a  Intremus ad nuptias, ut nos ad nectaream cunctos dapem
0722006b  Refocillatos, Christo favente, cum electis simul semper
0722007   Adjungat laetitia.
0722100   In Dedicatione Ecclesiae.
0722101   Observanda
0722102a  Abunde solemnitas nobis omnibus aderit hodierna,
0722102b  Qua pontifex maximus hanc Martialis dicavit basilicam.
0722103a  Quam decenter majori convenit celebrari gloria,
0722103b  Quanto fuit sanctior, qui ipsam sacravit ecclesiam.
0722104a  In qua jacent tumulata membrorum hujus climata,
0722104b  Cujus sacro interventu poscimus scandere celsa.
0722105a  Nunc quoque libenter Suscipe, laus angelorum, laudum carmina laeta nunc nostra,
0722105b  Cum turba praeclara Prece voto supplici nostra quae mittit caterva plurima.
0722106a  In qua reboat quoque beati carmina Martialis familia,
0722106b  Fide ac pace rutilans, vestibus simul nunc pulcherrimis induta.
0722107a  Orans, ut omnipotens hujus sancti meritis miracula
0722107b  In hac sancta solita ostendat propria basilica.
0722108a  Sicut prisca sanavit corpus tempora,
0722108b  Orantium nunc sanet corda, corpora.
0722109a  Cum Musa Thalia Te conlaudans adorat, sancte rex, in hac aula Praesens turba,
0722109b  Tribuens omnia Et dona per saecula sancta tabernacula Praeparata.
0722110a  In qua possimus habitare cum Christo in coelesti quie beata,
0722110b  Et collocari post laborem, cum Christus judicabit orbem, in dextra,
0722111a  Ac audire cum electis ab ipso: capite regna nobis promissa.
0722111b  Praesta, Christe, rex benigne, obtentu sanctorum nobis cuncta prospera.
0722112   Et da cantare celsa voce Alleluja.
0722200   In Dedicatione Ecclesiae.
0722201   Ad templi hujus limina dedicata
0722202a  Gaudiorum laudes ovans plebs concrepet devota,
0722202b  Hodierna die quia adest festa annua.
0722203a  Supra cacumina montium fundata enim est domus ista
0722203b  Et exaltata est super omnes colles structura deifica.
0722204a  Ex auro mundo circumtexta gemmis atque rutilans muri per ampla.
0722204b  Ibi adorant sanctam trinitatem populus omnis individuam.
0722205a  Haec est enim illa coelestis aula et angelorum patria,
0722205b  Ecclesia, firma quae petra dicta et aeterna est regia.
0722206a  Ex vivisque petris visio pacis, urbs celsa Jerusalem, etenim struitur beatorum animis.
0722206b  Qua Deus quoque, rex summus super omnes unus, celsiore in throno praesidet illo, cui semper laus.
0722207a  Majestates et virtutes angelorum, et agmina sancta
0722207b  Indefessas voces laudes pertonantes coelitus gloriam.
0722208a  Venerandus, metuendus est namque locus, ubi adorandus et colendus est idem Deus, imperans coelum et terram.
0722208b  Beati sunt, qui habitant ergo in domo Domini, quia ab alto laudes regi magno gratulantes denique jubilant.
0722209a  Adonai, benedicte, sapientia, claritas,
0722209b  Fac nos gaudere in aevum in aula sancta tua
0722210   In saeculorum saecula.
0722300   In Dedicatione Ecclesiae.
0722301   Ad templi hujus limina dedicata
0722302a  Gaudiorum laudes ovans plebs devota concrepat,
0722302b  Hodierna die quia adest festa annua.
0722303a  Fundata enim est domus ista supra montium cacumina
0722303b  Et exaltata est super omnes colles structura deifica.
0722304a  Nam haec est magna Hierusalem, civitas scilicet illa superna,
0722304b  Ex auro mundo circumtexta gemmisque rutilat muri per ampla.
0722305a  Haec est illa coelestis aula, angelorum patria,
0722305b  Ecclesia firmaque petra aeternaque gloria.
0722306a  Dicta est quae pacis visio, urbs celsa Jerusalem.
0722306b  Ex vivisque petris struitur beatorum animis.
0722307a  Qua Deus quoque, summus rex super omnes unus, celsiore in throno praesidet illo.
0722307b  Sunt majestate coram virtutes atque perstant, gloriari oportet agmina sancta.
0722308a  Indefessas voces laude persultant coelitus,
0722308b  Gloria et regnum illi per saecla depromant.
0722309a  Venerandus est ergo locus, noscitur ubi praeesse numina talia.
0722309b  Adorandus est idem Deus, imperans coelum et terram cunctaque maria.
0722310a  Denique eum mortalis laudet ordo, et in excelsis decantent sancta agmina.
0722310b  Gaudia coeli poscant futura atque vitam felicem et munera plena.
0722311a  Nosque pium flagitemus Christum, semper esse nobiscum,
0722311b  Paradisi qui januam reseret ultimo spiritu
0722312   Ferentem vitam aeternam.
0722400   In Dedicatione Ecclesiae.
0722401   Laetetur
0722402a  Et concrepet devota fidelium plebs carmina in hac aula
0722402b  Praebeatque cantica gratiarum nunc praeclara mente pura
0722403a  Tibi, Christe, per saecla qui depellis gratanter noxia,
0722403b  Qui venisti pro nostra omniumque salute in arva.
0722404a  Ergo tibi decet salus et vita hucusque pia.
0722404b  Namque moderaris celsa et ima virtute pia.
0722405a  Quae mente pura Suscipe, laus angelorum, laudum carmina laeta, poscimus
0722405b  Nos in hac aula. Preces, vota suscipe, nostra quae mittit caterva, rex, una.
0722406a  Tu es etenim sanctorum omnium corona lux eorumque pia.
0722406b  Via, veritas et vita permanens tu sine fine passim per saecla.
0722407a  Tua Deus luce clara deposcimus omnes una voce celsa.
0722407b  Ideoque in hac aula persplendent clementer tua nempe jussa.
0722408a  Corda nostra jam tu potenter illustra.
0722408b  Sacro dira numine terge delicta.
0722409a  Voce quo celsa Te conlaudans adorat, sancte rex, in hac aula Haec vox nostra
0722409b  Supplex expostulat Et dona per saecula sancta tabernacula Et aeterna.
0722410a  Poscimus tuam et immensam, rex pie, clementiam omnes, hanc aulam
0722410b  Quo conservare tu digneris semper eam potenter immaculatam.
0722411a  In qua et laudes promat maximas tibi, Domine, fidelium turma
0722411b  Celsaque voce psallat cantica convexo corde inquiens dulcia:
0722412   Sit regi nostro perennis semper gloria.
0722500   In Dedicatione Basilicao.
0722501   Exsultet elegantis omnis mundi fabrica,
0722502a  Quaeque proles terrigena nostra Domino canat melodia,
0722502b  Dignato fundare suam suis in vernis gloriosam aulam.
0722503a  Nos scilicet habitandi causa nosque sua ipso favente gratia.
0722503b  Hanc tui tabernaculi fixam praecinebat Moysis mobilis umbra.
0722504a  Haec tui vetustissima Salomon corrusci est templi figura.
0722504b  Illud Israeliticam, hoc praetulit gentilitatis et notam.
0722505a  Huic vivo lapidi ferto: Gloria, victoria, Laus, qui univit talia.
0722505b  Plebs Hebraea, regi cantita: Salus et in saecula Nobiscum fide compacta
0722506a  Duo penes Judaeam divina habitacula unum effecta
0722506b  Binam necti pandebant catervam unius fidei ecclesiam.
0722507a  Tabernaculi schema praecessit templi formam, synagoga ecclesiam pari via.
0722507b  Tentorii figura latuit fani notam, synagoga ecclesiam pari via.
0722508a  Moyses quoque oracula praecessere Salomonis regna,
0722508b  Lex vero aeque pacifici salubria Salomonis famina.
0722509a  Illi decus ac simul gloria, Christo sit per omnia, Cui cessit Moysis legis litera.
0722509b  Grates ei dicamus immensas, Qui dedicata delubra Delegit sibi nostra fieri corda.
0722510a  In Jerusalem domus sita nostram in visione pacis pandit aulam.
0722510b  Natus David Judaeis illam, hanc nobis proles Dei struxit pulcherrimam.
0722511a  Quam nobis Deus aulam Conservet per tempora Finis ignara.
0722511b  Fausta super agmina Rex erit per saecula Illic amoena.
0722512a  Omni quippe honoris doxa concelebremus annua
0722512b  Dicationis basilicae hilariter solemnia.
0722513a  Hic nostro pangamus Domino dulcisona
0722513b  Ore, mente euphonia harmoniam.
0722514a  Summus honor, perpes sit laus ei, nobis ut annuat
0722514b  Perennia ecclesiae coelestis gaudimonia,
0722515   Sic fruamur sua gratia.
0722600   In Dedicatione Ecclesiae.
0722601   Castrorum proles dedicativa
0722602a  Jam epithalamia reciprocata recolat solemnia.
0722602b  Dulcorata recinat orthodoxorum soboles euphonia.
0722603a  Ecce micat dies, in qua sacro signaculo delibuta
0722603b  Haec domus regio pacta vexillo chrismatis est adscripta.
0722604a  Cujus typum portendebant plaustrum arcae, cataclismi tecta.
0722604b  Hanc et allegorizabant illa quondam Mosea schemata
0722605a  Sina ostensa. Secretorum libamenta in hac, o Christe, aula litanda
0722605b  Laude consona, Summa in qua te majestas cernua plebs adorat, supplicat.
0722606a  Qua citharizat angelorum fidicula laudes hymnizantia.
0722606b  Quem dogmatizant patrum sophismata, vatum consonant argumenta.
0722607a  A patriarchis typicata, ab antiquis est praesagata poli valva.
0722607b  Ordinum sacrorum globata, insontum coetibus gyrata mater pulchra.
0722608a  Ipsa est nempe, quae cum pacto inviolabili copula
0722608b  Compellentia sponsum juxta castra virginea avida
0722609a  Christo foederata Exorcizans quaerula, quo ivit sponsus, narrat Caelebs turba.
0722609b  Vox illico boans: Surge propaciscata, altam carpens semitam inter astra.
0722610a  O speculatrix, urbs regalis, tristia in te nulla nec delubilia.
0722610b  Conditor tuus Christus atque architector, nec manent apud te morbida.
0722611a  Intra cujus abdita redemptor deleta erratica nostra funerea
0722611b  Collige et colloca, quo ivit; perpetim mansuri ibi dicamus una
0722612   Laudes in axe supera, qui manes in saecula.
0722700   In Dedicatione Ecclesiae.
0722701   Ad te, sancte supernum lumen,
0722702a  Sacra nunc vota ferimus danda,
0722702b  Quae purgent nostra crimina cuncta.
0722703a  Colimus nam tua templi sacrata festalia sub honore clara,
0722703b  Terrea supera quo nos faciant discrimina superata propulsa.
0722704a  Virtutes sacras nobis proficuas reddant sancta
0722704b  Sanctorum pia nunc servis precata, adsint, clamant,
0722705a  Justitia, temperantia et fortitudo et prudentia.
0722705b  Nobilitas quas nunc creat in poli aula semper exsultans.
0722706a  Delicias praecipuas justis ministrans gubernando terrena,
0722706b  Vivificans et radians mentis vulnera repellendo tenebras.
0722707a  Quas nunc exstirpa per climata orbis omnia, Christe, potentia,
0722707b  Solvens vitia corporea, spiritalia reddens coelestia,
0722708a  Templi Dei dans gloriam speciosam,
0722708b  Sese reddat quo moribus speciosam.
0722709a  Caritas maneat Domini, pariter proximi, veneranda
0722709b  Castitas fulgeat mansura per saecla corpora, corda salvans.
0722710a  Haec cunctas virtus super et custodiendo beatas requie donat animas.
0722710b  Praecepta Jesu pia custodiendo transferre decertat in poli astra.
0722711a  Quam suis tribuat Domini pietas immensa,
0722711b  Servetur tempora quo nobis inclita per saecla.
0722712a  Obtineant Martialis precata haec sacra
0722712b  Et deferant coelitus impetrata hac aula.
0722713a  Haec atque Stephanus oret, venerandus athleta,
0722713b  Qui sanctimonia tenet coelestia trophea.
0722714   Pandat famulis optata a Christo promissa coelestia praeconia.
0722800   In Dedicatione Ecclesiae.
0722801   Adest festa domus dedicata,
0722802a  Annuata solemnitas orbe decorata,
0722802b  Qua populus Deo obtulit munera sacra.
0722803a  Immaculata offeruntur etenim sancta atque justa libamina,
0722803b  Exemplis archisynagogi periti celebrarent et scaenepaegia.
0722804a  Structura ex lapidibus pretiosis angelorum quoque custodia:
0722804b  Smaragdus et chrysoprassus, adamantus atque carbunculus et saphyrus.
0722805a  Haec est illa aeterna Dei habitacula splendida,
0722805b  Gemmata, clariflua ex vivisque saxibus et exstructa.
0722806a  Visio pacis Hierusalem, habensque claritatem Dei, pretioso similis lapidi
0722806b  Tamquam Jaspidis, sicut chrystallum optimum murum magnum atque altum habens introitum ejus.
0722807a  Tres januae anatole, austro idemque similis,
0722807b  Aquilone et occasu similis ingressus ejus.
0722808a  Et mensus est ejus muros aequaliter, centum quadraginta quatuor cubitorum omnium mensura magna, quae est angeli.
0722808b  Ipsa vero auro mundo civitas ornata, est simile vitro puro, muri, civitatis fundamenta ex his lapidis.
0722809a  Civitas non eget sole neque luna, ut splendeat;
0722809b  Plateae ipsius urbis tamquam vitrum perlucidum,
0722810   Lucerna ejus est agnus irradians.
0722900   Prosa Dominicalis.
0722901   Adest nempe
0722902a  Valens usia dynamis clara,
0722902b  Sitientes sunt enargeia.
0722903a  Haec tria semper sunt instantia in sophia,
0722903b  Quae gyrum Olympi per saecula sola lustrans,
0722904a  Tonare qua sors summa est de trinitate praecelsa.
0722904b  Licet pressa factura sit piaculorum sarcina,
0722905a  Boantia carmina reddat trutinata
0722905b  Plasmatori suo, qui exstat ante tota.
0722906a  Penetrans omnia Deus cuncta potens fabricata
0722906b  In verbo condidit, in principio Deus qui erat.
0722907a  Spiritu sancto flatum dans potentia et majestate commanens per tempora, Pater et filius et sanctus spiritus, Deus, Deus, Deus, tamen diva una deitas.
0722907b  Dei genitrix, fave immaculata, quae ab angelo suscepisti nuntia, virgo sola mater et felicissima. Gaude, sancta, te, innupta, laudat omnis natura.
0722908a  Exoramus, regum regina,
0722908b  Pro nobis ut intercedas,
0722909a  Angeli hanc aulam Michael, Gabriel ceteri ut muniant.
0722909b  Cuncta Dei laus pia, trinus et unus praefulgens qui semper regnat.
0722910a  O pastor egregie, cui est ligandi a Deo meritis data potestas,
0722910b  Pietate nostra ductus tua suffragatione ac fratrum solvas delicta.
0722911a  Sociato Stephano, qui piam post dominicam incarnationem, ac concione martyrum sacra,
0722911b  Qui post illam et ante scandere fuso cruore roseo alma sine fine coelorum gaudia;
0722912a  Ac confessorum colobis qui scripturas
0722912b  Vario reddidere lumine lustratas.
0722913a  Virginum chorus immarcessibilis lilii stemmatis vernant praemia.
0722913b  Non omittimus virginem, suo quae hanc aulam ditavit corpore sanctam.
0722914a  Valeria pia, ablutos a noxia
0722914b  Dominum implora ut ad sedem ducat
0722915   Paradisi nos florigeram.
07229a08a Unde potens tua gratia
07229a08b Removeri se a noxia.
0723000   Prosa Dominicalis.
0723001   Clangam, filii, ploratione una
0723002a  Alitis cygni, qui transfretavit aequora.
0723002b  O quam amare lamentabatur, arida,
0723003a  Se dereliquisse florigera et petisse alta maria;
0723003b  Ajens: Infelix sum avicula, heu mihi, quid agam misera.
0723004a  Pennis soluta inniti lucida non potero hic in stilla.
0723004b  Undis quatior, procellis hinc inde nunc allidor exsulata.
0723005a  Angor inter arta gurgitum cacumina. Gemens alatizo intuens mortifera, non conscendens supera.
0723005b  Cernens copiosa piscium legumina Non queo in denso gurgitum assumere alimenta optima.
0723006a  Ortus, occasus plagae poli, administrate lucida sidera.
0723006b  Sufflagitate Oriona, effugitantes nubes occiduas.
0723007a  Dum haec cogitarem tacita, venit rutila adminicula aurora.
0723007b  Oppitulata afflamine coepit virium recuperare fortia.
0723008a  Ovatizans jam agebatur inter alta et consueta nubium sidera.
0723008b  Hilarata ac jucundata nimis facta penetrabatur marium flumina.
0723009a  Dulcimode cantitans volitavit ad amoena arida:
0723009b  Concurrite omnia alitum et conclamate agmina:
0723010   Regi magno sit gloria.
0723100   Prosa Dominicalis.
0723101   Stans a longe,
0723102a  Qui plurima perpetrarat facinora,
0723102b  Atque sua revolvens secum crimina
0723103a  Nolebat alti adspicere coeli sidera,
0723103b  Percutiebat sed lacrimans sua pectora.
0723104a  Nam et haec precata profundens Domino ita,
0723104b  Dicens: dele mea, Deus, cuncta facinora.
0723105a  Divina prece roboratus clementia
0723105b  In sua reversus est jam cum justitia.
0723106a  Nos cujus sacra sectantes exempla et humillima:
0723106b  Tu Deus nostra, dicamus, relaxa cuncta crimina.
0723107   Et nos clemens justifica.
07231a03a Nolebat alta contemplare coeli sidera
07231a03b Sed pectus tundens depromebat ore lacrimans:
07231a04a Deus, propitius mihi peccatori esto
07231a04b Et mea omnia pius dele facinora.
07231a05a Hac voce benignam promeruit clementiam
07231a05b Nec non et justificatus venit domum suam.
07231a06a Cujus nos sacra sectantes exempla dicamus Deo:
07231a06b Deus benigne, nostri miserere laxans debita
07231a07  Mitis et nos justifica.
0723200   Prosa Dominicalis.
0723201   Oremus omnes ad Dominum Jesum,
0723202a  Qui polum terramque sidera regit clara,
0723202b  Qui primum condidit hominem et maria,
0723203a  Atque mundi decus edidit et cuncta reptilia;
0723203b  Ut cunctos subducat errores nefandos per omnia,
0723204a  Pacem suam semper in temporibus nostris conferat,
0723204b  Morbos mundet omnes, piacula et sordes subtrahat.
0723205a  Fides sitque nobis animum purgans, sectis denique nostris obviam vera spes animo et corde perfecto maneat.
0723205b  Caritasque sancta firma praecordia cunctis bonis roboret, animas adornet corona in superna sede gloria.
0723206a  Decus, virtus lausque beata, sanctorum claritas sancta, protege nos tua dextera.
0723206b  Clementiam poscimus piam a te, qui es lux aeterna, ut deleas nostra scelera.
0723207a  Humillimas audi preces nostras, desit ira virgaque dira, cupido, lites, luxus et nefas, omnia recedant a nostrorum habitacula.
0723207b  Adoranda trinitas beata, laudamus te in cantica nostra, digneris audire voces nostras, libera et salva a cuncta pericula nostra.
0723208a  Alma virgo Maria, mater Jesu benedicta,
0723208b  Exorare non cesses, rogamus, pro plebe ista,
0723209   Ut gaudere in aula mereamur alma.
0723300   Prosa Dominicalis.
0723301   Rogemus omnes Dominum Deum Jesum Christum,
0723302a  Qui polumque terramque et clara regit sidera,
0723302b  Qui hominem condidit et mundi decus edidit.
0723303a  Ut cunctos subducat errores nefandos et pacem suam perpetim temporibus conferat istis in caducis.
0723303b  Mundet piacula et sordes subtrahat et morbos omnes eminus ovilibus a nostris conditor repellat.
0723304a  Sit nobis fides animam purgans, sectis obvia, spesque fidesque animo maneat corde sedulo.
0723304b  Caritas firma praecordia roboret et bonis cunctis animam adornet, oportet, et sanctissime.
0723305a  Non nos paupertas cruciet aut languor,
0723305b  Sit salus mentis corporisque quies.
0723306a  Fastus cesset, jurgia et lites et luxus omnis.
0723306b  Desit ira et dira cupido et nefas omne.
0723307a  Da, Deus, veniam hominibus, rogantibus nos
0723307b  Per sancta cernue coelica petentibus regna,
0723308   O sancte paraclite, per intercessionem electorum omnium.
0723400   Prosa Dominicalis.
0723401   In cithara Davidis citharoedis
0723402   Pulchra, rhythmica,
0723403   Dulcia syllabatim modulemur
0723404   Personora replicata neumata; cui cuncta elementa
0723405   Benedicunt et solvunt psalmodiam debitam satis pulchram.
0723406   Heleos patris, quod discretam sumis a cunctis formam
0723407   Gestante Jesu Christo stigmata; theos, hosanna
0723408   Dicamus te laudantes in aeternum per saecula.
0723500   Prosa Dominicalis.
0723501   O miranda, stupenda Christi opera, qui humana subiit fragilia nostri causa.
0723502   Pertulit opprobria innumera, nobis ferret ut exempla.
0723503   Maxima poenitentia nobis confer adipisci coelestia.
0723504   Qui omnia nostra vides occulta, in laetitia cantica
0723505   Tibi solvimus laeta, qui omnia per saecula, quae sunt, gubernas in coelo atque in terra.
0723600   Prosa Dominicalis.
0723601   Sancte rex, cujus forti dextera
0723602a  Omnis terra moderatur in justitia directa,
0723602b  Deduc nos in aulam sanctam Olympeam, ubi cantant
0723603a  Voce mellea multa agmina ac hymnumque vestibus albis candidata, torques aureas
0723603b  Gestantes per divinum donum et potiuntur gloria infinita per omnia saecula.
0723700   Prosa Dominicalis.
0723701   Rex aeterne,
0723702a  Dominator, conserva famulos tuos,
0723702b  Redemisti sanguine quos pretioso.
0723703a  Non est alius Deus in coelo et in terra
0723703b  Nisi tu solus cum patre et spiritu sancto.
0723704a  Te solum laudamus, et adoramus, Qui sine fine atque initio regnas.
0723704b  Gratias agimus, clementissime. In trinitate et unitate gloriosus,
0723705a  Qui es rex regum, dominator et omnium gentium,
0723705b  Admirabilis, benedicte, Deus clementissime,
0723706   Auxiliare nos semper.
0723800   Prosa Dominicalis.
0723801   Per saecula
0723802a  Tibi permaneat laus, victoria, Deus, praeclara,
0723802b  Qui pius et clemens delesti cuncta crimina nostra.
0723803a  Qui venisti de sede paterna nostra in arva,
0723803b  Ante saecla cum eo conregnans summa gloria.
0723804a  Te, Christe, voce celsa conlaudant
0723804b  Ac tuam potentiam praedicant
0723805a  Agmina ante te nunc canentia.
0723805b  Trinitas o sancta, una deitas,
0723806   Concinimus omnes tibi gloriam.
0723900   Prosa Dominicalis.
0723901   Orbis redemptor
0723902a  Et conditor jamjam prope est,
0723902b  Conclusio et mundi finis.
0723903a  Finxit qui nos,
0723903b  Venit ad nos.
0723904a  Liquescent colles,
0723904b  Montes ruentes.
0723905a  Lux tremet in ortu suo, tenebrescet et Titan, turmis omnes rapiemur undique.
0723905b  Ante illum adstabimus, nunc qui regnat cum Deo patre simul et cum spiritu sancto.
0724000   Prosa Dominicalis.
0724001   Omnipotens Deus, fortis per innumera saecula,
0724002a  Qui solum te priscis mandasti colere firmiter in arida.
0724002b  Ego sum Dominus, dixisti, et non est alius in aethera.
0724003a  Hoc nomen tibi est totum canit finis et primordia.
0724003b  Te vatum, Eloi, omnis canit semper vaticinia.
0724004a  Audi Israel, tu Deus in Horeb narrasti, una est majestas mea.
0724004b  Non te immundo ostendis nisi per subjectam formam, quam ipse feceras.
0724005a  Nunc ergo trinum et unum non cessat credere Deum ecclesia sancta, in personis trinum et unum in natura,
0724005b  Patrem et prolem et spiritum sanctum, patrem innatum filium genitum, et spiritum procedens in duas personas
0724006a  At ipse Dominus, verbum, virtus, sapientia, Christus Jesus, et totum patris commune de lumine lumen, nec minor est quidquam.
0724006b  De solo solus, in patre manens, in ipso genitor permanens nec habet, ubi concrescat, et rerum unus est Deus patrans cuncta.
0724007a  Sola suscepit de virgine Maria filii persona nostrae parvitatis formam,
0724007b  Ut redimeret plasma suum, quod fecit, unicum direxit suum filium in terram.
0724008a  Perfectus est Deus, perfectus homo, non duo tamen sed unus est Messias.
0724008b  Minor est de patre in id, quod ipse pro nobis suscepit, humanam naturam;
0724009   Aequalis est patri secundum deitatis gloriam.
0724100   Prosa Dominicalis.
0724101   O lux aeterna, sublima,
0724102a  Claritas sancta, cujus splendor gratia irradiat,
0724102b  Fulgens praecelsa, fugans actus, tenebrae horrentia.
0724103a  Terrarum antra cui non latent abscondita, sed patebunt intima per cunctis ima et occulta.
0724103b  Qui regat nempe aethera supernorum namque civium angelorum, celsa et ima: Titan, luna,
0724104a  Stellarum micantia, Montes et colles nec non et aequora,
0724104b  Arva ac mare, pisces cunctos, fontes, Rivos sive flumina.
0724105a  Ipsi flectuntur omnigena et collaudat omnis lingua et adorat.
0724105b  Nobis dignetur dare tantum, quod precamur, mira sua juvantia.
0724106a  Large et dimittat cumulata nostra plurima facinora.
0724106b  Catenarum nexus nodorum dissolvat pius victor vincula.
0724107a  Qui est judex justus, recte judicans,
0724107b  Ipsi semper laus sit et potentia
0724108   Cuncta per saecula.
0724200   Prosa Dominicalis.
0724201   Nostra tuba
0724202a  Nunc tua clementia, Christe, regatur jamjamque pia
0724202b  Exaudi precamina te laudantia mente devota.
0724203a  Ita nam laus est tibi grata, vox si quod nostra sonat, conscientia canat.
0724203b  Quod ut omnibus proveniat indefesse divina precentur auxilia.
0724204a  Nam quicunque digne meretur ea,
0724204b  Cuncta ei semper sunt salubria.
0724205a  Quibus sine humana cogitata non utilia.
0724205b  Relinquentes igitur itinera nimium lata,
0724206a  Angustam viam gradiamur, quae patriam nos ducat ad almam.
0724206b  Haec enim sacra vestigia redemptori pio perplacita.
0724207a  Qui et nostra tempora pie disponat semper nosque protegat
0724207b  Patriamque miserans ducat amissam, quo sine fine regnat.
0724208   Canticaque ei nostra placeant per cuncta saecula.
0724300   Prosa Dominicalis.
0724301   Mente pura
0724302a  Te oramus, potestas diva,
0724302b  Ut precibus nostris faveas.
0724303a  Per immensam clementiam
0724303b  Confregisti nam tu vasa
0724304a  Hostis malignissimi fortia,
0724304b  Cum pro nobis suscepisti poenam
0724305a  Vivificae crucis a plebe Judaea, exortus es ex qua.
0724305b  Ergo nosmet tua custodia firma, quia fragilia
0724306a  In nobis perstant omnia, et mitte opitulamina ab arce superna
0724306b  Nobis famulis, qui tua laudamus trophaea praeclara canendo sonora.
0724307a  Praesta quoque superna angelorum clara gaudia,
0724307b  Ut in aevum cantica tibi decantemus jubilando
0724308   Alleluja.
0724400   Prosa Dominicalis.
0724401a  Laudent regem angelorum
0724402a  Agmina sacra, Deum regnantem in arce poli per saecla.
0724402b  Nec non omnis creatura ab ipso creata ipsi applaudat.
0724403a  Polus atque sidera, aetherea lucida,
0724403b  Quae lucent in gloria, ipsi famulantia
0724404a  Cum hominibus, qui terram habitant per deitatis gratiam,
0724404b  Quos eripuit bonitas filii almi patris admiranda
0724405a  Ab antiqua inimici subdola fallacia.
0724405b  Nam ut pius salvaret nos, reliquit poli alta
0724406a  Et assumpsit pro nobis carnem veram,
0724406b  Non amittens tamen, quod Deus erat.
0724407a  Cujus magnam exoramus clementiam, ut piacula nostra tollat
0724407b  Et tribuat angelorum consortia oratione assidua
0724408   Sanctorum suorum, cui perpes sit laus.
0724500   Prosa Dominicalis.
0724501   Laudent ecce per orbem cuncta
0724502a  Mundi laeta condita creatorem, canora plectro sonent nunc organa.
0724502b  Namque decet, jucunda jam depromat nunc lingua celsa cantans cum fistula.
0724503a  Aurea phalanx festiva jam pulchra sonet symphonia.
0724503b  Astrea redempta turba melica boet harmonia.
0724504a  En omnis arva suscepit ovans anima Festa nunc celsa, nivea in qua plaudit caterva.
0724504b  Saeva dehiscat umbra, lux clara emicat, Nam laetabunda scandit proles celsa poemata.
0724505a  Tace jam stridula blaterando per lingua jam turba stupens fulgida.
0724505b  Per arva jam sceptra dominantis in saecla qui dira vastat tartara.
0724506a  Radiat lux nova, stupet gens Stygea plasma redemptum venit ad supera, post busti moenia Christus vexilla gestat victricia.
0724506b  Reserata claustra nuntiant gaudia multis in aula templi dominica, per ampla mox loca petunt gaudentes paradisiaca.
0724507a  Surgit Christus, jam ab ima sepulchri claustra nox clara famina pertonat vox angelica alumnos alloquens voce talia: mors est absorpta dira ac Christi trophaea.
0724507b  Vivit agnus post funera, crucifixus qui fuerat, cernite vacua tumuli loca, vivida en membra gestat in arva, conspicua stigmata refert ad supera.
0724508a  Cohors pia pergit jam in Gallilaea, anastasti divina attrectans membra fit mox laeta ipsa.
0724508b  Ast peracta divina munia boat collegia pneumata confirmans corda dogmata coelica.
0724509a  Cuncta cedant lubrica, virtus quia jam decus ad dindima mundi climata abolitum est at laeta pascha.
0724509b  Plaudat odas nunc turma, voce celsa melodema tinnula sonet, choraula perite ac praecinat cantica.
0724510a  Jucundemur in hac euprepia,
0724510b  Psallentes alleluja, ut una
0724511   Post vitae metam fruamur patria aeterna.
0724600   Prosa Dominicalis.
0724601a  Laudemus Christum in excelsis regem mente sancta,
0724602a  Voce quoque, sicut valemus, omnes canora.
0724602b  Qui pro nobis est dignatus venire in terram
0724603a  Caducaque membra immortalis Deus sumere nostra
0724603b  De mundi domina et intemerata virginis aula.
0724604a  Qui tamen coelestia angelorum regebat agmina
0724604b  Cum patre Deo una in divinitate gloriosa.
0724605a  Idemque pependit in cruce salutifera, humanum genus ut redimeret morte sua ad paradisi laetitiam.
0724605b  Huic cuncta cecidit perpetrata Adam culpa omnipotentis contemnens jussa pacifica, quae darent vitam custodita.
0724606a  Sed dum secundus Adam dominator factusque vita per omnia.
0724606b  Deo genitori factor parens die resurrexisset tertia,
0724607a  Simul cum illo mereamur regna scandere beata, quo sine termino perfruuntur turma sancta
0724607b  Illuc ut mereamur pervenire illorum devoto corde ac supplici. imploramus auxilia.
0724608a  Et tu, Deus, lux sanctorum omnium clara,
0724608b  Audi preces famulorum mente serena.
0724609a  Atque tribue larga misericordia
0724609b  Vitam beatam in aeterna laetitia.
0724610   Et regem regum una cum patre in aeterna videre saecula.
0724700   Prosa Dominicalis.
0724701a  Laeti canamus Domino carmina recta fide, credulitate vera,
0724701b  Qualiter manet unicus filius sede patris conlocatus in alta,
0724702a  Sanctus quoque spiritus, praesidet qui aetheris in aula.
0724702b  Haec nos totis viribus ac mente simul canamus una,
0724703a  Si sic pariter sibi canendo modulantur cuncta.
0724703b  Par est deitas, una majestas, aequalis copula;
0724704a  Voluntas una manet fulgida aeterna per saecula.
0724704b  Personalis natura est simpla ac illorum gloria
0724705a  Ut cum sint ubique nobismet tribuunt unidque gloriam.
0724705b  Hoc coeli quoque nos admonet alta protendere culmina.
0724706a  Prophetarum praedicta quotidie non cessant aperire nobis,
0724706b  Quae ducit ad aeterna per priscorum patrum memorabilia.
0724707a  Mira quidem gerentes hinc inde opera ad sanctorum stigmata pulchra quidam homines opera,
0724707b  Atque agunt exterius pater solus in alta, natus pariter, una sanctus spiritus haec signa.
0724708a  Cui voces et corda, laus intima una sit devota praemodica.
0724708b  Ipsi decus ac potestas sola sit in aethera per cuncta saecula.
0724800   Prosa Dominicalis.
0724801   Jam deprome, universus mundus, dulcifluum Alleluja
0724802a  Et concine placida odarum cantica
0724802b  Regi regum cunctipotenti per saecula,
0724803a  Jesu Christo, quem adorant cuncta coelestia,
0724803b  Cui semper maneat cum proprio genitore
0724804   Et paraclito perpetua salus atque laus.
0724900   Prosa Dominicalis.
0724901a  Gaudeat tellus exsultetque mundus,
0724901b  Gaudeat polus, gratuletur pontus,
0724902a  Gaudeat sexus uterque maris femineus simul pariter,
0724902b  Triumphatori laudem jubilet exselsaque voce concinat.
0724903a  Ecce vir fortis fortem namque devicit,
0724903b  Moritur ipse, mortis regna diripit.
0724904a  Ejulant fures mirantes talia,
0724904b  Anxiantes de Dei potentia.
0724905a  Mutuo inquirentes: quis est iste tam fortis, tam potenter cuncta peragens?
0724905b  Nostra ingressus est, portas aereas confregit, cuncta nostra debellavit vasa.
0724906a  Aeternus iste potens est mirificus.
0724906b  Ut quid se nobis latitabat tam potens?
0724907a  Migrante eo terra tremuit
0724907b  Et velum templi medium scissum est.
0724908a  Coelos invasit horror, luna sanguineo colore fuscata est.
0724908b  Phoebum privavit radiis, exclamans fore non sibi suas vires.
0724909a  Angelicus coetus resonabat jugiter in aera:
0724909b  Quis est iste, qui venit ex Edom tinctis vestibus in Bosra,
0724910a  Iste speciosus in stola sua gradiens?
0724910b  Quare rubra secum vestimenta ferens?
0724911a  Suam secum reportat imaginem priscis tunc perdita protoplasti facinora.
0724911b  Patefecit paradisi januas collocans animas in sempiternam gloriam.
0724912a  Pollicitus, quod die tertia surgeret,
0724912b  En adimplevit, sicut dixerat, hodie.
0724913a  Angelus ad lapidem accedens, quem revolit et sedit super eum.
0724913b  Timor irruit super custodes, facti sunt jam velut nortui
0724914a  Mulieribus affatur angelus: nolite expavescere, Jesum quaeritis, surrexit.
0724914b  Et nunc euntes dicite pedissequis, cito properent Gallilaeam, ibi videbunt me.
0724915a  Illae regressae tristes praecepta nuntiant,
0724915b  Timentes, ne visuri jam eum essunt.
0724916a  Haec jam acta praecepit Jesus: euntes docete omnes gentes, baptizantes eos in nomine patris filiique spiritus sancti.
0724916b  Post assumptus, unde venerat, angelos destinat, ut praebeant solamina suis clientulis, alma quo valeant dari dogmata.
0724917   Ipsum adoremus et ei decantemus Alleluja.
0725000   Prosa Dominicalis.
0725001   Fortis atque amara
0725002a  Erit tunc dies illa, in qua perient cuncta,
0725002b  Quae videntur, corpora tellus et omnia natantia
0725003a  Columna coeli ad nutum illius tremescet alta.
0725003b  O dies illa, in qua manifesta sic erunt cuncta.
0725004a  Et quid faciet virgula, quid tabella, si ita pavescet poli columnella?
0725004b  Et quid sentiet humana, quid terena, si ita tremescet polorum caterva?
0725005a  O rex sempiterne, qui largiris nobis omnia moderna,
0725005b  Ne nos sinas ire in inferni taetra zabulorum loca
0725006   Sed duc ad angelorum regna.
0725100   Prosa Dominicalis.
0725101   Exsultet nostra cum angelis turba,
0725102a  Consonet devote Domino laudes,
0725102b  Cujus nullus finis, numerus nullus.
0725103a  Qui justo pioque moderamine et pro peccatis poenam irrogans
0725103b  Justisque pro bonis aeterni regni gaudia donat lucis splendida.
0725104a  Nunc te, redemptor, petimus omnes ut nos conserves,
0725104b  Qui delinquentes corrigis juste, ut convertantur.
0725105a  Tu enim es salus, vita, lux perpetua et mundi decus.
0725105b  Te adorant sancti angeli perenniter ac justi omnes.
0725106a  Praesta nobis auxilium, rector potens, rex, architectus polorum,
0725106b  Quo adjuti mereamur coelibem vitam angelorum capere.
0725107a  Non quo criminum nostrorum poenam recipiamus, alme pater,
0725107b  Sed pro tuorum donorum vitam aeternam, dona praemiorum.
0725108a  Nunc conjungi nostras
0725108b  Voces angelorum
0725109a  Laudibus digneris, ut tibi placeant Domino in aeternum.
0725109b  Jubilemus ei. socii, plaudentes vocibus Alleluja.
0725110a  Reboet hymnum haec plebs toto nisu ac totis praecordiis Christo regi,
0725110b  Qui est ex patre lumen indeficiens, sempiternus dies ante saecla.
0725111a  Qui arvam condidit ac pontum, coelum, astra gubernat.
0725111b  Qui de sinu patris ad nos venit magnusque redemptor.
0725112a  Fave votis delicta, Christe, pellens tuorum.
0725112b  Saevissimum protinus hostem arce chelydrum.
0725113a  Quo capa ex muneris septiformis gratiae effecti,
0725113b  Respuentes infima contemplemur aeternam patriam,
0725114   Quo ducat fides splendida, jungat charitas sancta, trinitas Dei aeterna.
0725200   Prosa Dominicalis.
0725201   Eja, simul agmina cuncta Deo devota
0725202a  Mera voce summa laetitia Christo consonent carmina.
0725202b  Omni hora alacris maneat, qui desiderat mansura.
0725203a  Olim deceperat hostis subdola et callida fraude Adam,
0725203b  Unde retruserat omnem sobolem ipsius in loca taetra.
0725204a  Patris dextera, Jesus piissimus, regens cum patre omnia,
0725204b  Vidit talia atque condoluit, tactus misericordia.
0725205a  Descendit de supera praeclara sede paterna, virginis adiit aulam.
0725205b  Ex qua immaculata assumpsit carnem terream, non tamen sumpsit peccata.
0725206a  Visus est vera Deus in carne atque docuit coelestia.
0725206b  Demum tradidit morti se ipsum, crucis stipitem amplexans.
0725207a  Dissolvit captivitatem, restaurans mundum libertati et confudit Leviathan,
0725207b  Ex cujus gula abstrahas, moderans coelum et terram, cuncta baptizata agmina
0725208   In sacra lympha, credentia in te fide recta.
0725300   Prosa Dominicalis.
0725301   Domine sancte, pater aeterne, omnipotens,
0725302   Precamur te in nomine filii tui, Domini nostri Jesu Christi,
0725303   Per quem facta sunt omnia visibilia et invisibilia;
0725304   Qui se pro nobis hostia pura et immaculata obtulit;
0725305   Qui pro peccatis nostris seipsum exinanivit;
0725306   Cui una est cum te Deo patre paraclitoque aeternus honor:
0725307   Esto propitius, quaesumus, nobis famulis tuis.
0725308   Propter nomen sanctum tuum salva et adjuva nos, Domine, sancte pater,
0725309   Quos redimere dignatus es sanguine filii tui.
0725310   Et accende in nos lumen suavissimi, sanctissimi amoris tui.
0725311   Te adoramus in trinitate et unitate.
0725312   Tu es Deus solus, clemens et justus atque misericors.
0725313   Qui nos permisisti ad diem hunc pervenire, dignare semper custodire et dona, victoria magna valeamus habere laetitiam veram.
0725314   Solve vincla nostra, consortes mereamur semperque esse in coelestia regna.
0725315   Nosque omnes adoramus, deprecamur, exoramus ad noxa plura,
0725316   Mereamur videre te judicem, bone rex, et clementem
0725317   Per infinita saecula.
0725400   Prosa Dominicalis.
0725401   Davidis citharoedis
0725402a  Pulchra rhythmica dulcia sillabatim modulemur personora replicata pneumata.
0725402b  Cui cuncta elementa benedicunt atque solvunt psalmodia debita satis pulchra.
0725403a  Heleos patris, quod discretam sumis a cunctis formam.
0725403b  Gestante Jesu Christo stigmata; deos, hosanna,
0725404   Chirra nos te laudantes in aeternum per saecla.
0725500   Prosa Dominicalis.
0725501   Corde devoto omnis nunc fidelium canat caterva
0725502a  Atque supplicet Deo omnipotenti, ut ipse solvat
0725502b  Cuncta crimina a se contracta; exposcat prece prona
0725503a  Et humillima, ut lucrari bona fiat condigna coelica.
0725503b  Ad praesens etiam promat cunctipotentis magna miracula.
0725504a  Idem nempe coelica ac terrea potentia fabricavit ex nihilo procreans cuncta.
0725504b  Posuit solis rotam atque lunam micantia nec non astra in facie poli rutila;
0725505a  Demum hominis plasma, qui contineret arva cuncta subjecta,
0725505b  Pro bonitate sola sua sophia figuravit extera.
0725506a  Nos ergo, summe rex, creatura tua, proscimus subsidia
0725506b  Omnibus tribui nobis salubria per omnia momenta.
0725507   Nos desolatos non derelinquas, paradisi loca sed nobis dona.
0725600   Prosa Dominicalis.
0725601   Coaequalis patri per omnia
0725602a  Ac spiritui divino, rex regum, tutans, quae sunt, omnia,
0725602b  Nunc digneris acceptare tuarum laudum nostra cantica.
0725603a  Tu regis summa, ima, tu torques lucentia sidera.
0725603b  Tibi exhibet Phoeba ac Titan digna famulitia.
0725604a  Te tremunt zabulorum loca taetrica nec non maria profunda.
0725604b  Tibi pipant omnia volatilia, natatilia ac cuncta.
0725605a  Sicut vis et ubi vis, venti perflant, sic germina telluris virescentia
0725605b  Prodeunt secundum mandata tua; nam tu, magne, formasti omnia ista.
0725606a  Cherubim et Seraphim amore flagrant ante faciem tuam.
0725606b  Angelorum caterva te speculari concupiscunt per saecla.
0725607a  Suscipe nostra poemata, quem turma prophetarum sancta
0725607b  Dudum cecinit voce clara, cecinit quem David cithara.
0725608a  Clara duodena apostolorum omnis societas, exora
0725608b  Inaestimabilem et pium Christum, regem et dominum, qui regnat,
0725609a  Martyrum, pontificum pariter caterva, confessorum nec non virginum cuncta collegia candidula,
0725609b  Ut vitam sempiternam tribuat ejusdem clementia, summa caritas sancta, cunctis, qui eum adorant.
0725610   Sit tibi, Christe, honor laus cum ineffabili patre et sancto pneumate per saecula.
0725700   Prosa Dominicalis.
0725701   Christe, tua agmina jubilant voce celsa
0725702   Tibi sancta sempiterna laudesque excellentissimas per cuncta ad clara habitacula.
0725703   Laus omnis atque gloria tibi decet tempora diuturna.
0725704   Hoc canimus lingua laude dignissima.
0725705   Tu crimina et facinora lavas nostra.
0725706   Tu regis astra supra atque in terra infra, tu gubernas semper alta maris habitacula.
0725707   Ergo tibi referat nostra melodia gratias.
0725708   Poscimus namque clementiam tuam sanctam, ut gratulantes simus in sede beata.
0725709   Ubi lux est divina atque angelorum gaudia, ubi laudat te cuncta polorum caterva plurima.
0725710   Quem, omnes supplicamus, capiat fides nostra
0725711   Atque valeamus in coelis gloriosam permanere angelicam vitam per cuncta semper saecula saeculorum.
0725800   Prosa Dominicalis.
0725801   Christe, tua agmina jubilant
0725802a  Voce praecelsa tibi sancta in saecula sempiterna
0725802b  Laudes per arva perque saecla ac clara habitacula.
0725803a  Te enim laus et gloria decet cuncta per saecula atque tempora diuturna.
0725803b  Tu crimina lavas nostra atque cuncta facinora peccati cunctaque pericla.
0725804a  Tu regis astra supra et terram infra sita, tu gubernas atque alta maris habitacla.
0725804b  Tu sine labe vitam justis das et aeternam atque sine fine paras sancta sedis alma.
0725805a  Ergo tibi nostra caterva referat semper gratias,
0725805b  Tuaque divina majestas polorum reget saecula.
0725806a  Quam, omnes petimus, capiat fides nostra,
0725806b  Atque valeamus in coelis gloriosam
0725807a  Angelicam in coelis capere vitam
0725807b  Per saecula semper saeculorum. Amen.
0725900   Prosa Dominicalis.
0725901   Christe, rex, via, lux et vita,
0725902a  Qui cuncta regis et gubernas, de nobis pacem veram et concordiam
0725902b  Caritatemque in aeternum, solatium Domino, perfecta regna.
0725903a  Fides cessabit atque spes, caritas manebit; ipsa patiens est atque benigna,
0725903b  Congaudet veritati semper, non cogitat malum, non inflatur, non quaerit, quae sunt sua.
0725904a  Ipsa est virtus omnia praevalens, justos quae exaltat ad regna coelestia.
0725904b  Aeterne Deus, auctor cunctorum, preces nostras audi aure placatissima.
0725905a  Rex coelorum Deus, reple corda nostra et fac nos tua vestigia quaerere per omnia.
0725905b  Pateat quaesumus paradisi porta, ut percipiamus coronam in superna gloria.
0725906a  Omnipotens altissimi verbum, poscimus sanctam majestatem tuam,
0725906b  Concede nobis pacem et vitam aeternam in sempiterna saecula,
0725907a  Patri aequalis, paracliti quoque individuus compar.
0725907b  O veneranda beata trinitas, salus et vita nostra,
0725908   Salva nos nunc et per saecla.
0726000   Prosa Dominicalis.
0726001a  Alme sanctorum conditor, Dominus cunctorum per saecula,
0726001b  Qui fecisti cuncta tua in sapientia sempiterna.
0726002a  Tua sunt cuncta, rector orbis, sociata semper tibi manent per saecla.
0726002b  Effigiata hominis origo viva sed postmodum dissociata
0726003a  Manet sumpta. Sed tu Deus omnipotens parasti mundo ante cuncta
0726003b  Saecla nobis destinata, ut te recipiant corpora Simul arva.
0726004a  Felices animae sanctorum, piacla propurgata, splendentia pergant ad loca
0726004b  Aetherea, ubi concrepant organa angelico mirifico cantu modulata
0726005a  Tuba clara. Adesto nunc, Deus, et audi voces nostrarum precum in hac sacrata tibi templi aula.
0726005b  Oramus junge nos sanctorum merita, coelo recepta ut mereamur alma frui gratia Sempiterna.
0726006a  Cui honor atque gloria,
0726006b  Laus ascendat semper in aethra,
0726007   Virtus individua sit semper.
0726100   Prosa Dominicalis.
0726101   Benedictus es,
0726102a  Domine, Deus patrum nostrorum et laudabilis in saecla aeterna
0726102b  Ante omnia tempora benedictus es in omnia opera tua.
0726103a  Te adoramus omnes, quem adorant polorum caterva.
0726103b  Te benedicimus, qui es salus, pax et vita nostra.
0726104a  Tu es vere Deus, solus qui fecisti maria et arva.
0726104b  Tu es adorandus, colendus, qui mundas piacula nostra.
0726105a  Inaestimabilis, invisibilis, trinitas beata,
0726105b  Omnia contines, omnia regis, omnia gubernas.
0726106a  Ubique totus, ubique praesens, ineffabiliter cuncta penetrans.
0726106b  Totus in coelo, et totus in terra facis magna miracula.
0726107a  Adorande Domine, exoramus devote misericordiam tuam,
0726107b  Tribue nobis largam clementiam, ut laudemus te per cuncta saecula.
0726108a  Aufer a nobis, quaesumus, summa bonitas, mala praeterita, praesentia atque futura
0726108b  Concede nobis, patris nostri Benedicti sequi vestigia, observemus praecepta tua;
0726109a  Et salva nos gratia et misericordia tua,
0726109b  Ut possimus canere laudes in regna coelestia
0726110   Cum agmina sancta.
0726200   Prosa Dominicalis.
0726201   Benedictus es,
0726202a  Domine, Deus patrum nostrorum, et laudabilis atque gloriosus.
0726202b  Ante omnia saecula benedictus es in omnia opera tua.
0726203a  Te adoramus patrem et filium et spiritum sanctum.
0726203b  Te benedicimus atque adoramus et glorificamus.
0726204a  Tu es verus Deus solus et invocabilis et immensus.
0726204b  Tu es adorandus, colendus, tremendus et venerandus;
0726205a  Inaestimabilis, invisibilis, incircumscriptus;
0726205b  Omnia continens, omnia regens, omnia gubernans;
0726206a  Ubique totus, ubique praesens, ineffabiliter cuncta penetrans;
0726206b  Totus in coelo, totus in terra semperque totus ubique.
0726207a  O adorande Domine, misericordiam tuam exoramus devote,
0726207b  Tribue nobis larga clementia, ut laudemus te per cuncta saecula.
0726208a  Aufer a nobis, quaesumus, trinitas sancta, mala praeterita, praesentia atque futura.
0726208b  Concede nobis patris nostri Benedicti sequi vestigia, observemus praecepta tua.
0726209   Et fac nos celebrare laudes in aula sancta Jerusalem cum omnibus sanctis.
0726300   Prosa Dominicalis.
0726301   Miserere
0726302a  Facti hominis, miserere Deus,
0726302b  Filia de peccatricis tuae.
0726303a  Cum tu, sancte pater, andropon humanans effigiasti
0726303b  In primoque chaos concretum dum illum materiasti,
0726304a  Suadente colubro, instigante zabulo, praesentia saecla pulsa est a commodis anima,
0726304b  Et in valle posita lacrimosi cespitis, ubi, jugo diro manente, suspiria, pondera.
0726305a  Inter quoque arta et reflexa tristia,
0726305b  Inter ima mentis frequentia lugubra.
0726306a  Multa denique tribulatio et dolor praesens, vilia saecla, tribulatur omnis essentia.
0726306b  Nam tribulator, dum contribulat, multa pernox fraterna altera nobis causa impausabilis caro humana.
0726307a  Marcida sed solaris humata
0726307b  Lacrimis id egi et tympano.
0726308a  Petit pia voce tutundens pectora miser ipse homo crebrescens mystica, adjuva formator, protege redemptor, o Deus deorum, usia.
0726308b  Solus namque taxat laboris praemia, solus potest mista ferre contamina, libera clementer, eripe potenter, o Deus deorum, usia.
0726309   Sed jam canamus Alleluja.
0726400   Prosa Dominicalis.
0726401   Alme Deus, rex coelorum et arvae sive marium,
0726402a  Tibi angelica vox sonat modulata.
0726402b  Tibi honor decet et virtus et potestas.
0726403a  Qui fundasti terram, stabilisti coelos in sapientia.
0726403b  lacuna
0726404a  Quem callidus temptator per lignum vetitum retrusit claustra saeva
0726404b  Et suadens omnia genera turpiter et regnat potentia.
0726405a  Sed tu Deus, creator cunctorum bonorum, misisti filium in terram.
0726405b  Quem prophetae vaticinantes olum, jam ex virgine nascere Messiam.
0726406a  Quem angelica vox adnuntiat,
0726406b  Jam natus est de alma Maria.
0726407a  Ascensdens crucem superavit mortem morte captiva.
0726407b  O laudabilis rex, qui redemisti ovem perditam.
0726408a  Te laudat caterva polorum omnis, sexus et aetas, agmina sancta.
0726408b  O trina majestas, laus, peraudi voces nostras in aula sancta tua.
0726409a  Gaudeamus omnes mirabilium tuorum celsa voce proclamantes: Audi nos, mente pura.
0726409b  Festa recolentes sanctorum merita praeclara, ut ad tuam pervenire jugiter mereamur
0726410   Gloriam sempiternam digni. Amen.
0726500   Prosa Dominicalis.
0726501   Arvae polique conditori alacres feramus
0726502a  Melodiae coetus, simul astra necne aequora
0726502b  Reboare non cesset globorum luminaria.
0726503a  Angelorum fistula et vox societ haec nostra.
0726503b  Redemptori carmina jubilate cacumina
0726504a  Montium omnium silvarum frondium expandite densarum flosculum pulcherrimum.
0726504b  Campi, eremi, germinate germen odoriferum magnarum rosarum, liliorum.
0726505a  Ortus, occasus, Oriona laudes reboant: Hosanna in excelsis Deo.
0726505b  Cui primum cecinit caterva angelorum, pax in tellure vera descendit.
0726506a  Hodie coeli melliflui denique facti.
0726506b  Maria undis purpuratis conchulis aequans.
0726507a  Titan rutilavit radiis suis et aether roravit dulcedinem, cunctus orbis exultavit.
0726507b  Clara processit stirpe Jesse regali decore, virga de radice, florida protulit nardum.
0726508a  Foeno jacere non ab horruit excelsus filius,
0726508b  Summi qui patris, rex angelorum, sedebat in dextris.
0726509a  Pannis quoque velatus
0726509b  Vili fascia strictus.
0726510a  Lustra sex qui jam peracta tempus implens corporis,
0726510b  Agnus in cruce levatus immolatus stipite.
0726511a  Arva expavit, aequora tremuerunt, velum divisum est per medium, multorum corpora surrexerunt.
0726511b  Immolatum ut vidit agnum vespera, almi corporis sacrificii odore Christus coelum replevit.
0726512a  Oves reduxit ovilem, in cruce renovavit saeculum.
0726512b  Vox in excelsis resonat, ascendit Christus sedens in altum.
0726513a  Patris namque dextris collocatus est,
0726513b  Venturus est, dare praemium justis.
0726514   Jungat nos cum ipsis florigera castra.
0800100   De sanctissima Trinitate.
0800101a  Unum simplex et perfectum, Quod transcendit intellectum, Ens in summo nobile,
0800101b  Ens aeternum, ens necesse, Per se solum habens esse, Movens et immobile.
0800102a  Quod nec tempus secum rapit Neque locus in se capit, Cui nec est accidens,
0800102b  Factor lucis, dator vitae, Mens virtutis infinitae, Mens futura praevidens.
0800103a  Fons totius bonitatis, Impertiri volens gratis Suam cunctis copiam,
0800103b  Totum potens, totum novit, Quod ad omnem se devovit Faciendam gratiam.
0800104a  Agens tamen non vexatur, Sed nec sciens occupatur Nec fit pauper munerans,
0800104b  Solo verbo cuncta creat, Verbo docet, verbo beat, Verbum ex se generans.
0800105a  Verbum ex se par et pari, Cujus nequit enarrari Mira generatio,
0800105b  Natum enim verbum menti Coaeternum est gignenti Et unum in alio.
0800106a  Sed et natum genitori Nectit amor et amori, Ambo idem penitus,
0800106b  Amor nectens, sacer flatus, A duobus inspiratus Procedens, non genitus.
0800107a  Nequit tamen comprehendi Modus ipse procedendi, Muta fiant labia;
0800107b  Satis dicis, cum exponis, Deum trinum in personis, Unum in essentia.
0800108a  Non sunt unus, sed est unum, Tres est eos opportunum Et non tria dicere;
0800108b  Sed quod Deus unus trinus, Ubi majus nil aut minus, Confitemur libere.
0800109a  Nos ad tantae trinitati Serviendum sumus nati, Sibi laus et gloria;
0800109b  Serviamus ei soli, Quia sola digna coli, Sola digna latria.
0800110a  Ave pater, tex creator, Ave fili, lux salvator, Ave, pax et caritas;
0800110b  Ave sinplex, ave trine, Ave regnans sine fine, Una summa trinitas.
0800200   De sanctissima Trinitate.
0800201a  Vox clarescat, mens purgetur, Homo totus emundetur, Dulci voci conformetur Pura conscientia,
0800201b  Patri, proli jubilemus, Sanctum pneuma praedicemus, Unam laudem tribus demus, Quos unit essentia.
0800202a  Pater creans increatus, Nascens ab aeterno natus, Amor ab his derivatus Sunt una substantia.
0800202b  Tres personae trinitatis Unum esse deitatis Et ejusdem potestatis Et idem per omnia.
0800203a  Distinguuntur tres personae Quaevis sua notione, Non humana ratione Discernuntur talia.
0800203b  Pater, proles et spiramen Opem praestent et solamen Nobis reis et juvamen Ad vitanda vitia.
0800300   De sanctissima Trinitate.
0800301a  Quicumque vult sortem uranicam, Corde credat fidem catholicam.
0800301b  Omnis enim, qui non crediderit, Salvus esse minime poterit.
0800302a  Unum Deum fides nostra veneratur trinitate,
0800302b  Trinitatem adorare gratulatur unitate.
0800303a  In personis trinitatem, In usia unitatem Affirmamus.
0800303b  Tres personas unum Deum Qui non credit, esse reum, Non negamus.
0800304a  Pater a nullo est factus, filius a patre genitus,
0800304b  Neque factus, neque natus, sed procedens spiritus.
0800305a  Has personas coaeternas esse consubstantiales
0800305b  Et omnio coaequales, nos docet paraclitus.
0800306a  Patris verbum incarnatum Sine patre matris natum, Est necesse credere.
0800306b  Nam in coelis sine matre, Sed in terris sine patre Nos venit redimere.
0800307a  Verus Deus, lumen de lumine, Homo verus, homo de homine, Virgine inviolata.
0800307b  Haec in partu, haec post partum Virgo mansit, solem ortum Edidit virgo intacta.
0800308a  Jesus Christus, homo Deus, A Judaeis quasi reus Crucifixus obiit
0800308b  Et infernum spoliavit, Deus Jesum suscitavit, Et post coelum petiit.
0800309a  Inde coelum, terra, mare Venturus est immutare,
0800309b  Mortuorum ac vivorum Dicta, facta judicare.
0800310a  Ante enim omnes surgent in propriis corporibus,
0800310b  Reddituri rationem de comissis omnibus.
0800311a  Et qui bene certavere, reges erunt cum Domino,
0800311b  Victi vero desolati lugebunt sine termino.
0800312a  Ergo, sancta, benedicta, ******* gloriosa trinitas,
0800312b  Decoratos, laureatos, ubi sedet ubi fulget sine fine claritas,
0800313   Nos suscipe.
0800400   De sanctissima Trinitate.
0800401a  Laus patri gloriae, Qui suum filium Gentibus et populo Revelans Israel nos sociat.
0800401b  Laus ejus filio, Qui suo sanguine Nos patri concilians Supernis Sociavit civibus.
0800402   Laus quoque Sancto spiritui Sit per aevum.
0800500   In Adventu.
0800501   Ab arce siderea Descendens lux aurea Virginis in gremium
0800502a  Peccatorum abstulit Tenebras et contulit Miseris remedium;
0800502b  Cujus lucis radio Illustrata concio Gaudeat fidelium.
0800503a  Haec nova lux Christus est, In mundo qui natus est Pro salute gentium,
0800503b  Huic pater ingenitus Praemisit divinitus Gabrielem nuntium.
0800504a  Ave, dixit nuntius, Ex te, virgo, filius Nascetur, pax gentium, Salus, vita omnium.
0800504b  Sine viri coitu Plena sancto spiritu Concipies parvulum, Qui salvabit populum.
0800505a  Ut haec audit, Virgo plaudit Et fideli Gabrieli Verba reddit dulcia;
0800505b  Ait illa: Sum ancilla Regis hujus, Defers cujus Mandata salubria.
0800506a  At ancillae Mandat ille: Fies parens, Licet carens Conjugali copula;
0800506b  Ad haec verba Non superba Virgo prolem, Stella solem, Florem gignit virgula.
0800507a  Ex Maria sic est natus Rex Messias appellatus Qui natus nova gaudia Dedit renovans omnia.
0800507b  Nobis ergo praesentatum Veneremur regem natum, Quem nasciturum cantica Praedixerunt prophetica.
0800508a  O Maria, vas pudoris, Nostri mater salvatoris, Hac in die tu Messiae Servos reconcilia;
0800508b  Ut quos ipse jam redemit Et cruore suo emit, Prece tua nos ad sua Reducat palatia.
0800509   Amen dicant omnia.
0800600   In Nativitate DN.
0800601   Lux fulget hodierna, Christus in qua mundo gaudia
0800602a  Patris dedit nova missus ab arce supera,
0800602b  Arva petens ima carnea septus trabea.
0800603a  Saeculi pro vita mortalia suscepit et fragilia.
0800603b  Servuli in forma apparuit tegens humanis divina.
0800604a  Relinquens integra matris et illibata viscera
0800604b  Virginis aurea prodiit tamquam sponsus ab aula.
0800605a  Vagit parvulus praeepis intra angustias. Quem non capiunt aethera, sola et infera nec rerum omnium spatia,
0800605b  Arta tegitur fascia, qui vestit omnia. Pascit qui cuncta, sugit ubera virginea et tonat, rutilat in aethera.
0800606a  Angelica resultant Domino gloriam in excelsis Deo agmina.
0800606b  Pastoribus gaudia intonant coelica venisse populis in terra.
0800607a  Cunabula cujus ad veneranda stella ovans duxit nova trina magos ferentes munera mystica.
0800607b  Quem callida Herodis versutia perimere saeviebat infantium trucidans milium milia.
0800608a  Felix mater et intacta hunc enixa o virgo, virginum regina,
0800608b  Regem natum die ista posce tuum pro nobis filium sedula,
0800609a  Ut nostra qui jam venit redimere crimina,
0800609b  Nos ducat ad coelica regna, quo laetemur in
0800610   Gloria tecum, Maria.
0800700   In Nativitate DN.
0800701   Candor surgens ut aurora Solvit chaos pulsa mora Noctis de caligine,
0800702a  Geniturae novo jure Non de viro feta miro Deum parit ordine.
0800702b  Lex naturae matris purae Causam nescit nec marcescit Feta flos in virgine.
0800703a  Matris risus te signavit Matrem ducis, qui salvavit Luto fessum et oppressum In Aegypto populum.
0800703b  Arca dudum quod servavit, Manna profers, in quo David Gaudet ludens, ludus prudens In te laudat parvulum.
0800704a  Illa mitis Moabitis, Ruth quaerebat, quod latebat Tunc Noemi gaudium.
0800704b  Bethlemitis botrus vitis Jam non latet, quod non patet Spes ulla per alium.
0800705a  Veri lectus Salomonis Contra regem Aquilonis Parvum fovit, qui removit Grave jugum oneris.
0800705b  Quid sit vide rationis, Quod conflictus Gedeonis Non salvaret, si non daret Virtutem ros velleris.
0800706a  Quam amoenus ager plenus Madet rore, quem ab ore Gabrielis suscipit;
0800706b  Cujus fructus fit conductus, Per quem fretus exsul vetus Stolam primam recipit.
0800707a  Audi, filia, Pulchra facie,
0800707b  Fer praesidia, Plena gratiae.
0800708a  Te placata vivet reus, Quod vis, praestat homo Deus, Qui mamillas captans illas Tuo flebat gremio.
0800708b  Quem lactasti tuum pridem, Non est alter, regnat idem, Honor matris, splendor patris In coelorum solio.
0800800   In Circumcisione DN.
0800801a  Hac die festa concinat multimoda camoena
0800801b  Collaudans coeli dominum cum dulci cantilena.
0800802a  Per haec enim solemnia sunt cuncta renovata,
0800802b  Humano quoque generi sunt praemia donata.
0800803a  Invenit dragmam mulier, accenditur lucerna,
0800803b  In carne dum comparuit mens Deo coaeterna.
0800804a  Dum cadit secus Jericho vir Jerosolymita,
0800804b  Samaritanus adfuit, collapso datur vita.
0800805a  Perducit hic in stabulum clementia divina,
0800805b  Vinum permiscet oleo suavi medicina.
0800806a  Curantis aegri vulnera sunt dulcia fomenta,
0800806b  Cum cunctis poenitentia fuit reis inventa.
0800807a  Bini dati denarii sunt duo testamenta,
0800807b  Dum Christus finis utrius-que complet sacramenta.
0800808a  In tellus rore germinat nec paret madefacta,
0800808b  Dum virgo Deum parturit et mater est intacta.
0800809a  In teneris exortus est puer, lux sempiterna,
0800809b  Octava circumcisus est hac die hodierna.
0800810a  Haec ab antiquis patribus dies fuit praevisa,
0800810b  Cum se prolemque Domino dant carne circumcisa.
0800811a  Ergo nos circumcidamus non carnis praeputia,
0800811b  Sed a nobis abscindamus sordes atque vitia.
0800812a  Ut mundati mente carnis capiamus praemia,
0800812b  Quae octava confert aetas merenti coelestia.
0800813   Eja die ista omnis organista, cantor et psalmista intonet, consonet cum cytharista.
0800900   In Circumcisione DN.
0800901a  Apparuit hodie Mira virtus gratiae, Quae Deum circumcidit;
0800901b  Nomen ei coelicum Nomen et salvificum, Quod est Jesus, indidit.
0800902a  Nomen, salus homini, Nomen, quod os Domini, Ab aeterno nominat;
0800902b  Dudum matri numinis Hoc et sponso virginis Angelus denuntiat.
0800903a  Tu nequam vim Zabuli, Tu peccatum saeculi, Nomen sacrum, superas.
0800903b  Jesu, nostrum pretium, Jesu, spes moerentium, Mentes sana miseras.
0800904a  Quod deest in homine, Supple tuo nomine, Quod est salutiferum.
0800904b  Tua circumcisio Cordis sit praecisio, Efficax cauterium.
0800905a  Sanguis fusus sordidos Lavet, riget aridos, Moestis det solatium.
0800905b  Anni nunc initio Bono pro encennio Da te, Jesu, praemium.
0801000   In festo Transfigurationis DN.
0801001a  Hodierna die laetus Micat Jesus inter coetus Uti splendor rutilans,
0801001b  In monte formam gloriae, Quam quaerit spes victoriae, Sic coelestis indicans.
0801002a  Res memoranda saeculis, Homo creator hominis Forma transfiguratur,
0801002b  Facie solis splendore, Habitu nivis candore Majestas declaratur.
0801003a  Quo Moyses cum Elia, Lex ejus et prophetia, Excessus praeloquentes,
0801003b  Adest Petrus cum Jacobo Johanneque theologo Se mutuo noscentes.
0801004a  Elias proprio vivus, Moyses sumpto mortuus, Corpore paruerunt
0801004b  In majestate Domini Vitae veri exitii In testes adfuerunt.
0801005a  De nube testimonium Sonat patris ad filium Eosdem obumbrante,
0801005b  Pater de nube loquitur, Mens terrena prosternitur Ex voce intonante.
0801006a  Vultu, visu claritatem Utriusque deitatem Auditu percepere,
0801006b  Quam magis in verbis notis Quam auditu sono vocis Intellexerunt vere.
0801007a  Cum, inquit, hic est filius Meus dilectus unicus, Ipsum solum audite,
0801007b  Hostis solvit ligamina Et aufert cuncta devia Gaudio verae vitae.
0801008a  Visionis mysterium Spem erigit fidelium, Dilatat charitatem,
0801008b  Ac fidei credentium Deo pie fruentium Ostendit veritatem.
0801009a  Ergo solemni gaudio Poscit nostra devotio, Hanc gloriam largire,
0801009b  Ut spe, fide, caritate In mortis necessitate Ad illam pervenire.
0801100   De Poenis DN.
0801101a  Reminiscens beati sanguinis, Quem profudit amator hominis, Profundo lacrimas;
0801101b  Non est locus ingratitudinis, Ubi torrens tantae dulcedinis Attingit animas.
0801102a  Dulcis Jesu, cur tanta pateris, Cum peccati nihil commiseris, Flos innocentiae?
0801102b  Ego latro, tu cruce moreris, Ego reus, tu poena plecteris Nostrae nequitiae.
0801103a  Pro re vili cur tantum pretium, Quid lucraris per hoc supplicium Dives in gloria?
0801103b  An te fecit sic amor ebrium, Ut nec crucem putes opprobrium Amoris gratia?
0801104a  Vaeh mihi misero, Si non respondero Tuis muneribus, Si non amavero Et compensavero Dignis operibus Mortem sanctissimam.
0801104b  Si pertransiero Nec tibi vixero Paucis temporibus, Si non, ut potero, Sacrificavero Totis affectibus Corpus et animam.
0801105a  Qui longe sistitis, Ad crucem pergite, Qui vobis vivitis, Jam Christo vivite, Ne moriamini.
0801105b  Corpus, quod perditis, Christo configite, Ne, si non eritis Membra cum capite, Juste damnemini.
0801106a  Non adspiciatis Oculis ingratis Deum cruce mori;
0801106b  Dono caritatis Cambium reddatis Et vicem dolori.
0801107a  Regnum quaeritis? Non intrabitis Sine crucis clavi;
0801107b  Portum petitis? Non transibitis Sine crucis navi.
0801108a  Ave sanguis, apertor januae, Suscitator naturae mortuae, Dum in cruce spargeris;
0801108b  Quidquid pecco, clementer dilue, Quidquid peto, tu semper tribue Novi dono muneris.
0801200   De Vulneribus Christi.
0801201a  Hodiernae lux diei Jesu Christi, nati Dei, Fulget in memoria;
0801201b  Decantemus ergo rei Ob honorem nostrae spei Laudes et praeconia.
0801202a  Omnis homo supplex ora Clara cernens hac in hora Christi patrocinia;
0801202b  Psalle, psallens cor dulcora, Ut virtute sit decora Laus et plena gratia.
0801203a  Ave, divus rex coelorum, Nobis dans sancta sanctorum Multis terris vescia;
0801203b  Effundata mens nostrorum, Fac, ut fiat animorum Tibi patri filia,
0801204a  Florens sanguinis rubore, Quem Judaea suo more Fudit tenens in via.
0801204b  Fusa lassos in labore Nos conspergat coeli rore Deitatis pluvia.
0801205a  Salve, Christe, rex piorum, Nos virtute capillorum Tuorum irradia;
0801205b  Salve, Christe, fixus cruce, Illostratos tua luce Semper nos irradia.
0801206   Placa patrem, ne reorum Mors nos laedat damnatorum Vel tempestas noxia; Amen dicant omnia.
0801300   De Vulneribus Christi.
0801301a  Culter, qui circumcidisti Sacrosanctam carnem Christi, Reseca nocentia,
0801301b  Palmis caesa dulcis illa Jesu Christi tu maxilla, Doce nos humilia.
0801302a  O quam sancta ligatura Membra ligans solutura Cunctorum supplicia,
0801302b  Et columna, quae ligatum Jesum tenes flagris datum, Laxa nostra vitia.
0801303a  Virga caedens et flagellum, Corpus laedens tam tenellum, Seda nos laedentia;
0801303b  O sacra Christi corona, Confer nobis vitae dona, Affer coeli praemia.
0801304a  O crux sancta, crux beata, Membris Christi exornata, Cuncta fuga noxia.
0801304b  O vos trini Christi clavi, Glutinate nexu suavi Mentis nostrae devia.
0801305a  Artus per vos perforati Praestent velle, posse pati Nos hic quaeque tristia.
0801305b  Sic martellum clavos urgens Sanat omne vulnus turgens Perfida flagitia.
0801306a  Tolle verbi pravi letum, Os, cui fel praebet acetum Arundo in spongia,
0801306b  O perfossum Christi latus, Amor cujus nobis datus Dura reddit suavia.
0801307a  Cuncta Christi armatura, Nos exolvas, ut futura Perfruamur gloria.
0801307b  Eja decus beatorum, Jesu, salus peccatorum, Aufer nostra crimina
0801308   Per amaram passionem Sanguinisque effusionem, Per sacrata vulnera.
0801400   De facie Salvatoris.
0801401a  Magnafica tua festa, Jesu Christe, nobis praesta, Colamus quotidie;
0801401b  Hymnis, psalmis et cantibus, Magis sinceris mentibus Veneremur hodie.
0801402a  Vultus tuus fulgidus, Honorore dignissimus, Proponitur omnibus;
0801402b  Quem turbae fidelium, Conventus humilium Dignis colunt moribus.
0801403a  Laudantes non fastidiunt, Sed laudare plus sitiunt Tuam, Christe, faciem,
0801403b  Cives sectantes coelibes, Cuncti et Dei supplices Laudem ferunt stabilem.
0801404a  Praeclara formula, Vitae praeambula, Monstratur singulis,
0801404b  Amat salubria, Confert utilia, Solvit a vinculis.
0801405a  Effigies spectabilis, Jucunda et mirabilis Benigna ineffabilis, Omnibus exorabilis.
0801405b  Ad te cuncti passibiles Confugientes homines Tuum poscunt subsidium, Et salutis remedium.
0801406a  Quo adjuti levius Mundi mala perferunt, Ob hoc tibi saepius Suas preces offerunt.
0801406b  Hinc plura pericula Dante te effugiunt, Quos nec ulla jacula Te tuente offerunt.
0801407a  Relictis sordibus Disponunt pectora, Votis et vocibus Jungentes opera Salutem adeunt.
0801407b  Per exercitia Ornantes animas, Per beneficia Reddentes gratias Gaudia subeunt.
0801408a  Quae olim multis est visa Moesta et probris elisa, Ecce apparet amoena, Gratia et laude plena Figura egregia.
0801408b  Haec mortis ignominiam Reduxit ad memoriam, Ascensionis gloriam Spopondit post miseriam Facies eximia.
0801409a  O felix Veronica, Mundi salus unica, Peccatorum gaudium;
0801409b  Ad te clamant singuli Hujus vitae populi Ut dones solatium.
0801410a  Da famulari jugiter Tibi et laudabiliter Concordi jubilamine Devoto mentis carmine;
0801410b  Ut te videntes oculi Nostri in fine saeculi Luce fruantur sedula In saeculorum saecula.
0801500   In Susceptione s. Coronae.
0801501a  Si vis vere gloriari Et a Deo coronari Honore et gloria,
0801501b  Hanc coronam venerari Studeas atque sectari Portantis vestigia.
0801502a  Hanc coelorum rex portavit, Honoravit et sacravit, Sacro suo capite,
0801502b  In hac galea pugnavit, Cum antiquum hostem stravit, Triumphans in stipite.
0801503a  Haec pugnantis galea, Triumphantis laurea, Tiara pontificis;
0801503b  Primum fuit spinea, Postmodum fit aurea Tactu sancti verticis.
0801504a  Spinarum aculeos, Virtus fecit aureos Christi passionis,
0801504b  Quae peccati spineos Mortis aeternae reos Adimplevit bonis.
0801505a  De malis colligitur Et de spinis plectitur Spinea perversis,
0801505b  Sed in aurum vertitur, Quando culpa tollitur Eisdem conversis.
0801506a  Jucunda mysteria Sunt haec sed materia Praesentis laetitiae
0801506b  Nobis est historia, Qua potenter Francia Coronatur hodie.
0801507a  Hujus coronatio Coronae susceptio, Cujus festum agimus,
0801507b  Debito cum gaudio Et anniversario Honore recolimus.
0801508a  Thesauro jam nobili Tam desiderabili Dives es effecta,
0801508b  Terra carens simili, Carens comparabili Deo praedilecta.
0801509a  Tria privilegia Regna tibi alia Subdunt in honore,
0801509b  Fides et militia Unctioque regia, Quarum flores flore.
0801510a  Tibi, o urbs inclita, Omni laude praedita, Mater studiorum,
0801510b  Est corona credita Et in te reposita, Urbs Parisiorum.
0801511a  In Dei praeconium Totum confer studium, Totum cor appone
0801511b  Quae Christi palladium Et sacrae sacrarium Facta es coronae.
0801512a  Jesu pie, Jesu bone, Nostro nobis in agone Largire victoriam,
0801512b  Mores nostros sic compone, Ut perpetuae coronae Mereamur gloriam.
0801600   In Susceptione s. Coronae.
0801601a  Regis et pontificis Diadema mysticis Honoremus laudibus,
0801601b  Jucundemur tropicis Canticis angelicis, Concordemus moribus.
0801602a  In corona Domini Forma datur homini Pulchre necessaria;
0801602b  Spina mortis stimulus, Sed coronae titulus Mortis est victoria.
0801603a  Levitas arundinis Levis casus hominis, Cor natura labile;
0801603b  Fert coronam spineam, Spinam arundineam Cor contritum humile.
0801604a  Spina pungit cor elatum, Cor emollit induratum Pungens ex arundine;
0801604b  Orbis orbis est coronae Vel unguentum vitae bonae Fraglans ex dulcedine.
0801605a  Hanc coronam hodie Suae confert Galliae Rex misericordiae,
0801605b  Cujus testimonia Vera clamant omnia, Mundus et daemonia.
0801606a  Dilatetur amplius Civitas Parisius, Galliae gymnasium,
0801606b  Et in sensum spiritus Transeat divinitus Literale studium.
0801607a  Ludovice, rex Francorum, Sub te vigent antiquorum Regum diademata,
0801607b  Dum corona coronarum, Spina crucis, flos spinarum, Tua praefert scimata.
0801608a  O rex regum, qui centenis, Sexagenis et tricenis Es corona gloriae,
0801608b  Hac corona nos corones Et illacum per hanc dones Post agonis stadia
0801609   Beata nobis gaudia.
0801700   In Exaltatione sanctae Crucis.
0801701a  Serpens antiquus vicit in ligno
0801701b  Primo parenti virus infundens.
0801702a  Quo claudicat dudum in posteris carnis successio
0801702b  Et colligit spinas et tribulos prona posteritas.
0801703a  Verum arcano gratiae commercio subvenit plasmator protoplastum reformans veterem.
0801703b  Ligno contractum primum Adam secundus extendit in ligno, in quo mortem vita mortificat.
0801704a  Christi figuram aneam intuebatur populus antiquus in ligno,
0801704b  Et intuentem populum Christus venturus in carne salvabat a morte.
0801705a  Hoc crucis trophaeum praecessit crucem, quod in ligno crucifigendi crucifigendus agebat.
0801705b  Qui ferens in cruce nostros languores ovem, quam hostis abstulerat, victor reportat humeris.
0801706a  Christe Jesu, fili Dei athanatos, qui unigenitus theotocos intactae virginis passus es in cruce,
0801706b  Dele culpam et, quam pro culpa patimur, afflictionem corporis, hagios o theos, per virtutem crucis.
0801800   In festo Exaltationis s. Crucis
0801801a  Honor crucis dilatetur Et devote celebretur Ipsius laudatio,
0801801b  Totus mundus jucundetur Et in cruce glorietur Christiana natio.
0801802a  Cruce Christus consecravit Nos, cruore suo lavit Perforatus laurea;.
0801802b  Clavos in hac toleravit, Sputa, fel et coronavit Hunc corona spinea.
0801803a  Crucis per mysterium Caritatis serium Christus demonstravit,
0801803b  Cujus improperium Vitam et imperium Mundo reparavit.
0801804a  Crux character spiritalis, Virtus est sacramentalis, Renatorum gloria,
0801804b  Medicina corporalis Christianis et mentalis Crucis est memoria.
0801805a  O crux, benedictum lignum, Omni nempe laude dignum, Salus es credentium.
0801805b  Constantinus per hoc signum Fugat hostes et malignum Superat Maxentium.
0801806a  Adjuvit Heraclium, Dum in ponte filium Chosroë prostravit;
0801806b  Hostem hunc fidelium Occidit et filium Parvum baptizavit.
0801807a  Ave lignum pretiosum, Fructum portans gratiosum, Christum regem gloriae;
0801807b  Quod despectum et probrosum Fuit olim et poenosum, Lignum fit victoriae.
0801808a  In hoc Christus triumphavit, Morte mortem superavit Mortuos vivificans,
0801808b  Hoc infernum spoliavit, Quos ibidem captivavit, Secum hos glorificans.
0801809a  Laudes ergo dominico Ligno demus cum cantico Voce laeta,
0801809b  Tactu cujus vivifico Signa fiunt in publico Non consueta.
0801810a  Hic patronam atque ducem Habeamus Christi crucem In valle miseriae,
0801810b  Ut post mortem carnis trucem Valeamus veram lucem Adipisci gloriae.
0801900   De sancta Cruce.
0801901a  Christi crucem veneremur Et in cruce gloriemur, Ut per crucem liberemur Ab hostis incursibus;
0801901b  In qua mortem captivavit, In qua vitam reparavit Fortis gigas ille David Dans pacem hominibus
0801902a  In hac serpens exaltatus, In hac botrus est allatus, In hac vervex est oblatus Signans hoc mysterium.
0801902b  Gazae portis dum impegit, Samson hostis regnum fregit Et captivos sic redegit Ad suum imperium.
0801903a  Per hanc aqua dulcoratur, Per hanc princeps spoliatur, Per hanc luctus amputatur, Renovantur gaudia.
0801903b  Christe, servos tuae crucis, Velut oves quos deducis, Ad augmentum verae lucis Transfer in coelestia.
0802000   De sancta Cruce.
0802001   A solis ortu et occasu, ab aquilone et mari, Christe, laus sit tibi.
0802002a  Quatuor per crucis cornua viva pacis hostia,
0802002b  Quatuor per mundi climata rumpens mortis vincula.
0802003a  Non tamen in omni homine, sed in his tantum, qui te credunt et fatentur solum Deum.
0802003b  Quem clamant evangelia quatuor Deum, missum a patre, Dominum Jesum Christum.
0802004a  Peccati destruis corpus, qui Deus, suis quatuor partibus quod construxit diabolus.
0802004b  Quae sunt aspis, basiliscus, et leo simul et draco, quatriduanae mortis vocabula.
0802005a  Suggestio, delectatio, consensus, consuetudo mali, quibus perit homo.
0802005b  Quatuor quae crucis cornibus affigens mortificas tuae carnis vulneribus.
0802006a  His malis captivam Sunanitem animam ecclesia revocat ad te quater dicens ei:
0802006b  Revertere, revertere, revertere, revertere, despecta, crucis notans quadrangulum.
0802007a  Hunc arctos et dysis, anatole, mesis notant, quae suis in primis Adam literis signat nomine.
0802007b  Quem disseminatum his quatuor plagis terrae suis in filiis ad te revocas, bone crucifer.
0802008a  Nam via crucis quos ad te non trahis, in quadrifida nunquam lucis gaude-bunt in patria.
0802008b  In cruce jungis simul coelestia et terrestria per tuum sanguinem cuncta pacificans.
0802009a  O benedicte, dum tu maledictum factus es pro nobis, maledictus nam omnis, qui pendet in ligno, nos facis de maledictis benedictos.
0802009b  Te adorantes, Jesu Nazarene, rex Judaeorum, in occulto, non in manifesto Judaei, qui tuo imperio sunt intitulati.
0802010a  Hanc tituli inscriptionem, inscriptam nobis spiritu sancto crucis caractere,
0802010b  Ne corrumpi sinas in nobis in finem, tu finis sine fine, Dei patris nate;
0802011a  Cujus est imago regis et superscriptio, quae moneta nos, dragma, quam invenisti.
0802011b  Quam inspicientes patriae cives supernae dignantur suos conservos cognoscere.
0802012a  Dominus quorum tu sicut hominum, hinc quod Deus homo factus es.
0802012b  Angelum in coelo vitae confortans de morte hominem reparas
0802013a  Frumento et vino; stabilitus es nobiscum stauros in ara,
0802013b  Panis angelorum, nos reficiens et vino germinas virgines.
0802014a  Corpore qui tuo et sanguine, quos devirginavit Satan,
0802014b  Nos tuos revirgines, virginis fili, Deus benedicte,
0802015   Ut simus revirginati cum sancto sancti.
0802100   De sancta Cruce.
0802101a  Aram crucis omnes lucis Adorate filii,
0802101b  Qua damnatis datur gratis Spes et res auxilii.
0802102a  Agni sanguis hanc sacravit, Praesul pacis hac piavit Crimen Adae veteris,
0802102b  Ligni fructus jam redemit, Ligni gustu quos peremit Mater nostri generis.
0802103a  Hoc pependit, hoc tetendit Se salutis opifex,
0802103b  Hinc captivos reddit vivos Primae fraudis artifex.
0802104a  Botro, vecte qui portatur, Botrus iste figuratur Ligno pendens Sed transcendens Omnem sensum hominis.
0802104b  Iste mortis tulit prelum, Liquor hujus pandit caelum, Dat virtutem, Dat salutem Fide sui nominis.
0802105a  Signum crucis, donum lucis Terror hosti fit, si posti Fide sit illitum,
0802105b  Cessat caedens, fugit laedens, Mors non nocet, qua se docet Domibus inditum.
0802106a  Ipsa crucis quadra forma Spiritali monstrat norma, Spes ut sursum sit in caelis, Mens profundo sit fidelis, Caritate dilatetur, Ferat longum, quo probetur.
0802106b  Mortem vastat, caelum ditat, Hos relinquit, hos invitat, Hinc Judaeos, illinc gentes, Hos aversos, has credentes Crux tribunal judicantis, Factis aequa compensantis.
0802107a  Per transversum duo ligna Dant alternae pacis signa, Pias mentes quas benigna Semper nectit caritas.
0802107b  Cruce praedo mundi perit, Crux hostiles vires ferit, Crux salutem mundo gerit, Crux est mundi claritas.
0802108a  Regnum mortis jam decrescit, Regnum vitae convalescit, Sceptrum pacis late splendet, Ex quo pax in cruce pendet.
0802108b  Orbis crucis per trophaeum, Credit unum verum Deum, Larvae ruunt idolorum, Fides pollet electorum.
0802109a  Mare sonet, aer tonet, Haerens ligno sub maligno Nunquam fluctu mergitur.
0802109b  Pandat velum, spectet coelum, Fides cruce fida duce Patriam cruce pervehitur.
0802110a  Agne Dei, cujus sanguis Dirum virus fugat anguis, Tuae crucis beneficio Nos ab omni sana vitio;
0802110b  Tuum pneuma nobis dona, Nos illustra fide bona, Sanctae pacis reple gratia, Tui vultus luce satia.
0802200   De sancta Cruce.
0802201a  Laudemus creatorem, Qui fortis contra mortem
0802201b  Crucis in angaria Calcavit torcularia.
0802202a  Dans hostiam sese salutarem, Ut hominem daret liberalem,
0802202b  Quem diabolus captivaverat Per gustum necis, quem obtulerat.
0802203a  Redemit eum Deus ara crucis Et consortem fecit verae lucis,
0802203b  Cui laudes juges attollamus, Captivati quondam qui eramus
0802204a  Crucifixum adorando Crucem semper adamando,
0802204b  Per quam salus mundo fluxit, In humero dum revexit
0802205   Ovem perditam Dei filius, Qui per crucis victoriam Nobis sit propitius.
0802300   De sancta Cruce.
0802301a  Laetabundus Exaltet fidelis coetus Crucis signum,
0802301b  Totus mundus Exsultet cantando laetus Dulce lignum.
0802302a  O crux admirabilis, Arbor una nobilis, Crucis signum,
0802302b  Fructus tuus utilis Et desiderabilis, Dulce lignum.
0802303a  Nos ab omni scoria Mundet in memoria Crucis signum,
0802303b  Constantini gloria Simul et victoria, Dulce lignum.
0802304a  Praestitit auxilium, Ut fugaret impium, Crucis signum,
0802304b: Dum juxta Danubium Effugat Maxentium, Dulce lignum.
0802305a  Pugnanti cum impio Adfuit Heraclio Divina protectio Crucis signum,
0802305b  Dum occidit gladio Cosroë cum filio, Detulit cum gaudio Dulce lignum.
0802306a  O crux salutifera, Arbor vivifica, Tibi canimus Alleluja.
0802306b  Tu nos sanctifica Et beatifica In coelestibus Cum gloria.
0802400   De sancta Cruce.
0802401a  O benignum crucis lignum, Laudis omnis vere dignum, In nostri defectus signum Latum salutiferum.
0802401b  Corde, voce hic applaude Victa proditoris fraude Plebs et psalle laeta laude Clarum melodiferum.
0802402a  Anguis suadet, homo mordet Malum, malo mali sordet, Morsu quem passus remordet Arte cum simillima,
0802402b  Qui natus se mundo pandit, Puro velle crucem scandit, Crucis quadris se expandit Ove pro centesima.
0802403a  Est olivae, cypressinum, Palmae lignum et cedrinum Crucis genus hoc bis binum Nullo visum nemore.
0802403b  Manna, vinum, purga mentes Signum crucis proferentes Mundi fluctus per prementes Vitae locans arbore.
0802500   De sancta Cruce.
0802501a  Gaude novo gaudio, Crux sancta, quae proprio Decoraris filio Summi regis;
0802501b  Tu glosa legalium, Finis et initium, Componens mysterium Novae legis.
0802502a  Reorum supplicium Quondam, nunc refugium Nostrum et praesidium Speciale.
0802502b  Tu sigillum proprium Regis et fidelium In te confidentium Generale.
0802503a  Sputa, clavi, lancea, Livor, caro rubea Et corona spinea, Fel, arundo,
0802503b  Acetum et spongia Vexilla sunt regia, Lapso restaurantia Vitam mundo.
0802504a  A morte nos inferi Et a culpa veteri Dives junctus pauperi Per te sanat,
0802504b  Dum ex ejus vulnere Perforato latere Sanguis, unda munere Sacro manat.
0802505a  Moestorum solatium, Robur laborantium, Vim repellens hostium Malignorum,
0802505b  Per te Christi passio, Per quam fit remissio, Jungat nos consortio Angelorum.
0802600   De sancta Cruce.
0802601a  Dulce lignum, lignum vitae Venerari convenite Salvi ligni pretio,
0802601b  Hoc de ligno liquor fluxit, Virus mortis qui destruxit Nos solvens exitio.
0802602a  Ligno crucis fabricatur Arca Noë, qua salvatur Mundus a miseria,
0802602b  Crucis ligna sunt signata, Quando prole conservata Ovis fuit hostia.
0802603a  Servos tuae crucis, Christe, Mundi maris duc per triste, Crucifer, naufragium,
0802603b  Nosque tibi, qui litatus Vivis, vivum fac placatus Fore sacrificium.
0802604a  Haec est virga, quae magorum Vorat hydras, quas eorum Fecere praestigia,
0802604b  Haec utrumque signans postem Saevum domo fugat hostem Servans primogenita.
0802605a  Mundi salus, fac serpentis Declinare nos nocentis Venena mortifera,
0802605b  Et signatos tua cruce Ferientis nos a truce Defende saevitia.
0802606a  Aqua dulcis fit in Marah Nec ut prius est amara Ligni adminiculo,
0802606b  Crux est virga, quae percussit Silicem bis et excussit Rivum vivum saeculo.
0802607a  Quod in nobis est amarum, Deus, dulce fac et sanum Tuae crucis gratia,
0802607b  Educ fontem lacrimarum, Inspirator, de nostrarum Mentium duritia.
0802608a  Crux est sacri stipitis Index anguis typicus, Quo pestiferis hominum Genus sanat morsibus.
0802608b  Christiani militis Parma, fulmen hostibus, Crux salus in periculis Dans triumphum regibus.
0802609a  Quae collegit duo ligna, Visitari fuit digna Prophetae praesentia,
0802609b  Haec sunt ligna crucis sanctae, Christus cibus, quo se dante Pascitur ecclesia.
0802610a  Vere verus qui propheta, Qui bonorum dux et meta, Clemens tuae crucis laeta Suscipe praeconia;
0802610b  Quos ex limo procreasti, Quos in carne visitasti Et in ligno liberasti, Vultu tuo satia.
0802611a  Carnem nostram sic confige Vitiisque crucifige, Signo Thau nos inscribe, Quae nociva sunt elide Regens in praesentibus,
0802611b  Ut compassi dum luctamur Et in lucta praegravamur, Conregnare mereamur, Pie Christe, te precamur, Tecum in coelestibus.
0802700   De sancta Cruce.
0802701   Ave, praeclara crucis ara, pro mundi filio litando Dei parata.
0802702a  Euge, clavis David, qua reseravit Cherubim sedato, romphea flammea cassa propulso coelum protoparenti.
0802702b  Verus veri thronus crux Salomonis praeelecta, in quo corrector orbis terrarum indutus carne Deus regnaret.
0802703a  Te lignum vitae, praesignavit arca Noe, perituro salutis fore refugium unicum saeculo.
0802703b  Te signum pacis videndo pacti foederis recordatur offensus irasci nesciens pater omnipotens.
0802704a  Tu, dulce signum, anguem aeneum verum Israelitas igniti serpentis a morsu damnosa curans detulisti.
0802704b  Tuque pharetra tensa venatione suavissima nos benedicenti filios Isaac summo obtulisti.
0802705a  Te quondam obediens bajulus verus veri Abrahae filius, gessit humeris ipse mactandus, sed verbi impassivi vice en aries nostrae passibilis carnis sacrificatur haerens almae crucis vepribus.
0802705b  Hic botrus Cypri dilectissimus, delatus coelo Israelitis, solus torcular crucis calcavit amarae, ut electi sanguinem uvae bibant meracissimum. Jesu bone, nos illo potu vivifico recrea.
0802706a  Fac dulce, marath quod in deserto lignum praemonstravit, crucis tuae meditatione disciplinae jugum et degustare tecum calicem contribulationis.
0802706b  Fac meabile, ne nos involvat, vorax mundi mare, decantare reconciliatos salutari semper et triumphali cruci cantica congratulationis.
0802707a  Salve, crux, Jesu tam sancto consecrata cruore.
0802707b  Salva nos, pro nobis tanto decorata decore.
0802708a  Devoti cum Heraclio feramus in hoc saeculo crucis imaginem.
0802708b  Qua stratus hostis jaceat, supernae nobis pateat porta Jerusalem;
0802709   Christianismi, Christe, cum veneris judicare mundum universum, tuoque crucis almae famulos fac munimine gaudere.
0802800   De sancta Cruce.
0802801a  Celebria solemnia Celebrat ecclesia,
0802801b  Gaudet, quia sunt omnia Plena crucis gloria.
0802802a  Serpens quod aeneus Est erectus Ad adspectus, Crucis signat mysteria.
0802802b  Nam rebus typicis Inumbrata, Revelata Crux claruit in gloria.
0802803a  Crux scalae summitas Coelis par est, Descensus, ascensus Angelis hac est.
0802803b  Crux coeli civibus Aequat ima, Cum primis ut prima Sunt novissima.
0802804a  Cruce pendens hostia Mortis imperia Triumphavit;
0802804b  Anguis suo sanguine Purgans a crimine Mundum lavit
0802805a  Hostis subactus, Nam patri factus Placens Christus hostia.
0802805b  Hac sublimatus Et immolatus Ad se traxit omnia.
0802806a  Sanguine sunt signatae Domus, quae sunt salvatae, Angelus cum repente Vastaret omnia.
0802806b  Reserat undas maris Crux ligni salutaris Moyse dividente Cedunt maria.
0802807a  Coccina prodita Raab non fuit perdita,
0802807b  Firmo sed vinculo Dei juncta cum populo.
0802808a  Res mutavit vices, Undas silices Dant et aquae dulcorantur Lignoque sanantur.
0802808b  Plebs, pestifera Clade libera, Caedibus non est oppressa, Thau quibus impressa.
0802809a  Crux Romanis Dedit ducibus Victoriam.
0802809b  Thraces, Medos, Persas subdit Et Indiam.
0802810a  Romae naves mersit Cum duce Maxentio.
0802810b  Crux triumphos dedit Nobiles Heraclio,
0802811   Crux salus aeterna, Pax superna.
0802900   In Paschate.
0802901   Haec est dies, quam fecit pater Christi perennis.
0802902a  De Styge qua redit sol verus.
0802902b  Nunc omnes laetemur in ea.
0802903a  In ea nam pascha nostrum Christus immolatus est pro nobis.
0802903b  Qui simul hostia fuit et sacerdos et regum rex solus.
0802904a  Cujus triumpho solvimur vinculis tartarei saevi tyranni.
0802904b  Cujusque dante gratia filii Dei patris esse valemus.
0802905a  Epulis hodie paschamur, quas non inflet vetus fermentum.
0802905b  Azimae sed fiant et miti veritatis melle sinceres.
0802906a  Te nunc poscimus, omnium Deus exercituum et perpes imperator,
0802906b  Ut nos facias per tuum natum, mortis victorem, victores barbarorum.
0802907a  Et quem sancta celebrat jugiter melodiis laus angelorum,
0802907b  Non nos vetet etiam rabies perfida te semper laudare,
0802908   Trine et indivise Domine.
0803000   In Festo Paschatis.
0803001a  Morte Christi celebrata Adest nobis dies grata, Comedamus azima,
0803001b  Rege victo tenebrarum Ritus perit victimarum Et est Christus victima.
0803002a  Sacerdotis manus tractat, Quem crudelis lictor mactat Et plebs mali conscia,
0803002b  Morti datur homo Deus, Ut resurgat homo reus Ad aeterna gaudia.
0803003a  Mors illius nostra vita, Ejus morte mors avita Jam meretur veniam;
0803003b  Nunc in illo delectare, Qui est bonum singulare, Rex apponat gratiam.
0803004a  Pascha novum immolatur, Et peccator invitatur Ad tergendas maculas,
0803004b  Morte Christi nos renati, Properemus invitati Ad coelestes epulas.
0803005a  Ovis ducta ad macellum Nostrum in se tulit bellum Ovem quaerens perditam,
0803005b  Gigas noster hostem stravit Humerisque reportavit Ovem sibi redditam.
0803006a  Qui sub morte tenebantur, Vita duce liberantur, Nuda gemunt tartara.
0803006b  Homo gaude sic reductus, Consoletur tuus luctus Dulci sono, cithara.
0803007a  Samson ille Gazam vastat Et in monte crucis astat Secum ferens spolia,
0803007b  Agnus noster portas fregit Infernales et subegit Regna mortis fortia.
0803008a  Israelem in Aegypto Pharaone circumscripto Serpens salvat aeneus,
0803008b  Sponsam suam ab inferno Regno locans et superno Noster traxit Orpheus.
0803009a  Eia paschalia Recolamus gaudia,
0803009b  Nimia laetitia Concrepet ecclesia.
0803010a  Nunc in mensa vitae ducis Commedamus cum lactucis Carnes agi mysticas,
0803010b  Toleremus et amara Possessuri luce clara Mansiones coelicas.
0803011a  Haec est, inquam, laeta dies, Animarum grata quies Et quam fecit Dominus;
0803011b  Exsultemus promissorum Quantitatem praemiorum Recepturi cominus.
0803012a  Sit laus Christo resurgenti, Deo vivo et viventi Per aeterna saecula;
0803012b  Eapropter mente pia Decantemus Alleluia Cordis voce sedula.
0803100   De Paschate.
0803101a  Illuxit dies, quam fecit Dominus, mortem devastans et victor suis apparens dilectoribus vivus.
0803101b  Primo Mariae dehinc apostolis, docens scripturas, cor aperiens, ut clausa de ipso reserarent.
0803102a  Favent igitur resurgenti Christo cuncta gaudiis, flores, segetes redivivo fructu vernant et volucres gelu tristi terso dulce jubilant.
0803102b  Lucet clarius sol et luna, morte Christi turbida, tellus herbida resurgenti plaudit Christo, quae tremula ejus morte se casuram minitat.
0803103a  Ergo die ista exsultemus, qua nobis viam vitae resurgens patefecit Jesus.
0803103b  Astra, solum, mare jucundentur et cuncti gratulentur in coelis spiritales chori.
0803104   Tonanti.
0803200   Feria III. Paschatis.
0803201a  Cantu Christo diligenti Jubilemus, qui redempti Sumus ejus sanguine;
0803202b  Qui, cum patri sit aequalis Deus, fieri mortalis Voluit pro homine.
0803202a  De coeli missum solio Verbum sine principio Factum est in tempore,
0803202b  Vivificatur moriens, Jam mortem subit Oriens Pro mundi facinore.
0803203a  Hic est agnus ille Dei, Quo justificantur rei, Agnus inquam, quem Hebraei Immolant ad vesperum.
0803203b  Cujus cruor munit postes, Ut salventur inter hostes, Qui post dies Pentecostes Nil sentiant asperum.
0803204a  Ara crucis immolatur Haec salutis hostia, In sepulchro collocatur, Surgit die tertia, Miser homo reparatur Data sibi venia.
0803204b  O quam lignum pretiosum, Quo mors mortem diluit, O sepulchrum gloriosum, In quo vita jacuit, Dum infernum tenebrosum Frangens suos eruit.
0803205a  Princeps mortis quondam fortis Dum in pace fuerat,
0803205b  Fortioris vinctus loris Perdit, quos possederat.
0803206a  O triumphus inennarrabilis, De superbo triumphans humilis Distribuit spolia.
0803206b  Victor mortis solutis legibus Redit suis receptus sedibus Ad patrem cum gloria.
0803207a  Mira coelum laude sonat, Mira namque Christus donat Hominibus munera,
0803207b  Carnem diu captivatam Hoste victo liberatam Locat super aethera.
0803208a  Te rogamus ergo, Christe, Ut repellas, quidquid triste Suggerunt carnalia;
0803208b  Fac concives angelorum, Regna nobis dans coelorum Et aeterna gaudia.
0803300   Feria V. Paschatis.
0803301a  Angelica reboat symphonia
0803301b  Alogiens nimium laetabunda,
0803302a  Rex Sabaoth morte victa victor dum redit ad superna,
0803302b  Et captivata caterva felix penetrat poli ampla.
0803303a  Occurrit palatinus grex tympanizans Alleluja,
0803303b  Cherubim coetus omnis plebs ac Jerosolymitana.
0803304a  Supera, media et ima applaudant Domino cantica,
0803304b  Et nostra te, Christe, concrepent affabre tinnula tympana.
0803305a  Placeantque tibi, quaesumus, famulorum cantica,
0803305b  Quatenus te pium videre mereamur in aethra.
0803306a  Tu nostra relaxans pectora
0803306b  Uranica donans gaudia
0803307   Pollens per saecula cuncta.
0803400   De Ascensione DN.
0803401a  Ecce novum gaudium, In quo pater omnium Ad coeli palatium Transfert unigenitum.
0803401b  Quem de pura virgine Sub humana specie Mediante pneumate Genuit deifice.
0803402a  O mira solemnitas, In qua diva caritas Pandit, quae sit trinitas, Quaeve diva unitas,
0803402b  Dum pater in filio Et sancto paraclito In coeli propatulo Lucet absque nubilo.
0803403a  Hinc sanctorum animae, Hinc voces angelicae Psallunt dulci carmine: Laus sit tibi, Kyrie.
0803403b  Nulla meus concipere Potest nec vox promere, Quantae sint deliciae In domo tua, Domine.
0803404a  Ibi lux et claritas, Splendor et amoenitas, Mentium tranquillitas Et amoris puritas.
0803404b  Gaudiorum unitas, Voluptatum paritas, Cordium jucunditas Et miranda caritas.
0803405a  Amor et benignitas Et bonorum largitas, Olfactorum suavitas Et optata castitas.
0803405b  Laudum assiduitas, Odiorum raritas, Sanitatum sanitas, Horum perpetuitas.
0803406a  Hic sanctus sanctorum Choris angelorum Nec non electorum Dat locum locorum.
0803406b  Ibi canticorum Cantum dant sonorum Ante suum thorum Saeclis saeculorum.
0803407   O pater ingenite, Fili unigenite.
0803500   In festo Pentecostes.
0803501a  In valle miseriae Jucundetur hodie Novis donis gratiae Cor cum ore,
0803501b  Dum linguarum specie Replet ignis sacie Doctores ecclesiae Novo more.
0803502a  Lex quod vetus tacuit, Ipsos loqui voluit, Quos in linguis imbuit Lex amoris.
0803502b  Nam indoctos docuit, Ut repente sonuit, Quod in monte tonuit Lex timoris.
0803503a  Orbis mox in spatio Verbo fantur vario Super testimonio Salvatoris;
0803503b  Fervent desiderio, Frui Dei filio, Gaudent de supplicio Vi amoris.
0803504a  Mirabilis facula, Quae succendit saecula Pia per spiracula Gratiarum.
0803504b  Dissolvit piacula, Exclusit umbracula, Detexit oracula Prophetarum.
0803505a  Veni, sancte spiritus, Nobis sis paraclitus, Nos ut mundes funditus A peccatis.
0803505b  Deitatis digitus Amor summe placitus, Nos fac frui coelitus Cum beatis.
0803600   Feria IV Pentecostes.
0803601   Christe, Salvator, Jesu, El, Alpha et Omega, eja.
0803602a  Elohim, Elohe, Adonai, Sabaoth, Ia.
0803602b  Sadai, Robustus, Kyrios, Elom, Fortis, Vita.
0803603a  Tetragrammaton, Joth, Vau, Het, Deus, Dominus, Via.
0803603b  Sol, Eje, Eser, Messias, qui est Soter, Veritas.
0803604a  Unctus homo, Usion, Excelsus, Imago, Magister, Figura.
0803604b  Mediator, Brachium, Os, Verbum, Sacerdos, Manus, Flos, Propheta.
0803605a  Primogenitus, Invisibilis, Principium, Mons, Lapis, Aries. Aquilla.
0803605b  Emmanuel, Agnus, Ovis, Hoedus, Vitulus, Leo, Serpens, Fundamentum, Petra.
0803606a  Panis, caro, vitis, ostium, Sapientia.
0803606b  Lux, Splendor, Vitis, Oriens, Fons, Veritas, Janua.
0803607a  Incorruptibilis, Aeternus, Immortalis, Incommutabilis, Gloria.
0803607b  Impossibilis, Summus, Bonus, Unigenitus, Virtus, Oriens, Trinitas.
0803608a  Imploramus supplices humiles ab universis majestatem tuam maximam.
0803608b  Insidiis defende zabuli nosque custodi, ut semper tua praeconia
0803609a  Referentes, denique exsultantes laudibus poli excelsa
0803609b  Conscendere, gaudere in sanctorum civium ibi agmina,
0803610a  Caritate jucunda perfrui mereamurque in gloria.
0803610b  Gratulanter te Deum cernentes adoremusque in gloria.
0803611   Laus tibi, honor atque virtus sit per infinita, Amen, saecula.
0803700   De corpore Christi.
0803701a  Laureata plebs fidelis, Sacramenta Christi carnis Sume, regis gloriae,
0803701b  Qui cum regnans sit in caelis, Cum effectu suae mortis Se praebet quotidie.
0803702a  Ut pretium pro peccatis Fiat virtus passionis Et augmentum gratiae,
0803702b  Missa confert ista nobis; Ergo digne fit solemnis Missae cultus hodie.
0803703a  Hoc signavit vitae lignum Melchisedech panem vinum, Ut placeret trinum-unum, Offerens altissimo;
0803703b  Aser quoque pinguis panis Delicias dans regibus, Nam regalis est hic cibus Pane sacratissimo.
0803704a  Et hoc quidem designavit Agnus sine macula, Quem edendum immolavit Quondam lex Mosaica.
0803704b  Agnus legis jam cessavit, Supervenit gratia, Christi sanguis dum manavit Mundi tollens crimina.
0803705a  Caro cujus tam serena Nobis esca fit amoena Fidei mysterio,
0803705b  Quam proinde manna caeli Figuravit Israeli Nobili praesagio.
0803706a  Esca fuit temporalis In deserto datum manna, Christus panis est perennis Dans aeterna gaudia.
0803706b  Hic est panis salutaris, Per quem datur vita nobis, Hic est calix specialis, Cujus potus gratia.
0803707a  Hic et esus pauperum, Nullum quaerens pretium Sed mentes fidelium, Pacis praebens copiam.
0803707b  O dulce convivium Supernorum civium, In terris viaticum Nos ducens ad patriam.
0803708a  Vitae via, lux perennis, Satians refectio, Christe, confer vitam nobis Hoc sacro convivio.
0803708b  Ut aeterno cum supernis Perfruamur gaudio, Quod ostendet deitatis Manifesta visio.
0803709a  Vive panis, vivax unda, Vera vitis et fecunda, Vitae da subsidia,
0803709b  Sic nos pasce, sic nos munda, Ut a morte nos secunda Tua salvet gratia.
0803710a  Jam effectus tuae mortis Nos emundet a peccatis Per missae mysteria;
0803710b  Summae templum trinitatis, Sempiternam confer nobis Gloriam in patria.
0803711a  Jesu, decus angelorum, Spoliator infernorum Humili victoria,
0803711b  Honor coeli, lux sanctorum, Saluc mundi, fons bonorum, Tibi laus et gloria.
0803800   De Corpore Christi.
0803801a  Nunc, fideles, jubilate Tota mentis puritate Praeclara solemnitate Dominici corporis,
0803801b  Cujus alma caro cibus, Sanguis sacer potus, quibus Satiata digne tribus Sordes linquit pectoris.
0803802a  Hoc coeleste condimentum, Vitae fons et fulcimentum, Virtutum fert incrementum Pie degustantibus.
0803802b  Illos morbus non enervat, Esus iste quos conservat Et victores coacervat Coelicis agminibus.
0803803a  In hoc quidem sacramento Sumitur, ita memento, Qui sub nostro tegumento Natus fuit virgine;
0803803b  Christus Deus, homo verus, Vivus, integer, sincerus, Cujus cum populo clerus Illustretur lumine.
0803900   De ss. Sacramento.
0803901   Victimae perenni laudes immolant Christiani.
0803902a  Quam solemnis hostia Deo, cujus gratia Reconciliantur peccatores;
0803902b  Cujus caro Domini Cibus, potus homini Fiunt, ut his Deo regnet vivus.
0803903a  Hostia tam pia Dux sit nobis in via, Ut his pasti sacramentis Cives simus Christi resurgentis.
0803903b  Angeli coelestes Sacramenti sunt testes, Quod non est opus humanum Sed Dei virtus atque arcanum.
0803904a  Credendum est in hoc soli fidei veraci Non sophistarum verbo fallaci.
0803904b  Pastor bone, panis vitae, nos pasce, tuere Plebique tuae tu miserere.
0804000   De ss. Sacramento.
0804001   Victimae corporis Christi dent laudes Christiani
0804002a  Et sanguinis ejus, Quo nos innocens patri Reconciliavit peccatores.
0804002b  Mortem vincens, vitam praebens In coeli hierarchia Collocat dextra nos in paterna.
0804003a  Hoc corpus verendum Et sanguinem mysticum Reliquit nobis colendum Et mundo corde percipiendum.
0804003b  Angelica vita Per haec nobis reddita, Si corpus rite sumatur Et calix ejus digne bibatur.
0804004a  Istud corpus salvificum Et sanguinem vivificum Glorificemus et pure tractemus,
0804004b  Ut possimus vita frui Et corporis in gloria Jesum videre et conregnare.
0804100   In Dedicatione ecclesiae.
0804101a  Laetabundus Exsultet fidelis chorus Coeli curiae,
0804101b  Cum jucundus Ornatur reginae thorus Regi gloriae.
0804102a  In tali connubio Nubit lappa lilio, Soli stella,
0804102b  Cum miro consortio Animae fit unio Dei cella.
0804103a  Celebrantur hodie Christi et ecclesiae Castae nuptiae,
0804103b  Sicut jungit spiritum Homo Deo subditum Jugo gratiae.
0804104a  In hoc patrimonio Caro Dei filio Nupsit nobili,
0804104b  Ipse vero filius, Summus et eximius Cessit humili.
0804105a  Ima summus petiit Et sponsam expetiit, Quam de nigra gestiit Candidare;
0804105b  Fecit, quod disposuit, Quia foedam potuit, Quando sibi placuit, Emundare.
0804106a  Ancilla, propera, Ut fias libera Cum viro regnans sceptigera.
0804106b  Sponsum considera, Quem velat littera, Ipsum revelat fides vera.
0804200   In Dedicatione ecclesiae.
0804201a  Haec est domus Domini, Consecrata nomini Creatoris omnium;
0804201b  Haec in scala panditur, In qua sursum scanditur Juxta Jacob somnium.
0804202a  Ad hanc gentes confluunt, In hac dona defluunt Spiritalis gratiae,
0804202b  Panem, quem hic edimus, Christi carnem credimus, Qui saginat satie.
0804203a  Hic coeleste poculum Salutari populum Sacrat oblectamine,
0804203b  Angeli concivium Celebrant convivium Pio visitamine.
0804204a  Hic, quod pie petitur, Largiente metitur Deo nihilominus,
0804204b  Hic quaesitor reperit Coeli lumen, aperit Hic pulsanti Dominus.
0804205a  Laus usiae simplici, Sed personae triplici Jugiter hic panditur;
0804205b  Hic in Dei gloria Patriae memoria Mens devota tangitur.
0804300   In Dedicatione ecclesiae.
0804301   Concinens jubila, concio socia,
0804302a  Laudesque canora modulando musica
0804302b  Suave sonora fac haec penetralia.
0804303a  Quae hodie sacrata illi, quem nulla
0804303b  Fata claudunt, gaudia innuunt nostra
0804304a  Jam esse Christiana templum Dei agmina,
0804304b  Dicta apostolica comprobant veracia.
0804305a  Quod per se majestas ipsa dedicat altissima,
0804305b  Cum fide purgans sincera humana praecordia
0804306a  Flamine facit proprio flammantia
0804306b  Invicem vera caritatis copula.
0804307a  Ut his lapidibus vivis una templi surgat machina,
0804307b  In quo de singulis complacita viva fragret hostia.
0804308a  Haec est illa Hierusalem sancta de ceolo descendere visa
0804308b  Tamquam sponsa viro adornata, quae est et virgo ecclesia.
0804309a  Quae Christi est corpus, civitas, domus, templum et sponsa,
0804309b  Justus quisque membrum, hostia, lapis, proles, incola.
0804310a  Quibus angelica truma consocia perficietur domus illa coelica,
0804310b  Cujus familia Deum in saecula Laudando vivet largitori obnoxia.
0804311a  Gaudeant nostra intima atque pro tanta gratia largitori obnoxia obnixe grata rependant debita.
0804311b  Pangat igitur vox nostra, ut laudum reddendo vota simul cum patre devota plena jam coepta copiamus dona.
0804312a  Ergo, bone rex, in dextra patris beata Christe regna tenes, quae casta
0804312b  Sponsa tibi parit tua, tecum superna haereditate nobilita.
0804313a  Ut quos fides vera coaedificat una,
0804313b  In eis gloria perpes habitet tua
0804314   Amen, fiat, Alleluja.
0804400   Diebus dominicis.
0804401a  Stans a longe publicamus Flectit genu, cor et manus Erigit ad supera,
0804401b  Parce, inquit, mihi Deus; Sese jactat Pharisaeus Stans ex parte altera.
0804402a  Sed pensator meritorum Deus, qui solus scit, quorum Misereri debeat,
0804402b  Non audito Pharisaeo Facit, ut plus justus eo Publicanus redeat.
0804403a  Hic ab illo supplantatur, Dum sinistra cancellatur, Locum subit dexterae,
0804403b  Sic et ordo permutatur Apud Deum, qui placatur Non verbo sed opere.
0804404a  Nos invitat hoc exemplum, Ut intremus Christi templum Devoti et humiles;
0804404b  Detque nobis amor Christi, Ut hinc exeamus isti Publicano similes.
0804500   De Conceptione BMV.
0804501a  Ad honorem messiae, Qui natus est Mariae, Cantetur egregie Praesens prosa.
0804501b  Bene plena gaudio Stat mater a filio, Cujus est conceptio Gloriosa.
0804502a  Concepta carnaliter, Sancta spiraliter, Manet aeternaliter Pretiosa.
0804502b  Pro cujus virtutibus Est auctor in omnibus Unitas stans in tribus Generosa.
0804503a  Cujus incarnatio Est nostra salvatio, Criminum ablutio Nominosa.
0804503b  Finis est miseriae, Initium gloriae Et omnis laetitiae, Vernans rosa.
0804504a  Gaudeat ecclesia Pro tanta laetitia, Quam dat nobis Maria, Vitae glosa.
0804504b  Hodie concipitur, Per quam nobis dabitur, Quo pestis damnabitur Odiosa.
0804505a  Jesus finis omnium, Finis et principium Et virtus fidelium Gratiosa.
0804505b  Carissima domina, Suscipe precamina, Nostra dele crimina, Gloriosa.
0804506   Karolo qui gratiam Regi det et gloriam. Regina sit etiam Augmentosa.
0804600   De Nativitate BMV.
0804601a  Epithalamica dic sponso cantica, Intus quae concipis, dic foris gaudia, Et nos laetificans de sponso nuntia, Cujus te refovet semper praesentia.
0804601b  Adolescentulae, vos chorum ducite, Cum haec praecinerit, et vos succinite, Amici sponsi, vos vocarunt nuptiae, Et novae modulos aptemus dominae.
0804602a  In montibus hic ecce saliens, Ecce venit colla transsiliens, Per fenestram ad me respiciens, Per cancellas dixit prospiciens: Amica, surge, propera, Columba nitens, advola.
0804602b  Horrens enim hiems jam transiit, Gravis imber recedens abiit, Ver amoenum terrae aparuit, Parent flores et turtur cecinit: Amica, surge, propera, Columba nitens, advola.
0804603a  Rex in accubitu jam se contulerat, Et mea redolens narda spiraverat, In hortum veneram, in quem descenderat, At ille transiens jam declinaverat.
0804603b  Per noctem igitur hunc quaerens exeo, Huc, illuc anxia quaerendo cursito, Occurrunt vigiles, ardenti studio Quos cum transieram, sponsum invenio.
0804604a  Jam teneo, quod optaveram; Jam rideo, quae jam fleveram.
0804604b  Plus doleo, plus amaveram; Plus gaudeo, plus dolueram.
0804605a  Nocte flevi, mane risi, Flevi nocte, risi mane. Noctem insomnem amor duxerat, Quem venientem amor fecerat.
0804605b  Dilatione votum creverat, Donec amantem amans visitat. Planctus nocte, plausus die, Nocte planctus, die plausus.
0804606a  Eja nunc, comites et Sion filiae, Ad sponsae cantica psalmum adnectite,
0804606b  Quod moestis reddita sponsi praesentia Convertit elegos nostros in cantica.
0804607a  Quam fecit Dominus, haec est dies; Quam exspectavimus, haec est dies; Quam vere risimus, haec est dies!
0804607b  Hostes quae subruit, haec est dies; Quam psalmus praecinit, haec est dies; Quae sponsam suscipit, haec est dies!
0804608   Quae cuncta reparat, haec est dies; Veris amoenitas haec est dies; Vitaeque novitas haec est dies; Quam fecit Dominus, haec est dies!
0804700   In Nativitate BMV.
0804701   Virgo es sacra,
0804702a  O genitrix Maria, stella maris et fulgida;
0804702b  Te famina olim jam vatum dixerant venturam.
0804703a  Ex Jesse egressa radice, puerpera Dominum paritura
0804703b  Nec non et regia Davidis prosapia, fulgens ut sol et luna.
0804704a  Hodie te, virgo benigna, coelorum reboant agmina mundo natum,
0804704b  Atque tellus rite globosa omnis recinunt laudiflua cantica.
0804705a  Quae polorum viscera sacra regem gestans in tua,
0804705b  Ante partum virgo refulgens et post partem integra.
0804706a  Tu nostra laxa vincula dira, o regina, virginum lucerna.
0804706b  Pro nobis roga filium alta Deum pium sedulo sub astris.
0804707a  Ut suos famulos conservet, protegat ac foveat,
0804707b  Donando misertus coelorum regna semper praeclara.
0804708a  Per saecula cuncta atque ei carmina modulemur
0804708b  Sacra in gloria gaudentes aeterna, diu viventes
0804709   Ac jucundantes per tempora longa.
0804800   De Praesentatione BMV.
0804801a  Ab aeterno disponente, Sempiterna providente Dei sapientia.
0804801b  Uno nexu conjugatis Joachim et Anna gratis Juga sunt sterilia.
0804802a  Ex affectu cordis toto Duo et fideli voto Se strinxerunt pariter,
0804802b  Mox si prolem illis dare, Velit, illam dedicare In templo perenniter.
0804803a  Angelus mox adstitit, Qui utrumque docuit Sacra vota suscepta;
0804803b  Trinitatis gratia Concipitur filia Omnni carens macula.
0804804a  In utero consecratur, Miro modo generatur, Gignit mirabilius
0804804b  Altissimi patris natum Virgo manens, qui reatum Mundi tollit citius.
0804805a  O quam mirabilis Et quam laudabilis Annae fecunditas,
0804805b  Dum prolem edidit, Quae mater meruit Esse et filia.
0804806a  Benedicta virgo nata Templo trima praesentata In ter quinis gradibus,
0804806b  Quos erecta mox ascendit, Fulta fide apprehendit Templi penetralia.
0804807a  O quam digne sibi dari Diem hunc et consecrari Res inspecta praedicat,
0804807b  Universa tunc refecit, Dum in matre, qui nos fecit, Complet opus gratiae.
0804808a  Ecce virgo singularis, Quanta laude sublimaris, Quanta fulges gloria;
0804808b  Ergo nos sic tuearis, Ut fructu, quo gloriaris, Fruamur in patria.
0804900   De Annuntiatione BMV.
0804901a  Gabrielis suscepit nuntia Virgo plena gratia;
0804901b  Genitorem concepit filia, Parit viri nescia.
0804902a  Felix puerperium Angelis est gaudium, Miseris remedium Mortalibus;
0804902b  Per quod mors destruitur, Evae culpa tollitur, Paradisus redditur Exsulibus.
0804903a  Declarantur signa legis, Haec est thronus summi regis, Porta clausa Domini.
0804903b  Virga virens et pertingens, Sine rore fructum ferens Similatur virgini.
0804904a  Haec est fons dogmatum Et domus aromatum.
0804904b  Rosa convallium Singulare lilium.
0804905a  O mater, o virgo, Sancti spiritus Nobile sacrarium
0804905b  Fons horti, lux mundi, Nostri gemitus Unicum solatium.
0804906a  Tu spes una desperatis, Pia mater pietatis, Speciali castitatis Gaudes privilegio.
0804906b  O Maria, stella maris, Dignitate singularis, Tu, quae mundo dominaris, Preces offer filio.
0804907   Ut in praesenti gratiam, Post nobis det gloriam.
0805000   De Annunciatione BMV.
0805001   Gabrieli coelesti nuntio Jungatur haec concio,
0805002a  Dicens: Ave Maria, Cujus ad imperia Coelum, terra, maria Genu flectunt.
0805002b  Stupent, tuum uterum Profudisse tenerum, Deum tamen puerum, Mater virgo.
0805003a  Quis te cernens hunc lactare Fletus posset temperare Dono tactus pueri?
0805003b  Quam praedulces illae mammae, Quarum stillis illae flammae Restinguuntur inferi.
0805004a  Mirantur aethera, Panni tergunt scelera.
0805004b  Infantis lacrimae, Sordes lavant animae.
0805005a  O puer, o lactens, O fili virginis, Dei patris unice,
0805005b  Qui es dux, qui es lux, Qui es pax hominis, Supplicantes respice.
0805006a  Clarum sidus navigantum, Callis rectus non errantum, Redde gratae ac beatae Nos patriae.
0805006b  In qua regem in splendore Et te matrem in decore Sempiternae contemplemur Gloriae.
0805007   Per aeterna saecula.
0805100   De Annunciatione BMV.
0805101a  Angelus ad virginem Subintrans in conclave, Virginis formidinem Demulcens inquit: Ave; Ave regina virginum, Coeli terraque dominum Concipies Et paries Intacta, Salutem hominum Tu coeli porta facta, Medela criminum.
0805101b  Quomodo conciperem, Quae virum non cognovi? Qualiter infringerem, Quae firma mente vovi? Spiritus sancti gratia Perficiet haec omnia, Ne timeas Sed gaudeas Secura, Quod castimonia Manebit in te pura Dei potentia.
0805102a  Ad haec virgo nobilis Respondens inquit ei: Servula sum humilis Omnipotentis Dei, Tibi coelesti nuntio, Tanti secreti conscio, Consentiens Et cupiens, Videre Factum, quod audio, Parata sum parere Dei consilio.
0805102b  Angelus disparuit Et statim puellaris Uterus intumuit Vi partus virginalis. Qui circumdatus utero Novem mensium numero Hinc exiit Et iniit Conflictum, Affigens humero Crucem, quo dedit ictum Hosti mortifero.
0805103   Eja mater Domini, Quae pacem reddidisti Angelo et homini, Cum Christum genuisti, Tuum exora filium, Ut nobis se propitium Exhibeat Et delcat Reata, Praestans auxilium, Vita frui beata Post hoc exsilium.
0805200   De Visitatione BMV.
0805201a  In his solemniis Visitationis Mariae Virginis Dicat plebs fidelis: O mundi spes, ave!
0805201b  Mater humilium Vae tulit gentium, Dedit, dum fit pium Aver per angelum, Et pro Eva Ave.
0805202a  Nempe pro femina Redditur femina, Prudens pro fatua, Mitis pro superba, Virgo pro lasciva.
0805202b  Quae mortem abstulit, Quam illa intulit, Et, quam haec perdidit, Vitam restituit Deumque placavit.
0805203a  Cum plena salute Ventre sis et ore, Dic prior cognatae: Salus venit ad te Quod est dictum Salve.
0805203b  Respondeat, Ave Maria, nam per te Fugatur omne vae, Quod ex muliere Venit orbi terrae.
0805204a  Exsurgens festina Visitans montana, Clamat et cognata, Quod sis gravidata Sed viri nescia.
0805204b  Nam partum virgini, Spiritum sterili, Gaudium infanti Deus dat, angeli Congaudent homini.
0805205a  Eja, virgo pia, Misce sata tria: Deum peccatori, Gratiam homini, Nos aeternitati.
0805205b  Et a miseria Duc ad coelestia, Angelis socia Atque perpetua Da frui gloria.
0805300   In Visitatione BMV.
0805301a  Mittit ad sterilem Non quemvis nuntium Sed suum angelum Luce refulgentem Amator hominis.
0805301b  Miratur et credit Et laeta concipit Dei genitricem, Quam gaudens peperit Cunctis amabilem.
0805302a  Virgo singularis Manet in abdito Mentis, servi Deo Canticis et hymnis Mundo profutura.
0805302b  Castum propositum Voto confirmavit, Angelos meretur Habere consortes Nostra reparatrix.
0805303a  A summo cardine Mittit archangelum, Audit et suscipit Puella nuntium, Credit et concipit.
0805303b  Festinat gravida Virgo puerpera, Visitat sterilem Matrem praecursoris, Res ineffabilis.
0805304a  Mundi redemptorem Peperit intacta, Gaudium angelis, Pretium hominum Victisque triumphum.
0805304b  Humilis infantem Deo repraesentat, Illi munus offert, Quod lex praeceperat, Hoc senex excipit.
0805305a  Mundi dominatrix, Choros angelorum Transcendit assumpta, Regina coelorum, Dei mater alma.
0805305b  Illic hanc cathedrat Virginem filius, Imponit coronam Super caput ejus Ad gloriam Dei.
0805306a  Ista mirifica Plebs tua celebrat, Tibi mente psallit Et voce jubilat, Mater orphanorum.
0805306b  Pro nobis obtine, Genitrix, veniam, Reatum dilue Et dona patriam In arce siderum.
0805400   De Compassione BMV.
0805401   Salve Maria, Christi parens intacta, gladio doloris intus transfixa
0805402a  Quem Simeon quondam corde praesago cecinit futurum tibi, qui tenuit gaudens dulcem filium suis in ulnis.
0805402b  Tuque in cubili pectoris casti verba haec servabas, intus tamen ruminabas valde pudenter, virgo beata.
0805403a  At ubi natum Herodes statuit tuum trucidare, petisti Aegyptum passura triste exsilium.
0805403b  Nec brevi mora fovit te tellus hospita non oblitam indigna tyranni odia quaerentis filium.
0805404a  Post tui tandem ex Aegypto reditum amissum triduo quaesisti natum lacrimis faciem rigans speciosam.
0805404b  Augentur post haec, o mater, angustiae, ubi persequuntur agnum Judaei, sanguinem ejus ut lupi sitientes.
0805405a  Hinc dum tristis oravit ad patrem, discipuli dolis est traditus, vincitur idem, quem es enixa propitiationis agnus regnans cum patre aeternaliter, pro nobis immolandus in ara crucis poenaliter
0805405b  Hinc captus heu ut latro ducitur, blasphematur atque conspuitur, suffert alapas atque flagella, spinas clavos et crucem flensque vidisti mortem diram filii; ora, virgo, illius non sacro sanguine ablui.
0805406a  Fac tecum quoque vulnera Jesu moesti speculemur, fleamus plangamusque semper, tanti memoriam beneficii pectoris in secreto contineamus.
0805406b  Fac nos, petimus, hoc obtinere, quod genitor bonus, quod natus intendebat pius, et quod mater sancta humano generi lapso stans sub cruce supplex optabas.
0805407a  Audi nos propter vulnera dulcis nati, Maria.
0805407b  Salva nos, Jesu, pro quibus supplicat mater pia.
0805408a  Da crucis esse socios, quos mundi fallens vanitas effecit impios.
0805408b  Ut in aeterna gloria gloria tibi victori mortis conregnemus Domino.
0805409   Quem pater ante saecula genuit, quem virgo prorsus inviolata mortali circumamictum carne in orbem istum duxit.
0805500   De Compassione BMV.
0805501a  Gemebundus Mariae decantet clerus Voce pia,
0805501b  Quam confixit Novus dolor, verus amor, Res miranda.
0805502a  Angelus consili Oblatus Deo patri, Sol de stella;
0805502b  Simeonem adiens, Nati poenam audiens, Voce clara.
080553a   Fugit mater odium Herodis in Aegyptum Pari forma,
0805503b  Paupertatem tenuit, Mater parum habuit Haec corrupta.
0805504a  Cedrus alta balsami Perdit mater unicum Valle nostra,
0805504b  Verbum patris coelici Portat crucem debili Carne sumpta.
0805505a  Mater cernit filium et crucis patibulum, Oculorum rivulis Erat caeca.
0805505b  Sinum pandit filio, Ipsum volvit linteo Multis cum gemitibus, Haec praedicta.
0805506a  Dilectrix unica, Jam vera orphana Natum sepelit, Gens misera.
0805506b  Frater, considera, Haec est miseria, Quantum haec pertulit Puerpera.
0805600   De Compassione BMV.
0805601a  Verbum patris aeternatum, Ex Maria incarnatum, Laudet nostra concio,
0805601b  Dulcis auster nam perflavit, Aquilonem dum prostravit Spiritali nuntio.
0805602a  Mirum virgo profert florem, Granum fulvum in decorem Pro parentum crimine,
0805602b  Quod contusum et expressum Mente pura indefessum Fera gens fert minime.
0805603a  Turpi turba nam velatur Ac a Juda osculatur Matre sancta nescia,
0805603b  Redempta mox Johannes sindone Bethaniam adivit propere, Flenda nova nuntiat.
0805604a  Corda simul quatiuntur, Haec horrenda dum panduntur, Agon ingens properat;
0805604b  Deitatem vanitas, Mitem turbat feritas, Ferme fides haesitat.
0805605a  Mater, Martha, Magdalena Simul petunt fide plena Atria pontificis,
0805605b  Patris splendor quo turbatur, Rictus oris demonstratur Artubus deificis.
0805606a  Sancta cervix castigatur, Ut peccator redimatur
0805606b  Diva mater dum respexit, Vinctum, caesum, quem dilexit, Ac turbatum sputulis.
0805607a  Gemit, plangit praeamare, Mallens caro properare Nequit prae complicibus,
0805607b  Crucis morti dum addictus Christus princeps benedictus Exit crucis bajulus.
0805608a  Qui dum matrem intuetur Ac pudice reveretur, Cadit facietenus,
0805608b  Nam flagellis tormentatus, Nocte, die castigatus Expers est a viribus
0805609a  Demum surgit crine tractus, Pugno mactus, clavo tactus Ab infecta turmula;
0805609b  Non est dolor neque poena Compar huic, quam serena Tulit cum decentia.
0805610a  Carne Christus conclavata, In agone tormentata, Mater sancta commendata Caro est discipulo;
0805610b  Quae dum vidit moriturum Ac a mundo recessurum Jesum, optat, hunc daturum Protectorem populo.
0805611a  Fili, dulcor supernorum, Quamvis plenus tormentorum, Curam gere orphanorum In valle miseriae.
0805611b  Non te linquam, pia mater, Vocat me e mundo pater, Tu, matrona et commater Apexque clementiae.
0805612a  Ergo mater et matrona, Coeli terraque corona, Confer nobis Christi dona, Cuncta sistunt in te bona Sempiterni delubri.
0805612b  Es quae virgo coeli porta, De qua vera lux est orta, In agone nos conforta, Ut a seris et a porta Eruamur inferi.
0805700   De Doloribus BMV.
0805701a  Salve virgo generosa Et regina gloriosa Coelestis militiae,
0805701b  Praeelecta vernans rosa, Mater quondam dolorosa In valle tristitiae.
0805702a  Ferit gladius doloris Plenum divi cor amoris Senis vaticinio
0805702b  Complectentis sacram prolem, Hinc sensisti verbi molem Pectoris in scrinio.
0805703a  Ast Herode saeviente Dulcem natum tu repente, Virgo mater tenera,
0805703b  In Aegyptum pertulisti Per desertum et nutristi, Qui creavit aethera.
0805704a  Inde quaesiisti filium Florentem sicut lilium Doctorum in medio
0805704b   Anno ejus duodeno, Plenum dogmate sereno, Jam amissum triduo.
0805705a  Captum, caesum, coronatum, Morti sciens judicatum, Videns in angustiis,
0805705b  Ligno crucis oneratum, Se dum graditur oblatum Pro nostris flagitiis.
0805706a  Ades cruci redimentis Jesu flentis, morientis Transfixa carne pura;
0805706b  Dolores, quos parturiens Evasisti, jam sustinens Extortos cum usura.
0805707a  Hora tandem vespertina Mundi clara medicina Jam exstincta redditur
0805707b  Tibi matri deplangenti, Corpus fossum intuenti, Dum in sinu volvitur.
0805708a  In sepulchro collocatur, Cor maternum anxiatur, Cum illic abigeris;
0805708b  Suspice nos commendatos, Dulci filio fac gratos Et conjunge superis.
0805800   De beata Maria Virgine. (Tempore paschali)
0805801a  Stabat juxta Christi crucem, Stabat videns vitae ducem Vitae valefacere,
0805801b  Stabat mater nec jam mater, Et quid sit eventus ater, Novo novit funere.
0805802a  Stabat virgo spectans crucem Et utramque pati lucem, Sed plus suam doluit,
0805802b  Ista stabat, hic pendebat, Et quod foris hic ferebat, Intus haec sustinuit.
0805803a  Intus cruci conclavatur, Intus sui jugulatur Mater agni gladio,
0805803b  Intus martyr consecratur, Intus tota concrematur Amoris incendio.
0805804a  Modo manus, modo latus, Modo ferro pes foratus Oculis resumitur,
0805804b  Modo caput spinis tutum, Cujus orbis totus nutum Et sentit et sequitur.
0805805a  Os verendum litum sputis Et flagellis rupta cutis Et tot rivi sanguinis,
0805805b  Probra, risus et quae restant, Orbitati tela praestant Et dolori virginis.
0805806a  Tempus nacta trux natura Nunc exposcit sua jura, Nunc dolores acuit,
0805806b  Nunc extorquet cum usura Gemitus, quos paritura Naturae detinuit.
0805807a  Nunc, nunc parit, nunc scit vere, Quam maternum sit dolore, Quam amarum parere,
0805807b  Nunc se dolor orbitati Dilatus in partu nati Praesentat in funere.
0805808a  Nunc fit mater, sed doloris, Servat tamen hic pudoris Virginalis gratiam,
0805808b  Nam pudicos gestus foris Non deflorat vis doloris Intus urens anxiam.
0805809a  Triduanus ergo fletus Laeta demum est deletus Surgentis victoria,
0805809b  Laeta lucet spes dolenti, Leto namque resurgenti Conresurgunt omnia.
0805810a  Christi novus hic natalis Formam partus virginalis Clauso servat tumulo,
0805810b  Hinc processit, hinc surrexit, Hinc et inde Christus exit Intacto signaculo.
0805811a  Eja mater, eja laeta, Fletus tui nox expleta Lucescit in gaudium,
0805811b  Nostrae quoque laetum mane Nocti plus quam triduanae Tuum redde filium.
0805900   De beata Maria Virgine. (Tempore paschali)
0805901a  Stabat juxta Christi crucem Videns pati veram lucem Mater regis omnium;
0805901b  Vidit caput coronatum Spinis, latus perforatum, Vidit mori filium
0805902a  Vidit corpus flagellari, Manus, pedes perforari Mitis a crudelibus,
0805902b  Vidit caput inclinatum, Totum corpus cruentatum Pastoris pro ovibus.
0805903a  Vidit potum felle mixtum, Natum suum crucifixum Gubernantem omnia,
0805903b  Ipsum pati haec flagella Vidit mater et puella, Vidit et opprobria.
0805904a  Audit virgo haec dicentem Natum suum innocentem: Ecce mater, filius.
0805904b  Pati virgo vidit natum, Dicentem: Est consummatum, Et sic transit gladius.
0805905a  In dolore tunc fuisti, Virgo mater, dum vidisti Mori tuum filium,
0805905b  Dolor ingens dolor ille, Dicent sancti plus quam mille, Praecessit martyrium.
0805906a  Virgo mitis, virgo pia, Spes reorum, vitae via, Virgo plena gratia,
0805906b  Roga natum et implora, Servis tuis sine mora Nobis dari gaudia.
0806001a  Gaude, virgo gloriosa, Ex stirpe nata Davidica, Scripturarum vera glosa, Et pecatorum spes, Maria.
0806001b  Praebe laudes personare, Gaudita tua decantare, Nulla vox nec lingua quare Plene te sufficit laudare.
0806002a  Gaude, cum angelo faris, A pneumate fecundaris, Lucidior es stella maris Et verus splendor solaris.
0806002b  Ave cum gratia plena Cepisti mente serena Et concepisti filium, O quantum tibi gaudium.
0806003a  Gaude, Engaddina vitis, Culta pulchris margaritis, Botrum dulcem paris, mitis, Fugantem malum aspidis.
0806003b  Porta tunc Ezechielis Clausa fuisti fidelis, Quando creator de caelis Exivit claustris non laesis.
0806004a  Gaude, quod tres magi sagi Tribus donis bonis quaerunt, Auram, thus, myrrham ferentes,
0806004b  Deum verum, natum gratum, Tuum, suum regem, legem Viae a stella rimantes.
0806005a  Gaude, quod ad templum isti, Natum tuum obtulisti, A vidua didicisti Et a propheta audisti
0806005b  Benedictionem dictam; Suspendamus prophetiam De laesione gladii Jam tempore gaudii.
0806006a  Gaude, Christi victoria Figitur in memoria, Cum leo de tribu Juda Surgit a mundi scoria.
0806006b  Contra Gabaon sol stetit, Cum Christus victor extitit, Phlegetontis antra trivit, Dum a morte resurrexit.
0806007a  Gaudent supernorum cives, Quando natus tuus dives Mox aethera transilivit Arcem coelique transcendit.
0806007b  Tibi, o Virgo Maria, Ingentia tunc gaudia Per filium sunt impressa, Qui transvolavit aethera.
0806008a  Gaude, virgo, quater seni Tibi psallunt laude pleni, In ascensu tuo leni Ad coelos, dic mihi: veni
0806008b  Ad tam dulcia gaudia Atque sonora cantica; Sic nos barathri squalida Non trucidant per saecula.
0806100   De gaudiis beatae Mariae V.
0806101a  Rosa, gaude salutata, Novo more fecundata Mira Dei gratia;
0806101b  Rosa, regem saeculorum Pariens et angelorum, Gaude, gaudent omnia.
0806102a  Rosa, gaude stella quaerunt Regem reges, dona ferunt, O regina, jubila;
0806102b  Rosa, gaude, offers natum, Laudat pater baptizatum, Deus vivus proditur.
0806103a  Rosa, gaude, resurgentem Cernis natum, te gaudentem Jesus fecit nimium;
0806103b  Rosa, gaude, quem scandentem Coelos spectas et mittentem Suis sacra munera.
0806104a  Rosa, gaude, cum canoro Jesus te assumpsit choro Ad aeterna gaudia;
0806104b  Rosa, gaude, speciosa, Cujus mater gloriosa Resides in solio.
0806105a  Rosa rosis coronata, Sponso, nato sociata, Lumen spectas luminum;
0806105b  Rosa, pleno sociaris Deo, cujus ebriaris Nimia dulcedine.
0806106a  Rosa prima, comitaris Agnum et hunc imitaris Virginali carmine;
0806106b  Rosa, tuis amorosis Ergo liliis et rosis Da sertum clementiae
0806107   Rosa in Christi roseto, Tis meritis nos foveto, Mater misericordiae.
0806200   In Assumptione BMV.
0806201a  Jubilemus collaudantes Dominum laetitia,
0806201b  Collaudemus venerantes Virginis magnalia.
0806202a  De qua Christus potestate, Non natura genitus,
0806202b  Mundum sua potestate Salvavit divinitus.
0806203a  Ante partum virgo mansit Et in partu equidem,
0806203b  Et post partum conservavit Deus homo virginem.
0806204a  Qui cum patre sine matre Omnia composuit,
0806204b  Sic ex matre sine patre Nobis nasci voluit.
0806205a  O quam dulce condimentum, O quanta mysteria,
0806205b  O quam magnum sacramentum, O quam magna gaudia.
0806206a  Virgo est, qui generatur, Et virgo, quae generat,
0806206b  Et ab ipsa conlactatur, Quam ante formaverat.
0806207a  Super choros angelorum Es, perpulchra domina,
0806207b  Exaltata et sanctorum Laeta cernis agmina.
0806208a  Per te vita restauratur, Per te mors destruitur,
0806208b  Homo lapsus restauratur, Per te coelo redditur.
0806209a  Ave, Christi gloriosa Genitrix et filia,
0806209b  Super omnes speciosa, Dei plena gratia.
0806210a  Tibi cuncta famulantur In terris terrestria,
0806210b  Quam in coelis venerantur Omnia coelestia.
0806211a  Ergo, sancta, die isto Nobis sis propitia,
0806211b  O Maria, nosque Christo Prece reconcilia.
0806212a  Ut sequamur cum electis Agnum sine macula
0806212b  Et mundati a delictis Per aeterna saecula.
0806213a  Amen dicat voce dulciflua
0806213b  Chorus noster cum mente sedula.
0806300   In festo Mariae Nivis.
0806301a  Miris modis et praeclaris Olim virgo praedicaris Et rutilans Maria,
0806301b  Ab aeterno ordinaris, Sed per tempus declararis Et nitescis nivea.
0806302a  Ritu nivi coeli civis Statum sumis non ab imis In ortu clarissima,
0806302b  Ima regis, foeda tegis, Munda venis, corda lenis, In partu purissima.
0806303a  Arens tellus non gravatur, Nive nitens fecundatur Descensu lenissimo;
0806303b  Egens quivis consolatur, Virginis nam jucundantur Respectu gratissimo.
0806304a  Poros terrae nix concludit, Iter feris intercludit Et pandit vestigia;
0806304b  Et tu dulcis claude fores, Ne erumpant pravi mores Hostisque malitia.
0806305a  Nive visus oblectatur, Sed acies hebetatur Ejus perspicacia;
0806305b  Te laudare mens conatur, Sed praecellis et arcatur, Prae sui angustia.
0806306a  Bonis tuis provocatur, Sed excedunt et fraenatur Tui excellentia;
0806306b  Nec natura nec scriptura Plene laudant nec figura, Superas nam omnia.
0806307a  Aemula ens naturae ars Laudis tuae utrumque pars Succumbit inopia;
0806307b  Chori stupent angelorum, Nam omnium beatorum Transcendis vestigia.
0806308a  Et si nequis enarrari, Debent tamen famulari Tibi quaevis infima;
0806308b  Sub sacrata nivis domo Veneretur cuncta homo Virtutum insignia.
0806309a  Nam non potest singulari, Modo saltem generali Recolat praeconia;
0806309b  Utque cunctis es parata, Tua sunt annotata Larga beneficia.
0806310a  Per haec tui recordemur, Invocantes te purgemur Et purgati illustremur Ex tui memoria;
0806310b  Super nivem dealbemur, Dealbati coronemur, Coronati praemiemur Felices in gloria.
0806400   In festo Mariae Nivis.
0806401a  Eja, sponsa Christi, gaude, Corde, voce, nova laude, Militans ecclesia,
0806401b  Et coelestes hierarchiae Jucundentur in hac die Dulci cum symphonia.
0806402a  Totus orbis collaetetur, Totus chorus gratuletur Supernorum civium,
0806402b  Genitrics illibatae Semper virginis beatae Adsunt festa nivium.
0806403a  Quae naturae contra ritum Ex angusto infinitum Fructum profert parvula:
0806403b  Homo Deum, stella solem, Nata patrem, virgo prolem, Antiquum juvencula.
0806404a  Novum creat virgo mirum: Dum sol virginale gyrum In aestate media
0806404b  Lustrat magno cum fervore, Nivem dedit cum algore, Miscuit contraria.
0806405a  Romam agit in stuporem, Dum nix datur praeter morem Inconsuetum patriae;
0806405b  Quid praetendit, dum nescitur, Statim tellus apperitur Tuae pro cultu latriae.
0806406a  Hujus templi de structura Vidit visione pura Pontifex Liberius
0806406b  Genitricem praecellentem Nocte sibi colloquentem, Obedit celerius.
0806407a  Somno vidit cum uxore Matrem Christi cum fulgore Nobilis patricius;
0806407b  Mandans templum consummari Et a cunctis venerari, Exsequuntur citius.
0806408a  Templum pulchrum erexerunt Et idem consecraverunt Virginis sub titulo,
0806408b  Cui signa clarent pura, Quae non fiunt a natura Ejus adminiculo.
0806409a  Quam precemur corde puro, Ut non locet in obscuro Nostros tandem spiritus
0806409b  Sed in regno claritatis Nos collocet cum beatis Post praesentes gemitus.
0806500   In solemnitate sacratissimi Rosarii.
0806501a  Virginalis hortuli Verni pubent surculi Et efflorent pulluli Fecunda propagine;
0806501b  Gelu et hiems transeunt Nix et imber abeunt, Rosae in terra prodeunt E coelesti germine.
0806502a  Rosa, radix lilii, Haec ex horto filii Toto cursu exsilii Collegit plantaria;
0806502b  Justis ad laetitiam, Reis ad justitiam, Electis ad gloriam, Cunctis salutaria.
0806503a  Quae de coelis attulit Et in terris sustulit, Christus mundo contulit Contra mundum proelians;
0806503b  Nos hic tectus frondibus, Vulneratus sentibus, Redimitus floribus, Vocans, purgans, praemians.
0806504a  A stirpis rosariae Gemmis, spinis, foliis Affluentis patriae Fruemur deliciis, Ubi satrix residet
0806504b  Atque hujus militae Laeta sodalitiis Triplicis hierarchiae Ter trinis consortiis Imperatrix residet.
0806505a  Stella luna pulchrior, Lucifero clarior, Sole rutilantior, Lux luce lucidior.
0806505b  Sancta sanctis sanctior, Angelis nobilior, Archangelo egregior, Principatu illustrior.
0806506a  Potestate insignior, Virtute praestantior, Dominatu dignior.
0806506b  Thronis eminentior, Cherubim peritior, Seraphim ardentior.
0806507a  Salve nova triumphatrix Et triumphi reparatrix Antiqui certaminis,
0806507b  Rursus minax saevit ultor, Ni resistas, perit cultor Christiani nominis.
0806508a  Ave verbi domicilium, Sancti spiritus sacrarium, Summi patris filia;
0806508b  Affer nobis juge auxilium, Sub discrimen vitae varium Contra tela hostilia.
0806509   Ut coronent nos post proelium, Quae fert coeli viridarium, Mixta rosis lilia.
0806600   De beata Maria V.
0806601a  Salve, mater gratiae, Salve, vena veniae, Stella maris;
0806601b  Salve, fons laetitiae, Salve, vas munditiae, Lux solaris.
0806602a  Salve, gemma virginum, Salve, salus hominum, Virgo mitis;
0806602b  Salve, lampas luminum, Salve, decus virginum, Vera vitis.
0806603a  Salve, mundi domina, Salve, coeli regina, Mater pia;
0806603b  Salve, sanans crimina, Salve, salvans omnia, O Maria.
0806700   De beata Maria V.
0806701a  Salve mater salvatoris, Mater salutifera,
0806701b  Spes Maria peccatoris, Virgo et puerpera.
0806702a  Salve rosa Speciosa, Salve Jesse virgula,
0806702b  Cujus fructus Nostri luctus Relaxavit vincula.
0806703a  Virga, rubus appellaris, Flos, fenestra, janua,
0806703b  Mater Dei, lux solaris, Jesse stirps ingenua.
0806704   Prece tua Fac ad sua Nos ducat palatia Christus Deus noster.
0806800   De beata Maria V.
0806801a  Mater Dei, salus rei Indefessa, Nos regendo, nos tuendo Nunquam cessa.
0806801b  Mater casta, semper asta Supplicando, Gregem istum apud Christum Commendando.
0806802a  Mater bona et matrona, Roga prolem, Ut nostrorum peccatorum Tergat molem.
0806802b  Mater justa et onusta Novo flore, Fer levamen et solamen Tuo more.
0806803a  Mater mitis verae vitis, Ora natum, Ut solvatur, quod ligatur Per reatum.
0806803b  Mater cara, iter para Nobis tutum, Te petimus, quamvis simus Molle lutum.
0806804a  Mater alma, velut palma Potens alta, In profundo mersos fundo Duc ad alta.
0806804b  Mater prolem, stella solem Interpella, Ut interna et externa Premat bella.
0806805a  Mater, serva cum caterva Locum istum, Exoptamus et rogamus Propter Christum.
0806905b  Mater orbis, confer morbis Medicinam, Spes cunctorum miserorum Post ruinam.
0806806a  Mater munda, sic emunda Nos a faece, Ne damnemur sed salvemur Tua prece.
0806806b  Mater pia, o Maria, Te rogamus, Ut ablato jam peccato Gaudeamus.
0806807   Mater ave, mater salve, Mater, nostri miserere, Miserere, miserere.
0806900   De beata Maria V.
0806901a  Madens vellus Gedeonis Et celatum Salomonis Auro fulgens ferculum,
0806901b  Stella maris mundo lucens, Virgam Jesse stirps producens, Novum dans spectaculum.
0806902a  Stella maris haec est una, Cujus simul sol et luna Stupent pulchritudinem;
0806902b  Stupet coelum decus terrae, Stupet terram sidus ferre, Stupet versum ordinem.
0806903a  Est naturae jus mutatum, Est in terra sidus natum, Quod solem parturiat,
0806903b  Qui splendorem spiritalem, Qui calorem det vitalem Et occasum nesciat.
0806904a  Admirantur universa, Quod et terrae vice versa Coelum lux irradiat,
0806904b  Obstupescit et natura, Quod creatur creatura, Quae creantem pariat.
0806905a  Salve, nascens stella maris, Quae dux esse comprobaris Et spes vitae singularis Naufraganti saeculo.
0806905b  Dux virtutis, via morum, Quae nescisti viri thorum, Tuo digne rex coelorum Prodit tabernaculo.
0806906a  Qui per sepiforme donum Sibi fecit ex te thronum, Nullum tale vel tam bonum Sculpsit sapientia.
0806906b  In te candor castitatis, In te fulgor claritatis, Thronus summae majestatis Ex hac fit materia.
0806907a  Absque manu regi visus Ex te lapis est excisus, Virgo nostri causa risus, Flos convallis, paradisus, Abor aromatica.
0806907b  Tu decorem induisti, Tu plus sole refulsisti, Cum beata membra Christi Tuae carnis contexiti Polymita tunica.
0806908a  Mater, pacem da benigna, Virgo, nato nos consigna, Quem circumdas alvo digna, Ne nos hostis ars maligna Fallat aut versutia.
0806908b  Porta patens regi soli, Per quam cedunt hostis doli, Tu nos offer tuae proli, Quo cum ipso summa poli Perfruamur gloria.
0807000   De beata Maria V.
0807001a  Mira mater exstitisti, Virgo Deum peperisti, Nullam parem reperisti Fronde, flore, germine.
0807001b  Quisquis sincera mente poscit, Quae mens morbifera vexat, Illi salus vera crescit, Fit in tuo nomine.
0807002a  Assistentes tuae laudi, O Maria, nos exaudi, Tuos princeps ne peccati Servos subdat, tui nati Transfer ad palatia.
0807002b  Regnas domo qua stellata, Illuc vehas nos, beata, Ut te jugiter colamus Et cum justis pertingamus Sempiterna gaudia.
0807100   De beata Maria V.
0807101a  O Maria, mater pia, Stella maris fulgida
0807101b  Mater alma, sponsa Dei, Summi regis filia.
0807102a  Tu coelorum es regina, Vernans rosa carens spina, Angelorum domina,
0807102b  Prophetarum sub figura, Sola mundo tam obscura De regis miraculo.
0807103a  Virga florens et producens Stirpe ex Davidica
0807103b  Veri solis lumen patris, Virgo integerrima.
0807104a  Te honorant, te collaudant Sanctorum consortia,
0807104b  Et in terris plebs fidelis Cum matre ecclesia.
0807105a  Generantur et laetantur In fide catholica.
0807105b  Veritatis agnitores Veritatis gratia.
0807106a  Verbum patris incarnatum Per de nobis est donatum Sublimi de gloria, Formam servi sumens sui Carne ex virginea.
0807106b  Tibi quidem nuntiavit Gabriel ac prophetavit Haec sacra mysteria, Dicens Ave tam suave, Prole fecundissima.
0807107a  De te sumet Deus carnem, Quo subsistunt omnia,
0807107b  Hinc post pauca reversurur Triumphali victoria.
0807108a  Ergo pia, super cunctas Mulieres benedicta,
0807108b  Salus nostra, vitae via, Patens coeli janua,
0807109a  Nos dignare collocare In coelesti gloria,
0807109b  Ubi semper collaetemur Per aeterna saecula.
0807200   De beata Maria V.
0807201a  Recolamus venerandam Mariae memoriam,
0807201b  Dei patris admirandam Praedicantes gloriam.
0807202a  Quam propheticus chorus praenuntiavit,
0807202b  Plenam gratia Gabriel salutavit:
0807203a  Parituram Deum et hominem, Salutem hominum,
0807203b  Permansuram Post partum virginem, Reginam omnium.
0807204a  Stella solem, Virgo prolem Profert sine semine,
0807204b  Virgo parit, Sed nec perit Castitas in virgine.
0807205a  Servans integrum pudorem Virga Jesse profert florem, Lilia convallium;
0807205b  Spina rosam germinavit, Spinam rosa decoravit Unicum per filium.
0807206a  Qui de patre Sine matre Patri compar genitus,
0807206b  Est de matre Sine patre Verus homo editus.
0807207a  Per Mariam manna verum Gens fidelis percipit,
0807207b  Atque panem angelorum Homo jam promeruit.
0807208a  Quam Moyses signat et Aaron,
0807208b  Ut insignis praesignat Gedeon.
0807209a  Moyses in rubo, Aaron in virga, Gedeon in vellere:
0807209b  Tres signant per tria Te, virgo Maria Digna Deum parere.
0807210a  Rubus igne, Vellus rore, Virga flore
0807210b  Illustratur, Irrigatur, Venustatur.
0807211a  Per te nubes justum pluunt,
0807211b  Colles lacte, melle fluunt.
0807212a  Coeli rorant terrae pinguedinem,
0807212b  Montes stillant vitae dulcedinem.
0807213a  Jam laetetur mons Sion,
0807213b  Quem infudit ros Hermon.
0807214a  Terra nostra fructum dedit,
0807214b  Coeli rorem dum suscepit,
0807215a  Salvatorem geminans,
0807215b  Humum adaperiens.
0807216a  Ex te lux celebris Fulsit in tenebris Sedentibus.
0807216b  Per Evam perdita Per te pax reddita Credentibus.
0807217a  Stella maris, Singularis Cujus est virginitas,
0807217b  In quam venit Et implevit Uterum divinitas.
0807218a  Salve, spes nostra
0807218b  Post Deum sola.
0807219a  Ave, virtute fecunda,
0807219b  Nos a vitiis emunda.
0807210a  Et tuo pio filio nos reconcilia,
0807220b  Mater misericordiae, Maria.
0807300   De beata Maria V.
0807301a  Salutis exordium, Radix salutaris, In salutem gentium Orta stella maris.
0807301b  Lilium convallium, Virgo singularis, Deitatis filium Ex te expers paris.
0807302a  Ave rosa speciosa, Tu flos campi, tu formosa Jesse virga nobilis.
0807302b  Gaude, virgo, coeli porta, Per te mundo lux est orta, Mater tam laudabilis.
0807303a  Salve, dulcis memoriae, Fons vitae, vena veniae, Coeli regis cella.
0807303b  Salve stellato solio Nato cum Dei filio, Mater et puella.
0807304a  Dulcis, mitis et regina, Duc nos salvos a ruina Per tot mundi crimina.
0807304b  Transfer tecum, valeamus Et cum nato gaudeamus Super coelos Maria.
0807400   De beata Maria V.
0807401a  Salve, mater magnae prolis, Per quam jubar summi solis Obscuris emicuit,
0807401b  Salve, virgo, maris stella, Per quam sedatur procella Mortis et evanuit.
0807402a  Salve, cella verbi Dei, Ex qua orta lux diei Lucem mundo praebuit,
0807402b  Salve, rosa spinis orta, Per quam paradisi porta Cunctis clausa patuit.
0807403a  Salve, virgo Dei mater, Ex te namque Deus pater Verbo Deum genuit.
0807403b  Salve, per quam nos redemit Christus, mortem dum peremit Et nobis condoluit.
0807404a  Salve, coelorum regina, Per quam datur medicina Judaeis et gentibus,
0807404b  Salve, vitae reparatrix, Facta reis illustratrix Tenebris sedentibus.
0807405a  Tu fac verbum incarnatum Nos sentire complacatum Tuis piis precibus,
0807405b  Nos a culpa, nos a nece Munda tua pia prece Et peccati sordibus.
0807500   De beata Maria V.
0807501a  Salve, virgo, maris stella, Salve, verbi Dei cella, Salve, mater gloriae,
0807501b  Salve, vellus Gedeonis, Novi rore Salomonis Madefactum gratiae.
0807502a  Salve, gemma virginalis, Mulierum specialis Flos in coeli curia,
0807502b  Salve, rosa spina carens, Salve, creatoris parens, Salve, plena gratia.
0807503a  Salve, stella, de qua natus Est sol, vero obvelatus Pallio mortalium,
0807503b  Qui pro nobis carne tectus, Licet vilis et abjectus, Mundo dedit gaudium.
0807504a  Salve, regina coelorum, Consolatrix miserorum, Lapsorum refugium,
0807504b  Tu nos lapsos consolare, Pia veni, ne morare, Conferens remedium.
0807505a  Funde preces genitori, Mater rerum creatori, Deo Dei filia.
0807505b  Facti sumus huic molesti, Miserere, fac coelesti Potiamur gloria.
0807600   De beata Maria V.
0807601a  Salve, virgo regia,
0807601b  Mundi salus unica,
0807602a  Tu Dei summi genitrix, Maria,
0807602b  Omnium dominarum es domina.
0807603a  Salve, porta, quae viro clausa, soli Deo principi es aperta.
0807603b  Salve, mater integra, virgo gravida, super omnes benedicta.
0807604a  Fluunt ex te aromata, thus atque myrrha redolentia.
0807604b  Progrederis ut aurora, ut acies bene ordinata.
0807605a  Ex te Deus sumpsit carnem, Qui creavit omnia
0807605b  Et qui morte sua tulit cuncta mundi crimina.
0807606a  Tu pietatis semper patens janua,
0807606b  Nobis omnibus sis semper propitia.
0807607a  Et tuum pro omnibus natum roga,
0807607b  Ut dimissis culpis gratia sua
0807608   Concedat perennis vitae gaudia.
0807700   De beata Maria V.
0807701a  Salve, virgo, sacra parens Verbi Dei, pare carens In sexu foemineo,
0807701b  Cujus idem est ex alvo Mundo natus, tamen salvo Pudore virgineo.
0807702a  Salve, porta paradisi, Qui peccatis sunt elisi, Ferens his solatium,
0807702b  Et qui mente te fideli Laudant jubilando, caeli Levas ad palatium.
0807703a  Salve, stella praevia in mari vexatis, Portum salutiferum praebe naufragatis Et vitam restituens morti fere datis.
0807703b  Tibi famulantibus semper es parata Subvenire precibus saepius vocata, Quorum vita noscitur in Christo fundata.
0807704a  Salve, virgo virginum, forma castitatis, Exemplar egregium verae caritatis Et certum indicium summae pietatis.
0807704b  Gloriosa domina, nostri miserere, Quique tibi solvimus dona, contuere, Et quod minus egimus nos, juva supplere.
0807800   De beata Maria V.
0807801a  Salve, virgo, vitae via, Mundum mundans prece pia, Maria per maria,
0807801b  Salve cara, culpa carens, Sine pari, patris parens, Per te patent omnia.
0807802a  Salve, salus salutaris, Salutando gravidaris Verbo sapientiae,
0807802b  Salve, sola solem paris, Nec in partu defloraris Flore pudicitiae.
0807803a  Salve, proles speciosa, Radix Jesse generosa, Domus, inquam, Domini,
0807803b  Salve, lucis lux amoena, Luce lucens aliena, Lucem praebens homini.
0807804a  Salve, viror, quae non vires Perdis, quamvis viro vires, Sed vires virtutibus.
0807804b  Salve, viror sine viro, Viror virens modo miro, Non naturae viribus.
0807805a  Salve, mater, te precamur, Cujus diem veneramur, Dignum reverentia,
0807805b  Salve, placa nobis Christum, Ut perducat chorum istum Ad coelorum gaudia.
0807900   De beata Maria V.
0807901   Stella maris ave, Gratia summa plena, Nobis, quaesumus, fave, Ne absorbaeat nos gehenna.
0807902a  Tu votum virginale Deo vovisti prima, In hac fove nos valle, Ne tendamus ad ima.
0807902b  Tu Deum genuisti Sine virili semine, Nos, virgo mater Christi, Ab omni munda crimine.
0807903a  De puro tuo sanguine Fecundat sanctus spiritus Te, nulla sub imagine Ad te demissus coelitus.
0807903b  Tu per aurem concepisti Angelo te salutante, Dei ancillam te fecisti Isaia id prophetante.
0807904a  Tu Deum et hominem Sola mundo generas, Quae mundanum turbinem Praeservata spreveras.
0807904b  Sine culpa originali Te concepit mater Anna, Ex Joachim neque falli In hoc potest fides sana.
0807905a  Prophetae et patriarchae Te genuere et reges, Coelesti nos in arce Tuos fac esse greges.
0807905b  Te cum prole magi colunt, Simeon senex et Anna Prophetizant et extollunt Periturae legis damna.
0807906a  Dum visitas Elisabeth, Senem jam fecundatam Haec fidens palam perhibet Te matrem Dei beatam.
0807906b  Natus tibi subdebatur Et parebat ad mandatum, Et in nuptiis mirabatur Aqua vinum turba factum.
0807907a  Natum custos et sodalis Praedicantem et docentem Bonis cunctis atque malis Sequebaris conviventem
0807907b  Et in cruce post pendentem Mater virgo, martyr vera, Ad salvandam omnem gentem Sola in fide sincera.
0807908a  Dum devicta surgit morte, Nulli nondum apparentem Lacta cernis cum cohorte Gloriosum et splendentem.
0807908b  Te virginem Johanni Virgini commendavit Christus, cum poena immani Crimina nostra lavit.
0807909a  Mater demum cum orabas Sanctis cum apostolis, Pariter perseverabas Cunctis cum discipulis.
0807909b  Triumphans super aethera Et angelorum agmina Conjungis nova et vetera, Imperatrix et domina.
0807910a  Virginitas et caritas Mundo pacem donarunt Profunda et tua humilitas, Quae cuncta superarunt.
0807910b  Stupenda tua miracula Solemniter recolimus Intra haec tabernacula Et jubilis extollimus.
0807911   Regina stirps Davidica, Divina plena gratia, Et soboles prophetica, Nos Dei vultu satia.
0808000   De beata Maria V.
0808001a  Stellam maris attendamus, Qui transire decertamus Babylonis flumina,
0808001b  Haec ut nostram indefesse Cymbam regat, est necesse Per fluctus et fulmina.
0808002a  Ad hanc ergo dirigamus Cursum, ad hanc erigamus Mentes, manus, lumina,
0808002b  Ut de lacu Babylonis Ad tranquillae visionis Nos educat culmina.
0808003a  Hinc celeuma praecinamus, Ac si portum videamus Jam adepti gaudia,
0808003b  Ut in prima sonat laude: Ave mater, virgo gaude, Sexus omnis gloria,
0808004a  Omnis hera creaturae, Rationis et naturae Mutans privilegia.
0808004b  At lex pavet et prophetae, Stupent, quia quae sunt de te, Sunt ineffabilia.
0808005a  Facta quaeque te mirantur Et factoris venerantur In te mirabilia,
0808005b  Quem pudica peperisti, Parens virgo perstitisti, Tuae prolis filia.
0808006a  Gratiarum plena donis, Complacare tibi pronis Nostra delens vitia,
0808006b  Et ut complacari velis, Verba demus Gabrielis: Ave plena gratia.
0808100   De beata Maria V.
0808101a  Virgo parens gaudeat, virgo semper pura, Parens sine corporis et mentis laesura.
0808101b  Inaudita novitas, nova genitura, Qua nescit fragilitas geniturae jura.
0808102a  Virga typus virginis sine stirpe florem, Virgo sine semine parit salvatorem.
0808102b  Rubus in incendio non sensit calorem, Mater puerperio non perdit pudorem.
0808103a  Nulli viro Domini porta reseratur, In aeternum clauditur hortus, fons signatur.
0808103b  Radix Jesse germinat , flore fecundatur Septemque spirituum munere ditatur.
0808104a  Oritur in vespere stella matutina, Lumen fit in tenebris, salus in ruina.
0808104b  Aegris animantibus stillat medicina, Visitavit Dominus mala vespertina.
0808105a  Pater mittit nuntium, nuntius auditur, Virgo credit, deitas carni counitur.
0808105b  Impregnatur genitrix, genitor nascitur, Sine matre filii Pater invenitur.
0808106a  Triplex est substantia, gemina natura, Personalis unitas, mira conjunctura.
0808106b  Distant in hujusmodi factor et factura, Quae cadit sub numero, ponderis mensura.
0808107a  Virgo nobis impetra veniam Maria, Interpella filium, mediatrix pia;
0808107b  Ne dum Dei curritur mandatorum via, Intercurrat gressibus nostris phantasia.
0808200   De beata Maria V.
0808201a  Te honorant superi Matrem omnis gratiae, Maria.
0808201b  Ad te clamant miseri De valle miseriae, Maria.
0808202a  Audi voces, terge fletus, Nos commenda filio, Maria.
0808202b  Ut nos suo voce tua Collocet in solio, Maria.
0808300   De beata Maria V.
0808301a  Te collaudat coelestis curia, Quae mater es et regis filia.
0808301b  Per te reis donatur venia, Per te justis confertur gratia.
0808302a  Ergo, maris stella, verbi Dei cella Et solis aurora,
0808302b  Paradisi porta, Per quam lux est orta, Natum tuum ora,
0808303   Ut nos solvat a peccatis, Et in regno claritatis, Quo lux lucet sedula, Collocet per saecula.
0808400   De beata Maria V.
0808401a  Gaude, mater Sion, gaude, Corde, voce, manu plaude, In reginae coeli laude Attollens praeconium.
0808401b  Fac in die homus Dei Pari voto psallas ei, Per quam flentes, per quam rei Sunt nacti remedium.
0808402a  Prima parens paradisum Clausit nobis, trusit visum, Facti sumus in derisum In conspectu hostium.
0808402b  Stultus Adam, primus homo, Est expulsus Dei domo, Subit poenam, perdit pomo Patriam vitalium.
0808403a  Per hunc fructum Evae fructus Ex natura fit corruptus, Inde dolor, inde luctus Finibus terrestrium.
0808403b  Hoc te fructu condolentes, Obstupescunt nostri dentes, Paradiso pulsi flentes Subimus exsilium.
0808404a  Nobis diu exsulatis Dolet pater pietatis Et misertus desolatis Suum mittit filium.
0808404b  Inclinavit majestatem Nostram ad humilitatem, In ancillae castitatem Assumens hospitium.
0808405a  Hospitata Dei prole, Stellae maris mixto sole Gravidatur sine mole Virginale gremium,
0808405b  Quo procedit specialis, Fructus aegris medicalis, Aufert morbos, confert malis, Perimit daemonium.
0808406a  Sit hic fructus benedictus, Cedit hostis, ruit victus, Homo lapsus stat rescriptus In libro viventium.
0808406b  Benedicta radix Jesse, Nos vitali replens messe, Quae dat servos salvos esse Suum per obsequium.
0808407a  Virgo mater, O Maria, Virgo clemens, virgo pia, Virgo, per quam patet via Ad coeli palatium.
0808407b  Pietatem imploramus, Proclamantes te rogamus, Confer nobis, quod optamus, Filium propitium.
0808500   De beata Maria V.
0808501a  Gaudens gaude, plebs fidelis, Et gaudere semper velis Nova ferens gaudia,
0808501b  Novum gaudium de caelis, Dictum ore Gabrielis, Nova mente nuntia.
0808502a  Dulci sonans symphonia Dulce profert dulcia
0808502b  Sic dicens: Ave Maria, Ave plena gratia.
0808503a  O Maria, gaude quia Mater eris, virgo pia, Cujus nunc es filia.
0808503b  Filia semper et mater Eris ejus, cujus pater Regnat super omnia.
0808504a  Virgo concipies Et virgo paries Deum et hominem,
0808504b  Te mille milies Coelorum acies Laudabunt virginem.
0808505a  O felix nuntius, Quo Dei filius In terris nuntiatur,
0808505b  Quid nobis dulcius, Non credit impius, Ideo non laetatur.
0808506a  Gaude, virgo virginum, Quae pie credidisti,
0808506b  Gaude, salus hominum, Quae pium genuisti.
0808507a  Gaude cum gaudio
0808507b  Mater cum filio.
0808508a  Sion, plaude, In virginis Mariae laude Gaudens cum laetitia,
0808508b  Virgo, gaude Teque laudans sine fraude Gaudeat ecclesia,
0808509a  Te laudamus venerantes, Voce, corde decantantes Laudes et praeconia.
0808509b  Audi tibi supplicantes, Duc nos tecum congaudantes Ad aeterna gaudia.
0808600   De beata Maria V.
0808601a  Coeli solem profert stella, Dei prolem de puella Sacro fonte gremio,
0808601b  Parit mater patre carens, More miro virgo manens, Deum gestans utero.
0808602a  Nata nati, mater patris, Virgo tenet nomen matris, Virgo, mater, filia.
0808602b  Salve stella, mater solis, Condens jubar tantae prolis Intra sacra viscera.
0808603a  Mundi salus, o Maria, Porta coeli, vitae via, Te rogantes adjuva,
0808603b  Tu lenimen sis in ira, Tu in luctu nostra lyra, Coeli, terrae domina.
0808604a  Tu juvamen sis, Maria, Apud prolem mater pia Forma nobis unica,
0808604b  Consolatrix miserorum, Restauratrix perditorum, Tu nos coelo subleva.
0808700   De beata Maria V.
0808701a  Coeli quondam roraverunt, Nubes ex quo concreverunt Concretaeque stillaverunt Virginis in uterum Mariae.
0808701b  Res miranda, res novella, Nam processit sol de stella, Regem dum parit puella, Viri thori nescia, Maria.
0808702a  Ergo clemens et benigna Cunctorumque laude digna, Tuo nato nos consigna Pia per suffragia, Maria.
0808702b  Ut carnali, quo gravamur, Compede sic absolvamur, Ut soluti transferamur Ad coeli palatia, Maria.
0808800   De beata Maria V.
0808801a  Ave virgo, virga Jesse, Tui pia fac nos esse Consortes incendii,
0808801b  Ave virgo, virga throni, Dans de petra Gedeoni Flammam sacrificii.
0808802a  Ave virga summi ducis, Aquam de petra producis Sitienti populo,
0808802b  Ave virga tollens luctum, Florem profers atque fructum Clauso ventris vasculo.
0808803a  Virga vigil, natum Deum Vigilantem contra reum Praevenire crederis,
0808803b  Virga, praeter quam ferendum Nil in via, nil quaerendum, Nam tu cuncta suggeris.
0808804a  Ave virga, quae procedis In conspectu summae sedis Ut fumus aromatum,
0808804b  Virgo, virga tam fecunda, Ubertate nos inunda Tantorum charismatum.
0808900   De beata Maria V.
0808901a  Ave virgo, virga Jesse, Per quam patris verbum esse Nostrum nosse voluit,
0808901b  Assumendo carnem puram Non declinans creaturam, Per quam pati potuit.
0808902a  Verbum patris concepisti, Patrem nata peperisti Mundo ferens gaudia,
0808902b  Nata nati, mater patris, Modo miro nomen matris Habes viri nescia.
0808903a  Mater coeli creatoris, Mater mundi redemptoris Crucis per opprobrium,
0808903b  Quae compassa patienti Nunc conregnas cum regenti Coeleste imperium.
0808904a  Super choros angelorum Exaltata, supernorum Ornata virtutibus,
0808904b  Ibi preces atque vota Coram nato mente tota Fundis pro mortalibus.
0808905a  Per te, Christe, splendor patris Nobis detur prece matris Peccatorum venia,
0808905b  Cum iniquis ne damnemur, Sed cum justis gloriemur In aeterna gloria.
0809000   De beata Maria V.
0809001a  Ave, novi luminis Stella, promens radium, Quo nostrae propaginis Deletur opprobrium.
0809001b  Tu sola spes hominis, Tu nostrum refugium, In hora discriminis Placa nobis filium.
0809002a  Florens Jesse virgula, Vera veris primula, Salutem initians,
0809002b  Rosa semper vernula, Tota sine macula, Maculosos expians.
0809003a  Uterus virgineus, Fons hortorum, puteus Aquarum viventium,
0809003b  Immo thronus aureus, In quo rex aethereus Coronavit filium.
0809004a  Domus aromatica, Quam arte mirifica Fecit summus artifex,
0809004b  In qua Christus unica Sumpta carnis tunica Consecratur pontifex.
0809005a  Fons distillans oleum, Immo rorem melleum Per amoris fistulas;
0809005b  Inde surgit balneum Purgans omne felleum Et peccati maculas.
0809006a  Mater, cujus viscera Penetrarunt vulnera Patientis filii,
0809006b  Lac profer et ubera, Nos a poenis libera Tremendi judicii.
0809100   De beata Maria V.
0809101a  Ave mulier, sole rutilior, Celsa per aethera,
0809101b  Tecum filius, coelo sublimior Patris in dextera.
0809102a  Angelorum Tu es laetitia,
0809102b  Tu sanctorum Perpes es gloria.
0809103a  Salve, civitas pneumatis undis laetificata,
0809103b  Quae sophiae nexibus septem colorata.
0809104a  Ancilla Deitatis Electa.
0809104b  Tranquilla Castitatis Dilecta.
0809105a  Te jubilatio, Mater eximia,
0809105b  Te exsultatio Decet et gloria
0809106a  Haec ergo, domina, Suscipe carmina, Parcendo nimia Diluens crimina.
0809106b  Te quoque praevia Diva clementia Sint nobis pervia Coeli palatia.
0809107   Ave Maria. Amen.
0809200   De beata Maria V.
0809201a  Ave, maris stella, Dei Mater alma, porta spei, Flos immensae speciei, Per te sperant vitam rei, Dat in signum hujus rei Hodiernae lux diei Laudes et preconia.
0809201b  Triste fuit in Eva vae, Sed ex Eva formas ave, Vice versa sed non prave Intus celans in conclave Verbum bonum et suave, His, quos factum damnat grave, Desuper irradia.
0809202a  Gabriele nuntiante Concepisti austro flante, Porta clausa post et ante; Joseph stupet te praegnante, Sed angelo confortante Patet, quod sit re probante Via viris invia.
0809202b  Fecundata coeli rore Misso tibi pleniore, Virginali salve flore, Novo ritu, novo more, Dolo carens et dolore Gignis absque genitore Genitorem filia.
0809203a  Quod praecessit in figura, Nube latet sub obscura, Haec declarat genitura, Sic in matre virgo pura Pariendi vertit jura Fusa mirante natura Deitatis pluvia.
0809203b  Pia prece placa natum Vim refraenans tempestatum, Mundi, virgo, munda statum, Ne nos ducat in peccatum Vanus amor vanitatum, In te jacta cogitatum, Parens paris nescia.
0809204a  Placa mare, maris stella, Verbi Dei facta cella, Mater simul et puella, Quae dulcore vincis mella, Tuum natum interpella, Ne involvat nos procella Et tempestas obvia.
0809204b  Omnis homo, sine mora Laude plena solvas ora, Ipsam colas, ipsam ora Omni die, omni hora, Sit mens simplex, vox sonora, Sic te gere, sic implora Ejus patrocinia.
0809300   De beata Maria V.
0809301a  Ave gloriosior, Quae quanto sublimior, Tanto fis humilior, Nos omnes humilia Psallentes voce pia.
0809301b  Maria beatior, Virtutibus ditior, Actibus perfectior, Perfice nos in via, Vivamus in patria.
0809302a  Gratia profundior, Dignitate dignior, Caritate carior, Tua providentia Dele nostra vitia.
0809302b  Plena pace purior, Prae cunctis praestantior, Auxilio promptior, Nos reos lascivia Resolve clementia.
0809303a  Dominus potentior Tecum est, quae sanctior Clares et lucidior, Suscipe praeconia Moventes harmonia.
0809303b  Benedicta celsior, Angelis tu pulchrior, Super omnes potior Mulieres, inclina Ad nostra suffragia.
0809304a  Et benedictus prior Fructus ac salubrior Ventris tui, clarior Sole Jesus; Domina, Dona nobis gaudia.
0809304b  Virgo pretiosior, Virginibus praevior, Saphyris rutilior, Cordium suspiria Prome coeli curia.
0809305   Sancta speciosior, Maria splendidior, Mater mirabilior, Deum pro nobis ora Omni cum sanctis hora.
0809400   De beata Maria V.
0809401a  Angelicae Nos respice O dignitatis domina,
0809401b  Cum filio In solio Coeli regnans per saecula.
0809402a  Dulcis Maria, vere dulcis, Vere pia, Vere mitissima.
0809402b  Tota affluens pietate, Clementia, Tota melliflua.
0809403a  Tu flebili Theophili Culpae ades propitia,
0809403b  Te auspice A fornice Surgit rea Aegyptia.
0809404a  O mater misericordiae, O lapsorum spes unica,
0809404b  Votiva servorum hodie Infer coelo suspiria.
0809405a  Tu decus Israel, Tu mundi gloria,
0809405b  Nostro Emmanuel Tu reconcilia.
0809406a  Quem lactasti Tua sacra mamilla,
0809406b  Illa ejus Membra fovens dulcia,
0809407a  Mediatrix nostra, Nobis hunc placa
0809407b  In illa oramus, Die tremenda.
0809408a  Oblaturi hic adsumus Deo patri Tuae prolis pignora,
0809408b  Quorum virtute, quaesumus, Reos munda, Trementes corrobora.
0809409a  Tu bona, tu spes nostra, O Maria,
0809409b  Tu clemens. Amen dicat Mens devota.
0809500   De beata Maria V.
0809501a  Alma virgo, florens rosa, Regina mundi domina, Maria;
0809501b  Gemma splendens de crystallo, Casta mater de filio, Maria.
0809502a  Nostrae voces symphoniae Atque laudes melodiae Suscipe, Maria,
0809502b  Quae Dominum concepisti, Virgo manens peperisti, Genitrix Maria,
0809503a  Virgo casta, Nobis asta In adventu filii, Maria;
0809503b  Quae portasti Et lactasti Angelum consilii, Maria.
0809504a  Quae spectas ad solis ortum, Nos transfers ad maris portum, Ne nos fluctus obruant, Maria.
0809504b  Nos exaudi, maris stella, Et pro nobis interpella, Dum judex advenerit, Maria.
0809505a  Virgo, candens lilium, Nobis fer auxilium, O Maria;
0809505b  Deprecare filium Pro pace fidelium, O Maria;
0809506   Ne damnemur supplicio Nobis tremendo judicio, O Maria.
0809600   De beata Maria V.
0809601   ###########################################################################################################################################################
0809700   De beata Maria V.
0809701a  Ad laudem matris Dei, Modulemur licet rei Poscentes remedia.
0809701b  Haec nostrae forma spei, Spes mirandae speciei, Quae vernat in gloria.
0809702a  Haec virtutis nutrimentum, Spes solaris, Sola laris Terreni fiducia.
0809702b  Stella maris quae vocaris, Passus rectos Et directos Da, pacis suffragia.
0809703a  Sicut sidus naufrago Fulgens dux in pelago, Tu praeclara
0809703b  Mundi lux in tenebris, Stella nitens celebris Deo cara.
0809704a  In sede coelica Residens haec mellica Admitte cantica, Virgo pia.
0809704b  Paventi psallere, Trementi pro scelere Des ausus tu plausus Veri vena.
0809705a  Tu coeli regina, Mundi medicina, Munda scelus Nostrum piissima.
0809705b  In mortis ruina Nos ad vitam mina Placans Deum, Tu benignissima.
0809706a  Cara parens, o Maria, Patris parens, virgo pia Nos in umbrae mortis via Sedentes illumina.
0809706b  Ut te nobis stella duce Tui nati tuti cruce Mereamur coeli luce Per te frui, domina.
0809800   De beata Maria V.
0809801a  Contra casum primae sortis Et necessitatem mortis Dei sapientia
0809801b  Novo ordine naturae Innovandae creaturae Nova dat remedia.
0809802a  Dei virtus, patris verbum Contra mortis jus acerbum Caro fit in virgine,
0809802b  Verus non commixtionem Passus nec divisionem Deus est in homine.
0809803a  Jesum longe praesignatum Patribus non occultatum, Quem praevidit Samuel,
0809803b  Praedictum ab Isaia David filia Maria Concepit Emanuel.
0809804a  Rubus incombustus igne, Virgo pudoris insigne Non perdit in filio;
0809804b  Deum concipit innupta, Christum parit incorrupta Novo privilegio.
0809805a  Madefacto coelitus Imbre sancti spiritus Gedeonis vellere
0809805b  Servatur integritas Et datur fecunditas Deitatis opere.
0809806a  Irrigatur arida Fitque virgo gravida Germine fructifero;
0809806b  Quidquid hic compluitur, Coelesti perfunditur Rore salutifero.
0809807a  Ave virgo singularis, Porta coeli, stella maris, Decus et spes unica,
0809807b  Lumen orbis salutare, Ne obvolvat taetrum mare, Trahe nos ad coelica.
0809808a  Ave plena gratiae, Nostrae causa veniae, Virga Jesse florida;
0809808b  Fons misericordiae, Mater regis gloriae, Via vitae fulgida.
0809809a  Ave virginum regina, Stella fulgens matutina, Angelorum Domina;
0809809b  Sublevatrix oppressorum, Supplicantum servulorum Intende precamina.
0809810a  Tu es spes fidelium, Salus et refugium, Ave mundi domina;
0809810b  Virginum castissima, Reginarum optima, Solve nostra crimina.
0809900   De beata Maria V.
0809901a  Cursum sol iterans en nova tempora Et, quae concelebret, dat nova gaudia Genti Christigenae, dum colit annua Novae salutis nuntia Dicens: Ave Maria. Mundi gemente machina Legatus aula coelica Te stirpe virgo regia Plenam salu
0809901b  ###########################################################################################################################################################
0809902a  ###########################################################################################################################################################
0809902b  ###########################################################################################################################################################
0809903a  Si cognata senex est sterilis tua, Jam fecunda gerit mascula pignora, Cur non haec eadem virgo tibi sacra Donet Dei potentia? Ne timeas, Maria. Quid ergo, felicissima, Adhuc moraris pendula, Profer cupita verbula, Para sacrat
0809903b  ###########################################################################################################################################################
0809904   Amen simul voces sonent et pectora.
0810000   De beata Maria V.
0810001a  Ave mater redemptoris, Fons salutis, fons decoris, Cujus replet vis odoris Coelum, terram, maria.
0810001b  Salve forma pietatis, Templum summae deitatis, Cujus luce claritatis Illustrantur omnia.
0810002a  A delictis nos emunda, Sola virgo et fecunda, Prima talis, sed secunda Caret ordo saeculi.
0810002b  Decantantes nos exaudi, Serva datos tuae laudi, Ne fallacis hostis fraudi Tui subsint servuli.
0810003a  Aulam tuae castitatis Rex ingressus majestatis, Factus homo pro peccatis Restauravit omnia.
0810003b  Admiratur lex naturae, Quae sit hujus vis juncturae, Qua creator creaturae Suscepit humilia.
0810004a  Gabrielis ad decreta Primo pavens sed post laeta, Spreta mundi consueta Divino spiramine,
0810004b  Fide Deum concepisti, Patrem tuum peperisti, Cunctis vitam produxisti Ventris tui germine.
0810005a  Parens semper illibata, Nobis nata, nobis data, Ab antiquo praesignata Rubo, virga, vellere;
0810005b  Spinas nostras exstirpare, Nos regendo conservare, Sacro rore nos dignare Coelitus perfundere.
0810006a  Quam immensa, quam pusilla Tua proles haec est illa, Cujus crucis per vexilla Fugantur daemonia,
0810006b  Abrogantur jura mortis Et apertis vitae portis Reus ad primaevae sortis Redit coeli gaudia.
0810007a  Per te, vitae mater, rerum Cessat umbra, micat verum, O regina mulierum, Angelorum domina;
0810007b  Tuum datur mox ad nutum Naufraganti litus tutum, Stella, cujus lux virtutum Vincit coeli lumina.
0810008a  Nulla pestis apprehendit, Nil expugnat, quos defendit, Quibus munimen impendit Tua miseratio.
0810008b  Ergo nostri miserere Facque lucis lumen vere Post hanc vitam nos videre In coeli palatio.
0810100   De Beata Maria V.
0810101   Gaude, virgo gloriosa, Virgo munda, mundi rosa, Munda verbi mansio;
0810102a  Tota munda nos emunda Et fecunda nos fecunda Christi puerperio.
0810102b  Tu vitalis et regalis Virga virens virginalis Flore pudicitiae.
0810103a  Fecundata novo rore, Nova fronde, novo flore, Fructu novae gratiae.
0810103b  Ex hac virga viret ecclesia, Tacta floret coelesti pluvia, Regem parit gloriae.
0810104a  Virgam regis, virgam gregis, Virgam legis ex hac legis Prodiisse virgula;
0810104b  Virgam viae regiae, Virgam lucis praeviae Profert haec virguncula.
0810105a  In hac virga magus cedit, Mare fugit et obedit, Unus caedit milia,
0810105b  Et in fontem petra fluit, Et de coelo manna pluit, Sermo sonans omnia.
0810106a  Virgo, virga salutaris, Singularis portus maris, Porta vitae praevia,
0810106b  Nos immersos in profundo Duc in portum et a mundo Tua mundet gratia.
0810107a  Pelle Scyllam et Sirenes, Purga mentem, purga renes, Planta morum germina
0810107b  Et de mentis area Lateres cum palea Et lutum elimina.
0810108a  Noster in te crescat zelus, Inconcussa stet phaselus Inter tot contraria,
0810108b  Virga crucis remige Nos in portum dirige Per tot maris devia.
0810109a  Tolle malum, tende velum, Per te remum duc phaselum Ad coeli palatia;
0810109b  Tu sis nobis mediatrix, Dux et cymbae gubernatrix Per maris naufragia.
0810110a  Tu de lignis levigatis, Lignis Setim deauratis Arca, legis scrinium;
0810110b  Tu vas mannae sanctioris, Vas dulcoris et honoris Habens privilegium.
0810111a  Tu, Maria, maris stella, Virginalis virgo cella, Mater matris, fundens mella De fluentis gratiae.
0810111b  Cum sis stella, da splendorem, Cum sis virgo, profer florem Castitatis et dulcorem Maternae clementiae.
0810112a  In te Salomonis lectus, Auro fulvo circumtectus, Ex electis est confectus Floribus convallium;
0810112b  In te tactus caritatis, Byssus candens castitatis Et supernae majestatis Regale triclinium.
0810113a  Tu medulla condimenti Ollae mortis aegrae menti, Caecis splendor firmamenti, Lapis basis fulcimenti, Captivis refugium.
0810113b  Tu laterna deitatis, Tu lucerna veritatis, Tu pincerna pietatis, Nobis summae claritatis Confer participium.
0810200   De omnibus Sanctis.
0810201a  Ad honorem sanctorum omnium, Qui possident coeli palatium, Devotio plaudat fidelium Persolvendo laudis praeconium.
0810201b  Oris voce, medullis cordium Collaudemus regem et dominum, qui solus est rerum principium, Qui caput est et finis omnium.
0810202a  A quo, per quem, in quo sunt omnia, Ipsi salus, honor et gloria, Laus perennis, pax et victoria Et claritas et sapientia.
0810202b  Hunc collaudat in coeli patria Beatorum felix concordia, Huic laudem mater ecclesia Cum celebri reddit laetitia.
0810203a  Veneremur illud eximium Trinitatis summae sacrarium, Templum Dei, rei remedium, Peccatoris tutum refugium.
0810203b  In conceptu nescivit vitium Nec in partu doloris taedium, Nec caloris passa incendium Contra morem protulit filium,
0810204a  Altissimi patris consilium, Florem campi convallis lilium, Angelorum et nostrum gaudium,
0810204b  In supernis a patre genitum, Per quem constat, quidquid est conditum, Et a matre in terris editum.
0810205a  Haec est virga levitica, Flore, fructu specifica, Haec est urna mirifica, Vero manna magnifica.
0810205b  Haec cella Salomonica, Qua sedet sapientia, Haec cella aromatica, Virtutum plena gratia.
0810206a  Hanc circumstant illa coelestia Spirituum sanctorum agmina, Principatus et dominantia,
0810206b  Potestates, milium milia Regi regum administrantia, Sine fine sanctus clamantia.
0810207a  Patriarchae, viri praecipui, Fide pleni et bello strenui, Huic sacro praesunt conventui,
0810207b  Et prophetae virtute praediti, Prius sancti quam ventre editi, Sanctissimo non desunt coetui.
0810208a  In hac praefulget curia Fide et patientia, Doctrina apostolica Judicans cum justitia
0810208b  Et martyrum constantia Vincens tormenta varia, Spernens mundana gaudia Cum triumphali gloria.
0810109a  Sacerdotum confessio et confessorum concio In hoc exsultant gaudio,
0810209b  Quos carnis maceratio Et longa cruciatio Dignos fecit martyrio.
0810210a  Illic epithalamium Et novum agni canticum Decantat chorus virginum Rosas ferens et lilium.
0810210b  Ad quorum nos consortium Per eorum suffragium Ducat pater per filium, Qui regnat in perpetuum.
0810300   De omnibus Sanctis.
0810301a  Gaudeat ecclesia Per quatuor climata, Mundi nunc laetitia Circumfusa maxima.
0810301b  Temperentur organa, Praeparentur omnia Musicorum genera Hac in die fulgida.
0810302a  Domini innumera Praedicentur opera, Agantur solemnia Sanctorum natalia.
0810302b  Qui mundi pericula Vicerunt per omnia, Repellentes dulcia, Non timentes aspera.
0810303a  In primis sit posita Mater Dei inclita, Maria piissima, Virgo beatissima.
0810303b  Quae super angelica Exaltata gaudia, Residens in gloria Supra coeli culmina.
0810304a  Angelorum agmina Ante Deum posita, In conspectu Domini Ferre nostra cantica
0810304b  Vestra sunt officia, Adducendi animas Electorum tradita Vobis est potentia.
0810305a  Patriarchae et prophetae, Pleni Dei gratia, Subvenite miseris Vestra prece sedula.
0810305b  Johannes, qui Dominum Prophetavit primitus Monstravit et digito, Nobis sit sollicitus.
0810306a  Apostoli, qui lumina Mundo estis tradita, Vestra est potentia Ad laxanda crimina.
0810306b  Vos precamur consona Prece, quod et cantica Sumatis cum gloria Per ista solemnia.
0810307a  Martyres fortissimi, Veri testes Domini, Qui pro Deo corpora Dedistis ad verbera,
0810307b  Contemnentes omnia Mundi delectamina, Unde super aethera In superna curia
0810308a  Possidetis gaudia Per aeterna saecula; Hujus rei gratia Laetetur ecclesia,
0810308b  Laudes et praeconia Qui pro vestra gloria Concinamos inclita Per ista solemnia.
0810309a  Confessorum agmina, Quae mundi luctamina Atque carnis vitia Superastis omnia,
0810309b  Martyribus similia Meruistis praemia, Ad vestra solemnia Retorquete lumnia.
0810310a  Virginum sanctissima Cohors Deo proxima, Quae corporis verbera Et carnis incendia
0810310b  Vicisti duplicia Retinens insignia, Quia virgo candida Et martyr purpurea.
0810311a  Sanctorum collegia Omnium, per merita, Quae habetis maxima, Per vos detur venia
0810311b  Nobis, ut in pagina Vitae nostrae nomina Scribantur per omnia Saeculorum saecula.
0810400   De omnibus Sanctis.
0810401   Sancta Dei mater, virgo benigna Maria,
0810402a  Tu nos miseros adjuva atque Christi gratiam nobis impetra,
0810402b  Quae nos tua per merita devitare faciat cuncta crimina.
0810403a  Beate Michael, tu pro nobis majestatem superni regis invoca,
0810403b  Et cuncti coelibes simul cives, commendate nos Deo prece sedula.
0810404a  O Johannes, Christi baptista, pro nobis indignis jugiter ora.
0810404b  Et tu, sancte Petre, dignare cuncta disrumpere nostra vincula.
0810405a  Omnes Domini apostoli, solvite delicta nostra,
0810405b  Quia vobis est a Domino potestas ad hoc concessa.
0810406a  Nunc sancti martyres, qui vestra tradidistis corpora,
0810406b  Pro Christi nomine libenter multa ad supplicia;
0810407a  Vos quoque, confessores Christi et sacerdotes virginumque sanctorum turma praeclara,
0810407b  Precamini pro nobis, ne nos seducat hostis neque vana gloria nec laus humana.
0810408a  Omnes sancti Dei, verba pro nobis ferte pia;
0810408b  Rogate Dominum, ut nostra deleat crimina
0810409a  Ut nos evadere faciat inimici scandala et inferni claustra,
0810409b  Nos atque per suam collocet pietatem requiem saltem in aliquam.
0810410a  Ut libeat nos dicere: honor, laus et gloria
0810410b  Sancta tibi sit trinitas per aeterna saecula.
08104011  Amen dicant Simul cuncta.
0810500   De omnibus Sanctis.
0810501a  Rex aeterne, rex coelorum, Nos conserva, ne nostrorum Culpae graves delictorum Trahant ad supplicia;
0810501b  De hac valle lacrimarum, de hac nocte tenebrarum Trahe nos ad diem clarum In aeterna gloria.
0810502a  Precibus apostolorum, Martyrum et angelorum Petimus, quod meritorum Augeatur gratia;
0810502b  Confessores exorantes Virginesque deprecantes, Sanctos omnes invocantes Ad nostra subsidia.
0810503a  Et tu, mater pietatis, Virgo sanctae trinitatis, Nos solutos a peccatis Deo reconcilia.
0810503b  Jesu bone, te rogamus, Ut te dante sic vivamus, Quod post mortem habeamus Requiem in gloria.
0810600   In festo omnium Sanctorum.
0810601a  Alme Deus, lux summa, quem luna, sol et stellarum corpora, angelica et spiritalis potestas, coelestis atque aeterna
0810601b  Atque terrae producunt viscera agrestia et lata aeris regna et maria et infera adorant atque trepidant.
0810602a  Preces nostras atque vota sume humilia,
0810602b  Quibus te laudantes voce cantamus consona
0810603a  In solemnitate omnium sanctorum praecelsa et cunctis populis fulgida.
0810603b  Qui tibi devoti in aeterna vita regnantes festa frequentant praecipua.
0810604a  In hoc ergo collegio nostra junge gaudia
0810604b  Atque simul fac nostras numerari animas.
0810605a  Ubi florigeras sacra virgo Maria coronas numerat
0810605b  Et apostoli jam pretiosa sequuntur agni vestigia.
0810606a  Martyrum excelsa per flammas et per tormenta multa munda sunt defuncta agmina
0810606b  Et pia pro nobis dant vota mittentes stolas suas ad tuam misericordiam.
0810607a  Ubi resonat in excelsis Hosanna
0810607b  Horum omnium voce clara per cuncta.
0810608   Saecula.
0810700   De ss. Patronis.
0810701a  Honoremus corde toto Patronorum voce, voto Sedulo solemnia,
0810701b  Qui pro nobis regi divo Incessanter Deo vivo Offerunt precamina.
0810702a  Invocemus mente nexi Nec cessemus genuflexi Horum patrocinia,
0810702b  Nam nos genuere patres Cohortando quasi fratres Verbis apostolicis.
0810703a  Ergo grati jucundemur, Onerosas ne cogemur Perpeti molestias,
0810703b  Probris cunctis abdicemus Et sincere deploremus, Fragiles quod gessimus.
0810704a  O vos coelici parentes, Nostra corda, gressus, mentes Ad Deum convertite,
0810704b  Ut ab hoste simus tuti Quovis, eja, nos adjuti Vestris sanctis precibus.
0810705a  In hac valle mereamur Firmam pacem, deprecamur, Tandem et perpetuam;
0810705b  Nobis velit quod praestare, Qui cum patre conregnare Novit et spiramine.
0810800   In Translatione sanctorum.
0810801a  Sanctorum praeconio Serviat devotio, Laus et jubilatio Nostri chori.
0810801b  Confessorum gaudio Nostra sit confessio, Decora laudatio Conditori.
0810802a  Hi pastores ovium, Hi doctores gentium Fervent in officium Caritatis.
0810802b  Pellunt plebis vitia, Fugant et daemonia, Dantes beneficia Sanitatis.
0810803a  Horum corda solida Reddit fides vivida, Caritate fervida Verus amor.
0810803b  Horum vigent seduli In salutem populi Lingua, manus, oculi, Cordis clamor.
0810804a  Hi norma justitiae, Forma poenitentiae; Pacis et concordiae Condimentum,
0810804b  Flores eloquentiae, Fructum sapientiae Dantes in ecclesiae Nutrimentum.
0810805a  O beata concio, Quam sine fastidio Pascit Dei visio Semptiterna.
0810805b  Nos precum suffragio Vestra miseratio Trahat ab exsilio Ad superna.
0810900   De sanctis Reliquiis.
0810901a  Nos ad laudes praeclara corona monet Alleluja,
0810901b  Et pro crucis vexillo canora sonet Harmonia.
0810902a  Veneremur sanguinem Et sacram arundinem Salvatoris;
0810902b  Pro pannis sudario Sonet et pro pallio Laus in choris.
0810903a  Adoremus lanceam Et catenam ferream Redemptoris;
0810903b  Linteum et spongiam Colamus et gloriam Conditoris.
0810904a  Pars de Christi tumulo Praesentata populo Adoretur,
0810904b  Consecrata tabula Cum Moysi virgula Honoretur.
0810905a  Lac et peplum virginis Et thesaurus sanguinis Percussae imaginis Nos ditarunt,
0810905b  Sacra Clemens, Blasius, Praeco Christi praevius et senex eximius Praesentarunt.
0810906a  Per haec magnalia Repelle vitia Nos, Christe, firmans in gratia;
0810906b  Ut post praesentia Vitae praeconia Tecum laetemur in patria.
0811000   De Apostolis.
0811001a  Vos sal terrae, vos lux mundi, Vos fecundi et facundi Defluentis gratiae;
0811001b  Vos lucernae firmamenti, Vos pincernae testamenti, Vos Cherubim gloriae.
0811002a  Vos in petra solidati, Vectes sethim deaurati, Claves sapientiae;
0811002b  Vos priores, fundatores, Protectores et rectores Totius ecclesiae.
0811003a  Vos per flatum vitae venti De secretis firmamenti Missi, mundi cardines,
0811003b  Orbem fertis et ardores, Terrae motus et terrores, Tonitrus et grandines.
0811004a  Ut rebelles per terrorem Et electi per amorem Ad te, Sion, redeant,
0811004b  Ut per veros piscatores, Non per pseudo-perversores Rete vestrum subeant.
0811005a  Cum coelestis regni claves Teneatis et conclaves Clausas veri luminis,
0811005b  Aperite nobis hortum Hujus lucis et hunc portum Summae plenitudinis.
0811100   De Apostolis.
0811101a  Laus sit patri, laus sit proli, Laus sancto spiritui,
0811101b  Uni Deo, vero soli, Qui non potest minui.
0811102a  Cujus sanctae majestati Sancti sunt conspicui,
0811102b  Candidati, coronati, Felices perpetui.
0811103a  Sunt prae cunctis honorati Principes apostoli,
0811103b  Qui pro Christo morti dati Meruerunt recoli.
0811104a  Patres illi primitivi, Sicut hortum rigant rivi, Rigaverunt populos,
0811104b  Differentes in personis, In coronis et in donis Pares habent titulos.
0811105a  Qui vicerunt hostem trucem Promerentes summam lucem Et coronas maximas,
0811105b  Qui tulerunt suam crucem Et sequentes Christum ducem Posuerunt animas.
0811106a  Quam decorus ille chorus Duodenus, quam serenus Adspectus in singulis,
0811106b  Qui rectores et censores, Qui pastores et doctores Exstiterunt populis.
0811107a  Jucundantes et laetantes, Assistentes et praesentes, Christe, tuis oculis,
0811107b  Venerandi, praedicandi, Gloriosi, gratiosi, Pollentes miraculis.
0811108a  Hi sunt illi, per quos clavis Paradisi traditur,
0811108b  Hi sunt illi, per quos navis Ad portum deducitur.
0811109a  Hi sunt illi, quorum sanguis Pro te, Jesu, funditur,
0811109b  Hi sunt illi, per quos anguis Antiquus perimitur.
0811110a  Per hos coelum reseratur Et per eos clauditur,
0811110b  Per hos culpa condonatur Et reatus solvitur.
0811111a  Inter eos coronatus Est Andreas, vir beatus, Cujus festum colitur;
0811111b  Quantus fuit iste, vide, Quanta passus sit pro fide, Satis intelligitur.
0811112a  Mortem tulit temporalem, Unde vitam immortalem Meruisse dicitur.
0811112b  O Andrea, pastor bone, Fac nos frui visione, Quae sanctis promittitur.
0811113a  O coelestes senatores, O bis seni seniores, Exaudite peccatores, Impetrantes veniam.
0811113b  Ut cum dies erit irae, Qua salvare, qua punire Debet judex, tunc redire Possimus in patriam.
0811200   De Communi unius Martyris.
0811201a  Laetabundi jubilemus, Laeta mente celebremus Martyrum solemnia;
0811201b  Qui in mundo morientes, Sed in Christo renascentes Ejus vivunt gratia.
0811202a  Cujus testes exstiterunt, Dum mundana respuerunt Quaerendo coelestia;
0811202b  Quem ad mortem dilexerunt, Ipsum sequi voluerunt Per mortis compendia,
0811203a  Crucem sibi bajulantes, Sola cruce gloriantes Audita sententia:
0811203b  Si quis post me vult venire, Tollat crucem, si redire Vult ad coeli gaudia.
0811204a  Sic per multas passiones Ad supernas mansiones Gloriosi proceres
0811204b  Festinabant sed in via Experti sunt ludibria, Vincula et carceres.
0811205a  Flagellati, lapidati Et per multa cruciati Tormentorum genera,
0811205b  Torcularis in pressura, Faex deorsum sed vis pura Manavit ad supera.
0811206a  Ubi manet aeternale, Quod hic fuit temporale Carne tectum lubrica;
0811206b  Ubi manent sublimati, Mira stola decorati, Securi de reliqua.
0811207a  Sic, Vincenti, martyr Christi, Laureari meruisti Claro diademate,
0811207b  Certa fruens visione, Quod palpamus ratione Sicut in aenigmate.
0811208a  Unitatem trinitatis, Trinitatem unitatis, Quod est ineffabile,
0811208b  Illud magnum sacramentum, Ad quod nullum argumentum Habemus probabile.
0811209a  Manifeste contemplaris, Contemplando satiaris Interna dulcedine,
0811209b  Qua refectus esurire Nullus potest aut sitire Tanto fruens lumine.
0811210a  O convicis angelorum, Ad superna nos polorum Tuo fac precamine
0811210b  Post hanc vitam sublevari, Quos hic cernis aggravari Multiformi crimine.
0811211   Poscat iste Et tu, Christe, Largiaris Domine.
0811300   De Communi Confessoris.
0811301   Mundi aetate octava
0811302a  Florebunt duplici palma beatorum agmina,
0811302b  Corpore glorificato, conregnante anima.
0811303a  Induentur bina stola, quicunque prius meruerunt singulas;
0811303b  Fulgebunt justi tamquam sol et velut clara coeli luminaria.
0811304a  Omnes omnia scient, verba cessabunt, loquentur mutuo corda.
0811304b  Una omnium Alleluja vox est, quam signant sequentia pura
0811305   Voce canenda.
0811400   De ss. quatuordecim Auxiliatoribus.
0811401a  Inter sanctos Deo gratos Adjutores vos beatos Praedicat ecclesia,
0811401b  Omnem mundum nam spevistis Et pro Christo reliquistis Vana ejus gaudia.
0811402a  Hostis propter hoc antiquus Saevit in vos ut iniquus, Boni Christi milites,
0811402b  Adversatur et grassatur, Adulatur et minatur Suos per satellites.
0811403a  Non vos poena terret dura, Nec promisssa frangunt plura Servire daemonibus;
0811403b  Nempe fides vos firmavit Atque Christus confortavit Vincere in omnibus.
0811404a  Eja Christi pugnatores, Qui non victi sed victores Fuistis in proelio,
0811404b  Sitis memores nunc mei Nec non ecclesiae Dei Egentis auxilio.
0811405a  Repellatur ob vestrorum Interventum meritorum Bellarum nequitia,
0811405b  Error omnis evellatur, Quod injustum est, tollatur, Vigeat justitia.
0811406a  Salus aegris, quies fessis, Sit solamen et oppressis Spesque lapsis veniae,
0811406b  Ad se Deus nos clamantes Per vos audit, fluctuantes In valle miseriae.
0811407   Laus his pro patronis Deo, Per quos nobis spes in eo Jam datur certissima.
0811500   De XXIV Senioribus.
0811501a  Omnis homo laudes pangat, Hac in domo nemo frangat Laudis personantiam
0811501b  Mundis modis ac discretis Canat rite sine metis Decoris fragrantiam.
0811502a  Qua luxerunt nisu toto Viri sancti, fide, voto, Quater seni proceres;
0811502b  Grate Christus quos elegit, Donis sanctis dum compegit Toti orbi celebres.
0811503a  Noster olim incolatus Animarum dum reatus Stabat in periculo,
0811503b  Culpis nostris est prostratus Rex pro nobis homo natus Crucis in patibulo.
0811504a  Qui dum surgens morsu urgens Inferorum moenia Coelos scandit, iter pandit Tergens nostra crimina.
0811504b  Dextram patris summi tenens Dulciori jubilo, Votis ratis suos regens Hic in orbe nubilo.
0811505a  Hinc in Pathmos dum illuxit Caro suo, hunc instruxit De futuris statibus:
0811505b  Girant thronum tunc sedentis Quater seni sacrae gentis Junctis animalibus.
0811506a  Agnus Dei hinc occisus Est praeclarus ibi visus Septem habens cornua,
0811506b  Is a cunctis adoratur, Flexo corde veneratur Septem gerens lumina.
0811507a  Cui dantur reserari Et in orbem praedicari Septena hic signacula,
0811507b  Hic effecit nos regales Delubri sacerdotales Collustrans cordis invia.
0811508a  En electi stant perfecti Citharis et phialis, Macerati, castigati, Toto corde inflamati,
0811508b  Ut adorent et exorent Pro terrenis miseris, Ut admittat et acceptat Tamquam gratum nostrum flatum Sacri adoraminis.
0811509a  O electi et beati, Tonsurati ac comati, Nunc et semper Christo grati, Simus vobis commendati.
0811509b  Ut laetanter operemur, Exultantes veneremur, Caritate protendemur Ac vobiscum gratulemur.
0811510   Hamus quo non rumpitur Piscium in captura, Nec vestis conscinditur, Quae sortis capit jura, Quo sacrum Alleluja Non clauditur mensura.
0811600   De XXIV Senioribus.
0811601a  Collaetemur venerantes Citharoedas resonantes Preces et citharizantes In conspectu Domini,
0811601b  Senos quater seniores, Agni throni assessores, Interventu defensores Fideli sunt homini.
0811602a  Deum Sabaoth videntes, Quem verentur omnes gentes, Hunc affantur inquientes Omnia per saecula:
0811602b  Dignus es, qui corruisti Libri clausi nece tristi Deo nos et redemisti Solvere signacula.
0811603a  Plenas odoramentorum Phialas, quae sunt justorum Preces, habent, quas polorum Deo semper indicant;
0811603b  Laeti cujus majestatem Contemplantur, hi primatem Plasmantem ver et aestatem Et momenta praedicant.
0811700   De sancto Achatio.
0811701a  Digne recoluntur digni Christi martyres benigni, Portitores sacri signi, Sancti decem milia.
0811701b  Ex terrestribus coelestes Fiunt crucifixi testes, Spernunt terrenorum vestes Fulti Dei gratia.
0811702a  Convenerunt cum Romanis Caesares cum viris vanis, Immolare diis profanis Pro vincendis hostibus.
0811702b  Eufratenses, Gadereni, Ut rebellione pleni Armis bellicis sereni Stabant in agminibus.
0811703a  Motis castris Adrianus Et Antonius Romanus Adversariorum manus Fugiunt de proelio.
0811703b  Militares autem viri Perstiterunt instar tyri Novem mille actu miri Misso coeli nuntio.
0811704a  Juvenis his apparebat, Qui audiri se monebat Et in fide instruebat Alloquens Achatium.
0811704b  Lacum hostes incurrebant, Nam ab angelo timebant, Qui resistere volebant Petunt praecipitium.
0811705a  Interemptis inimicis Erat angelus amicis Verbum vitae dans felicis Velut Jesus medius.
0811705b  Ararat tunc pervenerunt Angelique descenderunt, Septem numero fuerunt, Unde stupor nimius.
0811706a  Mira illic narrabantur, Hinc peccata plangebantur, Angelique ferebantur A sanctorum oculis.
0811706b  Ad futura animati Quaerebantur hi beati, Principesque sunt turbati Cum eorum populis.
0811707a  Reges quinque demandantur, Ut sic sancti occidantur, Veniunt et trucidantur Diris cruciatibus.
0811707b  Tunc in martyrum agone Sicut Christi passione Ante punctum horae nonae Signa patent omnibus.
0811708a  Idolis non offerebant, Unde nullae convertebant, Vitam cruce finiebant Pares suo Domino.
0811708b  Recte tales recoluntur, Quorum preces non pelluntur Sed in coelis audiuntur Sine finis termino.
0811709a  Viros istos invocemus, Horum festum celebremus, Passionem pertractemus Habituri gloriam.
0811709b  Martyres pro Jesu passi, Nobis qui nunc sumus bassi, Ne deficiamus lassi Impetrate gratiam.
0811800   De sancto Achatio.
0811801a  Laudemus Dominum Devotis cordibus, Qui mentes hominum Sanctorum mortibus Illustrat hodie.
0811801b  Quos in patibulis Tortos atrociter Transfert a vinculis Carnis subtiliter Ad thronum gloriae.
0811802a  Coronas aureas Sacer exercitus Gestat, qui spineas Tulit, et gemitus Cedit in gaudium.
0811802b  Sic ignominia, Claram memoriam, Moeror laetitiam Confert et gloriam Crucis opprobrium.
0811803a  Hi, quorum corpora Jesu stigmatibus Fulgent in ebora Tincta coloribus Auro vernantibus,
0811803b  Fixi stipitibus, Cruenti sanguine, Salutem omnibus Benigno famine Poscunt fidelibus.
0811804a  Vox sonat coelitus Missa, qua protinus Firmat divinitus Petita Dominus, Amator martyrum.
0811804b  Venite, inquiens, Regnum percipite, Si erit cupiens, Vota perficite, Vos invocantium.
0811805a  Mox multitudine Stipatus adfuit, Rex suos lumine Milites induit Inaestimabili.
0811805b  Egressi milites De tabernaculis In fide divites, Confossi jaculis Cum duce nobili
0811806a  Pergunt ad patriam, Palma victoriae Venustant regiam Coeli militiae Excelsi laudibus.
0811806b  Cernentes facie Decorem regium Post statum gratiae Aeternum gaudium Praestent supplicibus.
0811900   De sancto Aegidio.
0811901a  Aegidio psallat coetus Iste laetus, Alleluja,
0811901b  Quem perfudit primo flore Miro more Lux divina.
0811902a  Sanctus signis floruit, Quia pure coluit Creatorem;
0811902b  Karolus quod fregerat, Prece munda reparat Ad vigorem.
0811903a  Ad desertum evolat, Nudus crucem bajulat Salvatoris;
0811903b  Ibi carnem macerat, Ibi pugnans superat Vim ardoris.
0811904a  Dum sic Christo militat, Turbam fratrum incitat Ad aeterna;
0811904b  Quibus ipse praefuit, Apta loca petiit Ter quaterna.
0811905a  Eja, pater pauperum, Noxas dele scelerum, Ignem quo tartareum Evadamus;
0811905b  Tuis fer auxilium, Ut post hoc exsilium Tecum Dei filium Videamus.
0811906a  Ora pro tuorum Statu filiorum In conspectu summi regis;
0811906b  Ut nos a peccatis Mundans perpetratis Donet esse dextrae gregis.
0812000   De sancto Albano.
0812001   Eja gaudeas caterva ovanter, eja.
0812002a  Pange sonora Domino cantica, illius enarra et magnalia.
0812002b  Ex toto corde, ex tota virtute, ex tota anima Christo jubila.
0812003a  Qui est sanctorum vita, virtus, gloria, praemium, corona.
0812003b  Cujus pietas larga comit aurea Albanum laurea.
0812004a  Cujus praecellens gratia expurgavit ejus crimina.
0812004b  Ejus et cornu per saecla exaltavit in magna gloria.
0812005a  Cum enim percepisset diva munera,
0812005b  Sanctae religionis dona mystica,
0812006a  Aspernens idolatram regem sprevit idola.
0812006b  Et cum jam duceretur mortis ad supplicia,
0812007a  Prece fugans flumina, Per fluvii glareas sicca transivit semita;
0812007b  Pari quoque gratia Grata fontis munera terra produxit arida.
0812008a  Post haec inclita, Albane pater, opera Linquens haec terrestria, Scandis cum gloria coelorum dindima.
0812008b  Te nunc petimus, patrone, prece sedula, Qui es nostra gloria, Solve precum votis servorum scelera.
0812009a  Exora pro gente Anglica et pro ejus pace aeterna
0812009b  Et nobis tibi supplicibus vitae vera impetra gaudia.
0812010   Ibi sonat jugiter Alleluja.
0812100   De sancta Alda.
0812101a  Plebs fidelis laetetur, Aldae psallat praeconia
0812101b  Festumque festivetur, Exstat digna memoria.
0812102a  Haec est virgo tota decora, mente casta, corpore pudica;
0812102b  Stella rutilans ut aurora, operibus penitus coelica.
0812103a  Turma salutet humilis, Nam hanc laudant coelestia;
0812103b  Ave, virgo laudabilis, Alda repleta gratia.
0812104a  In te diffusa clementia Christi fuit, qua gloriaris;
0812104b  Elegit te sua gratia, Throno suo nunc coronaris.
0812105a  Prole quondam nobilis Fideque clarior,
0812105b  Supra modum humilis, Cunctis benignior.
0812106a  Una quinque prudens Ex virginibus,
0812106b  Caritate pollens Et virtutibus.
0812107a  Sponsa sponso grata, Pulchra, formosa,
0812107b  Hocque consecrata Es gloriosa.
0812108a  Mater pauperum, afflictorum Solamen et vera spes reorum,
0812108b  Preces pias sume servorum Servans ab insidiis malorum,
0812109   Post hanc miseriam Coeli des gloriam.
0812200   De sancto Alexio.
0812201a  Haec est dies digna cultu, In qua de mundi tumultu Dei fruiturus vultu Conscendit Alexius;
0812201b  Legi mentis repugnantem Legem membrorum calcantem, Quem et hostem superantem Traxit Dei filius.
0812202a  Namque manens impollutus, Natum virginis secutus, Postquam literis imbutus, Copulatur virgini;
0812202b  Quam suppressa voluptate Christi fervens caritate Monita virginitate Reliquit certamini.
0812203a  Hunc nobilitas ornavit Naturae, quam superavit Ejus et plus decoravit Mente morum claritas;
0812203b  Despecto fuco decoris Vani fastuque tumoris, Crucem ferre salvatoris Quem cogebat caritas.
0812204a  Qua devictus abnegavit Semetipsum, conculcavit Mundum, carnem subjugavit Servire spiritui.
0812204b  Cum renuntians nativo Solo motus flatu divo Dominatur sensitivo Pauper appetitui.
0812205a  Annis decem septem junctis Exsul et ignotus cunctis Acriter dolore punctis Degebat parentibus;
0812205b  Per imaginis laudari Vocem cum coepisset, mari Se commendans ignorari Vult mutatis gressibus.
0812206a  Hinc latens tot annis actis Domo patris dormit, tactis Stupore perpensis factis His parentum mentibus.
0812206b  Aeger non remansit unus, Quin reduxit voti munus, Tangens hoc dum fertur funus Ejectis daemonibus.
0812207a  Aeternorum jam possessor, Beatissime confessor, Sis pro nobis intercessor Apud regem gloriae;
0812207b  Quo dignetur liberare Culpis vinctos et salvare Tuae vacantes praeclarae, Tam dulci memoriae.
0812208a  Christe, da, quem veneramur Et quem laudare conamur, Ut vestigia sequamur Spretis vanitatibus.
0812208b  Mente pia deprecamur, Mundi curis eruamur Condigneque compungamur Pro nostris reatibus
0812209a  Sicque nostra praesens vita, His terrenis irretita, Hic expediatur ita Virtuosis actibus,
0812209b  Ut a viciis mundati Moribusque decorati, Veste carnis spoliati Jungamur coelestibus.
0812300   De sancto Alphego.
0812301   Ad haec colenda gaudia,
0812302a  Quae Alphegi triumphalis adornat victoria,
0812302b  Mellifluae trinitati persolvamus cantica.
0812303a  Cujus fidei clara assumens insignia
0812303b  Ad nihilum redegit maligni molimina.
0812304a  Dum fortis patiendo mortem ad usque suam odivit animam,
0812304b  Ut vitam in aeternam mortis jure calcato custodiret eam.
0812305a  Omni plenus gratia multa dedit insignia Virtutum verbi semina spargens semper in credula carnalium corda.
0812305b  Sed plebs veri nescia agens mente lapidea Sancta Dei famina spernit ac omnimodam prorumpit in iram.
0812306a  Stat martyr ovans, Jesum adorat, cujus vicem gerebat, pro illo mori gaudebat.
0812306b  Oves commendat Christo servandas sanguine sternens viam, qua graderetur ad vitam.
0812307a  Passus obscura carceris antra, vincla, dira tormenta,
0812307b  Saxorum inter vulnera sanctam coelo reddidit animam.
0812308a  Quid ergo saevis, invida pestis, pestis antiqua,
0812308b  A moriente Chisto devicta atque calcata?
0812309a  Virtus hunc sustollet ad gloriam, te invidia trahit ad poenam. Ecce quam laeta cantat haec turma martyris alma
0812309b  Trophaea dignam Christo dans doxam, qui tulit palmam. Ecce nunc, quem murmur non fregerat, aeternaliter vivit et regnat.
0812310a  Per haec tua felicia, pater, rogamus gaudia,
0812310b  Quae hodie omnifica tibi cessit potentia,
0812311a  Aufer a nobis meritam mali auditus sententiam,
0812311b  Qua confundentur superba omni cesante superbia,
0812312   Et fac nobis perviam regni coelestis januam.
0812400   De sancto Amando.
0812401   Gloriosi Amandi, eja,
0812402a  Sacerdotis annua solemnia Celebremus celebri laetitia.
0812402b  Ex illustri natus est prosapia Sanctus puer, Dei plenus gratia.
0812403a  Literarum adamavit studia, Mundi hujus spernens lenocinia.
0812403b  Suspirabat ad aeterna gaudia, Electorum imitans vestigia.
0812404a  A serpente liberavit Ogiam Signo crucis adhuc puer insulam.
0812404b  Pastorali decoratus infula Declaratur per multa miracula.
0812405a  Conservavit puerum a daemone, Quem perdere volebat in flumine.
0812405b  Nautas salvat de mortis angustia Commotaque praesul sedat maria.
0812406a  Plagis caesus fixusque patibulo Fur salvatur ipsius oraculo.
0812406b  Verbum vitae gentibus anuntians Revocavit ab errore miserans.
0812407a  Lepram mundat, curat paralyticos, Caecos, claudos sanans ac phreneticos.
0812407b  Admiranda ejus sunt insignia, Quae referri non possunt per omnia.
0812408a  Vitae tandem intrare felicia Post laborem meruit palatia.
0812408b  Jam Amandus adamanda gaudia Cum electis possidet et praemia.
0812409a  Nobis ergo per ejus suffragia Pia Christi succurrat clementia,
0812409b  Ut mundatis a peccati macula Porta coeli fiat nobis patula.
0812410   Et cum sanctis post vitae pericula Gaudeamus per aeterna saecula.
0812500   De sancta Anna.
0812501   Testamento veteri Anna fuit genita Et de stirpe regia.
0812502a  Haec matrona nobilis Diu fuit sterilis In magna tristitia.
0812502b  Cui fructum contulit Et sic luctum abstulit Divina clementia.
0812503a  Patriarchis edita, Anna, luce praedita In perenni gloria,
0812503b  Deprecamur, inclita, Ut per tua merita Nobis detur gratia.
0812504a  Anna, parens Labe carens, Rubens rosa Speciosa Florens inter lilia,
0812504b  Matrem Christi Genuisti, Tua prece Nos a nece Tuearis noxia.
0812505a  Ecce lucis officina, Aegris spes et medicina, Tua proles et regina In coelesti patria,
0812505b  Ipsa cunctis jam praelata Per te sumens haec precata Nostra fiat advocata In Dei praesentia.
0812600   De sancta Anna.
0812601a  Hac in die plebi piae Praesens esto Annae festo, Christe, fons laetitiae;
0812601b  Eximia o Maria, Pulso maesto adsta presto, Dum cantatur hodie.
0812602a  Anna ignorante Heli Se commendans Deo caeli Samuelem peperit,
0812602b  Pater mittens Annae natum Cum chirographo ad cognatum Raphaelem reperit.
0812603a  Anna Rachuelis nata, Septem viris viduata, Tobiae conjungitur,
0812603b  Quo potito jure dato Piscis corde concremato Nam daemon depellitur.
0812604a  Harum Anna in figura Viri sui carens cura Dolet, quod sit sterilis,
0812604b  Vir redit ex inspirato Dei coeli de mandato Et fit inde fertilis.
0812605a  Benedictus Annae fructus, Nam multorum solvit luctus Pariendo filium,
0812605b  Qui antiquum inimicum Stravit reos et vocavit Ad coeli palatium.
0812700   De sancta Anna.
0812701a  Adest venerabilis Annae dies bonae, Lux multum amabilis Tam piae matronae.
0812701b  Haec Joachim homini Dei uxor data, Matrem gignit Domini Viro fecundata.
0812702a  Pulchra generatio Castae caritatis, Sterilis opprobrio Carens cum beatis.
0812702b  Ipsius memoria Erit immortalis, Certantium praemia Vincens in tot malis.
0812703a  Vir bonae mulieris Se novit beatum, Non sic de adulteris, Quae maculant stratum.
0812703b  Haec Deum timentium Sors et pars est bona, Cujus est consortium Inter Dei dona.
0812704a  Gratia est etiam Uxor super gratiam Sanctam pudorata,
0812704b  Quae habitu sobria Est et verecundia Tacita sensata.
0812705a  Non ex tortis crininibus, Auro, gemmis, vestibus, Sed fide ornata,
0812705b  Sanctificatione Atque dilectione Ei sociata.
0812706a  Haec est illa coeli cella, De qua exit maris stella His, quos umbra tenuit.
0812706b  Quae compescat mundi bella Et nos servet a procella, Nam mare intumuit.
0812800   De sancto Ansuero.
0812801a  Pangat chorus laetabundus Nova laudum dramata,
0812801b  Nam ad coelos mittit mundus Per tormenti stigmata
0812802a  Novas rosas et formosas, Florentes virtutibus,
0812802b  Nunc Ansuerum, testem verum, Cum suis comitibus.
0812803a  Zelo Christi pugnant isti Pro fide non segniter,
0812803b  Hi periti sic attriti Pugnaverunt fortiter.
0812804a  Lapidati, cruentati Sistunt in certamine,
0812804b  Sic prostrati coelo dati Sunt, eorum animae.
0812805a  Furit fremens paganorum Gens et atrocissima, Quae contrivit sic sanctorum Crudeliter corpora.
0812805b  Angelorum mittit chorum Christus de coelestibus, Qui sanctorum tollit horum Animas corporibus.
0812806a  Quod cernentes circumstantes Currunt ad interitum,
0812806b  Ut cum sanctis possint tantis Possidere meritum.
0812807a  Quorum prece nos a nece Post haec transitoria
0812807b  In eorum juvent chorum Gaudere cum gloria.
0812900   De s. Antonio Eremita.
0812901a  Inter choros supernorum Adsint chori monachorum Ad laudem Antonii,
0812901b  Sit laus concors nunc eorum, Sit solemnis nunc amborum, Dies haec est gaudii.
0812902a  Hunc Aegyptus virum profert, Et hunc mundo Christus offert In exemplum populi,
0812902b  In aetate puellari, Sed in virga regulari Mare transit saeculi.
0812903a  Vitam solitariam, Summam et eximiam, Primus demonstravit
0812903b  Vita fulgens eminus, Plures ad se protinus Fratres advocavit.
0812904a  Hic Elias pari motu Cibo panis, aquae potu Contentus et pallio,
0812904b  Zelo legis roboratus Pharaonis equitatus Mergit legis fluvio.
0812905a  Doctos vincit, reges monet, Fratres docet, ut vox sonet Ad Dei magnalia;
0812905b  Hostes pellit, morbos sanat Et ex ejus lingua manat Dei laus et gratia.
0812906a  Ejus beneficio Salutem instructio Multis operatur,
0812906b  Mundum replet germine, In coelorum culmine Tandem sublimatur.
0812907a  Latet lumen in laterna, Joseph agnus in cisterna, Sed praevisor omnium
0812907b  Ossa servat Elisaei, Ut arderet amor Dei In corde fidelium.
0812908a  O quam dignum, quam acceptum Apud Deum est adeptum Honoris fastigium,
0812908b  Junctus sanctis eminenter Quo nos juvat affluenter Virtutum suffragium.
0812909a  Ergo laudes Antonio Chorus clamet egregio Mente prona,
0812909b  Surgat sursum affectio, Gaudens poscat haec concio Dei Dona.
0812910a  Et tu, pater, sic adesto Tuo gregi semper praesto Mente semper sedula,
0812910b  Et in mundo nos conducas, Et a mundo nos educas Victuros per saecula.
0813000   De sancto Antonio.
0813001   Canentes salvatori laudes, resonemus gratias,
0813002a  Famulo qui suo vitam dedit Antonio,
0813002b  Viveret qua semper gaudens aeterno gaudio.
0813003a  Gaudet nunc in coelis, in terris calicem bibens Domini,
0813003b  Dominum qui nudus secutus, suppressus crucis oneri.
0813004a  Ut levius scanderet, spreverat cuncta transitoria,
0813004b  Ne retro deprimerent virtutum alas auri pondera.
0813005a  Hic Domini jugum tulit ab infantia et imitans Joseph pallium Aegyptiae herae reliquit manibus.
0813005b  Hic stabilem fide servat innocentiam, dum visitans Paulum, quae vidit, horrentia fugat verbis non manibus.
0813006a  Hic lupam sequitur viam nesciens, qua Paulum quaerere veniret;
0813006b  Sed Deo creditur, quonam ducatur, ut meliorem se sentiret.
0813007a  Comperto itaque Paulo conversatur, visis gestis melioratur, muneribus spiritualibus ditatur.
0813007b  Et corvus adest, prandium praeparatur, medius panis integratur, militibus Christi annona duplicatur.
0813008a  Duplicati ut salvemur et corpore et spiritu, hunc deprecemur:
0813008b  Pater, senex reverende, tu nos defende, tuere ab igne gehennae.
0813009   Tu nobis subsidio sistas in praesidio toto venerabilis aevo.
0813100   De sancto Arigio.
0813101a  In honorem beati praesulis Concinamus vocibus, modulis, Cujus festum hodie Dat diem laetitiae.
0813101b  Hic vir prudens fuit Arigius, Cunctis mitis, satis egregius, Praesulatus apice Stans urbis Nivernicae.
0813102a  Dum tenuit sedem Nivernicam, Acquisivit plebem non modicam Deo, perquam fidem catholicam Augmentavit.
0813102b  Quendam suo virum officio Stantem, mersum flumine Nervio, Nutu Dei sic voluntario Suscitavit.
0813103a  In Ligeris positus flumine Post obitum sine regimine Cereorum solito lumine Decoratur.
0813103b  Ascendendo contra ripariam De Nivernis venit Disesiam, Qua corpore ditans ecclesiam Tumulatur.
0813104a  Iste sanctus fit tanti nominis, Sic amicus divini numinis, Quod per illum macula criminis Relaxatur.
0813104b  Summum ergo precemur Dominum, Ut obtentu ejus precaminum Remissio nobis peccaminum Tribuatur.
0813200   De sancto Arigio.
0813201a  Exsultemus jubilando Cum vocis melodia
0813201b  Arigii celebrando Festiva solemnia.
0813202a  Sorde carens fuit plenus Spiritali gratia,
0813202b  Mundo parens alienus Ab omni lascivia.
0813203a  Sine remis aquae cursum Scandens in riparia,
0813203b  De Nivernis venit sursum Ac fulgens ecclesia.
0813204a  Ergo laudes demus isti Cum cordis laetitia,
0813204b  Et pro nobis regnum Christi, Ubi pax et gloria,
0813205   Interpellat jugiter.
0813300   De sancto Balsemio.
0813301a  Lux surgit annua, Quae dat melliflua Nobis remedia,
0813301b  Prece continua Captent occidua Tanta suffragia.
0813302a  Cum poena stabilis Non sit sed labilis, Parens coelestia,
0813302b  Homo passibilis Fit invincibilis Divina gratia.
0813303a  Qui Deum metuit, Illum non terruit Ulla nequitia,
0813303b  Nec ei nocuit, Dum sibi floruit, Mundana gloria.
0813304a  Et quanto gravior Atque rabidior Exstat saevitia,
0813304b  Tanto constantior Atque securior Fit ad supplicia.
0813305a  Unde Balsemius, Martyr eximius, Relicta patria
0813305b  Mori vult carius Quam sit ulterius In hac miseria.
0813306a  Galliam properat, Ibique reserat Diva mysteria,
0813306b  Mortem accelerat Ensemque tolerat Pergens ad gaudia.
0813307a  Hinc de miraculo, Quod fit in populo, Stupet gens impia,
0813307b  Nam hoc spectaculo Caput in patulo Fert manu propria.
0813308a  Tunc corpus rapitur, Puteo truditur, Sed super omnia
0813308b  Spiritus tollitur Coeloque ducitur Spernens terrestria.
0813309a  Puella flebilis, Caeca sed nobilis Et regis filia,
0813309b  Patri amabilis, Currit credibilis Quaerens auxilia.
0813310a  Martyr extrahitur, De faece tollitur Superans lilia,
0813310b  Odor egreditur, Balsamum vincitur Mira fraglantia.
0813311a  Lympha prosiliit, Virgo se liniit Fide non dubia,
0813311b  Ad lumen rediit, Patrem repetiit Pulsa moestitia.
0813312a  Sicut remedio Dulci tripudio Gaudet vicinia,
0813312b  Sic de martyrio Cum patrocinio Gaudet ecclesia.
0813313a  Hinc unanimiter Colit et dulciter Ejus solemnia,
0813313b  Ut queat pariter Frui perenniter Christi clementia.
0813314a  Cum idem arbiter Dabit aequaliter Omnibus praemia,
0813314b  Et nos alacriter Clamemus jugiter Pium Alleluja.
0813400   De sancta Barbara.
0813401a  Novae laudes harmoniae Coeli clangant hierarchiae Pro Barbarae victoria,
0813401b  Quae processit ut aurora, Solem prima lucis hora Noctis ducens de scoria.
0813402a  Flos ex ramo pullulavit, Qui radicem suffocavit, Nata patris conamina
0813402b  Praesidisque Marciani Cordis furias vesani Vincens et cruciamina.
0813403a  Clauditur et custoditur Turri, dupla quae vestitur Fenestrula lucifera;
0813403b  Una, petit, ut addatur, Ut sic trinitas discatur, Mens hominum salvifera.
0813404a  Pater gladium minatur, Fugit, ut non occidatur, Pro tunc electa puritas;
0813404b  Fons et marmor signo crucis Signis fulgent, dono lucis Carceralis obscuritas.
0813405a  Perquam moerens consolatur Et ad bella confortatur Poenarum imminentium,
0813405b  Genitor in eam stridet, Dum subsannat et deridet Deos et deas gentium.
0813406a  Ut non nubat, clam abscedit, Crine tracta dolens redit Ad genitoris atria;
0813406b  In locustas grex pastoris Commutatur proditoris, Videns miratur patria.
0813407a  Verberata demammatur, Vincta nervis perforatur, Usta martello tunditur;
0813407b  Sanat Christus vulneratam,Vestit angelus nudatam, Gentis error confunditur.
0813408a  Hanc demum dum decollavit, Patrem fulmen coeli stravit Mittens Cocyti glareis,
0813408b  Et sic granum trituratum Est invectum depuratum Coelicolarum areis.
0813409a  Qua transacta tempestate Vestis fulget claritate, Quae non formidat tineam.
0813409b  Stolam sanguine rubratam Gestat, nive dealbatam, Aureolam virgineam.
0813410a  Sub qua laudes citharizat, Agno carminum hymnizat Novorum resonantia,
0813410b  Coram quo pro nobis munde Plenam phialam effunde Precum, virgo, fraglantia.
0813411a  Posce nobis adjuvamen Et instaura sublevamen In stadio pugnantibus,
0813411b  Bravium ut consequamur Et coronam mereamur Promissam triumphantibus.
0813500   De sancta Barbara.
0813501a  Laetabundus Barbarae resonet chorus, Alleluja;
0813501b  Quam jucundus De Jesse produxit thorus, Res miranda.
0813502a  Tam formosa claruit, Quod velut resplenduit Sol de stella.
0813502b  Christum solem induit Per fidem, in qua fuit Semper clara.
0813503a  Nec donis nec precibus Nec diris terroribus Fit corrupta,
0813503b  Sicut Christus voluit, Eundem excoluit Pari forma.
0813504a  Petit indulgentiam Pro suis et veniam Valle nostra;
0813504b  Genitoris impio Decollatur gladio Carne sumpta.
0813505a  Ad coelum deducitur, Pater ejus uritur, Gens pagana cernitur Esse caeca.
0813505b  Ad sepulchrum fugiunt Virginis, qui sentiunt Dolores, dum audiunt Haec praedicta.
0813506a  Perpetrans scelera, Deposce munera Hujus, ne damneris, gens misera.
0813506b  Ostendit ubera Pro teque verbera Huic, quem genuit puerpera.
0813600   In Receptione capitis S. Barbarae.
0813601a  Surge, turba, manu sona, Corde gaudens ore tona, Triplex sit harmonia,
0813601b  Christum laudans in Barbara Dispar sed concors cythara Resultet melodia.
0813602a  Haec est enim luminare Late fulgens et praeclare, Ortum Nicomediae,
0813602b  Cyclum tenens angelicum Polum calcat antarticum Sita polo gloriae.
0813603a  Relegato gentis more Expurgatur sacro rore Salutis atque spei,
0813503b  Tangit petram, cedit petra, Protrahente geometra Eheu fugam fidei.
0813604a  In vultum spuit idolis, Servos Jovis, Martis, Solis Maledictos praedicat.
0813604b  Instaurari pater binam Lucem jubet, illa trinam Trinitati dedicat.
0813605a  Vidit pater et intendit, Trinitatem comprehendit, Quam virgo significat;
0813605b  Furit intus, extra fremit Nec furorem intra premit, Sed interim explicat.
0813606a  Piae proli nequam parens Poenam parat irae parens Et se probat impium;
0813606b  Orat virgo, cedit murus, Dum in eam pater durus Evaginat gladium.
0813607a  Virgo fugit, pastor caecus Patri monstrat, unde pecus In locustam vertitur.
0813607b  Deprehensa, coartata Martiano praesentatur, Flagellis atteritur.
0813608a  Tunc punitur latus flamma, Fuste caput, ferro mamma, Nudatur in publico.
0813608b  Dum incedit inconfusa, Cunctos latet circumfusa Vestitu deifico.
0813609a  Videns judex mente cadit Atque victus patri tradit Natam ad exitium;
0813609b  Furens pater fracto jure Legis simul et naturae Germen necat proprium.
0813610a  Caesa caput fusa prece Ense patris spreta nece Virgo vitae nascitur,
0813610b  Paricida discedente Et ad vallem revertente Ira Dei panditur.
0813611a  Coelum tonat, fulgur micat, Saevit aër et dimicat In actorem sceleris;
0813611b  Ferit, findit, urit, terit, Ictus cadit, ustus perit, Sepultus in inferis.
0813612a  At matyri dextra Dei Diadema speciei Dat et regni gloriam;
0813612b  Ibi amans, quod amavit, Atque tenens, quod speravit, Nobis oret veniam.
0813700   De sancto Bartholomaeo.
0813701   Alle cantabile sonet chorus cantorum et subjungat dulcibile luja,
0813702a  Nunc recivica tinnula voce melodiamata
0813702b  Dans aurea pro infula Bartholomaei splendida.
0813703a  Lux, doctor Indorum, praeelectus apostolus, mundum spermate ornans,
0813703b  Senator, qui pollet generosa sub laurea angelicâ curiâ.
0813704a  Nam Indiam hic ingressus mox daemonium Astaroth ligaverat.
0813704b  Ordine posthinc et pulchro regis filiam sanavit lunaticam.
0813705a  Hoc accensus stupore Rex Polymius lavacra
0813705b  Petit alma baptismi, gens sua tota et ampla.
0813706a  Hujus vultus insignia virtutum magnalia nigrifer enarrat Berith timens Christi militem, quo jubente horridus sua fregit Astaroth abscindenda idola.
0813706b  Hunc tanta patrantem bona apostolum Domini Astrages mandat impius, rex frater Polymii, caesum diu fustibus sanctum caput sub ense tendere ad jugula.
0813707a  Tali morte glorifica
0813707b  Coelos qui celsus petiit,
0813708   Prece mundet nos a crimine et ad superna perducat regna.
0813800   De sancto Bartholomaeo.
0813801a  Jubilemus, fratres mei, Votiva laetitia
0813801b  Beati Bartholomaei Colentes solemnia.
0813802a  Quem doctorem dum sortitur Tenebrarum patria,
0813802b  Verae lucis insignitur Sacramentis India.
0813803a  Ibi verbis et exemplis Multa plebis milia
0813803b  Lucrifecit fusis templis Et eorum gloria.
0813804a  O praedicanda, Quae divina gessit manus Per eum, miracula.
0813804b  Silent infanda, Quae solebat dare vanus Astaroth, oracula.
0813805a  Incendi se daemonium Clamat per pseustitium, Tace, pestis, Dei testis Inquit, damnatissima.
0813805b  Aeger ad haec convaluit, Grates, quantas valuit, Agens Deo Et cum eo Turba devotissima.
0813806a  Deprecatur Rex pro nata Morbo Polymius Lunatico vexata Moxque laetatut sanata.
0813806b  Hoc affinis et remota Cum rege pariter Provincia permota Baptizatur paene tota.
0813807a  Rex Astrages de germani Fide dolens et immani Succensus insania
0813807b  Sanctum sibi praesentari Jubet atque fustigari Securum ad omnia.
0813808a  Hinc ad ictus et ad poenas Cumulando dat habenas Tyranni nequitia,
0813808b  Sed ad poenas et ad ictus Christi miles stat invictus Adjutrice gratia.
0813809a  Post vivus decoriatur Ad summa ludibria,
0813809b  Ad extremum decollatur Complendo martyria.
0813810a  Ergo coram assistentes Et trophaei recensentes Hujus natalitia,
0813810b  Praesens ipse visitare, Serve Dei, nos dignare Paterna clementia.
0813811a  Eme nobis apud Deum, Beate apostole, Prece pia,
0813811b  Ut cantemus ante eum Perennes coelicolae Alleluja.
0813900   De sancto Basilio.
0813901a  Felix mater, militans ecclesia, concentu jocundare
0813901b  Praesuli, quem triumphans vexit ad arcem coelico jubare.
0813902a  Almum nunc Basilium, qui claruit velut columna candens,
0813902b  Pneumatis ceu lilium Effrem justo, sursum ab imis scandens.
0813903a  Arianorum ecclesiam injuste captam reddi Christianis,
0813903b  Contactu baculi palam imperavit resolutis januis.
0813904a  Diaboli mancipium abjurans ultro fidem orthodoxam
0813904b  Ob carnis exitium lucratus ad vitam non ad noxam.
0813905a  Abhorrendum facinus, quod hoc designabat confiteri,
0813905b  Scriptum clemens Basilius defunctus jam efficit aboleri.
0813906a  Decumbens ad interitum demum naturae Joseph contra jura
0813906b  Judaeum, arte medicum, lucrifecit en Deo mente pura.
0813907a  Per sacri fontis lavacrum, quo praesul benedictus hunc intinxit,
0813907b  Mox mundi linquens barathrum aulam coelestem floride depinxit
0813908a  Vocis, cordis neumate, eja te, pater sacer, o Basili,
0813908b  Patri, nato cum pneumate nos socia, precamur Evae filii.
0814000   De sancto Blasio.
0814001a  Laetetur ecclesia fidelium,
0814001b  Exsultet pro gloria plebs martyrum.
0814002a  Quam adeptus inclitus est hodie Blasius,
0814002b  Non deceptus coelitus in promissionibus.
0814003a  Deum timuit credens illi sedulus, ob hoc ipsius non est merces evacuata.
0814003b  A Deo non recedens spe, misericordia divina mente solatur oblectata.
0814004a  Caritate Dei succensus corde mundo coelitus est illuminatus.
0814004b  Armatura tali defensus demonstratur animo nunquam conturbatus.
0814005a  Ob ejus merita virtutum praecellentia extollat plebs pia imbutum hunc prudentia, spernit gloriam, fugit plebem noxiam, petit ermum,
0814005b  Ut tempus redimat diebus malis, faciat virtutes mirandas in rebus claris effandas, mansueti fere cernuntur mansuescere ad imperium.
0814006a  Obsequii feris pro solatio redditur cum medela pia benedictio, redeunt sic alacres ad arva.
0814006b  Deprehensus tali ex miraculo trahitur ad praesidem, laetus ex oraculo mystico offerendus hostia.
0814007a  Incredulos convertit docendo, debiles reficiens curando.
0814007b  Redarguit praesidem dementem, sustinet fustibus se caedentem.
0814008a  Ter in carcerem truditur. diris ungulis suspensus equuleo vexatus.
0814008b  In lacum aquae mittitur mirisque modis sub ipsius corpore densatur.
0814009a  Tandem capite truncatur, cohortem secum plurimam consortem
0814009b  Fecit meriti et mercedis boni, summi ac perennis doni.
0814010a  Laetatur nunc in Domino, contemplatur praemia justorum, majestatem Dei.
0814010b  Nobis precum suffragio deposcat eximium solamen vultus nostrae spei.
0814100   De sancto Cerauno.
0814101a  Coeli coetus civium, Gaude, plebs fidelium Cerauni praeconium
0814101b  Pangit, pontificium Consecutus ovium Corda fovit omnium.
0814102a  Felix tu, Parisius, Ceteris jucundius Festiva solemnia,
0814102b  Pastor hic egregius Fuit et propitius Tibi missus gratia.
0814103a  Vita fulgens inclita, Gratia paraclita Pontifex eligitur,
0814103b  Fides, fama, merita Testantur, quod merita Dignitas conceditur.
0814104a  Aegris fert remedium Moestisque solatium Divina clementia;
0814104b  Ingens malum dentium Torquens ora gentium Pacificat gratia.
0814105a  O pater piissime, Pastor clementissime, Pelle nostra noxia;
0814105b  Precamur, dulcissime, Sis consolator animae Coeli ferens gaudia.
0814200   De sancto Claudio.
0814201   Confessoris incliti, Fideles, concinnite Claudii solemnia.
0814202a  Lux illuxit gratior, Orbi celebratior Canora symphonia.
0814202b  Cujus rubens oritur Fulgor, hostis scinditur Ardor aegris, Sirius
0814203a  Neque coelum lumine Laevo tristat, limine Panso nitet lucifer.
0814203b  Cedunt ignes fulminis, Praesagi cum praesulis Jam natale rutilat.
0814204a  O nomen beatius, Astris luculentius, Fama pollens strenua, Vota sonant annua;
0814204b  Priscis vigens saeculis, Reverendum populis, Pubis morbis effera Plausu fremit libera.
0814205a  Haec sunt laudi tuae, Claudi, Pergunt claudi, vetant claudi Preces clara lumina.
0814205b  Sed inanes lugent manes, Post immanes cursus manes Supervectus sidera.
0814206a  O professor sacrae legis, Dum incultos saltus legis, Repubescit senium.
0814206b  Ut sol terris incaluit, Rorem ridens ver impluit, Prata fundunt lilia.
0814207a  Apes insidunt floribus, Aether mugit clangoribus, Hoc silvae frondent foedere, Hoc strepit campus murmure
0814207b  Sic infectum eluitur Scelus, flammis exuritur Spiritus sancti concio, Auctore recto conscio.
0814208a  O catervae spes vivida, Arma viperae lurida Insonti manu contere, Amnes sulcet Stygios.
0814208b  Ut infracti revirescant Servi, flores nec arescant Saeviente solstitio Messes per Eliseas
0814209   Resoluto spiritu Gloriemur exitu.
0814300   De sancto Claudio.
0814301a  Ad coeleste gaudium Curiae sanctorum Clangat cor quaerentium Deumque deorum Christum, regem omnium.
0814301b  Plebs citharizantium, Status seniorum, In verbo virentium Coetus angelorum Laudet Dei filium.
0814302a  Laudetur in Claudio Bonitas divina, Fiatque religio Tota coelestina In tali tripudio.
0814302b  Mentalis devotio Non fiat supina, Claudii auxilio Cedit Proserpina A sancto coenobio.
0814303a  Hanc rege naviculam, Bone naucleari, Viduam pauperculam Salva in hoc mari Lecythum, farinulam.
0814303b  Ut Christi tuniculam More militari Inscissam tu regulam Serva modo pari, Claudi,dele maculam.
0814304a  O Claudi, qui corpore Hoc in orbe reservatus Praeserva nos a languore Venenosi flatus Per tua miracula.
0814304b  Per te mersus aequore Fuit suscitatus, Candidior ebore Artus restauratus, Christo laus per saecula.
0814400   De sancta Clotilde.
0814401a  Ad honorem summi regis Gaudeat ecclesia
0814401b  Sancta matris et reginae Recolens solemnia.
0814402a  Haec illustris Chilperici Quondam regis filia
0814402b  Lota sacro fonte Christi Lactis ab infantia.
0814403a  Sub profani Gondebaudi Nutrita custodia,
0814403b  Carne crevit fide pollens Vitae per insignia.
0814404a  Corpore pulchra, Prudens, elegans, venusta, Prae cunctis egregia:
0814404b  Pulchrior mente, Quam virtutum decoravit Specialis gratia.
0814405a  Inerant ejus animo Sanctitatis studia, Pietatis et divini Cultus exercitia.
0814405b  Larga precibus pauperum Solvebat stipendia, Donis ejus egenorum Respirat miseria.
0814406a  Mox ut tantae claritatis Auribus insonuit Regiae majestatis Fama, fit ejus dilecta.
0814406b  Arrhis sponsae delegatis Salve, inquit nuntius, Eximiae dignitatis Haeres et consors electa.
0814407a  Quem praefecit regem Deus, Te salutat Chlodovaeus Mittens haec exenia.
0814407b  Tui gaudet in amorem, Te exoptat in uxorem, Suscipe sponsalia.
0814408a  Illa stupet et miratur Ac spe magna praestolatur Dei beneficia;
0814408b  Res est inquit peregrina, Fiat voluntas divina, Quae disponit omnia.
0814409a  Post haec operante Deo Cum thesauri copia
0814409b  Datur regi Chlodovaeo Conjugalis socia.
0814410a  O quam felix haec regina, Per quam credit gens ferina Rex atque militia,
0814410b  Membra caput imitantur Et cum rege baptizantur Plus quam tria milia.
0814411a  Sacram quibus unctionem De supernis meruit Prece pia,
0814411b  Quae Francorum legionem Primitus instituit In latria.
0814412a  Potus fontis vinum sapit Ad illius commutatus Suspiria.
0814412b  Sed saporem solus capit, Domus Dei qui sectatur Fabrilia.
0814413a  Testis est felicitatis Carnis redolentia,
0814413b  Quod jam regnet cum beatis In perenni gloria.
0814414a  Qui devota venerantur Clotildis celebria,
0814414b  Ejus ope consequantur Sempiterna glaudia.
0814500   De ss. Cosma et Damiano.
0814501a  Gaude, Cosam, cum germano Fratre tuo Damiano Regnans in coeli sedibus,
0814501b  Oro te corde non vano Sed debito voto plano, Adesto postulantibus.
0814502a  Gaude, Damiane, frater Cosmae, cujus fuit mater Timens Deum Theodora.
0814502b  Merum fundens merus crater, Ne nos Satan voret ater, Serves et suscipe vota.
0814503a  Gaude, Cosma, nam medicus Fuisti scientificus Sanans morbos et languores,
0814503b  Physicus et chirurgicus, In omnibus veridicus, Non quaerens lucrum sed mores.
0814504a  Gaude, Damiane, datum A Palladia non gratum Tibi fuit, sed jurata
0814504b  Te tunc fecit inclinatum, Ut juratum esset ratum, Quae tunc fuit Comae grata.
0814505a  Gaude, Cosma, videns Deum, Nocte nam credebas reum Damianum propter ova,
0814505b  Sed ne moveres in eum Ob tumulum funereum Tibi dantur certa nova.
0814506a  O vos fratres uterini, Passi pro Christo benigni Poenas multas per Lysiam,
0814506b  Facite nos simus digni, Muniri trophaeo signi Crucis merendo gloriam.
0814507a  Tu cum germano, Cosma, prece fac Damiano,
0814507b  Digni reddamur Meritis quoque perficiamur.
0814600   De ss. Cyriaco, Largo et Smaragdo.
0814601a  Gloriosi Cyriaci martyris
0814601b  Triumphum voce canamus consona.
0814602a  Qui juxta Domini praeceptum tortores non timuit corporum,
0814602b  Dum Christum noluit negare coronamque fidei perdere.
0814603a  Sed fundatus in stabili ecclesiae petra Christo, non, inquit, sacrificabimus idolis.
0814603b  Nosmet ipsos offerimus spontaneam Deo gratam in odorem suavitatis hostiam.
0814604a  Et nos Largum, Dei fortissimum militem, paribus collaudamus.
0814604b  Et Smaragdum, paris constantiae fidei, martyris Cyriaci comites.
0814605a  Qui in Christo solidati ut athletae nobiles jugulum porrigunt tortoris feriendum gladio.
0814605b  Certi sui praemii pro Christo sui sanguinis prodigi facti sunt, in coelis regnaturi perpetim.
0814606a  Te ergo supplici voce precamur, pontificis summi, levita Christi, sancte Cyriace, ut nos precibus tuis semper commendes Domino.
0814606b  Vos quoque patriam nobis coelestem, Smaragde et Large, post hujus carnis vincula impetrantes pristinam, facite interesse gaudiis
0814607   Sanctorum.
0814700   De sancto Dalmatio.
0814701a  Postquam vergit nox obscura Dieique patent jura Sordis pulsa rabie,
0814701b  Arma lucis assumamus, Ut obstare valeamus Fautori superbiae.
0814702a  Caritate radicati, Radicati vel fundati, Quae bimembris dicitur,
0814702b  In praedicta sic probati, Quod eidem simus grati, Cujus festum colitur.
0814703a  Dignas laudes exsolvendo, Dulce melos depromendo Summa cum laetitia,
0814703b  Nam fidelis indagator Christi crucis atque lator Fuit ab infantia.
0814704a  Documentis claruit, Sanctitate polluit Beatus Dalmatius,
0814704b  Disponente flamine Praesulis regimine Fungitur lucidius.
0814705a  Rutenensi civitate Verbum Dei plebi datae Praedicans sumopere,
0814705b  Praeceptorem exsequendo, Quae docebat faciendo Summi Dei munere.
0814706a  O quam felix, quam excellens, Tam praeclarus, tam praecellens Fuit in ecclesia,
0814706b  Qui gerebat postestatem Conferendi sanitatem Fugandi daemonia.
0814707a  Dum pro fide vigilaret Et rebelles expugnaret, Plectus a gentilibus,
0814707b  Coelum scandit laureatus, Agni stolis adornatus Una cum martyribus.
0814708a  Alme martyr strenue, Pro nobis assidue Posce regem gratiae,
0814708b  Ut hanc post miseriam Consequamur gratiam Sempiternae gloriae.
0814800   De sancto Demetrio.
0814801a  Gaude, turba coelestium, Plaude, turba terrestrium, Et totalis vis cordium Flammescat uberius,
0814801b  In hac valle miseriae Et in terris Pannoniae Ex alta stirpe Graeciae Nascitur Demetrius.
0814802a  Qui semen Christi doctrinae Et formam legis divinae, Cautelam tristis ruinae, Sparsit Thessaloniae;
0814802b  Cujus precum praesidio, Nestor fultus in stadio Liaeum ense obvio Prostravit egregie.
0814803a  Insignitus imperio Maximianus proprio Nestorem jubet gladio Ferire inaniter;
0814803b  Demetrius in carcere Vulneratus in latere Pro Dei patris munere Transit laudabiliter.
0814804a  Supra tumbam dum prostratur Leontius, visitatur Et a morte liberatur Athletae praesentia;
0814804b  Reliquias deferentes Danubii saevientes Undas scindunt spe gaudentes Ejusdem clementia.
0814805a  Cujus tumba madidatur Oleo, quo solidatur Languens, si quis anxiatur Doloris incendio.
0814805b  Demetrius adoptatus Et in coelis coronatus Noster nunc sit advocatus Coram Dei filio.
0814900   De sancto Dionysio.
0814901a  Alludat vox ecclesiae Voci coelestis curiae Hujus diei gratia,
0814901b  Lux ista lux est gratiae, Qua primum lumen Graeciae Refulsit in ecclesia.
0814902a  Gratum lumen, lux ignita, Qua resplendent infinita Coelo luminaria,
0814902b  Hic est Areopagita, Cui pro pago urbs est sita In coelesti patria.
0814903a  Ad hanc urbem sic devenit, Nam de pago Romam venit, Pervenit Lutetiam,
0814903b  Huc directus hic advenit, Hic destruxit, quam invenit, Idolorum copiam.
0814904a  Hic fundata domo Dei Deum colit, offert ei Idolorum spolia;
0814904b  Credunt gentes et in rei Novitate fervent rei, Cadit idolatria.
0814905a  Sed non latet civitas Supra montem posita
0814905b  Nec lucernae claritas, Cum non sit abscondita.
0814906a  Furit ergo vir profanus, Quem misit Domitianus, Ut sanctorum cesset manus, Cessent et prodigia.
0814906b  Prodit miles veteranus Et cum eo sacra manus, Vincta pedes, juncta manus, Omnes ad supplicia.
0814907a  Nihil obsunt seni poenae, Nil catasta, nil catenae, Nihil crates ferrea;
0814907b  Mitigantur truces ferae Et, dum cogitur ardere, Friget virtus ignea.
0814908a  Missa Christi celebratur Et a sene dum cantatur, Angelorum plebs laetatur Et Christi praesentia.
0814908b  Carcere debilitatur, Sed a Christo confortatur, Dum ab eo sibi datur Salutaris hostia.
0814909a  Pane vitae vegetatur Et lictori praesentatur Gladioque consummatur Laetus de victoria.
0814909b  Martyr caput amputatum Manu portat, ne truncatum Sit a trunco separatum Sed sint plena gaudia.
0815000   De sancto Dionysio.
0815001a  Vas electum Graeciam Paulus ac Boëtiam Et Athenis etiam Docens petit.
0815001b  Quem dum nil effeminat, Sed cursum ingeminat, Fidei, quem seminat, Fructum metit.
0815002a  Credit Dionysius, Ductor fit Elisius, Venit hinc Parisius Fidem ferens.
0815002b  Propter hoc decernitur Sua mors, sed spernitur Martyr morte sternitur Vitam quaerens.
0815003a  Victus hostis ejulat, Lictor sanctum jugulat, Ille caput bajulat Jam desectum.
0815003b  Corpus Christi pugilis Feminae pervigilis Cura est et humilis Tumba tectum.
0815004a  Hic in Gallis latuit Caesari sed patuit, Quem transferre statuit, Pia fraude.
0815004b  Res succedit prospere, Huc defertur propere, Urbs ergo summopere Nostra gaude.
0815005a  Et nos per macarium Domini sacrarium Ad coeli cellarium Inducamur.
0815005b  Et Christi convivio Spreto mundi devio Tanto duce praevio Perfruamur.
0815100   De sancto Dunstano.
0815101   Hodierna
0815102a  Resonent gaudia virtutum praeclara
0815102b  Sphaera beato Dunstano collata.
0815103a  A matris utero deitatis praeventus gratia
0815103b  Extra mundum, extra mundi mentem transivit omnia.
0815104a  Salvatoris monita audiens salubria ejus ad vestigia cum beata sedebat Maria.
0815104b  Unde ardentissimo flagrans desiderio patriam continua suspirabat amoris lacrima.
0815105a  Sacerdotis honore praeditus angelicam
0815105b  Egit vitam signis a puero conservatam.
0815106a  Lumen exstinctum non natus reparat,
0815106b  Virga daemonum effugat catervas.
0815107a  Hic templi suprema
0815107b  Transcendit opera
0815108a  Et angelico ducatu clausam intrat ecclesiam, apostolica fultus praesentia suscepit arma futuri praesaga, tergentem machinam prece levat sola.
0815108b  Hostis invidos conatus verbere dato vacuat, cithara non arte percussa consonam reddit symphoniam in viri gloriam, novi regis prima, illius extrema.
0815109a  Voce diva agnovit tempora. ************** Supernos psallentes spiritus et vota
0815109b  Factori psallentes audivit talia: Kyrie eleison, Christe eleison. Numquid sua jam miscet cantica.
0815110a  Dunstane, vivens in saecula, pro servis exora,
0815110b  Qui te collaudantes devota persolvunt jubila
0815111   Ac pro universa per orbem diffusa Christi ecclesia.
0815200   De sancto Ebrulpho.
0815201a  Laetabundus Ebrulpho decantet chorus Alleluja,
0815201b  Opem cujus deposcat hac die sacram Voce pia.
0815202a  Angelus apparuit Matri et exposuit Pariturae
0815202b  Pueri originem Et gerendae ordinem Vitae purae.
0815203a  Hic ex Francis genitus Belvaci est editus Ortu clarus;
0815203b  Annis puerilibus Sacris fulsit moribus Christo carus.
0815204a  Fredegundis monitis Propriisque meritis Abbas factus,
0815204b  Carnem suam domuit, Jugiter exercuit Pios actus.
0815205a  Per hunc beneficia Plurimis eximia Dantur Dei gratia Operante.
0815205b  Caecis lumen redditur, Claudus recte graditur, Daemon hoc ejicitur Exorante.
0815206a  Exutus pallio Carnis convivio Laeto pascitur in patria;
0815206b  Ipsius precibus Nos suis civibus Jungat rex Christus in gloria.
0815300   De sancto Eligio.
0815301a  Eligentis et electi Nomen habens formam recti Tenuit Eligius;
0815301b  Prior Deus hunc elegit Et electus se collegit In Deum ardentius.
0815302a  Opus cudens hic fabrile Contemoplatus est subtile Summi fabri studium,
0815302b  Deum videns in factura Rerum legit in figura Figuli vestigium.
0815303a  Regi formans vas ex auro Certum sumpsit ex thesauro Et pondus et pretium,
0815303b  Auri pondus duplicatur, In hoc vase rex miratur Pondus et ingenium.
0815304a  Sanctitate vir insignis, Dum virtutum claret signis, Pontifex eligitur;
0815304b  Temporalis faber regis, Ab aeterno rege gregis Pastor instituitur.
0815305a  Sed se fabrum et pastorem Per doctrinam et amorem Exhibet fidelium,
0815305b  Verbo faber, pastor vita, Via currens expedita Consummavit stadium.
0815306a  Pater nulli peregrinus, Peregrinis tuis sinus Aperi clementiae,
0815306b  Qui non negas opem brutis, Auge nobis spem salutis, Medicinam veniae.
0815400   De sancta Elisabeth.
0815401a  Dies sancta corruscavit, Quam decenter illustravit Novi fulgor sideris,
0815401b  Hac in die jubilemus Et recentem honoremus Arcam sancti foederis.
0815402a  Nata regis Hungarorum, Nupta ducis Thuringorum, Ortu, dote nobilis,
0815402b  Non in fastum est erecta Elisabeth sed dejecta Permansit et humilis.
0815403a  Corde pia, verbo lenis, Aegris dabat et egenis Opem fusis opibus,
0815403b  Sibi parca, sibi rara, Sibi tenax et avara, Sed larga pauperibus.
0815404a  Viduata morte viri Non permisit se vinciri Nuptiali copula,
0815404b  Nec in carnis servitutem Inquinavit juventutem In secunda vincula.
0815405a  Nunc dotata summo duce Permansura gaudet luce Sponsi fruens osculis;
0815405b  Hujus precens nos absolvant A peccatis et evolvant De mundi periculis.
0815500   De sancta Elisabeth.
0815501a  Plebs devota jucundetur, Elisabeth declaretur Laudibus memoria,
0815501b  Quae amore flagrans Dei Exhibebat soli ei Laudes et praeconia.
0815502a  Omni hora hunc honorans Sprevit mundum ac implorans Ejus beneficia,
0815502b  Dum vir solvit jura legis, Fit haec sponsa summi regis Ejus plena gratia.
0815503a  In re mundi novercatur, Paupertate gratulatur, Vanitatis nescia;
0815503b  Stupet mundus et miratur, Dum leprosis famulatur Quondam regis filia.
0815504a  Deo servit nisu toto, Castitatem firmat voto Et fit viris invia;
0815504b  Corpus ejus dum humatur, Crescit fructus, nam rigatur Deitatis pluvia.
0815505a  Elisabeth, lapsae genti Sublevamen deposcenti Desuper irradia;
0815505b  Fac vincamus hostem, mundum, Ne demergat in profundum Nos peccati noxia.
0815600   De sancta Enimia.
0815601a  Nube carnis interrupta Proles regis incorrupta Laudetur Enimia,
0815601b  Nox et dies celebretur, Mens informis reformetur Ex ejus memoria.
0815602a  Propter Christi paupertates Fugit reges et primates Habitu sub pauperi,
0815602b  Fugit nostra Sunanitis Adoniam virgo mitis Regis juncta lateri.
0815603a  Ei pater sponsum quaerit, Sed puellam lepra ferit Divino judicio;
0815603b  Quae libenter stat ad poenam, Ut exspectans agni coenam, Laeta de convivio.
0815604a  Ubi re non in figura, Sed ab hostibus secura Convivat ecclesia.
0815604b  Demum angeli sermone In hac lota regione Sana fit Enimia.
0815605a  Vallis quondam sterilis Vim persentit virginis, Facta modo fertilis;
0815605b  Sola nam praesentia Morbos et daemonia Fugat virgo nobilis.
0815606a  Reddit Murcae filium, Spei suae gaudium, Destinatum tumulis;
0815606b  Quidquid haec Enimia Fecit, sunt prodigia Satis digna titulis.
0815607a  Nunc evasit vere mortem Et secundam tenet sortem Summis data sedibus,
0815607b  Castitatis compta velo Sequitur agnum in caelo Virgo cum virginibus.
0815608a  Post hunc currit ipso duce, Cernens ipsum plena luce Revelata facie;
0815608b  Ibi civibus fortuna Deus est perpes et una Et aeternum hodie.
0815609a  Et magna suspiria Magna sedant praemia Et depellunt taedium;
0815609b  Brevis luctus abiit, Jugis risus subiit Atque tenet bravium.
0815610a  Habes nunc denarium, Virgo, trahe filium Ad aeternam patriam;
0815610b  Habes datum optimum, Fac, ut nostrum ultimum Jubilet victoriam.
0815700   De sancto Emmerico.
0815701a  Laetabundus et canorus Regi regum noster chorus Agat hoc solemnium,
0815701b  Et festivet confessoris Intus voto, voce foris Diem natalitium.
0815702a  Laus jucunda, laus decora, Cum mens munda replet ora, Redundat et actio
0815702b  Sed in triplo modulata Festo digna, Deo grata Nostra fiet cantio.
0815703a  Confessorem sic miremur, Ut in eo veneremur Auctorem magnalium,
0815703b  Huic potestas tribuatur, A quo totum gratis datur Illi ministerium,
0815704a  Heinricus stirpe regia Sanctitateque praevia Clarus fuit et inclitus,
0815704b  Sed illustrat natalia Praestantiore gloria Praeclara Christi servitus.
0815705a  Vanis prorsus abdicatis Laboribus sanctitatis Totum se supposuit,
0815705b  Calcat culmen potestatis Et cum visco voluptatis Opum spinas respuit.
0815706a  Ex nocturnis factis claret, Quod nec navis diem daret Nec marceret otio,
0815706b  Ardor sanctus nocte crescit, Vero sole nox clarescit, Resonat psallentio.
0815707a  Hoc in aetate parvula Dat signorum initium, Quod Dei servis oscula Vertit in vaticinium.
0815707b  Nam cuique tot oscula Patre notante tribuit, Quot annorum curicula Carnis fluxum continuit.
0815708a  Sed soli septenarium Osculorum dinumerat,
0815708b  Quem digno privilegio Virginitatis fecerat.
0815709a  Orans secum dum tractaret, Quo se Deo commendaret, Quod quaerit alloquio,
0815709b  Locus totus corruscatur Et coelesti reseratur Totius obsequio:
0815710a  Castitas, inquit, praeclara Coelo digna, mihi cara, Castitatem offeras,
0815710b  Hunc coelestis puritatis Sanctus hortus voluptatis Mihi florem proferas.
0815711a  Haec sanctorum angelorum Habet contubernium, Flos decoris et odoris Habens privilegium.
0815711b  Sed post mortem sanctum suum Christus magis mirificat, Cui mirandorum actuum Potentiam multiplicat.
0815712a  Henricus in victoria Vere mortem absorbuit, Cui signorum frequentia Adauxit mors nec minuit.
0815712b  In uno simul homine Quator signa perpetrat, Solvi reum a crimine Precibus suis impetrat.
0815713a  Mortis delet scripturam Atque loricam diripit, Ferream ligaturam Frangens captivum eripit.
0815713b  A culpis atque poenis Conradus liberatur, Lorica cum catenis Et charta dissipatur.
0815714a  Henrice, supplicantibus Adesto suffragator Et peccatorum nexibus Obstrictis liberator.
0815714b  In hac valle miseriae Nos respice gementes, Tuae consortes gloriae Nos effice gaudentes.
0815800   De sancto Erasmo.
0815801a  Laudes Christo solvat laetas Omnis sexus, omnis aetas, Laus sit oris hostia,
0815801b  Cum Erasmus, pater bonus, Pius pauperum patronus Transit ad coelestia.
0815802a  Hinc praesul Antiochenus, Gratia divina plenus, Pietatis speculum,
0815802b  Pastor gregis Christi fidus, Doctor legis, velut sidus Illustravit saeculum.
0815803a  Prudens, castus et pudicus, Dei servus et amicus, Gratus erat moribus;
0815803b  In desertum turbas fugit, Ibi mel de petra sugit Caput ornans floribus.
0815804a  Inter coeli volat aves Cantus modulans suaves Spiritus dulcedine,
0815804b  Inter lilias seu rosas Paradisi sponsas flores Florens solitudine.
0815805a  Corvo pascitur Elias, Sanctus puer Jeremias Ad docendum mittitur,
0815805b  Sic pascitur et vocatur Praeco regis, ut loquatur Verbum, quod committitur.
0815806a  Evocatus vir apparet, Forti pugna miles claret, Signis et virtutibus;
0815806b  Torquet Diocletianus, Succedit Maximianus Saevis cruciatibus.
0815807a  Quorum rabies cassatur, Dum nec senit nec mutatur Bis ereptus vinculis;
0815807b  Multi credunt, baptizantur, Multi passi coronantur Visis tot miraculis.
0815808a  Tandem coelo est vocatus Gloriose coronatus, Gaudens reddit spiritum;
0815808b  Unde supplices precamur, Ut salvari mereamur Per Erasmi meritum.
0815900   De sancta Esa.
0815901a  Coeli sphaera volutatur, Esa virgo educatur Ex virtutum laribus,
0815901b  Iris coeli demum facta, Miroscosmi spernit pacta, Christi juncta floribus.
0815902a  Gentem fugat mundialem, Carnem purgat animalem Suis a squaloribus,
0815902b  Tota mente preces serit, Corpus ejus lictor ferit Suis cum sodlibus.
0815903a  Ejus corpus parillare Praesul Christi transfert care Dominici fratribus,
0815903b  Nutu Dei ibi deget, qui implorant, hos tunc reget Lucis suae facibus.
0815904a  Dulce decus virginale, Lumen Dei radicale, Purga a peccati sale Vocis tuae oraculo.
0815904b  O Vienna, salutaris, Digna Deo nunc vocaris, Esae prece dum amaris Terso prius piaculo.
0815905a  Rogitamus mente tota, Tu pro nobis funde vota, Ut peccati strage mota Nos illustret solis rota Depulsa omni nebula.
0815905b  Felix virgo, sponsa Christi. Phoebo lucis tu arsisti, Ut fugata morte tristi Regnum vitae adipisci. Possimus in gloria.
0816000   De sancta Eulalia.
0816001a  Psallat plebs egregia Et coelestis regia Praecelsum Alleluja.
0816001b  Flos perennis gloriae Sponsum duxit hodie Coelestem Eulaia.
0816002a  Nubens Dei filio Cum pudoris lilio Pulchra Sion filia
0816002b  A rege sidereo Serta compta roseo Palmam fert et lilia.
0816003a  Cujus vita speculum Radiat per saeculum Et per terrae spatia,
0816003b  Quam replevit coelitus Virtus sancti spiritus Et divina gratia.
0816004a  Haec virgo laudabilis Stirpe fuit nobilis, Et vita mirabilis Et mentis constantia,
0816004b  Sub patre Liberio Et ejus imperio Dei ministerio Vacans ab infantia.
0816005a  Colens Deum Propter eum Ad insani Sat tyranni Perfert tribunalia,
0816005b  Hunc incusans Et recusans Blandimenta Per tormenta Ducitur Eulalia.
0816006a  Virgo passa Flammis assa Cor obturat Et non curat Poenas, ignes, verbera.
0816006b  Caro lenis Datur poenis, Fert invictus Amor ictus Et poenarum vulnera.
0816007a  Liquescentis undas plumbi Ferunt virginalis lumbi Et olei incendia Patiuntur ferventia.
0816007b  Patientem mox clientem Fert insignem crux post ignem, Quam post victa supplicia Christi vocat clementia.
0816008a  Mea rosa Speciosa, Meus thronus Tibi pronus, O decora, Jam est, ora, Surge, veni, propera.
0816008b  Haec post dicta Morte victa In columbae Forma mundae Se fidelis Virgo caelis Reddit petens aethera.
0816009a  Cujus membra rigida Nix respersit candida,
0816009b  Nos ducat purissima, Quo pervenit, anima.
0816100   De sancto Evurtio.
0816101a  Summo regi regnantium Urbs Aurelianensium Laudes reddat jugiter,
0816101b  Qui pastorem propitium Sanctum dedit Evurtium Valde mirabiliter.
0816102a  Dum obit Desinianus Pontifex Aurelianus, Urbs praesule caruit,
0816102b  Evurtuis mente sanus, Subdiaconus Romanus, Illuc casu paruit.
0816103a  Cum a columba monstratur Trina vice, proclamatur Dignus in ecclesia;
0816103b  Levita tunc ordinatur, Pastor inde consecratur Paracliti gratia.
0816104a  Urbem igne succedente, Christum sancto deposcente Quiescunt incendia,
0816104b  Templum Christi mox augente Humum quoque fodiente Auri patet copia.
0816105a  Quam transmittens imperanti Scito casu non curanti Hanc cum duplo remisit,
0816105b  Plebi tantum fabricanti Ac de bonis suis danti Consum purum dimisit.
0816106a  Ecclesia consummata Cum honore dedicata Dotatur reliquiis,
0816106b  In qua fuit celebrata A praesule missa sancta Cum suis obsequiis.
0816107a  Dum hostiam consecravit, Manus hanc sanctificavit Condescendens coelitus;
0816107b  Christus sibi revelavit Obitum, tunc subrogavit Praesulem divinitus.
0816108a  Jesu, decus confessorum, Miserere miserorum Evurtii precibus,
0816108b  Ut hic coetus famulorum In saecula saeculorum Regnet in coelestibus.
0816200   De sancto Felice.
0816201a  Felix festum, felix dies, Quo Felici datur quies In aeterna gloria,
0816201b  Urbe natus Scillitana Mundi sprevit atque vana Mundanorum studia.
0816202a  Vitae pergens ad coronam Empuricas, Barcinonam Et Gerundam docuit,
0816202b  Ubi captus et ligatus Fuit et incarceratus, Quia Christum coluit.
0816203a  Fustibus caesus ac fractus, Per plactas omnes tractus Mulis indomitis;
0816203b  Capite verso suspensus, Quixallensi mari mersus Molis superpositis;
0816204a  Inde tamen liberatus Et ad terram reportatus Psallendo per maria,
0816204b  Ab angelis est sanatus Et tormenta confortatus Ne timeret talia.
0816205a  Deinde jussit majora Rufinus et sine mora Renovari vulnera,
0816205b  Ungulis dilaniari Et a carne denudari Minutatim latera.
0816206a  In Gerunda tumulatur Et in coelo sociatur Ceteris martyribus,
0816206b  Gemma fulgens ante Christum Mundum clarificat istum Vita et virtutibus.
0816207a  Ergo Felix, martyr sancte, Nos exaudi et duc ante Christum, Dei filium;
0816207b  A peccatis nos emunda, Ne nos laedat mors secunda, Fac preces ad Dominum.
0816300   De sancto Fiacrio.
0816301a  Lucernae novae specula Illustratur Hibernia, Corruscat Meldis insula Tantae lucis praesentia.
0816301b  Illa misit Fiacrium, Haec missum habet radium, Habent commune gaudium, Haec patrem, illa filium.
0816302a  Ad vitam solitariam Suspirans exit patriam, Faronem Meldis reperit, Cui suum votum aperit.
0816302b  Hunc loco solitario Locat in solo proprio, Sic fit Johanni similis Cultor deserti sterilis.
0816303a  Dum locum signant baculo, Novo nemus miraculo Tamquam caesum dejicitur, Humo non fossa cingitur
0816303b  Sic viri sancti meritum Loci dilatat ambitum, Res innotescit feminae, Accusat dum de crimine.
0816304a  Damnat opus malefici, Diffamat artem magici, Praesentandus hic praesidi Lassus insedit lapidi.
0816304b  Lapis cedit nec caeditur, Petrae sedes insculpitur, O feminae nequitia, Petrae major duritia.
0816305a  Orat, ne loci limina Immunis intret femina;.
0816305b  Haec est causa, cur feminae Arcentur ejus limine.
0816306a  Hic miseris refugium, Infirmis refrigerium, Peregrinis hospitium, Spes lapsis, moestis gaudium.
0816306b  Vitam artat jejunio, Somno brevi, cilicio, Se dum occultat latebris, Mundo fit magis celebris.
0816307a  Virtutum fulget titulis, Medetur caecis oculis, Polypo, fico, calculis, Febribus, morbis singulis.
0816307b  Fidentem in Fiacrio Nulla laedit corruptio, Pia cujus devotio Purgat ab omni vitio.
0816400   De sancto Firmino.
0816401a  Vocis cum camoena Plaudit mens serena, Dum scandit amoena Firminus coelestium;
0816401b  Haec est dies laeta, Qua fortis athleta Christi morte spreta Vocatur ad gauium.
0816402a  Hic dignus laurea Legens ex aurea Virtutum area Lilia cum rosulis,
0816402b  Firmum vas fidei Sagena fit Dei Et piscatur ei Plurimos ex populis.
0816403a  Sacri praesulatus Adeptus cacumen, Gratia ditatus Gratum reddit lumen.
0816403b  Docet, quam sit stultum Et res quam profana, Falsum sequi cultum, Fabricare fana.
0816404a  Alvernis praedicat Vir sanctus dyscolis Christoque dedicat, Quod aufert idolis.
0816404b  Belvacum veniens Incurrit vincula, Sed Christus leniens Tollit pericula.
0816405a  Solutus carcere Fidem disseminat Nec curans parcere Fructus ingeminat.
0816405b  Ambianensium Animas ambiens Exit exsilium Ad Christum transiens.
0816406a  Hunc vir profanus Sebastianus Per diras manus Decollat in carcere.
0816406b  Ergo, Firmine, Zeli camine, Nos sine fine Fac cum Christo vivere.
0816500   De sancto Firmino.
0816501a  Triumphanti cruore proprio Tuo, Sion, applaude filio, Ab hoc tandem carnis exsilio Respiranti.
0816501b  Felix dies, felix martyrium, Quo paratur currenti bravium, Fesso quis et regni solium Exsulanti.
0816502a  Vir illustris, Hispanus genere, Fide firmus, potens opere, Speciali virtutum munere Sublimatus,
0816502b  Pastorali fungens officio, Miro gregi providet studio, Sacro Deum non minus otio Contemplatus.
0816503a  Urbs Agensis per hunc credit, Sed et ipsa sancto cedit Belvaci perfidia;
0816503b  Ubi tamen post certamen Poenae probat hunc examen Et agunt supplicia.
0816504a  Sed exstincto mox tortore Vir beatus a squalore Liberatur carceris
0816504b  Et assertor veritatis Gratis data donat gratis, Vitae forma ceteris.
0816505a  Mens devota Deo vota Prodit, tamen per immota Caritatis studia
0816505b  Clamat foris Vis amoris Et, quod celat os actoris, Pandit famae gratia.
0816506a  Suam tandem Ambianis Profanatam Deûm fanis Firminus ingreditur,
0816506b  Hic leprosis munda cutis, Caecis lumen, sermo mutis Ejus ope redditur.
0816507a  Sic per eum seminatur, Unde Deo referatur Sanctae messis copia,
0816507b  Nam diversi sexus, aevi Baptizantur mora brevi Tria fere milia.
0816508a  Ubi nece pretiosa Cum cruoris sui rosa Migravit a saeculo
0816508b  Et ad decus sepulturae Delibuto myrrha, thure Quievit in tumulo.
0816509a  Quem cum dignis Christus signis Declaravit, Dum monstravit Locum solis radio,
0816509b  Cum naturae Fracto jure Bruma risit Et emisit Rosam junctam lilio.
0816510a  Ave, martyr venerande, Vitae nobis viam pande, Duc rogantes ad optandae Visionis gaudia;
0816510b  Ut ab hoste liberati Resignemur claritati Et perenne trinitati Cantemus Alleluja.
0816600   De sancto Francisco.
0816601a  Exsulta, Sion filia, Laudans inscrutabilia In Francisco consilia, Divina, mirabilia.
0816601b  Qui mirus hic ingrediens, Mirificus progrediens, Securus hinc egregiens, Sanctus sanctos aggrediens.
0816602a  Laudemus hunc laudabilem, Miremur admirabilem, Sequamur imitabilem, Precemur venerabilem.
0816602b  In quo patris potentia Prolisque sapientia, Paracliti clementia Lucet in eminentia.
0816603a  Haec signorum magnitudo, Prophetiae altitudo, Claritatis latitudo Probant efficacia.
0816603b  Nam huic parent elementa, Coeli patent sacramenta, Pietati mens intenta Cummulata gratia.
0816604a  Morbi varii curati Caecique illuminati, Mortui resuscitati Dant his testimonia,
0816604b  Bruta suum mutant ritum, Aves verbo dant auditum, Solvit vinctis compeditum Ejus sanctimonia.
0816605a  Sed quid signa desideras, Cur sanctum non consideras, Signatas qui fert litteras Bulla summi pontificis?
0816605b  Quam Seaph tulit coelitus, Excepit vir angelicus Impressam carni coelitus Manu summi artificis.
0816606a  Miles prius incredulus Palpans fit testis patulus, Papam cruoris rivulus Scaturiens certificat.
0816606b  Cesset ergo dubietas Et aemula impietas, Nam testium nimietas Haec omnia ratificat.
0816607a  O Francisce, pater pie, Cui luxit nox pro die, Sis lucerna nostrae viae Nunc et mortis articulo.
0816607b  Sis protector filiorum, Informator quoque morum, Intercessor peccatorum, Tutor ab hostis spiculo.
0816608a  Qui solaris ut adspectus Igneo in curru vectus Gazae fratrum es invectus Caritatis aestibus,
0816608b  Fac nos tecum inflammari, Moribus te immitari, Ut tibi consociari Possimus in coelestibus.
0816700   De sancto Gabriele.
0816701a  Proloquium altum rectiemus Gabrielis, ut nos incitemus, Ad amorem omnes vocitemus, Ad has laudes corda, ora demus:
0816701b  Imperatrix, cujus imperio Tota gaudet coelestis concio, Tanta laus est tibi in filio, Quod humana non capit ratio.
0816702a  Benedicta et venerabilis, Pia, prudens, decora, nobilis, Universis incomparabilis, Tibi numquam fuit consimilis.
0816702b  Te creavit pater ingenitus, Obumbravit te unigenitus Fecundavit te sanctus spiritus Tu es facta tota divinitus.
0816703a  Te creavit Deus mirabilem, Te respexit ancillam humilem, Te quaesivit sponsam amabilem, Tibi nunquam fecit consimilem.
0816703b  Te beatam laudare cupiunt Omnes sancti, sed non sufficiunt, Nam tot laudes tibi conveniunt, quod laudantes omnes deficiunt.
0816704a  Quia tamen caput es virginum, Et laus summa non habens terminum, Angelorum laudes et hominum Promereris post Dominum.
0816704b  Cum humani sisteret generis Loqui praeco dignior caeteris, Vale dicit reginae aetheris, Cujus sedes manet in superis.
0816705   Vale, sancta sanctorum omnium, Laus et honor, decus fidelium, Aula Christi, domus, palatium, Deitatis reclinatorium.
0816800   De sancta Genovefa.
0816801a  Ad te confugimus, Virgo, flos Franciae, Per teque poscimus Regis clementiae Misericordiam.
0816801b  Offer, o domina, Ejus praesentiae Nostra precamina, Pacis et veniae Reportans gratiam.
0816802a  Te diligentium Per sacra dogmata Interna mentium Et per charismata Clementer instruat,
0816802b  Male credentium Per orbis climata Et malignantium Fraudes et schismata Potenter destruat.
0816803a  Te sanctus pontifex Antisiodori Lapsorum opifex Sanctam Nanthodori Vidit per spiritum.
0816803b  Te praesul villicus Electus meminit, Coetus angelicus Ob tuum cecinit Natalem inclitum.
0816804a  Sanas hydropisim Devotis precibus, Lepram, parasylim, Et mutis faucibus Vocem restituis.
0816804b  Sucurris ethnicis Febricitantibus, Caecis, lunaticis Et morbis omnibus, Vitam das mortuis.
0816805a  Ergo, sponsa Dei, Genovefa pia, Tua licet rei Sacra subsidia Devote petimus.
0816805b  Virgo magnanimis Nos pusillanimes Purgatis animis Redde unanimes Christo, dum vivimus.
0816806a  Moetos laetificet, Errantes corrigat, Stantes firmificet, Jacentes erigat, Per te cunctipotens.
0816806b  Per tua merita, Per matrem gratiae Remittens debita Det dona gloriae Nobis astripotens.
0816900   De sancta Genovefa.
0816901a  Sanitati dat languentes virginis oratio,
0816901b  Genovefa naufragantes salvavit in fluvio.
0816902a  Revelatur monialis peccasse coram Deo,
0816902b  Baptizatur Cellomerus submersus in puteo.
0816903a  Vase dato ecce matri fit visus redditio,
0816903b  O quam probat sanctam Dei ardentum curatio.
0816904a  Ergo laudes Genovefae decantet haec concio,
0816904b  Nam, qui poscit illam corde procul pulso vitio,
0816905a  Sanitatis et gratiae gaudet beneficio,
0816905b  Quod det nobis rex gloriae ipsius suffragio.
0817000   De sancta Genovefa.
0817001   Virtutes paschalis agni celebrent Christiani.
0817002a  Sanctus sanctorum sanctam Elegit Genovefam, Quae docuit mores Peccatores.
0817002b  Mortem vita patulo Fugat in infantulo, Cum per hanc mortuus Surgit vivus.
0817003a  Dic nobis, o pia, Quis sic fecit talia? Potestas Christi viventis Ad sui laudem et bonum gentis.
0817003b  Germanus est testis Et curia coelestis, Quod Christus fuit spes mea, Sed haec negavit quondam gens rea.
0817004a  Credendum et magis soli Germano veraci Quam perfidorum Turbae mendaci.
0817004b  Scimus Deum elegisse Genovefam vere, Per illam nostri, Rex, miserere.
0817100   In Translatione s. Genovefae.
0817101a  Virgo venerabilis, Virgo prudens, humilis, Virgo, Dei filia,
0817101b  Sponsa regis gloriae, Memento familiae, Regi reconcilia.
0817102a  Veni, virgo, propera, Servos tuos libera Ad omni molestia;
0817102b  Veni, ne tardaveris, Confer opem miseris, Dum quaerunt subsidia.
0817103a  Adsis praesens opere, Quae praesens es corpore Hac jacens ecclesia;
0817103b  Totum corpus vidimus, Jam nullus est Didymus, Apud nos sunt omnia.
0817104a  Corpus totum oculis Sed et caput osculis Summa reverentia
0817104b  Contrecati fuimus, Sic utrumque clausimus Sed in theca alia.
0817105a  Virgo dilecta Deo, Hoc impetres ab eo, Ut concessa venia
0817105b  Sanctis tuis precibus Cum beatis omnibus Vivamus in gloria.
0817200   In festo miraculorum s. Genovefae.
0817201a  Virgo, gemma pretiosa, Virtuosa, luminosa, Fulget per miracula,
0817201b  In aetate dum tenella Genovefa movet bella Hostis contra jacula.
0817202a  Fide firma roboratur Et vi crucis coarmatur Virtutum ad opera,
0817202b  Illi cedunt elementa, Ignis, aer et portenta, Quae pertubant aera.
0817203a  Aer udus serenatur, Sicca tellus humectatur Virginis per merita,
0817203b  Claudi, surdi, caeci, muti Sanitatem consecuti Gaudent ope praestitia.
0817204a  Dat vindictam de profanis, Testis est Aurelianis Praesule de proprio;
0817204b  Novit urbs Parisiensis Poenam parvis pro expensis Lapso capicerio.
0817205a  Ignem sanat Stygialem, Omnem pestem corporalem Firmiter credentibus;
0817205b  Ergo, virgo, nos exaudi Et devotos tuae laudi Salva tuis precibus.
0817300   In festo miraculorum s. Genovefae.
0817301a  Cleri coetus Genovefae cantet laetus Alleluja,
0817301b  Matri caecae Reddit visum sola prece, Res miranda.
0817302a  Jam coelis sublimior Refulget splendidior Omni stella;
0817302b  Throno coeli residens Regnat regna possidens Semper clara.
0817303a  Mundi munda maculis Vitae sanctae populis Fuit forma,
0817303b  Ejus pudicitia Non carnis spurcitia Fit corrupta.
0817304a  Choris juncta superis Miseretur miseris Valle nostra,
0817304b  Ejus prece pellitur Languor, mutus loquitur Voce sumpta.
0817305a  Dum vacaret precibus, Anus plena fraudibus Raptis sotularibus Fuit caeca.
0817305b  Sed, quos furtim detulit, Quia plorans retulit, Visum virgo contulit Benedicta.
0817306a  Haec loca supera Lustrat et infera, Ubi clauditur gens misera.
0817306b  O felix, propera, Duc nos ad aethera, Quo virgo regnat puerpera.
0817400   In festo miraculorum s. Genovefae.
0817401a  Virginis egregiae Genovefae hodie Pangatur memoria,
0817401b  Pro cujus miraculis Cantatur ab angelis In excelsis gloria.
0817402a  Hic aetate tenera Vita vivens aspera Carnem domat propriam,
0817402b  Quae facta sponsa Dei Semper assistens ei Frequentat ecclesiam.
0817403a  Flens, orans assidue Restaurat matri suae Claritatem luminis,
0817403b  Urbs a gente barbara Obsessa fit libera Per meritum virginis.
0817404a  Probant calcis inventio, Viri de coelo missio, Reaccensi cerei.
0817404b  Per hanc falsa revelatur Virgo, daemon effugatur Vase latens olei.
0817405a  Caeci, surdi, claudi, muti Lepra, febri stant soluti, Cessant morbi genera;
0817405b  Sed majus est, quod reversus Est ad vitam infans mersus Ejus ope supera.
0817406a  In sepulchro dum jacuit, Lampas arsit nec minuit Ante corpus oleum,
0817406b  Liquore cujus liniti Sanitati sunt redditi Omnes aegri per eum.
0817407a  Latro supplicans salvatur, Rotoninus neci datur Non dans reverentiam;
0817407b  Sacer ignis exstinguitur, Aqua tumens restringitur Per ejus praesentiam.
0817408a  Ignis culpae, tumor cordis, Omnis, virgo, signum sordis Recedat prece tua,
0817408b  Ut mundati servi tui In coelis possimus frui Tecum luce perpetua.
0817500   De sancto Geremaro.
0817501a  Geremari annua Laude plebs dulciflua Celebret solemnia;
0817501b  Laus a corde prodeat, Ut laudato placeat Laudantis melodia.
0817502a  Ex Francorum genere, Claro clarus opere, Duxit hic originem;
0817502b  Sacris datus litteris Suscipit a superis Morum plenitudinem.
0817503a  Orbatus parentibus Satis locupletibus Locuples relinquitur,
0817503b  Mundi temnens gloriam Rerum affluentiam Corde non amplectitur.
0817504a  Jugo leni subjicit Christi se humiliter, Curas vanas abjicit Carnem domans jugiter.
0817504b  A tumultu populi Esse cupit longius, Ut contemptor saeculi Coelo fiat proprius.
0817505a  Per beatum Audoenum, Virum sanctum, Deo plenum Praecellenti gratia,
0817505b  Sibi datur, ut precatur, Locus gratus exoptatus, Quo fiat ecclesia.
0817506a  Vox de coelis est haec facta: Octo lustra sunt transacta, Ut Christus pro meritis
0817506b  Suo caro Geremaro Destinavit et paravit Locum hunc, quem cernitis.
0817507a  Ros locum hunc illustravit Et impressus designavit Ut geometri virgula Monachis habitacula.
0817507b  In hoc loco mundus vixit, In supernis mentem fixit, Ut vitae summae pabula Obtineret per saecula.
0817508a  O beate Geremare, Vir insignis, vir praeclare, Apud Christum Chorum istum Clementer concilia.
0817508b  Ut fons summae pietatis Mundum mundans a peccatis Servos suos Atque tuos Mundet data venia.
0817509   Amen dicant omnia.
0817600   De sancto Germano.
0817601a  Lux illuxit triumphalis, In qua cursus agonalis Evoluto spatio
0817601b  Stola prima decoratur Et secundam praestolatur Germanus cum gaudio.
0817602a  Mole carnis liberatur Et a Christo coronatur Regni diademate,
0817602b  Jam adeptus, quod quaerebat, Clare videt, quod videbat Prius in aenigmate.
0817603a  Celebremus diem istam, In qua suum agonistam Coronavit Dominus;
0817603b  Finis fuit in agone, Sed honoris, sed coronae Nullus erit terminus.
0817604a  Luctus labor et certamen Transierunt, sed solamen, Sed quies, sed praemia,
0817604b  Quae nunc a te, Jesu Christe, Tuo dantur agonistae, Finis erunt nescia.
0817605a  Jam illuxit, o Germane, Tibi clare illud mane, Quod non habet vesperum,
0817605b  Cessat lucta, cessat luctus, Et ad urbem es perductus In qua nil est miserum.
0817606a  In hac valle lacrimarum, In hoc loco tenebrarum, In hac solitudine
0817606b  Suspirabas et plorabas Et ad lucem anhelabas, Quae caret caligine.
0817607a  Invenisti fidum ducem, Qui te duxit ad hanc lucem, Dei patris unicum,
0817607b  Qui de pugna redituro Et ad regnum profecturo Tibi dat viaticum.
0817608a  Gaude, pater, et exsulta, Quia merces tua multa, Quia multa gloria;
0817608b  Coelum tibi reseratur, Te recepto gloriatur Tota coeli curia.
0817609a  Inter coeli senatores Collocaris, ut exores Christum, verum judicem,
0817609b  Proni tibi supplicamus, Ne nostrarum sentiamus Hunc culparum vindicem.
0817700   De sancto Gerhardo.
0817701a  Agrippinensis plantula Floruit in ecclesia,
0817701b  Cujus odor in saecula Fraglat in coeli curia.
0817702a  Hic vir Gerardus nomine, Praeclarus ex origine,
0817702b  Orbem replevit lumine Fulgenti sanctitudine.
0817703a  Hic literarum studia Secutus non inania
0817703b  Ad virtutum insignia Spiravit ab infantia.
0817704a  Fervens ejus devotio In virginali pectore
0817704b  Non latuit sub modio Sed fulsit omni tempore.
0817705a  Nam Dei providentia Mundus a labe criminum
0817705b  Ascendit per humilia Sacerorum gradus ordinum.
0817706a  Quam felix Leuca civitas, In qua grandis jucunditas
0817706b  Tam reverendo praesule Adepto Deo consule.
0817707a  Dum suscepit hic solium Tullense, crevit gaudium, Dei domus hospitium Fundavit dans edulium.
0817707b  Oves gregis dominici Deducens corde simplici Pascebat cibo duplici Panis et verbi coelici.
0817708a  Collatum tribus pabulum Recepit per miraculum, Pro aqua vini poculum Gustans arguit famulum.
0817708b  Suae plaudunt praesentiae Campanae simul curiae, Templum purgat ingluvie Ad se natant reliquiae.
0817709a  Absens vidit incendium, Praesens novit daemonium Divinumque collegium Consecrans oratorium.
0817709b  Hinc farina non defuit Vel far, cum fames irruit, Dum pauper unus abfuit, Pro fratre Christus adfuit.
0817710a  Hunc sanctum pater luminum Sua fovens clementia
0817710b  Post notum vitae terminum Secum traxit ad gaudia.
0817711a  Corruscant adhuc hodie Pastoris mirabilia,
0817711b  Sum calculosis anxie Subvenit ejus gratia.
0817712a  Nos Gerardi memoriam Agentes cum laetitia
0817712b  Christus ducat ad gloriam Per ipsius suffragia
0817800   De s. Germano Antisiodorensi.
0817801a  Moduletur vox amoena, Vox suavis, vox serena, Vox devotione plena Germani praeconia.
0817801b  Haec sunt dona tua, Christe, Quibus praesul sanctus iste Vires Johannis Baptistae Vicit abstinentia.
0817802a  O doctrinae fons abundans, Fons praeclarus, fons redundans, Rigans hortos et fecundans Totius ecclesiae.
0817802b  O miranda virtus cunctis, Vitam quater dat defunctis Et expellit ab inunctis Actorem nequitiae.
0817803a  Signo crucis sacrae manus Mutio resurgit sanus Et respondet Cassianus In sepulchro mortuus.
0817803b  Laesae majestatis rei Supplicemus corde ei, Ut sit in conspectu Dei Tutor noster strenuus.
0817900   De sancta Gertrude.
0817901   Ave, Gertrudis, virgo grata, Ex regali stirpe nata.
0817902a  Leprosos mundare non sprevisti Ob amorem Jeu Christi.
0817902b  Caecis viam demonstrasti, Pauperes, nudos collocasti,
0817903a  Quibus tu hospitia Dedisti suavissima.
0817903b  O virgo, nunc fideliter Oraque suppliciter
0817904   Jesum Maria filium, Ut nobis donet hospitium In suo Palatio Cum aeterno gaudio.
0818000   De sancto Gotthardo.
0818001a  Jubar lucis inoffensae Sidus spargit Altahense. Fugans umbram noctis densae Claritatis radio:
0818001b  Lumen hoc plebs sequi debet Bavarorum, quod non hebet, Sed ad coelos iter praebet Ex hoc mundi stadio.
0818002a  Ab hac gente ducens ortum Godehardus iter tortum Declinavit, coeli portum Quaerens ab infantia;
0818002b  Demum litteris imbutus, Novum hominem indutus, Christi vias est secutus Vigili constantia.
0818003a  Sumpsit post praeposituram Benedicti vestem duram, Sub qua quatuor in curam Abbatias recipit;
0818003b  Cathedra mox nolens fungi, Somno per Mariam ungi Sese cernit et injungi Onus, quod rex praecipit.
0818004a  Factus praesul templum fulsit, Mire daemones evulsit Perjuranti nec indulsit, Dum fraus morte patuit;
0818004b  Morituram moriturus Abatissam praesul purus Dum praedixit, ordo durus Mortis hunc non latuit.
0818005a  Quam sit certus hic propheta, In decano vitae meta Demonstravit sic impleta, Ut pater praedixerat.
0818005b  Voto pectoris anheli Patriam quaesivit caeli, Quam Brunone cum fideli Petit, ut praefixerat.
0818006a  Ascendenti coacendens Tu tuere nos defendens, Tuae super nos extendens Pietatis dexteram;
0818006b  Bavaroroum flos insignis, Tu nos precibus benignis Junge coelo Deo dignis, Non ut gentem exteram.
0818007a  Ne sit pes in cursu tardus, Nostra pretiosa nardus, Post se trahat Godehardus Prece nos ad aethera.
0818007b  In odore nos suorum Currere det unguentorum, Ubi viget aeternorum Novitas post vetera.
0818100   De sancto Gotthardo.
0818101a  Haec est sancta solemnitas, Laudetur sancta trinitas Pro Gotthardo praesule,
0818101b  Aequetur inaequalitas, Consurgat omnis caritas Pro coelesti exsule.
0818102a  Imitentur hunc mortales, Ut sint sibi commensales In coelesti patria,
0818102b  In qua sistunt triumphales, Justi, sancti, immortales Per aeterna saecula.
0818103a  Hic praesul stat in acie Dira constrictus macie, Ut veheretur spiritu,
0818103b  Pallor manet in facie, Ut tempus adsit gratiae Sic tuti ab interitu.
0818104a  Dies adsunt jubilaei, Ut solvantur omnes rei A quolibet facinore:
0818104b  Pascha primus, penthecoste Finem dat, ut nos ab hoste Tutemus et a scelere.
0818105a  Pie praesul, nos conserva Et in coelis coacerva Cum sanctis in gloria,
0818105b  Alleluja decantemus, Sanctum virum collaudemus In aeterna saecula.
0818200   De sancto Gouluino.
0818201a  Creaturae creatorem Venerantur, dum honorem Ejus sanctis exhibent,
0818201b  Honor ergo, laus Gouluino, Quem dilectum Deo trino Ejus gesta perhibent.
0818202a  Quem in terris sublimavit Christus signis et ditavit Multiformi gratia,
0818202b  Quem amavit, quem ornavit Et cum sanctis coronavit In perenni gloria.
0818203a  Cujus ortu dono Dei Fons immensae speciei Prope partum oritur,
0818203b  Quo decumbens recreatur Mater, infans baptizatur, Aegris salus redditur.
0818204a  A primaevo carnem arcet, Aqua paneque non marcet Adspirans ad gaudium,
0818204b  Christi cultor verbo, vita, Virgo semper, eremita, Triplex vicit proelium.
0818205a  Ventum, frigus nullus homo, Qua latebat, sentit domo, Quam non intrat femina.
0818205b  Ejus prece debellavit Dux Evenus et prostravit Barbarorum agmina.
0818206a  Tres campanas et totidem Auri cruces fecit idem De transmisso pulvere,
0818206b  Ejus jussu Romae latus Se portantem morti datus Nullo pressit pondere.
0818207a  Aletanis postulatus Contradicens est sacratus Manu papae propria,
0818207b  Multa signa subticentur, Auditorum ne graventur Aures propter taedia.
0818208a  Laboranti Christi vitae Dat in sero Christus vitae Perennis denarium,
0818208b  Quem currentes sic sequamur, Ut per ipsum consequamur Sancto curso bravium.
0818300   De sancto Guillermo.
0818301a  Gaude Sion sponsa Christi, Quae Guillermum peperisti Senescente gratia,
0818301b  In occasu novum solem, In senecta nasci prolem, Signa probant varia.
0818302a  Briocensis gentes soli Suo solvant vota soli Tota cum Britannia,
0818302b  Glorientur in Guillermo, De quo digne magnus sermo Licet in ecclesia.
0818303a  Ab aetate puerili Declinavit ab hostili Carnis petulantia,
0818303b  Quam coegit obedire Legi mentis et servire Munda conscientia.
0818304a  Miserorum miserator, Pietatis operator Erat manu propria,
0818304b  Cum afflictis est afflictus, Caritate sic amictus Discumbit in gloria.
0818305a  Vi compulsus exsulavit Nec impulsus declinavit A Dei justitia,
0818305b  Ponens enim spem in Deo, Fidens erat quasi leo, Agnus patientia,
0818306a  Sanctitatis argumenta Sunt virtutes et portenta, Quae fecit insignia,
0818306b  Sancti corpus post bimatum Est inventum illibatum Mira cum fragrantia.
0818307a  De Guillermo virtus manat, Febres curat, morbos sanat, Expellit daemonia,
0818307b  Surdi, caeci, claudi, muti Sunt saluti restituti Per ejus suffragia.
0818308a  O Guillerme, nova stella, Servos serves a procella Trina maris obvia,
0818308b  Et ad portum nos salutis Applicare fac virtutis Tuae providentia.
0818400   De sancto Hermagora.
0818401a  Plebs fidelis Hermachorae Gratuletur in honore, De quo Marci successore Gaudet Aquileïa,
0818401b  Cujus consors Fortunatus, Nam cum illo coronatus Passione socia.
0818402a  Gentem culpa veterem Reddens fide puberem Hermagoras mittitur,
0818402b  Qui contemptis omnibus Poenis et tortoribus, Non minis, non precibus Nec terrore frangitur.
0818403a  Quo precante Dominum Pro se et pro ceteris Fulget pater luminum In occulto carceris.
0818403b  Pontianus igitur Lumen missum coelitus Videt et efficitur Templum sancti spiritus.
0818404a  Fama lucis nuntiatur, Caeca lumen contemplatur, Fide patris liberatur Puer a daemonio;
0818404b  Unde multi baptizati Manu sancti Fortunati Dant honorem trinitati, Credunt Dei filio.
0818405a  Quem Sevastus nomine Seu se vastans crimine Pro Christi certamine Vinctum tradit carceri;
0818405b  Ubi simul socias Sanctas reddunt gratias, Illatas injurias Adscribentes muneri.
0818406   Noctu quorum opere Diescit religio, Decollantur in carcere, Praefigurat gloriae.
0818500   De sancto Hieronymo.
0818501a  Sion felix, gratulare, Coeli cives contemplare Pio mentis oculo,
0818501b  Inter quos offertur unus, Large qui coeleste munus Dulci hausit poculo.
0818502a  Suae flore juventutis Causa qui erat salutis Omnibus credentibus,
0818502b  Diro verbere correctus, Liquit, quo erat illectus, Cunctis prorsus nutibus.
0818503a  Paginam scripsit divinam, Linguas vertit in latinam Cardinalis inclitus,
0818503b  Probra tulit subditorum, Censor quorum erat morum Adjutus divinitus.
0818504a  Pauli sequax et baptistae, Caelibis evangelistae, Quis stupere sufficit,
0818504b  Passiones, autumavit Dulces multum quas amavit Mens humana, refugit.
0818505a  Tandem fit Bethlehemita, Pridem quamquam eremita, Translator verdicius,
0818505b  Haeresum rictus obstruxit, Fidem sacram sic adstruxit Doctor hic magnificus.
0818506a  Leo claudus mire ferus Custos fit aeselli verus Patris beneficio.
0818506b  O quam miris fulsit dignis Post et ante mortem signis Domini auxilio.
0818507a  Vitam alme rege pater, Carcer ne post ipsam ater Claudat nos, Hieronyme,
0818507b  Sed deposce, collaudare Deum, tecum conregnare Propulsa formidine.
0818600   De sancto Hieronymo.
0818601a  Cum fiducia pergamus Nunc ad thronum gratiae, Gratiam ut acquiramus Et condignas valeamus Deo laudes hodie Dare de Hieronymo;
0818601b  Vita, verbo, qui monstravit Viam, quae ad patriam Tendit, qua praeambulavit. Ut sequamur, nos vocavit, Veram laeto gloriam Ut intremus animo.
0818602a  Sacris cum virginibus Virgo hic Hieronymus In vase sumpsit oleum, Ut posset sic in gaudium Cum Domino intrare.
0818602b  Virginum praefulgidam Portat nunc aureolam Cantans carmen, quod omnibus Non licet sed virginibus Dumtaxat decantare.
0818603a  Dei vox intercidentis Hic flammam est libidinis Et vox cedros confringentis, Superbia ut hominis Deorsum inclinetur.
0818603b  Vox revelans est condensa, Ut omnes dicant gloriam Gratia nunc pro impensa, Purgante culpae scoriam, Ut poenitens salvetur.
0818604a  Lux sicut in meridie Adhuc sic lucet hodie Per vitam et doctrinam,
0818604b  Ne quis in exsilio Sit sine lucis radio, Ut caveat ruinam.
0818605a  Ergo lucem dum habetis, Vos in luce ambuletis, Ut lucis sitis filii,
0818605b  Ut ad illam, quam optatis, Vitam veram venitatis De lumine Hieronymi.
0818606a  De ligno fonteque vitae Reficit ecclesiam, Ob hoc omnes hunc adite, Refecti ut per gratiam Fiatis reviventes.
0818606b  Atque deprecemur eum, Nam praesto est precantibus, Ut pro nobis oret Deum Hunc hymnum decantibus, Humiliter dicentes:
0818607a  O pater amantissime, Praedulcis dux Hieronyme, In via fer auxilium, Ne mundi per exsilium Ruamus in pericula;
0818607b  Sed tecum ut in patria Possimus frui gloria, Ubi tunc regem omnium Nos in decore inclitum Videbimus in saecula.
0818700   De sancto Hilario.
0818701a  Ad illuminandum mundum Hilarium, virum mundum, Sanctum, justum et facundum Deus nobis praebuit.
0818701b  In tenebris ambulantes Haereticos et errantes Veram fidem speculantes Fecit et edocuit.
0818702a  In personis trinitatem, In utrisque paritatem, Deitatis unitatem Absque differentia.
0818702b  Aenigmata prophetarum Et figuras scripturarum Verbis evangelistarum Concordavit omnia.
0818703a  Miraculis decoratus, Dum vivebat vir beatus, Pictavorum praesulatus Functus est offficio.
0818703b  Nobis suum juvamen det Hilarius et emendet, Emendatos nos commendet Dei patris filio.
0818800   De sancto Hippolyto.
0818801   Martyris Hippolyti, patroni, festa recolamus;
0818802a  A quo Laurentius beatus Custodiae mancipatus Suae strictus est vinculis.
0818802b  Qui cujusdam captivati Gemitu lumine privati Visum dedit oculis.
0818803a  Hippolytus, adhuc paganus, Hoc viso fit Christianus Vanis relictis idolis;
0818803b  In catholica informatus Lege, post haec baptizatus, Adhaesit Christicolis.
0818804a  Postquam corpus sepelivit Laurentii, tunc introivit Domum suam propriam;
0818804b  Dedit servis et ancillis Pacem magnis et pusillis Communicans familiam.
0818805a  Militibus ergo vocatis Et pro eo destinatis Ad mensam sedens capitur;
0818805b  Decius hunc captum videns Prae ira dixit subridens: Numquid hic magus efficitur?
0818806a  Quo peractis Caesar verbis Blandis instat et acerbis Minisque Hippolyto;
0818806b  Sed nec Caesaris tormenta Revocant nec blandimenta Eum a proposito.
0818807a  Nam quo magis tormentatur, Eo magis inflammatur Christi amoris incendio.
0818807b  Non timet temporalem mortem, Ut aeternae vitae sortem Possideat cum gaudio.
0818808a  Hic in morte judicatus Et ad equos alligatus Christo Deo confessus est;
0818808b  Pro fide Christi a paganis Inhonestis ac insanis Martyrium perpessus est.
0818809a  O martyr, miles Christi fortis, Hora incumbente mortis Armis tuae potentiae
0818809b  In nos orphanos intende Et ab insidiis defende, Ut jus est militiae.
0818810a  O gloriose Christi miles, Nos servos salva licet viles Ab inferni miseria,
0818810b  Ut nos coelum introire Possimus tibique servire In coelesti curia,
0818811   Et licet immeriti Faciem Christi videamus.
0818900   De sancto Hugone.
0818901a  Personemus solemni gaudio Hugonis laudes cum tripudio.
0818901b  Qui ex primis ortus Burgundiae Nobilium celsa progenie
0818902a  Resplenduit claris natalibus, Sed clarior fuit virtutibus.
0818902b  Intrans claustra Cluniacensium Sprevit opes et mundi gaudium.
0818903a  Factus abbas vocante gratia Tantam domum rexit industria,
0818903b  Ut diffusa crescat virtutibus Cunctis paene Europae finibus.
0818904a  Hinc in sede capitularia Cum sedebat, Christi praesentiam
0818904b  Hildebrandus videre meruit, Qui post papa Romanus claruit.
0818905a  Hic daemonem expulit precibus A Stephani papae conspectibus,
0818905b  Sub sancti spiritus praesentia Fugavit Aeduae daemonia.
0818906a  Tectus aeger ejus pellicea Mox exuit leprae contagia.
0818906b  Hoc testatur factum Vasconia Multa sanctum colens frequentia.
0818907a  Parisius Hugo decenderat, Qua Robertus aderat debilis.
0818907b  Pius pater debilem precibus Relevavit turbis mirantibus.
0818908a  Saepe vidit cordium abdita, Prophetiae novit abscondita.
0818908b  Nunc coelorum sublimis gloria Nos adjuvet jugi clementia.
0819000   De sancto Jacobo.
0819001   Ad honorem et decorem Hujus festi nos modesti Deo demus gloriam,
0819002a  Qui creator et salvator Rectis corde sine sorde Largitur victoriam.
0819002b  Laudem Deo decantemus Et beati celebremus Jacobi memoriam,
0819003a  Qui perfectus et electus, Qui peritus et fulcitus Omni sapientia. Quem videre voluit, Verum Deum coluit Pura conscientia.
0819003b  Non abscondit hic talentum Nec ipsius est inventum In ore mendacium, In cunctis operibus Subvenit pauperibus Vitae dans solatium.
0819004a  Tota vita non invite Deo servit nec protervit Mente vivens sobria,
0819004b  Deo toto servit voto, Multa gentis saevientis Sustinet opprobria.
0819005a  Sed nec poenis nec catenis Revocatur, quin sequatur Domini vestigia,
0819005b  Templa frangit idolorum Et ad finem cor multorum Mollit per prodigia.
0819006a  Hinc mucrone decollatur Et ad coelum invitatur Multa post miracula,
0819006b  Sic a carne destitutus Verum solem est secutus, Agnum sine macula.
0819007a  Martyr Dei, te precamur, Elabora, ne labamur, Cum injustis ne perdamur, Dele nostra crimina.
0819007b  O beate Deo grate, Fer solamen et juvamen, Pande genti te colenti Paradisi limina.
0819008a  Ubi salus et honestas, Ubi virtus et potestas, Ubi florum et odorum Omnis delectatio;
0819008b  Ubi sine labe quies, Omni carens nube dies, Dies vernus sempiternus Cum omni solatio.
0819009   Ubi vitae certitudo, Mira semper pulchritudo, Ubi decor disciplinae, Ubi lucet sine fine Veri solis claritas.
0819100   De sancto Jacobo.
0819101a  Gratulemur Et laetemur Summa cum laetitia,
0819101b  Laetabunda Et jucunda Gaudeat Hispania
0819102a  In gloriosi Jacobi praefulgenti victoria,
0819102b  Qui scandens coelos hodie coronatur in gloria.
0819103a  Qui dum esset in hoc mundo Tamquam maris in profundo Praedicans incredulis,
0819103b  Fidem sanctae trinitatis Verus praeco veritatis Nuntiabat populis.
0819104a  Quidam magus Hermogenes suum misit discipulum,
0819104b  Ut temptaret apostolum qui convertebat populum.
0819105a  Cum Jacobus Zebedaei Praedicaret verbum Dei, Philetus interfuit,
0819105b  Falsa temptat asserere Et Jacobo resistere, Sed tandem dissiluit.
0819106a  Et nimirum Dei virum Fallere non potuit,
0819106b  Rationes Et sermones Cujus non sustinuit.
0819107a  Jacobus plenus gratia Dat legis testimonia, In promptu tenet omnia.
0819107b  Philetus stupens talia De Christo mirabilia Reveritur ad propria.
0819108a  Cum esset in hospitio, A magistro fit quaestio, Quae sit Jacobi ratio.
0819108b  Data fuit responsio, Quae esset praedicatio Vel sub qui testimonio.
0819109a  Messiae incarnatio Et sub Pilato passio Sunt apostoli ratio,
0819109b  Et Christi resurrectio, Mirabilis ascensio Sunt ejus praedicatio.
0819110a  Dei dicit magnalia, Prophetarum praeconia Ducit in testimonia,
0819110b  Et David vaticinia Sunt illi concordantia, Memoriter scit omnia.
0819111a  Ut dicunt amici mei, Apostolus ille Dei Vere mortuos suscitat,
0819111b  Saepe, cum sibi libuit, Claudis gressum restituit, Caecis visum suppeditat.
0819112a  Tu, Philete, qui sic credis, Deos et idola laedis, Nunc te solvat apostolus.
0819112b  Jacobus per vicarium Suum misit sudarium, Solutus est discipulus.
0819113a  Tunc Philetus Vadit laetus Ad beatum Jacobum,
0819113b  Baptizatus Et renatus Facit se discipulum.
0819114a  Magus motus insania Vocat ad se daemonia, Per quorum magisteria Sua regebat studia.
0819114b  Postquam venerunt daemones, Jussit eos Hermogenes, Ut caperent apostolum Et cum eo discipulum.
0819115a  Quo cum irent daemonia, Jam sensere incendia.
0819115b  Deficiunt imperia, Sic ululant clamantia:
0819116a  Serve Dei, miserere, Profitemur, nos ardere Ante tempus incendii;
0819116b  Apostole sancte Dei, Pie fili Zebedaei, Nunc egemus auxilii.
0819117a  Sed vir plenus virtutibus Imperabat daemonibus,
0819117b  Faciebat miracula, Sed quis narraret singula.
0819118a  Huic est ostensa visio, Christi transfiguratio, Beato Petro socio Johanne fratre tertio.
0819118b  Cum duobus discipulis, Segretatis apostolis, Deum conspexit oculis Transformatum in saeculis.
0819119a  Cum esset in Thabor monte, Tres fecerunt sua sponte Tria tabernacula.
0819119b  O quam beati oculi, Qui redemptorum saeculi Viderunt non per specula.
0819120a  O gloriose Jacobe, Sis protector plebi tuae Per singula,
0819120b  Dei natum transformatum Qui meruisti cernere Per saecula.
0819200   De sancto Joachim.
0819201a  O virtutum vir perfecte, Pater virginis electae, Joachim, nos juva recte, Qui te rectum poscimus.
0819201b  Isaias te radicem Praenotavit ut felicem, Unde virgam genitricem Floruisse novimus.
0819202a  Obtulisti recta rectus, Recte Noe, vir perfectus, Et ut Moyses dilectus Deo et hominibus.
0819202b  Abel te praefiguravit, Qui de ovibus, quas pavit, Meliores immolavit Inflammatis gregibus.
0819203a  Clarens decimis oblatis, Spretus tebus grate datis, Sustinebas plus quam satis Infecundus prospere.
0819203b  Haeres David, sancti regis, Et sanctorum priscae legis Tuis precibus nos tegis Velut agni vellere.
0819204a  Jesus, proles tuae natae Nec non Annae, matris gratae, Replet nos suavitate, Flos regalis germinis.
0819204b  Magnae stirpis radix Jesse, Sentiamus hoc prodesse, Quod te patrem scimus esse Gloriosae virginis.
0819205a  Te rogamus voto pari, Laude digna singulari Nos in portu salutari Sistat tua gratia.
0819205b  Vera mater orphanorum, Tu levamen oppressorum, Medicamen infirmorum, tanti patris filia.
0819300   De sancto Jodoco.
0819301a  Laudes Christo persolvamus, Nos qui sancti celebramus Jodoci solemnia,
0819301b  Pater nobis opem mittat, Cujus vita nos invitat Ad coeli palatia.
0819302a  Rege natus et regina Coelos gliscit et divina Deitatis gratia.
0819302b  Mundum sprevit et terrena, Mente quaerens Deo plena Paradisi gaudia.
0819303a  Coetus noster hinc applaude, Hunc honora dignum laude, Qui vivit in gloria.
0819303b  Sciant omnes et singuli Liquit gloriam saeculi Et patris imperia.
0819304a  Regna fugit et patriam Ac subivit per Sauliam Pontini confinia,
0819304b  Tunc sub duce requievit, Ibi Christo acquievit Et ejus servitio.
0819305a  Huic se viro demonstravit, Quando panem impetravit, Deus vultu proprio;
0819305b  Panis datus non ingratus, Immo cito reparatus Divino consilio.
0819306a  Deo panem hic divisit, Deus naves huic remisit Plenas beneficio.
0819306b  Victum cunctis vir erogat, Capit quisque, quantum rogat, Respondente copia.
0819307a  Ruunt omnes cum gaudio, Sed vir Dei prae taedio Fessus linquit omnia;
0819307b  Inde transit ad deserta, Deum sequens fide certa Fugit transitoria.
0819308a  Lustra terens hic ferarum Non horrescit vim earum, Sedat quaeque noxia,
0819308b  Manu sua cogit aves, Feri, lupi sunt suaves In ejus praesentia.
0819309a  Opus fuit mirabile, Ala fallitur aquilae Prece viri saucia,
0819309b  O quam pura genitura Fuit iste, Jesu Christe, Vitae vitans devia.
0819310a  Vana spernens et levia, Manu tenens non devia Invia et non in via Fecit domicilia.
0819310b  Romam vadens non moratur, Reverenti praesentatur Quaedam caeca, quae sanatur Prece justi praevia.
0819311a  Hinc reversus ad altare Stans et debens celebrare, Dextram vidit consecrare Gubernantis omnia.
0819311b  Clausus tandem in tumulo, Quantus fuit in saeculo, Caro probat miraculo Vitae viri conscia.
0819312a  Quam cum male dux scrutatur, Dum superbit, dum inflatur, Morte turpi condemnatur, Sic a Deo castigatur Furentis insania.
0819312b  Confessoris oratio, Cujus fuit haec ultio, Nos sanctorum consortio Jungat; Amen haec concio Sonet cum laetitia.
0819400   De s. Johanne Baptista.
0819401a  Psallat chorus laetabundus voce cum melliflua
0819401b  Vocis odas declamantis antra per hermitica.
0819402a  Quibus tener latitavit urbis vitans ludicra,
0819402b  Ne vel unquam os illius verba daret vacua.
0819403a  Ibi sacer ille vixit mira parsimonia,
0819403b  A quo panis longe fuit, vinum atque sicera.
0819404a  Parvus erat illi cibus mellis arundinei,
0819404b  Aqua sitim mitigabat ripis in Jordanicis.
0819405a  Pannus asper membra texit voluptatis nescia,
0819405b  Pilis camelorum tectus, zona strictus lanea.
0819406a  Iste vatibus divinis cunctis excellentior
0819406b  Atque salvatoris nostri praeco manifestior.
0819407a  Nam quem longe prophetarent illi vaticinio,
0819407b  Hic venisse jam testatus demonstravit digito.
0819408a  Istum sanctum super omnes Deus honorificat,
0819408b  Trinitas cui soli semet pandit et clarificat.
0819409a  Natum lavat, patrem audit spiritumque conspicit,
0819409b  Goriosus, cuicumque Deus sic se aperit.
0819410a  Hic pro nobis deprecetur creatorem luminis,
0819410b  Ut resolvat mentes nostras omni nexu criminis
0819411a  Et in fine nos adscribat summi porta culminis
0819411b  Et superni nos adjungat consodales agminis.
0819500   De s. Johanne Baptista.
0819501a  Gratuletur mundus iste, Clara Johannis Baptista Recolens praeconia;
0819501b  Ut adspectus illustretur Et affectus inflammetur, Ejus datur gratia.
0819502a  Tu, puer, plus quam propheta Prophetarum quique meta, Legis consummatio;
0819502b  Cum Josia zelo captus, Cum Elia coelo raptus Amoris incendio.
0819503a  Signis mundo nuntiatus, Promens Christum nondum natus Datus es in gaudium;
0819503b  Vita vivens angelorum, Ut lucerna populorum Monstrans Dei filium.
0819504a  Inter natos mulierum Te commendat auctor rerum, Ut normam justitiae,
0819504b  Patrem audis, lavas natum Et amborum cernis flatum In columbae specie.
0819505a  Decus mundi, praeco Christi, Primus coelum promisisti Vere poenitentibus,
0819505b  Novum regem advenisse, Novam legem attulisse Declarans credentibus.
0819506a  Culpae tamen objurgator, Virgo martyr, praedicator, Vincens per martyrium;
0819506b  Da vincendi facultatem, Ut per vitae novitatem Coeli detur praemium.
0819600   De s. Johanne Baptista.
0819601a  Laetabundus, Babstista, te laudat mundus, Alleluja!
0819601b  Regem regum Salutas in alvo matris, Res miranda!
0819602a  Preco summi iudicis, Natus es de sterili, Sol de stella;
0819602b  O lucerna luminans, Mundo semper rutilans, Semper clara.
0819603a  Sicut sol das radium, Illustrasti saeculum Pari forma,
0819603b  Neque solis claritas Neque tua sanctitas Fit corrupta.
0819604a  Velut gigas exsultas Praecurrendo semitas Valle nostra,
0819604b  Verbum vox altissimi Praecurris de sterili Carne sumpta.
0819605a  Vates major homine Testis es de lumine, Plebs conversa desiit Esse caeca.
0819605b  In Eliae spiritu Paras viam Dei tu Complens evangelica Haec praecepta.
0819606a  Johannes, propera, Prece nos libera, Ne damnemur gens misera;
0819606b  Monstra cum dextera Agnum in aethera, Hunc quem genuit puerpera.
0819700   In Nativitate s. Johannis B.
0819701a  Praecursoris et babtistae Digne nos gaudere, Christe, Praesta natalitio,
0819701b  Cujus multa adnotanda Et plurimum admiranda Docet generatio.
0819702a  A sentibus procreatus Innuit, quod finis datus Est legi Mosaicae,
0819702b  Quod loquelae subtractio Patris probat, quae filio Nato redit mirifice.
0819703a  Lingua tacens finem legis, Loquens notat novi regis Gratiae initium,
0819703b  Cujus se promptum monstravit Praeconem, cum exsultavit Matris intra gremium.
0819704a  Hunc Johannem nominavit Angelus et indicavit Vocandum parentibus,
0819704b  Quem Deus sanctificavit, In ventre praedestinavit Prophetam in gentibus.
0819705a  Dominus dixit de eo, Quod non erat major eo Inter natos mulierum,
0819705b  Iste Christum baptizavit Et digito demonstravit Tollentem sordes scelerum.
0819706a  Hic Elias aestimari Sive Christus reputari Noluit, immo negavit,
0819706b  Sed praeconem novae legis Et nuntium novi regis Se praemissum affirmavit.
0819707a  Baptismi poenitentiae Primus fuit et gratiae Praedicator eximius,
0819707b  Hic vitam, quam praedicavit, In deserto consecravit Vivendo austerius.
0819708a  Cilicium fuit vestis, Aqua potus et pro escis Mel et locustas habuit.
0819708b  Non arundo levitatis, Sed columna veritatis Cunctos constanter arguit.
0819709a  Ejus os Deus posuit Ut gladium et acuit Ad reserenda vitia,
0819709b  Ut velut missa sagitta Plebis penetraret ita Cordium duritiam.
0819710a  Magne praeco veritatis, Tuae magnanimitatis Muni nos praesidio,
0819710b  Ut hostibus superatis Sanctorum societatis Perfruamur praemio.
0819800   In Nativitate s. Johannis B.
0819801a  Gabrielis vox jucunda Corda fecit laetabunda Justorum sterilium,
0819801b  Elisabeth verecunda Dum de viro fit fecunda Post felix eloquium.
0819802a  Non credenti Zachariae Verbo caeli hierarchiae Usus linguae tollitur,
0819802b  Cui qua scribit nomen die Johannes est nati, pie Mox loquela redditur.
0819803a  Puer hic de senibus Genitus parentibus Gratia superna.
0819803b  Micuit hominibus Caecis peccatoribus Ut clara lucerna.
0819804a  Lucifer, nuntius solis, Rutilans ab altis polis Zachariae filius,
0819804b  Praeco, vox et testis Christi, Mundo lucem ferens isti Veritatis radius.
0819805a  Johannes, vir tu cum stola, Sanctitatis forma sola, Vitae magisterium,
0819805b  Speculum virginitatis Et exemplum castitatis Multorumque gaudium.
0819806a  Qui sub annis teneris Intrans antra nemoris Gloriam vitavit,
0819806b  Et in pannis asperis Norma casta posteris Vana declinavit.
0819807a  Mel silvestre cum locustis Comedebat sine mustis Homo major homine,
0819807b  Mentes hic illi minabat, Viam Christo praeparabat Salutari famine.
0819808a  Tali vita relucebat, Quod ipsum turba credebat Esse Christum Domini,
0819808b  Sed haec fama parum fixit, Dum se tantum testem dixit, Datum vero lumini.
0819809a  Praecursori dominico Laudes reddat cum cantico Mens serena,
0819809b  Ipsi digna praeconia Cantet atque solemnia Voce plena.
0819810a  Tu baptista salvatoris, Tanti particeps honoris, Prece semper sedula
0819810b  Fac, ut coelum conscendamus, Ubi tecum gaudeamus Per aeterna saecula.
0819900   In Decollatione s. Johannis B.
0819901a  In praeconis et baptistae Expendatur dies iste Reverendo gaudio,
0819901b  Ut sanctitas attollatur Johannis et confundatur Herodis praesumptio.
0819902a  Venit enim plena malis Herodis dies natalis, Qua magnam coenam paravit,
0819902b  Qua Herodiadis nata Diabolo agitata Placens omnibus saltavit.
0819903a  Cui rex ait: Tibi dabo, Nec promissum retardabo, Quod volueris petere;
0819903b  Tunc propter Herodiadem Johannes die eadem Tenebatur carcere.
0819904a  Haec a matre incitata Sponsione sibi data, Quod haberet, quod peteret,
0819904b  Non metuens scelus triste Regi dixit, quod babtistae Caput sibi traderet.
0819905a  Rex ob hoc mente laetatur, Sed ficte vultu tristatur Coram discumbentibus;
0819905b  Jussit tamen decollari Sanctum et puellae dari Caput coram omnibus.
0819906a  Spiculator saltatrici, Saltatrix dat genitrici Caput, quod sic habuit;
0819906b  Proh, Herodes, quam obscoena Est tui natalis coena, Quae sanguine maduit.
0819907a  Corpus tamen auferentes Fideles et condientes Devote sepelierunt,
0819907b  Sed postea plebs funesta, Ne fierent sancti festa, Ossa per agros sparserunt.
0819908a  Ab Edissa civitate Caput Dei voluntate Receptum est et conditum,
0819908b  Et digitum, quo monstravit Christum, illaesum servavit Ostensionis meritum.
0819909a  O praecursor, praeconista, Lucerna, martyr, baptista, Pro nobis propitius
0819909b  Ora Deum et implora, Ut nos trahat mortis hora Ab imo superius.
0820000   In Decollatione s. Johannis B.
0820001a  Ad honorem tuum, Christe, Colimus sacra baptistae Johannis solemnia,
0820001b  Tua virtus praedicatur, Miles tuus dum laudatur Potitus victoria.
0820002a  Cujus gesta contemplando Et per singula mirando Stupendus efficior,
0820002b  Inter natos mulierum, Ut testatur sator rerum, Non surrexit potior.
0820003a  Lucifer aeternae lucis, Norma morum, praeco ducis, Dux ad regna coelica,
0820003b  Angelus, sed non natura, Verum virtutum figura, Fallit fraus haeretica.
0820004a  Sterilis hoc fecundatur, Christus alvo salutatur, Pater mutus loquitur:
0820004b  Bonae spei adolescens Major et in bonis crescens Ultro silvis abditur.
0820005a  Corpus domat jejunio, Vigiliis, cilicio;
0820005b  Pro vino lympha potio, Locustae, mel refectio.
0820006a  Pravorum mores corrigit, Gessus nutantes dirigit.
0820006b  Virgo, decus castitatis, Moechum ducem corripit.
0820007a  Fiunt hinc ritu sinistro Funesta natalitia,
0820007b  Regem ducit ad jurandum Puellae lascivia.
0820008a  O virtus justi mira,
0820008b  O regis mens delira!
0820009a  Obtruncatur ab incestis Decus pudicitiae,
0820009b  Quod secatur, prorogatur Exemplar ecclesiae,
0820010a  Quod non ni per aspera Justus scandit sidera;
0820010b  Cujus decollatio Nunc fit nobis gaudio.
0820011a  O baptista, Dies ista Cui psallit praeconia,
0820011b  Fac nostrorum Peccatorum Detergantur contagia.
0820012a  Spiritus sancti gratia
0820012b  Cuncta pellantur vitia.
0820013a  Gressus nostros, o lucerna, Rege ducens ad superna Paradisi gaudia,
0820013b  Ubi pio gregi mixti Canamus in laude Christi Pium semper Alleluja.
0820100   In Decollatione s. Johannis B.
0820101a  Cum Johannis sanctitatem Et Herodis feritatem Fraudes, dolos, scelera
0820101b  Penso, sensus hebetatur, Cor pavescit, mens fugatur, Contremiscunt viscera.
0820102a  Quis in isto non miretur Virtutis constantiam, Quis in illo non causetur Furoris instantiam?
0820102b  Damnans adulterium Praeco pudicitiae In Herode vitium Arguit luxuriae.
0820103a  Dum notati sceleris Notam vult abstergere, Poenam sentit carceris Punitus in carcere.
0820103b  Verbum regi panditur, Verbum dignum gratia, Pro quo tamen trahitur Sanctus ad supplicia.
0820104a  Ortus sui diem festum Rex commutat in profestum Praecursoris sanguine;
0820104b  Namque dies prius festus Ex festivo fit profestus Hoc pollutus crimine.
0820105a  O mensa mirabilis, Immo miserabilis, Qua non potus funditur Sed cruor effunditur.
0820105b  Ut majori gaudio Condiantur epulae, Miscentur convivio Ludicra virgunculae.
0820106a  Ludus placet, illi datur Petendi munus optio;
0820106b  Praecursoris praestolatur Caput matris consilio.
0820107a  Haec Johannis caput petit, Lictor illud ense metit Herodis imperio;
0820107a  Rex hoc potu satiatur, Quem sitivit, debriatur Sanguine innoxio.
0820108a  Vinum luxus et furoris Novum potum dat cruoris, Novus potus funditur;
0820108b  Novum propinat liquorem Vinum nutans in cruorem, Dum cruor effunditur.
0820109a  O Johannes, legis norma, Juris splendor, vitae forma, Totus plenus gratia,
0820109b  Post istius fluctus maris Nos ad vitae salutaris Dirige compendia.
0820200   De s. Johanne Evangelista.
0820201   Laudes rex tibi pie canamus Christe,
0820202a  Cujus sanguine gaudet ecclesia, Christianorum gloria,
0820202b  Apostolorum sacra confirmata auctoritate per orbem.
0820203a  Gaudent hodie tui famuli, Johannes quod dilectus tuus tecum manet in gloria, ut dies ista comprobat.
0820203b  Tibi etenim magis voluit conjungi, deliciis mundi quam miseris et caducis ut homo mortalis uti.
0820204a  Quis nos liberabit de morte perenni? Cur non imitemur facta tanti viri infelices et miseri.
0820204b  Quis non obstupescet nomen tuum, Christe? Qui sic testes tuos provehis in orbe mirabili potentia.
0820205a  Jesu bone, fortis, sancte, misericors, pie,
0820205b  Verbum patris, vita mundi, ab alto respice.
0820206a  Nostros vitae actus rege, Nobis miserere de tua sede,
0820206b  Dum summus mortali in hoc corpore, Ad hoc natus es, Domine.
0820207   Ora pro nobis tu, Johannes, Dei athleta, in coelesti gloria.
0820300   De s. Johanne Evangelista.
0820301a  Exsultemus Solventes Deo deorum Pia vota;
0820301b  Quem dilexit Johannes manens in eo Mente tota.
0820302a  Omnis homo studeat Ad Johannis gaudia Celebranda,
0820302b  Cujus apud Dominum Sunt nobis auxilia Postulanda.
0820303a  Hic post Christum abiit Derelictis retibus Navi spreta.
0820303b  Linquens sponsam Dominum Castitate sequitur Praeelecta.
0820304a  Hic est, qui recubuit Supra pectus Domini, Dum fit cena.
0820304b  Hic est, qui perhibuit Christo testimonia, Quae sunt vera.
0820305a  Cujus inter alia Virtutum insignia Quanta fuit gratia, Quam miranda!
0820305b  Huic enim homini Ex praecepto Domini Virgo datur virgini Conservanda.
0820306a  O felix aquila, Volans ad coelica Dona suscipis angelica.
0820306b  Coelorum abdita, Prius abscondita, Tuo dogmate sunt cognita.
0820400   De s. Johanne Evangelista.
0820401a  Christo laudes Decantet hic chorus psallens Die ista,
0820401b  Qua Johannes Supernae mensae fratrumque Fit conviva.
0820402a  Qui multis et maximis Claruit miraculis Hac in vita;
0820402b  Patrem, navim, nuptias Seque liquit, Domini Sequens vias.
0820403a  Carius hic ceteris Supra pectus Domini Cubans coenat;
0820403b  Huic de cruce virgini Virgo mater filii Est commissa.
0820404a  Fervens vicit oleum, Tonsus ad ridiculum Risit flagra.
0820404b  Propter evangelium Subiit exsilium, Ferrum, vincla.
0820405a  Virus fidens sorbuit, Hoc exstinctos eruit, Vir vita refloruit Et matrona;
0820405b  Aurum hic de frondibus, Gemmas de silicibus, Fractas de fragminibus Fecit firmas.
0820406a  Hunc vocat, visitat Christus, et hic intrat Vivus foveam, petit aethra.
0820406b  Nunc te, Christe, nostra Vox rogant et vota Ipsi socia nos per saecula.
0820500   De sancto Joseph.
0820501a  Gaude, Joseph, fili David, Quem tam magno decoravit Deus privilegio,
0820501b  Ut sis suae matris custos, Consignatus inter justos Certo Dei nuntio.
0820502a  Matri custos es donatus, Tu de regum stirpe natus Simul et pontificum;
0820502b  Joseph, Jesu nutricius, Davidque consanguineus, Hoc genus magnificum.
0820503a  Magnus honor Joseph datur, Cum Mariae desponsatur Genitrici gratiae,
0820503b  Virginitatem tenuit Per ipsam clarus claruit In virtutum acie.
0820504a  Joseph justus visione Nec non allocutione Solatur angelica,
0820504b  Cui Christus obedivit, Unde Joseph acquisivit Magna dona coelica.
0820505a  Joseph juste, Joseph pie, Joseph, defensor Mariae Atque dux coelestis viae, Impetres, ut omni die Vivamus christianiter.
0820505b  Et a malo protegamur, Et hinc ire mereamur, Ubi luce coutamur Atque Dei perfruamur Facie perenniter.
0820600   De sancto Justo.
0820601a  Adest dies gloriosa, Qua de valle lacrimosa Transferetur ad gaudia
0820601b  Justus, puer qui novennis Columbinis volans pennis Penetrat coelestia.
0820602a  Patre Justus ex Justino Natus ortu genuino Felix et Felicia,
0820602b  Sanctitatis profert omen, Dum sortitur Justi nomen, Re justus et gratia.
0820603a  Magnus Deus et sublimis Operatur in minimis Virtutum magnalia,
0820603b  Fortitudo qua tenellis Leonibus et agnellis Praestatur victoria.
0820604a  Nihil prorsus imbecille, Quod sustentat potens ille, Quo substitunt omnia;
0820604b  Dat infanti robur viri, Minus doctis experiri, Quae vera scientia.
0820605a  Cujus ope Justus fortis Non abhorret minas mortis, Non pavet supplicia;
0820605b  Prophetia muneratur, Dum tot donis subornatur Et virtutum copia.
0820606a  Ambianis in regressu Non declinat a congressu, Sed forti constantia
0820606b  Caput offert insectanti, Nec est sibi vita tanti, Ut querat diffugia.
0820607a  Caesa cervix orat patrem, Reportetur ut ad matrem Ad ejus solatia.
0820607b  Tua virtus, Jesu bone, Quod sic certat in agone Novennis infantia.
0820608a  Et tu, martyr pretiose, Quem vernantes ornant rosae Circumdant et lilia,
0820608b  Interpella summum regem, Ut conservet suum gregem Et coronet gloria.
0820700   De ss. Justo et Pastore.
0820701a  Laudes Deo persolvamus Dulci cum melodia,
0820701b  Indefessi recolamus Ejus beneficia.
0820702a  Intus mentem, corpus foris Mundemus spurcitia,
0820702b  Justi simul et Pastoris Sunt haec natalitia.
0820703a  Quam praeclara fuit horum Virtus et constantia,
0820703b  Quos tyrannus tormentorum Non vicit saevitia.
0820704a  Deo placens exstitisti, Tales viros quae tulisti Hispana provincia;
0820704b  Urbs Complutum felix horum Fuit ortu puerorum Nec non et infantia.
0820705a  Hic fuerunt enutriti Et a doctis eruditi Literarum studia;
0820705b  Hi cum magna curatura Didicerunt Christi jura, Dia pleni gratia.
0820706a  Ad hanc urbem vir insanus Cum venisset Dacianus, Percepta licentia
0820706b  Christianos persequendi, Jussit sanctos comprehendi Trahens ad supplicia.
0820707a  Affliguntur pueri Daciani miseri Diris jussionibus,
0820707b  Tormentorum genera Membra terunt tenera Data cruciatibus.
0820708a  Pastorem dum patitur Justus sic alloquitur In cruciaminibus:
082078b   Pastor, si permanseris, Boni sociaberis Pastoris ovilibus.
0820709a  Cui Pastor continuo: Juste, frater, annuo His assertionibus;
0820709b  Re justus et nomine, Jam es in certamine Dignus coeli civibus.
0820710a  Ex urbe pueri Pelluntur regia Tyranni miseri Mandante furia.
0820710b  Capitis conteri Jussit sententia, Sic petunt teneri Regna perennia.
0820711a  Caeduntur gladiis More bidentium
0820711b  Vexati furiis Se persequentium.
0820712a  Quam miranda fuit Horum germanitas, Quam non exterruit Poenarum feritas.
0820712b  Non illis nocuit Ulla protervitas, Quos manu tenuit Divina bonitas.
0820713a  Urbs Narbona, gaude cum filiis, Lauda Deum pro beneficiis,
0820713b  Qui te suis ditando copiis Decoravit horum reliquiis.
0820714a  Horum pete juvari precibus, Quorum supplex adstas conspectibus.
0820714b  Ut jungaris sanctorum coetibus In supernis polorum sedibus.
0820800   De sancto Kanuto duce.
0820801a  Pretiosa mors sanctorum In conspectu Domini, Quanta salus sit justorum, Sancto patet homini.
0820801b  Qui in tanto se aptavit Christiano nomini, Quod se totum complantavit Veritatis lumini.
0820802a  Invitatus in hac die Ad regis convinium, Universae carnis viae Sanctus tangit bravium.
0820802b  Causa mortis definitae Rei dat judicium, Quod sit finis hujus vitae Vitale initium.
0820803a  Pater regis et regis filius, Dictus dux, sed rex dici melius Vir justus potuit.
0820803b  Se regebat rege nobilius, Foedus pacis servans fidelius, Ut res innotuit.
0820804a  Hunc ad poenam innocentis Vel ad pacem persequentis Fideles ecclesiae.
0820804b  Non vox flectit suggerentis, Nec jus movent justae mentis Preces aut pecuniae.
0820805a  Salus erat suae gentis, Virtus recte incedentis Causa fit invidiae;
0820805b  Zelus patet saevientis, Contra ducem invidentis Grassantur insidiae.
0820806a  Erat sancto sanguine Junctus Magnus nomine, Nil in nequam homine Profuit propinquitas.
0820806b  Ducem, decus Daciae, Circumcinxit acie Et sub pacis foedere Prodiit iniquitas.
0820807a  Auctor doli duci soli Velle loqui simulat, Sanctus credit et obedit, Solus ei obviat.
0820807b  Dum tractatur et causatur De regni regimine, Vulneratur, morti datur Martyr sine crimine.
0820808a  Est indutus dux Kanutus Toga tincta sanguine, Nuptitalis vestis talis Est coelestis gratiae.
0820808b  Vita vilis et exilis Transit per martyrium, Qua est vita acquisita, Quae non habet terminum.
0820809a  Pretiosa mors Kanuti, Surdi, caeci, claudi, muti Sunt salvati, restituti Ejus patrocinio.
0820809b  Hujus prece nos adjuti De salute simus tuti, Ne tradamur servituti, Daemonis dominio.
0820810a  Martyr sancte, mortis tuae Agentes memoriam,
0820810b  Nobis datus advocatus Tecum duc ad gloriam
0820811   Sempiternam.
0820900   De sancto Kanuto duce.
0820901   Diem festum veneremur martyris Ut nos ejus adjuvemur meritis.
0820902a  Per prophetas in figura Praedicata paritura Plures parit sterilis,
0820902b  Parit parens in pressura, Dolor partus prodit jura, Dum applaudit filiis.
0820903a  Filii fide renati Ad certamen sunt parati Fidei constantia,
0820903b  Supra petram solidati Non sunt morte separati A matre ecclesia.
0820904a  Inter istos constitutus Christi miles dux Kanutus Recepit stipendia,
0820904b  Regem regem prosecutus Stola prima est indutus Pro mortali tunica.
0820905a  Adhuc vivens perituram Parvipendens permansuram Vitam quaerit opere,
0820905b  Dat talentum ad usuram Et frumentum per mensuram Duplicat in tempore.
0820906a  Tuta fides in talento, Designatur in frumento Firma spes et caritas,
0820906b  Quarum crescit incremento Vino fovens et unguento Proximi miserias.
0820907a  Iste Dei cultor verus, Cui favet plebs et clerus, De quo gaudet Dacia,
0820907b  Non superbus sed severus, Pius, prudens et sincerus, Plenus Dei gratia.
0820908a  Fide ficta suffocatus, A cognatis morti datus Complevit martyrium,
0820908b  Hac in die est translatus, Cujus prece exoratus Deus det auxilium.
0820909a  Ductor noster, dux Kanute, Nos transire cum virtute Fac per temporalia,
0820909b  Te ductore cum te duce Perfruamur vera luce In aeterna gloria
0820910   In Jerusalem superna.
0821000   De sancto Kanuto rege.
0821001a  Verbum bonum personemus, Dulcem melum jubilemus, Voto, voce nos aptemus Ad promenda carmina.
0821001b  Ave, Martyr, flos Danorum, Gemma coeli, via morum, Sidus lucens, spes reorum, Aegris dans solatia.
0821002a  Te de mundo sequestratum Et cruore purpuratum Angelorum adunatum Credimus collegio.
0821002b  Haec res mira protestatur, Caecus visu decoratur Et infectus solidatur Leprae carens vitio.
0821003a  In hac valle peregrina Bella movent intestina Mens et caro, his propina Salutis remedia.
0821003b  Supplicantes servos vide, Malignorum vim allide, Roboratus nos in fide Duc ad vera gaudia.
0821100   De sancto Kanuto rege.
0821101a  Pangat gaudens et concrepet ecclesia
0821101b  Summi regis pia narrans magnalia.
0821102a  Qui suis aeterna dat dilectis gaudia
0821102b  Et rependit digna pro meritis praemia.
0821103a  Hujus insignis rex Kanutus confortatus gratia
0821103b  Atque invictae communitus fidei constantia,
0821104a  Plebis non effugit saevientis milia,
0821104b  Sed pro Christo tulit patienter omnia,
0821105a  Ut in regis sempiterni ditaretur curia
0821105b  Et perenni cum supernis frueretur gloria.
0821106a  Fremit ergo in pudicum principem populi vesania,
0821106b  Feritate tendens dira agmina fundere regalia,
0821107a  Indomitos quia stricta edomabat justitia;
0821107b  Nam regalis decet honor, ut diligat judicia.
0821108a  Pedibus proturbat turmula ducem pium impia
0821108b  Satagens potiri profana de duce victoria.
0821109a  Sed magistri principis veri exsequens vestigia
0821109b  Inter placida pacem suis commendat convivia
0821110a  Traditore cum infido fida commiscens colloquia
0821110b  Et indigno pretiosa condonans pariter munera
0821111a  Et conviva mox iniqua rependit consilia
0821111b  Et in regem plebis corda excitat ferocia.
0821112a  Sed insignis agonista ad divina se confert praesidia,
0821112b  Ubi sacra Jesu laudat et precatur percipiens mysteria.
0821113a  Instat hostis, ut exurat ignibus sacraria,
0821113b  Sed atlethae sancti faces exstingunt precamina.
0821114a  Saxa volant dira et cruenta per aperta spicula,
0821114b  Innocentis et cruore sancta resperguntur atria.
0821115a  Inter crebra Christi testis rixus perstans vulnera
0821115b  Ante divam ruit aram sauciatus lancea.
0821116a  Spiritum ad mansura emittens tripudia,
0821116b  Quo in sede jam felix triumphat florigera
0821117a  Et laetatur inter candida Martyrum collegia
0821117b  Laurea ditatus clari triumphi purpurea.
0821118a  Sancte martyr, alme, clemens, exaudi, Kanute, precamina
0821118b  Et noxarum dira tuis dissolve suffragiis vincula.
0821119   Ut in laudem redemptoris laeti jubilemus Alleluja.
0821200   De sancta Katharina.
0821201   Hac in die celebri Christo, regi gloriae, Sonet vox ecclesiae.
0821202a  Katharinae laudibus Nostrae votis paribus Concrepent melodiae,
0821202b  Junctam coeli civibus Votis atque vocibus Collaudemus hodie.
0821203a  Exclamemus itaque Et accurrant undique Omnes Sion filiae,
0821203b  Sit in Christi nomine, Quod pro tanta virgine Vox sonat laetitiae.
0821204a  Haec in annis teneris Forma facta ceteris, Claris ut natalibus Sic effulsit moribus.
0821204b  Mente juncta superis Sui decus generis Dignis et felicibus Condecorans actibus.
0821205a  Haec tam digne Quam benigne Christo gratum Famulatum Impendit per omnia;
0821205b  Hunc adorat Et exorat, Ipsi soli Digno coli Digna dat obsequia.
0821206a  Christi legem, quam profatur, Nihil minus attestatur Operum per merita;
0821206b  Hinc in eam excitatur Imperator et damnatur Potestati subdita.
0821207a  Ferro caesa novo more Lac effudit pro cruore, Quod in ejus praeconia Superna fecit gratia.
0821207b  Fecit et hanc inter chorum Deportari angelorum Ad Sinai fastigia, O res digna memoria.
0821208a  O beata Katharina, O praeclara laude digna, Quae meremur, Ne damnemur Repelle supplicia.
0821208b  Fonti summae pietatis, Qui nos lavet a peccatis, Nos benigna Prece digna Clementer concilia.
0821209   Quae timemus Et horremus, Excusa flagitia, Amen dicant omnia.
0821300   De sancta Katharina.
0821301a  Odas hac in die laetas Christo canat omnis aetas Corde, voce, fidibus;
0821301b  Omnem spectat ad aetatem Katharinae dignitatem Cumulare laudibus.
0821302a  Haec est illa Costi nata, Cujus ortu decorata Gloriatur Graecia,
0821302b  Haec est, quaemnam sibi datam Christo reddit dublicatam Oris eloquentia.
0821303a  Scholis vacans, artes discens, Altiora concupiscens Studet evangelio.
0821303b  Duo legens testamenta, Vitae videt alimenta Christum in praesepio.
0821304a  Cibo dulci refovetur, Quo plus gustat, plus augetur Sanctum desiderium;
0821304b  Cibo confortatur isti, Se confingens cruci Christi Currit ad martyrium.
0821305a  Rex hinc terret, hinc blanditur, Haec nec timet nec lenitur Pro mentis constantia;
0821305b  Hinc terrores ut favillae, Hinc res, servi vel ancillae Spernuntur ut vilia.
0821306a  Sapientes superantur, Credunt Christo flammis dantur Sed non perit fimbria;
0821306b  Carceratur virgo caesa, Visitatur, fit illaesa Superum praesentia.
0821307a  Quam regina dum solatur, Ad certamen invitatur, Favet ovans, coronatur, certat die tertia.
0821307b  A columha dum cibatur Virgo, rota fabricatur, Orat, nexus dissipatur, Sternitur plebs impia.
0821308a  Tot triumphans in tormentis Ad superna cum ducentis Praemittit Porphyrium;
0821308b  Impetrato, quidquid orat, Ferit lictor, lac irrorat Ferientis gladium.
0821309a  Corpus coelitus sublatum Est in Sina tumulatum, Tumba manat oleum.
0821309b  Sina signis illustratur, Coelum sibi gloriatur Addi sidus aureum.
0821310a  Virgo, sidus honestatis, Dux et decus probitatis, Christi reos majestatis Christo reconcilia.
0821310b  Vas virtutum, via morum, Flos odoris, odor florum, Nos tuere, nos coelorum Transfer ad palatia.
0821400   De sancta Katharina.
0821401a  Rex, qui regnas sine fine, Da digne nos Katharinae Colere solemnia.
0821401b  Haec regis Costi filia, Praepollens philosophia Et coelesti gratia,
0821402a  Philosophos et peritos A Maxentio adscitos, Ut contra hanc disputarent,
0821402b  Suis vicit argumentis, Probans, quod insanae mentis Exsistentes oberrarent.
0821403a  Qui ad fidem Jesum Christi Conversi sunt omnes isti Spretis suis artibus,
0821403b  Quo Maxentius audito Eos jubet tradi cito Praeparatis ignibus.
0821404a  Et carceri mancipatur Virgo sancta, quam solatur Regina cum Porphyrio;
0821404b  Quos monitis salutaribus Convertit ab erroribus Et daemonum servitio.
0821405a  Quo tyranno revelato, Dolore sic duplicato Repletus insanie
0821405b  Porphyrium decollari Et reginae amputari Mammas jubet impie.
0821406a  Mox rotam jubet parari Et circumquaque armari Praeacutis gladiis,
0821406b  Super quam dum elevatur Virgo, rota dissipatur Divinis incendiis.
0821407a  Demum virgo decollatur Et lictoris irroratur Gladius lacte, sanguine;
0821407b  Cujus corpus deportatum Ab angelis est humatum In Sinai culmine.
0821408a  Ex ejus mausoleo Effluente oleo Cum minutis ossibus
0821408b  Linitus efficitur Sanus et regreditur Sospes ejus precibus.
0821409a  Ergo virgo Katharina, Fac, ut nos virtus divina Praesentes custodiat
0821409b  Ab omni nota noxia Et in fine coelestia Adipisci faciat.
0821500   De sancta Katharina.
0821501a  Hac clara die turma festiva da praeconia
0821501b  Virginem concrepando Katharinam symphonia.
0821502a  Quae fuit regis Costi clara stirpe nata in Alexandria.
0821502b  Erudienda doctoribus est oblata reginae filia.
0821503a  Audiens rex, quod sit plena virgo fide catholica,
0821503b  Illi jussit, ut mandata cito relinquat coelica.
0821504a  Sed regis despexit mandata, intrat virgo benedicta
0821504b  Monens hunc, ut spernat idola vana nimis atque ficta.
0821505a  Tunc rex magistrorum convocat agmina,
0821505b  Ut haec sit illorum confusa doctrina.
0821506a  Sed hi confunduntur per regis filiam
0821506b  Atque convertuntur ad Christi gratiam.
0821507a  Rotis fractis caput amputatur virginis,
0821507b  Lac ex ejus carne fluxit loco sanguinis.
0821508a  Cujus corpus per angelos in Sinai montem est deportatum
0821508b  Et per ipsos est in tumba marmorea gaudenter collocatum.
0821509   Ex ipsa aegros oleum sanans manat.
0821600   De sancta Katharina.
0821601a  Adest dies triumphalis, In qua sponsus immortalis Sponsae reddit praemia,
0821601b  Prosequamur ergo digne Decertantis Katharinae Triumphos et proelia.
0821602a  Alta virgo stirpe sata Christo fide consecrata Jussa sprevit regia;
0821602b  Judex motus laniari Sanctam jubet et arctari Gravi sub custodia.
0821603a  Victus ei denegatur, Sed de coelo ministratur Jugis alimonia,
0821603b  Per columbam sustenatur, Angelorum animatur Ad pugnam frequentia.
0821604a  Convocatos oratores Sua Christi confessores Fecit sapientia,
0821604b  Virgo poenis non terretur, Stat virago, non movetur Promissorum gratia.
0821605a  Scorpione laceratur, Prece rota dissipatur Et poenalis machina,
0821605b  Triumphante Katharina Sua multi cum regina Respuerunt numina.
0821606a  Tandem rege triumphato Et agone consummato Ferro subit aethera,
0821606b  Pro cruore lac manavit, Sina corpus collocavit Angelorum dextera.
0821607a  Sacrum tumba fert liquorem, Salutarem stillat rorem Et minuta ossula,
0821607b  Aegris confert sanitatem, Virgo nobis sanctitatem Impetret per saecula.
0821700   De sancto Lamberto.
0821701a  Pange, Sion, redemptori Sub alterni forma chori Gratiarum opera,
0821701b  Dulcor piae symphoniae Melodorum organorum Grata solvat pignora.
0821702a  Vocis a tripudio Non discordet actio Vitam gerens stabilem,
0821702b  Oris enim aemula Purae mentis formula Sonum pignit habilem.
0821703a  Celebremus hodiernam Diem, scandit ad supernam Qua Lambertus patriam,
0821703b  Dum cruoris fuso rore, Dirae carnis de tortore Nactus est victoriam.
0821704a  Qui clarus genere, Annis dum tenerae Viget infantiae,
0821704b  Literis traditur, Rivis imbuitur Mirae scientiae.
0821705a  Hinc se jugo divinitus Ardenscens Christi subjicit, Et in sacra radicitus Doctrina quia proficit,
0821705b  Hunc orbatam pontifice Sedem ad Trajectensium Tanto functurum apice Cleri trahit suspirium.
0821706a  Quo throni praesidio Sanctum Dei praesulem Hostium detractio Fugans facit exsulem.
0821706b  Flagrum ergo coelitus Datum gerit patiens Et sordentes ambitus Vitat orbem odiens.
0821707a  Riga monastici subitur ordinis, In quo multiplici jam septem terminis Virtute micuit.
0821707b  Nec ultra tenditur spei dilatio, Priori redditur hic pontificio, Quod alter tenuit.
0821708a  Per quem fides dum increscit, Et maligna vis algescit, Nefas ingens contra legem Per Francorum actum regem Molitur exstinguere
0821708b  Hortans ipsum, ut a tali Thoro cedens illegali Caelebs sua cum uxore Vivat, ne sit in rubore Cohaerens atulterae.
0821709a  Rem novit Alpaidis Et Dodonem perfidis Usa verbis inficit;
0821709b  Qui frendenti jaculo Sanctum in oraculo Fossum caput trajicit.
0821710a  Sic felici martyrio Mundi revincens aspera Martyr vectus cum gaudio Sacri coetus ad aethera.
0821710b  Binis sertis coronatur, Quia carne triumphatur Et talentum contraditum Fit cum lucro repositum.
0821711a  Cujus nos patrocinio Mentis piato vitio Sanctorum contubernio Sacra consignet unio.
0821711b  Mortis ut post naufragia Polorum ad palatia Ducti diva praesentia Fungamur duce gratia.
0821800   De sancto Lazaro.
0821801a  Summo cantu, digna laude, Bethania mater, gaude Lazari solemnio,
0821801b  Gaude, mater, et laetare Filiasque fac cantare Una cum tripudio.
0821802a  Sit vox laeta, cor mundatum, Sic est namque Deo gratum, Ut concordet voci vita.
0821802b  Modulizent quoque nati, Qui futuri sunt beati Martyris per suffragia.
0821803a  Cujus insistentes laudi, Christe bone, nos exaudi, Ut post vitae spatium
0821803b  Per hunc, cui famulamur, Adipisci mereamur Immortale bravium.
0821804a  Cujus laudes depromere Nisi divino munere Praemunito nulli datur,
0821804b  Qui meruit resurgere Quatriduano funere Sicut scriptura testatur.
0821805a  O inaudita pietas, Per quam divina bonitas Lacrimata
0821805b  Sese fontem pietatis Et totius bonitatis Est testata.
0821806a  Suscitatur Lazarus tumulo, Vinctus manus et pedes vinculo, Adepturus dignius praemium.
0821806b  Gratulantur plures e populo Proclamantes viso miraculo, Redemptorem venisse gentium.
0821807a  Admirantes hinc Judaei Timent, tremunt pharisaei, Statuunt consilia,
0821807b  Ut occidant innocentem, Ne seducat totam gentem Mundi per confinia.
0821808a  Discedit Lazarus, deserit patriam, Mare transit timet saevitiam Judaeorum.
0821808b  Devenit ocius in Cypros insulam, Adepturus praesulis infulam, Flos sanctorum.
0821809a  Praesulatu sublimatus Mundo vixit, Deo gratus, Tandem per martyrium
0821809b  Est a Deo coronatus Et in coelo collocatus Ordine coelestium.
0821810a  Summe martyr, hospes Christi, Quem totiens suscepisti Hospitem hospitio,
0821810b  Hospitari mereamur Prece tua, te precamur, In coelorum solio.
0821900   De sancto Leonhardo.
0821901a  Salve, mitis et benigne Leonharde, Deo digne, Tuis sacris actibus
0821901b  Meruisti hic in terris, Ut cohaeres sis in coelis Cum coelicis civibus.
0821902a  Normam regularis vitae Dilexisti, post hanc rite Diligenter vixeras,
0821902b  Semper tibi Dei cultus In amore fuit multus, Cui benedixeras.
0821903a  Quare benedictionem Suam et dilectionem Tibi dedit pariter.
0821903b  Ut tu pius intercessor, Medicus nec non defensor Sis cunctis perenniter.
0821904a  Caeci, muti, surdi, fessi, Ad te clamant et perpessi Multiplices labores.
0821904b  Leonarde, sancte here, Per te medelantur vere Acri pellis horrores.
0821905a  Vinctos atque captivatos, Compeditos, catenatos Invocatus liberas,
0821905b  Ventos sedas et procellas, Hastas, equos, frena, sellas Bellatorum roboras.
0821906a  Sed quid dicam, nemo valet Tua mira, quamvis mallet, Omnia describere;
0821906b  Non est rhetor nec orator Tam facundus propalator Ea potens promere.
0821907a  Ergo velle tu pro facto Sume, pater, et peracto Hujus vitae spatio
0821907b  Fac, ut tibi servientes Semper tecum sint gaudentes In coeli palatio.
0821908a  Hicque vincant nocitura Paupertatis et a cura Omni fiant liberi;
0821908b  Eja, abbas reverende, Nostras preces nunc attende Ut reddamur aetheri.
0822000   De sancto Leonhardo.
0822001a  Exsultet vox sonora,
0822001b  Gaudeat mens devota.
0822002a  Exsultantes jubilemus Leonhardi merita,
0822002b  Qui mundana sprevit prorsus ambiens coelestia.
0822003a  Malens Christo famulari pauper in ecclesia.
0822003b  Quam in hujus mundi regum dives esse curia.
0822004a  Ergo linquens Galliam
0822004b  Intrans Aquitaniam
0822005a  Consolatur regem flentem virtute divina,
0822005b  Reddens sibi natam prolem cum sana regina.
0822006a  At Leonhardo contulit almo Divina gratia,
0822006b  Solvere captos diraque ferri Frangere vincula.
0822007a  Hic Mariae, summi regis matris, ad memoriam
0822007b  Suis digne stabilivit manibus basilicam.
0822008a  Per occultae terrae venas undam de vizenna
0822008b  In puteum consurgere fecit prece digna.
0822009a  Leonhardus, quoad vixit, tonantis mandata
0822009b  Custodivit atque fulsit signis et doctrina.
0822010a  O beate Leonharde, magna sunt tua merita
0822010b  Tu captivos fac solutos, qui te vocant mente tota.
0822011a  Fuga morbos, pelle famem de Christi ecclesia,
0822011b  Hostes tere, pacem prece tribue continua
0822012   Et fac nos tecum gaudere In coelesti curia.
0822100   De sancto Leonhardo.
0822101a  Anni nobis circulus Renovat solemnia
0822101b  In beati Leonhardi Celebri memoria.
0822102a  Cujus actus inclitos Celebrat ecclesia,
0822102b  Quo laetatur socio Supernorum curia.
0822103a  Bonae puer indolis Dum praeclarae sobolis Eniteret gloria,
0822103b  Paupertatem eligit, Mundi fastus negligit, Regnum et palatia.
0822104a  In silvarum latebris Eremita celebris Dum latere voluit,
0822104b  Signorum potentia Et doctrinae pluvia Velut lampas claruit.
0822105a  Hic reginam aegrotantem Et in partu laborantem Sola prece liberat,
0822105b  Rupem siccam rigat undis Fratribusque sitibundis Fontis venas reserat.
0822106a  Captivis suffragium, Miseris praesidium, Agonista Domini,
0822106b  Dum carnem attenuat, Orando continuat Saepe noctem lumini.
0822107a  Quam sit vana spes mortalis, Quam beata spiritalis, In hoc vita claruit,
0822107b  Qui, dum spernit lubrica, Est adeptus coelica, Quibus semper studuit.
0822108a  O decus Franciae, Lux Aquitaniae, Gemma ecclesiae, Nox exaudi.
0822108b  Mundemur maculis, Qui vocum modulis Damus praeconia Tuae laudia.
0822109   Sociemur tibi in patria, In qua suis est Deus omnibus omnia.
0822200   De sancto Leopoldo.
0822201a  Regem regum veneremur, Scriptum cujus habet femur: Dominus dominantium,
0822201b  Rumpens hostis potestatem, Quam tenebat ursurpatam Contra coetum peccantium,
0822202a  Irritantis, quantum potest, Ad peccandum, sed id prodest, Firmiter resistentibus.
0822202b  Redit saepe variatus Et recedit confutatus A vere poenitentibus.
0822203a  Curam gerit infirmorum Versus hostem rex coelorum, Ne venena peccatorum Infundat ad lubitum.
0822203b  Petenti mox dat vigorem Caritatis stillans rorem, Qui virtutis per odorem Virus vincit bibitum.
0822204a  Rapax lupus dum conatur Ovem jugulare, datur Fides recta, qua fugatur Duri cordis caecitas.
0822204b  Bibit Jesus de torrente Passionis peringente, Qua spem firmam sumit mente Timida mortalitas.
0822205a  Liber hostis pravitate Leopoldus marchio Fide, spe cum caritate Resistebat impio.
0822205b  Umbram fugit mundanorum Carnem sevans domitam, Christi currens mandatorum Diligenter semitam.
0822206a  Sumpsit felix et in terra Prolem venustissimam, Pace fruens sine guerra Formam gessit optimam.
0822206b  Major natu nec in tantis Tumescebat prosperis, Nec fortis instar gigantis Frangebatur asperis
0822207a  Festinabat ad superna Multis stipatus meritis, Nec affectus creaturae Baronem impediverat.
0822207b  Libens liquit Christi verna Cum pompis mundum solitis, Cum jam mentis visu purae Trinum et unum viderat.
0822208a  Cibum coeli manducantes Plebem secutus credulam Eriguntur curvi, vadunt, Membra pridem immitia.
0822208b  Tasiam inhabitantes, Disantem maris insulam, Leopoldi vix evadunt Miranda beneficia.
0822209a  Est id verum nec occultum, Bonos praemiari multum, Ire malum nec inultum Propter stultum mundi cultum.
0822209b  Ob tanti precatum viri Humiles cernuntur miri, Superbi manent deliri, Quis verum nequid audiri.
0822210a  Licet justi nunc quassentur Et iniqui prosperentur, Justis salvis hi plectentur, Coram cunctis confundentur.
0822210b  Vivet insons apud Deum, Quia credidit in eum, Mala cum vexabunt reum Vitae perdentem trophaeum.
0822211   O Maria, mater pia, Nobis via sis, o dia, Coeli ad palatia Leopoldi gratia.
0822300   In translatione s. Lucii.
0822301a  Hodiernae lux diei Jam erumpit, currant rei Lucis sub praesidio,
0822301b  Dux coelorum se confundi, Se fatetur sol obtundi Lucis hujus radio.
0822302a  Hanc te lucem, Pater Luci, Te videntes huc abduci, Sensimus Selandici.
0822302b  Roma mater te lactavit, Imbuens inthronizavit Summo tradens apici.
0822303a  Mox in arcum versa pravum Fel comportat, ubi favum Alumno miscuerat.
0822303b  In metallum deportatur, Sed post paulum revocatur Fortior quam cesserat.
0822304a  Splendor uti lippum gravat, Depravatos plus impravat Praesulis constantia;
0822304b  Ergo caput det oportet, Dat et gaudens, ut reportet Exoptata praemia.
0822305a  Pudor caput hoc Romanis, Beltae quies, honor Danis, Huc hac die ducitur;
0822305b  Felix dies tanti doni, In qua patris et patroni Translatio colitur.
0822306a  Gaudet laeta Portuensis Hujus civitas immensis Tuta sub praesidiis,
0822306b  Stat confisa solo dente, Se de peste protegente Telis et insidiis.
0822400   In translatione s. Ludovici.
0822401a  Gaudiose Francia Diem hanc expendas,
0822401b  Ad laudum praeconia Te totam extendas
0822402a  Collauda cunctis saeculis Regem dominantem,
0822402b  De Ludovici titulis Francos jucundantem.
0822403a  Te prudenter mater edocuit, Ludovice, tibique praebuit Morum instructorem.
0822403b  Qui te Dei per tibi tradita Diligenter divina monita Fecit amatorem.
0822404a  Tu summo studio Peccatum odio Semper habuisti;
0822404b  Tu te virtutibus Perficientibus Mente imbuisti.
0822405a  Tu pro fide Christi Regnum reliquisti, Bis transisti mare.
0822405b  Ibi te crudeles Christo non fideles Tractarunt amare.
0822406a  Tibi capto perditus Liber praeda coelitus Cito restauratur;
0822406b  Per te propter titulum Perfidiae cingulum Militiae negatur.
0822407a  Tu quaerebas Pacem popularem, Tu fovebas Gentem regularem, Tu spernebas Pompam saecularem Mundanorum.
0822407b  Te divitiae Non attraxerunt, Te deliciae Non allexerunt, Te malitiae Non inflexerunt Perversorum.
0822408a  Per te plura Grandi cura Monasteria Sunt aedificata,
0822408b  Per quae cultus Deo multus Fit in Francia Per te decorata.
0822409a  Ob haec et alia Deo placentia Nunc coeli gloria Coronaris.
0822409b  Quo tua gratia Nobis suffragia Salutis propria Largiaris.
0822500   De sancta Margareta.
0822501a  Dulce melos Margaritae Chorus iste psallat rite, Cujus verae tibi vitae Redolent insignia.
0822501b  Stirpe decens, fide clara, Virgo fuit Deo cara Et in fine placens ara, Gaudeat ecclesia.
0822502a  Haec contempsit Olybrium, Equulei suspendium Et carceris supplicium Christi cincta cingulo.
0822502b  Haec draconem superavit, Devorantem perforavit, Beelzebub conculcavit Freta regis annulo.
0822503a  Haec perculsa coeli rore Impetravit a lictore Per spatium tantum horae Christo preces fundere.
0822503b  Ergo, Christe, sua prece Nos peccati munda faece, Ut sic tecum spreta nece Valeamus vivere.
0822600   De sancta Margareta.
0822601a  Virgo vernans velut rosa. Specialis, speciosa, Margarita pretiosa Margareta floruit.
0822601b  Ex gentili stirpe nata. Genetrice mox orbata, Sub nutrice conservata Fidem veram coluit.
0822602a  Cujus oves dum nutrivit, Nutrientem concupivit, Cujus forma insanivit, Fervidus Olybrius.
0822602b  Sprevit opes blandientis, Sprevit minas saevientis, Nec his cessit nec tormentis, Dum torquetur gravius.
0822603a  Nulla poena superatur, Sed in poenis gloriatur Et post poenas decollatur Et migrat ad gloriam.
0822603b  A peccatis et a poena Nos absolve, Deo plena, Ut, qua fulget lux serena, Ducamur ad patriam.
0822700   De sancta Margareta.
0822701a  Psallat chorus puellaris, Quia dies est natalis Margarethae virginis,
0822701b  In odore unguentorum Ejus canat ante thorum Dulce melos carminis.
0822702a  Haec de gentilibus Processit natalibus Velut rosa speciosa, Quae de spina nascitur.
0822702b  Cujus ad honorem Suum signat decorem Lux jocosa, pretiosa Stella, quae progreditur.
0822703a  Quam cernens Olybrius Amore mox ebrius Deos jubet colere Christumque relinquere.
0822703b  Illa coepit spernere Praefectum et dicere, Deos nolo colere Nec Christum relinquere.
0822704a  His praefectus provocatus Et furore inflammatus Praecepit tenellae Corpus torqueri puellae.
0822704b  Sed nec in tanto dolore Christi valet ab amore Virgo separari, Sibi prompta immolari.
0822705a  Tunc jubetur ustulari, Lampadibus accremari, Demum carcer praeparatur, In quo virgo reservatur.
0822705b  In quo draco terrificus, Varius et flammificus, Hanc in ventrem deglutivit Sed cruce vincens exivit.
0822706a  Plenum aqua vas portatur, In quo virgo colligatur, Quae a Christo visitatur Et a poena relaxatur
0822706b  Haec videntes multi credunt Et ad fidem Christi cedunt, Truces tortores accedunt, Ense saevo cunctos caedunt.
0822707a  Dehinc virgo generosa Gladio necatur, Ab angelis gloriosa Jam sede locatur.
0822707b  Ergo cum laetitia Colentes praesentia Margarethae solemnia Decantemus Alleluja.
0822800   De s. Maria Aegyptiaca.
0822801   Laus Deo patri ejusque nato pariterque pneumati beato.
0822802a  Laus ejus unica unaque est actio
0822802b  Et agendorum par potestas et ratio.
0822803a  Mundi redemptor, te nostra personent organa,
0822803b  Sine reatu reorum qui tollis crimina.
0822804a  Cujus benignitas Jerichonteam civem jam fecit alienigenam,
0822804b  Ejus clementia nigram peccatis Mariam candidavit Niliacam.
0822805a  Haec primo saeculi male blandis gaudiis applicat animum,
0822805b  Porcorum convictu foedata revertitur ad patris gremium.
0822806a  Templis excluditur dominicis, lacrimis rigat pedes virginis moerendo, lugendo semet cruciat damnans, quae gesserat.
0822806b  Virgo puerpera gemiscentem miseram miserans poenitentem exaudit, emundat, lavat, expiat, aditum reserat.
0822807a  Haec sunt solemnia, quae tu efficis, o patris sapientia,
0822807b  Ove centesima, dragma perdita recepta tua gratia.
0822808a  Post haec subintrat portum eremi procellis enatans saeculi,
0822808b  A sene sancto quo visitatur et vitae ferclis saturatur.
0822809a  Angelicis sublevatur orans a tellure manibus
0822809b  Et coelicis sociatur coelo coeli civis civibus.
0822810a  O Christe, rex celebris, leo fit funeris sacri tumulator, verna fidus, mitis ex effero.
0822810b  Quam te decent talia solus miracula, qui in sanctis tuis, facis aurum conflans ex sabulo.
0822811a  Quid David, tu scis tangens te quoque peccatrix, latro, Petrus et Matthaeus.
0822811b  Quisnam emollit corda dura, quis indulget culpis gratis nisi Deus?
0822812   Rex regum, fili Mariae, inspira peccatorum nobis poenitentiam pro gratia dans gratiam.
0822900   De ss. Maria Jacobi et Salome.
0822901   Virgini pangamus laudes et suis sodalibus.
0822902a  Anna dulcis profuit, Tres maritos habuit Et ex illis protulit Tres sorores.
0822902b  Joachim primus sponsus Cleophas est secundus Et dux vitae Salomas Fuit ternus.
0822903a  Die nobis, Maria, virgo prima filia, Tu mater Dei viventis, casta gaudens honore parentis.
0822903b  Angelico teste Deum paris et caste. Surrexit proles bis bina Ex Maria, quae est secunda.
0822904a  Credendum est, quod Salome Mariae filii sunt duo nati, qui sunt beati.
0822904b  Scimus, septem processisse natos ex his vere. Tu nobis, Christe rex, miserere.
0823000   De s. Maria Magdalena.
0823001a  Monti Sion dat virorem Ros Hermon et viror florem Fecundum in gratia;
0823001b  Ad honorem Magdalenae, Roris hujus imbre plenae, Sollemnicent omnia.
0823002a  Rigans montes gratiarum Ad convallem lacrimarum Ros coelestis effluit;
0823002b  Ibi jacens Magdalena, Lacrimarum imbre plena, Christi pedes abluit.
0823003a  Abluentis cor fecundat Et tergentis corpus mundat A culparum sordibus;
0823003b  Mandat pacem osculanti Et unguentis abundanti Largus est muneribus.
0823004a  Auster fugans aquilonem, Lux illustrans rationem In amorem perficit;
0823004b  Grande signum pietatis, Mox purgatam a peccatis Sibi sponsam efficit.
0823005a  Dulcis luctus, dulcis clamor, Dulcis magis ardens amor In tali connubio;
0823005b  A dilecti nulla sorte Nec in vita nec in morte Laxatur obsequio.
0823006a  Lugens adstat morienti, Sed congaudet resurgenti Ejus narrans gloriam,
0823006b  Et regnantem confitetur, Dum in rupe profitetur Vitam solitariam.
0823007a  Novis modis ibi rapta, Novis demum donis apta, Sponsi gaudet praemiis;
0823007b  Ad hanc partem, quam elegit, Ducat nos, qui mundum regit, Ejus patrociniis.
0823100   De sancto Martiali.
0823101a  Omnis mundus Laetabundus Ista digna recoli Recolat solemnia;
0823101b  Lux festalis Martialis Rutilat apostoli Tui Aquitania.
0823102a  Qui velut aurum ab Aquilone prodiit, Dum ex Hebraeis proles illustris exiit De tribu Benjaminea, Flos de radice spinea.
0823102b  A summo fonte fontem baptismi meruit, Oleum et mel de petra sugens eruit, Dum Christi praesens opera Vidit, suscepit munera.
0823103a  Mox sicut gressu sic et vita sobria
0823103b  Petrae ac Petri sequitur vestigia.
0823104a  Antiocho Et Romulo Dant Christum sacra labia;
0823104b  Martialem Hunc et talem Doctorem sumit Gallia.
0823105a  Lemovix, Genitrix Erroris et filia,
0823105b  Petitur, Redditur Comes per bacteria.
0823106a  Hospes unicam hospitis curat fugans daemonia,
0823106b  Natus Nervae surgit foris, intus hominum milia.
0823107a  Instans frangendis idolis Torquetur a multicolis, Fulminati recipiunt Vitam, fidem perfidia.
0823107b  Vanis praeponens seria, Sponsum sponso Valeria, Fit rosa quia lilium, Fert non brevi caput via.
0823108a  Sed poli vult centrum tangere Martialis tendens promere Universa.
0823108b  Qui tot restituit mortuos Quot signipotens morbidos, Res stupenda.
0823109a  His perpendatur, cetera Quam fuerint innumera.
0823109b  Certa credantur vetera Per nova mira opera.
0823110a  Transituro ex hoc mundo Apparens ut saepius Cum luce lux aeterna
0823110b  Diem dat, qua de profundo Secum miles proprius Conscenderet superna.
0823111a  Populi concurrunt cuncti Per eum Christo conjuncti Proprii apostoli ad novissima.
0823111b  Quos dum admonet, repente Christo sibi occurente Coelos coelorum subit felix anima.
0823112a  Gaude gens Aquitanica,
0823112b  Tu praesertim Lemovica.
0823113a  Martialem ore, Martialem corde Posce pium cum laude debita.
0823113b  Clamet grex sodalis: Sancte Martialis, Gentem tuam et cunctos visita.
0823114a  Martialis, apostoli Tui, Christe, Prece nostra omnia Guberna.
0823114b  In te renatae soboli Dux assiste Donans frui gloria Aeterna.
0823115   Subjungant rerum singula: Sit Deo laus in saecula.
0823200   De sancto Martiali.
0823201a  Gratiarum modulis Laetetur ecclesia, Rutilans oraculis Plaudat Aquitania Votis sumptis sedulis.
0823201b  Lemovicis populis Divina clementia, Martialis titulis Conceditur gratia Ditata mirculis.
0823202a  Dum Jesus, qui nos mundavit, In Judaea praedicaret, Martialem perlustravit, Ut Deo multiplicaret Novum gregem Domini.
0823202b  Sic instructus non expavit, Sed ut fidem roboraret Se labori subjugavit, Ut elapsos revocaret De tenebris lumini.
0823203a  Vitae pollet documentis, Consolatur in lamentis, Ritum pellit pravae gentis, Vivis probans argumentis Vivum Deum omnium.
0823203b  Hic effulget miris signis, Hic compescit vires ignis, Viam monstrat vitae dignis, Gestis trahens nos benignis Ad Dei servitium.
0823204a  Hic sodalis redemptoris Subsequens vestigia, Medela cuncti languoris, Cujus beneficia Rutilant feliciter.
0823204b  Claudis gressum, caecis lumen Dant ejus suffragia Sanitatis pandit flumen, Membrorum contagia Sanat mirabiliter.
0823205a  O vas puritatis, Pater pietatis, Decus Aquitaniae, Serva nos a carie,
0823205b  Ut nos cum beatis Regno claritatis Fruamur et gloriae Post vallem miseriae.
0823300   De sancto Martiali.
0823301   Laude pia et jucunda,
0823302a  Alme pater, jam coelestis Tibi chorus et terrestris Modulatur organa Voce praecelsa.
0823302b  Ave princeps principatus, Promit odas decoratus Virtutum insignia Nostra caterva.
0823303a  Laudat Christum creatorem, Sibi talem quod pastorem Praeelegit gratia Mente devota.
0823303b  Laudum vota concinendo, Pia prece exsequendo Intonemus cantica Voce praecelsa.
0823304a  Hunc Judaea, rosam spina, Dulcem uvam stirps amara Tribu Benjaminea Gaudet enixa.
0823304b  Hic utroque cum parente Terno lustro jam volvente Baptismi remedia Suscipit laeta.
0823400   De sancto Martiali.
0823401a  Purus puer Benjamita, Martialis, cujus vita Vivit in ecclesia,
0823401b  Nobis fuit delegatus Et a Christo pastor datus Speciali gloria.
0823402a  Hic duobus comitatus, Alter quorum suscitatus Petri tactus baculo;
0823402b  Deum verum praedicavit, Qui pro nobis se mactavit Crucis in patibulo.
0823403a  Verba signis confirmantur, Signa verbis conformantur, Virtutum potentia.
0823403b  Sic ad Christum convertuntur, Infideles et sequuntur Ipsius vestigia.
0823404a  Nervae natus vitae datur Et infirmi reseratur Luctus et miseria,
0823404b  Daemon victus effugatur Et Arnulphi liberatur A tyranno filia.
0823405a  Caecis visus restauratur, Salus aegris condonatur, Laetis cedunt tristia;
0823405b  Quando jubet, mors recedit, Et ad corpus vita redit Fidei constantia.
0823406a  Vitae verbis virgo credit, Dum se totam Christo dedit, Martyr fit Valeria.
0823406b  Caput offert virgo Dei, Sese Deo, Deus ei Palmam pro victoria.
0823407a  Amne mersus in profundo Tractus amnis est de fundo Daemonum praesentia,
0823407b  Hildebertus, dux laetatur, Nam defunctus suscitatur Deo dans preconia.
0823408a  O beate Martialis, Nos ab hostis serva malis, Tibi qui concinimus,
0823408b  Ne fallaces ejus doli Nos a regno privent poli, Per te data petimus.
0823409a  Ut immunis a piratis Portum petat nostra ratis, Mundi rege fluctibus.
0823409b  Largus large largiaris, Plus largire, quam rogaris, Tibi famulantibus.
0823410a  Christe, virtus et corona, Meritorum nobis dona Te munus in patria,
0823410b  Spes et vita, sors bonorum, Pax et decus angelorum, Tibi laus et gloria.
0823500   De sancto Martiali.
0823501a  Veneranda veneretur Celebrisque celebretur Haec tanta solemnitas,
0823501b  Ex ardore caritatis Hac die jucunditatis Sit cunctis jucunditas.
0823502a  Diem istam mors natalis Apostoli Martialis Dignam fecit gaudio,
0823502b  Morienti vita datur, Qui vivens moriebatur Carnis desiderio.
0823503a  O quam felix sanctus iste, Qui te vidit, Jesu Christe, Et Deum et hominem, Puer dono praeventus gratiae Et parentum simul et patriae Reliquit dulcedinem.
0823503b  Christi vidit passionem, Illi post ascensionem Datus est paraclitus; Romam venit cum Petro praedicans, Sanctum Christi nomen magnificans, Hoc solo solicitus.
0823504a  Huc egressus repedavit Sociumque suscitavit In Petri bacterio,
0823504b  Aquitaniam ingressus Tullo praedicavit fessus Ex viae dispendio.
0823505a  Sic Arnulphi curans natam A daemonio vexatam Sanam patri reddidit,
0823505b  Hujus et oratio Principis in filio Mortis jura perdidit.
0823506a  Hinc veniens Agedunum, Tres personas Deum unum Praedicabat gentibus,
0823506b  Tres non tria dicens esse, Ut sic credant, est necesse Salvari volentibus.
0823507a  Hic ministris idolorum Non compensator malorum Lumina restituit,
0823507b  Quod a paralitico Accepit munifico, Egenis distribuit.
0823508a  Plures illic baptizavit, Missus tandem festinavit Ad urbem Lemovicum,
0823508b  A Susanna hospitatus Ejus prece non ingratus Curavit phreneticum.
0823509a  Huic in carcerem detruso Et cum sociis incluso Lucis luxit radius,
0823509b  Sacerdotes fulminatos Christo vitaeque renatos Reddidit propitius.
0823510a  Fonte sacro renovantur Omnes simul et mundantur Et deorum exsecrantur Prorsus idolatriam;
0823510b  A gentilium errore Christo nexu firmiore Valentem vitae valore Conjunxit Valeriam.
0823511a  Morte digna morientem Ad inferos descendentem Dux iste ducis clientem Ad superos collocat;
0823511b  Hinc convertit ipsum ducem, Pium modo, prius trucem, Et ad Christum veram lucem De tenebris evocat.
0823512a  Et nec minus signum fecit Quando malignos ejecit Spiritus a flumine,
0823512b  A daemone suffocatum Arcadium rursus natum Vitae ditat lumine.
0823513a  Sic vir mirae sanctitatis Datus est humilitatis Exemplar et titulus.
0823513b  Coelos non ingredietur, Quisquis non efficietur Sicut iste parvulus.
0823514a  Iste legis nostrae murus Ad patriam progressurus Et coronam adepturus, Quo fuerat moriturus, Scire diem meruit.
0823514b  Pastor bone, redemptorem Nostrum redde proniorem, Ut coelorum nobis forem Aperiat, qui pastorem Te nobis praeposuit;
0823515   Qui dulcem precum odorem, Qui gemitum et clamorem Pauperum non renuit.
0823600   De sancto Martiali.
0823601a  Gaude stirpe, Siria, Plaudat Aquitania Martialis titulus,
0823601b  Speciale gaudium Det Lemovicinium Ipsius miraculis.
0823602a  Plaudat omni tempore Tanti viri corpore Fulgens urbs Lemovica,
0823602b  Tam praeclaro socio Glorietur concio Felix apostolica.
0823603a  Sanctitatis gratia Clarus ab infantia Christo puer jungitur,
0823603b  Clarae puer indolis Exemplar apostolis Virtutis ostenditur.
0823604a  Cum duobus sociis Martialis Galliis Praedicatum mittitur,
0823604b  Morte rapto socio In Petri balterio Vita restituitur.
0823605a  Ab Arnulphi filia Propulsat daemonium, Nervae Dei gratia Vitae reddit filium.
0823605b  Ingressus apostolus Lemovicas liberat Populum, quem subdolus Hostis captivaverat.
0823606a  Cessat idolaria, Praedicatur latria, Ducissa cum filia Credit et familia.
0823606b  Templorum pontifices Indignati nimium Infligunt multiplices Poenas et supplicium.
0823607a  Hostis laedit Praesul cedit, Suffert poenas Et catenas, Servatur in carcere.
0823607b  Quod oravit, Impetravit, Lux illuxit, Carcer fulsit, Clausus exit libere.
0823608a  Fulminantur Mortis rei, Suscitantur Nutu Dei Martialis precibus,
0823608b  Cuncti credunt, Baptizantur, Deum verum Venerantur Parvi cum majoribus.
0823609a  Hildebertus in profundo Mersus aquae fert a fundo Tractus vitae redditus Stupet ducis exercitus.
0823609b  Ictu caesus ignis trucis Suscitatur cliens ducis, Decollator Valeriae, Protomartyris Galliae.
0823610a  Igne sacro gens crematur Urbem replet, desolatur, Supplex orat et implorat Patris patrocinium.
0823610b  Extra muros corpus latum Martialis sanitatem Munus praebet exspectatum, Cessat languor omnium.
0823611a  Exit mater conspectatum, Super ignem linquit natum, Bullit unda, Caro munda Non sentit incendium.
0823611b  Omnis morbus evanescit, Martialis nomen crescit, Sanitari Cuncti dati Dei laudant filium.
0823612   Martialis gaudium Det nobis coelestium.
0823700   De sancto Martiali.
0823701a  Exsultemus sic in Deum, Ut mens tota sit in eum Directa per gratiam,
0823701b  Lingua vitae se maritet, Ita quod omnes invitet Ad coelestem gloriam.
0823702a  Martialem lingua sonet, Cujus prece nos coronet Rex in sua curia,
0823702b  De quo apostolis dixit: Ni quis humilis ut hic sit, Non speret coelestia.
0823703a  Hic cum Christo conversatus Virgo creditur oblatus, Se post servans virginem;
0823703b  Benjamita lux illuxit, Quem Benjamin stirps produxit Excedentem hominem.
0823704a  Lemovica, choris plaude Et in apostolo gaude Ore, corde, opere;
0823704b  Totus dies celebretur Et in laudem integretur Pie et sumopere.
0823705a  Martialis pro his oret Et ante Deum peroret, Ut aeterna fercula
0823705b  Nobis gloriosus donet, Sed prius culpas condonet Per aeterna saecula.
0823800   De sancto Martiali.
0823801a  Dissoluto carnis luto Angelorum subit chorum Martialis hodie,
0823801b  Jugis ei lux diei Hodiernae, qua supernae Fit cohares gloriae.
0823802a  De tenebris mundo luxit Lux celebris, cum produxit Stirps hunc Benjaminea,
0823802b  Carne situs detestatur Carnis ritus et ornatur Corona virginea.
0823803a  Mundum sprevit et decrevit Cultor aequi, Christum sequi Habitu sub paupere;
0823803b  Ecce mirum vita virum, Ecce istum, de quo Christum Legimus asserere:
0823804a  Coeli domo dignus erit Omnis homo, qui hunc quaerit Imitari parvulum.
0823804b  Juxta Dei documentum Monstrat rei argumentum, Quod sit cunctis speculum.
0823805a  Sic virtutum vas odorum, Vas complutum rore morum Et coelesti gratia,
0823805b  Sic lucerna semper lucens, Ad superna nos reducens Per exempla praevia.
0823806a  Hujus gestis virtus testis, Quae divinam medicinam Impertitur miseris
0823806b  Muti fantur et sanantur Aegri cuncti et defuncti Redeunt ab inferis.
0823807a  Libertatis status datur Captivatis, suffocatur Ignis succutaneus:
0823807b  Huic statum primae sortis Post monstratum diem mortis Spondet rex aethereus.
0823808a  Jesu pie, mundans unda, In hac die nos emunda Ab omni spurcitia
0823808b  Atque prece tanti viri Mundos faece virus diri Transfer ad coelestia.
0823900   De sancto Martiali.
0823901   Coeli enarrant gloriam Dei, Alleluja.
0823902a  Coelum nobis conlaetatur, Dum de coelo nobis datur Honor, virtus, gloria;
0823902b  Gaudet terra, gaudet mare, Martiali laudes dare Gaudet Aquitania.
0823903a  Totus illi det ducatus Laudes sine termino, Qui signum apostolatus Ejus est in Domino.
0823903b  Verus hic Israelita Tribu Benjaminea, Quem conjunxit Petro vita Sanguinsique linea.
0823904a  Ipso Christo praedicante, Petro Christi signum dante Baptizatus fuit ante Bonae spei parvulus,
0823904b  Et quem sibi consecravit, Suo Christus pane pavit, Inde tantus emanavit Sanctitatis rivulus.
0823905a  Ut fons illum vitae lavit, Hunc in fide solidavit Virtus apostolica
0823905b  Inter verbi fundatores Praegustavit morum flores Et percepit mystica.
0823906a  Quidquid benedictionis, Quidquid facti vel sermonis Suis Christus praestitit,
0823906b  Postquam consors est susceptus, Totum puer est adeptus Et particeps exstitit.
0823907a  Hi sunt testes tui, Christe, Per quos tibi mundus iste Servit et subjicitur;
0823907b  Hi barba sunt Aaronis, Per hos templum Salomonis In altum erigitur.
0823908a  Haec sunt ejus fundamenta, Haec vasa vel instrumenta, Hi leones aenei;
0823908b  Hae bases, haec capitella, Haec plantatio novella, Christianae fidei.
0823909a  Inter tales factus talis Bonus pastor Martialis Semen verbi spiritalis Sparsit in hanc patriam.
0823909b  Inter istos enutritus Et ab istis est adscitus, Ut in novae legis ritus Instruat ecclesiam.
0823910a  Gaude, tellus Aquitana, Quae de manu Christi grana Sumis apostolica;
0823910b  Fecundata fruge multa, Gaude magis et exsulta, Civitas Lemovica.
0823911a  Hic a Deo pastor datus Est virtute operatus Signa per innumera,
0823911b  Jam sanans foris languores, Castigavit intus mores Et repressit scelera.
0823912a  Ergo cleri lumen verum, Martialis, audi clerum Gregemque monasticum
0823912b  Praesens poscit te caterva, Tu nos rege, tu nos serva Per hoc iter lubricum.
0823913a  Multi morte resoluti Per te mundo restituti Vitaeque sunt redditi;
0823913b  Sic nunc, palmes vitis verae, Fac in vite nos manere, Quae dat vitam palmiti.
0823914a  Tu sol lucens in virtute, Tu spes plebis destitutae, Tu morum es formula;
0823914b  Tu sal terrae, tu lux mundi, Tibi simus laetabundi Per aeterna saecula.
0824000   De sancto Martiali.
0824001a  Lux praeclara, Lemovix, refulsit tibi Die ista,
0824001b  Qua patronum Salvator invitat tuum Promens ista:
0824002a  Veni, dilectissime Martialis, percipe Regis dona,
0824002b  Te quina nam feria Vera cibi praemia Sunt parata.
0824003a  Mors, fraus, luctus, gemitus Nullus ibi penitus, Sed pax multa,
0824003b  Lux inaccessibilis, Flos immarcessibilis, Perpes vita.
0824004a  Novum foedus pepigit, Plebem laetus colligit Patriarcha,
0824004b  Quam die novissimo Commendat altissimo Prece pia.
0824005a  Sedem petit propriam, Sacram fundit animam, Quae coelestem gloriam Scandit laeta.
0824005b  Galli, Gothi, Guaxones, Aquitani celeres Accurrunt et supplices Complent jussa.
0824006a  Praesens interfuit Jesus et patuit Coelum apostoli ad funera.
0824006b  Chorus coelestium, Pneuma dragmaticum Palam canit ejus pro gloria.
0824007a  Dele, pater, peccata Et corrige errata.
0824007b  Prece redde sacrata Nobis loca beata.
0824100   De sancto Martiali.
0824101a  Martialem Chorus noster laudet laetus, Alleluja.
0824101b  Quem munivit Angelorum semper coetus, Res miranda.
0824202a  Bonae puer indolis Missus cum apostolis, Sol de stella.
0824102b  Benjamin hunc genuit, Velut rosa splenduit, Semper clara.
0824103a  Doctus cum discipulis Praedicavit populis Pari forma.
0824103b  Sideribus pulchrior, Caro nive mundior Incorrupta.
0824104a  Martialis praedicat, Populus laetificat Valle nostra.
0824104b  Comes suus moritur, Vivus restituitur Carne sumpta.
0824105a  Sex mortuos suscitat, Idola praecipitat, Gens pagana crepitat Mente caeca.
0824105b  Lemovicis civibus Stillat de coelestibus Confirmans virtutibus Haec praedicta.
0824106a  Ergo benevolum Christi apostolum Posce precibus, gens misera,
0824106b  Ut sternat zabulum, Gratiae rivulum Det, quem genuit puerpera.
0824200   De sancto Martiali.
0824201a  Exsultet ecclesia, Jucundetur curia Supernorum civium.
0824201b  Plaudat Aquitania, Nova fundat gaudia Plebs Lemovicensium.
0824202a  Martialem gratia Corruscantem varia, Exemplar humilium,
0824202b  Plaudat mente sobria Cum summa laetitia Populus fidelium.
0824203a  Oranti piissime Virginis sanctissimae Gloriosum filium:
0824203b  Pax tibi, carissime, Frater fidelissime, Dixit auctor omnium;
0824204a  Quintadecimo die Te jungam militiae Militum coelestium.
0824204b  Viso rege gloriae Plenus est laetitiae More resurgentium.
0824205a  Convocatis fratribus Nuntiavit omnibus Transitus indicium.
0824205b  Tanti patris precibus Da, Christe, supplicibus Paradisi gaudium.
0824300   De sancto Martino.
0824301a  Velut topazion ex Aethiopia Martinum protulit olim Pannonia.
0824301b  Hic altus Ticini a pueritia Juvenis trahitur ad tyrocinia.
0824302a  Nondum tamen baptizatus Erigebat miseratus Fructos indigentia;
0824302b  Die quadam Ambianis Appropinquans cum Romanis Fecit mirabilia.
0824303a  Unde vestem Scindens testem Salvatorem habuit,
0824303b  Et in nudo Amplitudo Caritatis patuit.
0824304a  Sic vir Dei novo more Suo regem in decore Trabeatus conspicit,
0824304b  Nam, quod dedit, vestimentum Fore regis ornamentum, Soporatus didicit.
0824305a  Quo viso protinus Jam catechuminus Baptismo tingitur
0824305b  Et Adae veteris Contemptor operis Novum amplectitur.
0824306a  In occursum barbarorum Caesar pergens Romanorum Erogat stipendia,
0824306b  Ad Martinum ubi venit, Donativum ille sprevit Statim cum militia.
0824307a  Igitur Hilarium Adiit egregium, Pictavorum praesulem,
0824307b  Qui repletus gaudio Cum ingenti studio Mundi fovit exsulem.
0824308a  Tandem de cellula Potitus infula Pastor attollitur,
0824308b  Quo plebs Turonica Sorte mirifica Ductore regitur.
0824309a  Impar martyris nullius Confessoris laus istius Replet omne saeculum,
0824309b  Prece loqui fecit mutos, A defunctis tres solutos Mortis rupit vinculum.
0824310a  Dum offerret hostiam, Globus ignis micuit
0824310b  Et ab ejus capite Longo crine claruit.
0824311a  Ad extremum sibi vere Finem dixit imminere His, qui praesto aderant;
0824311b  Tunc replentur omnes luctu, Ejus quippe quondam ductu Mundi luxum vicerant.
0824312a  Hic lucerna sanctitatis, Zona strictus castitatis, Nocte transit media.
0824312b  Poli sonat harmonia, Cum virginibus Maria Illi fuit obvia.
0824313   Da Christe veniam Miseris etiam.
0824400   De sancto Martino.
0824401a  Confessorum flos Martinus, Pater prudens et divinus, Mundo lux apparuit,
0824401b  Catechismo consignatus, Nondum tamen baptizatus Pietate claruit.
0824402a  Partem vestis dat mendico, Deo placet sic amico Referenti gratias,
0824402b  Quo divina celebrante Nutu dei obturante Operitur nuditas.
0824403a  Super eum globus ignis Venit simul et insignis Lucis coruscatio,
0824403b  Tanti viri sanctitatis Et perfectae bonitatis Vera demonstratio.
0824404a  Ecce gaudent et contracti Visu, nervis sani facti Istius praesidio,
0824404b  Aegros multos hic sanavit, Tres defunctos suscitavit Confisus in Domino.
0824405a  Arianam sectam stravit, Fidem sanctam reformavit Per tot mirabilia,
0824405b  Monachorum vitam pavit, Verbo Dei roboravit Ostendens magnalia.
0824406a: Tandem pater infirmatur, Coetus fratrum convocatur, Eorum memoriae
0824406b  Commendando se decedit, Luctus et planctus succedit Immanis moestitiae.
0824407a  Adsunt angeli gaudentes Spiritum ejus vehentes Usque thronum gloriae,
0824407b  Iste regi Deo placet Neque laudem chorus tacet Coelestis militiae.
0824408a  Pro defuncto litigatur, Hoc obtento Tours laetatur Dei providentia,
0824408b  Ubi chorus monachorum Et in laudem populorum Abundat frequentia.
0824409a  O quam dignum et laudandum, Vita, signis venerandum Poli tenent atria;
0824409b  Ibi Deus hunc deorum Pro virtute meritorum Coronat in patria.
0824410a  Virtus sanctae Trinitatis, Fac nos esse cum beatis Hujus per memoriam,
0824410b  Ut nos laudem resonare Et perennem celebrare Valeamus gloriam.
0824500   De sancto Martino.
0824501a  Quam pie sit recolendus, Quanta laude prosequendus Martinus in saecula,
0824501b  Turonensis Gregorius Quae scripsit et Sulpitius, Testantur miracula.
0824502a  Mundo prius militavit, Cui mox renuntiavit Fitque pater monachorum,
0824502b  Demum invitus trahitur, Rapitur et efficitur Episcpous Turonorum.
0824503a  Quos bonos novit, dilexit, Quos malos, pie correxit, Nullum cito judicans,
0824503b  Adversantes sibi fovit Nec a statu suo movit A se nullum abdicans.
0824504a  Ab ipsius infantia Crevit misericordia Cum eo, quod hinc patuit,
0824504b  Quod de pallio partito Cum paupere Christum cito Tectum videre meruit.
0824505a  Arbori fani casurae Opposuit se secure, Quae cecidit e converso,
0824505b  Quasi conflictum indixit Flammae, vento dum restrinxit Incendium igne verso.
0824506a  Aliud fanum prostravit, In quo quendam suscitavit, Quem plebs martyrem credebat,
0824506b  Qui palam fuit testatus, Quod ut fur fuit necatus Nec cum sanctis quiescebat.
0824507a  Hunc dum quidam appeteret Gladio, ut occideret, Divino nuto corruit;
0824507b  Alter dum ferrum vibraret, Ut Martinum morti daret, Ferrum non comparuit.
0824508a  Turbam defunctum ferentem Aestimans ritus nolentem Invitam stare compulit,
0824508b  Sed cognita veritate Vir affluens pietate Impedimentum sustulit.
0824509a  Nunc terrore, nunc foetore Nunc sub atroci colore Satan ipsum molestavit,
0824509b  Sed vir sanctus signo crucis Et oratione trucis Hostis artes confutavit.
0824510a  Quem Satan praecipitavit, Pia virgo visitavit Cum sanctorum agmine,
0824510b  Costas fractas solidavit Linitas, quod apportavit In ampulla, unguine.
0824511a  Maximum navem regentem Et secum ire nolentem Fluvius absorbuit,
0824511b  Quem ab eo evocatum Et proficisci paratum Mox sanum restituit.
0824512a  Deus, qui es mirabilis In sanctis et laudabilis, Tuam nobis da gratiam,
0824512b  Per quam mala declinantes Et, quae bona sunt, sectantes Mereamur gloriam.
0824600   De sancto Martino.
0824601a  Regem regum collaudemus, Cujus regis recensemus Militis solemnia;
0824601b  Est rex regum, rex divinus, Ejus miles est Martinus Militans in gloria.
0824602a  Hic in mundo militavit, Sed a mundo transmigravit Ad coeli palatia,
0824602b  Ut se Christo praesentaret Et sub eo militaret In coelesti curia.
0824603a  Duplex honor, duplex status Fuit illi praesulatus Simul et militia:
0824603b  Vivo corde, mundo victu Fuit miles in conflictu, Praesul in ecclesia.
0824604a  Inter sordes mundi situs Nulla tamen irretitus Fuit immunditia,
0824604b  Sed se mundum custodivit Et in mundo se munivit Contra mundi vitia.
0824605a  Fide firma loricatus, Spe coronae galeatus, Caritate praevia
0824605b  Motus carnis debellavit Et omnino conculcavit Luxum cum superbia.
0824606a  Hic de jure meritorum Non unius sed multorum Vivit in laetitia,
0824606b  Dato nobis exemplari Nos cum turba militari Invitat ad praemia.
0824607a  O quam summae pietatis Et quam mirae caritatis, Qui cum manu largiatis Erogabat omnia;
0824607b  Pauper, nudus adest testis, Immo Christus rex coelestis, Quem Martinus parte vestis Palliavit media.
0824608a  O quam firmum se probavit, Qui non mori formidavit Nec vivere recusavit Promptus ad obsequia;
0824608b  Felix morte, felix vita, Vita felix fuit ita, Quod, dum vixit, inaudita Fecit mirabilia.
0824609a  Artus febre fatiscentes, Moribundi et languentes Sunt saluti Restituti Per ejus suffragia.
0824609b  Tres defuncti suscitati Et ad vitam revocati Nos excitant Et invitant Ad credendum talia.
0824610a  O Martine, praesul bone, Pastor noster et patrone, Ora pro hac concione, Ut in coeli regione Tecum sit in gloria.
0824610b  Praesens, Christe, creatura Te deposcit mente pura, Ut, dum vivit, sit secura Et post mortem des futura Perfrui laetitia.
0824700   De sancto Martino.
0824701a  Vernat gemma Martinus, minister bonus, Alleluja,
0824701b  Pastor mitis Nec regis recusans onus Prece pia.
0824702a  Turonis praesidio Ejus et consilio Fuit tuta.
0824702b  Trinitatis incola, Praesul fregit idola Foederata.
0824703a  Spe firmatus constitit, Signo crucis restitit Arbor lapsa.
0824703b  Hic partitus chlamydem Angularem lapidem Texit illa.
0824704a  Quod Martinus jusserat, Mergus aquas liquerat Petens sicca.
0824704b  Quos mors alligaverat, Praesul suscitaverat Prece fusa.
0824705a  Vocavit per spiritum Deus civem inclitum, Spes cognovit obitum Praemunita.
0824705b  Nocte praesul media Petiit coelestia Et vox per sublimia Est audita:
0824706a  Martino justior Nec fide sanctior Nec par exstitit nec melior,
0824706b  Qui vitro purior, Lacte candidior Cunctis floruit lucidior.
0824800   In Transitu s. Martini.
0824801a  Jucundemur et laetemur Et in laude gloriemur Gloriosi praesulis,
0824801b  Cujus digna fuit vita, Cujus mors est insignita Signis et miraculis.
0824802a  Hic Martinus Christo teste Christum texit sua veste Adhuc catechuminus;
0824802b  Mundi quidem miles erat, Sed a mundo, si quis quaerat, Mundus nihilominus.
0824803a  Dives armis, dives cultu, Tandem veste, vita, vultu Pauperis induitur;
0824803b  Monachus fit et abjectus, Sed nec mora, cum electus Monachis praeficitur.
0824804a  Ab angelo librum dari Gaudet, dum vult celebrari Missam ab Hilario;
0824804b  Aegri currunt et curantur, Tres defuncti suscitantur De mortis supplicio.
0824805a  Jam virtute meritorum Archipraesul Turonorum Martinus eligitur,
0824805b  Pastor pascit, servat gregem Et vivendi docet legem, Haeresis confunditur.
0824806a  Dum offerret sacra digne, Viso super caput igne Miratur ecclesia;
0824806b  Dant honorem sanctitati Torques coelitus allati, Ne sint nuda brachia.
0824807a  Finem profert hic propinquum, Condatensem adit vicum, Ibi parat clericos;
0824807b  Mergis imperat potenter, Sic fugarat hic frequenter Spiritus maleficos.
0824808a  Inter manus tandem fratrum Valedicens more patrum Ponitur cilicio;
0824808b  Diabolum prope videt, Sed vir sanctus hunc irridet Securus de praemio.
0824809a  Angelorum sonat melos, Dum Martinus intrat caelos; Severinus audit cantum, Clerus stupet, quare tantum Dormitat Ambrosius.
0824809b  Insistentes tuae laudi Nunc, Martine pater, audi Tuos servos, serve Dei, Res et summa nostrae spei Fac sit Dei filius.
0824900   In Translatione s. Martini.
0824901   Ad Martini titulum In vocalem modulum Prodeat devotio,
0824902a  Fidei signaculum Fulgeat ad oculum Operis indicio.
0824902b  Praesul, gemma praesulum, Culpae fit piaculum, Vitae reformatio.
0824903a  Natus de gentilibus, Miles de militibus, De tribuno militum,
0824903b  Vitae virtus inclitae Monachum in milite Exhibet emeritum.
0824904a  Pallium cum gladio Brumae scindit medio, Ambianis Dominum Tectum videt pallio.
0824904b  Pallii dimidio Tectus in vicario Laudat catechuminum Christus ore proprio.
0824905a  Baptizatur, Ordinatur, Ad levitae Gradum vitae Meritis Hilarius
0824905b  Hunc invitat, Sed hoc vitat, Nam laboris Quam honoris Onus ei gratius.
0824906a  Baptizandum catechizat, Sed perventum non baptizat, Dum abest per triduum;
0824906b  Redit, plorat, gemit, orat, Prece fusa mors confusa Vitae reddit mortuum.
0824907a  Importune servus unus Sibi fune fecit funus, Martinum turba flagitat, Martinus illum suscitat.
0824907b  Tantis signis vir insignis In pastorem ad amorem Cleri, plebis eligitur, Fugit, invitus rapitur.
0824908a  Quidam dictus est defensor, Personarum extra mensor, Forma vilem et exilem Hunc indignum adstruit.
0824908b  Lector abest, causa morae Puer legit pro lectore Et perversum hunc ex ore Hunc per versum destruit:
0824909a  Tu destructor defensoris, A flagello destructoris Nos defendas Et impendas Gratiae solatia.
0824909b  Tanti patris assecuti Patronatum simus tuti, Ut saluti Restituti Laetemur in gloria.
0825000   De sancto Mauro.
0825001a  Mauri patris memoria
0825001b  Celebretur cum gloria.
0825002a  Tua, pater, clementia
0825002b  Audi nostra praeconia.
0825003a  Conregnans Christo Domino Jam vivis sine termino.
0825003b  In hoc mortis ergastulo Subveni Dei populo.
0825004a  O Maure, tua gratia Nostra pellat flagitia.
0825004b  Bone pastor, prece pia Da nobis vitae gaudia.
0825100   De sancto Mauro.
0825101a  Maurus pater inclitus Adsit nobis coelitus Vitae dans solatium,
0825101b  Qui calcavit penitus Hic in carne positus Omne mundi gaudium.
0825102a  Hic de claro semine, Flos de pulchro germine Senatorum prodiit,
0825102b  Duodennem puerum Sanctus pater tenerum Benedictus nutriit.
0825103a  Carnis domat vitia Florens pudicitia, Fide, vita, moribus;
0825103b  Sic patris vestigia Semper sequens praevia Refulget virtutibus.
0825104a  Hujus ab imperio Presso pede fluvio Mersum salvat Placidum;
0825104b  Claudis recte pergere, Loqui mutis, cernere Caeco dedit lucidum.
0825105a  Tribus vitam mortuis, Aegris atque fatuis Sanitatem praebuit;
0825105b  His virtutum floribus Vernans coeli civibus Digne jungi meruit.
0825106a  Jam fulgens in gloria Tua, Maure, gratia Nos infunde jugiter,
0825106b  Nostra rege tempora, Nostra serva corpora, Mentes, corda pariter;
0825107   Ut post mortis tristia In superna curia Vivamus perenniter.
0825200   De sancto Mauro.
0825201a  Laetabundus decantet fidelis coetus Alleluja;
0825201b  Sanctus Maurus ad coelos ascendit laetus, Res miranda.
0825202a  Mente datus humili, Stirpe fulsit nobili, Sol de stella;
0825202b  Cujus carnem puritas, Cor ornavit pietas Semper clara.
0825203a  Sicut Petrus liquido Currit pede solido Pari forma,
0825203b  Nec pes ejus fluvio, Nec mens ob hoc vitio Fit corrupta.
0825204a  Aegris opem contulit Et languorem expulit Valle nostra,
0825204b  Tres a morte liberat, Quos haec sibi traxerat Carne sumpta.
0825205a  Sic in mundo claruit, Cujus clara respuit, Quae scriptura docuit Esse caeca.
0825205b  Jam cum sanctis omnibus Regnat in coelestibus, Qui complevit actibus Haec praedicta.
0825206a  Infelix propera, Maurum considera, Hunc sequi stude, gens misera.
0825206b  Quae docet litera, Fac bona opera, Quo duce vivas in aethera.
0825300   De sancto Mauro.
0825301   Beata nobis gaudia dent Mauri solemnia,
0825302a  Cujus laus eximia Fulget in ecclesia Per orbis omnia. Confinia.
0825302b  Tanti patris gratia Nostra pellat vitia Collata venia Prece pia.
0825303a  Dic nunc harmonia Concordi melodia: En Maurus luce socia Conscendit ad regna coelestia.
0802503b  Angelus dulcia Haec praedixit nuntia: In coeli gaudet curia De mundi sic raptus malitia.
0825304a  Ergo laudum praeconia Canamus eia Per haec sacrata jam festalia.
0825304b  Sancti Mauri vestigia Sequamur praevia, Cujus nos regant patrocinia.
0825400   De sancto Mauro.
0825401a  Nostri patris et pastoris, Melanii confessoris, Dignas laudes cordis, oris Nostra pangat concio;
0825401b  Sanctitatem cujus signa Plura signant, cum his signa Circa corpus thura digna Coelesti mysterio.
0825402a  Virgo mirae sanctitatis, Pater magnae pietatis, Jugis custos honestatis Mundo, Deo placuit;
0825402b  Vitam duxit monachalem, Nactus sedem cathedralem, Gerens curam pastoralem Vita, verbo docuit.
0825403a  Hunc vocavit rex Francorum, Per quem status clericorum Restauratur, idolorum Evanescit vanitas;
0825403b  Christi cultus ampliatur, Fides nostra roboratur, Divulgata condemnatur Haeretica pravitas.
0825404a  Evae morbus dissipatur, Paraliticus curatur Monachusque liberatur Expulso daemonio;
0825404b  Prope mortem infirmatus Per hunc puer est sanatus Et contractus relevatus Curato Syagrio.
0825405a  A defunctis revocavit Hunc, quem daemon suffocavit, Gentes multas baptizavit Ad istud indicium;
0825405b  Sanctus morsum a serpente Liberavit et repente Medicina nil valente Curat Eusebium.
0825406a  Propter vatem rex laetatur, Aqua Satan effugatur, Pari cura recreatur Virgo quaedam alia
0825406b  Aede sacra, quam fundavit; Longe ante quam notavit, Ista die evolavit Ad coeli palatia.
0825407a  Sancti plures et praelati Sunt a Deo ad beati Exsequias destinati Praestantes obsequia;
0825407b  Ad urbem, quam ante rexit, Christo duce navis vexit Clerum, corpus et reflexit Cursum Vicenonia.
0825408a  Propter plura malefacta Vincti fures prece facta Evasere turri fracta, Et fiunt rupta vincula;
0825408b  Ad sepulchrum jam delatus Vivit puer matri datus, Ecce visus est donatus, Mox post pedum oscula.
0825409a  Curans caecos, surdos, mutos, Quavis parte destitutos, Qui das vitae morti datos, Qui dissolvis catenatos Expellens daemonia;
0825409b  Fac, precamur, tua prece, Ut peccati pulsa faece Post labentis vitae cursum Gloriemur rapti sursum In perenni gratia.
0825500   De sancto Nicolao.
0825501a  Christo regi cantica Vocum per discrimina Eja pangat musica.
0825501b  Cujus ex potentia Prodeunt miracula Sibi non insolita.
0825502a  Qui replevit maxima Nicolaum gratia Strictum adhuc fascia.
0825502b  Nam inter crepundia Quarta, sexta feria Semel suxit ubera.
0825503a  Felix pueritia Senectutis opera Gessit facti nescia.
0825503b  O beata parcitas, Quae virtutum culmina Nicolai nuntias.
0825504a  Patris fugat crimina Dantis prae inopia Scortum fore filias.
0825504b  Quas vir Dei miserans Auri dando pondera Traxit ab infamia.
0825505a  Haec inter opuscula Sumpsit voce coelica Praesulatus culmina.
0825505b  O Myrrea civitas, Felix es in saecula, Tanto patre praedita.
0825506a  Cujus per miracula Bina bis per climata Pollens satis rutilas.
0825506b  Nautas namque liberat, Quos tempestas valida Quassans paene merserat.
0825507a  Plebem fame tabidam Verbo, cibo sublevat Per frumenta praestita,
0825507b  Quae mensura propria Dantibus in patria Sunt reperta integra.
0825508a  Solvit maleficia Medens aconitida, Quae Diana finxerat;
0825508b  Milites per somnia Minitando plurima Jugulari improbat.
0825509a  Puerum cum situla Notum facta aurea Mersum servat ab unda.
0825509b  Latrones exterritat, Ut sublata referant, Unde sumpta fuerant.
0825510a  Plura sunt insignia Fide gesta vivida, Quam referri valeant.
0825510b  Quae per eum gratia Vivum gessit supera, Gessit et post funera.
0825511a  Cujus tumba desudat Oleum, quod morbida Membra reddit vivida.
0825511b  Morte cujus inclita Dies haec tripudiat Anni per curricula.
0825512   Ipse nobis conferat Per sua suffragia Sempiterna gaudia.
08255a08b Juvenes immeritos Subire pericula Necis prudens liberat;
0825600   De sancta Odilia.
0825601a  Virgo mater Salvatoris, Incorrupta vi pudoris Produxisti speculum,
0825601b  Cujus diaphanitate Nec non mira claritate Illustratum saeculum.
0825602a  Inde multos illustrasti Microcosmos, quam creasti Caecam, per Odiliam,
0825602b  Patris fide separatam, Cura matris reservatam Diligentis filiam.
0825603a  Extra terram destinatur, Ab Erhardo baptizatur Et repletur gratia,
0825603b  Reformatur vis visura, Deo dante regressura Plaudet tunc Alsatia.
0825604a  Vernans tali flore grato Castitate decorato Nutrit hanc Bavaria,
0825604b  Ibi crescens in virtute Replens terramque salute Dogmata per varia.
0825605a  Haec est illa, quae cassavit Maximam hanc et probavit Minime veridicam,
0825605b  Dialecticae privata Quae fatetur non renata Monstrans hanc per physicam.
0825606a  Haec praedigna ducens signa Spernens semper et maligna Vehitur in patriam,
0825606b  O quam in terra res praedira Frater obit patris ira Sibique dat obviam.
0825607a  Vitam ejus nam spernebat Pater, tumens cor levabat Baculum exitii,
0825607b  Caedens eum violenta Manu mente non retenta Complet opus vitii.
0825608a  Soror videns fratris mortem Lacrimosam plorans sortem Patris moesta crimine,
0825608b  Delens prece patris noxam Nobis impetretque doxam, Coeli claudi lumine.
0825700   De sancta Osmana.
0825701a  Plebs fidelis jubila, Longe pellens nubila Sordis et spurcitiae,
0825701b  Fulget in ecclesia Stella stillans dulcia, Osmana, flos gratiae.
0825702a  Coelestibus flosculis Vernans a cunabulis Hausit virgo gratiam,
0825702b  Sacrae manens indolis Reliquit cum idolis Parentes et patriam.
0825703a  Sponsa Christi sedula, Sanctitatis aemula, Spe perennis gloriae
0825703b  Sola cum ancillula Stricta vixit cellula Finibus Britanniae.
0825704a  Dum se Christo dedicat, Splendor lucis emicat Jubar gerens saeculo,
0825704b  Venator hanc indicat, Dum salvatum praedicat Aprum a venabulo.
0825705a  Signis jam non infimis Effulgens quam plurimis Scandit coeli thalamum,
0825705b  Unde mittat intimis Nostri coetus animis Charismatis balsamum.
0825800   De sancto Ottone.
0825801a  Gratulare, sponsa Christi, Quae per fidem genuisti Virum tanti nominis,
0825801b  In quo pater gloriatur Et virtutes operatur, Gaude, mater nobilis.
0825802a  Plaude manu, voce clama, Antistitis per te fama Crescat et memoria;
0825802b  Crevit enim ante Deum, Qui beatum fecit eum In coelesti gloria.
0825803a  Vita cujus et doctrina Quasi stella matutina Lucet in perpetuum;
0825803b  Per te flagrat haec lucerna, Praebens iter ad superna, Deus exercituum.
0825804a  Auro fecit effulgere Vasa templi, quae fuere Vasa contumeliae,
0825804b  Dum convertit ab errore Pommeranos et squalore Gentilis perfidiae.
0825805a  Non in vase nec sub lecto Constituta sed in tecto Procul sparsit radios;
0825805b  Caritate rutilabat, Veritate fulminabat Terrens adversarios.
0825806a  Ecce Joseph fortunatus, vir accrescens et probatus In conspectu principis;
0825806b  Hic aperte declaratur, Qua virtute dirigatur Via viri simplicis.
0825807a  Otto, prudens et fidelis Dispensator qui in caelis Certo gaudes titulo,
0825807b  Ibi fruens coelibatu Nos absolvas a reatu Mortis et periculo.
0825808a  Praebe pias, pater, aures, Qualescunque sume laudes, Doctor celeberrime;
0825808b  Funde preces apud Christum, Ut instauret chorum istum Paci saluberrime.
0825900   De sancto Pancratio.
0825901a  Honoremus hodiernum Diem, regnum quo supernum Petiit Pancratius,
0825901b  Solis veri coetu junctus Et sanctorum laude functus Perenni sacratius.
0825902a  De Trojanis ortum duxit, Cujus vita mundo luxit Ex patre Clodoveo;
0825902b  Obit pater, cujus rerum Hunc haeredem fecit verum Hinc cum Dionysio.
0825903a  Manens Romae paucis annis Fidem spretam a tyrannis Capit ab Eusebio,
0825903b  Eruditus verbis sacris Fontis datur post lavacris A papa Cornelio.
0825904a  Fide Christi confirmatus Fert per mortis cruciatus Ultro se martyrio,
0825904b  Egit Diocletianus Nil cum verbis, hunc insanus Caedi jubet gladio.
0825905a  Cruor postquam funditur, Scrobe corpus conditur, Octovillam nuntius Dei spondet citius Peste liberari.
0825905b  Inquirit Hilarium, Novisset martyrium Si quem passum pridie Sub rege perfidiae, Vult hunc tumulari.
0825906a  Terrae corpus commendatur, Ubi Petrus memoratur Latuisse cedulo,
0825906b  Quo in loco sancti multi Digno satis sunt sepulti Quisque suo tumulo.
0825907a  Ecclesiam cereis, Vasis ditat aureis Suam vir insignis.
0825907b  Spiritibus animum Hujus morti traditum Aufert hic malignis.
0825908a  Mortem viro proximam Qui videbat animam Divitis monstravit,
0825908b  Et confractum puerum Rota membris tenerum Vitae revocavit.
0825909a  Hic puellam suscitavit, Quam mors dira subjugavit Missione tunicae;
0825909b  Deploraret cum tribunus Desperatum natae funus Vitam donat unicae.
0825910a  Furtum Petri dum rimatur Rex Francorum, sciri datur Per sanctum Pancratium,
0825910b  Jusjurandum in altari Fur dum jurat, aridari Suum sensit brachium.
0825911a  Viso signo condemnatur Fur, per regem veneratur Sanctus cum muneribus
0825911b  Jugo pressi boves cadunt, Salvis membris sed evadunt Plaustri cum oneribus.
0825912a  Per tres dies in ardore Stillat caput cum cruore Mirandum spectaculum,
0825912b  Templum Romae Lateranum Dum crematur per profanum Barbarorum populum.
0825913a  Per tot signa sublimatus Coelo fulget honoratus Perenni memoria.
0825913b  Adsis nobis, o Pancrati, Ut in coelo Christo grati Collocemur gloria.
0826000   De s. Paulo Eremita.
0826001a  Vitis palmes exstas verae, Vitae palmam qui sincere Cunctis praetulisti,
0826001b  Eremizans filiorum Clarum sidus, iter morum Pater exstitisti.
0826002a  O Paule, aula coeli situs, Desertae per te vitae ritus Inchoatur primitus,
0826002b  Cui junctus, unctus fruebaris, Hosanna, manna gratularis Imbui divinitus.
0826003a  Dignis digne dignum Nobis iter signum Datur per Antonium,
0826003b  Qui quaerit benignum, Cujus laude dignum Canamus praeconium.
0826004a  Amborum maceratis Genibus prostratis Se convenerantes Signum pacis dantes.
0826004b  Exhausti vi frugali Refecti vitali Pane Deo dante, Corvo ministrante,
0826005a  Visu cordis erecti Admirantes dilecti Donum, quod clarescit.
0826005b  O dulce convivium, Quo deserti civium Mens pia pinguescit.
0826006a  Sanctam post collationem Factam et orationem Antonio meante Pauloque Vale dante Petit assueta atria.
0826006b  Sic dum cellae confinia Adiret, in sublimia Cernit patris beati Mentem inthronizati Tolli polorum atria.
0826007a  Vestigia replicans, Funus agonizati Humare desiderans, Sed virtus fatigati Succumbit in labore.
0826007b  Leonum suffragio Laetatur sibi juncto, Qui sine contagio Obsequuntur defuncto Sepulto miro more.
0826008a  Veste palmarum foliis connexa, Qua tegebatur inclitus, complexa. Antonius solemnibus Hac utebatur laudibus.
0826008b  Catervam tui nominis gregatam Conserva in hoc statu illibatam, O pater, tuis precibus Nos junge coeli civibus.
0826100   In Conversione s. Pauli.
0826101a  Sonent plausus laetabundi, Plausus dulces et jucundi Virginis ecclesiae,
0826101b  Agnum enim de leone Et pastorem de praedone Christus fecit hodie.
0826102a  Admiranda redemptoris, Praedicanda salvatoris Virtus et clementia,
0826102b  Hunc agnorum fecit ducem, Qui parabat agnis crucem Et mortis supplicia.
0826103a  Spina, cui suas vestes Affixere falsi testes Et lictores Stephani,
0826103b  Jam columna templi viva, Palma, vitis et oliva Cedros aequat Libani.
0826104a  Mansuescit lupus rapax Et fit agnus et vas capax Olei laetitiae,
0826104b  Vas illimi plenum auro, Plenum gemmis et thesauro Verae sapientiae.
0826105a  In hoc vase reponuntur, Hac in arca recluduntur Secreta coelestia,
0826105b  Hic abyssus abyssorum Et hic coeli sunt coelorum, Cuncta quoque media.
0826106a  Saulus, hoc vas tam praeclarum, Caedis aduc et minarum Spirans in discipulos,
0826106b  Ut inferret necem eis, Ibat missus a Judaeis Per urbes et populos.
0826107a  Ecce venit vox de sursum, Quae divertit lupi cursum A mactandis ovibus:
0826107b  Saule, quid me crucifigis, Quid me mactas et affligis In meis fidelibus?
0826108a  Ad hanc vocem exturbatus Et ad humum jam prostratus: Quisnam, inquit, loqueris?
0826108b  Ego Jesus Nazarenus, Quem tu ferox et effrenus In membris persequeris.
0826109a  Durum tibi calcitrare, Durum tibi repugnare, Saule, contra stimulum;
0826109b  Resipiscens esto fortis, Nam oportet pro me mortis Te gustare poculum.
0826110a  Delegatur Ananias Ad monstrandum Paulo vias Et calles justitiae;
0826110b  Pulsa nube falsitatis, Sumpta luce veritatis Fit doctor ecclesiae.
0826111a  Verbum Dei jussus ferre Perlustrabat orbem terrae, Convertit Ephesios,
0826111b  Thessalonas, Philippenses, Philadelphos, Colossenes, Galathas, Corinthios.
0826112a  Hinc descendens ad Romanos, Impugnando ritus vanos Per fidem catholicam
0826112b  Petro junctus in agone, Mortem passus sub Nerone, Arcem intrat coelicam.
0826113a  Ergo cuncti gratulemur Et hunc diem veneremur Ob Pauli memoriam,
0826113b  Ut nos Christus sua prece Emundatos omni faece Perducat ad gloriam.
08261a04b Ex Benjamin sumptum sacro Vas celatum ex argento Regis ministerio.
08261a13a Pelle nubem falsitatis, Redde lucem veritatis, Paule, nostris cordibus.
08261a13b Sis protector, sis defensor, Tuo gregi sis praecessor Ad coelestem patriam.
0826200   In Conversione s. Pauli.
0826201a  Ad honorem regis justitiae Gratuletur matris ecclesiae Devotio.
0826201b  Paulus nobis fit vox laetitiae, Cujus reis reddit spem veniae Conversio.
0826202a  Synagogae Saulus obsequitur, Instat, furit atque persequitur Servos Dei.
0826202b  Dum velamen observat literae, In hoc laudant, quod agit temere, Pharisaei.
0826203a  Putans legis tenere stadium Vendicare vult sibi bravium Cursu caeco.
0826203b  Sic dum cursum transcurrit sceleris, Clamat: Saule quid me persequeris, Summus praeco.
0826204a  Clamat pater misericordiae, Sic confringit vas contumeliae, Vas erroris.
0826204b  Jesus noster vas frangit luteum, De fragmentis vas reddit aureum, Vas honoris.
0826205a  Saulus cadit, Paulus erigitur, Novus homo conscius nascitur Angelorum.
0826205b  Sensum Sauli Christus excarcerat, Fit dux Christi, qui prius fuerat Dux malorum.
0826206a  Persecutor Christi fidelium Jam respirat ad evangelium Doctor verus.
0826206b  Visu clauso carnalis hominis Soporatur gremio virginis Rhinocerus.
0826207a  Ananiae domo recipitur, Squammae cadunt et lumen redditur Oculorum.
0826207b  Veritatis dum lumen recipit, Confortatur et cultum despicit Judaeorum.
0826208a  Synagogae sic ritum abdicat, Christum colit, quem natum praedicat Ex Maria.
0826208b  Sed non credit gens implacabilis, Quam obfuscat indissolubilis Versutia.
0826209a  Paulus magis instat et instruit, Opportune obsecrat, arguit, Importune,
0826209b  Ut de malis electos pariat, Crucifixi regnum pronuntiat Non commune.
0826210a  Fame, siti, verbere, vinculis Affligitur, sed tot periculis Stat securus.
0826210b  Sic pro Christo capite plectitur, Pro sanguine lactis elicitur Liquor purus.
0826211a  Ergo, Paule, doctor egregie, Qui pro regno coelestis patriae Sic vicisti,
0826211b  Servos tuos in hac miseria Laborantes dignos fac gratia Jesu Christi.
0826300   De sancto Paxentio.
0826301a  Christo laudes haec caterva nunc personet cum dulci melodia,
0826301b  Celebrando solemnia Paxentii, quae stat cunctis annua.
0826302a  Dies namque adest, in qua olim dira pertulit pro Christo supplicia
0826302b  Et ad beata transivit regna, quem Christus mira coronavit gloria.
0826303a  Haec sunt genera tormentorum saeva, quae pertulit fortis athleta:
0826303b  Flammas, verbera asperrima ferasque, carceris antra turbida,
0826304a  Et pondera ferri, quae facta sunt ut cera liquida,
0826304b  Acutique ferri fixuram, et si quae sunt plurima.
0826305a  Luce remota linguaque abscissa, mente robusta,
0826305b  Voce jucunda ait contemnendo jussa regia:
0826306a  Tu, inquit, o inique, devictus quaenam ultra poteris submittere mihi tormenta?
0826306b  Non in me quaeras posse habere, si non ita feceris, quod ex ense peream vita.
0826307a  Percussus visa est ut columba ejus anima
0826307b  Pergere beata ad aeterna coeli gaudia.
0826308a  In quibus felix nunc gaudens regnat et refulget in aeternum luce perpetua.
0826308b  Cujus, o Christe, prece benigna servos tuos in celsam duc coeli patriam.
0826309a  Quo laetantes una secum per secula decantemus voce clara Alleluja.
0826309b  Molestia nec lacrima invenietur in illa, pax in ea erit summa,
0826310   Et jucunditas aeterna; hanc cingant cuncta creata atque renata.
0826400   De sancto Petro.
0826401a  Petro psallat laetabundus Noster coetus et jucundus Prorumpat in gaudium,
0826401b  Nostri chori dulce melos Laude digna pulset caelos Petri pro victoria.
0826402a  Psallat voce plebs jucunda, Gens a faece mundi munda Exsultet in gloria;
0826402b  Laudes pandat vox sonora, Pangat orbis et canora Reboet harmonia.
0826403a  Post accepta Christi dona In mandata Christi prona Dispergantur agmina,
0826403b  Christi donis jam imbutus Romam Petrus adit tutus, Cujus delet crimina.
0826404a  Prius polis plena dolis Christum pura mente colis Patroni praeconio,
0826404b  Christi cultrix, Roma, gaude Ac Patroni digna laude Laetare praesidio.
0826405a  Plebs fidelis veneratur Petrum, Simon cruciatur Livoris incendio,
0826405b  Et oppugnans Petrum magus Per inane fertur vagus Daemonum ludibrio.
0826406a  Sed ad saxum fractis costis Prece Petri ruit hostis, Dira fugit legio;
0826406b  Morte Magi Nero gemit Ac athletam Christi premit Crucis in supplicio.
0826407a  Dirae spernens jura mortis Petrus gaudet victor fortis Crucis in patibulo;
0826407b  Regis minas spernens trucis Diros premit hostes crucis Munitus signaculo.
0826408a  Quem absolvit verus agnus, Ferus damnat hunc tyrannus Injusto judicio;
0826408b  Agnum trahunt lupi truces, Tortor dirus parat cruces Neronis imperio.
0826409a  Crucem videns salutavit Sic: Crux ave, per quam lavit Christus orbis scelera;
0826409b  Olim ara damnatorum, Spes et scala nunc justorum, Crux, salve fructifera.
0826410a  Crucifixus obit laetus, Desolatus plangit coetus Pro patris absentia,
0826410b  Gratulatur rex insanus Et cum rege dira manus Fera fremunt gaudia.
0826411a  Jam relicta mundi mola De secura certus stola Migrat ad coelestia;
0826411b  O coelestis rector aulae Et cum Petro sancte Paule Nostra dele vitia.
0826412   Nostrum, Petre, salva chorum, Sordes tolle delictorum Tolle quoque noxia.
0826500   De sancto Petro.
0826501a  Pasce, Petre, oves Christi, Quas in cura suscepisti, Nam a Christo ter audisti, Ut sis pastor ovium.
0826501b  Tu es petra fundamenti, Tu columna firmamenti, Firma robur nostrae menti Tuum per praesidium.
0826502a  Claves coeli, Petre, geris, Nomen Petri promereris, Dum de Christo confiteris, Quod sit Dei filius.
0826502b  Plenitudo potestatum Tibi datur et est ratum, Quidquid ligas, est ligatum Omni vinclo firmius.
0826503a  Quidquid solvis, est solutum, Quod tueris, hoc est tutum, Ad solius Dei nutum Frenans moderamina.
0826503b  Ergo nostri miserere Et ope precis sincerae Solve culpas et tuere Devotorum agmina.
0826600   De ss. Petro et Paulo.
0826601   Dies ista, dies laeta, Laetos facit absque meta Pro sanctorum gloria.
0826602a  Petrus petram sequens Christum, Vilem mundum spernens istum Mundi spernit gaudia.
0826602b  Lupus rapax olim Saulus, Mitis agnus fit mox Paulus Visitantis gratia.
0826603a  Firmat gressus Petrus claudi Nec adscribit suae laudi Sed Christi potentiae;
0826603b  Firmat Paulus verbum vitae, Docte docet gentes rite Semitam justitiae.
0826604a  Aegros umbra Petri sanat, Ima levat, alta planat Pastoris officio,
0826604b  Malesanos Paulus mores Sanat, pandit fructus, flores Ex legis commercio.
0826605a  Damnat Petrus simoniam, Nam mentitum Ananiam Neci dat et sociam;
0826605b  Damnat Paulus caecitate Magum plenum, pravitate Suamque malitiam.
0826606   Cruce Petrus gloriatur, Ense Paulus coronatur Corona justitiae; Rex laudetur gloriae.
0826700   De ss. Petro et Paulo.
0826701   Summa summi luminis lumina, Alleluja,
0826702a  Petrus re ac nomine, Paulus verbi flumine Tubae movent geminae Jacob castra.
0826702b  Jesu comparticipes, Principum sunt principes Hi Sion municipes Super astra.
0826703a  Duces missi ut promissi, Israeli claves caeli, Mundo luminaria,
0826703b  Sion montes, Helim fontes, Gemmae regis, manna gregis, Sponsi duo labia.
0826704a  Olivae gratiae, Candelabra gemina,
0826704b  Misericordiae Viri solvunt crimina.
0826705a  O patres, o matres, O pia ubera, Mundo necessaria.
0826705b  O Petre, o Paule, Primi clementia, Nos replete gratia.
0826706a  Petre, tuos duc ad petram, Paule, sedem ad quietam, Ubi demus Et cantemus Cantica continua.
0826706b  Petre, vide ut visus es, Paule, trahe ut tractus es, Ambo prece Nos a nece Rapite perpetua.
0826707   Amen dicant omnia.
0826800   De ss. Petro et Paulo.
0826801a  Clari duces nostrae spei Nocti praesunt et diei Duo luminaria:
0826801b  Petrus diem Judaeorum, Paulus noctem paganorum Morum ornant gratia.
0826802a  Coelum terris patefiat, Ut sic terris notum fiat Istorum felicitas,
0826802b  Ut mens nostra jucundetur Et jucunde celebretur Eorum solemnitas.
0826803a  Super thronum majestatis Igne pleni caritatis Seraphim conjubilant,
0826803b  Senis alis supportati Concinentes trinitati Laudibus invigilant.
0826804a  Isti duo sunt olivae, Duae virgae directivae, Duae legis tabulae;
0826804b  Duae tubae resonantes, Duae templum supportantes Columnae non tremulae.
0826805a  Signa Petri, Pauli verba Nunquam vicit mens superba Quocunque certamine,
0826805b  Petrus jussu magum stravit, Coelos Paulus penetravit Dei raptus flamine.
0826806a  Demum palmam de Nerone Reportantes in agone Felicis victoriae,
0826806b  Cruce Petrus, Paulus ense Pervenerunt ad immensae Principatum gloriae.
0826807a  Horum trahat nos doctrina De terrenis ad divina, De poenis ad praemia,
0826807b  Ut cum ipsis congaudentes Deo semper adhaerentes Laetemur in gloria.
0826900   In festo s. Petri ad vincula.
0826901a  Alma virtus salvatoris, Laxa rete piscatoris Ad salvandas animas,
0826901b  Duc ad portum cymbam Petri, Ne demergant fluctus taetri Hanc ad partes infimas.
0826902a  Hic a petra Petri nomen Est adeptus trahens omen Inde firmi nominis,
0826902b  Christum, verbum incarnatum, Clara voce Dei natum Testatur et hominis.
0826903a  Inter primos hunc priorem Ceterisque celsiorem Rex coeli constituit,
0826903b  Claves coeli reserandi Et in terra jus ligandi Solvendique tribuit.
0826904a  Caeci, claudi deponuntur In plateis et feruntur Ad Petri praesentiam;
0826904b  Quem ancillae vox prostravit, Post furentis non expavit Neronis amentiam.
0826905a  Aegros umbra Petri sanat, A tam sancto tanta manat Virtutis potentia.
0826905b  Nos illius Petri prece A peccati munda faece, Divina clementia.
0827000   De sancto Prejecto.
0827001a  Gaude prole, Francia, Gaudeat ecclesia Corde, voce, cantibus;
0827001b  Prejectus prae nimia Sanctitate praevia Gaudet in coelestibus.
0827002a  Speciali gaudio Gaudet tota regio Et praesens collegium,
0827002b  Majus omni pretio Cum honore nimio Habens ejus digitum.
0827003a  Juxta patrem positus Prejectus, vir inclitus, In martyrum rutilat,
0827003b  Propter quod praecipue Locus hic assidue Christo laetus jubilat.
0827004a  Hic adhuc infantulus Christi cultor sedulus, Verbis ejus credulus, Ut monstravit opere.
0827004b  Sanctitatis aemulus Caecis fuit oculus, Claudis spes et baculus In orbis itinere.
0827005a  Mundum sprevit, in hoc crevit Semper virtus et quievit Ejus sub regimine.
0827005b  Vulgo carus, malis ferus Bonis dulcis, non austerus, Expers omni crimine,
0827006a  Omne genus paupertatis Hic immensae caritatis Suis fovet opibus.
0827006b  Viduis et peregrinis Cibos dabat et benignis Affluens visceribus.
0827007a  Hunc populum educavit Et, quod ore praedicavit, Semper adimplens opere, Ne possit illud spernere.
0827007b  Regnum mundi abjiciens Et in Franciam transiens Ibi pro Christo moritur, Cum quo nunc ipse fruitur.
0827008a  Servos serva, regnum rege Tu, qui cum coelorum rege Regnas, per quem in saecula Tot fiunt miracula.
0827008b  Caecis visum reddidisti, Curvos sursum erexisti, Furiosis praestitisti Sensum prece sedula.
0827100   De sancta Radegunde.
0827101a  Laudat laude speciosa, qui divina gratia
0827101b  Liberatus a reatu tendit ad coelestia
0827102a  Atque certa spe contendens despicit terrestria,
0827102b  Quae sub sole vanitatum vanitas sunt omnia.
0827103a  Decor laudis vitae modus, legis observantia,
0827103b  Quae virtutum diversarum fit munificentia.
0827104a  Nam ad hoc opitulatur elegans prudentia
0827104b  Et dispensans agendorum causas temperantia.
0827105a  Et quae sua sunt reddendi singulis justitia,
0827105b  Fortitudo resistendi contra quaeque vitia.
0827106a  Omnis aetas et uterque sexus salutaria
0827106b  Deo speciosae laudis offert sacrificia.
0827107a  Non conditionem ullam neque popularia
0827107b  Cujusque professionis respuit officia.
0827108a  Nemo prorsus est exceptus ab hac laudis hostia,
0827108b  Qui vel mente legi Dei servit cum fiducia.
0827109a  O beata Radegundis, cujus haec solemnia
0827109b  Celebramus, mundi festum ejusque contagia
0827110a  Declinavit et probrosae vitae lenocinia,
0827110b  Carnem suam crucifigens cum concupiscentia.
0827111a  In hac valle lacrimarum cuncta transeuntia
0827111b  Aeternorum caritate reputavit vilia.
0827112a  Habens gemitum pro cantu, hymnum in tristitia,
0827112b  Congaudere cum electis meruit in gloria.
0827113a  Quo nos quoque festinemus, ut post haec exsilia
0827113b  Ipsa interveniente laetemur in patria.
0827200   De sancto Rainaldo.
0827201a  Ex radice caritatis, Ex affectu pietatis Concinat ecclesia,
0827201b  Psallat ore, psallat voto, Recensendo corde toto Reinoldi solemnia.
0827202a  Corpus hujus nobis datum Per fideles est allatum Ab urbe Colonia,
0827202b  Interventu spiritali Et ipsius corporali Fruimur praesentia.
0827203a  Hic Heymone patre natus, Mundanorum sublimatus Opum affluentia,
0827203b  Christum sequens praeceptorem, Mundi cordis amatorem, Fugit transitoria.
0827204a  Mundi pompam abdicavit, Carnis aestum edomavit Jugi parsimonia,
0827204b  Gradu fructus regulari Per virtutum sublimari Meruit insignia.
0827205a  Claudos gressu roboravit, Caecis visum restauravit Prece salutifera,
0827205b  Febri morbis imperavit, A defunctis relevavit Vitae reddens mortuum.
0827206a  Aegra lues dum grassatur Et afflicta cruciatur Gens Rheno contigua,
0827206b  Per hunc morbo destituti Sunt optatae consecuti Salutis remedia.
0827207a  His dum haeres verae lucis Signis claret, Christi crucis In se ferens stigmata,
0827207b  Dira morte cruentatus Scandit coelos laureatus Ascensu purpureo.
0827208a  O Reinolde gloriose, Tui mortis pretiosae Dulcis est memoria,
0827208b  Nos a mundi serva malis, Ne nos amor mundialis Mergat in flagitia.
0827209a  Una voce, mente pari Nos honore singulari Te studentes venerari, Dum versamur in hoc mari, Exhibe suffragia.
0827209b  Ne permittas spe frustrari, Quibus potes suffragari, Fac nos Christo praesentari, Ut hunc tecum contemplari Possimus in gloria.
0827300   De sancto Regulo.
0827301a  Laudes tui praesulis Altisonis modulis Pange, chorus, inclita;
0827301b  Recolamus pariter Recolenda jugiter Tanti patris merita.
0827302a  Hic est ille Regulus, Cui dedit discipulus Fidei primordia;
0827302b  Qui dilectus amplius Divina fecundius Est perfusus gratia.
0827303a  Romam, caput urbium, Quaerens Dionysium A Mycenis venerat,
0827303b  Cum quo vel cum ceteris Sociis itineris Arelaten properat.
0827304a  Ubi pastor residens Signum vidit evidens De sanctorum gloria,
0827304b  Quemque suo nomine Monstrant colla sanguine Columbarum varia.
0827305a  Subrogato praesuli Curam tradit populi, Ut sequatur praevia Sanctorum vestigia,
0827305b  Habens desiderium Horum per martyrium Mercari consortia In coelesti curia.
0827306a  Virga fregit Et redegit In favillam Juxta villam Lauram gentis idola,
0827306b  Sic per eum Est ad Deum Mox conversa Universa Patriae gens incola.
0827307a  In asellum sancti viri, Qua subintret, quaerit diri Daemonis astutia,
0827307b  Sed malignum mox fugavit Crucis signum, quo signavit Pede terram bestia.
0827308a  Fores clausae reserantur Et captivi liberantur De carceris angustia Ad praesulis imperia.
0827308b  Fons e terra salit vivus, Cujus large fluens rivus, Grata ministrat pocula Duratura per saecula.
0827309a  Ora ranis claudit sanctus, Uni tamen data cantus Est soliti licentia Ob facti testimonia.
0827309b  Locum sanctae sepulturae Ferae petunt et securae Cum populi frequentia Veniunt ad solemnia.
0827310a  Pie pastor, summum regem Erga tuum placa gregem Et hunc chorum Famulorum Duc ad vitae pascua.
0827310b  Offer illi pia vota, Mente fiunt quae devota, Ut te duce Tecum luce Fruamur perpetua.
0827311   Amen dicant omnia.
0827400   De sancto Remigio.
0827401a  Laetabundus Remigio decantet chorus, Alleluja,
0827401b  Regi regum Fidele qui legit lucrum, Res miranda.
0827402a  Per virtutis meritum Depulit interitum Voce trina,
0827402b  Depulit daemonia Ab obsessis valida. Vi divina.
0827403a  Corpora debilia Sanat per suffragia Huic concessa.
0827403b  Non obstabat caecitas Vis nec imbecillitas Indefessa.
0827404a  Prophetarum socius, In miris apostolus, Valle nostra
0827404b  Martyrum vestigia Sequitur per omnia Carne sumpta.
0827405a  Leprosos purificat, Franciam corroborat, Per fidem quod desinit Esse caeca.
0827405b  Claudis gressum reparat, Nova mira suscitat, Quae colit ecclesia Fide digna.
0827406a  O patrone pie, Plebi miserere, Duc ad agalmata Coelestia.
0827406b  Ubi cum sophia Laeta symphonia Decantemus Alleluja.
0827500   De sancta Scholastica.
0827501   Ave germana fratris electi, Ad mundi vana nesciens flecti.
0827502a  Annis tennella, Cana profectu, Lucens ut stella, Fervens affectu Anhelas ad Dominum.
0827502b  Haec transitura Spernis prudenter, Et ad mansura Currens ardenter Exemplar es hominum.
0827503a  Coeli bona quaerens, In lacrimis serens Exultando metis;
0827503b  Tenes Benedictum Tempestate victum Ut a Christo petis.
0827504a  Monstravit haec virtus, Munditiae myrtus, Quam Deo placeres, Dum sic praevaleres Fratri tam electo.
0827504b  Tu coeli districtrix Victorisque victrix, Cum fratrem compellis Tuo sic procellis Pernoctare tecto.
0827505a  In specie columbae cerneris, Dum transiens ad coelum duceris De lacu faecis et miseriae, Tu nos Dei reforma gratiae
0827505b  Inter coeli jam vernans lilia Tu miseris confer auxilia, Memor esto germanae sobolis, Eam prece junge coelicolis.
0827506a  Virgo labe carens, Sponsa Christi clarens Velut aurora,
0827506b  Paradisi civis, In quo laeta vivis, Sponsum tuum ora,
0827507   Ut a mundi nos immundo Pie liberet profundo Et in luce sedula Collocet per saecula.
0827600   De sancto Sigfrido.
0827601a  Salve, gemma confessorum, Vas virtutum, praelatorum Speculum et gloria;
0827601b  Salve pater orphanorum, Tu sanctorum doctor morum, Plenus omni gratia.
0827602a  In deserto vastitatis Hortum plantat voluptatis Rex misericordiae,
0827602b  Noctem fugat tenebrarum Per Sigfridum sole clarum Radiante Sueciae.
0827603a  Imitator sacram Christi Viam nobis ostendisti, Quae ducit ad gaudia,
0827603b  Hanc sequamur te petente, Ne cum ruit mors, repente Stringant nos supplicia.
0827604a  Non est hic in mundo mundus Neque quem non trahat mundus, Caro vel daemonia;
0827604b  Sed qui morbos omnes sanas, Sana nostras mentes vanas Procul pellens vitia.
0827605a  Nos in hujus vitae via Ducas, pater, via dia, Quae ducit ad patriam,
0827605b  Et post statum paupertatis Mereamur cum beatis Sempiternam gloriam.
0827700   De sancto Sigismundo.
0827701a  Verbum Dei, verbum bonum, Mundae rei mundum donum, Summae spei summum bonum, Cuncta laudent saecula.
0827701b  Per quod regis Sigismundi Cordis, oris actus mundi Cursu renascentis mundi Rutilant miracula.
0827702a  Natus regis Gundebaudi Coeli regis instat laudi, Restat zabolinae fraudi Cultor innocentiae.
0827702b  Functo patre rex levatur, Sicque suis dominatur, Ut rex mitis videatur Vir mirae clementiae.
0827703a  Hostes instant, profugatur, Solo latet, tonsuratur, Dolo tentus trucidatur Mersus luto putei.
0827703b  Signa produnt, translatatur, Febris, pestis effugatur, Morbus quilibet curatur Pro virtute fidei.
0827704a  Martyr Christi, rex insignis, Cum uxore, natis dignis, Victis hostibus malignis Jam tenens coelestia,
0827704b  Congaudentes tuis signis Per aquas et aestus ignis Fusis precibus benignis Duc ad refrigeria.
0827800   De sancto Sigismundo.
0827801a  Clarus dies et decorus Nobis fulsit, psallat chorus Natali concordia,
0827801b  Psallant omnes laetabundi, Ad beati Sigismundi Festiva solemnia.
0827802a  Qui secutus Christum, ducem Novum novus miles, crucem Suis figit humeris.
0827802b  Paupertatis intrat scholam Et regalem ponit stolam Spe divini muneris.
0827803a  Rex ad bonum animatus, Ut sit regi regum gratus, Thebaeis martyribus
0827803b  Offert pio voto mentis Regnum suum et nongentis Victum parat fratribus.
0827804a  Cum vir bonus cedit malis, Super montem Verisalis Struit domicilium,
0827804b  Spernit mundum, sitit Deum, Tandem Deus vocat eum Ad se per martyrium.
0827805a  Morti datur, sed post mortem Sanctus in sanctorum sortem Transit Agaunensium,
0827805b  Quibus vivus deservivit, Cum his et post mortem vivit In terra viventium.
0827806a  In qua sanctis adaequatur Et beatus coronatur Martyr cum martyribus,
0827806b  Nec indigne, quia datur, Ut pro Christo patiatur, Perfidis tortoribus.
0827807a  Ob quo donis illustratur, Mira quibus operatur Virtute deifica,
0827807b  Nam qui mundus hunc precatur, Votis suis non frustratur Per ipsius merita.
0827808a  Sigismunde, martyr Dei, Ora Deum, ut nos rei Mereamur veniam,
0827808b  Nos immundos mundi faece Duc mundatos tua prece Ad coelestem patriam.
0827900   De sancto Sigismundo.
0827901a  Ad praeclara festa regis Currant oves Christi gregis Psallentes cum laetitia,
0827901b  Cedant irae ceu cavilla, Surgant lyrae, surgant illa, Quae sunt absque moestitia.
0827902a  Nam totius auctor mundi Per merita Sigismundi Illustrat Allemanniam,
0827902b  Vox resultans sit sonora, Cantet, laudet sine mora Salvatoris clementiam.
0827903a  Hic vir sprevit suam gentem In se videns hanc furentem Pro justis operibus,
0827903b  Instat rite vigiliis, Maceratur jejuniis Intentus coelestibus.
0827904a  Burgundones ut praedones Armigati Sibi Francos alliciunt,
0827904b  Et variis obsequiis Obligati Sese Francis subjiciunt.
0827905a  Novus Judas, Carpsta dictus, Nequitiae dolis victus Regem suum prodidit, Vinctum Francis tradidit.
0827905b  Heu, quid fecit hic profanus, Qui injecit suas manus In Domini militem, Pietatis formitem.
0827906a  Demum vinctus deducitur, Conjux, proles assequitur, Ense cervix abscinditur, Sic omnibus non parcitur, Clam puteo submerguntur.
0827906b  Triennio latentia Corpora innocentia Divina providentia, Angelica praesentia Illic plerumque junguntur.
0827907a  Vident Christi famuli Lampades ardentes, Currunt ibi populi Dona cupientes;
0827907b  Caeci, claudi redeunt Sani, salientes, Alternatim veniunt Idem referentes.
0827908a  Domino favente Angelus repente Dirigitur coelitus, Praecipitque reverendo, Patri dicto Venerando Hos extrahi funditus.
0827908b  Tunc inviolata Corpora celata De puteo extrahunt, Atque Christo variarum Actiones gratiarum Cum laudibus referunt.
0827909a  Turba videns talia Stupet et miratur, Quanta mirabilia Christus operatur.
0827909b  Ad Agaunum deferunt Corpora sanctorum, Multi quoque deserunt Ritus idolorum
0827910a  Febres sedant varias, Medentur miserias, Has praestant et alias Virtutes eximias.
0827910b  Edax crepat vipera, Nam et regis opera, Per haec atque cetera Multi scandunt aethera;
0827911a  Ubi lux est non mutanda, Canentium vox miranda, Laus varia, Pax gloria, Fulget vultus Deitatis Perpetuae claritatis.
0827911b  Ad quem statum nos perducat Jesus Christus et inducat, Post exitum Det aditum, Ut cum sanctis coronati Simus atque laureati
0827912   In perenni gloria. Amen.
0828000   De sancto Stephano.
0828001a  Mundus heri laetabuntur sub Christi praesentia,
0828001b  Nunc recenti recitatur Stephani memoria.
0828002a  Post aeterni temporale Regis natalitium
0828002b  Celebremus triumphale Militis martyrium.
0828003a  Heri chorus angelorum Prosecutus est coelorum Regem cum victoria,
0828003b  Nunc coelestes gaudent chori, Praesentantes salvatori Stephanum cum gloria.
0828004a  Protomartyr et levita, Clarus fide, clarus vita, Clarus et miraculis,
0828004b  Proponebat verbum vitae Plebi minus eruditae Resistens incredulis.
0828005a  Dissecantur cordibus, Strident in hunc dentibus Viperarum filii;
0828005b  Falsos testes statuunt Et linguas exacuunt In verba mendacii.
0828006a  Agoniza, nulli cede, Certa certus de mercede, Persevera, Stephane,
0828006b  Insta falsis testibus, Confuta sermonibus Synagogam Satanae.
0828007a  Testis tuus est in caelis, Testis verax et fidelis, Testis innocentiae;
0828007b  Nomen habes coronati, Te tormenta decet pati Pro corona gloriae.
0828008a  Pro corona non marcenti Perfer brevis vim tormenti, Te manet victoria;
0828008b  Tibi fiet mors vitalis Tibi poena terminalis Dat vitae primpordia.
0828009a  Plenus sancto spiritu, Penetrat intuitu Stephanus coelestia;
0828009b  Videns Dei gloriam, Crescit ad victoriam, Suspirat ad praemia.
0828010a  En a dextris Dei stantem Jesum, pro te dimicantem, Stephane, considera;
0828010b  Tibi coelos reserari, Tibi Christum revelari, Clama voce libera.
0828011a  Deponentes falsi testes Ante pedes Sauli vestes Saxa rotant saxei,
0828011b  Gens ignara pietatis, Cur insontem lapidatis Assertorem fidei?
0828012a  Ne peccatum statuatur His, a quibus lapidatur, Genu ponit et precatur Condolens insaniae.
0828012b  In Christo sic obdormivit, Qui Christo sic obedivit Et cum Christo semper vivit Martyrum primitiae.
0828013a  Martyr, cujus est jucundum Nomen in ecclesia,
0828013b  Languescentem fove mundum Coelesti fraglantia.
0828100   De sancto Stephano.
0828101a  Unus amor et una concordia, una est et caritas.
0828101b  Unum Deus amat, dilecto unica singularis caritas.
0828102a  Tantum ea, quae nectit unitas, servat caritas.
0828102b  Quae dissipant lis et discordia, fugat caritas.
0828103a  Martyria, eleemosynas, angelorum hominumque linguas probat caritas.
0828103b  Manent tria: fides, spes, caritas; major horum exstat Deo coaeterna caritas.
0828104a  Ut Christus nostram vellet gestare formam, suasit caritas.
0828104b  Ut coeli claram Stephanus intret aulam , fecit caritas.
0828105a  O Domine, o quem fecit nostra petere ima insita tibi caritas.
0828105b  O Stephane, o quem dedit celsa scandere aethra impensa ejus caritas.
0828106a  Credit cuncta, suffert universa atque sustinet cuncta caritas.
0828106b  Non est vana, non ambitiosa, non quaerit sua lucra caritas.
0828107a  Est ipsa et flamma et lampas, ignis, carbo, caritas.
0828107b  Est pater, est et patris doxa, flamen sanctum caritas.
0828108   Monas-tria est caritas.
0828200   De sancto Stephano.
0828201a  Alabastrum frangitur, Nardus odorifera Nostra curet vulnera, Quae late diffunditur; Nam sinapis teritur, Dum Stephanus patitur.
0828201b  Dum regnantem inclitus Martyr Jesum praedicat, Excaecatos indicat Doctos legis penitus Et exosos coelitus Acta probans exitus.
0828202a  Dum legis mysteria Caecis martyr aperit, Crassa multum operit Illis ignorantia, Tumens insolentia Et fervens insania.
0828202b  Lapidei lapides In martyrem colligunt, Quod in ipsum dirigunt. In his nunquam desides Invenit impietas Populum aut praesides
0828203a  Dum saevit injuria, Dum damnatur innocens, Evidenter edocens Monstrat innocentia, Quantum in angustia Prosit patientia.
0828203b  O miranda caritas, Flexis orat genibus Pro persecutoribus; Has incessit semitas Via, vita, veritas, Calciata deitas.
0828204a  Laqueus conteritur, Liberatur spiritus, Ad actorem coelitus Proprium revertitur, Optata spe fruitur, Dum carcer dissolvitur.
0828204b  Obdormivit igitur Sempiterna requie, Dumque somnus hodie Laetanter recolitur Et odor respergitur, Alabastrum frangitur.
0828300   De sancto Stephano.
0828301a  Adest nobis lux benigna, In qua tot et tanta signa Fecit et prodigia
0828301b  Verus hic Israelita, Protomartyr et levita, Veritate praevia.
0828302a  Domus supra petram sita, Sicut probat ejus vita Corruscans miraculis.
0828302b  Superavit hic Judaeos Affirmans, quod unus theos Regnaret in populis.
0828303a  Stephanus dum lapidatur, Genu flexo deprecatur Pro se lapidantibus;
0828303b  Jesum vidit se vocantem A dextrisque Dei stantem Cum sanctis spiritibus.
0828304a  Martyr fide stat securus, Suum Deo redditurus Inter ictus spiritum.
0828304b  Stephane, sit tibi cura De nobis atque procura Cum supernis aditum.
0828400   In Inventione s. Stephani.
0828401a  O athleta gloriose, Protomartyr pretiose, Nostrae laudes, nostrae prosae Fiant tibi gratiosae, Quas cantamus hodie.
0828401b  Qui pro turba lapidante Corde rogas miserante. Intercede pro peccatis Apud fontem pietatis Et misericordiae.
0828402a  Sanctus iste Pro te, Christe, Morti fuit traditus.
0828402b  Mors illius Est ipsius Ad vitam introitus.
0828403a  Fide vera, Spe sincera, Caritate praeditus,
0828403b  Stat invictus Inter ictus Et hostiles fremitus.
0828404a  Veritatis inimici, Contumaces et iniqui, Audientes contradici, Quod in lege sentiunt,
0828404b  Virum damnant eloquentem, Virum justum et prudentem Et in virum innocentem Lapides projiciunt.
0828405a  Vir insignis, Pro malignis Et indignis supplicas,
0828405b  In quo mentis Condolentis Pietatem indicas.
0828406a  Vir profanus In te manus Intulit maleficas
0828406b  Ex hoc, quia De Maria Christum natum praedicas.
0828407a  Pro nefandis inimicis: Parce precor, Jesu, dicis; Pro quibusdam exaudiris, Adimpletur quod requiris, Nam Saulus convertitur.
0828407b  Res est nova, signum magnum, Lupus versus est in agnum, Persecutor Saulus ante Praedicator te precante Factus esse dicitur.
0828408a  O Judaee, quare saevis, Poena levis, parva, brevis, Merces erit maxima;
0828408b  Corpus potes fatigare, Tormentare, flagellare, Nil potes in anima.
0828409a  Fac, quod dicis, vel fac pejus, Tibi noces, factus ejus Fornax purgatoria.
0828409b  Ima mittat pro supernis Et pro bonis sempiternis Bona transitoria.
0828410a  O Judaee insensate, Sicut lapis indurate, Venenate, non est mirum, Si diffundis virus dirum In virum innoxium.
0828410b  Litem paras et certamen, Sed paratum est solamen, Coelum sibi reseratur Et in coelo contemplatur Stantem Dei filium.
0828411a  A Judaeo lapidaris Et a Deo coronaris, Martyr prime martyrum:
0828411b  Salvatorem tuum vides, Magnum tibi magna fides Praeparavit praemium.
0828412a  Post pressuram torcularis, Quasi vinum deportaris Patris in cellarium.
0828412b  Necem passus temporalem Faecem ponis corporalem, Purus intras dolium.
0828413a  In supernis gloriaris, Trinitatem contemplaris, Hoc est summum gaudium;
0828413b  Ergo, martyr venerande, Prosint nobis preces blandae, Prosit et obsequium.
0828414a  Post praesentis vitae cursum Servos tuos trahe sursum Ad coeli palatium.
0828414b  Ubi quies est perennis, Ubi dies est solennis, Pax jugis et otium.
0828415   Ubi vitae longitudo, Ubi tota multitudo Est vere laetantium.
0828500   In Inventione s. Stephani.
0828501a  Sacri gleba corporis Longo lapsu temporis Viluit incondita,
0828501b  Ferarum et avium Terraeque reptilium Morsibus exposita.
0828502a  Nec avis nec bestia Nec terrae reptilia Praesumpsit contingere,
0828502b  Quem occidit impia Gentis contumacia Obstinato scelere.
0828503a  Sed in Caphargamala, Cui gens acephala Denegavit tumulum,
0828503b  Quievit reconditus, Luciano cognitus Tandem per miraculum.
0828504a  Incalati specie, Rosarum effigie Revelari decuit,
0828504b  Qui quasi flos roseus Flagrans et purpureus Martyrio floruit.
0828505a  Revelatus saeculis Cavet a periculis Tenebrosi temporis,
0828505b  Corruscans miraculis Suffragetur famulis Sacri gleba corporis.
0828600   De sancto Suitberto.
0828601a  Diem festum celebremus, Qui Suiberti congaudemus Spiritali gloriae,
0828601b  Qui salutem praedicavit, Per quem fides germinavit In terra Germaniae.
0828602a  Huc ab Anglis destinatus, Willibrordo comitatus Et decem discipulis,
0828602b  Est eisdem praerogatus Et ad sacram sublimatus Digitatem praesulis.
0828603a  Hoc adscribi debet isti, Quod professi fidem Christi Sunt Boructuarii;
0828603b  Debellantes gentem talem Sedem Verdae cathedralem Subverterunt impii.
0828604a  Sed Blitrudis intercessit, Et Pipinus huic concessit Verdam, quae est insula.
0828604b  Ibi sacram vitam gessit, Ubi Deus hoc expressit Per multa miracula.
0828605a  Per hunc aura temperatur, Per hunc aegris dispensatur Sanitatum gratia,
0828605b  Cujus prece mereamur, Ut per ipsum provehamur Ad aeterna gaudia.
0828700   De s. Thoma Cantuariensi.
0828701a  Salvatoris in honorem Patrem suum et pastorem Veneretur Anglia,
0828701b  Ut in Thoma Christum laudet, Quae per Thomam Christi gaudet Assequi praesidia.
0828702a  Caritate radicatus Ante mortis cruciatus Longa fert exsilia,
0828702b  Impiorum cadit ense Et per ensem ad immensae Lucis intrat gaudia.
0828703a  In virtutis argumentum Thomae firmat testamentum Cerebri dispersio,
0828703b  Vicem chartae pavimentum, Cruor supplet attramentum Scribiturque gladio.
0828704a  O miranda Dei dona, Dum torquetur in corona, Coronatur gloria,
0828704b  Et assertor libertatis Exaltatur cum beatis In coelesti patria.
0828705a  Sic per mortem vitae porta Reseratur et absorpta Mors est in victoria,
0828705b  Rem audimus inauditam, Sanat dolor et ad vitam Mors est ostiaria.
0828706a  Caeci, surdi, claudi, muti Laeti currunt assecuti Thomae beneficia.
0828706b  Per hunc nobis, Christe, dones, Ut cum ipso nos corones In sanctorum patria.
0828800   De sancta Ursula.
0828801a  Mente pura contemplemur, Voce laeta modulemur Praeclara solemnia,
0828801b  Congaudendo decantemus, Conciendo collaudemus Virtutum insignia.
0828802a  Coetus cautus virginalis In affectu foret qualis, Mentis cernat oculus;
0828802b  Hinc ferventer imitetur, Reverenter veneretur Fide fultus populus.
0828803a  Haec electa semina In virtutum germina Sparsit auctor saeculi
0828803b  Tantarum propaginum In personis virginum Ad salutem populi.
0828804a  Mundi hujus cuncta spernunt Et caduca vere cernunt Reputantes vilia;
0828804b  Nil curantes hic paterna Adspirantes ad superna Haec undena milia.
0828805a  Hortus florum hic amoenus Suavitate mira plenus, Fragrat odorifere,
0828805b  Dum plectuntur et sternuntur Et cruore perfunduntur Rosae salutiferae.
0828806a  Patri regis Ursula Ut fidelis famula Nunc concomitatur,
0828806b  Jam praefulgens filia Offerens tot milia Coelo collocatur.
0828807a  His praeclaris margaritis In conflictu sic attritis Digne das praeconia,
0828807b  Urbs beata, in qua strata Sunt haec ossa purpurata, O felix Colonia.
0828808a  Ex te namque derivatur, In quo nostra gloriatur Jam collecta concio;
0828808b  Chorus noster jucundatur, Hic per te dum excitatur Mentium devotio.
0828809a  Laudes ergo nunc resonent Pia corda ac intonent Voce plena;
0828809b  Clama petens suffragia, Horum sequens vestigia Mens egena.
0828810a  Sponsas regis honoremus, Ut eisdem conregnemus In coeli palatio.
0828810b  In te, Jesu, collaetemur Et hoc praesta, ne privemur Perenni solatio.
0828900   De sancta Ursula.
0828901a  Dulci voce resonet, Dulce melos intonet Die hac ecclesia;
0828901b  Diem festum agimus, Virginum recolimus Sacrata martyria.
0828902a  Harum prima Ursula, Nobilis et regia, Fulgens sanctimonia,
0828902b  Cum in sponsam quaeritur, Sponsus sic protrahitur Sagaci prudentia.
0828903a  Spatium triennii Et coetus virginei Expetit solatia,
0828903b  Undena sunt milia Clara ex prosapia Data dotis gratia.
0828904a  Quarum ad obsequia Undecim navigia Dat regalis copia,
0828904b  Ursula tunc inclita Gaudens prodit abdita Haec eis mysteria:
0828905a  Christum sponsum eligo Et mortalem negligo, Facite similia;
0828905b  Laudat chorus virginum Reginae consilium, Spernunt mox conjugia.
0828906a  Naves intrant concito, Vela tendunt subito, Fugiunt de patria,
0828906b  Cedunt cuncta prospere, Unda, aura, tempore Dei providentia.
0828907a  Flagrantes desiderio Pro praescito martyrio Veniunt Coloniam,
0828907b  Hunnorum tunc gens perfida, Ursorum instar rabida, Infert his supplicia.
0828908a  Armata ferro dextera Detruncant membra tenera, Sed vincunt patientia.
0828908b  Madescit tellus sanguine, Pro tanto gaudet agmine Superna coeli curia.
0828909a  O beatae virgines, Nostri sitis memores, Quod vestris interventibus Nobis sit propitius
0828909b  Mitis sponsus virginum, Jesus, judex omnium, Donet piis gaudia Per aeterna saecula.
0829000   De sancta Ursula.
0829001   Exsultemus in hac die festiva,
0829002a  Recolentes Domini magnalia, in sanctis quae operatur maxima.
0829002b  Qui inter suae potentiae mira in virginum est maximus gloria.
0829003a  Sua enim gratia mundi viluit virginibus pompa.
0829003b  Atque contra praecepta regum restitit virginalis pugna.
0829004a  Furit rabies vesana, devicta tristatur malitia.
0829004b  Crudescit carne tenera, majora exquirit supplicia.
0829005a  Sed tunc stat firmior caro virginea,
0829005b  Cum multiplicantur poenarum genera.
0829006a  Pro aeterna, quam exspectant a Deo, gloria
0829006b  Laetantur mortalia affligi corpora.
0829007a  Quia transitoria Et in motu subito labentia mundi gaudia
0829007b  Ut flores decidua. Ex hac virginea sorte claruit Ursula sancta.
0829008a  Cujus hodie celebramus solemnia; splendens inter alias ut lucifer inter minores stellas.
0829008b  Virgo beata, fortiter ferens omnia nec mori recusans pro gloria, pro nobis Deum ora.
0829009a  Ut tecum in aula exsultemus aetherea, prece perpetua
0829009b  Pro sanctorum, virgo gloriosa, collaudemus Dominum gloria.
0829100   De sancta Valeria.
0829101a  Ave virgo nobilis, Vita venerabilis, Praeclara Valeria,
0829101b  Ave martyr inclita, Sanctitate praedita, Meritis eximia.
0829102a  Ave patientium Pro Christo martyrium Virginum primaria,
0829102b  Ave decus patriae, Splendor Aquitaniae, Lemovica gloria.
0829103a  Ave parens monitis Martialis inclitis Praefulgentis gratia,
0829103b  Ave clarens titulis, Coruscans miraculis, Vernans sapientia.
0829104a  Ave caesa proprium Deferens eximium Caput inter brachia;
0829104b  Ave, cujus anima Scandit beatissima Coelica palatia.
0829105a  Ave, cujus precibus Sponsus tuus sedibus Sedet coeli curia;
0829105b  Ave plena laudibus, Fac tuis supplicibus Vitae dari praemia.
0829200   De ss. Victorino et Floriano.
0829201a  Eja laete jam cantemus Et ad mentem revocemus Martyrum certamina.
0829201b  Victorinus fide plenus Tormentorum vicit genus Dei per juvamina.
0829202a  Orbatus hic parentibus Relictis cunctis entibus Clam desertum iniit,
0829202b  Quod Satan mox percipiens, Puellae formam induens Dulciter hunc adiit.
0829203a  Cum quo sanctus heu peccavit, Mira poena castigavit Carnis petulantiam;
0829203b  Post a plebe postulatur Et sic praesul consecratur Vitans arrogantiam.
0829204a  Hinc tyranno praesentatur, Jubet is, ut suspendatur Lacum super putridum
0829204b  Erectis sursum pedibus, Unitur coeli sedibus Sertum ferens floridum.
0829205a  Carus Deo Florianus, Toto corde fide sanus, Sese sponte obtulit;
0829205b  Fuste nempe tormentatur, Diris ferris laceratur Et constanter pertulit.
0829206a  Super pontem collocatur, Collo lapis alligatur Ejus et submergitur;
0829206b  In moerorem vergit risus, Cum tortorum crepunt visus, Rumor late spargitur.
0829207a  Corpus en beati talis Aquila defendit alis A feris et avibus,
0829207b  Laudat Deum nunc in caelis Miles prudens et fidelis Canticis suavibus.
0829208a  Victorine, Floriane, Ne hic laboremus vane, Vos oramus supplices,
0829208b  Et ut nobis cum beatis De thesauro majestatis Dentur dotes duplices.
0829300   De sancto Vigore.
0829301   Vigor viget hodie, Vigoris ut gratiae Docent privilegia,
0829302a  Victa lege funeris Superis in aetheris Collaetatur curia.
0829302b  Ex te nomen habuit Vigor, quia viguit Virtutum potentia.
0829303a  Res respondet nomini, Praedicati termini Praedicatur gloria
0829303b  Vivit hic in Domino, Cujus vitae termino Respondent principia.
0829304a  Ventre necdum editus Nuntiatur coelitus, Quod sit sancti spiritus Illustrandus gratia,
0829304b  Quem ornavit castitas, Ordinavit caritas, Illustravit bonitas Et magnificentia.
0829305a  Reddit idem Vir per fidem Reddit vero Deo vero Paganorum milia.
0829305b  Mater plorat, Sanctus orat, Et sic natus Suscitatus Redit ad vitalia.
0829306a  Ter damnatur, Ter fugatur Serpens ille, Qui per mille Saevit artificia.
0829306b  Mons crismatus Est sacratus In profani Loco fani Vigoris instantia.
0829307a  Agrum sancti comes arat Vi, sed sanctus precem parat, Qua comitis vesania Morte damnatur impia.
0829307b  Oves recto recluduntur Et quae laedunt non laeduntur, Avis resurgit mortua Sancti prece praecipua.
0829308a  Te, beate pater Vigor, Os, lingua, mens, sensus, vigor Venerentur, Ut laetentur Tecum sine macula.
0829308b  Sta devotis pro devotis, Qui te votis vocant doctis, Tu adesto Tuo festo Per aeterna saecula.
0829400   De sancto Vincentio.
0829401a  Sacra Vincentii Mundus certamina Recolens hodie pura det carmina.
0829401b  Levita nobilis hic in ecclesia Vice pontificis gessit magnalia.
0829402a  Ad Hispanos Dacianus Tandem venit vir profanus Deos putans idola,
0829402b  Ab hoc testis jam praefatus Cum fuisset sciscitatus, Verba risit subdola.
0829403a  Huic cura Pati dura Propter Christum inerat,
0829403b  Hic praecepta Fert inepta, Caesar quae statuerat.
0829404a  Post stridores catenarum Horror urget tenebrarum Et robur equulei,
0829404b  Saevit unguis cum furore Et resperso jam cruore Artus vernant nivei.
0829405a  Virtutem pristinam In ferri machinam Martyr exhibuit,
0829405b  Dum illam scandere Confossus verbere Ultro non timuit.
0829406a  Rogi flagrans pars utraque Scintillabat usquequaque Membris patens omnibus,
0829406b  Clade quoque repentina Sal vi ferit intestina, Sal injectum ignibus.
0829407a  Traditur praeterea In obscura cavea Miles invictissimus,
0829407b  Testa pungens frangitur Et sub illo spargitur, Ut jubet nequissimus.
0829408a  Coelestem populum Capit ergastulum Resultans cantibus;
0829408b  Fit fragmen testeum Gramen nectareum Versum in floribus.
0829409a  Nuntiat anhelus lictor, Quod inclusus agat victor, Quod cum eo socii.
0829409b  Factus praeses tunc exsanguis Torquebatur velut anguis Spe carens consilii.
0829410a  Stratum, inquit, ocius vulnus recens foveat,
0829410b  Nil in illud asperum, nihil durum lateat.
0829411a  Inimicus hic deorum Requiescat in hunc thorum, Convalescat viribus,
0829411b  Ut dolore renovato Poenas solvat iterato, Ne insultet legibus.
0829412a  Igitur fulcro potitus Miles Christi redimitus Castra petit supera,
0829412b  Quo rex pius ejus prece Sublevatos nos de faece Perducat post funera.
0829413   Amen nunc omnia Sonent canentia.
0829500   De sancto Vincentio.
0829501a  Jubilantes coeli chori Christo psallant et victori Martyri Vincentio,
0829501b  Levitarum sacro flori Voto, voce clariori Nostra psallat concio.
0829502a  Clara ortus parentela Carnis, hostis, mundi tela Fugat cum victoria,
0829502b  Vita signat Samulem, David manu, Danielem Doctrinarum gloria.
0829503a  Praeco verbi fit Levita, Mente fervens, clarus vita, Vices gerens praesulis,
0829503b  Inter turbas eremita, Jussa spernit felle lita Daciani consulis.
0829504a  Lictor caedit, debacchatur Dacianus, laceratur Martyr in equuleo,
0829504b  Cratem scandit, praeses furit, Prunae vernant, ignis urit, Lecto jacens ferreo.
0829505a  Carcer, mare superatur, Corvus servat, occultatur Longo licet tempore,
0829505b  Hoc thesauro spoliantur Valentini, dum foedantur Idolorum foedere.
0829506a  Hunc patronum dignum laude Sibi datum sine fraude Castrensis ecclesia
0829506b  Digne colit et adorat, Veneratur et implorat Ejus patrocinia.
0829507a  Hujus rei tam insignis Veritatem rectis signis Christi pandit veritas,
0829507b  Anus loquax reformatur, Caeci vident, claudis datur Et aegrotis sospitas.
0829508a  Mira domus haec testatur, Quae Levitae fabricatur A devotis gentibus,
0829508b  Tandem Christus, rex benignus, Cum structura sacrum pignus Dat praedicatoribus.
0829509a  Clamet ergo praedicator, Et Castrorum habitator Exoret Vincentium,
0829509b  Ut ad vitam ex hac valle Nos perducat recto calle Vitae post exsilium.
0829600   De sancto Vincentio.
0829601a  O Vincenti, dum tormenti Poenam sentis in tormentis Manens tutus,
0829601b  Stramentorum intrans thorum Exspirasti, quod optasti, Consecutus.
0829602a  Corpus exanime, Quod in patibulo Victum est minime, Non sinit tumulo Carnifex reponi.
0829602b  Immo continuum Scelus exagerat, Saevit in mortuum Et corpus imperat Avibus exponi.
0829603a  Aves et bestiae Praebent obsequium Gratum custodiae Verentes noxium Tactum exhibere.
0829603b  O mira novitas, A brutis noscitur In sancto sanctitas, Et judex fallitur Nec falluntur ferae.
0829604a  Tandem suspensa Corpori mola Mandatur aequori Judicis mandato.
0829604b  Quod natum litus, Sabulo repertum, Claudi in tumulo Meruit sacrato.
0829605a  O Vincenti, qui vicisti, Miles fortis, miles Christi, Victor invictissime,
0829605b  Ora Christum pro devotis, Ut salutem det aegrotis Corporis et animae.
0829700   De sancto Wenceslao.
0829701a  Salve, pater optime, Christi martyr inclite, Salve dux Bohemiae, Wenceslae.
0829701b  Tu de stirpe regia Nobili prosapia Natus in Bohemia, Wenceslae.
0829702a  Bohemorum speculum, Coli tabernaculum Tu perlustras hodie, Wenceslae.
0829702b  Plenus Dei munere Meruisti scandere Tua sanctitate, Wenceslae.
0829703a  Te advocant hodie In valle miseriae, Wenceslae,
0829703b  Ad te clamant miseri De fermento veteri, Wenceslae.
0829704a  Audi voces te precantes, Nos commenda Domino, O Wenceslae,
0829704b  Ut ingressum per saecula Suo det in solio, O Wenceslae.
0829800   De sancto Wilhelmo.
0829801a  Ecce dies specialis Confessorum gloria,
0829801b  Qua praefulget triumphalis Wilhelmi victoria.
0829802a  Qua aeterna Christo duce Migravit ad gaudia
0829802b  Sempiterna gaudens luce Ejus in praesentia.
0829803a  Qui mente spirituali Clarebat per omnia,
0829803b  Vita fruens temporali Adspirans coelestia,
0829804a  Morum clero praestans forma Ut jubar ecclesiae,
0829804b  Plebi vitae fulsit norma Ut fomes justitiae,
0829805a  Lapsis vitae dans solamen, Spem reformans veniae.
0829805b  Oppressorum relevamen De valle miseriae.
0829806a  Hujus ergo prece pia Coelestis militiae
0829806b  Nos adscribat vitae via Rex aeternae gloria.
0829900   De sancto Wilhelmo.
0829901a  Ad honorem salvatoris Et Wilhelmi confessoris Psallat haec ecclesia,
0829901b  Nos nunc illum venerari Ac ipsius imitari Oportet vestigia.
0829902a  Hujus vita Deo grata Multis modis est probata Juge per supplicium;
0829902b  Ornat virtus sanctum Dei, Sanctitatis ferunt ei Signa testimonium.
0829903a  Caeci vident, muti fantur, Lepra fugit et fugantur Morbi cuncta genera;
0829903b  Adhuc magis honoratur, Quod defunctis vita datur Ejus ope prospera.
0829904a  Sana, pater, pia prece Nos a morbo, nos a nece Carnis delens vitia,
0829904b  Ut te duce consequamur Vitae donum et ducamur Ad aeterna gaudia.
0830000   De sancto Wilhelmo Bituricensi.
0830001a  Ecce venit lux optata, Lux jucunda, dedicata Salvatoris laudibus,
0830001b  Qui Guillelmum sublimavit, Sublimatum coronavit In regnis coelestibus.
0830002a  Hic est pater et patronus, Quem pastorem summe bonus Pastor nobis tribuit.
0830002b  Qui benignum se rectorem, Pium patrem et doctorem Subditis exhibuit.
0830003a  Hic virtutum aemulator Fideique propagator Verbum vitae praedicans,
0830003b  Hic fidelis dispensator, Non avarus foenerator, Talentum multiplicans.
0830004a  Hic est ille Deo carus, Verbo, vita, fide clarus, Dans salutem populis.
0830004b  Quantus enim sit vir iste, Declarasti, Jesu Christe, Signis et miraculis.
0830005a  Serve prudens et fidelis, Cujus merces est in caelis, Nostra sana vulnera;
0830005b  Visitare servos velis, Ab antiqui hostis telis Nos ignitis libera.
0830006   Amen dicant omnia.
0900100   De ss. Trinitate.
0900101a  Gloria tibi, trinitas, Cujus larga nos bonitas Illustravit gratia;
0900101b  Tibi laus, decus, potestas, Te majestatis honestas Decet et victoria.
0900102a  Tu ergo, factor omnium, Coelorum, terrae, marium, Vera sapientia;
0900102b  Tu Deus admirabilis Ac incomprehensibilis Comprehendis omnia.
0900103a  Tu virtus, magnanimitas, Mansuetudo, humilitas Tuque patientia;
0900103b  Tu fortis, justus et pius, Mitis, clemens, propitius, Tu misericordia.
0900104a  Tu lux lucem illuminans, Noctem, diem conterminans Signa per disparia;
0900104b  Tu qui tempora momenta Mutas, per te elementa Se sunt complectentia.
0900105a  Tu vita, via, veritas, Omipotens tu caritas, Fides, spes et gratia;
0900105b  Tu turris fortitudinis, Unica spes solaminis Nobis in miseria.
0900106a  Fons ergo tu bonitatis, Vultu cerne pietatis Vota te quaerentia;
0900106b  Da veniam pro peccatis, Solve nostrae vetustatis Juga nos prementia.
0900107   O veneranda trinitas, O adoranda unitas, O vera clementia.
0900200   De ss. Trinitate.
0900201   Paraclitus increatus, Neque factus neque natus,
0900202a  Patri consors genitoque, Sic procedens ab utroque,
0900202b  Ne sit minor potestate Vel discretus qualitate.
0900203a  Pater alter, sed gignendo, Natus alter, sed nascendo,
0900203b  Flamen ab his procedendo Tres sunt, unum subsistendo.
0900204a  Quisque trium plenus Deus, Nos tres tamen Dii sed unus,
0900204b  Nam vera fides veneratur Tres, sed unum confitetur,
0900205a  Dans usiae unitatem Et personis trinitatem.
0900205b  In personis nulla prior, Nulla major, nulla minor.
0900206a  Unaquaeque semper ipsa, Sic est constans atque fixa,
0900206b  Ut nec se varietur Nec in ullam transmutetur.
0900207a  Tu solamen in labore, Medicamen in languore,
0900207b  Tu in arto liberator Et in lapsu relevator.
0900208a  Da fidem, spem, caritatem, Da discretam pietatem,
0900208b  Da contemptum terrenorum, Appetitum supernorum.
0900300   De ss. Trinitate.
0900301   O beata, veneranda trinitas felix, corde devoto et adoranda unitas.
0900302a  Trinum in personis Deum unum in substantia,
0900302b  Patrem, verbum, spiritum sanctum, gaude, omnis anima.
0900303a  Haec enim divinitatis summa est felicitas,
0900303b  In amplexu caritatis quod tres unit unitas
0900304a  Amat pater amatque natus, amat spiritus sanctus,
0900304b  Neque minor ipse amatus est ipsis amantibus.
0900305a  Quid tam dulce, tam jucundum, quae tanta devotio, Quam amantis et amati et amoris unio.
0900305b  Omnis gaude creatura, haec trium dilectio Te creavit, recreavit dato Dei filio.
0900306a  En ex quanta et ad quantum caritatem conditi
0900306b  In peccatis conversamur, sed non sumus perditi.
0900307a  Nos amore suo unit haec felix unio,
0900307b  Hoc amore satiari verbi principio.
0900400   De ss. Trinitate.
0900401a  Pater, proles, sacrum flamen, Nostrae laudis sit juvamen, Finis et initium;
0900401b  Qui sanctorum sunt solamen, Vita, splendor, pax, oramen, Mores et stipendium.
0900402a  Hi sunt pares potestate, Pares in aeternitate, Uniformes unitate, Gubernantes omnia.
0900402b  Pari gaudent bonitate, Pari pollent dignitate, Pari lucent claritate, Pares sunt in gloria.
0900403a  Patrem nullus procreavit, Natum pater generavit, Sed ab his amor spiravit Et spirat aequaliter.
0900403b  Amor natum humanavit, Per quem pater reparavit Hominem, quem sauciavit Ligni morsus graviter.
0900404a  Hos distinctos in personis Sed in esse et in donis Idem esse credimus.
0900404b  Tu nos, Deus, coeli bonis Et beatorum coronis Frui fac, exposcimus.
0900500   In Nativitate DN.
0900501a  Omnes gentes, plaudite manibus, Deus enim datur hominibus, Natum Mariae pulsate precibus, Ut nos solvat a mundi nexibus.
0900501b  Per hanc matrem venit laetitia, Qua deletur Evae tristitia, Osculatur pacem justitia, Terra dedit promissa gaudia.
0900502a  Nutu patris Vis amoris Hortum matris Inflammavit;
0900502b  Tellus rorem, Stella solem, Virga florem Germinavit.
0900503a  Virgo virga designatur, Mundus florem admiratur, Per quem Christus figuratur,
0900503b  Hac in valle tenebrarum Pater, salus animarum, Distributor gratiarum.
0900504a  Fons signatus, porta clausa, Patet sine viri causa, Admiratur hoc natura.
0900504b  Talis namque genitura Decet Deum, parit pura, Creatorem creatura.
0900505a  Hic in sole collocavit suum tabernaculum. Visitavit ambulantem lux in nocte populum.
0900505b  Consolati visa luce cognoverunt Dominum, Quem venturum exspectabant redemptorem omnium.
0900506a  Virgo munda, virgo pia, Templum Die, coeli via, Dona nobis caritatem Et cum sanctis unitatem.
0900506b  Decaecatum praesta visum, Redde nobis paradisum, Ubi finis est laborum, Plenitudo gaudiorum.
0900600   In Nativitate DN.
0900601   Adest nunc gloriosa solemnitas atque praeclara,
0900602a  Qua pater in coelis supera regens agmina
0900602b  Filium in terras propter salutem humanam
0900603a  Misit, ut sumeret servilem atque mortalem formam,
0900603b  Ut sub lege manens donaret mundo coelorum gaudia.
0900604a  Angelico nuntio gravidantur Mariae viscera,
0900604b  Pavens ac perterrita nunquam nosse se virum dixerat.
0900605a  Ad haec nuntius illico protulit talia: Gaude, Maria, sancti spiritus altithrona mox superveniet gratia
0900605b  Et virtute Die repleberis altissima. Tu sola placuisti mulier altissimo, stirps et origo Davidica.
0900606a  Magnificat Dominum, postquam fuerat his verbis angeli monita.
0900606b  Navitas Christi pastoribus voce nuntiatur angelica.
0900607a  Sit Deo laus et gloria in excelsis, sit salus et pax in terris, gaudeat coelum, cuncta resultent agmina.
0900607b  Coelestis axis Dominum multitudo glorificat et conlaudat supera demum remeantes ad sidera.
0900608a  Deus homo factus hodie natus est ex virgine sancta Maria.
0900608b  Hunc laudet cuncta per orbem plebs, cui tanta famulantur obsequia.
0900609a  Sit Deo laus atque potestas,
0900609b  Cum patre qui cuncta gubernat
0900610   Et cum spiritu sancto in aeterna saecula.
0900700   In Nativitate Domini.
0900701a  Verbum, aeternaliter unigenitum, infinibile principium,
0900701b  Patris lingua, calamus, sapientia, virtus, ratio perpetua,
0900702a  Vigor lucis, aevum temporis, mundi mobilis rex stabilis,
0900702b  Panis, quo gregis angelici vivunt cives theologici,
0900704a  Ut dragmam requireret decimam, Lucernam accendit, tabernaculum in sole posuit, prodiit, quo flamma sui caloris testa duresceret hominis.
0900704b  Ut ovem redimeret perditam, Pastor bonus fit agnus, ovis virginis, ros absque macula velleris, quo primae nos bysso stolae ut sponsam revestiat gloriae.
0900705a  Se nobis pabulum parvulis, potum, lac, butyrum praebens et solidum cibum.
0900705b  In favo est mel hominis-verbi in manna Emmanuel Israel veri.
0900706a  Gustent Adae filii hunc suavem adipem tritici, bendictum seminis Abrahae granum.
0900706b  Virus vomant colubri, desiderent fontem vivum cervi serpentis antidoto aenei hausto.
0900707a  O magni consilii angelus, o pax, o veritas, ad gemmam in caeno venis e coelo.
0900707b  Rex pie, nos dirige in arta, qua cursitas, via, gigas, vita, flos de virga Maria.
0900800   In Nativitate DN.
0900801a  Infans verbum incarnatum, Intra carnem breviatum, Cordis chordam oris fatum Tangit laudis jubilo.
0900801b  Expers paris en dat prolem, Stella maris profert solem, Virginalis lux splendorem Tegit carnis nubilo.
0900802a  Signum rarum, grande mirum, Virgo gnarum ambit virum, Cum praeclarum claudit gyrum Finis et principii.
0900802b  Virgo parens pandit typum, Virga arens profert ritum, Rore carens dum dat situm Prodeunti germini.
0900803a  Solem gradus denus flectit, Dum humatus genus nectit Secum Deus ac compectit Hymnum et eximium.
0900803b  Madet vellus coeli rore, Aret tellus miro more, Tumet alvus nova prole, Gaudet virgo virginum.
0900804a  Alimentum clausis seris Intrat lacum Danielis, Cum ad fatum Gabrielis Verbum virgo concipit.
0900804b  Rubus ardet sed non cedit, Fornax fervet sed non ledit, Virgo paret et non perit Puritas sed proficit.
0900805a  In figura haec praejacta In Maria clarent acta Sicque prima surgunt pacta Quondam rupti foederis.
0900805b  Altitudo inclinatur, Pax captiva nuntiatur, Fortitudo nam ligatur Vi puellae teneris.
0900806a  Alma virgo, ergo natum Tuo jugo fac substratum, Reo nudo fac placatum Precis tuae munere.
0900806b  Manna divum, quod cibasti, Fontem vivum, quem lactasti, Dulcem rivum, quem gustasti, Larga manu tribue.
0900807a  Eja, portus salutaris, Solis ortus, lux stellaris, Duc per fluctus saevi maris Nutantem naviculam.
0900807b  Naufraganti sis tutamen, Laboranti sis levamen, Exeunti sis juvamen Pergendi ad patriam.
0900900   In Epiphania DN.
0900901   Psalle,
0900901a  Turba canora fratrum, nunc dulcia cantica
0900902b  Melodemata Dominoque juga rhythmica.
0900903a  Qui se natum patria Bethlehemetica declarat nova per sidera
0900903b  Ac hodie mystica magorum munera fecit esse sibi congrua.
0900904a  Gaude, Bethlehem, urbes inter electa, quae monstrans regis crepundia.
0900904b  Hic Emmanuel, hic Jesus, vita nostra, salvabit propria agmina.
0900905a  Quid, Herodes, tenera puerorum corpora mente mactas rabida? quos perimis, meliora tenent saecula.
0900905b  Non per tua tempora fient vota pessima, sed proles aequivoca praeconata videbit crucis mysteria.
0900906a  Judaea plebs indurata, perpetuo vulnerata, lacrimis dele jam patrata toties scelera.
0900906b  Saxa crepant tremefacta, scinduntur vela divisa, Herode quaesita tu paras Domino funera.
0900907a  Da miseris praemia indulgens debita, qui mundi geris delicta, carne satu viginea.
0900907b  Salvifica corpora ac mentes ad astra porta, quo manent gaudia sine fine manentia.
0901000   De Epiphania DN.
0901001a  Dies nobis laetabundus Luce clarus et jucundus Plenusque laetitia,
0901001b  In qua Deus demonstrare Voluit et declarare Sua beneficia.
0901002a  Primum dies admiratur Praesens atque conspicatur Domini miraculum,
0901002b  Aqua Christum baptizavit Et in vinum se mutavit Per Mariae filium.
0901003a  Hic in flumine Jordane Sancto praevio Johanne Baptizatur hodie;
0901003b  Pater misit super eum Praedilectum vocans eum In columbae specie.
0901004a  Magi Dominum venerunt Adorare, attulerunt Christo dona mysica:
0901004b  Aurum regi, thura Deo Offernuntque coram eo Homini mortalia.
0901005a  Sancte spiritus benigne, Summe pater, fili digne Manens in coelestibus,
0901005b  Omnes velis te clamantes Et hunc diem venerantes Solvere criminibus.
0901100   In Epiphania Domini.
0901101a  Regi regum omniscio Haec gratuletur concio Mera clangens harmonia Hac in die.
0901101b  Digno sudans conamine Utroque psallat homine, Celebria sint gaudia Hac in die.
0901102a  Novum nova jubar stella praedicat, Magis tribus indicat Cunas usque praevia Hac in die.
0901102b  Reges regem trini trinum quaeritant, Donis tribus visitant Tria per mysteria Hac in die.
0901103a  Quos polluit, qui corruit, Leviathae fallacia, Hos abluit ac induit Christus baptismi gratia Hac in die.
0901103b  Quem famine non semine Sua concepit filia, In flumine nos crimine Lavet ignorans vitia Hac in die.
0901104a  Nullum ptolemaica, Nullum turbet unitas, Emicat uranica Mundo plene trinitas Plena cum laetita Hac in die.
0901104b  Voce sua promitur Genitor ac genitus, Alite innuitur Utriusque spiritus, Cedant certis dubia Hac in die.
0901105a  Aqua mutans originem Vitis sapit propaginem Ac Heloi non nescia Lyaeum fudit hydria Hac in die.
0901105b  Hic Deus, Dei filius, Quem stella, magi, fluvius, Quem manifestat hydria, Nos jugi donet gratia Hac in die.
0901200   In Octava Epiphaniae.
0901201   Laus tibi, Christe, sponso sponsae, laus in te trinitati sanctae.
0901202a  Quia mundi sator, salus es et reparator,
0901202b  Rebus dans singulis tuae umbram imaginis,
0901203a  Vi rationis cor signans angeli et hominis,
0901203b  Ejus crystallum indurans, hujus testam solidans.
0901204a  Tu fons benigne, finis aeterne, origo rerum, clausula operum,
0901204b  Corde parentis unicus natus es fratres habere nos dignatus;
0901205a  Ut consors naturae humanae des homini divina sapere,
0901205b  Et lucis particeps divinae cor hominis non laedant tenebrae.
0901206a  Quam pater tecum, per te in pneumate voluit, fecit, fovit machinam, creatae, formatae distinguis, pingis speciem variam.
0901206b  Tibi conjungens corpus ecclesiae, palmites viti, membra capiti, sordentem, marcentem tu fide mundas spiritum, vegetas.
0901207a  Hanc, flos stirpis Jesse, unctus oleo ungis laetitiae
0901207b  Septeno chrismate, quod in Jordane columba intulit.
0901208a  Cujus timoris vox super aquas, ut mentes terreat fluctivagas.
0901208b  Vox in virtute est pietatis moralis regula gravitatis.
0901209a  Scientiae sacrae dogma vox est in magnificentia.
0901209b  Vox Domini fortitudo, cedros confringit in Libano.
0901210a  Vox scindit consilii flammas incendii, voce intellectus movet Cades desertum Dominus.
0901210b  Vox de sapientia cervis dat pascua; his, quibus descendit, Deus-homo ascendit gradibus.
0901211a  Pax mundicordis, Christe, miserator noster, egens, lugens, mitis, pauper.
0901211b  Tu mali temptantis dimitte debita, tu panis da velle regnum patris.
0901212a  Te solem de stella ortum in thure, auro, myrrha monstrat stella gentium dominum, regem mortalium.
0901212b  In vinum converte aquam et legem in gratiam, pro figura veritas, pro jugo tu haereditas.
0901300   De sanctissimo Salvatore.
0901301a  Enti simplicissimo Corde devotissimo Referamus grates
0901301b  Immensas quotidie, Quod dat locum veniae Et suos sequaces
0901302a  Solatur miraculis, Quibus a piaculis Rei emundantur,
0901302b  Credunt et schismatici, Quibus arreptitii Penitus sanantur.
0901303a  Ex Christi imagine, Fixa a propagine Hebraeorum, manat
0901303b  Liquor suavissimus, Aegrotis meditivus, Nam plerosque sanat.
0901304a  Primo paraliticum Et caecum, post omnium Imbecillitati
0901304b  Medetur salubriter, Omnes unanimiter Reddens sospitati.
0901305a  Animae et corporis Turba multitudinis Ad Archimandritam
0901305b  Nempe currit subito, Ut lavetur baptismo Atque bonam vitam
0901306a  Promittit proficere, Semper Christo credere; Omnibus sed lotis
0901306b  Eorum synagoga Statim fit ecclesia Ob honorem dotis
0901307a  Jesu Christi Domini, Salvatoris optimi; Hunc dovoto corde
0901307b  Rogemus attentius, Ut delicti eminus Nos trahat a sorde.
0901308a  O salvator omnium, Salva cunctum populum, Nobis quoque dona
0901308b  Sanitatum copiam, Rerum abundantiam, Coeli nobis dona.
0901400   De divina Sapientia.
0901401a  Veni sapientia, Gratiarum gratia, Amor amans omnia,
0901401b  Doce nos te noscere, Trinum Deum credere Et vere diligere.
0901402a  Consolatrix hagia, Reos nos concilia Errantes per devia,
0901402b  Nos fove, nos visita, Nos rege et excita, Salva tua plasmata.
0901403a  O lux beatissima, Luce nos clarissima Reple et illumina,
0901403b  Cujus influentia Vivunt, vigent omnia, Coelica, terrestria.
0901404a  Lava nostra vitia, Relaxa flagitia, Solve vincla noxia,
0901404b  Flecte nos ad veniam, Praebe indulgentiam Renovans per gratiam.
0901405a  Da ad te clamantibus Et in te credentibus Locum in coelestibus,
0901405b  Dei sapientia, Nobis sis propitia Dans aeterna gaudia.
0901500   De ss. Nomine Jesu.
0901501a  Nomen jure sublimatum, In excelsis adoratum, Nomen summae gloriae,
0901501b  Gabrieli revelatum Et in terris nuntiatum Genitrici gratiae.
0901502a  Haec octavo die natum, Circumcisum more patrum, Salvatorem nominat,
0901502b  Universo publicatum Mundo nomen hoc beatum Credentes salvificat.
0901503a  In hoc lucet trinitas Splendor atque unitatis, Hoc coelum laetificat;
0901503b  In hoc fulget honor patris, In hoc patet decor matris, Hoc fratres glorificat.
0901504a  Hoc est nomen salutare Et solamen singulare, Quod succurrit tristibus;
0901504b  Hoc nos decet honorare, Benedicere, laudare Semper laetis mentibus.
0901505a  Hoc est melos praedicatum, Dulce mel est in vocatum, Servat ab insultibus;
0901505b  Jubilus est cogitatum, Nomen mire formidatum Malignis spiritibus.
0901506a  Ecce nomen gratiosum, Fructuosum, virtuosum Prae cunctis nominibus,
0901506b  Vultum Dei gloriosum, Speciosum, amorosum Ostendit hominibus.
0901507a  Nomen pulchrum in decore, Summe bonum in valore, Intus sapit dulciter;
0901507b  Summe potens in vigore, Summe celsum in honore, Delectat feliciter.
0901508a  Ergo pastor animarum, Bone Jesu, et earum Lumen indeficiens,
0901508b  Propter nomen tuum carum Taetrum chaos tenebrarum Obstrue nos muniens.
0901509a  O reformator cunctarum Nationum humanarum, Vita mortem auferens,
0901509b  Restaurator ruinarum, Virtutum angelicarum Teipsum sis largiens.
0901600   De Transfiguratione DN.
0901601a  Adest dies celebris, Quo lux luxit tenebris Christus in monticulo;
0901601b  Thabor, Hermon gaudeat, Dominum suscipiat Verae pacis osculo.
0901602a  Hic est lumen luminis, Menti lucens hominis Intus sua gratia,
0901602b  In qua istud radiat, Tenebras mens nesciat Cuncta pellens vitia.
0901603a  O lux serenissima, Christe, salus optima, Nostris fulge sensibus,
0901603b  Quidquid exstat horridum, Menti nostrae noxium Nostris aufer cordibus.
0901604a  Te praesente stabiles, Te absente debiles Sumus et in omnibus;
0901604b  Ergo manum porrige, Mala nostra corrige Illustrans virtutibus.
0901605a  Ut post hanc miseriam Ducas nos ad patriam Mansuram perenniter,
0901605b  In qua tibi filio, Patrique paraclito Decantemus jugiter.
0901700   De Transfiguratione DN.
0901701a  O beata orbe toto Veneranda trinitas, O felix corde devoto Adoranda unitas.
0901701b  Trinum in personis Deum, Unum in substantia, Patrem, verbum, spiritum, Gaude, omnis anima.
0901702a  Haec enim divinitatis Summa est felicitas, In amplexu caritatis Quod tres unit unitas.
0901702b  Amat pater, amat natus, Amat sanctus spiritus, Nec minor amor amatis Nec ipsis amantibus.
0901703a  Quid tam dulce, tam jucundum, Quae tanta devotio, Quam amantis et amanti Et amoris unio.
0901703b  Omnis gaude creatura, Haec trium dilectio Haec trium dilectio Dato Dei filio.
0901704a  Heu ex quanta et ad quantuam Caritatem conditi In peccatis conversamur, Sed, ne simus proditi,
0901704b  Nos amori tuo uni, Et haec felix unio Det amore satiari Verbi in principio.
0901800   In festo Transfigurationis.
0901801a  Eja modo jubilemus, Laudes Deo decantemus, Dies est laetitiae,
0901801b  Christus, natus summi patris Et Mariae piae matris, Transformatur hodie.
0901802a  Vultus ejus alteratur, Ut sol splendens illustratur Et vestitur candidis;
0901802b  In quo lucet Patris forma Et divinitatis norma Omnibus spectabilis.
0901803a  Vates magni adducuntur, Tamquam testes assumuntur Christi regis gloriae,
0901803b  Manifeste demonstratur, Voce Patris declaratur Principibus curiae.
0901804a  Hic est, inquit, meus natus, Pro salute vobis datus, Quo mihi complacui,
0901804b  Nutu cujus acquiescent Coelum, terra, quae non cessent Parere auditui.
0901805a  Coeli cives tremuerunt, Voce hac se prostaverunt, Cedunt lucis radio,
0901805b  Mox erexit procumbentes Et evexit contrementes Refovens alloquio.
0901806a  Hi dum visum levaverunt, Jesum solum spectaverunt Claritate praeditum;
0901806b  Peroptabant toto nisu, Quod perceperant in visu, Trahere in habitum.
0901807a  Petrus cupit frui bono, Gratulatur tali dono, Quod est sine macula;
0901807b  Bonum, inquit, est hic esse, Faciamus indefesse Tria tabernacula.
0901808a  Cor in bonum traxit totum, Christus postquam fecit notum, Quis sit status patriae;
0901808b  Quia corpus reformabit Et in se configurabit Hanc massam miseriae.
0901809a  Christe, dona finem bonum, Quod est super omne donum, In coelesti patria,
0901809b  Ut ex toto transformemur Et in aevum gloriemur In aeterna gloria.
0901900   De corona spinea.
0901901a  Diadema laude plena Nunc adora, nunc honora Jesu Christi spineum,
0901901b  Mens devota, ejus lota Cum cruore ex amore Fuso tis in pretium.
0901902a  Cerne verbum incarnatum, Tibi natum, tibi datum, Pro te passum, immolatum, Ne putrescas scelere.
0901902b  Pressor nimis cum emungit Spina sacrum caput pungit, Sua membra nos perungit Cruor fluens propere.
0901903a  Sic adjutus, sic solutus Noli nimis esse tutus, Certa forte sic imbutus Virili certamine;
0901903b  Age grates majestati, Redde vices caritati, Memor esto tanti dati Nec unquam obliviscere.
0901904a  Salve crux, clavi, flagella, Spongia, lancea, spina, Vela, chlamys et columna Armis et cum reliquis;
0901904b  Arma tua nunc adoro, Christe Deus, et hoc oro, Ut in domo et in foro His defendas clipeis.
0902000   De Sudario DN.
0902001a  Ave, Christi sudarium, Verae mortis indicium, Nostrum adauge gaudium, Mentis tolle fastidium.
0902001b  Tu es, sanctum sudarium, Jesu Christi sacrarium, Suae mortis praesagium, Te reliquit rex gentium.
0902002a  Omnes, qui huc adveniunt Et te videre cupiunt, Signum mortis prospiciunt, Quo fontem vitae sitiunt.
0902002b  Tu thesaurus angelicus, Te custodivit angelus, Te monstravit mulieribus Ad monumentum flentibus.
0902003a  O pretiosum linteum, Corpus tegens virgineum, Decorasti marmoreum Summi regis mausoleum.
0902003b  Jesu Christe, rex omnium, Qui hoc sacrasti pallium, Nostrum absterge vitium Et da perenne gaudium.
0902100   De Hasta DN.
0902101a  Veneremur hodie Hastam regis gloriae Nimis virtuosam,
0902101b  Lanceam terribilem Et nobis amabilem, Nimis pretiosam,
0902102a  Clavos quoque ferreos, Fixos est sanguineos, Quo mundus expavit;
0902102b  Sancta Christi passio Nostra est redemptio, Limbus exsultavit.
0902103a  O beata lancea, Quam Christi praesentia Tam pio cruore
0902103b  Cum guttis sanguineis Victis tot opprobriis Sacrat in honore.
0902104a  Dei clavos aureos Simul et sanguineos Omnes adoremus;
0902104b  Super hos in manibus Et in sacris pedibus Simul deploremus.
0902105a  Haec pro nostra gloria Dei sapientia Voluit portare,
0902105b  Ut mundum despicere, Deo grates agere Discamus, amare.
0902106a  Sic post hanc miseriam Ad coelestem patriam Per sanctam victoriam Palmam deferemus,
0902106b  Ut tunc Christi stigmata Cum clavis et lancea In aeterna gloria Semper honoremus.
0902200   De Sindone DN.
0902201a  Plaude, coeli hierarchia, Nova sonet harmonia Novo ducta cantico:
0902201b  Huic concordans in hac via Laudes promat ecclesia Linteo dominico.
0902202a  Joseph fratres devestitum Vendunt, mittunt in Aegyptum Pro sominii crimine;
0902202b  Luget Jacob devoratum Cernens Joseph vestimentum Tinctum hoedi sanguine.
0902203a  In Eliae pallio Et Samsonis spolio Sindon praemonstratur;
0902203b  Byssi stola cingitur, Christus lino tegitur, Sepulchro locatur.
0902204a  Exit cibus de edente, Favus mellis de jacente Et dulcedo de forti;
0902204b  Raab sub lino abscondit, Quem virgo pannis involvit, Christum tradendum morti.
0902205a  Tegunt patrem Sem et Japhet, Quem Cham ridet, dum sic jacet, Nudat Noe racemus;
0902205b  Veste nudum crucifigunt Judaei, quem sepeliunt Joseph et Nicodemus.
0902206a  Sindon, per quam gaudia Felix jam ecclesia Sumens exaltatur,
0902206b  Montem nubes operit, Deum sindon contegit, Homo sublimatur.
0902207a  Aurum latet occultatum, Sidus jacet obumbratum, Granum tegit palea;
0902207b  Radix Christus dum marcescit, Ramus homo tunc virescit Salva Dei idea.
0902208a  Gaude, felix Sabaudia, Gaude, tota ecclesia, Novae laudis gloria;
0902208b  Artus fracti solidantur, Aegri currunt et curantur Virtutum frequentia.
0902209a  Rea, pete suffragia, Clama, voca auxilia, Plebs egena.
0902209b  Deo laudes pro lintheo Christi demus vestigio Voce plena.
0902210a  Tua morte suscitatos, Bone Jesu, et redemptos Prece semper credula
0902210b  Apud curam Dei patris Cum precibus tuae matris Commenda per saecula.
0902300   De sancta Cruce.
0902301a  Salve lignum crux vitale, Salve signum triumphale, Inter ligna nullum tale Fronde, flore, germine.
0902301b  Crux vexillum summi ducis, Pacem portans, porta lucis, Vera salus est in crucis Signorum munimine.
0902302a  Crucis signum salutare, Gens redemta, venerare Et in cruce gloriare, Cruce facta libera.
0902302b  Signa frontem et cor signa, Sunt haec crucis signa digna, Per quam cedit ars maligna Et potestas infera.
0902303a  Consecrator crucis, audi, Servos crucis nos exaudi Insistentes tuae laudi Crucis beneficio.
0902303b  Quos seduxit Eva malo, A periclis et a malo Nos tuere in hoc salo Crucis beneficio.
0902400   De sancta Cruce. (A Trinitate usque ad Adventum feriis sextis.)
0902401   Ave crux alma, Arbor amanda.
0902402a  Per saecula celebranda, Captivis dulcis optanda.
0902402b  Praefulgida, veneranda, Redemtis semper colenda.
0902403a  Quae fuisti dignissima Dulcia gestare Christi membra Ex virgine castissima Matre sumpta.
0902403b  Per quam venit certissima Hominum libertas, salus, vita Redemptio gratissima, Vere perfecta.
0902404a  O Margareta Coelestis lucida Ac pretiosa,
0902404b  Solvisti vincla Captivis, perdita Per te sunt salva.
0902405a  Mors est mortua, Sunt tartara morsa, Cum te carnea Ornaverat forma Gratia dominica.
0902405b  Coeli gaudia Reserasti clausa Et virentia Paradisi prata Redidisti pervia
0902406a  Natura o ligni mira, Per quod victoria est victa
0902406b  Et tyrannica Potestas penitus destructa.
0902407a  Radix dulcissima, Fer coeli gaudia,
0902407b  Nosmet a ruina Protege, libera Momenta per omnia.
0902408a  Te turba Christiana Habeat munimina
0902408b  Ad hostis inimica Propellenda jacula.
0902409   Salve, crux sancta, praecelsa.
0902500   De sancta Cruce.
0902501a  Signum Christi triumphale, Spes et nostra gloria,
0902501b  Lignum vitae et regale, Nos protege ac salva.
0902502a  Lupus ut astutus non submergat inferis,
0902502b  Polo sine dolo reddas piis angelis.
0902503   Ut conformes simus beatis in plenitudine gratiae.
0902600   De sancta Cruce.
0902601   Salve lignum
0902602a  Sanctae crucis, spes nostra et victoria,
0902602b  Salus, vita, corona et victoria.
0902603a  O crux praeclara, quam impia tremunt tartara;
0902603b  In qua rex Christus emaculat mundi crimina.
0902604a  O benedicta, in qua laxantur delicta.
0902604b  Per te humana pacantur et coelestia.
0902605a  Te cuncta per orbem dulce canit ecclesia.
0902605b  Venerans, adorans pia sternit officia.
0902606a  Cujus ultima licet et vilia simus membrella,
0902606b  Votis omnibus tua mysteria pangamus sacra
0902607   Nunc et per omnia saecula.
0902700   De sancta Cruce.
0902701   Magnificate
0902702a  Dominum mecum et exaltemus nomen ejus in id ipsum.
0902702b  Qui ascendit in palmam, apprehendere fructus ejus dulces.
0902703a  O altitudo atque profundum crucis purpuratae in Christi sanguine!
0902703b  Quae coelo terram reconciliat suprema contingens et ima penetrans.
0902704a  Haec sursum corda stipite suo levat, quo exaltatus est per ipsam ad se trahens omnia.
0902704b  Ut toto corde, tota anima, tota fortitudine diligatur nos in finem diligens.
0902705a  Sed quia vere diligitur Dominus, cum servus ut sese diligit conservulos, amicos et hostes pariter,
0902705b  In ligno transverso sacri patibuli docemur expansis manibus crucifixi dextros et sinistros amplecti.
0902706a  Hoc signo consignati famuli clareamus conformes Domino,
0902706b  Ut jugiter in nobis ferveat ipsius et fratrum dilectio.
0902707a  Cujus ne tepescat ignis coelicus,
0902707b  Ligna duo crucis en colligimus,
0902708   Per quae panis coquatur, quo Elias verus pascens pascatur.
0902800   De sancta Cruce.
0902801   Victimae paschalis crucem adorent Christiani,
0902802a  In qua Christus sustulit Mortem et post detulit A poenis inferni peccatores.
0902802b  Mors tenebat populum, Sed per hoc patibulum Populus mortuus regnat vivus.
0902803a  Crux Christi praevia, Crux est coelorum via. Lignum Christi morientis Dat gloriam hujus resurgentis.
0902803b  Angelus est testis Sudarii et vestis; Triumphavit Christus cruce, Per quem mundus vivit in hac luce.
0902804a  Credendum est, ut hoc signum Adest vitae lignum Et super ligna omnia dignum.
0902804b  Scimus Christum sustulisse Mortem crucis vere Et terna die vitam habere.
0902900   De sancta Cruce.
0902901a1 O crux, ave, frutex gratus, Coeli flore fecundatus, Rubens agni sanguine;
0902901b  Ave lignum triumphale, Inter lignum nullum tale Fronde, flore, germine.
0902902a  Per te mundo vita redit, Ignis, grando, daemon cedit, Vincla, morbi fugiunt;
0902902b  Sacramentis das virtutem, Robur, pacem et salutem, Te qui colunt, sentiunt.
0902903a  Salve, lignum mundo suave, Semper vale, semper ave, Tot florens virtutibus;
0902903b  Tu nos, crucis consecrator, Signa Thau, vitae dator, Dans vexillum frontibus.
0902904a  Juxta crucem compassuri Cum Maria da maturi Stemus in angaria,
0902904b  Et post hujus vitae cursum Cum Maria laeti sursum Perfruamur gloria.
0903000   In Inventione s. Crucis.
0903001   Laudamus te, rex ex Maria genite sempiterne,
0903002a  Cujus crux est salus nostra,
0903002b  Cujus mors est vita nostra.
0903003a  Tu victima et hostia factus es crucis ara;
0903003b  Mortis porta morte tua per crucem est obstrusa.
0903004a  Exstincta sunt venena tuo sanguine Leviathan;
0903004b  Siccata Babylon jam per te flumina sulfurea.
0903005a  Christe redemptor, muni famulos crucis signo;
0903005b  Adversos fuga, tuos releva et exalta.
0903006a  Novit Constantinus, quid posset crux tua, Christe Jesu;
0903006b  Novit et Heraclius, dum cadit Cosroë, hostis tuus.
0903007a  Sensit Danubius, te Deum esse verum,
0903007b  Infectus veneno serpentis teterrimo.
0903008   Jesu tibi sit gloria et laus.
0903100   In Inventione s. Crucis.
0903101a  Veneremur hodie Crucem regis gloriae Per laudis praeconium,
0903101b  Per quam salus oritur, Cum mors nostra moritur Et hostis dominium.
0903102a  Inter spinas lilium, Cerne Dei filium Cruentatum sanguine;
0903102b  Nam in ligno ponitur, Sacer sanguis funditur, Quo lavamur flumine.
0903103a  In praesenti saeculo Cum crucis signaculo Adjuva nos, Domine,
0903103b  Ut vivamus liberi A fermento veteri Et a necis fulmine.
0903104a  Ave crux vivifica, Te virtus dominica Dotavit sublimiter,
0903104b  Dum te grato tempore Christus suo corpore Portavit humiliter.
0903105a  Fili patris unice, Arcum crucis inspice Memor tui foederis,
0903105b  Ut ejus inventio Salvet a supplicio Infernalis carceris.
0903200   In festo Paschatis.
0903201   Virginali thalamo dum processit filius, Unde nos redimeret, non habebat melius.
0903202a  Leges occuluerat atque vaticinia Tandem patefieri volens evangelia.
0903202b  Dat salutem languidis, dat pacem et gaudia, Quorum ad interitus patebant suspiria.
0903203a  Vagit infans artus in cunabulo, Parvo lactis satiatus pabulo.
0903203b  Super astra regnat in coelestibus, Qui dat escam bestiis et avibus.
0903204a  Mundus intrat lavacrum, Destruit simulacrum,
0903204b  Per aquam et spiritum Signat item genitum.
0903205a  Planum iter et apertum Tendens vadit in desertum,
0903205b  Hic tentatur, ne tentemur Sed a malo liberemur,
0903206a  Quoscunque terra parturit. Fons panis sitit, esurit Non corporis edulium Sed salutem fidelium.
0903206b  Traditus a discipulo Capi, ligari vinculo Nec flagellari renuit, Qui mori sponte voluit.
0903207a  Christi resurrectio, Ad coelos ascensio, O pia consolatio,
0903207b  Fit nostra redemptio, Salus et protectio, Pax et reparatio.
0903208a  Per fraudis osculum Et fellis poculum Redemit saeculum,
0903208b  Nos ergo sedulum Canamus modulum Sed non ad oculum
0903209a  Sequens historia Narrat haec omnia Per evangelia;
0903209b  Nos ergo mutua Dantes tripudia Psallamus eia
0903210   Alleluja.
0903300   In festo Paschae.
0903301   Arva splendent coelestia, Elegit Dominus nova bella.
0903302a  Audet miscere proelia Draco cum Messia, Vincitur morte scelus, Surge, sepulte meus, Mea vita.
0903302b  Mors mortis, pulchre moreris, Mundi nefas tollis, Jesu coeleste decus, Rex et pontifex meus, Salus mea.
0903303a  Dum obis, lumen verissimum orbis, plangit virgo theotocos, plangit virgo theologos, tuas, o munde, noxas, vulnera.
0903303b  Dum mortem perimis, hostia patris, tellus tremit, sol nigrescit, pavet umbras centurio, chaos antiquum, mundus trepidat.
0903304a  Vincla, carcer, verbera, Spineum diadema, Alapae, blasphemiae, Sputa, crux, clavi, acetum, Fel, lancea necant ipsum Sathan.
0903304b  Velum templi scinditur, Saxa dura finduntur, Monumenta panduntur, Multi sancti suscitantur, Victorem laudant in urbe sacra.
0903305a  Stupuerunt inferi Jubar adventus Christi, Sed exsultarunt agmina Animarum in orco clausa:
0903305b  O lux Abrahamides, Hebraeorum prisca spes, Quanta tenuit te mora, Tandem solve tuorum vincla.
0903306a  Nonne tu percussisti hostem superbum, triumphasti draconem magnum, libertas publica?
0903306b  Invenit, pastor bone, te Magdalena, cum apostolis nos, dux bone, duc in Galileam.
0903307a  Da nobis felicem propitiationem in finem, propitiatio nostra.
0903307b  Da membris post mortem fessis et animabus requiem, requietio nostra.
0903308a  Et regni gloriam videre, ubi cum palma coelestis Hierusalem in aula
0903308b  Tui tecum festo perenni milites regnant, fave, rex gloriae, et exaltetur,
0903309   Domine, semper victrix dextera tua.
0903400   Feria IV. Paschae.
0903401   Adest namque Pascha Christi nobis venerandum,
0903402a  In quo ipse resurrexit,
0903402b  In quo cuncti adoremus.
0903403a  Deum videlicet patrem ac unigenitum simul Dominum Jesum Christum,
0903403b  Qui nostram propter salutem carnem sumi voluit et pro nobis incarnari
0903404a  Ex benedicta virgine casta, matre Maria.
0903404b  Atque peregit valde stupenda magnalia.
0903405a  Ipse est Deus verus atque homo, qui cum patre cuncta gubernat.
0903405b  Ipse est salus vera atque virtus, qui cum patre cuncta largitur,
0903406a  Regens gubernansque continens et salvans solus cum patre simul sanctoque spiritu,
0903406b  Personis in tribus venerantes unum dicamus: nostra, Deus summe, terge probra.
0903407a  Jam debitas hodie, rex, laudes gratas respice,
0903407b  Quem modulando tua plebs reboat nunc devota.
0903408   Te sempiternum viventem per saecula.
0903500   In Octava Paschae.
0903501   Sempiterno
0903502a  Devote depromat regi Christo pneumata
0903502b  Candidata turma vocibus nunc supera.
0903503a  Quem supera splendida laudant, polus, mare solumque cum gratia.
0903503b  Plebs candida studeat cum sanctis dogmata pangere angelica.
0903504a  Laude celsa valeat jubilo vocis personare famina
0903504b  Trinum atque regnare et unum credendo ubique per saecla;
0903505a  Ante mundi virtute principium divina vitae portas perenni resplendere cum potenti sua sapientia;
0903505b  Luce alma creata gubernare per saecla, patris doxam manere poli alta in qua est salus et laus aeterna.
0903506a  Altithrone nunc dominator, petimus te, salute pro nostra qui venisti ad infima
0903506b  Cruore et proprio nos redemisti jam conterens zabuli machinamenta callida,
0903507a  Hic et in aevum conservare nos semper, conspectui ut tuo possimus adsistere sine macula.
0903507b  Qui cubiculo aeternali coelestique latitas, dignare audire supplicantum praeconia,
0903508   Ut in perpetuum carmina omnibus, amen, personare valeamus cum sanctis dulcia.
0903600   In Ascensione DN.
0903601a  Sursum corda sublevemus Et triumphum personemus Salvatoris hodie,
0903601b  Quem coelestis hierarchia Dulci laudat symphonia Titulo victoriae.
0903602a  Nam infernus spoliatur, Paradisus reseratur Crucis cum victoria;
0903602b  Libertati captus datur, Orbis totus gratulatur, Gaudet coeli curia.
0903603a  Victor surgit, animatur, Planctus matris commutatur, Conresurgunt gaudia;
0903603b  Regi praeda copulatur, Coelos scandit, exaltatur In paterna gloria.
0903604a  O quis cibus angelorum, Quae sunt festa supernorum Regis in rosario,
0903604b  Quo regina coeli porta, Per quam mundo lux est orta, Cernitur cum filio.
0903605a  Pie Jesu, forma mores, Pelle pestes et errores, Nos videre coeli flores Da post haec exsilia.
0903605b  Dulcis Jesu, supplicamus, Ut te laeti videamus Cum Maria gaudeamus Et sanctis in gloria.
0903700   In Ascensione Domini.
0903701   Adest dies celebris, Coelum Christo petitur, Sedens gens in tenebris Redemptorem sequitur, Caput nostrum dextera Patris cinctum laurea Supra cuncta sistitur.
0903702a  Ecce, patri loquitur, Populum, qui sequitur, Fluor mei lateris Solvit domo carceris, Nobiscum associa, Quos potenti gratia Eduxi ab inferis.
0903702b  Salve, unigenite, Fateor, quod dedi te In lumen gentilium, Fert pater ad filium. Istos libens capio, Illis bonum cupio, Quos tenet exsilium.
0903703a  Omne, quod vis, facio, Tam brevi in spatio Tua sancta passio Solvit omne saeculum; Da locum ubilibet Et manducet quilibet, Quod parasti, ferculum.
0903703b  Ego cum spiritibus Exsultans fidelibus Grates tibi refero Praedilecto filio; Illusisti daemoni, Subvenisti homini Crucis beneficio.
0903800   In Ascensione DN.
0903801a  Paracliti sancti consolationem piam
0903801b  Exspectamus, sanctam repromissionem tuam.
0903802a  Peracta ascensionis sancta solemnia,
0903802b  Qua regressus es in coelum nube vectus clara,
0903803   Pollens laude aeterna.
0903900   De Spiritu sancto.
0903901a  Veni, pie consolator, Mundi cordis habitator Et fidelis mediator Christi et ecclesiae,
0903901b  Sanans omne, quod sanatur, Salvans omne, quod salvatur, Sacrans omne, quod sacratur, Doctor omnis gratiae.
0903902a  Sacramentis dignitatis Simul et diversitatis Munus addis nobis gratis Precibus non pretio.
0903902b  More justi donatoris Fuga trini mercatoris Munus manus, munus oris, Munus ab officio.
0903903a  Omnis virtus tuum donum, Gratis donans omne bonum, Per quae malis te patronum Nobis gratis efficis;
0903903b  Nos excusas, nos defendis Et allegas et praetendis Corpus aegrum nostris mendis Apud iram judicis.
0903904a  Tu benignus spiritus Postulans medullitus Et pro nobis gemitus Das inenarrabiles.
0903904b  Hoc est tuum gemere Nos gementes facere Et pro culpis fundere Preces lacrimabiles.
0903905a  Est insulsum, quod mens orat, Si non preces hic saporat, Frustra loquens os laborat, Verba si non hic colorat, Nuda sunt et arida.
0903905b  Hic amarum cor dulcorat, Quod ignorat, quod implorat, Docet, donat, sicca rorat Dubiaque certiorat, Ignit corda gelida.
0903906a  Reple fructu vitae ligni, Ure, quidquid est maligni, Signo crucis nos insigni, Timent hujus signum signi Nationes exterae.
0903906b  Igne pius ignis igni, Quos fecisti tibi gigni, Fac, ne noti, ne praevigni Simus sed haeredes digni Filiique dexterae.
0904000   Feria VI. Pentecostes.
0904001a  Veni, sanctum neuma, veni, Igne corda nostra leni Tuo et examina.
0904001b  Veni sancte consolator, Mundae mentis habitator, Mundans nos illumina.
0904002a  Pectus nostrum fac decorum Et disrumpe delictorum, Quae nos premunt, vincula;
0904002b  Igne tuo mentes ure Nostras, ut sic tibi pure Fiant habitacula.
0904003a  Patris, verbi sanctum flamen, Esto nobis consolamen In hac valle misera,
0904003b  Consolari nos dignare, Sensus nostros inflammare Flamma salutifera.
0904004a  In nos tuum des ardorem, In nos mittas et amorem Dei atque proximi;
0904004b  Amor fratris, amor regis, Hic est summa sanctae legis Et praecepti maximi.
0904005a  Isto reple nos amore, Ut psallamus mente, ore Tibi, sancte spiritus;
0904005b  His nos alis fac volare Ad superna et calcare Mente mundum penitus;
0904006   Te credentes, Te colentes Consolare coelitus.
0904100   De sancto Spiritu.
0904101a  Mundi renovatio, Cunctorum creatio, Regimen justitiae, Jubilus laetitiae, Entium primordium, Finis et exordium, Veni, sancte spiritus,
0904101b  Ignis volabilitas, Aquae fluxibilitas, Aeris spiratio, Terrae fecundatio, Omnia in singulis, Salus in periculis, Veni, pater pauperum.
0904102a  Coelum per te vehitur, Movetur et regitur, Ut fide contegitur, Gratia tu praevia Plana quaeque devia, Gravia fac levia, Consolator optime.
0904102b  Gelu mortis teritur, Spes et vita quaeritur, Pax aeterna seritur In te confitentibus, Sauciatis mentibus, Lassis et egentibus In labore requies.
0904103a  Vita nos vivifica, Salute salvifica, In coelis clarifica, O lux beatissima.
0904103b  Viam coeli petimus Indigni licet simus, Quam habere nequimus Sine tuo numine.
0904200   De Corpore Christi.
0904201a  Gaude Sion, mater ecclesia, Nova tibi resurgunt gaudia, Quae nunc patent in Eucharistia Pretiosa.
0904201b  Pretiosi corporis Domini Nunc unio fit sacro sanguini; Haec est dies humano semini Fructuosa.
0904202a  In hac die panis efficitur Verum corpus, vinum transponitur In sanguinem, hoc non ambigitur Christianis.
0904202b  Hoc est, de quo coena apostolis Data fuit, sed falsis dyscolis Fit damnamen, Judaeis frivolis Et paganis.
0904203a  In hac die nox luce premitur, Exit verum, falsitas demitur, Regnant nova, vetustas tollitur Nubilosa.
0904203b  Tantum sacrum non vident oculi, Ne fruentes horrescant singuli Sacerdotes nec non et populi Re mirosa.
0904204a  Caro cibus, sanguis fit potio, Christus verus exstat et unio, Fractione nec fit divisio Rei sectae.
0904204b  Corpus uno vel mille fruitur Nec ab illis sumptu consumitur, Tam a bonis quam malis capitur Sed nec recte.
0904205a  Exstat salus digne fruentibus, Sed damnamen est abutentibus, Sic est impar vita fruentibus Sacramento.
0904205b  Hoc est manna traditum patribus Et angelis et viatoribus, Panis nunquam mittendus canibus Abs fermento
0904206a  Jesu, vere qui panis diceris, Miserando condole miseris, Qui fideles quondam ab inferis Rapuisti.
0904206b  Ut jungamur fine cum superis, Exaudi, nam probitiaberis, Ne damnemur, quos poenis miseris Redemisti.
0904300   De Corpore Christi.
0904301a  Sacrosanctum corpus ave Jesu Christi, tu persuave Nobis es edulium;
0904301b  Ave Jesu, verbum suave, Dei patris, per quod a vae Coetus fit fidelium.
0904302a  Lumen coeli, splendor patris, Nos illustra prece matris Tuae pastu coelico;
0904302b  Verum corpus ave Christi, Tu nos cruce redemisti Sanguine non modico.
0904303a  Esto nobis medicamen, Virtus, victus, lux, levamen Et vitae communio,
0904303b  Jesu salve, salve Christe, Tuorum sanctorum siste Nos in contubernio.
0904304a  Ecce tibi laudes damus, Venerantes te rogamus Te tibique canimus;
0904304b  Salve dulcis et benigne, Salve cuncta laude digne, Tibi benedicimus.
0904305a  Vere tu delectas sensus Omnes pastu dansque census Meritorum omnibus;
0904305b  Parce nostris jam peccatis Et da nos te nosse satis Et vigorem sensibus.
0904306a  Jesu, nunc sis exoratus, Quod nos et nostri conatus Semper tibi placeant;
0904306b  Ut a te non separemur, Sed crescamus et salvemur Sancti tui moneant.
0904400   De Corpore Christi.
0904401a  Salve corpus Salvatoris, Vas dilectum, vas amoris, Vas divinae gratiae;
0904401b  Vas perenne, vas ornatum, Virginali ventre natum Arte sapientiae.
0904402a  Salve thronus trinitatis, Solium divinitatis, Electorum gloria;
0904402b  En abyssus hic sophiae Atque summae hierarchiae Majestas plenaria.
0904403a  Dei splendor et figura Est hic patris genitura, Speculum sine macula;
0904403b  Nam hic plena deitas, Corporali habitans Et manens praesentia.
0904404a  Hic primum principium, Ens cunctorum entium, Qui firmavit aethera;
0904404b  Qui mensura, pondere, Numero, libramine Condit cuncta cetera.
0904405a  Quis unquam mortalium Tam ingens prodigium Explicare potuit?
0904405b  Mari, ventis imperans, Cuncta solus ordinans, Quem virgo parturiit,
0904406a  Terram palmo qui concludit, Mica panis hic includit, O Deum mirabilem!
0904406b  O quam large te exponis, Promptus malis atque bonis Praebens te esibilem!
0904407a  Cujus unquam cor pensavit Plene aut excogitavit Tam alta mysteria:
0904407b  Mundum continens pugillo Signo tectus sic pusillo, O mira clementia!
0904408a  O majestas infinita, Vis amoris inaudita, Amandi materia;
0904408b  Sedens super Cherubim, Thronos atque Seraphim Excolendus latria.
0904409a  Ex quo, per quem omnia, Una manu clauditur, Nobis factus hostia Digitis contingitur
0904409b  Cujus, quaeso, valeat Os aut ac lingua promere, Quod Deus hic lateat. Sub tantilla specie?
0904410a  O Dei dignatio, Quis mirari sufficit,
0904410b  Quod tua plasmatio Te in verbo conficit?
0904411a  Salve, corpus reverendum, Cum stupore contingendum, Amoris incendium;
0904411b  Amor tuus amor fortis, Parem non habens consortis Sic amantis nimium.
0904412a  Quo affectu trahebaris, Quo amore vincebaris, Cum tantum delectabaris Esse cibus hominum
0904412b  Nam te totum exhausisti Atque nobis impendisti, Supra modum dilexisti Traducem mortalium.
0904413a  Quis pro tali caritate Te amat in veritate, Jesu, Dei salutare, Fac nos vere te amare Hic et in perpetuum;
0904413b  Caro Dei, et non sinas Sion muros et ruinas Sine nobis reparari, Fac ad illam nos quadrari Virtute coelestium.
0904414   Grates tantae caritati Nos agamus sic amati, Omnis homo omni hora Hoc adora, hoc honora Corpus divinissimum.
09044a01a Salve corpus, vas dilectum, Vas amoris, vas confectum Igne divinae gratiae.
0904500   De Corpore Christi.
0904501a  Verbum patris incarnatum, De Maria nobis datum, Ab antiquis figuratum Veneremur hodie,
0904501b  Per quod patres visitavit Nosque pane vitae pavit Pastor verus, summus David Coelestis militiae.
0904502a  Ave panis angelorum, Esca, cibus viatorum, Ab hoc mundo profectorum Dux exorbitantium.
0904502b  Ave donum summi patris, In altari natus matris, Consecratus verbo fratris, Doctor ignorantium.
0904503a  Ave corpus benedictum, Panis specie amictum, Hujus vitae ut conflictum Vincamus in latria.
0904503b  Supplicamus, o charisma, Ut peccati tollas schisma, Mundanorum post sophisma Vivamus in patria.
0904600   De Corpore Christi.
0904601a  Divinum mysterium Semper declaratur, Et mens infidelium Tumens excaecatur, Firma spes credentium Fide roboratur
0904601b  Fides est summopere Credere in Deum, Panem sanctum edere Et tractare eum, Qui dicebat: sumite, Hoc est corpus meum.
0904602a  Panis prius cernitur, Sed dum consecratur Corpus tunc efficitur Christi, sic mutatur: Quomodo convertitur? Deus operatur.
0904602b  De vino similiter, Si sit benedictum, Ex tunc est veraciter Christi sanguis dictum, Credamus communiter, Verum est non fictum.
0904603   Nobis celebrantibus Tale sacramentum Et cunctis credentibus Fiat nutrimentum, Omnibus negantibus Sit in detrimentum.
0904700   In Dedicatione ecclesiae.
0904701a  Gaude, virgo mater ecclesia,
0904701b  Christo quae nuptiali copula
0904702a  Domino dote foederaris sempiterna,
0904702b  Decoris stola et immortali gloria.
0904703a  Haec est illa a finibus terrae veniens regina
0904703b  Voluptatum terrenarum deserendo illecebras.
0904704a  Ut Salomonis verba audiat magnifica,
0904704b  Vitae monita pie sectando sublimia.
0904705a  Haecque illa aureo virtutum amictu decorata
0904705b  Dei dextrae adsistens regina, cujus ab intus gloria.
0904706a  Quam Deus alloquendo: audi, inquit, filia,
0904706b  Domum patris abnega, mundo abrenuntia.
0904707a  Ut serveris actu et mente virginea.
0904707b  Placet decor, placet speciositas tua.
0904708a  O admiranda, o praedicanda Dei gratia;
0904708b  O largitatis, o pietatis abundantia:
0904709a  Humana Christo in sponsam copulatur anima!
0904709b  Jam inquam unum, non duo Christus et ecclesia.
0904710a  Semper regnatura cum ipso in coeli gloria
0904710b  Fruens jucunditate felici jam in saecula,
0904711   Cum Deus erit in omnibus omnia.
0904800   In Dedicatione ecclesiae.
0904801a  Adest dies jubilaeus, In quo summus pater Deus Suae donum gratiae
0904801b  Mundo dedit salutare, Ergo, Sion, gratulare De dono laetitiae.
0904802a  Gaude coelum, terra plaude, Jucundare digna laude De Christi clementia,
0904802b  De supernis innovata, Nova prole fecundata Nunc mater ecclesia.
0904803a  Haec est illa civitas Jerusalem beata, Johannis praesagio Jam praefigurata.
0904803b  Haec est in diluvio Summi regis archa, Quam in mundi fluvio Novus patriarchia
0904804a  Suo cruore roseo Rite fecundavit, Qui te sacro latere Jugiter manavit.
0904804b  Nos a peccatis omnibus Vere liberavit Et coelesti patriae Nos aequiparavit.
0904805a1 Ergo Jesu, rex coelorum, Tuam catervam hominum Rege sine termino,
0904805b  Ut migrantes de hoc mundo Gloriemur de jucundo Angelorum domino.
0904900   Prosa Dominicalis.
0904901   Qui coelorum contines regna,
0904902a  Dolentum qui consolatio comprobaris unica,
0904902b  Umbrosae qui fles Jerusalem ruitura moenia,
0904903a  Nosmet a ruina vera petimus libera.
0904903b  Praevenire tua nostra tribue lamenta.
0904904a  O anima miserrima hoc lamento signata,
0904904b  Quae diem transitoriam hic celebras deflendam.
0904905a  Malis absconsis time ventura temora,
0904905b  In die poenas ne perferas aliena;
0904906a  Ne vallo circumdata, depressa angustia requiras latibula;
0904906b  Ne terrae consternata, lapidibus vacua ipsis, gemas misera.
0904907a  Visitationis quia praesentis inscia
0904907b  Delectationes tuas sequeris avida.
0904908a  Exclama: peccavimus, reatum cognoscimus, detur gratis venia.
0904908b  Ad te jam confugimus, a malis eruamur, refugium, Domine,
0904909   Te da, demus ut gratias per cuncta saecula.
0905000   Tempore pestilentiae.
0905001a  Jubilemus pia mente, Voci corde concinente, Trinitatem collaudantes
0905001b  Patrem prolemque precemur, Sanctum pneuma veneremur Laudis melos concrepantes.
0905002a  Omnes una proclamemus, Summum Deum imploremus, Misereri ut dignetur.
0905002b  Cor gravatur, cor languescit, Jam gens moeret et plangescit, Pestis morsum dum veretur.
0905003a  Aura laedit, furit pestis, Morbus urit, nulla maestis Spes salutis redditur,
0905003b  Mare fluit mixtum felle, Jam tempestas, jam procellae, Plebs ubique premitur.
0905004a  Si pro malis irascaris, Tempus est, ut revertaris, Pie Jesu, miserere.
0905004b  Leo lustrans oves quaerit, Nisi praesis, ovis perit, Bone pastor, nos tuere.
0905005a  Terra, mare, firmamenta, Quaeque parent elementa Tuo facta numine,
0905005b  Mare novit te calcantem, Dum te sentit ambulantem, Factor fertur flumine.
0905006a  Cuncta sistunt te jubente, Non moventur sed repente Redduntur pacifica,
0905006b  Toto nisu, tota cura Omnis laudat te factura, O virtus almifica.
0905007a  Auras mitte nobis laetas, Pestes prece procul pelle,
0905007b  Transfer nos ad vitae metas, Ne nos turbent tot procellae.
0905008a  Olim culpa nos ligati Respirantes cedimus,
0905008b  Corde moesto flagellati Tibi soli credimus.
0905009a  Lex antiqua transgressores Conversos eripuit,
0905009b  Tuae legis abusores Pie dum corripuit.
0905010a  Joab Abner prosequente Et hunc armis insequente Prece datur venia,
0905010b  Joab vitam consecutus Nocte viam transit tutus Per montis cacumina.
0905011a  David in prophetico Vita datur termino Pro delicto gravi,
0905011b  Tersum fugit facinus, Dum fatetur vocibus Inquiens peccavi.
0905012a  Ezechias reddit fletum Et peccatum est deletum, Statim ut poenituit,
0905012b  Fletum fecit et profecit, Sibi Deus hinc adjecit Annos et constituit.
0905013a  Mitis Esther piae mentis Pro salute suae gentis Assuerum adiit,
0905013b  Hinc fit salus Mardochaeo, Crux aequatur Aman reo, Qui suspensus periit.
0905014a  Virtus Judith, de supernis Diva dum illuminat,
0905014b  Caput aufert Holofernis Et captivos liberat.
0905015a  Mater ergo summi regis, Tibi natus Christus verus,
0905015b  Quos signavit umbra legis, Hesther tu, hic Assuerus.
0905016a  Virgo natum intercede, Ut afflictos liberet,
0905016b  Salvet hos a pestis caede, Quos pie redemerat,
0905017a  Virgo mater, maris stella, Fons hortorum, verbi cella, Ne nos pestis et procella Peccatores obruant.
0905017b  Eja, mater, terge fletum, Tempestatis seda fretum, Cor moestorum redde laetum, Jam preces subveniant.
0905018a  Proles parcit, si peroras, Mater, ergo rumpe moras, Posce tuum filium,
0905018b  Aura foeda, rumpens pestis Simul cadant, confer maestis Salutis auxilium.
0905019a  Nostras tuus ipse natus Tollat poenas et reatus Nobis praestans consolamen
0905019b  Sui regni sempiterni, Ubi cives sunt superni; Personemu somnes Amen.
0905100   De Conceptione BMV.
0905101a  Innovetur hac in die Vox fidelis ad Mariae Votiva solemnia,
0905101b  Et in laudem matris Dei Mens prorumpat plena spei Dulci cum concordia.
0905102a  Vinea in Dominica, Area ex Davidica Vitis est propagata,
0905102b  Quae fructum dans fecundius, Florem effundit dulcius Coelitus irrigata.
0905103a  Cujus suxit ex medulla Mundus mel et lac jam nulla Passurus nocentia,
0905103b  Quam spiritus obumbravit Et eandem roboravit Sua cum potentia.
0905104a  Sic suscitato pio germine Abrahae fidelis ex semine Verba per angelica,
0905104b  Angelorum nacta imperium, Conscendit ad coelum empyreum Jam Dei domestica.
0905105a  Exsultet polus Cunctis cum spiritibus Resultet tellus Suis cum militibus Et tu, ancilla Dei, ex tanta munificentia
0905105b  Sanctis locata Sponsi in connexibus, Exsaturata Cupitis amplexibus, Gaude et lauda Deum, a quo haec sufficientia.
0905106a  In sanatis et salvatis Per te tuae sanctitatis Argumenta probantur,
0905106b  Nam morbosi manifeste Venerantes te a peste Multiplici curantur.
0905107a  Tu igitur, virgo gratiosa, Speciosa paradisi rosa, Ab aegrotis animae damnosa Mox dignare effugare;
0905107b  De Aegypto luti tenebrosa Et exosa valle lacrimosa Intra prata nos deliciosa Accelera sublevare.
0905200   De Conceptione BMV.
0905201a  Candida virginitas, Consurgens aurora, Gloriosa veritas, Desuper irrora Gratiam, decora.
0905201b  Splendida benignitas, Fervens omni hora, Radiosa caritas, Filium exora, Veniam implora.
0905202a  Nam tui conceptio Fuit nuntiata, Angelico nuntio Annae lucidata, Cujus tu alloquio Es santificata, Ante sancta quam nata.
0905202b  Verbi incarnatio Mire figurata Et grandi spectaculo Moysi monstrata, Divino consilio In te consummata, Nobis est vita data
0905203a  Ex te orta veritas, Vera lux et via, Homo Deus agios, Salvator, Messia, Quem testatur deitas Vera prophetia Simeonis illa.
0905203b  Et exorta castitas De saeculo dia, Et assumpta puritas Superis Maria, Collataque sanctitas Cum vera sophia Omnium regina.
0905204a  Ubi tibi serviunt Chori angelorum Et in te prospiciunt Agmina sanctorum, Ave, canunt modulis, Regina coelorum.
0905204b  Eja decus virginum, Gloria justorum, Spes vera fidelium, Venia reorum, Duc nos pot exsilium Ad regna polorum.
0905300   In Conceptione BMV.
0905301a  Gaudeamus omnes in terminum Nostri luctus laudantes Dominum,
0905301b  Qui ascendit in florem virginum, Tulit onus nostrorum criminum.
0905302a  Haec est dies, quam fecit Dominus, Exsultemus, laetemur in ea.
0905302b  In qua coepit fulgere cominus Progrediens stella de Judaea.
0905303a  Jam sterilis Anna fit gravida, Cujus onus cunctis proficuum.
0905303b  Haec est proles a Deo provida, Sacrarium de qua fecit suum.
0905304a  Ut radium solis in nebula Creavit hanc salvator omnium;
0905304b  Diu scitur ista puellula Ante suae carnis initium.
0905305a  Navigantes quidam mari Salutis in dubio
0905305b  Explorarunt se salvari Virginis auxilio.
0905306a  Laeti fiunt prius maesti Sedanturque maria,
0905306b  Dum promittunt hujus festi Omnia solemnia.
0905307a  Nos qui sumus in hac valle, Perditionis in calle Assistentes hodie
0905307b  Tuae laudi, fraglans rosa, Nata spinis nec spinosa, Loca nos in requie.
0905308   Amen vox ecclesiae.
0905400   De Conceptione BMV.
0905401a  Diem sacram celebremus, Odas laudis personemus Festivando laetius,
0905401b  Qua beata mater Christi Est concepta, desit isti Murmur indiscretius.
0905402a  Absit hic syllogizare, Lexis loram non laxare Debes neque derogare Theotocos honoribus.
0905402b  Nonne rosam sine spina Quivit dare mens divina, Mundam luis a sentina, Carnis a squaloribus?
0905403a  Fidelis Dei verna, De Christi da lucerna, Quod pater hanc ab aevo Perfecit sine naevo.
0905403b  Non senserat piaculum Hoc Christi tabernaculum, Supremus quod dicavit, Prae cunctis hoc beavit.
0905404a  Plures santificatos In matris alvo natos Scriptura sancta docet, Quos edere non nocet:
0905404b  Sic fuit Isaias, Sic magnus Jeremias, Johannes er baptista, Praeclarus praeconista.
0905405a  Sed amplius hic egit In matre, quam elegit, Supremus hanc compegit Ex forma non infecta.
0905405b  Qoud quivit, nam et licuit, Totaliter explicuit In matre, qui emicuit In mundo jam praefecta.
0905406a  Credo, regem mortis legem Hic laxasse, praeservasse Matris suae formam;
0905406b  Quod et pium est et dium Confiteri, nec id reri Quid contra legis normam.
0905407a  Approbatam, revelatam Matris conceptionem
0905407b  Recolamus et credamus Sic ejus unionem,
0905408   Ut virgo nos Maria Hic protegat in via Et mundi post certamen Nos sumat; omnes dicant Amen.
0905500   In Nativitate BMV.
0905501   Ecce solemnis diei canamus festa,
0905502a  Qua saeculo praesens fit gemma potens et nobilis Maria,
0905502b  Regalibus exorta parentelis, theotocos inclita.
0905503a  Haec egressura de germine Jesse tempore prisco praedicta est virgula,
0905503b  Ut flos ex ejus radice procedens turbida mundi absolveret crimina.
0905504a  Istam venturam veterum parentum linguae prophetiis plene testabanter coelitus ac praecinuerant alma oracula.
0905504b  Quae virgo manens paritura foret unicum morte filium spiritaliter conceptum qui contraderet mundo remedia.
0905505a  Quae Davidis genita stirpe clara generosi nominis fert insignia.
0905505b  Salomonis creditur haec propinqua sed majori praedita sapientia.
0905506a  Haec de regibus generis clari sumpsit exordia,
0905506b  Et haec eadem regis aeterni mater castissima,
0905507a  Ejus qui ante tempora fuerat atque saecula,
0905507b  Qui angelos et homines junxerat pace placida.
0905508a  Illius nobis adesse cuncti precamur auxilia,
0905508b  Per quem tam gravis destructa paci concessit discordia.
0905509a  Illius hoc nobis acquirat genitrix sancta, quam sonant gaudia,
0905509b  Atque suum nobis placatum faciat natum per cuncta saecula,
0905510a  Ille nobis cuncta ut dimittat pleniter delicta
0905510b  Et aeterna clemens tribuat ornarier corona.
0905511a  O nunc, coelorum domina, famulorum vocibus mota, quae deposcunt, aure suscipe benigna
0905511b  Et nos tuo munimine tuearis sedule, donec nosmet regna dones scandere superna.
0905600   In Nativitate BMV.
0905601a  Novum vas est Elisaeo Allatum, quod sal in eo Mittat summus opifex;
0905601b  Auro tectam omni parte Mira fabrefecit arte Arcam primus artifex.
0905602a  Templum Dei consummatum Legitur et consecratum In mense Septembrio,
0905602b  Ita clarum, sic electum Nusquam opus est perfectum Mundi ab exordio.
0905603a  Virgam siccam fronduisse, Vellus rore maduisse, Ignem rubum non ussisse, Sacra prodit pagina;
0905603b  Ista cuncta sed et plura, Quae commemorat scriptura, Quando legis, parum cura, Quia sunt velamina.
0905604a  Totum quod est honestatis, Virtutis et claritatis In scripturis positum,
0905604b  Ad honorem tuum, pia Virgo mater, o Maria, Esse scimus editum.
0905605a  Sedes Deo praeparata, Fiscella bituminata, Matris alvo consecrata, Nata mundo hodie;
0905605b  Manna nostrum tu servasti, Quo nostri sunt patres pasti, Sed et nos, dum sumus casti, Pascimur quotidie.
0905606a  Arca tu es deaurata, Domus bene columnata, Porta viris obserata, Soli Deo pervia.
0905606b  Rite tu vas Elisaei, Rite domus dicta Dei, Qua curantur omnes rei Sumentes praesidia.
0905607a  Illustri de stirpe nata, In salutem nobis data, Flecte natum precibus,
0905607b  Esse sui cohaeredes Ut possimus, ubi sedes Multae in coelestibus.
0905700   De Praesentatione BMV.
0905701a  Gaude, virgo gloriosa, Ave, paradisi rosa, Salve, decus virginium,
0905701b  Hebraeorum stirpe nata, Peccatorum advocata, Angelorum gaudium.
0905702a  Infans patri obedisti Et asylum introisti, Ubi Deum coleres,
0905702b  Conternantem te litasti Et in templo protelasti Donec viro nuberes.
0905703a  Legem tibi statuisti, Quam devote perfecisti Vivens regulariter,
0905703b  Mane Deum exorasti Ex exinde laborasti Libens et hilariter.
0905704a  Noctu quando dormitasti, Corde simul vigilasti Nunquam vacans otio,
0905704b  O quam felix et beata, Tibi frugi, Deo grata Fuit haec devotio.
0905705a  Per quam cunctos praetulisti Ac per illam meruisti Invenire gratiam,
0905705b  Quam amisit protoplastus, Qui in paradiso fastus Intulit miseriam.
0905706a  Redde ergo, mater Christi, Gratiam, quam invenisti, Peccatori valde tristi Impetrando veniam.
0905706b  Salva cunctos poenitentes Matrem Dei te credentes Et corruptam non fatentes Sed infantis filiam.
0905707a  Te laudantes intuere, Innocentes contuere, Peccatorum miserere Et rebelles fac parere Gubernanti omnia;
0905707b  Ut quicunque te collaudant Contra pneuma non delinquant, Creatorem non offendant, Redemptori laudes pangant Per aeterna saecula.
0905800   In Praesentatione BMV.
0905801a  Audi, Maria, nos, Templum deitatis,
0905801b  Audi, Maria, nos Nantes in peccatis.
0905802a  En praesentata es Templo trima hodie,
0905802b  Per quinos gradus pres Ascendisti propere.
0905803a  Gaudia nova Sunt orta, Haec dum sistitur;
0905803b  Orbis, hinc ova, Quod porta Coeli panditur.
0905804a  Nos custodi, virgo, A peccatorum fluctibus
0905804b  Mundi hujus, virgo, Nos orna virtutibus.
0905805a  Ave, potens hic patrona, Corruscans miraculis, Ave, reorum matrona, Comparata liliis.
0905805b  Non hic simus viatores In valle miseriae, Praesenta nos peccatores In asylum gloriae.
0905900   In Annuntiatione BMV.
0905901a  O tempus temporum Desiderabile, Quo Deus omnium Hoc ave habile Mittit in saecula,
0905901b  Attendens misera Humani generis Et damnabilia Antiqui seminis, Et aufert omnia.
0905902a  O felicissima, Ave quae suscipit, Virgo purissima Salutem peperit Commune omnium.
0905902b  Mater et filia Virgo efficitur, Vim per haec talia Natura patitur Dei per spiritum.
0905903a  Lingua quae poterit Plene depromere Vel quis retexerit De textu literae Dona haec gratiae?
0905903b  O virgo virginium,Tu de coelestibus Advocas Dominum, Quem das terrestribus Pro dono veniae.
0905904a  Felix puerpera Quae fructu uteri, Ea, quae vipera Humano generi Struxit, tu disjicis.
0905904b  Sacri plenarium, Quae zyma scoriae, Mortis initium, Per natum gloriae In vitam redigis.
0905905a  Digne laudabilis Cunctis fidelibus, Praeadmirabilis Cunctisque gentibus Et peramabilis.
0905905b  Nunc tuis laudibus, Virgo purissima, Pie instantibus Mente piissima Adsis placabilis.
0905906a  Ut sit propitius Te venerantibus Jesus credentibus, Ut tecum siderum Jungamur civibus.
0905906b  Christe, qui tua hac Matre et filia Ponis sub gratia Salutem hominum, Hinc tibi gloria.
0906000   In Annuntiatione BMV.
0906001a  Gaude, virgo, stella maris, Quae parentem virgo paris Mundo ferens gaudia;
0906001b  Sine patre facta parens, Munda caro labe carens, Coeli plena gratia.
0906002a  Gaude, rubus, sedes facta Deitatis, sed intacta Carnis per incendia;
0906002b  Virga Aaron supra morem Parit fructum, parit florem Virga Jesse regia.
0906003a  Gaude, thronum summi regis, Foederantis arca legis Continens mysteria;
0906003b  Spiritalis urna cibi, Domus, in qua domum sibi Fecit sapientia.
0906004a  Gaude, terra, quae per rorem Germinasti salvatorem Simul cum laetitia;
0906004b  Fons hortorum, clausus hortus, Favus stillans, vitae portus, Porta coeli pervia.
0906005a  Gaude, virgo, mater Dei Singularis, tantae rei Servans privilegia;
0906005b  Nova stella novum solem, Novam virgo profert prolem, Lactans patrem filia.
0906006a  Gaude, sola spes lapsorum Gaude, decus angelorum, Hominum laetitia;
0906006b  Nato pio, mater pia, Mediatrix o Maria, Nos clemens concilia.
0906100   De Visitatione BMV.
0906101a  Ave lucis fundamentum, Fidei positio, Te signavit firmamentum Factum in principio,
0906101b  Maria, illuminata Per duo luminaria, Carne Christi humanata Cum deitate socia.
0906102a  Gratia sic fecundari Plena te castam voluit, Sicut aqua abundari Orbem Deus disposuit.
0906102b  Dominus est vere tecum Autoritate regia, Quia tibi soli secum Subjiciuntur omnia.
0906103a  Benedicta tu vocaris Sola in mulieribus,
0906103b  Divis quia tu dotaris Prae ceteris muneribus.
0906104a  Benedictus fructus tui Ventris, vita sufficiens, Qui nobis dativus sui Sit salus indeficiens.
0906104b  Et tu Christo praesentata Tuis fave supplicibus, Trinitate tu placata Nostris assiste precibus.
0906200   De beata Maria V. (Tempore Nativitatis DN.)
0906201   Salutata coelitus Mater fit divinitus Passa nil puerpera.
0906202a  Stilla, dulcis mamma, filio, In quo salus nec in alio Spes est ulla miseris.
0906202b  Non in aula nec in solio, Hic, hic vagit in praesepio Infans terror inferis.
0906203a  Foenum jacet, strictum fascia, Verbum patris, plenum gratia, Pacti memor foederis.
0906203b  Cerne stellam, audi, filia, Num tui nati sit gloria Tam canora superis.
0906204a  Hic est ille, hic revera Risus Sarae, cum de sera Isaac suscipitur.
0906204b  Dona date fide mera, Hic est, gentes, in quo vera Vobis salus mittitur
0906205a  Serva, mater, ad cunabula Pascens agnum intra stabula Te pascentem suaviter;
0906205b  Mater, inquam, sine macula, Laudi preces jungant saecula Te cantando jugiter.
0906206a  Gemma coeli, porta veniae, Tuae florem pudicitiae, Placa regem gloriae;
0906206b  Quos antiquae fraus astutiae Morti dedit et miseriae, Duc ad portum gratiae.
0906300   De Compossione BMV.
0906301a  Gaude, turba fidelium, Mentis colens martyrium Ejus, quae dedit filium In mortem pro miseris.
0906301b  Sed gaudendo compatere Matri desolatissimae Cum digna gratitudine Effectu pietatis.
0906302a  Nati condolet sic poenis, Ut congaudeat redemptis Ex fervore caritatis, Cui non est similis.
0906302b  Datur mater discipulo Cum maximo mysterio, Joannis sub vocabulo Quivis venit fidelis.
0906303a  Gratias tibi, domina, Quod mater facta es nostra, Sub cruce salutifera Filio cooperans.
0906303b  Age sic grates filio Pro tam grandi sacramento, Tuorum ut devotio Semper hinc sit jubilans.
0906400   De beata Maria V. (Tempore paschali.)
0906401a  Mundi renovatio Tenuit primordia, Cum ex matris gremio, Qui creavit omnia, Prodiit fons luminis, Mundus ergo virginis Celebret solemnia.
0906401b  Ignis almi pneumatis Igniat praecordia Jam redempti plasmatis Tua per suffragia; Virgo, spes fidelium, Et per tuum filium, Renovantur omnia.
0906402a  Coelo tu serenior, Angelis sublimior, Cunctis amabilior; Vallis nostra floruit, Dum grandescit virginis Alvus expers criminis, Nostrum ver intepuit.
0906402b  Gelu mortis solvitur, Verus sol exoritur, Quo surgente panditur Vita, quam restituit Nobis cum victoria Resurgens in gloria, Quem Maria genuit.
0906403a  Viam praebet facilem Se ostendens humilem, Qua exitiabilem Quis evadet gladium.
0906403b  Vita mortem superat, Nam Christus nos reparat, Qui nobis jam praeparat Paradisi gaudium.
09064a01a Prodiit fons luminis, Natus almae virginis, Cujus haec solemnia.
09064a01b Ignis almi pneumatis Igniat praecordia Ut redempti gratias Persolvamus debitas Conditori omnium Qui per suum filium Renovavit omnia.
09064a02a Coelo qui serenior.
0906500   De beata Maria V. (Tempore paschali.)
0906501   Jesu Christi matri laus sit Gloria dicta Jesu.
0906502a  Gratiarum actio, Laus et jubilatio Pro nobis mortuo Quondam, nunc vivo.
0906502b  Solus nobis obiit, Sed non solus revixit Multos sed conduxit Regno divo.
0906503a  Laetemur hinc omnes Christo conresurgentes Et matri tanti victoris Devoti simus omnibus horis.
0906503b  Gaude nunc, Maria, Virgo clemens et pia, Congaude Christo viventi Piisque votis nostris consenti.
0906504a  Vicit, regnat, imperat Immortalis vere Jesus, quem nobis Dona videre.
0906504b  Jesu, fili virginis, Nostri miserere, Tibi matrique Fac nos placere.
0906600   De gaudiis BMV.
0906601a  Gaude, virgo gratiosa, Verbum verbo concepisti;
0906601b  Gaude, tellus fructuosa, Fructum vitae protulisti.
0906602a  Gaude, rosa speciosa,Vernans Christo resurgente;
0906602b  Gaude, mater gloriosa, Christo coelos ascendente.
0906603a  Gaude, fluens deliciis, Nunc rosa juncta lilio;
0906603b  Emunda nos a vitiis Et tuo junge filio.
0906700   In Assumptione BMV.
0906701   Gaude eja, unica columba, speciosa sponsa, superno regi consociata.
0906702a  Beata semper Dei genitrix, pia virgo Maria,
0906702b  Precamur, alma, preces exaudire digneris et nostras.
0906703a  Praeclara dies nobis instat, quam temporum affert orbita revoluta.
0906703b  Haec solemnitas est hodie et festivitas nostra merito veneranda.
0906704a  Celebremus eam lingua vocifera, gratulemur in ea corde pio Dominum laudantes, mente pura,
0906704b  Ut delicta nostra tergat manu sua summa pia gratia, nostra conserventur et corpora custodita.
0906705a  De gente fera nos libera Normannica, quae nostra vastat Deus regna.
0906705b  Senum jugulat ac juvenum et virginum, puerorum quoque catervas.
0906706a  Depelle, precamur, cuncta nobis mala; Converte, rogamus supplices, Domine, nos ad te, rex gloriae, es qui vita, pax, salus pia spes et firma.
0906706b  Dona nobis pacem atque concordiam; Largire nobis spem integram, fidem simul veram, caritatem continuam concede nobis et perfectam.
0906707a  Sanctorum precibus nos adjuvemur ad haec impetranda,
0906707b  De quorum passione gratulemur modo gloriosa.
0906708   Laus sit et par gloria trinitati quam maxima cuncta per saecula.
0906800   In Assumptione BMV.
0906801a  Mater misericordiae, Stirpis puella regiae,
0906801b  Primordium laetitiae, Humanae causa veniae.
0906802a  Sedes sapientiae, Via penitentiae, Domus pudicitiae, Relevamen et solamen Miseris et tristibus, Medicamen, adjuvamen Lapsis poenitentibus.
0906802b  Firmamentum, documentum Castis et humilibus, Supplementum, nutrimentum Cunctis indigentibus. Aliis virginibus Pulchrior in omnibus, Ornata monilibus.
0906803a  Cantibus celebribus Cantanda fideliter,
0906803b  Vocibus supplicibus Jucunda suppliciter.
0906804a  Alma regina, Lux matutina,
0906804b  Stella marina, Forma divina.
0906805a  Imperatrix omnium, Firma spes credentium, Praemium, pretium, gaudium, Salus es fidelium, Janua coelestium.
0906805b  Consolatrix supplicum, Prophetarum canticum, Unicum, mysticum, coelicum, Decus es angelicum, Promissum Davidicum.
0906806a  Genus regale, Vas spiritale.
0906806b  Templum virginale, Donum speciale.
0906807a  Gemma castitatis, Flos virginitatis, Norma sanctitatis. Felix dicta, virgo pura Simul et puerpera, Maritalis thori jura Nesciens et foedera.
0906807b  Jesum nobis placatura Semel petit aethera, Sine fine regnatura Mole carnis libera, Justis laus aeterna, Die hodierna Transcendens superna.
0906808a  Lilium pudoris, Myrthus et honoris,
0906808b  Sui genitoris Mater et pastoris.
0906809a  Qua neque melior Neque felicior Mulier habetur,
0906809b  Qua nulla prior Neque posterior Partu videtur.
0906810a  Origo clementiae, Titulus prudentiae,
0906810b  Speculum justitiae, Sedes sapientiae.
0906811a  Fons virtutis nimiae, Dulcis et diligenda,
0906811b  Per quam porta gloriae Fuit aperienda.
0906812a  Per quam inclita Lux est edita,
0906812b  Per quam reddita Vitae praemia.
0906813a  Super choros angelorum Regnat exaltata
0906813b  Maria, regis coelorum Genitrix beata,
0906814   Nimis honorata, Mater et beata.
0906900   In Assumptione BMV.
0906901a  Sacra mundo fulget dies, Quam sacravit sacra quies Genitricis Domini,
0906901b  Gaudeamus hac in die Commendantes nos Mariae, Gloriosae virgini.
0906902a  Dies ista, dies laeta, Qua coelorum in secreta Natus matrem recipit,
0906902b  Felix mater in egressu, Quia suo te consessu Natus dignam efficit.
0906903a  In mandatis hoc habemus, Ut parentes honoremus Sintque nobis proximi;
0906903b  Hujus memor est mandati, Hunc honorem qui dat matri, Ut sit consors solii.
0906904a  O quam felix, quam beata Patris mater, nati nata, Quam felicis gratiae,
0906904b  Cui natus dedit donum, Ut in suum ipsam thronum Exaltaret hodie.
0906905a  Multa tibi dedit dona, Sed donorum est corona, Quod haec dies attulit,
0906905b  Quae a mundo te solutam, Veste carnis reindutam Coeli thronis intulit.
0906906a  Duplicatur en corona, Duplex tibi datur stola Carnis atque spiritus:
0906906b  Ista quasi singulari Solam te vult gloriari Ille tuus unicus.
0906907a  Gaudet chorus angelorum, Et consortes gaudiorum Fax nos esse, domina;
0906907b  Fac gaudere tuos tecum Et ad pia vota precum Aurem piam commoda.
0906908a  Felix sidus et regina; Per quam luxit lux divina, Nos in umbra respice;
0906908b  Tende manum stratis humi, Fac, assumpta, nos assumi Beatorum requie.
0907000   In Assumptione BMV.
0907001a  Pro matre Christi Maria Congaudeat ecclesia,
0907001b  Pro societate sua Suspiret ad perpetua.
0907002a  Matrem misericordiae Precentur Sion filiae,
0907002b  Ut hac valle miseriae Cum illis sit in acie.
0907003a  Per te, dulcis o Maria, Vincuntur multa proelia,
0907003b  Ab incursu phantasmatum Custodis cordis sabbatum.
0907004a  Per te pulsato vitio Malum habetur odio,
0907004b  Tu scis amoris foedere Corda de terra tollere.
0907005a  Per te salvantur omnia, Per te redditur gaudium,
0907005b  Per te fugantur vitia Et his datur silentium.
0907006a  Per te cuncta jucunditas Habetur et solemnitas,
0907006b  Tu mater es et filia Parensque paris nescia.
0907007a  Tu mater es fidelium, Consolatrix humilium, In te sit nostrum omnium Amor et ardor cordium.
0907007b  Per te cives angelici Sint nostri semper medici, Qui nos curent a triplici Hoste nec sinant subjici.
0907008a  Hostes omnes inficiunt, Quos possunt, et afficiunt, Sed hos omnes despiciunt, Qui frui tecum sitiunt.
0907008b  O mater regis incliti, Pro dignitate meriti Fac nos tuo juvamine Vero repleri lumine.
0907009a  Cantemus omnes hodie Cum ingenti laetitia
0907009b  Laudes virginis Mariae, Quae laetatur in gloria.
0907010a  Haec est regina virginum Transcendens culmen ordinum,
0907010b  Excuset apud Dominum Nostrorum lapsus criminum.
0907011a  Nos ad sanctorum gloriam Per ipsius suffragia
0907011b  Post praesentem miseriam Christi perducat gratia.
0907100   In Assumptione BMV.
0907101a  Angelorum ordinatrix, Peccatorum mediatrix, Sanitatum sanitas;
0907101b  Dominarum dominatrix, Reginarum imperatrix, Sanctitatum sanctitas.
0907102a  Patrem paris parens et filia, Tibi soli constat haec gloria, Gemma mortalium;
0907102b  Ave mundi rosa mundissima, Fraglans rosa, rosa purissima, Reis remedium.
0907103a  Mali naevum delevisti, Solem stella genuisti, Genitorem filia;
0907103b  Morte mortem qui domando, Lacu faecis emundando Secum traxit omnia.
0907104a  Moriendo mortem stravit, Ad inferna pervolavit, Vectes fregit inferos;
0907104b  Suis ibi se ostendens Ad se traxit manus tendens Derelinquens miseros.
0907105a  Ave, per quam salus datur, Ave, per quam solidatur Nostrum insoliditas;
0907105b  Ave, per quam relaxatur, Ave, per quam pessumdatur Reatus enormitas.
0907106a  Ave, mater regis justitiae, Fons salutis, origo veniae, Porta coeli, domus laetitiae, Deviantes reformans gratiae,
0907106b  Ad te clamat claustralis concio, Quam asylum omnis professio Profitetur, nostra redemptio, Nostra salus, nostra salvatio.
0907107a  Deprecamur, nos absolve Absolutosque confove Nos in coeli curia;
0907107b  Ibi Christum collaudemus Incessanter et cantemus In excelsis gloria.
0907200   In Assumptione BMV.
0907201a  Quae est ista, quae ascendit Transiens deserta, Quo tendit aut quid praetendit Floribus operta? Pape, furem non ostendit Opibus referta, Virgo singularis; O, praedo jam praedaris, Praeda factus virginis.
0907201b  Haec est hostis Holofernis Mulier Hebraea, Quid Judaeos, Aman, spernis, Hester est Hebraea. Mardochaeo crucem sternis, Punieris ea, Singularis ferus O, rex est Assuerus, Hester magni nominis.
0907202a  Haec est illa virga, Jesse Quam fert Isaias De radice natam esse, Cujus flos Messias; Passionis suae messe Stravit mundi vias, Fructu tricenario, O, cum sexagenario Atque centenario.
0907202b  Haec est Sunanitis illa, Quae David servivit, Ista Jahel tam pusilla Sisaram contrivit, Haec est regina Sibylla, Quae regis adivit Salomonis regiam, O, cujus sapientiam Audit in sacrario.
0907203a  Haec de manu Pharaonis Suum salvat masculum, Haec est vellus Gedeonis Rore ditans vasculum, Haec est veri Salomonis Singulare ferculum Et turris eburnea, Ha, tota resplendens aurea, Tota delectabilis.
0907203b  Haec est, in quo se reclinat Rex, reclinatorium, Viatori, dum declinat, Haec est diversorium, Caput super hanc inclinat Non habens tugurium Rex aeternae gloriae; Ha, quam dulcis est memoriae, Mater tam laudabilis.
0907204a  Haec est arbor inflammata Sed comburi nescia, Stella Jacob procreata, Veri solis nuntia, Porta semper obserata, Soli regi pervia, Sed et arca foederis Allata David humeris, Magno sublata jubilo.
0907204b  Lunam tenet haec sub planta, Sole stat circumdata, Qualis exstat et quam sancta Tot habens charismata, Tot figuras, signa tanta, Tot habens aegnigmata, Quot sunt coeli sidera; Ha, quanta sit considera, Tu quisquis es in jubil
0907205a  Istis suffulta flosculis, Istis malis stipata, Stat exuta periculis In portu laureata, Desideratis osculis Jam fruitur beata, Conjuncta trinitati; O, plaudant jam renati Ad verbum tam suave.
0907205b  O jubilum, quo jubilat Mater nato unita, O quam praeclara rutilat Duplicibus vestita, Translator non sic ventilat, Fides allegat ita, Quod regnat jam cum Deo, O, carnis cum tropheo, Ergo dicamus: Ave.
0907206a  Ave, Maria, gratia Plena, sit tecum Deus, Corruptionis nescia, Quam somniat Judaeus, Tabescat in fallacia Seductor Saducaeus; Nam vere resurrexisti, O, dulcis mater Christi, Reorum miserere.
0907206b  Ave, Maria gratiae Mater, mundi regina, Mater misericordiae, Salva nos a ruina; Fons vitae, vena veniae, Venire tunc festina, Cum morti propinquamus, O, tecum valeamus Perpetuo gaudere.
0907300   In Assumptione BMV.
0907301a  Lux illuxit festive celebris, Qua terrenis Maria tenebris Felix eripitur
0907301b  Et aeternae lucis ad solium Juxta regem regina filium Mater assumitur.
0907302a  Ad honorem matris et gloriam Ascendenti procedit obviam Christus alacriter,
0907302b  Et agentes diem laetitiae Omnes cives beatae patriae Occurrunt pariter.
0907303a  Affluentem castis deliciis Et vernantem rosis ac liliis Juvat adspicere;
0907303b  Juvat arcam Dei cum canticis Ordinatis choris hymnidicis Sursum deducere.
0907304a  Admirantur humilem virginem, Cujus omnem transcendit ordinem Praecelsa dignitas;
0907304b  Nec est tristi locus invidiae, Nam ipsius congaudet gloriae Cunctorum caritas.
0907305a  Recognoscunt, hanc esse feminam, Quae ruinam replens angelicam Coelos laetificat;
0907305b  Mundus omnis hanc esse dominam Et reginam cunctis beneficam Sentit ac praedicat.
0907306a  Eja Deo prae cunctis proxima, Quae cum eo regnas in anima Simul et corpore,
0907306b  Claro tui conspectu filii Tecum frui fac nos exsilii Transacto tempore.
0907400   In Assumptione BMV. (Die III. infra Octavam.)
0907401a  Salve, sancta Dei parens, Virga Jesse, flos non arens. Veri solis regia;
0907401b  Forma vitae, fons virtutis, Porta lucis, spes salutis, Vallis nostrae gloria.
0907402a  Mundi jubar, stella maris, Lux praefulgens singularis Jure privilegii;
0907402b  Virgo gignens genitorem, Luna mundo dans splendorem De splendore filii.
0907403a  Spes humani generis, Sanctitatis speculum,
0907403b  Arca novi foederis, Novae pacis vinculum.
0907404a  Per te, virgo, reformatur Dei pax et hominum,
0907404b  Per te mundo salus datur Et medela criminum.
0907405a  Per te cedit hostis victus, Coit vulnus et inflictus Olim dolor exsulat;
0907405b  Cadit accusator fratrum Et in lacum missus atrum Draco magnus ejulat.
0907406a  Virgo mater, mater Dei, Mater unigeniti,
0907406b  Te laudamus, quamvis rei, Per te Deo geniti.
0907407a  Ora patrem, ora natum, Nostrum tollat ut reatum Et clementer deleat,
0907407b  Ut post onus servitutis Libertatis ac salutis Porta nobis pateat.
0907500   De Assumptione BMV. (Quinta die Octavarum.)
0907501a  Vergente mundi vespere Sereno fusus sidere Coeli procedit radius,
0907501b  Inducto carnis onere Sacro dependes ubere, Patris aeterni filius.
0907502a  In Gedeonis vellere Et in rubi caractere Praesignaturus cernitur,
0907502b  Cujus aperto latere Cedit velamen literae Et lex vetus exponitur.
0907503a  Sacramenta novae legis In pressura Christi regis Et in crucis ludibrio
0907503b  Planctum docet Jeremiae Et languores Isaiae Regis alti suspendio.
0907504a  Virgo, sidus singulare, Virgo, mundi luminare, Christi profusa genibus,
0907504b  Illi refer latus, lora, Spinas, clavos et perora Istis intercessoribus.
0907600   In Octava Assumptionis BMV.
0907601a  Omnis coeli hierarchia Felix in theophania Gaudet ab initio,
0907601b  Ubi crescit, dum Maria Illic scandit ex hac via, Jucundandi ratio.
0907602a  Elevata est ab imis Arca Noe et sublimis Montes supergreditur,
0907602b  Cujus odor fragrat nimis, Haec pro meritis opimis Praemiis perficitur.
0907603a  Affluens deliciis Collectis divitiis Scandit de deserto,
0907603b  Quae amicta variis Canit tympanistriis Dilecto reperto.
0907604a  Thalamum secretiorem Virgo intrat ob decorem Universis praedita,
0907604b  Virga, quae produxit florem, Sed naturae praeter morem, Refertur in abdita.
0907605a  Regem mater dum adorat, Vice versa rex honorat Matrem omni gloria,
0907605b  Sacrum flamen quam virorat, Civitatem haec explorat Et pertransit omnia.
0907606a  Ter vocata coelitus Semel venit penitus Digne coronanda,
0907606b  Unde plus quam primitus Gaudet ejus spiritus, O res praedicanda.
0907607a  Arcae Dei jam translatae Patet in sublimitate Dignum tabernaculum;
0907607b  Hesther ab humilitate Ducitur in caritate Regis ad cubiculum.
0907608a  O quae ista est et qualis, Quae virtutum volat alis, Ubi est securitas;
0907608b  Super terram non est talis, Cui supernaturalis Inest singularitas.
0907609a  Laudes ergo alacriter Coeli demus communiter Nos reginae,
0907609b  Ut cum ipsa similiter Conregnemus feliciter Sine fine.
0907610a  Sed quae hodierna die Coelos adis hujus viae Consummato termino,
0907610b  Quos adhuc psychomachiae Labor gravat, illos pie Recommenda Domino.
0907700   De beata Maria V.
0907701a  Ave Dei genitrix, coelestium, terrestrium, infernorum domina.
0907701b  Tu suavis universis, fructifera, suavitatem dans odoris virgula.
0907702a  Ut fructus tui ventris Crescat in nobis, in misericordia uberi.
0907702b  Participationis ejus in idipsum fac nos participes tieri.
0907703a  O quam divinitatis obumbrat virtus, spiritu principali repleta,
0907703b  Ejusdem spiraminis sub umbra tu nos protegas in pace perpetua.
0907704a  Tu plena salutaris gratiae, quam inhabitat plenitudo deitatis.
0907704b  Medicinam da mentis et carnis, ut inhabitet virtus spiritus in nobis.
0907705a  Repleatur in bonis desiderium te colentium in laetitia
0907705b  Ad gloriam nominis tui filii, cui laus, honor sit per saecula.
0907800   De beata Maria V.
0907801   Salve, nobilis puerpera, Exaltata super aethera, Sancta Maria.
0907802a  Salve lux solaris, Fulgida stella maris, Virgo singularis, Dulcis Maria.
0907802b  Verbo fecundaris, Patrem filia paris, Nec partu gravaris, Sancta Maria.
0907803a  In quam tam mira genitura Nihil suum habet natura, Dulcis Maria,
0907803b  Sed verum solem paritura Incorrupta manes et pura, Sancta Maria.
0907804a  Solo nutu spiritali Paruit ordo natura, Regi regum novo jure, Ut in partu daemonstratur, Dulcis Maria.
0907804b  Nam in aula virginali Repromissus Emanuel, Quem praesignavit Gabriel, Miro modo humanatur, Sancta Maria.
0907805a  Nulla te infecit macula, Quae sanguine lavantem saecula Virgo generasti, Dulcis Maria.
0907805b  Dura priscae legis fercula In lactea gratiae pocula Partu commutasti, Sancta Maria.
0907806a  Coeli rorem, Campi florem Ex te accepimus, Dulcis Maria.
0907806b  Novum lumen, Verum numen Per te adoramus, Sancta Maria.
0907807a  Tu, virga castitatis, Profers florem aeternitatis, Dulcis Maria.
0907807b  Decus virginitatis, Pollens flore divinitatis, Sancta Maria.
0907808a  Nunc stipata coelitibus Manum tuis supplicibus Praebe in hoc exsilio, Dulcis Maria,
0907808b  Ut, qui misere vivimus, Sub carnis mole gemimus, Supplica tuo filio, Sancta Maria,
0907809   Non nos velit derelinquere, Sed jam dignetur respicere, O Maria, Virgo pia, Matrum gloria.
0907900   De beata Maria V. (Infra Nativ. et Purific.)
0907901a  Omnis ager scripturarum Tui ventris germen clarum, Virgo mater, redolet;
0907901b  Omne semen aerumnarum, Quidquid Eva dat amarum, Ille fructus abolet.
0907902a  Anus Sara dum fetatur, Domus Abrae collaetatur Matri diu sterili;
0907902b  Aula coeli jucundatur, Quia salus ex te datur Mundo diu flebili.
0907903a  O Maria, mater Christi, Rubus ille tu fuisti, Ignis quem non nocuit;
0907903b  Ignem verbi tu gessisti, Corruptelam nec sensisti, Sic nos fides docuit.
0907904a  Manna coelo pluit verum, Quando venit auctor rerum Virginis in uterum;
0907904b  Qui cruoris sui merum Vitis vera dans sincerum Mutat ritus veterum.
0907905a  Arens virga germinavit, Virgo feta terminavit Culpam primae feminae;
0907905b  Pater verbum seminavit, Caro verbum generavit Sine viri semine.
0907906a  Rore vellus inundatum Signat pneuma tibi datum Multiformis gratiae;
0907906b  Arvum circa desiccatum Dat Judaeum jam privatum Conditoris facie.
0907907a  Deus pater hoc juravit, Quod de fructu ventris David Regni thronum sedeat;
0907907b  Vere fructus ventris David, Princeps pacis jam regnavit, Nunc captivus redeat.
0907908a  Illud tuum mundum pectus, Quo quievit Deus tectus Humano sub corpore,
0907908b  Salomonis erat lectus, Viris bonis circumspectus Nocturno sub tempore.
0907909a  Ecce constat jam completum Isaiae magni laetum Illud vaticinium:
0907909b  Virgo praegnans dedit fetum, Quo fugavit mortis metum Hostis et dominium.
0907910a  Porta clausa te signavit, Per quam solus rex intravit Serato signaculo;
0907910b  Hoc est lapis praemonstravit, Quo nil homo laboravit, Abscissus miraculo.
0907911a  Virgo, templum deitatis, Plena summae pietatis, Nos indignos respice
0907911b  Quo redundas praesta gratis, Ut in tuae claritatis Sorte simus, effice.
0908000   De beata Maria.
0908001a  Ad laudem virginis, Quae sine labe criminis Est mater veri luminis, Cordis et oris conformemus cantica;
0908001b  Quae Deum genuit, Ut rubus igne canduit Et virga Jesse floruit Non ex natura sed virtute mystica.
0908002a  Matris praecelsae meritum Naturalem interitum Recludens vitae reseravit aditum;
0908002b  Cujus votiva castitas Et singularis dignitas Humanum genus refecerunt perditum.
0908003a  Tu carens carie, Obstaculum perfidiae, Tu restauratrix veniae, Quae sternis hostem, promotorem sceleris.
0908003b  Virtus debilium, Tu salutis principium, Reductrix exsulantium, Quae neminem sperantem in te deseris.
0908004a  Nunc vetus error siluit Noctemque lux praevaluit In tenebris erroris et miseriae.
0908004b  Per te medela criminum Detur et salus omnium, Te collaudat coelestis culmen patriae.
0908005a  Vellus vita madens gentium, Tellus rore carens arida.
0908005b  Viro nulli patens ostium, Miro modo verbo gravida.
0908006a  Efficeris puerpera, Claudis inter viscera Regem salvatorem saeculi.
0908006b  Ut sol de coelo gignitur, Deus ex te nascitur, Summum sublevamen populi.
0908007a  Te subdidit et condidit Mundum, coelos et aequora
0908007b  Et moriens obediens Mundi sustulit facinora.
0908008a  Te sponsus ecclesiae Vocat in meridie Clamans: veni, sponsa, propere.
0908008b  In amore langueo, Tui carere nequeo, Digna, veni, coronabere.
0908009a  Tunc vetitus Introitus Per te, virgo, cunctis panditur
0908009b  Qui labitur Et sternitur, Per te coelitus erigitur.
0908010a  Nobilis et inclita, Dono Dei praedita, Caritate subdita Cum salute genita Propaginis humanae,
0908010b  Interpella filium, Ut post hoc exsilium Coeli refrigerium Det nobis, et vitium Relaxet mentis vanae,
0908011   Et cor virtutum repleat inane.
0908100   De beata Maria V.
0908101a  Mirum fit oraculum Gabrielis ore, Coeli tabernaculum Terrae claudunt orae, Lucent virtutis honore.
0908101b  Anna gerit flosculum Fusum fructus rore, Vesper fert crepusculum Lucentis aurorae Praegnans mirabili more.
0908102a  Terra stellam genuit Vitandam fulgore, Virgo nata claruit Coelesti splendore Morbidos vigore Fons erumpens imbuit, Aridos liquore.
0908102b  Tu virga, quae canduit, Virens in candore, Quae pubendo caruit Radicis humore, Vita puriore Nam nascendo splenduit Libani virore.
0908103a  Res mira conspicitur: Sphaera puncto clauditur, Maximus minore;
0908103b  Fons a stilla geritur, Sol a stella gignitur, Fructus est in flore.
0908104a  Dulcor mari mittitur, Decor carni jungitur Humili pudore,
0908104b  Ima summis, nascitur Rhinoceros, capitur Virginis amore.
0908105a  Expavescit ratio: Purae fit purgatio, Deus est oblatio, Lege fit redemptio Pro legislatore.
0908105b  Implens corda gaudio, Ora vaticinio, Senem docet unctio, Matrem nati gladio Transfigi dolore.
0908106a  Mors distendit Sepulchri regiam, Dum extendit Sol stolam regiam, Terra tendit Ad solis regiam Cum decore.
0908106b  Apprehendit Flos fructus gratiam, Jam impendit Ros mundo pluviam Dum ascendit Surgens ad gloriam Cum honore
0908107a  Regni Dei Sceptrum, fons olei, Sol diei, Templum saphyrei, Nostrae spei Fac fructum provehi Cum fervore.
0908107b  Jubilaei Lex, anni rorei Per te rei Merentur revehi, Sis lux rei, Sis splendor fidei Cum dulcore.
0908108a  Verni floris Decor effloruit, Nostris choris Dulcor insonuit Nostri plausus.
0908108b  Tu vas roris, En sanguis patuit, Veli poris Haerens qui latuit Velo clausus.
0908109a  Laus, lux, lex, laetitia, Monstrant mirabilia Virginalis veli,
0908109b  Vita, virtus, venia Praestantur et praemia, Vernat ara caeli.
0908110a  Mens devota Promens vota Vigilet, Dulcis nota Cantus nota Jubilet Matri Dei.
0908110b  Munda, lota Vita tota Rutilet, Ne commota Mens vel jota Ventilet Verae spei.
0908111a  Arca, sanctuarium, Lex, templum, sacrarium, Tunc velo velata, Nunc sunt revelata.
0908111b  Flos, rosa, rosarium, Virens viridarium Sit velum, ornata Virgine sacrata.
0908112a  Jesu prelum, Sudor, ros sanguinis Ornat velum Mariae virginis In Ruthena.
0908112b  Ergo zelum Praesentis agminis Duc ad caelum, Virgo, vi flaminis, Laude plena.
0908200   De beata Maria V.
0908201a  O si mihi rhetorica, Vis tota philisophica,
0908201b  Totus chorus Apollinis Sic adspiret, ut virginis
0908202a  Digne promam praeconia, Quae mater est et filia Sui patris.
0908202b  Hic res certant contrariae, Non obstat pudictiae Nomen matris.
0908203a  Hic ratio deluditur, Hic argumentum fallitur,
0908203b  Dum mater non corrumpitur Nec virgo partu laeditur.
0908204a  Naturae lex convertitur, Vim majestatis patitur Deificae;
0908204b  Qui vim naturae tribuit, Hanc immutare potuit Mirifice.
0908205a  Obstupescit Mentium credulitas, Sensualis Deficit profunditas,
0908205b  Dum tumescit Uterus, virginitas, Maritalis Ubi est fecunditas.
0908206a  O vere prae ceteris Admiranda dignitas Virginis, quae meruit Gratiam divinitus,
0908206b  Ut naturae veteris Solveretur finitas, Virgo ventre tumuit Impraegnata coelitus.
0908207a  O felix puerpera, Singularis honoris,
0908207b  Cujus exstant viscera Expertia doloris.
0908208a  In partu non corrumperis, Post partum flore frueris Virginei pudoris.
0908208b  Tu via viris invia, Thori virilis nescia, Es mater genitoris.
0908209a  Tu castitatis speculum, Tu lilium candoris, Virtutum receptaculum, Tu balsamus odoris.
0908209b  Tu nardus aromatica, Tu verbi Dei cella, Tu stella non erratica, Tu fluctuum procella.
0908210a  Tu florum flos, Virtutum dos, Tu scirpea fiscella Propinans lac et mella.
0908210b  Tu noctis lux, Caecorum dux, Tu claritatis stella, Tu optima puella.
0908211a  Tu vas imbutum nectare Virtutum, sine compare Tu trinitatis templum.
0908211b  Tu aequitatis semita, Humilitatis orbita, Munditiae exemplum.
0908212a  Tu de stirpe Davidica Ex Jacob stella orta, Tu visio prophetica, Ezechielis porta.
0908212b  Tu lilium convallium, Tu spes desperatorum, Humilium refugium, Solamen miserorum.
0908213a  O Maria, Tu virtutum regina,
0908213b  Vitae via, Tu mortis medicina.
0908214a  Virga Jessea, Tu vellus Gedeonis,
0908214b  Arens area, Tu rubus visionis.
0908215a  Tu thurea, Tu myrrhea, Tu thronus Salomonis.
0908215b  Tu mellea, Tu rosea, Tu fons salvationis
0908216a  Per te stat lex, Te regum rex Monilibus ornavit, Ceu sponsam decoravit.
0908216b  Tu vitae pax, Amoris fax, Tu reconciliatrix, Salutis reparatrix.
0908217a  Hoc carmen tibi offero, O dulcis et decora, Pro me peccante misero Tu filium exora.
0908217b  Tu mihi fac propitium Suprema mortis hora, Tu mihi fer auxilium Et veni sine mora,
0908218   O rutilans aurora.
0908300   De beata Maria V.
0908301a  Salve, sanctarum sanctissima,
0908301b  Ave, piarum piissima,
0908302a  Stirps regia, Vitae via, Laus sanctorum, Spes reorum, Virgo Maria.
0908302b  Tu solaris Stella maris, Clausus hortus, Vitae partus, Plena gratia.
0908303a  Nam illa saeva Mulier Eva, Decipi digna Fraude maligna,
0908303b  Jus subit mortis, Abstulit sortis Primae gaudia Carens patria.
0908304a  Sed diram tulit mortem, Primam reddidit sortem Virgo Maria.
0908304b  Conceptu sacro suo Miroque partu tuo, Plena gratia.
0908305a  Namque regali Ac prophetali Stemmate orta Vitae fir porta Virgo Maria.
0908305b  Quae sine viro Ordine miro Genuit Deum Hominem verum, Plena gratia.
0908306a  Sed ut sol radio, Sic suo filio Virgo Maria
0908306b  Pulchrior videtur, Castior habetur Plena gratia.
0908307a  O qualis femina, Cunctorum domina,
0908307b  Cunctorum domina Sesque salvifica.
0908308a  Ergo tuorum Vota servorum Suscipe, pia Virgo Maria,
0908308b  Dans prece pia Data venia Coelorum gaudia, Plena gratia.
0908400   De beata Maria V.
0908401a  Ave speciosissima Virgo de stirpe regia, Coelicolarum domina.
0908401b  Aveto fulgidissima Christianorum domina, Stella maris, o Maria.
0908402a  O quantis digna laudibus Es virgo prae virginibus,
0908402b  Quae perperisti filium, Spem et salutem omnium.
0908403a  Mater misericordiae, Maria, vota suscipe Famulantis ecclesiae.
0908403b  Dic sponso, dulcis domina, Misearetur vinea, Plantata Dei dextera.
0908404a  Parvulas vulpes capiat, Captas vitare faciat, Ausu ne malo floridas Demoliantur vineas.
0908404b  Maria, virgo nobilis, Mater inaestimabilis, Sollicita precamine Tuo lactatum ubere.
0908405a  In aurem nati loquere, O decus pudicitiae, Dilectum placa precibus, Fer opem supplicibus.
0908405b  Fac, ut post hujus transitas Mundi sollicitudines Saltandi det fiduciam, In Jerusalem superna,
0908406   O dulcis et pia, O Maria.
0908500   De beata Maria V.
0908501a  Mundamini, mundamini Laudantes matrem Domini, Ut mundas mundae virgini Laudes solvatis hodie.
0908501b  Honor sit summo numini Ejusque soli nomini, Quod praeparavit homini Tantae matronam gratiae.
0908502a  Haec est illa mirabilis, Illa incomparabilis, Quae partus ineffabilis Novitatem exhibuit.
0908502b  Haec est arbor perutilis, Sublimi fructu fertilis, Virgo, mater et humilis, Quae coeli regem genuit.
0908503a  O vere nova novitas, Humilitas et dignitas, Fecunditas et castitas Simul florent in virgine.
0908503b  O summe cara caritas, Begnitas et veritas, Humanitas et deitas Manent in Deo homine.
0908504a  Per singularem filium, O singulare lilium, Ejecti in exsilium Reducti sunt ad patriam.
0908504b  Tu es solamen cordium, Nostrae pacis exordium, Mundo praestans subsidium, Salutem et laetitiam.
0908505a  Ave, felix puerpera, Beata tua viscera, Beata sunt et ubera, Quae lactaverunt Dominum.
0908505b  Excelsa supra sidera, Morbos nostros considera Et sanare nos propera, Praedulcis virgo virginum.
0908600   De beata Maria V.
0908601a  Salve, stella, mundi lumen, Salve, cella celans numen, Salve, decus gloriae;
0908601b  Splendor rerum et cacumen, Vas sincerum, pons et flumen Aromatum gratiae.
0908602a  O coelestis figuli Vas desiderabile,
0908602b  Vas medelae saeculi, Vas decens, vas utile,
0908603a  O Maria, gratia Plena sancti spiritus,
0908603b  Dux in via praevia, Lux praefulgens coelitus.
0908604a  Tu jucunda res et recens, Summe munda, summe decens, Summi regis regia;
0908604b  Summum paris, summa parens, Expers paris, summe parens, Summe tu egregia.
0908605a  Tu lacuna documenti, Sol et luna firmamenti Opportuna, firma menti Dux et lux laetitiae.
0908605b  Schola morum, mons odoris, Fax amorum, fons dulcoris, Decor florum, flos decoris, Foedus amicitiae.
0908606a  O virtutis vis et vita, Spes salutis, nos invita, Ut tecum coeli thalamo Fruamur dulci balsamo.
0908606b  Ros et rosa gloriosa, Dulcis flagrans primula, Mel et melos, pande caelos Nobis prece sedula.
0908607a  Corda, linguas sic instaures, Ut nos pingas et deaures Honestatis moribus;
0908607b  Ut, qui damus tibi laudes, Gaudeamus, ubi gaudes Coeli cincta floribus.
0908700   De beata Maria V.
0908701a  Mellis stilla, maris stella, Cujus dulcor vincit mella, Cujus splendor sidera,
0908701b  Coeli scala, boni schola, Profers solem, virgo, sola, Virgo sed puerpera.
0908702a  Virgo parens expers paris, Dum tu pares, Deum paris, Sed veste sub altera;
0908702b  Paris patrem filia, Quem claudentem omnia Tua claudunt viscera.
0908703a  Patet indicio Conversi nominis, Cur sis, annuntio, Praeclara feminis.
0908703b  Ex tuo gremio Nascens fons luminis Splendet in medio Nostrae caliginis.
0908704a  Verbi conceptio Nil habet criminis Nec flore proprio Vernare desinis.
0908704b  In te fit unio Matris et virginis, In tuo filio Dei et hominis.
0908705a  Verus homo, verus Deus Propter reos tamquam reus Carne crucifigitur;
0908705b  Dum salvator condemnatur, Ut mors jure moriatur, Vita sponte moritur.
0908706a  Et videtur ratione, Quod in isto sis agone Plus passa quam filius;
0908706b  Suum corpus victimam Dedit, tuam animam Pertransivit gladius.
0908707a  Sed resurgens leo fortis Aufert principatum mortis, Refert praedam inferi;
0908707b  Plus compassa patienti, Plus consurgis resurgenti Quam sanctorum ceteri.
0908708a  Placa nobis, o beata, Patrem, natum, parens, nata, Carnis pro flagitio
0908708b  Ne mens ipsa flagelletur, Sed in nobis iteretur Christi resurrectio.
0908800   De beata Maria V.
0908801a  Ave, maris stella, Mellis coeli cella, Praefulgens puella, Coeleste sacrarium.
0908801b  Ave, vitae via, Mundi lux, Maria, Pura, prudens, pia, Virtutum armarium.
0908802a  Tu mons justitiae, Flos temperantiae, Rivus prudentiae, Turris fortitudinis.
0908802b  Tu radix veniae, Pincerna gratiae, Regina gloriae, Flumen dulcedinis.
0908803a  Ave, vernans rosa, Gemma spiritalis, Cedrus gloriosa, Palma triumphalis.
0908803b  Sponsa speciosa Sponsi specialis, Parens speciosa Prolis principalis.
0908804a  Tu virga mystica Virgo concipiens, Virga fructifera Virgo parturiens.
0908804b  Virgo melliflua Lactans et nutriens, Virgo perpetua Post partum permanens.
0908805a  Tu mater optima, Quae culpas operis, Prece piissima Succurrens miseris.
0908805b  Clavis clarissima, Quae coelos aperis, Post Deum maxima Spes nostri generis.
0908806a  Felix, fecunda, Munda, jucunda, Mundans inunda, Mundis augens gratiam
0908806b  Decens, decora, Fulgens aurora, Nobis implora Verae lucis copiam.
0908900   De beata Maria V.
0908901a  Salve virgo, mater Dei, Per quam surgunt lapsi rei, Salve virgo virginum;
0908901b  Salve, mater, vitae norma, Mater speciosi forma Prae filiis hominum.
0908902a  Salve, virgo, de beata Stirpe Jesse virgo nata, Rosa spinae nescia;
0908902b  Ut lilium inter spinas Sic florescit in reginas Virgo plena gratia.
0908903a  Salve, virgo, fons hortorum, Quae nescisti viri thorum, Nato praebens ubera;
0908903b  Patrem nescis facta mater, Mater prolis, cujus pater Matris nescit foedera.
0908904a  Tu puella sola prolem, Sola paris stella solem De Jacob egrediens;
0908904b  Tu figulum contra ritum Concepisti, vas politum, Vas laesuram nesciens.
0908905a  Tu es vellus fusum rore, Rubus ignis in rubore, Florens Jesse virgula;
0908905b  Tu es virga novo more Fructum promens salvo flore, Tu vatum oracula.
0908906a  Tu es rosa, cujus nodo Latens fluxit miro modo Palliata deitas;
0908906b  Rosa luce non marcescit, Lux in rosa non decrescit, Stat utrimque firmitas.
0908907a  Virgo, decus castitatis, Per te nobis relegatis Redditur haereditas;
0908907b  Tuo partu sumus parti, Quos subjecit laevae parti Primae matris pravitas.
0908908a  Jure partus te non laedit, Cujus partum non praecedit Carnalis fragilitas;
0908908b  Tuum partum lex naturae Stupet suo fracto jure, Dum parit virginitas.
0908909a  Salve, mater, stella maris, Quae prae cunctis sublimaris In coeli palatio;
0908909b  Tuos servos, virgo, serva, Ne nos hostis fraus proterva Demergat in vitio.
0909000   De beata Maria V.
0909001a  Ad laudem virginis, Quam replet flaminis Potentia, Renovantur omnia, Quae deitas patravit.
0909001b  Sub umbra numinis Ad instar fluminis Fit copia, In qua redit gratia, Quae saucia curavit.
0909002a  Rubus igne claruit Nec comburi potuit, In virgine Sine viri semine Fecunditas laudatur.
0909002b  Legis umbra pellitur Et de manna gignitur Vermiculus; Infidelis populus Ut hedera siccatur.
0909003a  Vellus rorem, virga florem Jam concepit, quem excepit Gedeonis conchula.
0909003b  Stella solem virgo prolem Generavit, quam signavit Prophetalis virgula.
0909004a  Novum Deus aethere Miro facit opere: Vir nascitur nec rumpitur Virginea clausura, Sic matrem virginem Obstupuit natura.
0909004b  Caput anguis aternitur, Sacro pede premitur, Subigitur, conteritur Ab humana factura; Plaudamus liberi De veteri jactura.
0909005a  Creatorem creatura Veneretur et serviat auctori;
0909005b  Deus homo regni domo Pulsum pomo restituit honori.
0909006a  Fons de petra proruit, Latus agni patuit, Rivus inde profluit, Qui diluit veneficum cruorem.
0909006b  Statua percutitur, Sine manu caeditur Lapis, mons efficitur, Virginitas hinc obtinet favorem.
0909100   De beata Maria V.
0909101a  Salve, regina gloriae, Maria, stella maris, Solem paris justitiae, Quae lunae compararis.
0909101b  Vitae dulcedo gratiae, Fons atquae salutaris, Mater misericordiae, Tu portus appellaris.
0909102a  Summi regis palatium, Thronus imperatoris, Sponsi reclinatorium, Tu sponsa creatoris.
0909102b  O pauperum solatium, Remedium languoris, Dignum Dei sacrarium, Vas aeterni splendoris.
0909103a  O melle dulcior, Auro splendidior, Risu jucundior, Amore carior.
0909103b  Nive candidior, Rosa fragrantior, Palma sublimior, Saphyro pulchrior.
0909104a  Te laus harmonica, Te vox prophetica, Laudat et cantica, Lex evangelica.
0909104b  Virgo Davidica, Dei angelica, Duc nos ad coelica Regna, spes unica.
0909200   De beata Maria V.
0909201a  Salve, mater, coeli porta, Virgo florens et exorta David ex prosapia;
0909201b  Ave, virgo, fructu plena, Ave, fulgens et serena, Mater es et filia.
0909202a  Ave, virgo, prole laeta, Ave, gaudens et repleta Deitatis gratia;
0909202b  Ave, virgo, stirpe florens, Ave, mater Christi, potens In coelesti curia.
0909203a  Ave, mater sed intacta, Ave, cujus non est facta Homini societas;
0909203b  Ave, quam non violavit, Ave, quam non dissipavit Hominis societas.
0909204a  O Maria, stella clara, Quam non turbat res amara, Omni plena gratia;
0909204b  O Maria, nos poscentes Fac admitti congaudentes In coelesti gloria.
0909300   De beata Maria V.
0909301a  Mundi restauratio Fit ex mira gratia, Stupet mentis ratio: Virgo dulcis Maria E coelo salutatur Et verbo fecundatur; Quis persentit talia?
0909301b  Conceptus mirabilis Naturae contrarius, Est partus laudabilis, Quid hoc festo sanctius? Aaron virga fronduit Nec radicata fuit, Quid hoc fructu dulcius?
0909302a  Natus mirabiliter Contra naturalia Surrexit agiliter Et cum eo agmina Surrexerunt pariter Sanctorum coelestia Gaude, virgo Maria.
0909302b  Nos a malis surgere Ad suprema erigi, Sursum quae sunt, sapere, Ad virtutes dirigi, Postules a filio Nobis hoc exsilio, Rosa juncta lilio.
0909303a  Securam monstra viam, Ad coelestem patriam Quae ducit, hanc resera, Quam Eva praecluserat,
0909303b  Ne maligni aemuli Illam et latrunculi Praecludant, quam mors tui Nati reseraverat.
0909400   De beata Maria V.
0909401a  Consolatrix miserorum, Relevatrix infirmorum, Audi, clemens domina;
0909401b  Tu spes sola peccatorum, Orta stella, lux caecorum, Ducum frangens agmina.
0909402a  Maria dignior In Dei curia, In donis potior, Paris es nescia, Tu sol splendidior Coelorum gloria.
0909402b  Proclives flectimur Statim ad vitia, In pugna vincimur Hostium varia, Heu, mater, morimur, Adde remedia.
0909403a  Cunctis bonis te ditavit, Hortum tuum dum perflavit, Auster invisibilis;
0909403b  Sic se terris irroravit Deus ex te, quam creavit, Natus ineffabilis.
0909404a  Tu fons indeficiens Aridos reficiens, Mens est post te sitiens Lac et mel fluentem.
0909404b  Nam corpus inficiens, Behemot decipiens, Mundus et deficiens Circum premunt mentem.
0909405a  Tu pauperum praedium, Convallis humilium, Hortus es castorum;
0909405b  Arx es poenitentium, Castrum militantium, Turris es victorum.
0909406a  Tu piscina suavitatis, Humanatae deitatis Dulcis torrens aureus;
0909406b  Paradisus voluptatis, Universae bonitatis Fons, rivulus, alveus.
0909407a  Arca sacra foederis Et humani generis Pia mediatrix,
0909407b  Expiatrix sceleris Et divini muneris Larga dispensatrix.
0909408a  O dulce consilium, Largum beneficium, Novum privilegium, Virgo gravidatur.
0909408b  O magnum mysterium, O mirum commercium, O pium connubium, Verbum incarnatur.
0909409a  Rex in coelis rutilans Jacet in praesepio, Miseros assimilans Vagit matris gremio, Gaudens, homo, plora.
0909409b  Agnosce puerulum, Amplectere socium, Virgo, lactans parvulum Injuriae nescium Pro fratribus ora.
0909500   De beata Maria V.
0909501a  Exsul, surge, jam est hora, Patriae vitam explora, Ecce rutilat aurora Nova novae gratiae.
0909501b  Nova pigmentorum cella Nova nobis pluit mella, Orta est ex Jacob stella, Cedit nox miseriae.
0909502a  Dum in mari fluctuamus, Per hanc stellam dirigamus Cursum, ut sic attingamus Verae portum patriae.
0909502b  Nostra venit advocata A patrono vero dat, Ut pro reis leges grata Alleget clementiae.
0909503a  Haec verae lucis alumna, Nubes et ignis columna Lucet, quibus est aerumna Lutum, later, palea.
0909503b  Virga de radice Jesse, Rege reos indefesse Et duc nos ad verum esse Ab hac mortis fovea.
0909600   De beata Maria V.
0909601a  Virgo mater, gratulare, Digna Deum generare, Fac nos digne te laudare, Astra, solum, mare tibi desiderant jubilare.
0909601b  Stirpe regis propagata, Dei mater illibata, Nostra clemens advocata, Per te via data, per te salus est reparata.
0909602a  Speciosa coeli porta, Per quam justis lux est orta, Tuae laudi nos conforta, Corrige distorta, bona perdita praesto reporta.
0909602b  Christi mater benedicta, Vero sole stans amicta, Nostra tolli fac delicta, Solvans inflicta, miseris medicina relicta.
0909603a  De supernis auster flavit, Qui dum tibi obumbravit Ac te virgo fecundavit Quos sua plasmavit manus hos lapsos reparavit.
0909603b  O mirande coelibatus, Ex te Deus incarnatus Est pro nobis immolatus, In cruce damnatus ob nostri damna reatus.
0909604a  Infirmorum consolatrix, Captivorum liberatrix, perditorum reparatrix, Mundi salvatrix, animarum summa beatrix.
0909604b  Resurgentem tuum natum Super coelos elevatum Ita nobis fac placatum, Ut per pneuma datum dimittat quemque reatum.
0909605a  Jam in regno sublimaris, Nati vultum contemplaris, Ut regina coronaris, Nescia quippe paris prope regem digna locaris.
0909605b  De torrente, voluptatis, Quo potaris cum beatis, Prece tuae pietatis Participes gratis faciat nos fons bonitatis.
0909700   De beata Maria V.
0909701a  Flos de spina procreatur, Et flos flore fecundatur Fructum vitae proferens;
0909701b  Inter spinas rosa crescit, Sed spineti dolum nescit Flos prae cunctis redolens.
0909702a  Haec est Evae de radice Virga nata peccatrice Primo carens vitio,
0909702b  Haec radicis noxam gerit, Sed in illa noxa perit Fecundata filio.
0909703a  Haec est rosa delicata, Quae de regum ramis nata Nobis fert umbraculum,
0909703b  Paranympho salutata, Pneumateque impraegnata, Christi tabernaculum.
0909704a  Ave virgo gravidata, Rubo Moysi signata, Genitrix verbigenae;
0909704b  Igne sacro inflammata, Per te simus, advocata, Coelici indigenae.
0909705a  Tu es mater Salomonis, Digna sceptris et coronis, O regina gloriae;
0909705b  Tu es vivus fons hortorum, Quem mens sitit infirmorum, O pincerna veniae.
0909706a  O praeclara stella maris, Qua processit lux solaris, His intende precibus;
0909706b  Quae per montem designaris, Unde lapis angularis Venit sine manibus.
0909707a  Salve, virgo singularis, Tu quae digne dominaris In supremo solio;
0909707b  Dona regis pretiosa Impertire, gratiosa. Nobis in exsilio.
0909708a  Gaude, cujus ob dulcorum Cor liquescit per amorem Tuum, vernans lilium;
0909708b  Auro fulvo decorata, Messiam es amplexata, Summi Dei filium.
0909709a  Vale, florens et amoena, Ante ortum luce plena, Puritatis viola;
0909709b  Vale virga aridosa, Fronde, flore germinosa, Proferens amygdala.
0909710a  Vale semper et laetare Et quod digne te laudare Possimus in patria,
0909710b  Dulcis virgo, te rogamus, Et sincere flagitamus Pro coelesti gloria.
0909800   De beata Maria V.
0909801a  O beata beatorum Angelorum domina, O devote devotorum Laudanda per carmina.
0909801b  O Maria, mater pia, Dita nos virtutibus, Ut frequenter te decenter Veneremur laudibus.
0909802a  Fide voto, corde toto, Te precamur pariter, Ut invicti a delicti Labe simus jugiter.
0909802b  Carcerati Evae nati Durae ure vincula Igne divo, agni rivo Lava prava singula.
0909803a  Nobis datum ex te natum Placa verbo filium, Ne ruamus, ne perdamus Beatorum praemium.
0909803b  Sed cum mundi gemebundi Desinit exsilium, Eruamur, nanciscamur Sanctorum consortia.
0909804a  Fac nos omnes cohaeredes Christo in coelestibus, Apud ipsum sint mercedes Tibi servientibus.
0909804b  Rege nos, ut transeamus Mundi transitoria. Ut perenni valeamus Tecum frui gloria.
0909900   De beata Maria V.
0909901a  Ave regis binae legis Thronus candens ebore, Fortis Judith, quae confudit Holofernem robore.
0909901b  O insigne decus digne Spiritu cum corpore, Virga Jesse coeli messe Floret sine tempore.
0909902a  More miro sine viro Generans carbunculum, Ut saphirus pellis virus Omnem laedens saeculum.
0909902b  O benigna, laude digna, Puritatis speculum, Dei templum, per exemplum Omnem docens populum.
0909903a  Ave, suave, felix ave, Per quod plena gratia Jam conclave jugum grave Tulit ab ecclesia.
0909903b  O sagena, vitae vena, Caritatis fascia, Trahens unum fers in unum Ima, summa, media.
0909904a  Preces offer atque profer Castis cum uberibus Nato pectus, ut illectus Sacris tuis precibus
0909904b  Cicatrices jam felices Patri po viantibus Repraesentet et intentet Vota pro supplicibus.
0909905a  Ave porta coeli, torta Nece tui filii, Maris stella, de procella Transfer nos exsilii.
0909905b  Coram rege sta pro grege, Ne massam flagitii Nostri taxet sed relaxet Ruinam judicii.
0910000   De beata Maria V.
0910001a  O augusta generosa, Virgo stirpe regiosa, Pietate gratiosa, Nostra solvens vincula;
0910001b  O Maria pretiosa, Toti mundo nominosa Et odore narduosa Sine carnis macula.
0910002a  O beata, Deo grata, O serena, Deo plea, Nostris votis annue,
0910002b  Ne nos tangat atque frangat Hostis ictus et conflictus, Nos a malis erue.
0910003a  Nos ingratos fac beatos Tua, virgo, gratia Et iratum tuum natum Nobis reconcilia.
0910003b  Veni, gemma, veni, rosa, Veni, dulcis Maria, Non fac moras, virgo dia, Vitae ob stipendia.
0910004a  Tu es virgo aetherea Vivam vitem parturiens, Urna diceris aurea Voce manna suscipiens.
0910004b  Tu es columna gemmea Decori mundi praevalens, Cui basis est aurea, Virtutes omnes retinens.
0910005a  Ave, rosa luminosa, Paradisus tam frondosa In te primum eliquatur Fons, qui nunquam minoratur Et te primam inebriat.
0910005b  Per te cunctis derivatur Et devotis propinatur, Sed et nobis inde datur, Dum mens pie delectatur, Ut fontem vitae sitiat.
0910006a  O coelestis margarita, In sublimi throno sita, Per te reis detur vita, Nostris fulge cordibus.
0910006b  Ut fulgore tuo tacti Gratiamque eo nacti, Juncti simus et compacti Paradisi civibus.
0910100   De sancto Achatio.
0910101a  Psallat omnis regio, Dacantet cum gaudio Martyrum solemnia,
0910101b  Celebremus hodie, Nunc dies est veniae, Dies est laetissima,
0910102a  In qua sancti martyres Crucifixi sunt omnes Fere decem millia.
0910102b  Qui pugnantes hodie Propter lumen patriae Mente invictissima,
0910103a  A maligno judice Sunt perplexi vindice Propter regem gloriae.
0910103b  Caesar nequam timuit, Signa magna ut vidit A Christi militibus.
0910104a  Carcerati sunt beati Ad omnem poenam parati, Quae Christo illata est,
0910104b  Seniores advenerunt, Adriano et dixerunt, Quaeque cogitaverunt.
0910105a  Caesar in cathedra sedit, Praesentari sibi fecit Exercitum militiae,
0910105b  Dicens: stulti, insensati, Immoletis, ut vivatis, Deo nostro Astaroth.
0910106a  Tunc respondens Hermolaus: Summo Deo offerimus Immaculatam hostiam.
0910106b  Jubet ergo Adrianus, Ut os ejus contundatur Silice durissimo.
0910107a  Jubet illos spoliari, Caedi, spinis coronari Ac indui purpura.
0910107b  Sindone sunt hinc signati, Crucifixi et potati Potu amarissimo.
0910108a  Salve, pie Jesu Christe, Infans castae virginis, Tua prece nos a nece Aeternali libera.
0910108b  Nos commenda tuo patri, Jesu, pastor inclite, Ut regnemus nos invicti Tecum super sidera.
0910200   De sancto Achatio.
0910201a  Laetetur ecclesia Fundendo praeconia Sponsa sponso optimo, Jesu bono.
0910201b  Qui sua clementia Ex consueta gratia Diem istum extulit Laudum dono.
0910202a  Sane dies gloriae Dies hic laetitiae Qua coelesti curiae Luxit honor.
0910202b  Haec dies Achatium Ducem peregregium Traxit ad martyrium Vivus odor.
0910203a  Cum quo decem milia Sufferunt supplicia, Ut jubet saevitia Adriani.
0910203b  Quem dum possent vincere, Inermes incedere Seque poenae subdere Non inani,
0910204a  Sanctus monet angelus; Dictis parent ocius, Caesar saevit saevius Plenus ira.
0910204b  Hos a suis separat, Eductos in Ararath Crucifigi imperat. O res mira,
0910205a  Fiunt signa omnia Velut in hac feria, Qua in ligno moritur Mundi vita.
0910205b  Christe portans scelera, Da in mundi vespera Esse nostra opera Sic polita.
09102a05c ###########################################################################################################################################################
0910300   De sancto Achatio.
0910301a  Ad honorem invictorum Athletarum, qui coelorum Sunt adepti gaudia,
0910301b  Omnis sexus, omnis aetas, Stadiales currens metas Surgat in laetitia,
0910302a  Tuba vocis buccinando Et devote celebrando Martyrum solemnia,
0910302b  Qui sic mundum contempserunt, Quod se Deo obtulerunt Juncta dena milia.
0910303a  Quorum dux et principator, Legis sacrae propagator, Exstitit Achatius,
0910303b  Quibus iter veritatis Simulacris exsecratis Monstravit sagacius.
0910304a  Hermolai documento Simul hi se vestimento Rubricato induunt,
0910304b  Cum praeceptis obedire Ac promissis assentire Regis saevi respuunt.
0910305a  Hinc tyrannus Adrianus, Idolorum cultor vanus, Adunata acie
0910305b  Jubet omnes praesentari Et in ejus collocari Judicandos facie.
0910306a  Mox ut sensit Christianos Illos esse ceu vesanos Sprevit plenus furia,
0910306b  Mandat flagris hos affligi Crucibusque post affigi Crudeli sententia.
0910307a  Sicque de Edom venerunt, Dum torcular calcaverunt Pede tincto sanguine,
0910307b  Atque cruce bajulata Phalanx ista Deo grata Parit fit certamine.
0910308a  Nunc, Achati generose, Triumphasti qui famose De malignis hostibus,
0910308b  Christum nobis fac placatum, Nostrum tergat ut reatum Adjunctis consortibus.
0910309a  Quorum prece consequamur, Ut divinae perfruamur Visionis gratia,
0910309b  Ubi dies luminosa, Ubi quies gaudiosa, Ubi pax et gloria.
0910400   De sancto Achatio.
0910401a  Gratulemur Hoc in die sacro canentes Alleluja.
0910401b  Adrianus Milia martyrum decem Crucifixit.
0910402a  Terrae motus factus est, Quorum sunt in transitu Petrae scissae;
0910402b  Et sol obscuratus est Hora sunt et tenebrae Sexta factae.
0910403a  Tunc hi sancti martyres Christo sui memores Commendarunt,
0910403b  Exclamantes: Domine, Nostras preces suscipe Pro devotis;
0910404a  Sanitatem corporum, Ubertatem domuum Tribuendo,
0910404b  Medicamen animae Et coelestis patriae Consolamen.
0910405a  Et si sint in proeliis, Innocens visibilis Sit ac invisibilis Inimicus.
0910405b  Diei jejunium Nostrae mortis unicum Claudat anni circulum Poenitenti.
0910406a  Vox coeli sonuit, Devictis intulit: Vobis data sunt haec omnia.
0910406b  Committunt spiritum Da, Chrsite, coelitum Nobis consequi consortium.
0910500   De sancto Achatio.
0910501a  Catervatim augmentatur Felix cohors et laetatur In coelesti curia,
0910501b  Cum movebat Adrianum, Imperatorem Romanum, Infernalis furia
0910502a  In sanctum Achatium Spernentem palatium Et libare idolis,
0910502b  Incarnatum amantem Verbum et recitantem Cum suis sociolis.
0910503a  Hinc tyrannus hos precatur, Minis terret, si spernatur Ipsius et jussio,
0910503b  Servi Christi villipendunt Blandimentum nec attendunt, Hos nec movit laesio.
0910504a  Regis saevitia Christi supplicia Perfrui imperat
0910504b  Horum corporibus, Diris tortoribus Illos commiserat.
0910505a  Necantur decem milia Cum Christi passionibus, Tetatur mons Armenia Heu sanguinis in fluctibus.
0910505b  Patri ritu exiguntur Cum Christo radiunculi Isti, quia non dicuntur Idolorum conservuli.
0910506a  Nempe superficies Cruore contegitur, Lancearum acies Dum in hos configitur.
0910506b  Tellus inebriatur Poculis sanguineis, Hierarchia laetatur Talibus confineis.
0910507a  Spretis corporibus Ordinant animae Christi se manibus Et curant minime Tortorum vilia.
0910507b  Per hos fatigantur Turbae carnificum, Qui, dum numerantur, Hunc implent numerum Triginta milia.
0910508a  Hermolao antistite, Quo lavantur baptismate, Cum illis agonizante Pari voce et clamante Ad factorem omnium:
0910508b  Heli, qui nos veneratus Est, illi nostri precatus Prosint in necessitatis Hora et calamitatis, Abrogent exitium.
0910509a  O felix Armenia, In cujus provincia Barbarorum rabies
0910509b  Clavo, flagris, lancea, Sente judeifera Cruentavit acies.
0910510a  Hac in parte terrae motus, Sol obscurus est commotus, Et alia miracula Ostendit diecula,
0910510b  Qua perculit verbigena, Qui lavit nostra crimina Cum prece horum sedula Per saeculorum saecula.
0910600   De sancto Adalberto.
0910601a  O praeclara Adalberti Praesulis solemnia,
0910601b  Haec in die ejus pie Agitur memoria.
0910602a  Praesul iste per te, Christe, Nascitur de regia
0910602b  Stirpe digna et benigna Regis de Bohemia.
0910603a  Hic peccata indurata Cernens Romam petiit,
0910603b  Ibi statim monachatum Poenitendo subiit.
0910604a  Sed a totis patriotis Una voce poscitur.
0910604b  Obedire et servire Ei dum promittitur.
0910605a  Sed nil veri, sicut heri, Sic refutant praesulem, Boleslaum adit pium Polonorum principem.
0910605b  Illic clerum ornat verum Et fundat ecclesias, Hinc Prutenis verbis lenis Serit Christi gratias.
0910606a  Hinc per visum huic provisum Christi bibit calicem,
0910606b  Lanceatus hic beatus Coeli petit apicem.
0910607a  Nunc Poloni de patroni Tanti psallant gloria,
0910607b  Hos in throno cum patrono Christi jungat gratia.
0910700   De sancto Adalberto.
0910701a  Laudes dicat omnis aetas Deo patri semper laetas Cum dulci symphonia,
0910701b  Simul quoque Jesu Christo, Qui est salus mundo isto Dans grata subsidia.
0910702a  Qui elegit Adalbertum, Ut de spinis bonum fructum In terra Bohemia.
0910702b  Dum hic puer it de scholis, Ut radius fulgens solis, Plenus Dei gratia,
0910703a  Virgo transit viam ibi, Quae mox stratur tenta sibi Scolari insania,
0910703b  Tacta veste virginali Puer plangit voce tali: Commisi mortalia.
0910704a  Dum fit ipse episcopus, Dicit ei Jesus Christus Verba voce talia:
0910704b  O mi praesul, dormis tantum, Judaeis venditus quantum Ergo fero qualia.
0910705a  Plangens pastor Romam vadit, Summo coram patre cadit Gregis narrans vitia,
0910705b  Resignata gregis cura Intrat claustrum, pati dura Cum magna laetitia.
0910706a  Plebs patrem rogat redire, Sibi nolens obedire Obcaecata miseria,
0910706b  Stupens gregis miseriam, Declinat in Hungariam Praedicans coelestia.
0910707a  Ad Polonos inde vadit, Volentibus illis tradit Dona spiritalia,
0910707b  Hinc Prussiae intrans partes Damnat dicens surdas artes Haec sunt infernalia.
0910708a  Viam recusans salutis Genibus sanctum provolutis Gens occidit impia,
0910708b  Sanctum corpus dum portatur. Salus aegris restauratur, Fir magna laetitia.
0910709a  Unde gaudet Bohemia, Ejus colens solemnia Ut festa paschalia;
0910709b  Sit laus patri et filio, Sancto simul paraclito In aevum. Alleluja.
0910800   De sancto Aegidio.
0910801a  Gloriare, Graecia, Tuum enim Bohemia Veneratur filium;
0910801b  Militans ecclesia Cum tota coeli curia Commendat Aegidium.
0910802a  Dono sancti spiritus Mundo puer genitus Diffundebat gratia,
0910802b  Felix et gratuitus Ingressus et exitus Migrantis in gloria.
0910803a  Data veste pueri Salus reddit pauperi, Qui vestem induerat;
0910803b  Indumentis uteri Pellit virus funeri Jam vitium liberat.
0910804a  Mundum totum exuit, Fugit, callam construit In condensis veprium.
0910804b  Cerva sanctum aluit, Cervam sanctus eruit A caede venantium.
0910805a  Revelavit Dominus Huic Karoli facinus In missae mysterio,
0910805b  Refert regi protinus, Cessat ejus gemitus Poena cum flagitio.
0910806a  Servos, pater, visita, Quos vita praeterita Gravat mole criminum.
0910806b  Per beata merita Nostra solvi debita Procures ad Dominum.
0910900   De sancto Aegidio.
0910901   Psallat laude competenti Chorus viro sapienti Condigna praeconia,
0910902a  Supra petram qui fundavit Domum suam et firmavit Fidei constantia,
0910902b  Quam nec hostis subintravit Nec flans tectum violavit Mundana lascivia.
0910903a  O quam decens tabernaculum Quod sol verus luci speculum Luce replens optima,
0910903b  Sancti spiritus aedificium Sanctum effecit Aegidium Colens cordis intima.
0910904a  Intus cultor non latuit, Virtuibus sed patuit Se monstrans deifice.
0910904b  Annis namque sub teneris Puer adjunctus litteris Profecit immodice.
0910905a  Illo scholas repetente Quidam laesus a serpente Totus tumens cernitur,
0910905b  Cui, quid det, non habente Tunicam dat, qua repente Tectus sanus redditur.
0910906a  Vir arreptus a daemonio Sancti viri patrocinio Menti sanae redditur,
0910906b  Expectato fine patrio Christo dato patrimonio Egenus progreditur.
0910907a  Dum maris litus adiit, Navim videre contigit In mortis periculo,
0910907b  Pro qua dum Christum petiit, Navis mox litus adiit Salvata cum populo.
0910908a  Plebs gratanter adoravit Et in navi collocavit Sanctum sine pretio,
0910908b  Et quos multo pererravit, Mox eosdem comparavit Fluctus brevi spatio.
0910909a  Theodorae desperatam Sanitati reddit natam Receptus hospitio,
0910909b  Terram fame desolatam Farre facit oneratam Junctus Veredemio
0910910a  Post oblatum a populo Defunctum reddit saeculo Hoc adscribens socio,
0910910b  In deserti latibulo Lacte pascitur sedulo Cervae beneficio
0910911a  Pro nutrice vulneratur Et per vulnus vir vocatur Et a rege supplicatur Ejus patrocinio.
0910911b  Crimen regis revelatur, Ut sit abbas exoratur, Illic claustrum exornatur Et fit congregatio.
0910912a  Romam venit advocatus, Cypressino muneratus Inde reddit ostio,
0910912b  Quod aquarum per meatus Mox ventorum regens flatus Appulit coenobio.
0910913a  Post tanta beneficia Migravit ad coelestia Sancto cum tripudio,
0910913b  Ubi Christus per omnia Cum sanctis est in gloria Et perenni gaudio.
0910914   Nos colentes praesentia Sancti viri solemnia Decantemus alleluja.
0911000   De sancto Aegidio.
0911001a  Sonent hymni Deo digni In hac die tam insigni Clangore tubae ductilis,
0911001b  Ad haec festa patris tanti Voce psallat incessanti Tam plebs quam clerus humilis.
0911002a  Nam quid erit tam praeclarum, Quam ob virum Deo carum Laudes sonare gaudii,
0911002b  Cum applaudit triumphalis Lux non mortis sed natalis Sancti patris Aegidii.
0911003a  Tibi honor, Jesu Christe, Quo patrante sanctus iste Tanta pollebat gratia,
0911003b  Ut infirmi sanarentur Et leprosi mundarentur Per ipsius suffragia.
0911004a  Sanat hunc, quem serpens laedit, Solo daemon jussu cedit, Suum timens imperium;
0911004b  Aegris salus restauratur, Mare tumens tranquillatur, Aestus quiescit febrium.
0911005a  Gressu claudus stabilitur, Dum insigni insignitur Fidus Christi vernaculus;
0911005b  In desertum solus fugit Et mamillas cervae sugit Ceu naturalis hinnulus,
0911006a  Diu montis in speleo Latens soli vacans Deo, Sed inde multum doluit,
0911006b  Ibi pie diffamatur, Per hunc noxa relaxatur, Quam rex abscondi voluit.
0911007a  Virtus mira nihil mali Sub patrono potest tali Quemquam suorum laedere;
0911007b  Sidus dulce confessorum, Tua prece nos justorum Fac consortes in aethere.
0911100   De sancta Agatha.
0911101a  Exultemus, gaudeamus concordi laetitia,
0911101b  Victor sponsus collaudetur in sponsae victoria.
0911102a  Cujus cruce nova luce mundi nitent climata,
0911102b  Cujus dono de maligno triumphavit Agatha.
0911103a  Aevo recens, vultu decens Nitet pudicitia,
0911103b  Expers sordis et immunis ab omni spurcitia.
0911104a  O quam beata, cui fuit in agone virtus Christi socia.
0911104b  Per quam triumphans ad coelorum sublimatur excelsa fastigia.
0911105a  Erat in ejus animo stabilis constantia,
0911105b  Et adversa sufferrebat multa patientia.
0911106a  Furit in ejus corpore iudicis insania,
0911106b  Tamen in tormentis leva- tur Christi clementia.
0911107a  Deos spernit et eorum Ridet et sacrificia, Saevitiam impiorum Mente calcat non soluta.
0911107b  Mammam tradit in tormentis, Dat maxillam et alapis Et corporis spernens poenas, Fide vincit omnes una.
0911108a  O beata quam ad portum Tam ad lucis ducit partum Christus in custodia,
0911108b  Carcer micat nova luce Et curatur Christo duce In Petri praesentia.
0911109a  Dum oraret nec in vanum, Ecce quidam profert manum Ad ejus praesidia,
0911109b  Statim salus datur grata, Cedunt umbrae luce data, Mentem mutant gaudia.
0911110a  Ex ipsius tumba manat Sanitatis copia,
0911110b  Quae furentes rogos sedat Per ejus suffragia.
0911111a  Nos qui sumus in hac calle, Lacrimarum in convalle, Perpessi naufragia,
0911111b  Gloriosa sponsa Christi, Quae jam sponso placuisti, Duc ad pacis gaudia.
0911112a  Ipsa nobis mansionem Impetres a Domino Prece pia,
0911112b  Ad quam ducas omnes pie Post mortis excidium Vitae via.
0911113a  Tuum festum celebrantes Gaudeant per saecula,
0911113b  Ut coronet eos Christus Post vitae curicula.
0911114   Amen dicant omnia.
0911200   De sancta Agnete.
0911201a  Adest dies veneranda, Dies digne celebranda Toto cordis gaudio,
0911201b  Universis admiranda Agnes est et honoranda, Si pensetur ratio.
0911202a  A primaevo juventutis Tenet jura senectutis Vim transcendens corporis,
0911202b  Nam ornamenta salutis Ac multiformis virtutis Donum praestant roboris.
0911203a  Agnes agnum diligit Et amorem negligit Juvenis temptantis,
0911203b  Dona, quae non porrigit, Respuens praeligit Amplexus amantis.
0911204a  Hinc insanit, perturbatur, Tunc praefectus contristatur Nato timens proprio,
0911204b  Ad lupanar ut ducatur, Jubet, et prostituatur Communi ludibrio.
0911205a  Demandatur spoliari, Sed capillos condensari Virtus fecit coelica,
0911205b  Veste tegit puellari Nec permittit violari Hanc manus angelica.
0911206a  Miser Agnam tangere Dum vult, mortis verbere Juste flagellatur,
0911206b  Sed indulto scelere Confert ei vivere, Pro quo molestatur.
0911207a  Pater nato suscitato Redit pro se delegato Viro nefandissimo,
0911207b  Corde judex effrenato Jubet Agnam festinato Foco dari maximo.
0911208a  Aquam praebet vis amoris Exstinguentis stilla roris Fornacem tyrannicam,
0911208b  Virgo nullius ardoris Actum sentit nec fervoris Virtutem vel modicam.
0911209a  Laudes Agnae gratiosae Personemus gaudiose Voce plena.
0911209b  A qua fertur gloriosae Simul et victoriose Mortis poena.
0911210a  Nam ut agnus jugulata, Agno digne copulata Sponsae fulget gloria;
0911210b  Dulcis Agnes, advocata Nostra sis, ut ad parata Perducamur gaudia.
0911300   De sancta Agnete.
0911301a  Harmonia dulci pangat Carmen laudis plebs et clangat Vox in cordis jubilo,
0911301b  Catervatim hymnizando, Sonorose concrepando Propulsato sibilo.
0911302a  Creatori increato Patri, coaeterno nato, Pneumati paraclito,
0911302b  Qui in sanctis gloriosus, Majestate virtuosus Claret actu inclito.
0911303a  Plaude ergo laetitia Posttergata moestitia, Militans ecclesia,
0911303b  Nuptiae venerunt agni, Tam praeclari regis magni, Omni cum facesia.
0911304a  Tuae namque propaginis Ac Romanae originis Filia subarrhatur.
0911304b  Agnes amoris foedere Agno, qui regnat aethere Et Deus adoratur.
0911305a  Agnes fidem illibatam Servans seque coelibatam Offert in amplexibus,
0911305b  In amore Christi fervens. Cosmum blandientem spernens Cum sibi annexibus.
0911306a  Nam dum flore juventutis Scholas frequentat virtutis, Ut electum lilium
0911306b  Nitet morum honestate, Fulget vultus venustate, Quod praefecti filium
0911307a  Urbis Romae inflammaret Ejus decor, ut optaret Eam in conjugium.
0911307b  Aurum, gemmas, margaritas Offert, spondet infinitas Res in dotalitium.
0911308a  Haec ut caenum cuncta spernit, Desponsatam se discernit Christo nunc feliciter,
0911308b  A quo nullis blandimentis Emollitur nec tormentis Illatis ferociter.
0911309a  Vestimentis spoliatur, Ut se nudam vereatur Populum conspicere,
0911309b  Sed capillis circumdatur Corpus totum es velatur Sicut muto vellere.
0911310a  Mancipata lupanari Ab angelis consolari Meruit divinitus,
0911310b  Stolam nive praenitentem, Stellis aureis fulgentem Affert ei coelitus.
0911311a  Mox infamia fugatur, Nam lupanar illustratur Ut solari jubare,
0911311b  Cujus lumen obstupescunt Juvenes et expavescunt Ingredi cum compare.
0911312a  Adolescens dum iniquus, Fremens intrat impudicus, Necatur prostibulo,
0911312b  Pro quo Agna dum precatur, Reviviscit, qui ploratur Mortuus in populo.
0911313a  Plebs hinc furens Agnam magam Contestatur arte vagam Mancipari ignibus,
0911313b  Haec oratione facta In flammis manet intacta Corpore ac vestibus.
0911314a  Demum tortor saevus mergit Ensem in guttur, sic pergit Agnes cum victoria
0911314b  Mox ad sponsi cubiculum, Ubi suum dilectulum Concernit in gloria.
0911315a  Eja, sponsa, nunc agnosce Servos tuos et deposce Veniam peccaminum;
0911315b  Ut consumpto cursu vitae Choris conjungamur rite Beatorum agminum.
0911400   De sancta Agnete.
0911401a  Affluens deliciis Fertur sponsi brachiis Agnes sacratissima,
0911401b  Per quam phalanx virginalis Sub Christi repausans alis Ornatur laetissima.
0911402a  Haec aetate lascivante Charitate vera dante Praefecti spernit filium, Ac si sit mortis spiculum.
0911402b  Nolens mundo consignari Nec hunc factis imitari, Carnem domabat petulam Dei se monstrans famulam.
0911403a  Propter hoc arripitur Praefectus furore, Ad lupanar ducitur Virgo cum pudore, Jubet et illudere Spoliatam veste, Huic amator virginum Aderat pro teste.
0911403b  Juvenis ingreditur Mentis ex ardore, Qui et statim moritur Patris pro moerore, Orat pia precibus Puellari more, Laeso vita redditur Virginis honore.
0911404a  Pro peccatis precor reus, Tua prece ut et Deus Mihi condonet gaudii Tui participium.
0911404b  Licet vita me ineptum, Tamen Deo fac acceptum, O Agnes, odoriferus Flos et decor virginum.
0911500   De sancto Alexio.
0911501a  Gratuletur totus mundus, Omnis homo sit jucundus In festo Alexii,
0911501b  Per quem quisque consolatur, Tribulatis nil negatur In poenis exsilii.
0911502a  Cum parentes sic laborant, Pro haerede Deum orant, Datur eis filius,
0911502b  Quo Romana plebs laetatur, Patris turba jucundatur, Vocatur Alexius.
0911503a  Studiose ablactatus Sponsi pari copulatus Traditur conjugio;
0911503b  Dum secreta petit thori, Huic convivit ut sorori, Fugit a connubio.
0911504a  Sicque virgo viduatur Ut Maria, desolatur Mariti solatio,
0911504b  Voluntate denudatur, Non ut Joseph venumdatur Longo usus spatio.
0911505a  Tandem hic ad sua ivit, Quae sunt sua non quaesivit, A patre colligitur;
0911505b  Praesens deest haeres Christi, Generosa sponsa tristi More hunc alloquitur.
0911506a  Subtus gradum collocatur, Pater, mater hunc affatur Cognoscentes minime;
0911506b  Valde fit opprobriosus, Vixit satis odiosus Propriae familiae.
0911507a  Inaudita fama talis, Quantus sit aut sanctus qualis Ejus morte patuit;
0911507b  Quibus signis coram patre, Coram sponsa, coram matre, Coram cunctis claruit.
0911508a  O Alexi, his adjunctis Nobis vivis vel defunctis Cuncta mala pellito,
0911508b  Ut in mundo sic laetemur, Quod a malis secundemur, Salvatorem flectito.
0911600   De sancto Alexio.
0911601a  Corde laeto jubilemus, Plena voce consonemus, Qui beatum honoremus Et sanctum Alexium,
0911601b  Qui mundana contemnebat, Deo totus adhaerebat, Nam non ficte requirebat Jesum, Dei filium.
0911602a  Vere plenus caritate, Vitae florens castitate, Adornatus paupertate Mendicum fit socius;
0911602b  Flores probant castitatis, Docent signa caritatis, Quantae jam sit dignitatis Iste vir egregius.
0911603a  Eja, beate et bone, Miserere semper prone, Fac consortes nos coronae Coelestis militiae.
0911603b  Per te Christus nos coronet, Per te vitam nobis donet Voxque nostra grata sonet Apud sedem gloriae.
0911700   De sancto Amando.
0911701   Voce praecelsa Christi clara magnalia
0911702a  Pangamus cantica canentes sibi grata,
0911702b  Digne qui sublimat electos super astra,
0911703a  Perenni gloria ipsos juste decorans inter arva,
0911703b  Qui fide ferventes cuncta mundi spreverunt peritura.
0911704a  Horum inter collegia rutilans ut stella praesul lampat Amandus per saecla,
0911704b  Cujus sacra solemnia omnibus colenda concelebrat fidelis caterva.
0911705a  Hic dudum sacra fidei norma gentilis reformabat plebis corda
0911705b  Et vitae dogma passim per arva serebat incessanter voce clara,
0911706a  Suadens vana devitare saecla ob coeli regna nanciscenda. Daemonum fana sternens plurima
0911706b  Fundabat diva monasteria. Hic centena hominum milia baptisimi sacra lavans unda.
0911707a  Ave, praesul, claudis semita caecisque lucerna salvifica.
0911707b  Ave, pastor, tuis tutela, famulis spes quoque certissima.
0911708a  Tu devota prece Deo fusa mundo multa dedisti miranda.
0911708b  Tu defuncta suspensi pro noxa furis membra fecisti vivida.
0911709a  O qualis dixa nunc in alta poli regia,
0911709b  Gaudens chorea cum superna carne posita.
0911710a  Tibi, praesul, eja sonent mirifica organa,
0911710b  Voce modulata concrepet haec aula jubilans
0911711a  Melliflua melodia. Plaudit adstans turba te poscens, ut cuncta crimina,
0911711b  Pater alme, tergas omnes cordis mundans maculas Et veniam obtineas.
0911712a  Ut, qui tua voce tinnula festa colimus, praesul, annua,
0911712b  Deposita carnis sarcina tecum fruamur jugi gloria
0911713a  Atque continua cordis laetitia.
0911713b  Exsultantes una tecum in gloria
0911714   Jucundemur in aula coeli lucida per saecula.
0911800   De sancto Ambrosio.
0911801a  Delectemur ad festiva, Jucundemur ad votiva Ambrosii praemia,
0911801b  Sic versetur laus in ore, Ne fraudetur cor dulcore, Quo degustet gaudia.
0911802a  Hic a Deo praeelectus Adhuc infans est praeventus Felici auspicio,
0911802b  Nam in cunis dum recumbit, Ejus dogma praeostendit Apum frequentatio.
0911803a  Hinc scientia repletus Consul clarus est effectus Cunctis applaudentibus,
0911803b  Sed a Christo designatus Praesul bonus est donatus Mediolanensibus.
0911804a  Intus ardens caritate, Foris lucens honestate, Signis et eloquio
0911804b  Errantem plebem perfidam Christo reddidit devotam Non absque prodigio.
0911805a  Vim malorum superavit, Saevis morbis imperavit Nec non et daemonibus,
0911805b  Sed vir tantae potestatis Non minoris pietatis Erat poenitentibus.
0911806a  Nam peccantem, quem praecidit, Poenitentem mox univit Augustum ecclesiae,
0911806b  Lapsus suos confitentes Pios reddit ac fidentes Hortans ad spem veniae.
0911807a  Hujus fide est conversa Ariana gens perversa Totius Italiae,
0911807b  Hujus scriptis illustratur, Illustrata solidatur Unitas ecclesiae.
0911808a  Salve sancti vas amoris Et coelestis plenum roris Nobile per omnia,
0911808b  Fac per mentis puritatem Contemplari trinitatem In una substantia.
0911900   De sancto Andrea.
0911901a  Chori nostri jubilent regi symphonia,
0911901b  Cujus coeli per orbem enarrant gloriam,
0911902a  Rore verbifero ariditate rigida
0911902b  Qui corda transformant velut nubes in maria.
0911903a  In quis rutilans Andreas sidus cluit inter clara sidera
0911903b  Et sterilia mentium dumis arva vertit in fertilia.
0911904a  Qui semina passim spargit vitalia; Ast Aegeae vana prohibere tendit cultorem insania.
0911904b  Apostoli sed non cedit constantia. Nam magistri Christi suam tollens crucem tenuit vestigia.
0911905a  Quis rex, cujus habent et mori palmam agmina,
0911905b  Nec esse mori sed fieri immortalia?
0911906a  O quam ineffabilia virtutis sperata praemia!
0911906b  O quam fortis patiendo atque miranda victoria!
0911907a  Crucem ovans pie salutas amplecterisque mortem, virilis Andrea.
0911907b  Quid desipis, quis hunc terrebit? optat torqueri, resipe, miser Aegea.
0911908a  Vir felix, non terreri summi paracliti dant consolamina,
0911908b  Qui crucem gradum facis ad coelos ascensus, relinquis infima.
0911909a  Nam ab humo crucem, de cruce petis sidera,
0911909b  Quo nos te precantes tua levent suffragia;
0911910   Ubi collaudemus Deum aeterna per saecula.
0912000   De sancto Andrea.
0912001a  Psallat voce, votis amet Chorus noster et exclamet Jubilaeis cantibus,
0912001b  Namque dignum est et bonum Apostolicum patronum Nos efferre laudibus.
0912002a  Hic Andreas, Petri frater, Magnus doctor, magnus pater, Vir totius gratiae,
0912002b  Uni parens jussioni Se conformat passioni Christi regis gloriae.
0912003a  Rem conformat nomini Virilis vir Domini, Totus virtuosus,
0912003b  Respondet vocabulo Praedicando populo Verbo gratiosus.
0912004a  Crucis hic semper amator Et fidelis commendator Constans et intrepidus,
0912004b  Ascendens in palmam crucis Lumen clarus poli lucis Sibi luxit coelitus.
0912005a  Quidquid crucis est amarum, Dulce sibi atque carum Videns hoc prodigium,
0912005b  Hinc sitivit, esurivit, Toto corde concupivit Crucisque supplicium.
0912006a  Eam videns gaudio Exultans eximio Suscipi precatur,
0912006b  Supervivens biduo Tempore continuo Populum hortatur.
0912007a  Hic dum poena liberatur, Rogat, ne impediatur Ipsius martyrium;
0912007b  Tandem tortum crucis poena Circumfulsit lux serena Sicque tradit spiritum.
0912008a  O quam sanctus, quam devotus, Qui sic ardens erat totus In crucis praeconio;
0912008b  Quam dicebat dedicatam Christi membris et ornatam Sanguinisque pretio.
0912009a  Laudes ergo cum gratiis Christo pro beneficiis Persolvamus;
0912009b  Conemur cum fiducia Ejus sequi vestigia Gratulantes.
0912010a  Sed tu, pater pie, bone, Pastor gregis et patrone, Tuo patrocinio
0912010b  Fac nos frui fructu crucis, Et aspectu verae lucis Cum perenni gaudio.
0912100   De sancto Andrea.
0912101a  Laetabundus Andream collaudet mundus Alleluja.
0912101b  Qui vocatus Mox Jesum est comitatus, Res miranda.
0912102a  Hic divina gratia Fulsit in Achaia Quasi stella,
0912102b  Idolatras plurimos Christo fecit credulos Fide clara.
0912103a  Sicut Christus voluit, Verbum vitae docuit Pari forma,
0912103b  Nec minis nec pretio Ejus praedicatio Fit corrupta.
0912104a  Hunc in coelis angeli Laudant, gaudent populi Valle nostra;
0912104b  Sunt conversi plurimi Hoc duce increduli Fide sumpta.
0912105a  Hinc Aegeas temere Coepit hunc corripere Temptansque pervertere Mente caeca;
0912105b  Quod Andreas renuit Crucemque sustinuit, Martyr esse meruit Per praedicta.
0912106a  Andrea, propera, Prece nos libera, Ne damnemur ut gens misera.
0912106b  Rogaque prospera, Det nobis munera Hic, quem genuit puerpera.
0912200   De sancta Anna.
0912201a  Anna, pia mater, ave, Cujus nomen est suave, Anna sonat gratiam.
0912201b  Ave, Jesse radix floris, Quae coelestis dat odoris Perennem flagrantiam.
0912202a  Ave, parens stellam maris, Quam tu nuptam contemplaris Regis regum filio;
0912202b  Ave, gemma mulierum, Clarum sidus, lux dierum, Alto fulgens solio.
0912203a  Tu, quae sola meruisti, Esse parens matris Christi, Preces nostras suscipe,
0912203b  Tu nos matri atque proli, Regi ac reginae poli Commendare non desine.
0912300   De sancta Anna.
0912301a  Jubilemus in honore Matris Christi cum decore, Summi regis aviae,
0912301b  Omni laude vere dignae, Piae, mitis et benignae, Excellentis gloriae.
0912302a  Honorantes invocemus, Invocantes honoremus Venerandam angelis,
0912302b  Anna mater, te laudamus, Tuum nomen invocamus Voce, corde, canticis.
0912303a  Nomen tibi gratiosum, Anna, dedit pretiosum Tua natus filia,
0912303b  Quam tu sine macula criminis Concepisti miseri hominis Advocatam dilectam.
0912304a  Nemo, qui te veneratur, Orat frustra, sed donatur Magnis beneficiis,
0912304b  Dono sancti spiritus Illustratur animus Et purgatur vitiis.
0912305a  Esto nobis in adversis Consolatrix, ne demersis Dominentur vitia,
0912305b  Sana morbos animorum, Terge sordes peccatorum Cuncta pellens turpia.
0912306a  Orphanorum consolatrix, Miserorum reparatrix, Pia, mitis omnibus,
0912306b  Fatigatos in labore Hujus vitae cum dolore Tuis salva precibus.
0912307a  Reos solve, justos serva, Preces funde pro caterva Hic adstantis populi,
0912307b  Tua prece fax devotos Et a culpa nos remotos Innocentes saeculi.
0912308a  In hoc mundo nos tuere Et post mortem fac videre Jesum, natae filium.
0912308b  Summo regi nos devoti Tuo laudes ac nepoti Solvimus in saeculum.
0912309a  Carmen nostrum fac jucundum, Mens devota sit, cor mundum, Pura conscientia;
0912309b  Aufer mala, quae molestant, Bona confer, quae honestant, Cordis innocentiam.
0912310a  Rege mentes devotorum, Anna, tibi famulorum, Advocata sis moestorum Mortis in articulo.
0912310b  Monstra nobis tunc placatum Regem, natae tuae natum, Ut cantemus carmen gratum Mentis cum tripudio.
0912311a  Ecce corpus Jesu Christi, Cujus matrem peperisti In salutem mundo tristi, Adorandum populis.
0912311b  Lege quondam praesignatum A prophetis nuntiatum, Et a missis praedicatum Universis gentibus.
0912312a  Jesu, nostri miserere, Annae meritis tuere Hanc catervam, fac videre Temet ipsum, possidere In coelesti patria.
0912312b  Tuum nomen invocamus, Christe Jesu, te laudamus, Annae meritis speramus Vitam, ad quam festinamus In aeterna gloria.
0912400   De sancta Anna.
0912401a  Ave, mater inclita, Gratiarum stillula, Figurarum formula.
0912401b  Ave, decus regium, Patrum et pontificum, Prophetarum gloria.
0912402a  Te psalmi et cantica, Simul ornant coelica Angelorum organa.
0912402b  Hierusalem properas, Viro laeta obvias, Anna, porta aurea.
0912403a  Genarcha eximius, Joachim praecipuus Gaudet nova gratia.
0912403b  Nazareth tunc nascitur, Templo Dei pascitur Pulchra Sion filia.
0912404a  Compta super lilia, Nobilis Christifera, Digna Dei thalamo.
0912404b  Stirps fulges Davida, Anna Aaronitida, Regnas coeli solio.
0912405a  Nos patri cum filio Commenda paraclito, Pia ava veniae,
0912405b  Ut nos mundet sedulis Peccatorum maculis Hysopo clementiae.
0912500   De sancta Anna.
0912501a  Ave, Jesu, verbum patris Parentum nos tuae matris Salva sanctis precibus.
0912501b  Ave, archa deitatis, Sta pro nobis cum beatis Tuis genitoribus.
0912502a  Ave, splendor Dei patris, Nos associa beatis Mariae parentibus.
0912502b  Ave, mater Jesu digna, Jesu Christo nos assigna Cum tuis parentibus.
0912503a  Ave semper et in aevum, Christe, fuga quodque laevum Pro matris parentibus.
0912503b  Ave, mater Jesu cara, Nobis vana fac amara Propter tuos parentes.
0912504a  Ave, Christe, panis vitae, Fac vivamus tibi rite Propter matris parentes.
0912504b  Ave mater salvatoris, Adsis nobis cunctis horis Cum tuis parentibus.
0912505a  Ave, Jesu praeamate, Fac vivamus tibi grate Propter matris parentes.
0912505b  Ave mater Jesu pia, Fac vadamus Dei via Cum tuis parentibus.
0912506a  Ave, puer alme Jesu, Vitae pasci fac nos esu Propter matris parentes.
0912506b  Ave, bona Jesu mater, Fac nos salvet summus pater Cum tuis parentibus.
0912507a  Ave, clemens Jesu Christe, Nos coelorum regno siste, Propter matris parentes.
0912507b  Ave, dulcis mater Christi, Fac nos regno Dei sisti Cum tuis parentibus.
0912508a  Ave, Jesu, pro Maria, Joachim et Anna pia, Sanctis genitoribus,
0912508b  A vae carnis nos tuere Et cum ipsis te videre Fac et sanctis omnibus.
0912600   De sancta Anna.
0912601a  Ave, Anna, laude magna, Mater matris summi patris, O sublimis gloria,
0912601b  Stirpe David procreata, Nos salvavit ex te nata Mater Dei Maria.
0912602a  Nos credendo id laudare, In credendo plus amare, Fac, origo gratiae,
0912602b  Unde coepit fides sana Et percepit mens humana Fontem sapientiae.
0912603a  Virgo Dei procreatur, Per quam venit, qui solatur Omnes in martyrio,
0912603b  Regis mater generatur, Per te Anna ablactatur Coelico cibario.
0912604a  Multis multa haec largitur Salus vera haec partitur Omnibus fidelibus;
0912604b  Virgo mater, Jesu bone, Omnes mortis in agone Aptate coelestibus.
0912605a  Nos credentes, mater, audi, Assistentes tuae laudi Juva beneficiis,
0912605b  Per quam scimus exaudiri, Fac nos omnes inveniri Tecum in deliciis.
0912700   De sancta Anna.
0912701a  Sanctae Annae sonorus Exultet chorus, Alleluja.
0912701b  Haec est Sara secunda, Partu fecunda, Res miranda.
0912702a  Virgam Jesse produxit, De qua Christus illuxit, Sol de stella.
0912702b  De Anna eximia Fulsit virgo Maria Semper clara,
0912703a  Sanctis cunctis dignior, Ut sol stellis clarior Pari forma.
0912703b  Anna amans coelica, Mundi spernit lubrica Et corrupta.
0912704a  Gignens salutis fructum, Abstulit omnem luctum Valle nostra;
0912704b  Ex prole, quam genuit, Sol verus emicuit Carne sumpta.
0912705a  Sol Christus, irradia Nostra corda gratia, Nec sinas labe noxia Esse caeca.
0912705b  Tua incarnatio Salvet nos et passio, Quae vatum praesagio Est praedicta.
0912706a  Nunc ora, ut pia Mater et filia Succurrat tibi, gens misera,
0912706b  Et te post tristia Ducat ad gaudia Haec, quae genuit puerpera.
0912800   De sancta Anna.
0912801a  Gaude, concio fidelis, Laudans Dominum de caelis Pro sua clementia,
0912801b  Mundo quippe morienti Succurrit ope potenti Donans vitae gaudia.
0912802a  Anna regum stirpe nata Joachimque sociata Concipit divinitus,
0912802b  Infecunda fecundatur, Sterili conceptus datur Praesignatus coelitus.
0912803a  Dulcem gignit Anna prolem, Quae produxit verum solem, Christum, regem gloriae;
0912803b  O quam felix tam felicis Mater Dei genitricis, Matris omnis gratiae.
0912804a  O quam felix, quam beata, De qua prodit illibata Virgo et puerpera,
0912804b  Per quam vita mundo redit, Per quam pulsa mors recedit, Per quam patent aethera.
0912805a  Anna dulcis, Anna pia, Cum dulci nata Maria Nos foveto jugiter;
0912805b  Jesu, fili dulcis harum, Fax nos meritis ambarum Te frui perenniter.
0912900   De sancta Anna.
0912901a  Luce lucens in superna, Lucis ductrix et lucerna, Claritatis gerula,
0912901b  Felix Anna, de caverna Laci transfer ad superna Lucis nos vehicula.
0912902a  Mundi jubar luminare Novum paris sine pare Sole plus illuminans;
0912902b  Ex te duxit ortum clare Maris stella per hoc mare Spatiosum rutilans.
0912903a  Orta stirpe de regali Super ortum speciali Gaudes privilegio,
0912903b  Prole fulgens sola tali, Quali nulla de mortali Sexu vel collegio.
0912904a  Cella vera tu coelestis, In qua trinitatis vestis Est ordita primitus;
0912904b  Humus rei caro testis Exstat Christi, quam in festis Gestat jam coelestibus.
0912905a  Carnem tuam carnem Christi Per Maria, quam tulisti, Recta probat linea,
0912905b  Qua cum Deo contraxisti Genus omne ac vicisti Nata cum virginea.
0912906a  Tu terminus tristitiae, Scaturigo laetitiae, Quae prolem benedictam
0912906b  De gremio das gratiae, Matrem solis justitiae, Labe prorsus invictam.
0912907a  Tua grandis est potestas, Tibi coeli dat majestas Matronatus gloriam,
0912907b  Ad tranquillum, quos potestas, Ad fluentem, quos egestas Urget, trahe copiam.
0912908a  Eja, mater, plena bonis, Gratiarum dita donis In praesenti pauperes,
0912908b  Hujus cursum post agonis Triumphatum nos in thronis Loca bonis uberes.
0913000   De sancta Anna.
0913001a  Omnis mundus Exsultet et sit jucundus Alleluja,
0913001b  Nova festa Nunc adsunt sed diu gesta, Res miranda.
0913002a  Anna nupsit nobili Joachim consimili, Soli stella,
0913002b  Hi dilecti pariter Vixerunt feliciter Fide clara.
0913003a  Tandem cuique visio Monstratur ab angelo Pari forma;
0913003b  Crediderunt nuntio Nec horum devotio Fit corrupta.
0913004a  Post haec Anna concepit Et Mariam peperit Valle nostra,
0913004b  De qua Christus nascitur, Ejus lacte pascitur Carne sumpta.
0913005a  Iste Dei filius Missus erat coelitus, Sed hunc plebs Judaica Damnat caeca.
0913005b  Unde crucifigitur, Lancea perfoditur, Fecit haec delicta Plebs praedicta.
0913006a  Jesu, nos adjuva, Cum matre Maria Transfer de valle hac misera
0913006b  Ad coeli gaudia, Ubi cum avia Regnas et matre puerpera.
0913100   De sancta Anna.
0913101a  Gaude, cunctis veneranda, Anna, mater et cantanda Superum concentibus,
0913101b  Anna recte nuncupata Gratiosa, dono data A Deo mortalibus.
0913102a  Ab aeterno praeelecta Et a regum stirpe secta Manu sapientiae,
0913102b  Ex te nata stella maris, Virgo mater expers paris, Regina clementiae.
0913103a  Tu immensae vas virtutis, Certam nostrae spem salutis Es ordita primitus,
0913103b  Quae cum Deo contraxisti Genus carnis et tulisti Tanta dona coelitus.
0913104a  O quam felix, quam beata, Tali prole foecundata, Parens matris gratiae,
0913104b  Stupet omnis creatura, Laudum tibi litans thura Coram Dei facie.
0913105a  His accedunt binae natae Et sex proles perbeatae, Viae Christi comites;
0913105b  En in culmo septem spicae Atque vitis ex radice Surgentes tres palmites.
0913106a  Vere celsus tuus status Et immensus potentatus In coelesti curia,
0913106b  Quid non posses exorare, Tuum natum si rogare Tanta velis gloria.
0913107a  Ergo mater Anna pia Tota stirpe cum Maria Jesum ora filium,
0913107b  Quo sic eum veneremur, Ut in coelis collaetemur Post praesens exsilium.
0913200   De s. Antonio Eremita.
0913201a  Veni, pater Antoni, Et spiritalis doni Nobis mitte radium,
0913201b  Veni, pater pauperum, Medicina vulnerum Carnis atque cordium.
0913202a  Consolator optime, Ignem pellis maxime Dando refrigerium;
0913202b  Ardor, in quo requies Non est, fit temperies Per tuum solatium.
0913203a  O virtus sanctissima Salusque citissima Tuorum fidelium,
0913203b  Nam in tuo nomine, Quod nocet in homine, Cito fit innoxium.
0913204a  Munda corpus sordidum, Irriga cor aridum, Sana, quod est saucium;
0913204b  Flecte morbum rigidum, Ignem redde frigidum, Rege quod est devium.
0913205a  Da devotis mentibus Ad te suspirantibus Sacrum septenarium
0913205b  Et nobis post obitum Christi per intuitum Da perenne gaudium.
0913300   De s. Antonio Eremita.
0913301a  Salve, pater venerande, Vita cujus imitandae Virtutis est formula,
0913301b  Quam tam clare praetendisti, O Antoni, dum vixisti In Aegypti partibus.
0913302a  Ubi Deo serviebas Mero corde et vincebas Daemonum versutias,
0913302b  Infestatus et afflictus Non es motus neque victus Ab eorum furia.
0913303a  Cedunt namque vexatores Victi, qui triumphatores Se sperabant fieri;
0913303b  Parant fugam nil adepti, Consternati et decepti Tuam per industriam.
0913304a  Tandem vitam strictiorem Es agressus nec horrorem Vasti spernens eremi,
0913304b  In speluncis et cavernis A mundanis et externis Reprimebas animum.
0913305a  Corus tuum biduanis Macerasti, triduanis Crebrisque jejuniis,
0913305b  Postque carne resolutus Claritate es indutus In coelesti curia.
0913306a  O Antoni gloriose, Vitae nostrae aerumnosae Pie fer auxilium;
0913306b  Sicut tu vicisti mundum Et in Deo cor jucundum Tibi semper exstitit,
0913307a  Ita Deus te precante Mundi fastum nobis ante Mortem donet vincere.
0913307b  Per quod vultum deitatis Contemplemur cum beatis In perenni gloria.
0913400   De s. Antonio Patavino.
0913401a  Gaude, felix sponsa Christi, Quae fecunda manens munda Mater es fidelium,
0913401b  Prolem sanctam, quam nustristi Lacte mundo, pandis mundo Beatum Antonium.
0913402a  Gaude, pater pauperum, Perfectorum operum Ex te floret filius.
0913402b  Ecce patris gloria Et matris laetitia Sanctus est Antonius.
0913403a  Augustino primitus Suberat, quem coelitus Sanctus vocans spiritus
0913403b  Ad Francisci regulam, Paupertatis formulam, Mundo tulit penitus.
0913404a  Felix hunc Hispania Profudit, Italia Potitur praesentia;
0913404b  Major his tu, Padua, Qua nunc per miracula Corruscat assidua.
0913405a  Consummatus brevitur Fruitur perenniter Regem regum omnium;
0913405b  Pavor est errantium, Salus poenitentium Nova lex credentium.
0913500   De s. Antonio Patavino.
0913501a  Ad honorem, Christe, tuum, Pangens chorus crucis suum Signo cor insigniat,
0913501b  Nihil valet crux in fronte, Cum de cordis manans fonte Virus vitam vitiat.
0913502a  Ad os ergo mittat manum Christi miles nec in vanum Aeram percutiat,
0913502b  Laudes ergo promat laetas Et ignorans laude metas Voce vitam fulciat.
0913503a  Ecce manus inimica Languet, Christus dum antiqua Renovat miracula,
0913503b  Per abjecti cultus virum Pellens hostem procul dirum Et ipsius jacula.
0913504a  Vere pauper et abjectus Sed insigne gessit pectus Nobilis Antonius,
0913504b  Audax praeco verbi Dei, Quod alludens nomen rei Pandit evidentius.
0913505a  Ortum traxit ab Hispanis Pauper dives non inanis, Per quem vitae datur panis Civibus Italiae;
0913505b  Forma morum hic Minorum, Hortos rigat Italorum, Ut dicatur fons hortorum Puteus Hispaniae.
0913506a  Quis est, qui se jam non spernat, Si, quae recta sunt, discernat, Cum spectores sui cernat Orbis reges fieri?
0913506b  Ecce vides coronatum Antonium sublimatum, Quem vidisti minoratum Sacco tectum veteri.
0913507a  O Antoni, o Antoni, Dono doni summi boni Absolutis a tributis Da salutis, da virtutis Culmen apprehendere.
0913507b  Qui attolunt te devoti, Per te Deo fiant noti, Ut a malis liberentur Et cum justis jucundentur Juncti pari foedere.
0913600   De sancto Arnulpho.
0913601a  Hodierna recolamus Arnulphi solemnia,
0913601b  Pari voto persolvamus Et laudum munia.
0913602a  Hunc gentiles genuerunt, Sed divina gratia
0913602b  Baptizari meruerunt Spreta idolatria.
0913603a  Baptizatur et filius, Sanctus enim Remigius Suscepit filiolum,
0913603b  Informat eum literis Novae legis et veteris, Intimat et symbolum.
0913604a  Commendat hunc Chlodovaeo, Honoratur hic ab eo Et cunctis palatii,
0913604b  Nutu Dei sublimatur, Nepti regis copulator Lege matrimonii.
0913605a  Sponsus sponsam deserit, Angelus hoc suggerit Dormienti,
0913605b  Refert hoc Remigio, Datur benedictio Recedenti.
0913606a  Loca sancta visitat, Vir defunctos suscitat Palatinus,
0913606b  Caecos et illuminat, Daemones eliminat Peregrinus.
0913607a  Urbs Ravenna gratulatur, Cum defunctus susciatur Raptus a daemonibus;
0913607b  Alter jam efferebatur, Sed ad vitam revocatur Peregrini precibus.
0913608a  Turonensis orat clerus, Hunc revelat pastor verus, Sacerdos eligitur;
0913608b  Cedit serpens, surgit mersus, Ad sponsam sanctus reversus A servis occiditur.
0913609a  Linquis solum, Petis polum, Felix martyr, hodie;
0913609b  Placa Christum Diem istum Colenti familiae.
0913700   De sancto Augustino.
0913701a  Ecce Patris et doctoris Praeclarique confessoris Fulget natalitium,
0913701b  Hipponensis Augustini, Cujus fuit os divini Roris stillicidium.
0913702a  Sit ejus festivitas Cunctorum jucunditas, Quia cunctis profuit,
0913702b  Sed nobis potissimum, Quibus saluberrimum Canonem instituit.
0913703a  Sero quidem baptizatus, Sed tunc digne flens reatus Se priorem exuit,
0913703b  Usquequaque renovatur Sicque praesul consecratur, Quod invitus annuit.
0913704a  Mox ergo non propria Sed Christi negotia Tractat et exsequitur,
0913704b  Nec honorem perperam Sed opus et operam Praesulis amplectitur.
0913705a  Timorate villicat, Manu, lingua praedicat Suique multiplicat Domini talenta.
0913705b  Illa nummulario Tradit non sudario, Nec latet sub modio Facula detenta.
0913706a  Fit doctrinae puteus Fideique clipeus, Fit malorum malleus Et zelotes latriae.
0913706b  Donatum, Sabellium Confundit et Arrium, Satanae ternarium, Rivulos perfidiae.
0913707a  Explicat obscuras Antea scripturas, Harum tritaturas Pandit et figuras Sensumque mysticum.
0913707b  Salvatoris almos Sermones et psalmos Disserit, declarat Et utrimque parat Vitae viaticum.
0913708a  Infinitorum Aestu laborum Pollet in pastoribus,
0913708b  Mellifluorum Floret librorum Copia prae omnibus.
0913709a  O quam fixe contemplatur, Dum matrona non spectatur Nec inde certificatur Unde gestit quaerere.
0913709b  Moesta redit sed docetur, Quod, dum Deum contempletur, Visum sanctus non tenetur Ad ipsam reflectere.
0913710a  In extremis dum laborat, Pro febricitantis orat Sospitate;
0913710b  Aeger aegro suffragatur, Firma languor infirmatur Caritate.
0913711a  Ejus corpus venerandum Dum Papiae collocandum Defertur ad Luitprandum, In via subsistitur;
0913711b  Obsequentes non admittit Nec moveri se permittit, Donec villam rex promittit, Quae vicina cernitur.
0913712a  O benigne Augustine, Forma sanctitatis, O divinae Fons doctrinae, Tuba veritatis, Stella claritatis, Matutinae
0913712b  Audi chorum Famulorum Tibi concinentem, Sed suorum Delictorum Fasce fatiscentem, Serva tuam gentem, Spes tuorum.
0913800   De sancto Augustino.
0913801a  Consors sono Patrono Decantet vita Alleluja,
0913801b  Surda aspis Fit jaspis Ex Basan cita, Res miranda.
0913802a  Ut audit sanctum mente Augustinus fit lente Sol de stella;
0913802b  Quem fons sacer dum novat, Pia genitrix ovat Semper clara.
0913803a  Turgens dogma vanescit, Error quivis liquescit Pari forma,
0913803b  Ut dat verbum fidei, Haeresis Manichaei Fit corrupta.
0913804a  Mandit cibum grandium, Fitque pars humilium Carne sumpta,
0913804b  Triginta nec non mille Dictavit libros ille Valle nostra.
0913805a  Coaequalem genitum Patri probat filium, Quo confutat Arrium Mente caeca;
0913805b  Quia miser Arrius Fide stetit dubius, Crepuit hinc medius Post praedicta.
0913806a  Dulcis Augustine, Finem culpae trinae Fer, ne damnemur gens misera.
0913806b  Corde, verbo, opere, Munda nos propere Dans quem genuit puerpera.
0913900   De sancto Augustino.
0913901a  Cum patribus et prophetis In coelesti gloria,
0913901b  Quorum dicta recitavit Docens in ecclesia,
0913902a  Verbum Dei manu, lingua, Cum magna constantia
0913902b  Praedicavit atque scripsit Fultus Dei gratia.
0913903a  Fortunatum condemnavit Cum sua versutia,
0913903b  Fidem nostram conservavit Mira eloquentia,
0913904   Sicque complens vitae cursum In coelesti sede sursum Dormivit.
0914000   De sancto Augustino.
0914001a  Dei regi confessorum Psallat chorus angelorum, Psallat et vox hominum,
0914001b  Plebs et clerus ac praelati Psallant summae trinitati, Deo patri luminum.
0914002a  Qui scriptos in libro vitae Facit ut in vera vite Christo vivant palmites,
0914002b  Quos ut ferant fructus multos Colit, purgat minus cultos Rectos docens tramites.
0914003a  O quam magna, quam profunda In electis, quam jucunda Dei sunt judicia,
0914003b  Petri, Pauli, Augustini Lapsus, error sunt divini Arcandi indicia.
0914004a  Augustinua dum sophiae Mundi servit, matris piae Sacra spernit monita,
0914004b  Mundi rhetor parvipendet Christi fidem nec attendit, Quae sit Christi semita.
0914005a  Mater deflet hunc errantem, Flentem Deus et orantem Audit vertens impium;
0914005b  Ab aeterno praeelectum Vertit curvum in directum Sacrum per Ambrosium.
0914006a  Sacro fonte qui ablutus Adam veterem exutus In novum convertitur,
0914006b  Membrum Christi mox perfectum Per affectum et effectum Operis ostenditur.
0914007a  Mundi spernit vanitatem, Solam Dei bonitatem Amat et amplectitur;
0914007b  Sacris litteris imbutus, Christi sale delibutus Doctor clarus noscitur.
0914008a  Dictat, scribit, docet recta, In lucem producit tecta Scripturae mysteria,
0914008b  Fortis tyro veritatis Tyrannorum falsitatis Vincit magisteria.
0914009a  Hinc ad sedem postulatur Praesulatus, infulatur, Dignus tanto culmine;
0914009b  Felix pastor gregis Christi, Felix grex, qui meruisti Hoc regi regimine.
0914010a  Nulli prorsus hic secundus, Quisnam corde sic profundus In Dei scientia?
0914010b  Fructu vitae hic fecundus, In scripturis hic facundus Mira eloquentia.
0914011a  Sacrosanctae Trinitatis Contemplator cum beatis Fruens nunc coelestibus,
0914011b  Pastor, gregis memor esto, Sanstis nos in coeli festo Junge tuis precibus.
0914100   De sancto Augustino.
0914101a  Augustini confessoris Sit in cunctis cleri choris Praeclara solemnitas,
0914101b  Laude dignus est ingenti, Quem coelestis testamenti Sublimat haereditas.
0914102a  Nomen habens ab augmento Vino replet et frumento Domini familiam,
0914102b  Non inventus est aequalis Ad augendam spiritalis Mutui pecuniam.
0914103a  O quam dignum laude virum, Qui conseptus est per gyrum Auri tintinabulis,
0914103b  Ut sonora vox decoris Audiretur non tam foris Quam intus in populis.
0914104a  Ejus aqua salutaris Stagna manant instar maris Ex cisterna putei,
0914104b  Per sermones, homelias Commentorum morum vias Praeparat et fidei.
0914105a  Ergo, pater Augustine, Tuae normam disciplinae Sequentes vernaculos
0914105b  Juva semper, ut seramus Hic in terris, quos metamus In coelis, manipulos.
0914200   In translatione s. Augustini.
0914201a  Corda sursum eleventur Et devote celebrentur Inclita solemnia
0914201b  Nostri patris Augustini, Concinentes angelini Chori promant gaudia.
0914202a  Tuba, cymbalis, organo Lyra, tibia, tympano Cythara, psalterio,
0914202b  Rhythmo, prosa, dulci nota, Voce, voto, mente tota Sonet jubilatio.
0914203a  Psalle, psalle, laeto vultu, Dic ex corde pio cultu: Salve, gemma praesulum,
0914203b  Salve, tu sophiae crater, Regularis vitae pater, Sanctitatis speculum.
0914204a  Salve, pater Augustine, Vas electum, vas divinae Capax sapientiae,
0914204b  Vas infusum vena vitae, Vas profundens vinum vite, Vas coelestis gratiae.
0914205a  Salve lux et dux doctorum, Malleus haereticorum Conterens perfidiam,
0914205b  Tu decus theologorum, Tu mundi philosophorum Superas scientiam.
0914206a  Quis poterit similiter Tibi congloriari, Quis sicut tu sublimiter Valuerit effari Scripturae mysteria.
0914206b  Quis sensit te fidelius, Protulit utilius, Implevit efficacius, Reserans subtilius Quaestionum dubia.
0914207a  Nunc in coelo constitutus Hoc ad plenum es imbutus, Quod hic praegustaveras,
0914207b  Stola mentis es indutus Braviumque consecutus, Cursu quod intenderas.
0914208a  Nunc in arce fulgens poli Pete, pater, tuae proli Gratiae subsidium,
0914208b  Tu in polo nos in solo Fac ne belli vi vel dolo Supplantemur hostium.
0914300   De sancta Barbara.
0914301a  Collaudemus salvatorem Omniumque conditorem Jesum unanimiter,
0914301b  Cum quo regnat gloriosa Virgo, martyr pretiosa, Barbara perenniter.
0914302a  Jubet pater, ut claudatur, Ne ipsius videatur Pulchritudo nimia;
0914302b  Postulatur in uxorem, Sed ob Domini amorem Contemnit connubia.
0914303a  Pater, cultor idolorum, Natam, contemptricem horum, Videns Christum colere,
0914303b  Per capillos mox accepit Et flagellis fervens cepit Duris eam caedere.
0914304a  Praesidi hoc intimavit Et ut gravibus rogavit Poenis hanc consumeret;
0914304b  Post haec praeses advocavit Sanctam Dei et suasit Huic, ut Deos coleret.
0914305a  Hanc spernentem denudari Et taurinis flagellari Nervis membra tenera
0914305b  Praecepit, sed Deo grata Pro amato est parata Ferre quaeque aspera.
0914306a  Virgo hinc incarceratur, Carcer claret, visitatur A Christo in carcere.
0914306b  Qui benignis consolatur Verbis, per quem et sanatur Haec ab omni vulnere.
0914307a  Ardentes ad latera Ejus apponuntur Lampades, hinc ubera Sua abscinduntur.
0914307b  Ejus caput caeditur Malleis beatum, Alba stola tegitur Corpus denudatum,
0914308a  Quam de coelo angelus Virgini portavit, Tandem pater impius Natam decollavit.
0914308b  In morte specialiter Aliqua oravit, Cui Christus largiter Omnia donavit.
0914309a  Desuper divinitus Ignis descendebat, Qui profanum penitas Patrem consumebat.
0914309b  Martyrum praeconium Virgoque decora, Nobis in auxilium Sis in mortis hora.
0914400   De sancta Barbara.
0914401a  O felix virgo Barbara, Ex stirpe regum genita, Te laudant coeli agmina.
0914401b  Veni, consolare nos, Tibi servos gregatos, Virginum tu virgo flos.
0914402a  Per divinam clementiam Vicisti potentiam Tui patris versutiam,
0914402b  Qui te tormentis plurimis Compulit, ut idolis Libares sacrificiis.
0914403a  Confortata in carcere Per angelum ab aethere, Dans tibi sertum gloriae
0914403b  In passionis tempore, Te texit Christus hodie Stola innocentiae.
0914404a  O beata Barbara, Mariae pedissequa In coelesti curia,
0914404b  Fortis agonista es, Aeterna nobis vera spes, Nobiscum in agone stes.
0914405a  Da tuis fidelibus In te confidentibus Bona temporalia,
0914405b  Da in vitae vespera Aeterna nobis gaudia, Cum Christo regnans Barbara.
0914500   De sancta Barbara.
0914501a  Ave, virgo, fons virtutum, Ave lumen, ave scutum Tibi servientium,
0914501b  Docens iter coeli tutum Simulacrum surdum, mutum Contrivisti gentium.
0914502a  Ave, gemma pretiosa, Ave stella, ave rosa De spina gentilium,
0914502b  Miro vultu speciosa, Dioscori generosa Nata velut lilium.
0914503a  Salve, virgo, o flos florum, Spernens cultum idolorum Jesum Christum sequeris,
0914503b  Ubi cantus angelorum Audis luce beatorum Amicta prae ceteris.
0914504a  In te splendor trinitatis, O speculum castitatis, Lucet sine termino,
0914504b  Nos a diris salva fatis, Ut jungamur cum beatis Angelorum Domino.
0914505a  Carismatum confer dona, Virginum flos et corona, Quae aetate tenera
0914505b  Aurum linquens, patris bona, Suscepisti mente prona Tormentorum genera.
0914506a  Dum nudata flagellaris, Virgo felix, et probaris Fluunt rivi sanguinis,
0914506b  Et post luce circumdaris Carne tecta, mox sanaris Nutu sacri flaminis.
0914507a  Zelo ardes dum amoris, Visitat cum coeli choris Te sponsus in carcere,
0914507b  Ergo tui flos candoris In te rubet, dum stas foris, Nec visus marcescere.
0914508a  Luce coeli illustraris, Dum in antro maceraris Fame, siti valida;
0914508b  O quam dire laceraris Equuleo et cremaris Lampade praecalida.
0914509a  Nequam pater te mucrone Suo ferit in agone Et mox reddis spiritum;
0914509b  Alme Deus, Jesu bone, Participes nos coronae Fac post vitae exitum.
0914600   De sancta Barbara.
0914601a  Hierarchia coelica Gaudet et angelica, Quod a Saracenica Facta sit Christicola, Sic scandens ad aethera,
0914601b  Martyr, Christi vernula, Legis Dei aemula; Ut de spinis rosula, Sic haec veris primula Candens super sidera.
0914602a  Felix Christi famula, Maximus quam satrapa Vana per consilia Verbaque subtilia Pervertere volebat.
0914602b  Haec puella sentiens, Castitatem sitiens, Carni non consentiens Mundum sed abjiciens Se Christo committebat.
0914603a  Hanc a fide precibus Nequivit revocare Et minarum faecibus Nec animum mutare Dioscorus, quam necibus Jussit judicare.
0914603b  Virgo tunc ardentius Est fidem amplexata, Christo evidentius Adhaesit inflammata, Auscultans attentius Legis Dei mandata.
0914604a  Clauditur ergastulo Privatur indumentis, Fricatur cilicio, Ustatur ferramentis, Caput cudit malleo Manus percutientis, Tali certans proelio Laetatur in tormentis.
0914604b  Dira suffert verbera, Postremo flagellatur, Munda perdit ubera Et caput amputatur, Peractoris furia Statim recompensatur, Per fulmen ad tartara Gehennae transportatur.
0914605a  Memorare, martyr Christi, Quod, dum mortem adiisti, Tormenta non timuisti, Sponsi vocem percepisti; Veni coronaberis.
0914605b  Virgo Barbara serena, Pia fautrix, fide plena, Te implorat plebs egena, Quod cum agno sit in coena, Sedule quem sequeris.
0914606a  Virgo, salus miserorum, Jam nunc consors angelorum, Tuum nos fac ante thorum Laudes promere justorum Spei cum fiducia.
0914606b  Eja, mater contritorum, Corda tange filiorum, Fac ut preces nostrae chorum Pronae intrent angelorum Veniae cum gratia.
0914700   De sancta Barbara.
0914701a  Gaude, virgo nobilis, Quae cum esses nubilis Respuisti conjugem, Barbara.
0914701b  Tres fenestras statuis, Crucis typum digitis Sculpis venerabilem, Barbara.
0914702a  Pedis signum proprii Imprimis, quo saucii Sumunt sanitatem, Barbara.
0914702b  Oves et prodentis te Fiunt mox locustulae, Praefectum et patrem, Barbara,
0914703a  Et tormenta varia Vincis, Dei famula, Barbara.
0914703b  Post mortis victoriam Intras coeli gloriam, Barbara.
0914704a  Tibi cuncti servientes Salva, nutri, protege, O Barbara.
0914704b  Ut post mortem sint gaudentes Tecum coeli culmine, O Barbara.
0914800   De sancta Barbara.
0914801a  Gaudet ecclesia, Fidem baptismatis Quod Dei filia Sub dono pneumatis Suscepit Barbara;
0914801b  Clara progenie Quae orta creditur Ac pulchritudine Mira non laeditur Per hostis barbara.
0914802a  Turris dum struitur Paternis jussibus, Haec virgo fruitur, Ut trinis precibus Fenestris gaudeat,
0914802b  Designans mystice Patrem et genitum, Corde mirifice Sanctum paraclitum Amplecti audeat.
0914803a  Idolis respuens Libare traditur Flagellis, relucens Curata, additur Christi vox coelitus:
0914803b  Esto o filia Firma, quod tecum sum, Non horrens vilia Tormenta hostium Vincis divinitus.
0914804a  Caput concutitur Mallei ictibus Et caro uritur Longis conflictibus, Praeses tunc imperat,
0914804b  Sacrata ubera Lupinis dentibus Nervari, verbera Pleris praesentibus Augere properat.
0914805a  Ast vis angelica Stola cum candida Contexit coelica Corporis pandida, Sponsi praeconium,
0914805b  Rubet in facie, Fertur sententia Tyranni acie Patris praesentia Non pavens Dominum.
0914806a  Cervicem cominus Ense tunc amputat, Sed illam Dominus Coelis approximat Hymnis angelicis.
0914806b  Ejus nos hodie Passio protegat, Hostem invidiae Repellens conterat Viribus coelicis.
0914900   De sancta Barbara.
0914901a  Gaude nova Hierusalem In te Deus, princeps Salem, Trino fulgens numine,
0914901b  Christo novam desponsavit Sponso sponsam, quam dotavit, Fidei munimine.
0914902a  Trinum Deum unum tamen Patrem, natum, sacrum flamen, Barbara asseruit;
0914902b  Quod fenestris propalavit, Tres dum strui imperavit, Idola abhorruit.
0914903a  Sed furore pater tactus, Hos dum natae sensit actus, Virginis interitus
0914903b  Ense ferox machinatur, Sed per murum pandebatur Dei nutu exitus.
0914904a  Pater manet aula clausus, Haec ipsius cavens ausus Arctius se abdidit.
0914904b  Sed hanc pater insecutus, Quam opilionis nutus Absconsam mox prodidit.
0914905a  Ob hoc pastor fit punitus, Locustarum sensit ritus Grex mutata specie;
0914905b  Pater natam tunc invasit Flagellando, dehinc suasit Praesidis saevitiae,
0914906a  Hanc tormentis cruciari; Martianus praesentari Sibi jubet virginem.
0914906b  Hic dum eam contemplatur, Formam mirans perscrutatur Fidem et originem.
0914907a  Haec dum Christum confitetur, Jussu praesidis torquetur Abscissis uberibus.
0914907b  Circum terram fuit vecta, Stola fit fulgenti tecta, Hinc torta verberibus.
0914908a  Sed hac poena consummata Est a patre decollata Sponso juncta coelitus;
0914908b  Quem pro nobis exoretur, Ut a morte nos dignetur Salvare divinitus.
0915000   De sancta Barbara.
0915001a  Pange festa gaudiosa, Laeto plausu gloriosa, Mater o ecclesia,
0915001b  Linquens castra Babylonis, Sponsa facta Salomonis Est et Sion filia.
0915002a  In inculta terra crevit, Quae laudare Deos sprevit, Vitis saluberrima;
0915002b  Flore vultus relucebat, Quo smaragdum excellebat, Barbara pulcherrima.
0915003a  Patrem habuisse fatur, Ut scriptura memoratur, Nomine Dioscorum,
0915003b  Mundi rebus praepotentem, Vanos Deos sed colentem Juxta ritus temporum.
0915004a  Turrim altam hic levavit, In qua caute conservavit Hanc praedulcem virginem,
0915004b  Ne quis ejus laetabundam, Generosam ac jucundam Cerneret imaginem.
0915005a  Post hoc volens agere Et decenter reddere Idolis mysterium, Voti sacrificium, Viae se subegit.
0915005b  Mox hanc sanctus spiritus Adiens divinitus Suo dulci dogmate Lotam clam baptismate Sibi praeelegit.
0915006a  Jubet ergo virgo grata, Recta fide solidata, Turris in cacumine
0915006b  Fenestrarum ut structura Trina fiat sub figura Trinitatis nomine.
0915007a  Pater ejus rediit, Hujus rei petiit Causam explicari;
0915007b  Trinum Deum colere Sed in unum credere, Fert, in hoc signari.
0915008a  Ergo pater taedio Tactus mox hanc gladio Cupit interire,
0915008b  Fugit illa citius Montis antrum artius Temptans introire.
0915009a  Demonstratur a pastore, Reperitur genitore, Occidenda ducitur;
0915009b  Ensis ictum comminatur, Virgo palmam praestolatur, Mox ad coelum mittitur.
0915010a  O amator Jesu care, Consolari hos dignare Propter tuam gloriam,
0915010b  Quantumcunque angustati Mei dum sunt qui parati Agere memoriam.
0915011a  Audit mox se impetrasse, Audit cuncta consummasse Per coelestem sonitum.
0915011b  Audit fore se optatam Et a Christo invitatam Coeli ad introitum.
0915012a  Ergo nos hic te laudantes Tibi demum fac adstantes, Martyr Christi Barbara,
0915012b  Deum nobis fac placatum, Nostrum tergat ut reatum, Ne nos mergant tartara.
0915100   De sancta Barbara.
0915101a  Consolare, munde tristis, Cum sis illustratus istis Barbarae suffragiis,
0915101b  Quae, dum saeclo exstat nata, Christo semper fuit grata Cunctis beneficiis.
0915102a  Jura stupent in natura, Quod paterna in figura Latent tot opprobria;
0915102b  Paterna dum furit ira, Commovetur praefectura Barbara in filia.
0915103a  Sponsus ei pollicetur, Ne voluntas excitetur Vivendi in saeculo,
0915103b  Fugit prius, ne vocetur Nec non viro maritetur, De turris ergastulo.
0915104a  Pastor pascens grege oves, Quam tu, Deus, semper foves, Hanc prodidit indice,
0915104b  Oves in locustas versae Signo divino respersae Summi throni apice.
0915105a  Dum carceri mancipatur, Plaga quaeque hinc sanatur Dei per antidotum,
0915105b  Haec a patris ense secta Ad thalamum sponsi vecta, Inde complevit votum,
0915106a  Flagitans, ut omnes sui Non aptentur poenis lui Viventes in saeculo,
0915106b  Te gustando mecum frui, In fine vitae instrui Salutari poculo.
0915107a  Ergo, virgo digne nata, Nobis in solamen data, Fac nos ire coelice,
0915107b  Ut jungamur per te justis Habitantes nunc in istis Catervae angelicae.
0915200   De sancta Barbara.
0915201a  Christi mira vis amoris, Admirandi est dulcoris Jesu Christi gratia,
0915201b  Qua referta est electa Barbara, pro fide recta Superat martyria.
0915202a  Trium typo fenestrarum Mentis lumen signat clarum Turris aedificio,
0915202b  Nervis pater hanc taurorum Caedit, plagas hinc membrorum Perfricat cilicio.
0915203a  Claudit carcer sic afflictam, Sed non solam sic relictam Rex coelests visitat,
0915203b  Suae sponsae miseretur, Laesae plagisque medetur, Pugnae vires suscitat.
0915204a  Sanam pater hanc miratur, Judicique praesentatur Evoluta carcere,
0915204b  Laeta Christum confitetur, Falsos deos nec veretur Palam maledicere.
0915205a  Nuda mox exagitatur, Usta face lacceratur Latera et ubera,
0915205b  Christum sibi tunc praesentem, Albam stolam deferentem, Conspicit per aera.
0915206a  Martyr sacra decollatur Impetrato, quod precatur, Pro suis cultoribus.
0915206b  Hanc invitans praestolatur Christus, sponsam amplexatur Apparens in nubibus.
0915207a  Digna laude triumphali, Nos a morte gehennali, Virgo victrix, libera,
0915207b  Fac ut memor sit promissi Fides pia Jesu Christi Nostra sanans vulnera.
0915208   Amen dicant omnia.
0915300   De sancto Bartholomaeo.
0915301a  Psallat clerus In laudem Bartholomaei Die isto,
0915301b  Vir sincerus Dat Indis accessnm spei Duce Christo.
0915302a  Astaroth apostulum Tacens sensit idolum, Causa latet,
0915302b  Res a Berith quaeritur, Veritas asseritur, Sanctus patet.
0915303a  Qui delens simulacra Per baptismi lavacra Gentes mundat,
0915303b  Hinc purgatis sordibus In novellis cordibus Fidem fundat.
0915304a  Fugat ille daemones, Quibus visis homines Christo credunt.
0915304b  Invident pontifices, Lividi carnifices Sanctum caedunt.
0915305a  Morbos verbo medicat, Regem Deo dedicat, Fidem veram praedicat Voce clara.
0915305b  Astrages rex praecipit, Sanctum tortur recipit, Cujus hostes decipit Mors amara.
0915306a  Justus extrahitur, Caesus attrahitur Vivoque pellis abstrahitur.
0915306b  Mox plexus capite Jam regnat debite Mortis oblitus praeteritae.
0915400   De sancto Bartholomaeo.
0915401a  Laudes regi sempiterno Festo chorus hodierno
0915401b  Psallat melo dulciore, Nato regis praecentore.
0915402a  Volo pater, psallit natus, Ut, qua tecum sum beatus,
0915402b  Illic et minister meus Sit mecum, Bartholomaeus.
0915403a  In me credens, me confessus, Post me regem est ingressus,
0915403b  Princeps regni constitutus, Tulit crucem me secutus.
0915404a  Pauper erat, volo dives Regnet inter coeli cives.
0915404b  Opes pauperum meorum, Volo, sit regnum coelorum
0915405a  Mitis erat et mansuetus, Possideat terram laetus,
0915405b  Terram jugiter viventum, Terram nunquam morientum.
0915406a  Lugens erat, consoletur, Flevit, rideat, laetetur.
0915406b  Esurivit, saturetur, Sitivit, inebrietur.
0915407a  Misericors comprobatur, Passis compatiebatur,
0915407b  Clementiam sectabatur, Clementiam consequatur.
0915408a  Mundus corde servus meus, Cernat me, qui Homo-Deus,
0915408b  Noscat solum verum Deum Me Jesum et patrem meum.
0915409a  Pacificus habebatur, Volo pace perfruatur,
0915409b  Deo similis videtur, Dei filius vocetur.
0915410a  Martyr perstitit fidelis, Merces ejus sit in caelis;
0915410b  Merces martyrum meorum, Volo, regnum sit polorum.
0915411a  Mecum sit electus meus, Quem elegi ego Deus,
0915411b  Tecum gaudeat beatus, Mecum regnet coronatus.
0915412a  Fac, benigne Dei nate, Fac in bona voluntate,
0915412b  Cunctos bonae voluntatis Tecum esse cum beatis.
0915500   De sancto Bavone.
0915501a  Tuum mundo toti, Bavo, Sed praesertim sit Gandavo Celebre solemnium,
0915501b  Grex insignis de patrono Plausu mentis, oris sono Concinat praeconium.
0915502a  Bavo, sanctitatis norma Gregi tuo es et forma Et vivendi speculum,
0915502b  Tua vita, tui mores Et virtutum verni flores Omnem vincunt titulum.
0915503a  Ut a primis laus taxatur, Quis non digne admiratur Virtutum primordia,
0915503b  Vitae fastus, honor census, Quae pravorum mutant sensus, Erant tibi vilia.
0915504a  Conjugali viduatus Thoro Christum sequeris, Per Amandum clericatus Apicem assequeris.
0915504b  Apis sagax perfectorum Vitam, mores adspicis, Inde tibi vitae morum Favos dulces conficis.
0915505a  Coetum fugis popularem, Fagus prius, post dat larem Silva vernans fluvio.
0915505b  Sic abscondis civitatem, Sic lucernae claritatem Occultas sub modio.
0915506a  Frusta fugis, nam veritas Dicit: in monte civitas Sita non absconditur,
0915506b  Neque lucerna luminis, Plena munere numinis, Sub modio tegitur.
0915507a  Tu civitas Christo sita, Monte pingui, quo munita Non times insidias;
0915507b  Tu lucerna dans fulgorem, Quo das sciri et errorem Et hostis versutias.
0915508a  Aurae flatum popularis Plus declinans, plus laudaris, Flatu tamen noninflaris In solido positus.
0915508b  Qui de mundo te vocavit, In se petram te locavit, In se petram solidavit Sui dono spiritus.
0915509a  Gandavenis sacer coetus, In adventu tuo laetus, Te collegit tuo fretus Ovanter consortio.
0915509b  Tibi calla dum paratur, Virtus latens denudatur, Nam defunctus vitae datur Tuo patrocinio.
0915510a  Ecce qui latere quaeris Cellae sub angustiis, Exaltari promereris Virtutum praeconiis.
0915510b  Hoc rex ille potens, dives, Cujus in obsequio Militasti, suos cives Ditat beneficio.
0915511a  Bavo, pater et patrone, Prece blanda Jesum mone, Tuos hinc servos eruat Et portu tuto statuat.
0915511b  Jesu vita, Jesu bone, Mediante nos Bavone Eductos mundi fluctibus Coeli conscribas civibus.
0916000   De sancto Benedicto.
0915601   Magna laudum
0915602a  Hymnorumque promamus voce solemni
0915602b  Sancti patris Benedicti diem celebrem;
0915603a  Cujus per orbem egregia clarent merita;
0915603b  Qui mundi vana devicerat oblectamina.
0915604a  Hic fide fretus, caritate praecipuus,
0915604b  Rector modestus, doctor et apostolicus.
0915605a  Qui pura munitus fide, ornatus aperte
0915605b  Fulgebat in mundo lumen ut in candelabro.
0915606a  Nunc perenniter additus candidis vitae pascuis,
0915606b  Quibus gaudia redolent maxima cuncta per saecula,
0915607   Pro nobis semper imploret.
0925700   De sancto Benedicto.
0915701a  Ad mirandum et laudandum Domini magnalia
0915701b  Nos invitat atque citat Patris nostri gloria.
0915702a  Hic est dictus Benedictus Nomine, plus gratia,
0915702b  Quem instruxit et perduxit Ad se sapientia.
0915703a  Dei verus et sincerus Cultor ab infantia
0915703b  Urit, secat, vincit, necat Carnis in se vitia.
0915704a  Domum patris, solum matris, Res reliquit patrias,
0915704b  Sciens vere dissidere Christum et divitias.
0915705a  Et cunctorum jam justorum Habens in se spiritum,
0915705b  Ut sequatur, assequatur Christum, mutat habitum.
0915706a  Fugit mundum ut immundum, Mundi fugit opera,
0915706b  Eremita fit, ut vita Vivat magis aspera.
0915707a  Reluctatur, cum temptatur Post volatum merulae,
0915707b  Quem confligunt et affligunt Vepres et urticulae.
0915708a  Hic Germanum Capuanum Promeretur cernere, Cum exuto carnis scuto Coelum scandit libere; Pater natum suscitatum Suscipit de funere.
0915708b  Tumens unda transcunda Fidei remigio Mauro cedit, dum obedit Jubentis imperio Et ad patrem trahit fratrem Raptum de naufragio.
0915709a  A profanis, ab insanis Virus vino jungitur, Vas signatur et quassatur, Liquor humi funditur.
0915709b  Sanctus ferrum audit mersum Securis in fluvio, Quo precante stat ut ante Ferrum in manubrio.
0915710a  Dum attente tota mente Solis spectat oculum, Mundus totus est admotus Ejus ad spectaculum.
0915710b  Tandem pressus et defessus Febrium angustia Morti cedit et decedit, Migrat ad coelestia.
0915711a  O confessor et consessor Supernorum civium, Audi vota mente tota Tibi supplicantium,
0915711b  Et ad Christum chorum istum Tersa labe criminum Post praesentis non manentis Vitae tranfer terminum.
0915800   De sancto Benedicto.
0915801a  Benedicti merita Ut reboet inclita Laus, tu mentes excita Prece pia.
0915801b  Patribus cum ceteris Pater vere diceris, Tuis datus posteris Lux et via.
0915802a  Tu Henoch dulcedine, Tu Noe regimine, Abraham cum semine Bendedictus.
0915802b  Isaac obediens, Jacob multa praesciens Et Joseph proficiens Vere dictus.
0915803a  Moyses es regulis, Josue miraculis Et David in populis Nominatus.
0915803b  Salomon prudentia, Elias constantia, Elisaeus copia Faris datus.
0915804a  Isaiae veritas, Jeremiae caritas, Danielis castitas, Te commendat.
0915804b  Te prophetis conscium, Apostolis socium, Tuumque martyrium Mens attendat.
0915805a  Tu confessor nitidus Tu es virgo candidus, Coelum scandens splendidus Victor fortis.
0915805b  Nos tecum fac scandere Mundatos a scelere, Noli nos deserere Hora mortis.
0915900   De sancto Benedicto.
0915901a  Benedicto psallat laetus Iste coetus, Alleluja.
0915901b  Quem perfudit primo flore Miro more Lux divina.
0915902a  Puer signis floruit, Quia pure coluit Creatorem,
0915902b  Vas, quod casu fregerat, Prece munda reparat Ad vigorem.
0915903a  Ad desertum evolat, Nudus crucem bajulat Salvatoris.
0915903b  Ibi carnem macerat, Ibi pugnans superat Vim ardoris.
0915904a  Dum sic Christo militat, Turmas fratrum excitat Ad aeterna,
0915904b  Quibus dux ut patuit, Apta loca statuit Ter quaterna.
0915905a  Eja, pater pauperum, Per te noxas scelerum Ignemque tartareum Evadamus;
0915905b  Tuis fer auxilium, Ut post hoc exsilium Tecum Dei filium Videamus.
0915906a  Ora pro tuorum Statu filiorum In conspectu Summi regis,
0915906b  Ut nos a peccatis Mundet perpetratis Et det esse Dextrae gregis.
0916000   De sancto Benedicto.
0916001a  Salve pater, salve pie, Auctor monachalis viae, Te collaudat in hac die Unitas ecclesiae.
0916001b  Per te fides solidatur, Error omnis effugatur, Norma veri praedicatur Consonante gratia.
0916002a  Tua dulcis est doctrina, Quia morum disciplina Fit verborum copula,
0916002b  Flore mundum brevis aetas Spernit gaudens et secretas Partes petit eremi.
0916003a  Mente, sensu, nisu toto, Corde, ore, voce, voto Se conjunxit Domino;
0916003b  Latet prius in caverna, Mundi lampas et lucerna Juncta post candelabra.
0916004a  O oliva pietatis, Guttam stillans honestatis, Medicina languidis,
0916004b  Quae plantata secus rivos Fructus reddit tempestivos Domini in vinea.
0916005a  Ecce lignum caritatis Liliumque castitatis, Flos obedientiae,
0916005b  Quem delectat hujus fructus, Illi primi patris luctus Vertitur in audium.
0916006a  Haec est domus Salomonis, Quae supernis freta donis Septiformis spiritus
0916006b  Nulla frangitur procella, Quia puri cordis cella Christo fit hospitium.
0916007a  Et quis valet promere, Quam sit dulcis onere, Quo portantur omnia;
0916007b  Felix, inquam, anima, Quae sic gustat intima Verae lucis commoda.
0916008a  O beate Benedicte, Tuis legibus addictae Opem fer familiae;
0916008b  Pastor bone et fidelis, Qui cibaris nunc in caelis Angelorum pabulo,
0916009a  Assistentes tuis festis Hierusalem fac coelestis Frequentare sabbata,
0916009b  Et solutos hac arena Paradisi ad amoena Nos transferre satage.
0916100   De sancto Benigno.
0916101a  Collaetetur fidelis concio, Nam reclusae quondam sub modio Benigni reliquiae Venerantur hodie.
0916101b  Laetabundus exsultet Divio, Nam Benigni felix opinio Crevit multifarie Per partes Burgundiae.
0916102a  Venit dies et tempus adfuit, Quo hic sanctus ut sol resplenduit, Qui quandoque suam retinuit Claritatem.
0916102b  Tunc praecisum lignum spem habuit, Comam fecit et rursum floruit, Dum aegrotis multis restituit Sanitatem.
0916103a  Polycarpus de coelo monitus Destinavit hunc hic antiquitus, Ut culturam deserat penitus Idolorum.
0916103b  Dum hoc agit martyr solicitus, Catenatur ducique traditus Blandimentis pulsatur primitus Promissorum.
0916104a  Sed despectis promissis omnibus, Nudis plumbo perfusis pedibus, Devorandus nefandis canibus Exhibetur.
0916104b  Digitorum sub denis unguibus Contorquetur ignitis sudibus, Sed nequaquam justus pro talibus Commovetur.
0916105a  Bina fuit perfossus lancea, Caput virga percussum ferrea, Ex quo quaedam columba nivea Prosilivit.
0916105b  Sic frumentum depulsa palea Paradisi fertur in horrea, Atque ducat nos ipse postea, Cum quo vivit.
0916200   De sancto Berchtoldo.
0916201a  Auge fidem, plebs devota, Gaude simul mente tota, Voci jungens opera,
0916201b  Babylonis regna fuge, Sunt in quibus falsae nugae, Transi, curre, propera.
0916202a  Beatorum intra forum Laude digna reple thorum, Vera Sion filia,
0916202b  Aures Dei supra caelos Pulsans novum pange melos In sanctorum milia.
0916203a  Salus enim sempiterna Jam Berchtoldum ad superna Statuit memoria,
0916203b  Omnis rei conditorem Per beatum confessorem Laudet summa gloria.
0916204a  Rex in coelis locum dedit Justus Dei quem insedit Intrans absque macula,
0916204b  Talem colunt hi, qui volunt Possidere vitae verae Clara tabernacula.
0916205a  O virtutis magnae bonum, Quia patrem et patronum Novimus in gratia,
0916205b  Lumen solis expavescit, Ubi stella super crescit Multa coeli spatia.
0916206a  Finis mundi vertit horam Sanctitatis in auroram Nova sub laetitia,
0916206b  Vere Deus est fidelis, Qui mercedem sic de caelis Fudit in servitia.
0916207a  Spem habemus illo die, O Berchtolde, pater pie, Tua sub praesentia,
0916207b  Quando judex orbem cunctum Ad extremum ducet punctum Duplici sententia.
0916300   De sancto Bernhardo.
0916301a  Salve, doctor veritatis, Mundo propinasti gratis Aquam sapientiae,
0916301b  Nomen tuum est Bernhardus, Via tua quasi nardus Vim habet redolentiae.
0916302a  Tantum patrem Claraevallis, Sacrum ducem recti callis Collaudat ecclesia,
0916302b  Qui Deo multum devotus In hac vita fulsit totus Spiritali gratia.
0916303a  Dux Bernharde monachorum, Summo regi paras thorum Mentis pulchritudine,
0916303b  Peccati contemnis lutum, Et quod mirum est, virtutum Ambulas in culmine.
0916304a  Tu pius et humilis, Pudicus amabilis Verbi nites radio.
0916304b  Tu amas ferventius, Tu curris decentius Hujus vitae stadio.
0916305a  Ad laudem altissimi Et salutem proximi A recto non devias,
0916305b  Doctor mundo celebris Sedentes in tenebris Velut sol irradias.
0916306a  Tu decus devotionis Et flos contemplationis, Lustrator coelestium,
0916306b  Tu religionis norma, Non es absque Dei forma Creatoris omnium.
0916307a  Tu carnis abhorres crimen, Gustatum nescis sanguinem Absorptus a spiritu,
0916307b  Mulierem ut sentinam Spernis lecto jam vicinam Salutis intuitu.
0916308a  Verecundus ut puella, Libenter manens in cella, Observans silentium,
0916308b  Sororem mundo absorptam Facis vocatus ad portam Unam poenitentium.
0916309a  Sol luna lucidior Et luna sideribus, Sic Bernhardus clarior Est Clarevallensibus.
0916309b  Lux eclipsin nesciens Bernhardi est claritas, Ardor indeficiens Amantis est caritas.
0916310a  Salve pater pie, Christi Qui habere meruisti Dei infusam gratiam,
0916310b  Liquet hoc tuis in verbis, Quibus sanas velut herbis Laesam conscientiam.
0916311a  O Bernharde, vas pudoris, Mala nostra pelle foris, Angelorum junge choris Subjectos discrimini.
0916311b  Coeli residere thronis Fac ut terrae det colonis Thronus veri Salomonis, Virgo mater Domini.
0916312a  Virgo mater verbi Dei, Fulcimentum nostrae spei, Fac nos obedire ei, Ne inveniamur rei Hora mortis asperae.
0916312b  Virgo viri prece talis, Servi tui specialis, Da spem pugnae triumphalis, Tripudiare de malis, Da post mortem vivere.
0916400   De sancto Bernhardo.
0916401a  Haec Bernhardi patris festa Sacri sacro plebs modesta Canat gaudimonio.
0916401b  Is quis, qualis, quatus pridem Foret vita, gestis quidem Patet testimonio.
0916402a  Nitet bino ex parente Claro clarus excolente Dominum per omnia.
0916402b  Rufum dorso se gestantem Ejus matris en latrantem Praecinere somnia.
0916403a  Infans natus jam docetur, Docet, latrat et medetur, Quosque sapientia;
0916403b  Calet igne, digne castus Cassat astus, damnat fastus, Floret innocentia.
0916404a  Vivat mundum, ad processus Se salubres dans, professus Jam fit in Cistercio.
0916404b  Sopor raro intest ei, Pernox stat in via Dei Celebri commercio.
0916405a  De terrenis nil exposcit, Sed, quaesursum sunt, dinoscit Lege fidus Domini,
0916405b  Dulcor ipsi paupertatis Vita est, quam porro satis Suo censet homini.
0916406a  Rigat fletu genas multo, Dum perorat in occulto Hilaris exterius,
0916406b  Intra Claraevallis septa Abbas sacra mox incepta Satagit uberius.
0916407a  Normam servat et servari Jubet claustri voto pari, Nullum demit gratia,
0916407b  Hic plerisque infirmatis Sanitatem, tribulatis Laeta fert solatia.
0916408a  Visum caecis, sed auditum Surdis praestat expeditum Et fugat daemonia,
0916408b  Sane figit claudis gressum, Adstringentis sinit pressum Febris acrimonia.
0916409a  Excellenti scripturarum Libros stilo divinarum Explet hic eximius,
0916409b  Nexu carnis hinc laxatur, Fratres accit, commendatur His amor sublimius.
0916410a  Orat et meretur Christi Regno justus pie sisti Post haec transitoria;
0916410b  Ipsum ergo deprecemur, Ut sodales ei demur In coelesti gloria.
0916500   De sancto Bernhardo.
0916501a  Fulget mundo lux solemnis, Quam decorat laus perennis Et jugis memoria
0916501b  Hac in die, qua Bernhardus Dans odorem velut nardus Schematur in gloria.
0916502a  Alvo matris adhuc clausus, Mundo novos dat applausus Catelli per somnium,
0916502b  Illi Christus incarnatus De virgine quando natus Monstrat puerperium.
0916503a  Fraudes vitat feminarum Ut praedones animarum Sectator hic virtutis,
0916503b  Deo praebens coelibatum Se conservat illibatum Tempore juventutis.
0916504a  Valefacit parentibus, Crine tonso cum fratribus Sanctum quaerit otium,
0916504b  In exemplum sancti callis Adstruendo Claraevallis Nititur coenobium
0916505a  Urbes horrens, castra, pagos Inter quercus atque fagos Vacat coeli curiae,
0916505b  Cor succendit in amorem, Carnem tractat ad laborem, Martham jungit Mariae
0916506a  Gulam frenat saporibus, Vestes carent splendoribus Sorde tamen dejecta;
0916506b  Detestatus vanitatem Semper amat caritatem Paupertate subjecta.
0916507a  Sanctitatis ob tenorem Praesulatus ad honorem Poscitur a populis,
0916507b  Sed hac gemma singulari Non vult fratres defraudari Christus rex in saeculis.
0916508a  Haereticos insectatur, Quos confutat, dum luctatur Publico certamine;
0916508b  Fidem dictis roboravit, Libris claris, quos dictavit Venusto dictamine.
0916509a  In argumentis virtutis Multa signa dat salutis Ac sensibus restitutis Expulit daemonia.
0916509b  Ecclesiarum tyrannos Acres nimis atque magnos Per censuram reddit agnos, Jussa complent omnia.
0916510a  O Bernharde, coeli cultor, Vitae nostrae sic consultor, Per te Christus, justus ultor, Offensarum sit indultor Largitorque veniae.
0916510b  Ut in arce summa poli Sociemur vero soli, Regi regum, digno coli, In quo sistunt et assistunt Perennes deliciae.
0916600   De sancto Bernhardo.
0916601a  Gaude caelum, terra plaude, Extra velum digna laude Revelata facie,
0916601b  Christo psalle, qui dilexit Et in valle nos respexit Luctus et miseriae.
0916602a  Patrem illum nobis dando, Qui vexillum praedicando Suae crucis extulit,
0916602b  Verbo suavi, pio gestu, De conclavi multo quaestu Mundo palam retulit,
0916603a  Quam sit bonus requirenti, Carnis onus contemnenti. Pius Jesus animae.
0916603b  Bonam nardum longe sparsit, Per Bernhardum qui exarsit Vere dulcis flamine.
0916604a  Ob virtutis incrementa Surdis, mutis fulcimenta Sanitatum praestitit,
0916604b  Ad obsessis daemon cedit, Morbo pressis salus redit, Sibi par non exstitit,
0916605a  In aetate successiva Qui tam late frequentiva Horum luce fulserit,
0916605b  Quaevis Scylla tempestatis Fit tranquilla valde satis, Ubi praesens aderit.
0916606a  In amoneum locum cellae Vino plenum mixto melle Regis introducitur,
0916606b  Quo paratus bene mero Et armatus zelo vero In lucem progreditur.
0916607a  Foris, intus margaritis Fit distinctus, blandus, mitis Gravisque precatibus,
0916607b  Castus, prudens et pudicus, Paci studens, inimicus Solum fuit sordibus.
0916608a  O Bernharde, pastor bone, Nos jam tarde in agone Confligentes respice,
0916608b  Tua prece solve molem Et de faece duc ad solem Claritatis coelicae.
0916700   De sancto Bernhardo.
0916701a  Dum coelestis figulus, Ut suis fidelibus Nectar propinaret,
0916701b  Et ornatum moribus, Igne sancti spiritus Sibi vas dotaret;
0916702a  Electus ex milibus Bernardus fidelibus Dignus reperitur,
0916702b  Et ut aurum obrizum Ex virtute rutilum Patris expolitur.
0916703a  Qui de loco gloriae Per fluenta gratiae Coelitus repletur,
0916703b  Ut morbus fidelium Plurium ad pristinum Morsque relevetur.
0916704a  Hic pluit virtutibus Corruscat miraculis Divae majestatis,
0916704b  Scriptis et sermonibus Ex rivis coelestibus Sibi destillatis.
0916705a  O misericordia Patris et potentia, O virtus divina,
0916705b  Ut de vase luteo Velut ab empyreo Stillat medicina.
0916706a  Talis a Christicolis Et veris coelicolis Digne veneratur,
0916706b  Qui inaestimabilis Vultum pulchtritudinis Patris contemplatur.
0916707a  Ergo, pater inclite, Preces nostras suscipe, Ut te veneremur,
0916707b  Digne cum angelicis Choris et virgineis Tecum collaetemur.
0916800   De sancto Bernwardo.
0916801a  O beata beatorum Angelorum gaudia,
0916801b  Cum Bernwardus coeli chorum Intravit cum gloria.
0916802a  Qui in terris fulget signis Et floret virtutibus,
0916802b  Illum semper condecenter Veneremur laudibus.
0916803a  Fide, voto, corde toto Hic adhaesit Domino,
0916803b  Transit mundum hunc immundum Cum flore virgineo.
0916804a  Carceratos, desperatos, Defunctos et languidos,
0916804b  Exaecatos et vexatos Liberavit plurimos.
0916805a  Dum translatae sunt beatae Bernwardi reliquiae, Tunc in fossa ejus ossa Redolerunt optime.
0916805b  Hic contemptor mundanorum Possidet coelestia, Et collaudat angelorum Principiem in saecula.
0916806a  Ergo factus nunc cohaeres Christo in coelestibus
0916806b  Apud ipsum vota nostra Promove cum precibus.
0916807a  Ut post hujus finem vitae Et post transitoria
0916807b  In perenni mereamur Exsultare gloria.
0916900   De sancto Blasio.
0916901a  Sancti martyris Blasii, Pontificis eximii, Pontificis eximii,
0916901b  Hinc ex corde jubilemus, Semper quoque flagitemus Ejus patrocinia.
0916902a  Qui natus in Sebastia De sublimi prosapia Oriundus patuit,
0916902b  Morum tamen nobilitas Ac ejus vitae sanctitas Dignius emicuit.
0916903a  Probat hoc eventus rei, Namque dum athleta Dei Persequentis rabiem
0916903b  Fugit in montem Argei, Bestiae ministrant ei Postulantes requiem.
0916904a  A morte salvat puerum, Lupum reducit iterum, Ut praedam restituat;
0916904b  Suspensus in equuleo Gratulatur laetus Deo Aquae vim evacuat.
0916905a  Clarior sole splenduit, Cum nube vox apparuit, Postremo decollatur;
0916905b  Pro his et multis aliis Suis sanctis suffragiis Nostri misereatur.
0917000   De sancto Cassiano.
0917001a  Gaude, felix Brixina, Recolens solemnia Cassiani martyris,
0917001b  Cujus Dei gratia Fidei notitia Es imbuta monitis.
0917002a  Praeclarus hic pontifex Et virtutum artifex Unctus sancto flamine,
0917002b  Pugil invictissimus, Fide constantissimus, Fortis in certamine.
0917003a  Praedicator inclitus, Martyr et eximius, Dulcis pastor ovium,
0917003b  Fiedei catholicae Cultor et ecclesiae Tutor est fidelium.
0917004a  Judicum sententia Datur ad supplicia, Dum non libat idolis,
0917004b  Vincitur, confoditur, Ferro, stylis scinditur Suis a discipulis.
0917005a  Expleto martyrio, Nactus vitae bravio Fruitur coelestibus,
0917005b  Praesul urbis Sabionae, Nos agnosce, pastor bone, Coeli jungens civibus.
0917100   De sancto Castulo.
0917101a  Jubar miri luminis, Sidus almi numinis, Clarae lucis radio Mundi clarens stadio, Vox sonora concrepet, Symphonia perstrepet Castulum zetarium.
0917101b  Valens decus militum, Roseorum stipitum Martyrum flos purpurans, Vanis hic remurmurans Idolorum cultibus, Mansit in insultibus Fidei armarium.
0917102a  Noscens belli seria David per mysteria Pergit ad imperia Summi regis strenuus, A terrenis vacuus Crucem tollit, sequitur Christum et amplectitur.
0917102b  Casse virgis caeditur Et plumbatis laeditur, Pensus sic aggreditur Poenas ter equuleas, Granum linquit paleas Post tormenta varia Massa arenaria.
0917103a  Tu virtutum largifer, Triumphalis armiger Protege nos, Castule, Ne crudelis hastulae
0917103b  Laedat daemon callidus, Patronatus validus Det post transitoria Frui coeli gloria.
017200    De s. Christino cum fratribus.
0917201a  Dies ista veneranda Pandit nobis celebranda Martyrum solemnia,
0917201b  Exsultemus omnes rei Et cantemus laudes ei, Qui regnat cum gloria.
0917202a  Laudes Deo fratres dabant, Dum se virgis vapulabant Pro Christo asperrimis,
0917202b  Miserere personabant, Jesum Christum invocabant Corde cum suspiriis.
0917203a  Hi de multis tacuerunt Et se nullos crediderunt Detestantes vitia,
0917203b  Regi Christo adhaeserunt, Florem mundi calcaverunt Devitantes crimina.
0917204a  Maltis fractis hi gaudebant, Plebis scelera deflebant Prece multifaria;
0917204b  Se castigant et fatigant, Cibo milii se cibant Colentes paschalia.
0917205a  Raro panem habuere, Carnes, pisces nunquam fere Tractaverunt manibus,
0917205b  Aquam bibunt moderate, Quorum mentes decoratae Fuerant virtutibus.
0917206a  Vigilia noctis prima Dum resonabant divina Horum laude pectora,
0917206b  Adest manus inimica, Quae rabie impudica Fratrum tractat corpora.
0917207a  Nummos ducis quaesierunt, Quos Meskoni remiserunt Barnabae obsequio,
0917207b  Fustigatos conculcarunt Et postremo trucidarunt Gladii supplicio.
0917208a  Quamvis gravem mortem passi, Fratres non sunt mente lassi Fortes in certamine,
0917208b  Quos pro poenis tot inflictis Thronis ornat benedictis Rex aeternae gloriae.
0917300   De s. Christino cum fratribus.
0917301a  Potens rector, verax Deus, Adsit dies jubilaeus, Fratrum est solemnitas,
0917301b  Hic solent et omnes regi, Pastor adest suo gregi, Absit omnis levitas.
0917302a  Laudes Deo dum clamabant, Tunc vicissim vapulabant Virgis non cum teneris,
0917302b  Miserere decantabant, Benedictum invocabant Dominum cum lacrimis.
0917303a  Hi de multis tacuerunt Et se stultos crediderunt Detestantes omnia,
0917303b  Regi Christo adhaeserunt, Florem mundi non carpserunt Devitantes singula.
0917304a  Maltis fractis hi gaudebant Scelus plebis et deflebant Prece cum assidua,
0917304b  Se castigant et fatigant, Cibo milii se cibant Contemnunt pascalia.
0917305a  Lymphae potus illis notus, Pes peccando non est motus, Quis audivit talia?
0917305b  Fratrum mira caritas Dulcisque fraternitas Non quaerit quae sunt sua.
0917306a  Supplicemus nunc subnixe, Ut immites cessent rixae Fratrum per suffragia,
0917306b  In supremis ut locemur Et ad choros ordinemur Cum sanctis in gloria.
0917400   De sancto Christophoro.
0917401a  Adoremus Deum fortem, Qui Christophorum consortem Fecit coelorum coetibus.
0917401b  Bene magnum exquisivit Dominum, cum quo nunc vivit Liber ab hostis retibus.
0917402a  Cujus dum consideravit Pavorem, quod deviavit Signum crucis fugiens,
0917402b  Dereliquit tunc malignum Et levavit crucis signum, A quo laesus rugiens.
0917403a  Eruditus fidem Christi, Qualiter serviret isti, Complevit et docuit;
0917403b  Factus hominum est lator Et a flumine salvator, Quod multis prius nocuit.
0917404a  Gerens parvulum expavit, Quique eum baptizavit In eodem flumine;
0917404b  Hujus fidem praedicavit Et miraculis firmavit Plenus Dei lumine.
0917405a  Ibat ferens utilia Et fructum fert ut milia Plura, quae sunt manentes.
0917405b  Karitate circumdatus Dei muere repletus Convertit multas gentes.
0917406a  Ligatus incarceratus A puellis est temptatus, Quos Domino conduxit.
0917406b  Mortis poenas non expavit Sed Deo recuperavit, Quos Sathanas seduxit.
0917407a  Nobilem ut militem Decet uti cassidem Est virgis vulneratus;
0917407b  Oleum infundunt igni, Ut perdant dignum indigni, Sagittis est gravatus.
0917408a  Per retrogressum jaculum Tyrannus perdit oculum, Christophorum vocavit,
0917408b  Quaerens ejus auxilium Credens in Dei filium, Et eum sanavit.
0917409a  Rex regum,orans, Domine, Audi in meo nomine Omnes te invocantes,
0917409b  Sanctifica eos et eripe, Animas eorum suscipe, Qui salvas te amantes.
0917410a  Tibi, sancte Christophore, Laudes decantent hodie Coetus catholicorum,
0917410b  Ut feramur de profundis Hujus mundi maris undis Ad litus supernorum;
0917411a  Xristi panem ut edamus, Ejus sanguinem bibamus Ante carnis exitum;
0917411b  Yma stygis fac vitare Et cum superis regnare Tecum in perpetuum.
0917500   De sancta Clara.
0917501a  Novae signo claritatis Sancta claret Clara, Sanctae sidus novitatis Nova lux praeclara.
0917501b  A camino caritatis Francisci lux clara Fulsit omnis sanctitatis, Filia praecara.
0917502a  Documenta vitae clara Doctor dedit Clarae, Quae complevit virgo clara Clausura praeclare.
0917502b  Sponsa zelus in praeclara Novit declarare, Quod thalamo sponso cara Clausa debet stare.
0917503a  Clara praeclara sanguine, Vultu praeclarior, Clara clarescit nomine, Moribus clarior.
0917503b  Accincta fortitudine Mulier fortior, Clausa stat artitudine, Ut sit securior.
0917504a  Radiosa claritate Lapsa de supernis Solem in immensitate Christum clare cernis.
0917504b  Clara, plena caritate, Clara mundi spernis Summa fruens bonitate Ima non discernis.
0917505a  Post dolorem ex amara Christi passione Fusa clares in praeclara Contemplatione.
0917505b  Gaudens gaudes clari clara Christi visione, Opem nobis, dulcis Clara, Fer oratione.
0917600   De sancta Clara.
0917601a  Rex per portum caritatis Intrans hortum castitatis Novum florem colligit,
0917601b  Dum praeclaram rosam Claram, Mundo rara, sibi caram, Sponsam sibi eligit.
0917602a  Haec signata necdum nata Icone praesagio, Fulsit clarens, ut sit carens Peccati contagio.
0917602b  Nam timenti matri flenti De partus periculo, Nuntiatur, quod lex datur Per hanc nova saeculo.
0917603a  Domo patris cura matris Divinis juncta nexibus,
0917603b  In absonso Christo sponso Cordis vacat amplexibus.
0917604a  Hinc Francisci documentis Adipisci studet mentis Et carnis munditiam,
0917604b  Sacrum flamen hanc instigat Dans juvamen, dum castigat Se per abstinentiam.
0917605a  Multis signis fide dignis In hac vita claruit, Morbos pellens et evellens Hostes ut apparuit.
0917605b  Orat sponsum, qui responsum Dat in eucharistia, Plebs salvatur, dum fugatur Hostilis molestia.
0917606a  Augmentavit panem, pavit Turbam coetus virginei,
0917606b  Vas impletur, dum praebetur E coleo liquor olei.
0917607a  Post ad mortem appropinquat, Mundi sortem ut relinquat, Tendens ad coelestia,
0917607b  Morituram se praedixit, Recessuram benedixit Papalis praesentia.
0917608a  Hanc Maria, mater pia, Visitavit languidam Et coelestem sibi vestem Praesentavit candidam.
0917608b  Scandit caelos, ubi melos Canit cum virginibus, Agnum sequens manet frequens In laudum carminibus.
0917609a  Ergo, Clara, nunc declara Virtutem tui nominis
0917609b  Ut protectos et directos Ducatu veri luminis
0917610a  Nos a nece tua prece Christus demptos et exemptos Cura perducat sedula,
0917610b  Ubi uncti Deo juncti, Cum quo gaudes, canunt laudes Per infinita saecula.
0917700   De sancta Clara.
0917701a  Lucis novae claritas Illustrat ecclesiam, Quam insignit sanctitas Nova Clarae.
0917701b  Praecellens humilitas Redundans in gratiam, Laudis et sublimitas Tam praeclarae.
0917702a  Haec in matris utero Quasi lumen radians Mundo fore misero Praesignatur.
0917702b  Quae clara progenie, Sacris rebus inhians, Sub virtutum serie Regulatur.
0917703a  Haec Francisci filia Et lapis primarius Inclusarum, praevia Dux virtutis.
0917703b  Quarum multa milia Sequuntur ardentius Ejusdem vestigia Spe salutis.
0917704a  Crebrescunt miracula Ob vitae praeconium, Approbantur singula Fide plena.
0917704b  Liquor crescit olei Ac panis edulium, Pars fugatur fidei Aliena.
0917705a  Mors Christi praesentia Ac sacratae virginis Et coelestis curia Honoratur.
0917705b  O quam clarus exitus, Per quam sacri flaminis Donum nobis coelitus Largiatur.
0917800   De sancto Clemente.
0917801a  Adest dies celebris, Qua fulsit in tenebris Divina clementia
0917801b  Jam detectis latebris Et erectis palpebris; Pulsa somnolentia
0917802a  Chorus hic in gaudio Miro cum tripudio Recolat supplicia,
0917802b  Quae sunt arta devio, Sed Clemente praevio Fiunt justo mitia.
0917803a  Stirpe Clemens nobilis Cunctis est amabilis Fulgens Christi gratia,
0917803b  Dulcis et affabilis, Multis acceptabilis Fit ejus praesentia.
0917804a  Quem zelans Sisinnius Et uxorem anxius Quaerens in ecclesia Torquetur insania.
0917804b  Surdus, caecus, inscius Aedem girat ocius, Furens in amentia, Quae vastat praecordia.
0917805a  Uxor plorat, Clemens orat, Vir profanus et insanus Tractus ab ecclesia
0917805b  Dum palescit et tabescit, Saxa volvit et revolvit Servorum stultitia.
0917806a  Clemens adsat et precatur, Infidelis indignatur, Luditur saevitia,
0917806b  Error cedit, fides datur, Baptizatus emundatur Ab omni spurcitia.
0917807a  Plebs in litem excitatur, Papa Clemens exsulatur, Dum parantur navigia, Fit luctus in ecclesia.
0917807b  Relegati gratulantur, Quod a patre visitantur, Sublevatur inopia Fontis adepta copia.
0917808a  Nam Clemente procurante Adest agnus, quo monstrante Lympharum affluentia Locum replet laetitia.
0917808b  Sic daemones effugantur, Templa Christo conferantur, Dolet hostis perfidia Clementis ad praeconia.
0917809a  Lex infausta promulgatur, Ut submersus exstinguatur, Sed in mari conservatur A coeli militia.
0917809b  Cujus manu praeparatur Templum, ubi veneratur, Hic naturae vis miratur, Freta fiunt pervia.
0917810a  Turba currens admiratur, Clerus omnis gratulatur, Vota solvit, cum sol volvit Annua solemnia.
0917810b  Et nos idem faciamus, Trinitati serviamus, Ut Clementi conjungamur In aeterna gloria.
0917811   Amen dicant omnia.
0917900   De sancto Corbiniano.
0917901a  Congaudentes jubilemus Christo regi gloriae,
0917901b  Statuentes in supernis Terminum laetitiae
0917902a  Quo donante gaudiorum Abundat materia,
0917902b  Dum de patre mater sancta Laetatur ecclesia.
0917903a  Cujus sumus, quam plantavit Verbo vitae, vinea,
0917903b  Quos rigavit per exempla Morum salutaria.
0917904a  Felix confessor, Cujus fuit sanctitatis Judex fera bestia,
0917904b  Quae dum jubetur Laesum placat atque lenit Mira per obsequia.
0917905a  Erat vir prudens animo, Temperans in prosperis, Fortis in adversitate Famosus justitia,
0917905b  Mundus in mundo positus, Mundi transitoria Sprevit toto, corde tendens Ad supercoelestia.
0917906a  Quidam latro perimendus Crucisque triduo Patibulo suspensus Prece sancti liberatur.
0917906b  Vini musto fervescente Spinamque vasculo Vi valida pellente Liquor tamen conservatur.
0917907a  Ut priore testamento Vates amens a jumento Prudenter corripitur,
0917907b  Ita sancti subjugale Cohibens exitiale Furtum tacens loquitur.
0917908a  Dum artarent se sequentes Et jam paene diffidentes Labor et inedia,
0917908b  Statim adest consolator Et amovit vitae dator Utriusque taedia.
0917909a  Ex ipsius dono venit Sanitatum copia,
0917909b  Quae morborum vires lenit Copiosa gratia.
0917910a  Nos qui tuae pietatis Servi sumus sed peccatis Depressi succumbimus,
0917910b  Gloriose Corbiniane, Manus tuae salutare Munus confer quaesumus.
0917911a  Ut qui tua veneramur Devotis obsequiis Praeconia,
0917911b  Coronari mereamur Te favente perpetim In gloria.
0917912a  Ubi bonum singulare, In quo solo singula,
0917912b  Ibi opus et corona Laus Dei per saecula.
0917913   Amen dicant omnia.
0918000   De sancto Cornelio.
0918001   Jubilemus aeterno regi voce praeclarissima
0918002a  Et debita praeconia recinant cordis intima,
0918002b  Semper quae manent, jugia erunt nunc et in saecula.
0918003a  Quia decet summa laus eum, honor, virtus, et gloria,
0918003b  Qui sanctis aeternam militibus tribuit laetitiam.
0918004a  Labentis quos nequivit temporis vincere malitia
0918004b  Nec potuere ulla terrere saeculi convicia.
0918005a  Cui beatus militans Cornelius papa Sprevit Decii truculenta minarum jussa et adolere thymiama
0918005b  Ductus ad templum Martis adorare statuam Spuens in eam inquit: tales dii pereant coeli et mundi de fabrica.
0918006a  Hoc tyrannus audito jussit, plumbatis ut caederentur ejus ora
0918006b  Et tandem post acerba poena tormenta adjecit decollari andra.
0918007a  Illiso papa gladio saevientis victor adivit coelestis regna regis sedentis patris dextra;
0918007b  Et cujus convicit institutione, junctus est ei beata percipiens dignissime praemia.
0918008a  Quem supplicantes petimus mente devota,
0918008b  Ut poscat nobis relaxari punienda.
0918009a  Sanctorum atque mereamur consortia
0918009b  Cum ipsis et carmina sancta concinamus
0918010   In aethera per cuncta saecula.
0918100   In die adventus ss. Cornelii et Cypriani.
0918101   Celsa poli sidera Mundum illustrantia Rutilant in gloria,
0918102a  Horum patrociniis Nostra plena gaudiis Resultat ecclesia,
0918102b  Quorum prece tutior Transit et securior Per mundi naufragia.
0918103a  Hi beati praesules, Quamvis fiant exsules, Tamen Christi gratia
0918103b  Signis, vita nobiles Persistunt immobiles Inter tot supplicia.
0918104a  Hinc milites Decii Monitis Cornelii Contemnentes praemia Regis et imperia
0918104b  Baptizantur pariter, Mortem unanimiter Perferentes gaudia Subeunt coelestia.
0918105a  Cerealis uxor malis Fatigatur sed sanatur Papae per suffragia,
0918105b  Quae dum credit et obedit, Baptizatur et testatur Christum super omnia.
0918106a  O Corneli, pater pie, Tu levamen ac solamen Intuens fragilia
0918106b  Nos defende, nos exaudi, Placa ventos, mare leni Comprimendo vitia.
0918107a  Ave, praesul gloriose Ave, pater generose, Cypriane, melliflua Fundens nobis eloquia.
0918107b  Tu rectores et doctores Instruendo monstra flores, Rosis si desunt lilia Castitatis insignia.
0918108a  O praeclara societas, In qua regnat sobrietas, Ferro caesa sed illaesa Manet patientia
0918108b  Vos, patroni, veneramur, Ut audiri mereamur Et in coelo perfruamur Perenni laetitia.
0918109   Amen dicant omnia.
0918200   De ss. Cosma et Damiano.
0918201a  Gratulare, plebs devota, Et decanta mente tota Martyrum solemnia.
0918201b  Horum fides animosa Et exempla fructuosa Dant iter ad perennia.
0918202a  Orti de Arabia Ex matre Theodora Virtutibus ornantur,
0918202b  Illorum per suffragia Ac pia rogamina Debilesque sanantur.
0918203a  Ex gratia divina Arte utuntur medica Opere probante,
0918203b  Curatur Apolladia A peste diutina Ipsa attestante.
0918204a  Cosmas frater indignatur Propter Apolladiam,
0918204b  Damianus excusatur Per Dei clementiam.
0918205a  Probat coxa Aethiopis Relevamen debilis Natura mirante,
0918205b  Laus salvatori canitur, Dum hoc mirum cernitur Id eo operante.
0918206a  Igne, aqua trucidati Laudem Deo concinunt,
0918206b  Lapidati, ferro dati, Mori qui despiciunt.
0918207a  Satanas confunditur, Dum femina illuditur Per ipsius fraudem.
0918207b  Lysias offenditur, Dum in poenis despicitur, Per sanctorum laudem
0918208a  Ergo sanctis supplicemus, Ut per eorum merita
0918208b  Transeamus de hac vita Ad sempiterna gaudia.
0918300   De sancto Cuniberto.
0918301a  Promat verba cantionum Patrem colens et patronum Inclita Colonia,
0918301b  Laudes pangat Cuniberto, A patrono quaerens certo Certa patrocinia.
0918302a  Aulae regis hic oblatus, Regi servit Deo gratus Puer clari generis;
0918302b  Lux sopitum circumfulsit Rege teste, mox indulsit Sacer sacris litteris.
0918303a  Sanctae puer puritatis Tam doctrinae quam aetatis Incrementis proficit;
0918303b  Trevir hunc archilevitam, Sibi mox archimandritam Agrippina praeficit.
0918304a  Spargit opes, templa struit, Verbi Dei manna pluit Ovibus opilio,
0918304b  Visitatur a columba, Mortem gustat, sacra tumba Aegris est auxilio.
0918305a  Salva, pater Cuniberte, Salva, pastor, tutas per te Oves tuae pascuae;
0918305b  Post caducae vitae caulam Tuum gregem duc ad aulam Gloriae perpetuae.
0918400   De sancto Dionysio.
0918401a  Gaude, turma triumphalis, Tuma pugnae spiritalis Pollens privilegio,
0918401b  Turma laeta morte spreta Rosas plantas et roseta De crucis martyrio.
0918402a  Vos de valle visionis, Vos consortes passionis Et Christi victoriae,
0918402b  Vos de throno Salomonis, Vos de bello Gedeonis Serta fertis gloriae.
0918403a  Vos columnae deauratae, Bases, pelles rubricatae Galaad martyrii;
0918403b  Per vos fractum alabastrum, Per vos cursum tenet plaustrum Sanctum evangelii.
0918404a  Vester sanguis verum lumen, Fulcimentum et bitumen Totius ecclesiae,
0918404b  Sion fundat et figurat, Ornat, polit et picturat Forma novae gratiae.
0918405a  Ore florens, Dionysi, Inter flores paradysi Speciali gloria,
0918405b  Te collaudat et honorat, Suum colit et adorat Apostolum Gallia.
0918406a  In qua sancta fulgens vita Missus, Areopagita, Fidei lux praevia,
0918406b  Primo sudans in agone De rosea passione Plantasti rosaria.
0918407a  Vos huic rosae complantati, Vos cum eo purpurati Rubicunda laurea,
0918407b  Fructum fertis et honorem, Acquisitum per cruorem Cum stola purpurea.
0918408a  Cum vos reformetis bullam Passionis et medullam Invictae constantiae,
0918408b  Nos formetis ad agonem Et intentam passionem Praesentis militiae.
0918500   De sancto Dionysio.
0918501a  Pretiosa mors sanctorum In conspectu Domini,
0918501b  Mors beata dedicata Christiano nomini.
0918502a  Hanc elegit vir famosus Pretiosam pretiosus Martyr Dionysius,
0918502b  Athenarum civis primo Sursum levans cor ab imo Doctor fit eximius.
0918503a  Dum vagatur et miratur Vas electum cultum rectum Sub ignoti nomine
0918503b  Docens unum, qui supernus, Temporalem, qui aeternus, Deum tectum homine.
0918504a  Audit, credit, baptizatur Areopagus, testatur Dei mirabilia;
0918504b  Verum crucis amplexatur, Stulta mundi veneratur Graeca sapientia.
0918505a  Post ad gentes destinatus Verbi vitae vir beatus Dispersurus semina,
0918505b  Cum ex sulca seges multa Surrexisset et crevisset In virtutum germina,
0918506a  Malleator terrae nequam Tyrannorum mentem caecam Fremens curbat, ut consurgat Solitam in rabiem.
0918506b  Lictor saevit nec quievit, Donec sanctum tormentatum, Post tormenta decollatum Transmisit ad requiem.
0918507a  O res nova, decollatus Caesum caput Deo gratus Sanctis defert manibus,
0918507b  Terrae corpus commendatur, Mente coelo collocatur Divinus theologus.
0918508a  Martyr Dei, Dionysi, Portas pande paradisi Tibi supplicantibus,
0918508b  Et qui nostris nil valemus Freti tuis adjuvemur Meritis et precibus.
0918600   De sancto Dionysio.
0918601   Superae harmoniae vastam gubernati musicam,
0918602a  Tonanti creatura laudes depromat inclitas,
0918602b  Largita cui digna sunt rationis munera.
0918603a  Nunc ergo psallamus dulcia modificantes pneumata,
0918603b  Atque vox canora componat rhythmica tandem famina.
0918604a  Et quoniam organa resonant symphoniam tinnula,
0918604b  Christus ab arce clara capiat vota cordis intima.
0918605a  Eja intona nunc, Galliarum plebs candida, Celerrima Dionysii, Macarii digne recolendo trophaea.
0918605b  Commissa cui es in sorte apostolica, Qui pia ferat jugiter tibi suffragia, missus huc de gente Pelasga.
0918606a  O quanta tormentorum passus genera pro Christi exstitit gloria.
0918606b  Nam flammas et flagella saevasque feras, carceris simul tulit antra.
0918607a  Sed sacra illic infula dum celebrat Mysteria praesul alma, Jesus adstat caterva septus angelica
0918607b  Et sancta manu placida ferens liba, Firmat ejus agoniam, Exspectatam promittens coelorum patriam.
0918608a  Hac percepta voce divina sacer athleta
0918608b  Infert coelo cervice caesa gaudens animam.
0918609a  Aeternam Christus ibi dans illi gloriam
0918609b  Remittat errata ejus prece benigna
0918610   Cuncta per saecula.
0918700   De sancta Dorothea.
0918701a  Mundi omnis gloria Fert, laus et victoria Patri sit et filio, Pneumatis qui lilio Obumbravit vernulam Fidei, Dorotheam, Pie ac sanctissime.
0918701b  Quae cum sprevit idolorum Culturam, malignorum Traditur potentiae Ovis haec clementiae, Unde prave caeditur, Fame, siti laeditur, Sed ferens mitissime.
0918702a  Fabricium despiciens Christum sed alliciens, Quem constanter docuit; Licet ejus nocuit Corpori suppliciis, Ac diversis vitiis, Constans tamen filia.
0918702b  Sorores, quas perverterat Hostis, has converterat Regis in praetorio, Dei adjutorio Sic mense Februario Rosas in orario Scribae fert et lilia.
0918703a  Post poenarum genera Martyr Christi tenera Capite privabitur Mox tortoris gladio.
0918703b  O Dorothea, regio Nata privilegio, Poscimus tu illustra Nos solari radio.
0918800   De sancta Dorothea.
0918801a  Salve, virgo generosa, Sponsa Christi speciosa, Veneraris hodie;
0918801b  Jubar altae claritatis Et immensae dignitatis Apud regem gloriae.
0918802a  Senatorum prosapia Ortum ducis, virgo pia, Cum virtutum schemate,
0918802b  Dorothea vocitaris, Sumopere adamaris A beato pneumate.
0918803a  Fabricius conculcatur, Poenis Stygis deputatur Pro sua malitia,
0918803b  Sertum fulvum et gemmatum Tibi datum et stellatum Pro tua militia.
0918804a  Surdis, claudis, caecis, nudis Salus adest et defunctis, Leprosis et contractis,
0918804b  Per merita sua sacra Daemonium et podagra Abest, febris et pestis.
0918805a  Dum profana reputaris, In catasta confrixaris Uncisque laniaris.
0918805b  Fame diu cruciaris, Faculis duris cremaris Virgisque flagellaris.
0918806a  Post haec scriba Theophilus Te exposcit incredulus Sibi mitti mala, rosas, Signum tui meriti.
0918806b  Adest puer purpuratus, Inquit: virgo, ut sit gratus, Theophilo hoc praesenta Donum regis incliti.
0918807a  Statim cervice extensa Orat voce cum immensa Pro his, a quibus colitur Ejus felix passio.
0918807b  Mox auditur: sponsa, veni, Tibi dabo, in perenni Ut tecum tui servuli Regnent cum tripudio.
0918900   De sancto Ebrulpho.
0918901   Solemnis erit dies et memorabilis ista,
0918902a  Qua Ebrulphus celsi petit coeli palatia.
0918902b  Hodie ad agni nuptias ovans evolat
0918903a  Fortis agonista, adeptus bravium jamjam emicat,
0918903b  Refulgent atria qua dilecta Jerusalem inclita.
0918904a  Beata o anima, divinam comitata gratiam
0918904b  Ad patriam remeans dictura venerando cantica.
0918905a  Alma sonant per astra angelorum gaudia, Cantant apostolorum organa Alleluja, martyrum turba dat gloriam.
0918905b  Casta confitentium magnifica agmina Laetanturque concivem Abrahae et gremium munera antiqua sociant.
0918906a  Beatus Christicola, quem assumpseras, Christe, ut colat atria.
0918906b  Negotia curabat sibi credita, cuncta modo bona celebrant.
0918907a  Solvamus jamjam vincula linguae nequam, Corda ferens regi sacra Hymnidica, qui patrocinia cumulat.
0918907b  Salvator aegra visitet mortalia, Pretiosa sanctorum dat Suffragia, nostra quae decoquant vulnera.
0918908a  O gloriosa hodierna solemnia, omnium sint plena gaudia.
0918908b  O sacer pie nunc Ebrulphe dele nostra tuis precibus facinora.
0918909a  Hinc ista tempora nobis serena prospera,
0918909b  Patronum te vitae coelestis da, ut in astris
0918910   Totum fiat gloria.
0919000   De sancto Eligio.
0919001a  Sancto patri et pastori Solemnizet hujus chori Celebris harmonia,
0919001b  Psallat intus, psallat foris Clamor cordis et laus oris, Coeli pulsent atria.
0919002a  Dignus quidem laude multa, Per quem mundo sunt indulta Tanta beneficia,
0919002b  Ut ejus patrocinio Curetur omnis laesio, Cuncta cedant gravia.
0919003a  Qui coelitus praeelectus Ex re nomen est adeptus Praecurrente gratia;
0919003b  In primaevo sui flore Carnem frenat artiore Victus parsimonia.
0919004a  Nihil blandum hunc illexit, Nil asperum hunc reflexit A veri sententia;
0919004b  Ridens velut somnium A somno surgentium Mundi lenocinia.
0919005a  Ergo relictis omnibus Jam carnis exsul actibus Exsulat a patria
0919005b  Et mox ad opus manuum Neminem aeque strenuum Sella probat regia.
0919006a  Cum gemmas auro foederat, Materiam exsuperat Operis industria,
0919006b  Cumque manus operatur Lectione saginatur Otii mens nescia.
0919007a  Replens melle scripturarum Instar apum mysticarum Mentis alvearia,
0919007b  Quod mandabat litera, Ejus implet opera Sancta diligentia.
0919008a  Pupillos atque viduas Nunquam remmittens vacuas A sua praesentia
0919008b  Et nudos et in carcere Dulpo gaudentes munere Redeunt ad propria.
0919009a  Per hunc aeger sospitatur, Esuriens redit satur Larga pastus copia,
0919009b  Caeci, claudi, surdi, muti Restituuntur soluti, Sanatur insania.
0919010a  Exanimi cadaveri Idem natus miseri Vitae reddit spolia.
0919010b  Felix dies Noviomo, Qua fit ejus tantus homo Praesul ac custodia.
0919011a  Constitutus super gentes Arat, fodit plebis mentes, Vepres tollit, vellit sentes Et quaeque sterilia.
0919011b  Aedificat, plantat, serit, Rem coloni sacri gerit Et non, quae sua sunt, quaerit Sed lucra coelestia.
0919012a  Ex lucrorum zelo tali Cura fervens pastorali Imbre rigat spiritali Cordium novalia
0919012b  Corruscansque miraculis Inauditis a saeculis Multa facit in populis Signa et prodigia.
0919013a  Verbis suis mellifluis Nunquam a fructu vacuis A culturis idolorum Et fermento paganorum Liberavit milia.
0919013b  Harum fractus lucris rerum Deo plenus et dierum Carnis exutus chlamyde In forma spherae lucidae Coeli subit gaudia.
0919100   De sancta Elisabeth.
0919101a  O Elisabeth regina, Tota mente columbina, Caritate reple bina Mentis nostrae atria.
0919101b  Paupertatem elegisti, Regnum mundi contempsisti, Pro quo regnum Jesu Christi Possides cum gloria.
0919102a  Sanctitate non pusilla, Quamvis pauperum ancilla Vere mater tu es illa, Qua polles ex gratia.
0919102b  Suscitatrix mortuorum, Consolatrix miserorum, Caeco nato oculorum Lumen das propitia.
0919103a  O beata, o benigna, Mater omni laude digna, Serva tuos et consigna Sanctorum laetitia.
0919103b  Nos consortes tuae sortis Fac a poenis et a portis Transeamus hora mortis Ad aeterna gaudia.
0919200   De sancta Elisabeth.
0919201a  Plebs devota psallite, Laudes Deo promite Toto corde comite Die isto.
0919201b  Elisabeth, credite, Regno gaudet debite Paradisi, plaudite, Jam cum Christo.
0919202a  Cui merces operum Per manus est pauperum Cum concentu superum Reparata,
0919202b  Quos tergendo laverat, Colligendo paverat, Quibus manu straverat Delicata.
0919203a  Haec instructa coelitus, Legi docta spiritus, Plagas lavet penitus Vel invito.
0919203b  Laus miranda feminae De regali semine, Sic servivit nemine Fastidito.
0919204a  Corruscat miraculis Terris, linguis, populis, Nostris visas oculis Dans medelam.
0919204b  In te confidentium, In mundo degentium Contra plagas mentium Dans tutelam.
0919205a  O virtute varia, Mundo necessaria, Te felix Hungaria Dedit prolem.
0919205b  Veni, mater, propera, Nostra purgans opera, Dans nosse trans aethera Verum solem.
0919300   De sancta Elisabeth.
0919301a  Laetabunda Exsultet fidelis chorus Harmonia;
0919301b  Elisabeth Cum sanctis praeclara fulget, Alleluja!
0919302a  Plebs devota, psallite, Laudes Deo promite Die isto,
0919302b  Regno gaudet, credite, Elizabeth debite Jam cum Christo.
0919303a  Cui merces operum Est per manus pauperum Reparata,
0919303b  Quos tergendo laverat, Colligendo paverat, Delicata.
0919304a  Haec instructa coelitus, Legi data spiritus Fide rata;
0919304b  Laus miranda feminae De regali semine Generata.
0919305a  In multorum oculis, Terris, linguis, populis Corruscat miraculis Dans medelam.
0919305b  In te confidentium, In mundo degentium Contra plagas mentium Da tutelam.
0919306a  Et virtute varia Nos cum hac ecclesia In tuam deduc custodiam,
0919306b  Duc post hanc miseriam Nos ad veram patriam Et sempiternam laetitiam.
0919400   De sancto Elisaeo.
0919401a  Nunc exsultet plebs fidelis, Dum suscipitur in caelis Propheta praecipuus,
0919401b  Vox proclamet et sit testis, De terreno fit coelestis Arator assiduus.
0919402a  Gaudet chorus angelorum, Dum in sortem beatorum Elisaeus sumitur,
0919402b  Collaetentur Carmelitae, Cujus pater regni vitae Civis constituitur.
0919403a  Olim sequens hic Eliam, Hunc praecessit tenens viam Ad coeli fastigium,
0919403b  Dum priorem currus tollit, Duplex spiritus extollit Sequentis praeconium.
0919404a  Aquas vertit in dulcorem, Ursos mittit in furorem Jubentis eloquium;
0919404b  Siccis fossis unda crevit, Vasa viduae replevit, Vitae reddit filium.
0919405a  Cibum temperat amarum Et panens primitiarum Auget benedictio,
0919405b  Lepram sanat nova cura, Ferri gravis est natura, Sed natat imperio.
0919406a  Dum insanit rex detectus, Manet propheta protectus Coelesti custodia;
0919406b  Fames viget, dux discredit, Hostes timet et abscedit Laetatur Samaria.
0919500   De sancto Emmerico.
0919501a  Stirps, regalis, proles regis, Imitator verae legis Vera dedit gaudia;
0919501b  Hic dilectus par est malis, In silvarum lignis qualis Arbor non est alia.
0919502a  Crevit puer Emmericus, Summi regis fit amicus A primis cunabulis;
0919502b  Cedit hostis huic antiquus, Caro, mundus, inimicus In crucis signaculis.
0919503a  Chore, Dathan et Abrion, Simul Cerinthus, Marcion Ruunt Dei dextera,
0919503b  Puer sanctus rex de Sion Puerorum echelion sic Dum vexit ad aethera.
0919504a  Clangit tuba Gedeonis, Silent magi Pharaonis Nec dant signum tertium,
0919504b  Cum in psalmis decantandis Vigil perstat, hic sanandis Christi dat commercium.
0919505a  Salutantur sancti fratres, Puer hic honorat patres Pia post oracula.
0919505b  Uni unum, alii duo, Penta trino, hepta quarto Diversa dans oscula.
0919506a  Stupet pater haec cum videt, Moestus vultu corde ridet, Pium placat filium;
0919506b  Pandit natus veritatem, Fratris monstrat sanctitatem, Virginale lilium.
0919507a  Hic Conrado anxiato, Ferris quinis colligato, Rupit ferri vincula;
0919507b  Illustrata Pannonia Signis multis cum gloria Det laudes per saecula.
0919600   De sancto Erasmo.
0919601   Ave, martyr gloriose, Ave sidus, ave veris Flos perennis rosae Germinansque lilium.
0919602a  In hac valle peregrina Confer tuis precibus,
0919602b  Ut non retro trahat spina Nos a dextris gressibus,
0919603   Sed post carnis velamina Deleta gibbi sarcina Jungamur coelestibus.
0919700   De sancto Erasmo.
0919701a  Gloriose martyr Dei, Nos orantes respice, A te quod optamus rei, Hoc in nobis perfice.
0919701b  Gaudes in coelorum thronis Carnis per interitum, Fac nos tuae passionis Gaudere post exitum.
0919702a  Audi regni consodalis Fletus in periculo Tuae laudi, nullus talis Visus est in populo.
0919702b  O quam pium, quam beatum, Quam felix promissio, Qui te venerantur gratum, Illis fit remissio.
0919703a  O Erasme, o praeclare, Fac nos recta sapere, Inimicum superare, Post hanc vitam vivere.
0919703b  Si sint tantae pravitatis Cordis impugnantia, Vultus tuae sanctitatis Nostri sit custodia.
0919800   De sancto Erasmo.
0919801a  Coelum gaude, Erasmi novella laude Cane festa,
0919801b  Pari laude, O terra tenella, plaude, Cedant maesta.
0919802a  Erasmus industria Subiit silentia Eremorum,
0919802b  Ibidem coelestium Meruit colloquium Angelorum.
0919803a  Tandem flagris caeditur, Dei pugil sistitur Tribunali,
0919803b  Respondet intrepide Vir sanctus et lepide Expers mali.
0919804a  Verbis jussus subdolis, Offerat ut idolis, Est beatus,
0919804b  Cum sprevisset idola, Pravis fit parabola Fustigatus.
0919805a  Carceri intruditur, Multo ferro premitur, Carcer, ferrum solvitur In favillam.
0919805b  Flammea induitur Toga, spata ceditur, Gaudens sic ingreditur Vitae villam.
0919806a  Erasmi nos prece Cunctorum a faece, Jesu, solve peccatorum.
0919806b  Duc virtute plenos Monteque serenos Ad gaudia gaudiorum.
0919900   De sancto Erasmo.
0919901a  O quam gratus Et insignis Praesul Deo stabilis,
0919901b  Qui poenatus A malignis Factus est mirabilis.
0919902a  Tunc septennis Hic in cultu Mansit eremitico,
0919902b  Qui perennis Nunc in vultu Claret beatifico.
0919903a  Pastum caeli Fert fideli Corvus avis coelica,
0919903b  Fatus Christi Fit et isti In lingua angelica.
0919904a  Ferae vere Cognovere Hujus sanctitudinem,
0919904b  De quo rei Hostes Dei Dictant turpitudinem.
0919905a  Quem cum torquent Pice plumbo Resinaque sulphure,
0919905b  Terra tremit, Aer genit, Plebs perit in fulgure.
0919906a  Carceratur Et seratur, Molestatur tenebris,
0919906b  Fit amoena Duodena Inibi lux celebris.
0919907a  Hic vestitus Fit auditus Sic mens Deo oritur,
0919907b  Ferro gravi, Voce suavi Martyr fit et moritur.
0919908a  Mundo natos Fac purgatos Erasmi victoria,
0919908b  Jesu pie, Mortis die Tecum frui gloria.
0920000   De sancto Erhardo.
0920001a  Salve, splendor firmamenti, Arca candens documenti Fidei catholicae,
0920001b  O Erharde, pastor bone, Florens in religione, Virtute heroice.
0920002a  Venus lucens in aurora, Lux benigna, lux decora, Atras pandens latebras,
0920002b  Fortis cibus salutaris, Cymba tuta hujus maris Transiens per salebras.
0920003a  Gaudeat Hibernia Tanto nato filio,
0920003b  Felix et Bavaria Veritatis lilio.
0920004a  Ratisbona singulari Plausu plaudat, jucundari Decet patri filiam,
0920004b  Cui adstans paralises Fugat, sanat atque clises, Qui quondam Ottiliam,
0920005a  Caecam natam, lucidavit, Nympham lympha emundavit Sancti fonte baptismatis.
0920005b  Christi factus citharista, Verae legis et legista, Praeco sacri pneumatis,
0920006a  Diligentes te commenda Regi coeli omni menda Nequam tersa schismatis.
0920006b  O mandrita summe bone, Mandros mortis in agone Juva tuis meritis.
0920100   De sancta Erntrude.
0920101a  Plausu laeto jubilemus Summo regi, personemus Erntrudis solemnia,
0920101b  In qua gemma fulsit morum Ab infantia bonorum, Quae est regens omnia.
0920102a  Effatus nullus sufficit Nec oda ulla perficit Ipsam plene laudare,
0920102b  Ejus in excellentia Hic quondam rexit entia Terrena quam praeclare.
0920103a  Respuit tunc pocula Vasis Babylonis, Fervens fuit rosula Haec Judaei donis.
0920103b  Ut lecythus olei Herae Sareptenae Sic in olla fidei Fecundavit plene.
0920104a  Arbori ut sit, subjectas De virtute in virtutem Duxit cum prudentia.
0920104b  Respexitque vias rectas, Animarum ut salutem Firmet cum solertia.
0920105a  Vias Dinae haec abnuit, Acta Mariae imbuit Et cum Martha coluit.
0920105b  Dei potentis filia Futans mundi vilia Coeli legit lilia.
0920106a  Jesu dulcis, ob amorem Erntrudis atque decorem, Virginis sanctissimae,
0920106b  Salva omnes hanc laudantes Gaudia et deprecantes Data invictissimae.
0920200   De sancto Eugenio.
0920201a  Psallat cum tripudio Laeta praesens concio Praesentans Eugenio Vota grata.
0920201b  Cujus ministerio Toletana regio Est a cultu devio Revocata.
0920202a  Accelerans Galliam Ad patris praesentiam Turbam habet obviam Paganorum.
0920202b  Quaerunt, an dîs famulus; Sum, dixit intremulus, Cultor Christi sedulus, Non deorum.
0920203a  Mox truncato capite Viri mentis concite Prosternunt in gurgite Corpus caesum.
0920203b  Immenso volumine Temporum in flumine Latuit putredine Nunquam laesum.
0920204a  Vir saluti redditus, Prout erat monitus, Paruit sollicitus Imperio.
0920204b  Corpus tractum latice Locat honorifice Constructae basilicae Sacrario.
0920205a  Nunc praesens ecclesia Martyris praesentia Exsultet laetitia Speciali.
0920205b  Cujus precum gratia Per temporum spatia Sit praesens familia Expers mali.
0920300   De sancto Eustachio.
0920301a  Corde puro, mente munda Moduletur vox jucunda Lucis hujus gaudia,
0920301b  Lux est grata, lux insignis, In qua digna Deo dignis Conferuntur praemia.
0920302a  Ignem vincens et leonem Christi martyr post agonem Et decursum stadium,
0920302b  Natis junctus et uxori Hac in die jussus mori Vitae cepit bravium.
0920303a  Vanitati deditus Dum aberrat nescius, Invitatur coelitus Ad fidem Eustachius,
0920303b  Ne gentilis perderet Boni fructum seminis, Cum jam caste viveret, Omnis expers criminis.
0920304a  Hic tentatus graviter Fert exemplum posteris, Dum amissa pariter Uxore cum liberis
0920304b  Fidem puram retinet Nec adversis frangitur, In spe cuncta sustinet Neque sperans fallitur.
0920305a  Nam procurat Dei cura, Ut propinet in mensura Lacrimarum calicem,
0920305b  Non oblita misereri Nec in ira contineri Justum passa judicem.
0920306a  Viro justo post laborem Natos reddit et uxorem Et in statum hunc priorem Ac fortunam erigit.
0920306b  Sed non parens regis irae, Dum jubetur, aut perire Aut a fide resilire, Mori magis eligit.
0920307a  Ergo Christo convicturus, Fide fortis, spe securus, Bovem ingressus aeneum Vaporem spernit igneum.
0920307b  Corpus, quale prius erat, Incorruptum perseverat Nec in extremis crinium Vires apparent ignium.
0920308a  Tamquam aurum a fornace Mundus exit spiritus, Locus ejus fit in pace, Quem non turbat gemitus.
0920308b  Nullus enim ibi luctus, Nullus timor hostium, Sed laborum dulcis fructus Et perenne gaudium.
0920309a  Martyr dulcis et praeclare, Quos hic vides laborare, Tuis juva precibus,
0920309b  Ut amarum mundi mare Sic possimus transmeare, Ne mergamur fluctibus.
0920400   De sancto Eustachio.
0920401   Omnes Christo jubilemus Ac pariter celebremus Martyrum solemnia,
0920402a  Corde, mente suspiremus, Voce lingua personemus, Quam sint vera gaudia.
0920402b  Quae dat Christus in praemio His, qui fortes in proelio Vicerunt supplicia.
0920403a  Cruce mortem qui substravit Signum crucis demonstravit Inter cervi cornua,
0920403b  Fera signat redemptorem Et venatur venatorem Sequentem per ardua.
0920404a  Gressum figit et affatur Et Placidus admiratur Tactus Dei gratia,
0920404b  Cedit error, fides datur Et ab ipso requiruntur Baptismi mysteria.
0920405a  Mores mutat atque nomen, Bonum turbat ex hoc omen Serpentis nequitia;
0920405b  Fit jactura mundanorum Sed spes levat aeternorum Justum a miseria.
0920406a  Pudor cogit exsulari, Quem solebat venerari Caesaris militia,
0920406b  Sic afflictus temptamentis Indefesso statu mentis Calcat saecli devia.
0920407a  Sic ad mare pervenitur Et ibidem invenitur Nauta freto saevior,
0920407b  Uxor male coercetur Et pro naulo detinetur, Fit uterque tristior.
0920408a  Pater lugens prae dolore Carpit iter cum moerore Sua tundens pectora,
0920408b  Nil blasphemum profert ore, Vocem premit a clamore, Cara ferens pignora.
0920409a  Sine rate transit fluctum, Inde Satan auget luctum, Fera tollit pueros;
0920409b  Nescit ultra consolari Nec a fletu temperari Cernens rapi liberos.
0920410a  Jamjam paene destitutus Et in luctu constitutus Job illustrem est secutus Duce patientia;
0920410b  Quem militum assuetus Sequebatur olim coetus, Nunc abjectus atque spretus Pascit animalia.
0920411a  Hujus Caesar flens eventum Per hunc tandem post inventum Hostem domant incruentum Capto pacis foedere.
0920411b  Videns opus deitatis Pater gaudet matre, natis Pots haec sibi restauratis Trinitatis munere.
0920412a  Sic recepti triumphantes Ac profana deviantes, Fide mortem superantes Feris dantur properantes Bovis ad incendia.
0920412b  Quorum prece mundi mare Valeamus transmeare, Coelum quoque penetrare Nec non Christo conregnare Felices in gloria.
0920500   De sancto Feliciano.
0920501a  Ad concentus animemur Et psallendo collaetemur Piis cum intentibus,
0920501b  Voces votis adornemus, Ut decenter concordemus Festis in praesentibus.
0920502a  Labor linguae nam frustratur, Si mens voci non aequatur In devotionibus;
0920502b  Ex intentu judicatur Homo, dum quid operatur Rebus aut sermonibus.
0920503a  Unde simplex sit et pia Nostrae vocis harmonia, Quam sanctis deferimus; Laus nam sanctis cum dicitur Haec in Deo perficitur His aut quid egerimus
0920503b  Non putemus ergo vanum, Sanctum si Felicianum Tractemus devotius, Qui sanctorum agminibus In supernis ordinibus Effectus est socius.
0920504a  Divi jugum en laboris Hunc provexit ad honoris Tanti magnitudinem,
0920504b  Et ob curam ampliorem Est adeptus celsiorem Illic gratitudinem.
0920505a  Quantus ergo sit in caelis Christi servus hic fidelis, Ex actu colligitur,
0920505b  Et quod magna mereatur, Ejus virtus si pensatur, Vere non ambigitur.
0920506a  Nondum quidem baptizatus Christi fidem insperatus Dilexit sincerius,
0920506b  Cujus mores dum notavit, Sacris scholis hunc aptavit Sanctus Eleutherius.
0920507a  Postquam vero baptizatur, Fide fulgens declaratur Aptus sacerdotio;
0920507b  Inde virum tam benignum Praesulatu fecit dignum Virtutum promotio.
0920508a  A Victore praesul factus Quam solemnes gessit actus Intrans Christi vineam
0920508b  Plantandoque sacram fidem Gentem, de qua natus pridem, Sanctivit fulgineam.
0920509a  Exstirpando vim deorum Idolatras diversorum Hinc convertit terminorum Docens in Italia;
0920509b  Cur suspensus laceratur, Verba vitae ne loquatur Sed nequaquam retardatur Profiteri talia.
0920510a  Plures poenas sic perpessus Vinctus Romam est agressus Obiitque mox oppressus Viarum laboribus;
0920510b  Quem cum laude sepelivit Gens, in fide quam sanctivit, Deus hunc et insignivit Signis potioribus.
0920511a  Ob hoc pie modulemur Hunc et sanctum deprecemur, Ut in fide solidemur Aevae mortis ne damnemur Atroci sententia;
0920511b  Sancti nobis hoc praestare Coelitus et impetrare, Quem praesentem commendare Nitimur et personare, Dignetur clementia.
0920600   In Translatione s. Fidis.
0920601a  Omnia melliflua dent cantica et honora collecta agmina,
0920601b  Instat quia praeclara dies intra orbis ampla dicata spatia,
0920602a  Qua Fides alma trophea penetravit ferens aethra victricia.
0920602b  Agni sacra vestigia virginalia sequitur per lilia.
0920603a  Celsa martyrum caterva congaudet una, sanctae ac beatae Fidis merita subisse una contubernia.
0920603b  Digna gratiarum vota voce consona reddunt cum ipsa martyre socia regi, qui cuncta gubernat saecla.
0920604a  His turba pia jam laudibus juncta, nobiscum propria promite gesta,
0920604b  Inter inclita quae sanctorum scripta passione sacra manent lucida.
0920605a  Nam exorta virgo sanctissima ac referta gratia sempiterna mente devota exercebat casta tyrocinia.
0920605b  Exempla jam cunctis vivifica, ut aeterna capiant sacramenta, Christi munia implebat solida confidentia.
0920606a  Multa ornata virtutum doxa, ejus fama longa dum voliat per arva, judicialia adiit jura.
0920606b  Data iniqua tunc sententia ipsa ad parata suscipitur tormenta propter aetherea privilegia.
0920607a  Saeva decurrunt flagella per juvenilia membra omniaque poenarum argumenta.
0920607b  Stat summa virtute fixa intrepida Christi sponsa, ut intret secreta thalami functa.
0920608a  Jam nunc tympana clara ante sacra sonant epithalamia, cum sponsalia dotis a Christo sunt data.
0920608b  Namque corona praeventa lucida in certamine posita in Christi dextra quievit pace superna.
0920609a  Jam compos effecta sancti nominis, Fides alma, digna prece saeva solve vincla.
0920609b  Quo lampada nostra tua redundante referta celsa tecum capiamus regna,
0920610   Ubi sempiterna fruamur doxa in saecula.
0920700   In Translatione s. Fidis.
0920701   Doxa per omnia renitet cosmi climata
0920702a  Uranica turma concinat in altis gloriam ac voce clara resultet Alleluja.
0920702b  Hinc terrea cuncta applaudant nova certamina, praecelsa, pura, herili laude digna.
0920703a  Quae Fides egregia, Deo dicata martyr pia,
0920703b  Exsuperavit cuncta prudentum ut psychomachia
0920704a  Nempe exorta nobili prosapia
0920704b  Sacra delegit pudica connubia.
0920705a  Vera refert historia Hac quidem de causa passim pervulgata intonuit fama In Dacianica aulea.
0920705b  Comperta ut sunt famina, Ad tribunalia tyrannica ducta impia per jussa Quaeritur, an sit Christicola.
0920706a  Tum virgo beata immota neque perterrita affatur voce serena:
0920706b  Haec fides divina suscepta in mente devota inserta fertur gratia.
0920707a  Hinc saeva caterva neci praeparat dari membra tenera per supplicia.
0920707b  Accenditur pyra, media super craticula uritur Dei athleta.
0920708a  Ambusta ferens latera sed nondum devicta,
0920708b  Tegitur Christi gratia, qua fit obumbrata.
0920709a  Ducta ad delubra Capitali sententia finitur intemerata sacra gestans praemia Juncta virginum chorea.
0920709b  Hinc tonant cantica De te, virgo, praelibata sponsi sequens vestigia ejus forma accensa Cunctam liquisti machinam.
0920710a  Ac custodum speculam adisti agitata
0920710b  Exorcizans quaerula, clamitans almiphona:
0920711a  O beata vigilum turma, pande secreta dilecti cubilia,
0920711b  Cujus forma sum vulnerata, dudum anixa quaero exanimata.
0920712a  Caterva theologa praedicat subisse poli fulcra.
0920712b  Quem cohors virginea spectat florida inter lilia.
0920713a  Ah, virgo coelibata. Alma quaeris gaudia, quo laetatur plebs redempta Ac omnis una coelica.
0920713b  Tanto foedere digna, Tu Christo gratissima martyr, scande poli templa, Vita beata merita.
0920714a  O virginium gemma paradisique accola,
0920714b  Emunda delicta nostra tua prece pia.
0920715a  Praecelsa suscipe vota hac die te lautantia.
0920715b  Exposce gloriosa nobis vitae contubernia,
0920716   Quo tecum jungamur, Fides paradoxa.
0920800   De sancto Floriano.
0920801a  Salve, martyr gloriose, Passionis qui famosae Torcular ingrediens
0920801b  Indumentum rubricasti Teque ipsum abnegasti Pugnaturus prodiens.
0920802a  Regum jussa refutasti, Laureaci triumphasti Aquilino praeside,
0920802b  Idolis libare jussus, Dum contemnis, es discussus Fustium examine.
0920803a  Uncis scapulas evulsus Cadis in flumen propulsus Tortoris ex furia,
0920803b  Supra petram sed evectum Et ab aquila protectum Tollit te Valeria.
0920804a  Dum portaris ad humandum, Lassis bubus ad potandum Scatet fons dans gratiam;
0920804b  De sepulchro virtus manat, Per te Deus aegros sanat Et dat lapsis veniam.
0920805a  Agonista triumphalis, Non devictus mundi malis, Ultro petens proelia,
0920805b  Nil in te per blandimenta Praeses, nihil per tormenta Proficit crudelia.
0920806a  Transiens hanc mundi vallem Regium incedis callem, Campi ductor nobilis,
0920806b  Quem nec mundi dextra mollit, Nec sinistra robur tollit Muri tam immobilis.
0920807a  Ergo nos currentes post te Prece trahens fac a poste Ne pellantur Domini;
0920807b  Floriane, flos qui flores Inter veros Eden flores Correspondens nomini,
0920808a  Causae nostrae te patronum Delegamus ante thronum Divinae clementiae.
0920808b  Iram placa, quam meremur, Sta pro nobis, ut laetemur Reformati gratiae.
0920809a  Carnem nostram reflorere Fac et ultra non marcere Vitiis urentibus,
0920809b  In splendoribus sanctorum Ut frumur angelorum Coelicis concentibus.
0920900   De sancto Floriano.
0920901a  In agone spe coronae Confortatus vir beatus Florianus hodie
0920901b  Christo fretus, fide laetus, Quam probavit, qua pugnavit, Stolam sumpsit gloriae.
0920902a  Cujus dedicatam passione Diem laetabundi celebremus istam
0920902b  Et condigna veneratione Christi attollamus fortem agonistam.
0920903a  Florianus venerandus Quam praesago fulsit insignitus nomine!
0920903b  Palmae namque comparandus Flore, fructu tibi germinavit, Domine.
0920904a  Ad meliora quotidianis accrescens operibus, Cedrus fuit hinc inde protensis in altum ramis ac radicibus.
0920904b  Caritatis studio sibi pauper, dives pauperibus, Variis operam virtutibus alternatis impendebant vicibus.
0920905a  In petra superaedificatus Solidum in Domino Sibi delegit fundamentum,
0920905b  Ubi pura fide radicatus Fulmina et flumina Securus excepit atque ventum.
0920906a  Aquilinum blandientem Et eundem punientem Non attendens sprevit idolatriam,
0920906b  Sine fine permanentem, Cuncta bona continentem, Ad coelestem anhelando patriam.
0920907a  A praefecto supradicto Uncis dissipatus ferreis, Daemonum detestabatur Falsitatem,
0920907b  Et de rebus, quas videmus, Nihil congitando terreis, Divinam aemulabatur Veritatem.
0920908a  Puniri tandem fastiditus In Anesi flumine Jussu judicis martyr est obrutus.
0920908b  Ad pertram haerens secus litus Alis aliqua corpus Pretiosum protexit divinitus.
0920909a  Quod vidua Felix et fidelis, Valeria, Clam in locum perduxit exsequiarum.
0920909b  Qua pro sua Ingemiscentibus miseria Festiva virtus adest gratiarum.
0920910a  Hic virtutes Fiunt ad salutes Infirmorum; Laetare, martyr, decus sanctorum.
0920910b  Hic veniam Lapsi promerentur Peccatorum, Futuri consortes angelorum.
0920911a  Nos, o Floriane, tuis devotos servitiis Ad laudes Dei memor esto conservare,
0920911b  Ut apud Dominum tuis fulti patrociniis Praevaleamus in adversis triumphare.
0921000   De sancto Francisco.
0921001a  Vitae nostrae praevia Francisci memoria Nobis sit in speculum,
0921001b  Qui relinquens omnia Per multa supplicia Se vicit et saeculum.
0921002a  Qui praeventus coelitus Patris vincla, strepitus Mundi libens pertulit,
0921002b  In fervore spiritus Abnegans se penitus Leprosis se contulit.
0921003a  Hunc in evangelio Novae novos unctio Mores vitae docuit,
0921003b  Cujus factus lectio Se libens martyrio Paganis exposuit.
0921004a  Clavi, plaga lateris Novis docent literis, Qualis intus fuerit;
0921004b  Signum sui sideris Testatur quod operis Luce mundo fulserit.
0921005a  O pater minoribus, Quos praecedes moribus, Meritis prosequere,
0921005b  Mundo mori fratribus Tuis confer precibus Et in Christo vivere.
0921100   De sancto Francisco.
0921101a  Coeli cives in colono, Totus orbis in patrono Christo promat dulci sono Laudes et tripudia;
0921101b  Gratulentur et minores In Francisco, cujus mores Aegros sanant et languores Carnis pellens vitia.
0921102a  Super Christum stans innixus, In confixo manens fixus, Crucifixum crucifixus, Nudus nudum sequitur;
0921102b  Flagrat corpus ex amore, Rubet latus ex cruore, Pes cum manu novo more Carnis arte pingitur.
0921103a  Paupertatis in camino Praeelectus partu trino Secum locat in divino Throno multa milia.
0921103b  Praecursoris in secretum Signum gerens per desertum, Mundum clamat in apertum: Fiat poenitentia.
0921104a  Gestis verba confirmantur Atque signis, nam curantur Aegri morbi, suscitantur Defunctorum funera;
0921104b  Fidem aemulans Romanam, Gentem adiit paganam, Horum sectam culpans vanam, Plagam atque scelera.
0921105a  Spe fraudata percussoris Ac invitus laxis loris Ipse intus, Christus foris Speculator adfuit.
0921105b  Hinc electam curans gentem Gressus opemque ferentem, Grex supernis non carentem Parem thori voluit.
0921106a  O Francisce, dux virtutum, Gregem parvum te secutum Serva praebens iter tutum Ad coeli palatia;
0921106b  Ut pastorem te sequentes, Iter rectum diligentes, Exsultemus te videntes In coelesti curia.
0921200   De sancto Francisco.
0921201a  Novum sidus orientis Insignitor piae gentis Ascendit angelicus,
0921201b  Nondum cedit nocumentis Franciscus Dei viventis Signifer salvificus.
0921202a  In camino paupertatis Vir sanctus eligitur, Dum jugis humilitatis Cinere contegitur.
0921202b  De scintilla puritatis Lux solaris oritur, In Eliae duplicatis Signis supergreditur.
0921203a  Summi regis armatura Dignum solis in figura Currus vexit igneus,
0921203b  Caritate non laesura Carnis fulsit in fractura Character aetherus.
0921204a  Contra gelu pravitatis Provisurus jam signatis Non formax accenditur,
0921204b  Sol apparet sanctitatis, Sacro tectus novitatis Franciscus induitur.
0921205a  Tantae virtus fabricae, Quam saepe Davidicae Clavis arte panditur,
0921205b  In hoc vivo codice Legis evangelicae Christi vita cernitur.
0921206a  Seraph summi caritas Dat cunctis spectabilem,
0921206b  Configurat veritas Unctione docilem.
0921207a  Reseratur mens auctoris, Instar libri fit prioris Hic liber intus et foris Scriptus Dei digito.
0921207b  Dulce jugum, lex amoris Signa renovant splendoris Francisco viro minoris In sublimi posito.
0921208a  Redit innocentia, Paret creatura, Vitae reddit spolia Nova Christi cura.
0921208b  Supernorum gratia Plenus mente pura Cordium praecordia Novit et futura.
0921209a  O stupor, o novitas, Carnem deiformitas Transfigurat fragilem,
0921209b  Regias per semitas Rex ad turmas inclitas Ducem duxit humilem.
0921210a  Summo datum coetui Plurimi testantur Qui de malis erui Mire se laetantur.
0921210b  Cujus ope mortui Multi suscitantur Et utrique sexui Grata cumulantur.
0921211a  Sic effuso coeli rore Novo Christi auget flore Proli, patri regiam,
0921211b  Agni roseo cruore Floris hujus in odore Curramus ad gloriam.
0921300   De sancto Francisco.
0921301a  Orbis totus gratuletur, Sub Francisco praelaetetur, Signum sacrum admiretur, Dum stigmata contuetur.
0921301b  Ordo triplex ordinatur, Perquam mundus illustratur, Domus regis reparatur, Ubi ordo confirmatur.
0921302a  Verus pauper fit laetanter, Aegros sanat incessanter, Aves monet affectanter, Multis opem fert gratanter,
0921302b  Castitatis donat legem, Obedire jubet gregem, Paupertate Christum regem Sequi docet non ex legem.
0921303a  Clarum sidus obcaecatis Est Franciscus monstrans gratis Collem immortalitatis Ac fontem jucunditatis.
0921303b  Fontem vivum requiramus, In quo sordes abluamus, Aquas vivas hauriamus Ut feliciter vivamus.
0921400   De sancto Francisco.
0921401a  O Francisce, pater pie, Sis lucerna nostrae viae, Cui luxit sol pro die Nunc et mortis articulo.
0921401b  Sis protector filiorum, Informator quoque morum, Intercessor preccatorum, Tutor ab hostis spiculo.
0921402a  Qui solaris ut adspectus Igneo in curru vectus Casae fratrum es invectus In caritatis aestibus,
0921402b  Fac nos tecum inflammari, Moribus te imitari, Ut tibi consociari Possimus in coelestibus.
0921500   De sancto Francisco.
0921501a  Caput draconis ultimum Ultorem ferens gladium Adversus Dei populum Excitat bellum septimum.
0921501b  Contra coelum erigitur Et attrahere nititur Maximam partem siderum Ad damnatorum numerum.
0921502a  Verus de Christi latere Novus legatus mittitur, In cujus sacro corpore Vexillum crucis cernitur.
0921502b  Fide protectus clipeo, Spe galeatus, utitur Mucrone verbi, baltheo Vir castitatis cingitur.
0921503a  Franciscus princeps inclitus Signum regale bajulat Et celebrat concilia Per cuncta mundi climata Contra draconis schismata.
0921503b  Acies ternas ordinat Expeditorum militum Ad fugandum exercitum Et tres catervas daemonum, Quas draco semper roborat.
0921504a  Jussus a rege properat Ad sempiterna gaudia, Ut militum stipendia Sanctus Franciscus exigat.
0921504b  Fac nos, pater piissime, Patris haeredes gratiae, Ut possint patris filii Consortes esse gloriae.
09215a02b Fide, spe, privilegio Amoris sub vestigio Parvitatis in filio Caput serpentis diruit.
0921600   De sancto Francisco.
0921601a  Ad honorem salvatoris Et Francisci confessoris Plaudat intus, psallat foris Humana devotio.
0921601b  Nexis hic exemptus foedis Spernit haeres jus heredis, Spernit merces spe mercedis, Abit in cilicio.
0921602a  Post repulsam monachorum Curam gerens leprosorum Fit exinde dux minorum Et inventor ordinis.
0921602b  Fune renes dum suspendit, Totum ejus cor ascendit, Quantum unquam vix ascendit, Sensus in cor hominis.
0921603a  Vitam agens Deo gratam, Mortem optat laureatam, Sed profectus Damiatam Illaesus repatriat.
0921603b  Fratres congratantur ei, Coram quibus verbum Die Diversarum aciei Volucrum annuntiat.
0921604a  Inter aves it et redit, Quarum ei grex obedit, Voce, quam natura dedit, Laudans nomen Domini.
0921604b  Paci gaudent et saluti Per Franciscum restituti, Vident caeci, fantur muti, Pausant energumeni.
0921605a  O mens simplex, mens benigna, Caro pura, caro digna, Signis mortis Christi signa Praetendens similia.
0921605b  Cujus nunquam oblivisci Nobis preces dent Francisci Sed per ipsum adipisci Sempiterna gaudia.
0921700   De Stigmatibus s. Francisci.
0921701a  Absit nobis gloriari Nisi cruce salutari, Qua Franciscus singulari Gaudet privilegio;
0921701b  Crucis haerens exemplari Plagis clavisque signari Meruit et decorari Stigmatum quinario.
0921702a  Gaudent suis ceteri Sancti privilegiis, Tam in lege veteri Quam in novae filiis,
0921702b  Franciscus signiferi In te, Christe, proeliis Dans se cursu celeri Multis praeit aliis.
0921703a  Noe salvat octo vitas, Feras arcae sed invitas, Super undasque finitas, Signum capit nubium;
0921703b  Hic dat octo suscitatis Vitam, parent ipsi gratis Ferae, sumit sanctitatis Signum Dei proprium.
0921704a  Abraham egrediens Domum patris deserit, Natum ut obediens Necet, ensem exserit;
0921704b  Iste totum exiens Simul mundum conterit, Christo mori sitiens Memphi semet ingerit.
0921705a  Joseph fugit nudus paene Vitans adulterium, Fugit iste nudus plene Carnis omne vitium.
0921705b  Stirpis Moyses obscaenae Sprevit nomen regium, Hic originis terrenae Nomen omne patrium.
0921706a  Moyses calciamentum, David ludens vestimentum, Isaias in portentum Omnes simul deserunt;
0921706b  Nudat pedem sequens ducem Iste Christum, gerens crucem Cuncta deserit, quae lucem Nudae crucis auferunt.
0921707a  Innitens evangelicae Normae religionis, Assumit apostolicae Modum legationis.
0921707b  Nil possidens pecuniae, Nil detinens in zonis, Ne stirps sit avaritiae Communibus in bonis.
0921708a  In hac a te via strata Stricta carni, cordi lata, Jesu bone, tibi data Vota serva pauperum.
0921708b  Sit laus nostra tibi grata, Tanto patre confirmata, Cordis opesque dilata Veniam dans scelerum.
0921800   De sancto Georgio.
0921801   Almam paribus concinite diem modulis,
0921802a  Qua mundum testis incliti meritis sanxit gloria Domini.
0921802b  Qui respuens terrae sordida delegit coeli splendidi miracula.
0921803a  Furentis invida regis ira, fervens in quos conspexit sequi numina,
0921803b  Fateri prohibens nomen summi, credulorum praecepit vitam persequi.
0921804a  Digna tempsit, prava cupivit, fide carens crimen multum peregit,
0921804b  Lenis flexo, gravis invicto, meditans deleri fidem saeculo.
0921805a  Postquam mille poenis hominum maduit damnando Deum
0921805b  Saeviens quin et gladius alma resecavit vitalia.
0921806a  Decursis vitiis talibus Christus fert opem suis,
0921806b  Latere martyris gloriam Non volens tam nitidam.
0921807   Carnificis vesaniam patitur, ultione miranda gessione comptam honore.
0921900   De sancto Georgio.
0921901a  Recolamus Georgii sancti festum, Alleluja,
0921901b  Qui hodie Exsuperavit tyrannum Fide firma,
0921902a  Asserens unum Deum In coelo et in terra Voce clara,
0921902b  Qui athletas coronans Suos ad se suscipit In gloria.
0921903a  Sicut aurum in flamma Martyr inter tormenta Fit diversa;
0921903b  Nec aurum incendia, Nec martyrem tormenta Vincunt saeva.
0921904a  Exsultant omnes sancti, Angeli, archangeli Die ista;
0921904b  Miles persecutoris Devictis suppliciis Scandit astra.
0921905a  Persecutor ejulat, Georgius triumphat, Deos suos conterit Et idola.
0921905b  Coelorum agminibus Sociatus dulcibus Delectatur cantibus Per saecula.
0921906a  Cujus prece sancta Omni culpa tersa Illuc tendamus sine mora.
0921906b  In illa patria Perpes laetitia, Dulcis melodia, Alleluja.
0922000   De sancto Georgio.
0922001   Ave, stella gloriosa,
0922002a  Gemma martyrum pretiosa,
0922002b  Georgi martyr, spes unica.
0922003a  Adest hic nunc tibi plebs devota, Adesto famulis et cantica fac Deo digna nostra.
0922003b  Jubilat caterva palliata, Dulces alternat cantus sonora conjungit et organa.
0922004a  O te, regum rex bone, nos una benedicimus semper, trinitas alma, Mente devota.
0922004b  Quam praeclara et pulchra praemia sanctorum, via, vita et diadema, Lux sempiterna.
0922005a  Coelica et terrae, plaudite symphonia, plaudat et canora,
0922005b  Hymnizet nectarea diatessaron sua diapente juncta.
0922006a  Diapason clara ex his facta surge, tinnula
0922006b  Dulcis melodia et suavis, ede carmina.
0922007a  Nunc te, Georgi, dilecta precatur turma, ubique nos guberna,
0922007b  In angelica curia nostra opera excusa fragilia.
0922008a  Post te nos trahe tua manu beata ad aeterni regis regna Illa superna.
0922008b  Illic albescunt lilia, rubet et rosa redoletque mira balsama Felix patria.
0922009a  Jesus quo sua gaudet cum sponsa ejus sola summa gratia.
0922009b  Illi gloria, laus melliflua saeculorum sit in saecula.
0922010a  Amen, clamemus voce magna,
0922010b  Salve, coelestis margarita.
0922100   De sancto Georgio.
0922101   Nunc nobis succurre, sancte Georgi,
0922102a  Ut laudes demus tibi dignas, o Georgi.
0922102b  Cui nullus dignior est laude, o Georgi,
0922103a  Tu multos vincis, o Georgi.
0922103b  Tu regem vincis o Georgi.
0922104a  Tu Dacianum fervidum confudisti, o Georgi
0922104b  Tu Christianos plurimos convertisti, o Georgi.
0922105a  Vidua panem tibi donare denegavit, o Georgi.
0922105b  Angelus te cum coelesti cibo satiavit, o Georgi.
0922106a  Viduae filium tu salvasti, o Georgi.
0922106b  Idola plurima destruxisti, o Georgi.
0922107a  Daemonem in abyssum demersisti, o Georgi.
0922107b  Reginam Alexandrinam credere tu fecisti.
0922108a  Tormenta omnia sprevisti o Georgi.
0922108b  Tu minas nihil timuisti o Georgi.
0922109a  Nos juva, martyr Georgi.
0922109b  Nos salva, sancte Georgi.
0922200   De sancto Georgio.
0922201a  Omnis terra psallat Deo Pro tam nobili trophaeo Martyris Georgii,
0922201b  Qui devicto jam tortore Regem cernit in decore, Fontem omnis gaudii.
0922202a  Miles bonus, pugil fortis, Inter mille poenas mortis Permansit intrepidus,
0922202b  Intus erat, qui pugnavit, Intus, qui sic triumphavit, Amor Dei validus.
0922203a  Foris angunt tot tormenta, Sed in coelum mens intenta Bellatoris incliti
0922203b  Nullam sensit laesionem, Intus habens unctionem Spiritus paracliti.
0922204a  In equuelo levatur, Ferro, flamma cruciatur, Laceratur ungula,
0922204b  Sed cruore suo lotus Intrat martyr mundus totus Coeli tabernacula.
0922205a  Salve, martyr gloriose, Vir illustris et famose, Digne mille laudibus,
0922205b  Tuo lava nos cruore, Tuo fove nos amore, Tuis salva precibus.
0922300   De ss. Gordiano et Epimacho.
0922301   Gaudendum nobis, suadent hujus, dici festa,
0922302a  Victorum agone serena
0922302b  Palmaque perenni dicata.
0922303a  Quos pius atque fidelis imperator post bella peracta
0922303b  Praemia congaudens ipsis perduxerat clemens ad aeterna.
0922304a  Nam Gordianum, perditi principis subsecutum vota maligna,
0922304b  Nutu coelesti monitum docuit meliora subire castra.
0922305a  Et idem, qui prius terrena nescius exercebat lucra,
0922305b  Protinus impiger et audax belliger assumpsit superna.
0922306a  Judex impius uritur ira saeva martyrque laetatur mente clara,
0922306b  Post Epimachum volitans, quem jam dudum hac die colebat plebs superna.
0922307a  Horum ergo meritis, Domine, supplicantum terge delicta,
0922307b  Quorum laudes ad tuam gloriam celebramus voce devota.
0922308   Tu rege, Christe, corda.
0922400   De sancto Gorgonio.
0922401   Concinat plebs devota laudes coeli, terrae Domino
0922402a  Vocibus alternis organicisque modulis
0922402b  Carminis et suavi congeminetur jubilum,
0922403a  Hunc diem praeclarum qui nobis et gloriosum reddidit
0922403b  Nobilis athletae praeclaro certamine Gorgonii.
0922404a  Qui constanter poenarum devicta multiformi specie
0922404b  Collegio consertus martyrum laureatus triumphat.
0922405a  Quam beata Christi confessio nominis, Quam verbera, flagra, carceres, carnifices, ignes, equulei, lampades,
0922405b  Quam liquoris acri perfusio salisque, Quam tormenta nulla praevalent evellere sui de corpore militis.
0922406a  O martyr invicte, o splendidulum beati martyris speculum!
0922406b  Servorum precatus aure placida jam nunc suscipito, Gorgoni.
0922407a  Tu namque sperens gloriam temporalem, fasces respuens palatinos pro Domino carnem supliciis dederas.
0922407b  Nunc ergo coeli civibus sociatus, palmam retinens triumphalem praesentia Jesu piissimi frueris.
0922408a  Et nos vota persolventes melodiis tibi clarisonis pangimus.
0922408b  Tu famulos tua festa celebrantes regnatori Deo commenda,
0922409   Ut clemens peccamina laxet, pacem tribuat vitam concedat aeternam.
0922500   De sancta Helena.
0922501a  In sanctorum jugi laude, Plebs devota, Deo plaude, Qui in sanctis est mirabilis;
0922501b  Inter quos splendit Helena, Fide, spe, amore plena, Sponsa Christi venerabilis.
0922502a  Haec inventrix sanctae crucis Adimplevit opus lucis Pio cordis desiderio,
0922502b  Sacrosanctam passionem Crucis per inventionem Omni venerata studio.
0922503a  Patent adhuc sacra vota Dignae matris longe nota In templorum aedificiis,
0922503b  Quae per orbem struens plura Larga sublimavit cura Et augmentavit divitiis.
0922504a  Gaudet ergo nunc in caelis Dispensatrix haec fidelis Inter angelorum milia,
0922504b  In vestitu deaurato Et amictu variato Ferens caritatis lilia.
0922505a  Sponsa Christi sancta et decora,
0922505b  Christum pro nobis instanter ora.
0922506   Qui nos redemit in victoria Ipsi perennis laus et gloria.
0922600   De sancta Helena.
0922601a  In honorem summi regis Psallant gregis novae legis Fides, spes et caritas,
0922601b  Omnis psallat sexus rite, In hoc festo vocis, vitae Nulla sit disparitas.
0922602a  Honoranda quo Helena Coeli statu jam amoena Vivit multifario,
0922602b  Adstat quippe regi data Fulgens secum coronata In vestitu vario.
0922603a  Nobilis haec a parente Utrobique praepotente Fuit Treverigena,
0922603b  Dehinc Constantinus divus, Romanorum praecipivus, Regnat Helenigena.
0922604a  Et haec vitat paganismi Fana se dans Judaismi Ritibus legalibus,
0922604b  Visis a Silvestro signis Baptizatur fide dignis Digna spiritalibus.
0922605a  Votis Christo mox arrisit Crebis necnon manum misit Haec fortis ad fortia,
0922605b  Indos, Armenos, Ibere, Teque fert ad sacra vere Fidei consortia.
0922606a  Princeps sancta visitavit Loca donis et dotavit Ea multiplicibus,
0922606b  Pallet fraus tunc Arriana Sed et Christi crescit plana Fides in fidelibus.
0922607a  Et sic sacra operatur Simul quoque contemplatur Vitam gerens geminam,
0922607b  Regi regum tanta vivit, Vita parem ut hunc scivit Nemo fore feminam.
0922608a  Vacat mater haec egenis Corde pia, verbo lenis Opereque stabilis;
0922608b  Ultro quaerit crucis lignum, Reperit, exaltat dignum Laude peramabilis.
0922609a  Reges sacra tres collegit Et Thebaeis multa egit Sacris libatoria,
0922609b  Demum carpit haec supernum Regnum regnans in aeternum Celebri memoria.
0922610a  Et benigna sic matrona Gustat, videt, ejus bona Est negotiatio;
0922610b  Faxit ergo Deus ei, Ut sit nobis requiei Perpes secum statio.
0922700   De sancta Hemma.
0922701a  Hierusalem superna, Tibi aucta est lucerna Virtutum omnium laterna In sancta Hemma clarius,
0922701b  Haec nam coelicolatum Plus quam terricolatum Dilexit incolatum, Transit hinc felicius.
0922702a  Nam fide redimita, Spe quoque fulcita, Caritate polita Triumphavit firmiter;
0922702b  Praeceptum salvtoris, Sui amatoris Sectans, hinc erroris Gazam sprevit sagaciter.
0922703a  Pauperibus donavit, Coenobia ditavit, Diversum consumnavit Opus misericordiae.
0922703b  Semet ipsam sprevit Divinis sed accrevit, Quibus inolevit Sagax cedens vecordiae.
0922704a  Gurcam illustravit, Affatim quam pavit, Ibi demum dicavit Corporis suffragium.
0922704b  Spiritum invexit Coelo, quem dilexit, Deus hinc porrexit Multis hic subsidium.
0922705a  Debiles curavit, Infirmos restauravit Plerisque flagravit Palam claris miraculis.
0922705b  O felix nunc patrona, Nobis posce bona In coelis, ne nos zona Stygis stringat jaculis.
0922706a  O gemma sublimata, Coelitus ditata, Pro nobis prece rata Stes semper apud Dominum;
0922706b  Coelestibus ut freti Tibi jungamur laeti Expertes omnis meti Vitae post hujus terminum.
0922800   De sancto Henrico.
0922801a  Laus Deo et gloria, Honor, virtus, victoria, Coelestis harmonia
0922801b  Laus ejus in tympano Choro, chordis et organo Solemnis symphonia.
0922802a  De coelo nova gratia Exorta refulget Nova laetitia:
0922802b  Spes nostra, salus, gloria Regis Heinrici Sancta memoria.
0922803a  Quo regnante justitia, Pax, religio, Regnum floruit cum sacerdotio, Ecclesia Christi gloriosa.
0922803b  O felicis imperii Rex catholicus, Pater patriae, rex apostolicus, Gemma confessorum pretiosa.
0922804a  Supra petram sapientis Aedificia Nunquam movebit Ventus, flumen, pluvia.
0922804b  Larga merces largientis Deo omnia, Nunquam accedit Fur, aerugo, tinea.
0922805a  Laetus hodie Migravit ad thronum gloriae Victa mortis molestia.
0922805b  Quem rex coelorum Cum triumpho angelorum Invexit ad coelestia.
0922806a  Haec dies, in qua inventa Margarita, Lucerna candelabro Superposita, Divina Lucent miracula.
0922806b  Haec dies, in qua gratia Sanitatis Per sacras reliquias Multis sanatis Miranda Praebet spectacula.
0922807a  Romanus Inde pontifex pius In honore Regis Eugenius Votiva innovat Natalitia.
0922807b  Precamur Voce, votis, munere, Mereamur Ut petita capere Ejus interventu Beneficia.
0922808a  Hic petentes accipiunt, Hic quaerentes inveniunt, Pulsanti aperientur Ostia.
0922808b  Hic munera gratiarum, Medicina animarum, Aeterna percipientur Gaudia.
0922809a  Ubi in aula rex aetherea Sidus novum resplendens aurea Corona capitis inclita,
0922809b  Ubi imperium immortale, Libro vitae scriptum memoriale, Laus et gloria infinita.
0922810a  Jam, pater, exaudi Insistentes nos tuae laudi, Christo regi semper reconcilia.
0922810b  De sede superna Nos respice, tege, guberna, Benedictus noster rex, in saecula.
0922900   De sancto Hieronymo.
0922901a  Corde, voce pulsa caelos, Triumphale pange melos, Militans ecclesia,
0922901b  Doctor sacer Hieronymus, Pro quo tam laete canimus, Triumphat in gloria.
0922902a  Hic vir clarus et insignis, Natus oppido Stridonis De patre Eusebio,
0922902b  Trina lingua eruditus, Est scientia repletus Cum frequenti studio.
0922903a  Dum sic legit Ciceronem, Philosophos et Platonem, Emendatur verbere,
0922903b  Cardinalis post effectus, Ad Orientem profectus Est abjecto onere.
0922904a  O quam mirae sanctitatis Culmen sed et pietatis Ascendit in eremo,
0922904b  Scorpionum et ferarum Comes factus, puellarum Vexabatur stimulo.
0922905a  Bethlehem postquam secessit, Fama viri innotescit Toto orbis tramiti,
0922905b  Leo saevus et immitis Fit domesticus et mitis Virtute Hieronymi.
0922906a  Longo aevo jam confectus, Christo regi tam acceptus Ad Deum perducitur,
0922906b  Ubi Deo quam sit gratus Quamque carus, quam dilectus, Signis claris panditur.
0922907a  Sic exutus carnis molem, Jesum videt, clarum solem, Patris unigenitum,
0922907b  Lumen vidit in lumine, Cujus vitemus numine Gehennalem gemitum.
0922908a  O interpres verbi Dei, Ad coelestis nos diei Perduc luminaria,
0922908b  Nos ad portum ex hoc fluctu, Nos ad risum ex hoc luctu Tua perduc gratia.
0923000   De sancto Hilario.
0923001   Sancti praesulis celebremus gaudia,
0923002a  Doctorem et patronum resonet vox Hilarium.
0923002b  Quem Christus pro columna erexit in ecclesia.
0923003a  Laicus ipse inter summos Galliae
0923003b  Lux erat, alter in hoc mundo lucifer.
0923004a  Lucerna Christi non latere in absconso potuit,
0923004b  Fit praesul manifestus orbi, verus cultor Domini.
0923005a  Nubem tenebrosam criminum luce fugavit dogmatum
0923005b  Et haereticorum proelia devicit armis fidei.
0923006a  Potentiam imperatoriam spernens tumidam
0923006b  Constantium arguit perditum sectis Arrii.
0923007a  Exsilium missus praesul venit Phrygiam, illuc directus ob invidiam.
0923007b  Hinc reversus roboravit cum fiducia Christi synodum in Seleucia.
0923008a  Ibi omnibus per verbum suum fides vera revelatur pleniter.
0923008b  Gaudet synodus, triumphat clerus, fugit omnis vero falsa haeresis.
0923009a  O admirandam unius oris hanc facundiam,
0923009b  Qua intonante hostium mille cadit rabies.
0923010a  Postquam pastor oves revisit proprias Pictavensi cathedra,
0923010b  Miraculis potentissimum prodidit confessorem Dominus.
0923011a  Sanctae crucis per signum fugat serpentes et mortuos fide suscitat.
0923011b  Lumen caecis et gressum claudis, leprosis uniformem dedit speciem.
0923012a  Nunc salutis auctorem Deum, ut nos omnes meritis hujus sancti confirmet, rogitemus supplices.
0923012b  Nos sacerdos et exorcista suus curet, hilaris Hilarius, et meritis nos Martinus muniat.
0923013   Sit decus trinitati perenni.
0923100   De sancto Hippolyto.
0923101a  Ad triumphalia Martyrum gaudia Surgat ecclesia,
0923101b  Cantica dulcia Canat cum gloria Coelestis curia.
0923102a  Quae cruore rubicunda, Hujus mundi moribunda Experta ludibria,
0923102b  Coelos petit laetabunda, Qua sanctorum sunt jucunda Civium consortia.
0923103a  Inter quos ut radius Solaris eximius Emicat Hippolytus,
0923103b  Quem lavat Laurentius, Torquet furens Decius, Fitque martyr inclitus.
0923104a  Ergo dulcis Christi testis, Juva reos, affer maestis Opem tuae gratiae,
0923104b  Quos peccati triplex restis Ligat, rodit, urit pestis Malae conscientiae.
0923105a  Tuis protegamur alis, Ne nos tortor gehennalis Trahat reos in exitium;
0923105b  Regem aulae virginalis Tua prece nostris malis Et peccatis fac propitium.
0923200   De sancto Jacobo.
0923201a  Auster, veni, flatu leni Perfla mentem frigescentem Peccatorum frigore,
0923201b  Lingua torpens relaxetur Laus patrono triplex detur Corde, verbo, opere.
0923202a  Hic secretae visionis Et transfigurationis Dum meretur gratiam,
0923202b  Intus totus inflammatus Visa verbis protestatus Invitat ad gloriam.
0923203a  Natus iste Zebedaei Destinatus nutu Dei Transivit Samariam,
0923203b  Verbum vitae praedicando, Dicta signis confirmando Per eorum copiam.
0923204a  Caecis visum, claudis gressum Reddit, solvit et possessum Adductum per daemonem;
0923204b  Mortuos resuscitando Et Philetum liberando Convertit Hermogenem.
0923205a  Hac virtute vir tam magnus Est per funem mitis agnus Ductus ad martyrium,
0923205b  In hoc sanat decumbentem Et baptizat se ducentem Passionis socium.
0923206a  Tandem martyr decollatur, Corpus raptum clam portatur Per mare Galitiam.
0923206b  Insequentes submerguntur Et ducentes proteguntur Per dei clementiam.
0923207a  Sicut vivus sublimatus, Sic post mortem est probatus Corruscans miraculis,
0923207b  Nam, Calixtus ut testatur, Cor contriti non celatur, Scriptum delet sceleris.
0923208a  Infecundam fecundavit Et viginti liberavit, Fido reddit spiritum,
0923208b  Peregrinum conservavit, Dum suspensum animavit Patri reddens filium.
0923209a  Decollandus adjuvatur, Fesso pie suffragatur, Reficit famelicum,
0923209b  Tacti plaga festum colunt, Quod servare primum nolunt Lotus, pistor, rusticus.
0923210a  Audi, pater, implorantes Nomen tuum collaudantes Corde, voce supplices;
0923210b  In hoc mundo fluctuantes Fide, voto remigantes Nos supernis applices.
0923300   De sancto Jacobo.
0923301a  Christus Jacobum vocavit Et Johannem, quos amavit, Et germanos appellavit Filios tonitrui;
0923301b  Jesum Jacobus cum fratre Sequitur relicto patre, Petens mediante matre Rerum sede perfrui.
0923302a  Calix illi praemonstratur, Per quem passio signatur, Jacobo, qui primum datur Ab Herode reprobo;
0923302b  Dum puella suscitatur, Christus dum transfiguratur, Dum clam pater invocatur, Fit praesente Jacobo.
0923303a  Intromissus hic ad ista Fratre cum evangelista Christi martyr et symmista Bis sex e discipulis.
0923303b  Ergo ex apostolorum Protomartyr nos suorum Solvat ope meritorum A culpae decipulis.
0923400   De sancto Jacobo.
0923401a  Coelum verbo confirmatum Verbum narrat incarnatum, Verbi quoque gloriam;
0923401b  Hoc in verbo coelum tonat, Nubes currunt, ignis donat Spiritalem gratiam.
0923402a  Rorat aether, terra mater Profert germen, mundi crimen Quo deletur coelitus;
0923402b  Mundi flore desiccato Flos de virga prodit, homo De Maria genitus.
0923403a  Instar nubis spiritalis Cadit imber specialis, Jacobus quo maduit;
0923403b  Sicut vellus Gedeonis Concham replet gutta roris, Israel refloruit.
0923404a  Turtur sonat, vox auditur, Credunt gentes, baptizantur, Humectatur area,
0923404b  Turris David exaltatur, Quo Damascus expugnatur Ventilatur palea.
0923405a  Templum veri Salomonis Bases tenent cum columnis Architecti studio;
0923405b  Hoc in templo citharista Dacid canit et sophista Jacobus cum gaudio.
0923406a  Hic Phileti vincla solvit Et phalangas propulsavit Acherontis putei;
0923406b  Hermogenem seductorem Christo sacrat et cultorem Verae facit fidei.
0923407a  Profert imbrem scripturarum, Lepram curat animarum Medicante gratia;
0923407b  Ut columba carens felle Dulciora gerit melle Cordis penetralia.
0923408a  Hunc Herodes infidelis Ensis truncat et crudelis Perimit saevitia;
0923408b  Cum Josia pharisaeo Reddens vota summo Deo Deserit terrestria.
0923409a  Pacem donat hinc recedens Summae pacis dona fernes, Digna vitae praemio;
0923409b  Clarum sidus firmamenti, Tempestatem elementi Tuo placa radio.
0923410a  Vero soli sociatus Et in coelo collocatus Luce sub continua
0923410b  Ora regem, suum gregem Ne relinquat sed perducat Ad aeterna pascua.
0923500   De sancto Jacobo.
0923501a  Tonitrui vox in rota Jacobus, qui fide tota Tibi solvit pia vota, Jesu, rector coelice.
0923501b  Vocis tuae sono crevit, Luxum carnis pro te sprevit, Suave jugum ferre suevit Legis evangelicae.
0923502a  Nubes currit pluviosa, Sata spargit fructuosa, Monstra fugat tortuosa Baal per Samariam.
0923502b  Hermogenem cum Phileto Fidem docet ore laeto, Pacem spondet hoste spreto Damnans idolatriam.
0923503a  Ad fenestram evolavit Ut columba, dum rogavit Dextrae sessum, sed formavit Illum tua ratio
0923503b  Ad gustandum mortis merum; Te cognovit Deum verum, Dum coelestum probat herum Te transfiguratio.
0923504a  Fonte sacro te sudantem, Vultum patris implorantem, Cruce vidit triumphantem Pietatis facie.
0923504b  Sub Herode demum captus Et ad poenam mortis raptus, Vitam finit sanctis aptus A mucronis acie.
0923505a  Ergo martyr et patrone, Odor agri pleni bone, Gregem tuum Christo pone Collaetari jugiter.
0923505b  Vitae sequens non turbetur, Tibi psallens consoletur, In te sperans coronetur Cum justis sublimiter.
0923600   De ss. Ingenuino et Albuino.
0923601a  Innoventur hac in die Soni dulcis symphoniae Ad festiva gaudia,
0923601b  Et in laude confessorum Vox erumpat, laeta quorum Subest jam memoria.
0923602a  Vinea apostolica Cura sub oeconomica Horum est propagata.
0923602b  Quae fructum dans uberius Flores effudit latius Impribus his rigata.
0923603a  Quorum hausit ex doctrina Mundus mel et lac divina Procurante gratia,
0923603b  Quae sermones inspiravit Et eosdem roboravit Per signa sequentia.
0923604a  Sic suscitato multo germine Sparso fideliter ex semine Verbi evangelici
0923604b  Angelorum nacti consortium Supernorum cives sunt civium Ac Dei domestici.
0923605a  Exsultet polus His pollens sideribus, Applaudat tellus Cunctis cum fidelibus Et tu, Brixina felix, ex gratia multifaria
0923605b  Sanctis ditata Praesulum corporibus, Irradiata Lucernis coelestibus Gaude et lauda Deum, a quo gaudii materia.
0923606a  In sanandis et sanatis Debilibus sanctitatis Merita declarantur,
0923606b  Nam morbosi mente pura Supplicantes his pro cura Mirifice sanantur.
0923607a  Vos igitur Dei confessores, Gemmae coeli, paradisi flores, Ab aegrotis animae languores Perpetuos effugate,
0923607b  De terra peregrinationis Et a convalle plorationis Nos in montem exsultationis Vestra prece sublevate.
0923608   Praestet nobis hoc divina majestas, Cui sit gloria, laus et potestas, Ut nos summa decoret honestas, O domini, exorate.
0923700   De sanctis Innocentibus.
0923701a  Dies haec nos admonet, Vox ut nostra resonet Laudes in laetitia,
0923701b  Clerus et plebs laica Pariter dominica Canant beneficia.
0923702a  Qui lactentes pueros, Ab Herodis laceros Perfidi saevitia,
0923702b  De lacu miseriae Captos loca gloriae Tulit ad felicia.
0923703a  Coetus innocentium Ductus est ad gaudium Raptus a tristitia,
0923703b  Ad coelus ab inferis, Ad risum a lacrimis, Ad jus a malitia.
0923704a  Raptus ab hoc carcere Triumphat in aethere Coeli cum militia,
0923704b  Verae vitae gloria Post haec transitoria Fruuntur supplicia.
0923705a  O vere pueruli, Quos non hujus seculi Deturparunt vitia,
0923705b  Sed nec lingua nocuit, Quibus nondum adfuit Sermonis peritia.
0923706a  Mercedem obtinuit, Coeli sedem meruit Sanguis et munditia;
0923706b  Igitur stupescimus, Quoties recolimus Haec Dei judicia.
0923707a  Quem precamur humiles, Ut defendat fragiles Hostis a nequitia
0923707b  Martyrum suffragio, Quorum nostra concio Colit natalitia,
0923708   A malo nos eruat, Aeterna nos induat Cum sanctis justitia.
0923800   De sancto Joachim.
0923801a  Concinamus in hac die Patri virginis Mariae Felici cum memoria,
0923801b  Ortum ejus de regali Stirpe atque prophetali Vetus promit historia.
0923802a  Ave, pater gloriose, Semper vivens virtuose Dono summae deitatis,
0923802b  Coeli gaudet tua prole, Magis pulchra poli sole Ope sanctae Trinitatis.
0923803a  Hic est, de cujus germine Natus est sine semine Rex regum omnis gloriae.
0923803b  Hierarchia hunc coelestis Laudet semper et terrestis Propter amorem filiae.
0923804a  Maria, cum sancto patre Et Anna dilecta matre Nobis implora veniam,
0923804b  Ut vitiis expurgati Virtutibusque ornati Puri scandamus patriam.
0923805a  Salve, consors angelorum Civiumque supernorum Ut stella clara rutilans,
0923805b  Gaude splendor electorum, Nobis esto norma morum Deo nos reconcilians.
0923806a  Vale, pater egregie, Placato rege gloriae In hac valle miseriae
0923806b  Praeclara Dei facie Da perfrui in requie Sanctorum summae curiae.
0923807a  O pater reginae caeli, Nos tibi mente fideli Laudes reddimus debitas,
0923807b  Ut hostes nostros vincamus Erroresque fugiamus, Sit in omnibus unitas.
0923900   De s. Johanne Baptista.
0923901a  Jubilemus in hac die, Qua Baptistae Christi pie Colitur memoria,
0923901b  Qua vox verbi syncopatur, Mundi splendor obumbratur, Morte transitoria.
0923902a  Qui de coelo nuntiatur, Nasciturus praemonstratur Gabriele nuntio,
0923902b  Vix formatus exsultavit, Jesu contripudiavit Clausus adhuc utero.
0923903a  Mox in lucem genitus, Clausam patri penitus Linguam reseravit,
0923903b  Quem virtutum fasciis Jam perplenum gratiis Maria ligavit.
0923904a  Hic est verus eremita, Cibo, potu, veste, vita, Meritorum titulis;
0923904b  Virgo, martyr et propheta Transit omnes sine meta Praemiorum cumulis.
0923905a  Audi verbum Christi verum: Inter natos mulierum Nullus major exstitit,
0923905b  Ortu, vita, verbo, morte, Gratiarum dispar sorte Sanctior effloruit.
0923906a  Felix, per quem gratia, Virtus et justitia, Mundo praedicatur,
0923906b  Lavat ad munditiam, Cum ad poenitentiam Populos hortatur.
0923907a  Ab Herode post vincitur, Virtus mundi compeditur Taetro clausa carcere,
0923907b  Vas sacratum profanatur, Caput sanctum amputatur Trucis ferri verbere.
0923908a  Transit morte pretiosa Candens lilium et rosa Rubens vir angelicus,
0923908b  Parte sui meliore Viget regnans in decore Vates evangelicus.
0923909a  Laudes ergo dominico Baptistae dulci cantico Vox amoena
0923909b  Canat, ut vitet devia Ducis sequens vestigia Mens serena.
0923910a  Et tu, clara, lux, dux bone, Johannes, dulcis patrone, Spes piarum mentium,
0923910b  Te colentes, te sequentes Duc, conduc, perduc gaudentes In terram viventium.
0924000   De s. Johanne Baptista.
0924001a  Elisabeth Zachariae Magnum virum in hac die Gloriosa genuit,
0924001b  Qui, virtutum vas sincerum, Inter natos mulierum Principatum tenuit.
0924002a  Nondum natus sensit regem Nasciturum juxta legem Sine viri semine,
0924002b  Deum sensit in hac luce Tamquam nucleum in nuce Conditum in virgine.
0924003a  Quam beatus puer natus Salvatoris agelus,
0924003b  Incarnati nobis dati Verbi vox et bajulus.
0924004a  Non praecedit fructus florem, Sed flos fructum, juxta morem Agri pleni dans adorem Mentibus fidelium;
0924004b  Viam parat et ostendit, Ubi pedem non offendit, Qui per fidem comprehendit Verum Dei filium.
0924005a  Lege vitae sub angusta Mel silvestre cum locusta Cibum non abhorruit,
0924005b  Camelorum tectus pilis In deserto quam exilis, Quam bonus apparuit.
0924006a  Verba sunt evangelistae: Lux non erat, inquit, iste Sed ut daret tibi, Christe, Lucis testimonium;
0924006b  Lux non erat sed lucerna Monstrans iter ad superna, Quibus suum pax aeterna Pollicetur gaudium.
0924007a  Contemplemur omnes istum, Quem sperabat turba Christum Stupens ad prodigia,
0924007b  Qui cervicem non erexit Nec se dignum intellexit Domini corrigia.
0924008a  A suo tempore Divino munere Coeleum vim patitur Et violentiae Cum poenitentiae Fructu conceditur Gratis, non merito.
0924008b  Quem vates ceteri Sub lege veteri Canunt in tenebris, In carne Dominum, Figuris terminum, Propheta celebris Ostendit digito.
0924009a  O quam sanctum, quam praeclarum, Qui viventium aquarum Fontem, Christum baptizavit Et lavantem cuncta lavit In Jordanis flumine.
0924009b  Ab offensis lava, Christe, Praecursoris et baptistae Natalitia colentes Et exaudi nos gementes In hac solitudine.
0924010a  Post arentem et australem Terram animae dotalem Petimus irriguam,
0924010b  Ut manipulos portantes Veniamus exsultantes Pacem ad perpetuam.
0924100   De s. Johanne Baptista.
0924101a  Fulgore perenni ecce rutilat dies ista saeculo donans gaudia,
0924101b  Lucerna Johannes coeli perlustrat rem publicam, splendibus Christi gloria.
0924102a  Praecellit patriarchas nec non et prophetas,
0924102b  Angelis consimilis dignitate summa.
0924103a  O plus quam propheta, gemma sanctorum clara, paradisi diadema, mundi stella Et lampas splendiflua.
0924103b  Victrici cum palma sublimatus exsultas inter choros angelorum, cernens altam Deitatis usiam.
0924104a  Tu saeculi dominum Jordanis in fluenta
0924104b  Meruisti tingere, o Johannes baptista.
0924105a  Tam benigna tam gloriosa meritorum obtines insignia.
0924105b  Quis sanctorum hac promeruit sublimari honoris potentia?
0924106a  Fideles, jam psallite laudibus dantes clara gaudia.
0924106b  Devotis obsequiis colite modo haec solemnia
0924107a  Praecursoris inclita. Rex regum, semper summa potestas, Sit virtus, laus, gloria,
0924107b  Qui gubernas omnia. Jam nostra clemens vota fac tibi dignissima Johannis per merita.
0924108a  Amore flagranti nostras mentes irradia,
0924108b  Concedens beata nobis indignis gaudia.
0924109a  Ut tibi melos cantemus laude perpetua,
0924109b  Quo tecum semper regnemus laeti per saecula.
0924110   Amen vox sonet nostra.
0924200   De s. Johanne Baptista.
0924201a  Christi baptista permaxima mundi dona
0924201b  Natali suo accumulat gaudiis celebranda.
0924202a  Sterilem matrem reddens fecundam,
0924202b  Patris et linguae solvens vincula.
0924203a  Sanctorum merita et supernorum cuncta
0924203b  Qui solus indicat nomine et gloria.
0924204a  Quem nondum viscera materna profuderant,
0924204b  Christum in utero virginali senserat.
0924205a  Archangelus, angelus, patriarcha,
0924205b  Vates, propheta et plus quam propheta.
0924206a  Vox, index et praeco, sacerdos, praecursor et baptista,
0924206b  Nec non apostolus, eremi cultor, anachoreta.
0924207a  Sponsi ad gaudia collaetabundus amicus, vota votis ingeminans pia,
0924207b  Evangelistaque virgo, confessor et paranymphus, ardens lucensque lucerna.
0924208a  Et virtutum schola sanctitatisque forma,
0924208b  Poenitentum via, peccatorum venia.
0924209a  Ideoque voce major ex dominica
0924209b  Stirpe progenitus exstat de feminea
0924210   Johannes auctus in cuncta.
0924300   In Nativitate s. Johannis B.
0924301   Exsulta coelum et laetare terra Christique turma
0924302a  Praecursoris alma solemnizans haec festa,
0924302b  Voce Christi sancta est qui mundi lucerna.
0924303a  Cujus nativitas est orta praecipua die ista,
0924303b  Ampla mundi regna luce magna radians universa.
0924304a  Harmonica melodia concrepa, palinodiam canta voce laetabunda
0924304b  Et jubila clarisona proclama, qualiter in hac die sit natus baptista.
0924305a  Adstans ab alta angelus aula ait: ne pertimescas, Zacharia.
0924305b  Anima sacra placens in aethra, est proles ob hoc data tibi grata.
0924306a  Per quam maxima tibi gaudia venient summa et tripudia atque multa gaudebit jucunda populi turma Christiana.
0924306b  Hunc gratuita Dei gratia Johannem plenum certe nomina, suum quia auctorem materna sentiet intra clausus antra.
0924307a  Zacharia ad haec nuntia gestante pectora incredula,
0924307b  Fiunt muta statim labia, organa clauduntur loquacia.
0924308a  Sed hac sancta splendente hymera coelo magna at dante lumina,
0924308b  Mater alma per angeli verba adest laeta, fecunda, florida.
0924309a  O mira, magna gratiosa Dei munera.
0924309b  Quae lingua tanta explicare valet gaudia?
0924310a  Mater infecunda jam fecunda gerit viscera,
0924310b  Patris ante muta nunc aperta pandunt labia
0924311a  Johannis natalitia. Adest ergo magna illa mundi lampas splendida
0924311b  Quae est ante saecla Christo praeparata consona Davidica melodia.
0924312a  Familia unde maxima sumit ac jungit gaudiis gaudia.
0924312b  Propterea, o ecclesia, in toto orbe terrarum posita,
0924313a  Offer praeconia Christo et munera
0924313b  Dicens: o Johannes, praemissa lucerna,
0924314   Intercessor pro nobis omnibus sic in saecula.
0924400   In Nativitate s. Johannis B.
0924401   Adest dies recolenda Dulci melo prosequenda, Dulci digna carmine;
0924402a  Lux est ista, quam baptista Ornat natus, immo datus Novo patris ordine.
0924402b  Ante sanctus, quam nascatur, Quis Johannes habeatur Suo signans nomine.
0924403a  Nam lux luce de paterna Praedicatur ac lucerna Subsequente gratia.
0924403b  Zacharias rogat attentius, Cum fidelis revelat nuntius, Divina mysteria.
0924404a  Orat vates et moratur, Moram vatis admiratur Foris adstans populus;
0924404b  Vatis inquam dubii, Qui de tanti filii Ortu fit incredulus.
0924405a  Stupor transit in immensum, Dum sacerdos post incensum, Vocis carens modulo
0924405b  Ab altari mutus redit Et pro voce signum dedit Exspectanti populo.
0924406a  Sed electus et dilectus Puer ista tua, Christe, Declarat magnalia,
0924406b  Relaxatur ut loquatur Lingua patris atque matris Delentur opprobria.
0924407a  Iste puer Zachariae Juxta carmen Isaiae Vox clamantis dicitur,
0924407b  Ut paretur via recta, Quam sectetur plebs perfecta, Ante verbum mittitur.
0924408a  Antra petit vir beatus, Cibi fuit apparatus Sub aetate tenera
0924408b  Mel locustis sociatum, Aqua sit munus gratum, Vestis quidem aspera.
0924409a  Nullus major hoc Johanne Magnus hic qui et in amne Tinxit coeli Dominum;
0924409b  De quo scimus manifeste, Quod praecellit Deo teste Natos inter hominum.
0924410a  Hic Messias vel Elias Ne credatur, se testatur Messiam praecedere;
0924410b  Concurrentes ad se gentes Illi parat, quem declarat Se minuto crescere.
0924411a  Iste martyr et athleta, Plus exsistens quam propheta, Protestatur adimpleta Prophetarum famina;
0924411b  Quod velabant res promissae, Totum monstrat patuisse Sed et regnum advenisse Ad tollendum crimina.
0924412a  Per praeconem novi regis Terminatur jugum legis Et ad votum novi gregis Nova patet gratia.
0924412b  Ergo puer nati Dei, Fac ut gentes et Judaei Unum fiant atque rei Subleventur venia.
0924413a  Tuam laudem prosequentes Et in ea permanentes Fac erutos vetustate Nova frui libertate Et privari macula.
0924413b  Quos in mundo scis gravari Fac mundana non sectari, Ut in luce singulari Tecum possint gratulari Per aeterna saecula.
0924500   In Decollatione s. Johannis B.
0924501a  Salvatori jubiletur In laude sui praevii,
0924501b  Cujus meta non habetur Sed nec caput imperii.
0924502a  Quam occulta judicia, Quam operta consilia Dei, nulli patentia,
0924502b  Qui carnis post exitia Digna rependit praemia Sola vocatis gratia.
0924503a  Herodes, dira bestia, Johannem, vitae speculum, Herrendo clausit carcere,
0924503b  Sed et voce nefaria Post dierum curriculum Miro damnavit scelere.
0924504a  Via vitae, schola morum, Dum causatur impudici Herodis adulterium,
0924504b  Medicina peccatorum Reprobandae meretrici Deportatur in praemium.
0924505a  Nimirum silent organa, Obmutescunt et tympana, Dum spiculator mittitur;
0924505b  Mensa migrat in caveam, Dum ad vocem femineam Caput justi producitur.
0924506a  Sanctus ergo decollatur Et ipsius caput datur Saltatrici.
0924506b  Res in luctum commutatur, Dum praeceptum consummator Impudici.
0924507a  Luctu finitur gaudium Et regale convivium Cedit in homicidium;
0924507b  Sola gaudet adultera, Dum tristatur plebs cetera Propter oblata munera.
0924508a  Regem ergo detestemur Et praeconem veneremur Veritatis,
0924508b  Ut quos moles mundi urget, Votis levet et expurget, A peccatis.
0924600   De s. Johanne Eleemosynario.
0924601a  Fervore devotionis Celebremus eleimonis Johannis praeconia,
0924601b  Vita cujus est insignis, Qui refulget miris signis Nunc in Alexandria.
0924602a  Puer clara stirpe natus Et prae cunctis adamatus Mittitur ad studia,
0924602b  Litterarum Christo duce In aetatis prima luce Didicit primordia.
0924603a  Licet aevo juvenili, Sensu tamen jam virili, Coepit enitescere
0924603b  Cultor summae probitatis, Amor hinc virginitatis In vita florescere.
0924604a  Cui virtute sic pollenti In vestitu praefulgenti Per somnum apparuit
0924604b  Virgo mater salvatoris, Ut se amet omnibus in horis, Puerum ordinavit.
0924605a  Visione animatur, Sertum ejus contemplatur Consertum ex olea,
0924605b  Coepit inde pietatis Et internae puritatis Se vestire trabea.
0924606a  Dum in virum evasisset, In Aegypto claruisset Ejus fama populo,
0924606b  Patriarcha designatur, Alexandriam vocatur, Praesit justo titulo.
0924607a  Cleri decus et corona Largiendo cuncta bona Piis in operibus,
0924607b  Ecclesiae de thesauro Nec aeri parcit nec auro Donando pauperibus.
0924608a  Distributor liberalis Sensit nunquam pater talis Defectum pecuniae,
0924608b  Sed quo magis erogabat, Auro magis abundabat Dono Dei gratiae.
0924609a  Patrem pium objurgavit, Aurum ejus confiscavit Niceta patricius,
0924609b  Pietate deterretur, Patri scelus confitetur, Reddit aes celerius.
0924610a  Multa fecit facta mira, Quem nec unquam lingua dira Conturbavit ulla ira Aut impatientia,
0924610b  Offensorem in petendo Prior reconciliando, Fuit pater in amando Et misericordia.
0924611a  Salve, pater orphanorum, Consolator egenorum, Audi vota privatorum Humano praesidio;
0924611b  Mundo toto veneratus, Nostros absolve reatus, Coetus noster sit tutatus Ex tuo suffragio.
0924612a  Bone pastor, hostes tere, Tuae plebi miserere, Quos vis premit gentis ferae, Bona pacis fac videre In praesenti saeculo;
0924612b  Tibi pia vota damus, Nunc assiste, te rogamus, Nos tuendo, ne perdamus Vitae bona, quae optamus Advenire sedulo.
0924700   De s. Johanne Evangelista.
0924701a  Virgo mater ecclesia Decantet in laetitia Sempiternum Alleluja,
0924701b  Quae virtutum plantaria Mittit colente gratia Ad coelorum palatia.
0924702a  Et redolet mirifica Regis sui praesentia Sicut cella vinaria,
0924702b  Est et domus eburnea, In qua delectant varia Myrra, gutta et casia.
0924703a  O quam beata patria, In qua vera justitia Justa partitur praemia,
0924703b  Et ne fiat invidia, Pro quavis indigentia Omnibus donat omnia.
0924704a  Felix sponsa, felices nuptiae, Quibus nullae desunt deliciae, Quibus Deus est copia.
0924704b  Ibi nihil adest tristitiae, Ibi nihil abest laetitiae, Ibi nulla inopia.
0924705a  Hic qui possit reprobari Nullus potest epulari, Nam hos admittit gratia,
0924705b  Qui et veste nuptiali Et amore filiali Ornant sua cubilia.
0924706a  Non est opus hic speculo Nec lippiente oculo, Rachel regnat, cedit Lia;
0924706b  Non est locus hic profanis, Transvadatus est Jordanis, Ecce promissa patria.
0924707a  Hic incircumscriptum lumen, Hic est aquae vivae flumen, Hic est agnus pro lucerna;
0924707b  Hic est panis angelorum, Hic affectus beatorum Et haec cuncta sunt aeterna.
0924708a  Hic est, fili Zebedaei, Quod quaerebas, regnum Dei, Hic est majestas regia;
0924708b  Ibi sedens non exaudi Assistentes tuae laudi Et propulsato vitia.
0924709   Fac, patrone, quod precamur, Ut cantare mereamur In aeterna laetitita.
0924800   De s. Johanne Evangelista.
0924801a  Dies ista, quae sacrata producit solemnia,
0924801b  Dat mirari, dat laetari De Johannis gloria.
0924802a  Hic electus et dilectus Dei secretarius
0924802b  Est probatus et vocatus Tonitrui filius.
0924803a  Amor prolis, tutor matris, Coeli praepes aquila, Nube verbi tonat orbi Scripturarum flumina.
0924803b  Hic magistri sui Christi Aemulans vestigia Se devovit et removit A dote uxoria.
0924804a  Illibatus incorruptus A pudoris macula,
0924804b  Penetravit et profudit Divina oracula.
0924805a  Supra pectus reclinatus Deitatis conscium, Epotavit, eructavit Omne, quod est mysticum.
0924805b  Matri Jesu ejus jussu Subrogatus assecla Mente prona illi cura Successit vicaria.
0924806a  Vidit Roma, quod sub multa Senatus frequentia Virginali cessit carni Flamma oleagina, Relegato et damnato Non est exsul gratia.
0924806b  Patent astra et operta Visuntur mysteria, Pace data plaudit tota Redeunti Asia, Rediviva spirant vita Ephebus et vidua.
0924807a  Virus haustum et signatum Nihil turbat viscera,
0924807b  Quo exstincti surgunt bini Medicante tunica.
0924808a  Frondes fulvo ludunt auro Flavescit et glarea, Rident saxa investita Claritate gemmica.
0924808b  Mox confectum sacrum corpus Aetate decrepita, Videt Christum suspiratum Vocantem ad gaudia:
0924809a  Midilecte, tempus ecce, Veni ad convivia,
0924809b  Epulare, o mi care, In coelesti curia.
0924810a  Ille libens, ille vivens Se locat in fovea, Et non mora, ipsa hora Carnem exit anima.
0924810b  O symmista, o conviva Viventis in saecula, Pro devotis ora servis, Ut donetur venia.
0924900   De s. Johanne Evangelista.
0924901   O rex summe,
0924902a  A quo bonitas, lux et felicitas et bona manant omnia,
0924902b  A quo tempora et cuncta saecula certa capiunt spatia.
0924903a  Adsis precibus, quas tibi sonat plebs tua exsultans in te, sancta Dei caritas, et per te tibi jubilans placita.
0924903b  Unde merito petimus, nobis adfore virginalem ac almum evangelistam Johannem hac solemnitate clara.
0924904a  Qui te in excelsis habitantem contemplans et ut aquila soli defigens lumina,
0924904b  Et sic inaudita saeculo praeconia tua salutari debriatus gratia
0924905a  Mortalibus effuderat. Hinc ergo tuam, aeterne Deus, misericordiam Precamur, ut hanc quam ille Viam nobis ostenderat,
0924905b  Et mente pura et fide pia sequamur ac tibi beneplacita; ut ejus precibus cernere tuam Jam mereamur patriam.
0924906   Ibi semper laus, honor et claritas, pax et omnis gloria.
0925000   De s. Johanne Evangelista.
0925001a  Psallat chorus voce clara Sed nec laudis vox sit rara,
0925001b  Plebs, quae cantus est ignara, Sit in prece non avara.
0925002a  Chorda cordis sit intensa, Ad amorem mens accensa,
0925002b  Tanti festi laus immensa Omni major est impensa.
0925003a  Rerum bina bis natura Sua servat in se jura,
0925003b  Consors tamen ex junctura Sua plaudat in mensura.
0925004a  Montes, campi, silvae, rura Et aquarum fons clausura,
0925004b  Quaeque vivunt in his, pura Laudet Deum creatura.
0925005a  Jucundemur ergo, quia Dies digna melodia,
0925005b  Digna dies harmonia Sit haec dies laudis scia.
0925006a  Nunquam dies sit obscura Neque praesens nec futura,
0925006b  Qua coluntur sancti festa, Per quem lux est manifesta.
0925007a  O vox dulcis et sincera, Erat verbum et lux vera,
0925007b  Iste novus cithrarista Non discordat a psalmista.
0925008a  Hic Johannes scribens ista Non est idem qui baptista;
0925008b  Ille quasi minus certa, Iste promit plus aperta.
0925009a  Ille fuit vitae via, Iste verbi symphonia;
0925009b  Ille magis quam propheta, Coeli vidit hic secreta.
0925010a  Hic de fontis vitae vena Debriatus est in coena,
0925010b  Huic in cruce pendens vita Dum adstaret inquit ita:
0925011a  Frater, ecce mater tua, Tunc accepit hanc in sua;
0925011b  Casto castae datur cura Castitatis pro censura.
0925100   De s. Johanne Evangelista.
0925101a  Scriba doctus verbi Dei, Anni praeco jubilaei Dignus est tripudio,
0925101b  Summae civis civitatis, Indagator trinitatis Tonat in principio.
0925102a  Hic a Christo praedilectus, Cujus cubans supra pectus Convivat feliciter,
0925102b  Nectar haurit salutare, De quo possit propinare Mundo multipliciter.
0925103a  Litans se pro nobis patri, Hunc commendat Jesus matri Et matrem discipulo,
0925103b  Vincit virus et liquoris Aestum fert expers doloris Exit de periculo.
0925104a  Loco saxi gemma viget Et virgultum auro riget Johannis imperio,
0925104b  Rimatur secreta caeli, Succedit Ezechieli Concors contemplatio.
0925105a  Ad confratres invitaris, Cum quibus nunc epularis In Christi convivio,
0925105b  O Johannes, Christi care, Fac nos illuc transmigare Tuo patrocinio.
0925200   De s. Johanne Evangelista.
0925201a  Exortum lux lumen in tenebris Luxit, fluxit de coeli latebris Johannis praeconio Rectos replens radio.
0925201b  Radiante sole justitiae Solis dolis semotis veniae Vena cunctis oritur, Verbum vitae panditur.
0925202a  Contemplator hoc videns coelicus Inspiratur, datur exstaticus Visus, nisus et evangelicus Fax amoris.
0925202b  Signa libri signati reperit, Victor mortis fortis huic aperit, Plaudit genti flenti, quod suggerit Rex honoris.
0925203a  Judicantis tremendam faciem, Senum vultus, ultus maneriem, Signatorum sanctorum aciem Perlustravit.
0925203b  Occulatum sedis circuitum, Animatum cantum et aditum, Quod vincentem mentem absconditum Manna pavit.
0925204a  Avis alta volatu nesciens, Metam fetam praedam recipiens, Aptam raptam divisit nutriens Christo gratos.
0925204b  Grandis alis perlustrat Asiam, Quaerit, serit pacem et gratiam, Tegit, regit pennis ecclesiam Et renatos.
0925205a  Flagellatur corpus virgineum, Cruce duce fert fervens oleum, Inquinatum latum veneneum Potum vicit.
0925205b  Praeservatum culpae contagio Sic mansurum purum dat ratio, Fratrum amans famans testatio Hoc praedicit.
0925206a  Qui coelorum thronis conjungeris, Agni bysso stolatus uteris, Coenam agni confer, qua frueris, Praegustatam.
0925206b  Ergo visa secreta resera, Ad cubile cum sponsa propera, Sponsam sponso traduc, confoedera Copulatam.
0925300   De s. Johanne Evangelista.
0925301   Gaude, pater patriae,
0925302a  Aemulator latriae, Speculator gloriae, Johannes.
0925302b  Gaude, quia regio Fulges privilegio, Johannes.
0925303a  Gaude, quem in pectore Divo Christus nectare Potu soporavit, Johannes.
0925303b  Gaude, cui Dominus, Cruce pendens cominus, Matrem commendavit, Johannes.
0925304a  Gaude, quem oraculo Christus vocat patulo, Johannes.
0925304b  Gaude coeli solio Fruens Dei filio Johannes.
0925305a  Audi clerum Te sincerum Flagitantem cantico, O Johannes.
0925305b  Ut nos mundans Et fecundans Suo jungat gaudio, O Johannes.
0925400   De s. Johanne Evangelista.
0925401a  Illustrata luce prima, Lux illustrans orbis ima, Johannes, fax luminis,
0925401b  Lux illustra nos opima, Carus dele vetus zima, Zelus summi numinis.
0925402a  Supra pectus Jesu Christi Praedilectus quievisti, Sacrum evangelium
0925402b  Praedilectus tu suxisti, Mundum rectus refecisti, Virginale lilium.
0925403a  Tu Drusianam mortuam, Dilectricem perspicuam, Ad vitam revocasti
0925403b  Bibens potum letiferum Non passus es periculum, Defunctos suscitasti.
0925404a  Silvestres virgas frondium Et lapides in pretium Auri prece mutasti,
0925404b  Dura saxa littorea, In frusta gemmas aurea In formam renovasti.
0925405a  Miro modo te zelavit, Cui matrem commendavit Christus cruce positus,
0925405b  Diens: Ecce mater tua, Cruentata carne sua Saevae morti traditus.
0925406a  Te Johannem visitat Et te Christus convocat Bravium sumpturum,
0925406b  Tu speluncam praeparas, In qua nudum te locas Coelo regnaturum.
0925407a  Per hunc, Jesu, nos corona, Dulcis, mitis, nobis dona Paradisi gaudium;
0925407b  Et tu, virgo, mater bona, Lux coelorum et matrona, Placa tuum filium.
0925500   De s. Johanne Evangelista.
0925501   Splendet lux clara polorum et lampas ardentissima,
0925502a  Johannes almus evangelista,
0925502b  Apostolus plenus gratia.
0925503a  Virgo electus a Domino omnia ante saecula,
0925503b  Supra recumbens pectus Domini dulcia potens mellea,
0925504a  Aquilae more volans supra agmina coelo digna
0925504b  Depromsit vivificum illud propalans voce mira:
0925505a  In principio est principium Deus-verbum,
0925505b  Per quod omnia sunt salvificia coelo, terra.
0925506a  De cujus tu sacrario, sancte Johannes, jam superna
0925506b  Exposce jam nobis dona electorumque contubernia.
0925507a  Cum quibus tecum cantemus nova cantica
0925507b  Et perfruamur trinitate paradoxa,
0925508   In qua Deus est omnibus omnia.
0925600   In s. Johannis ante portam.
0925601   Vitis verae palmes verus, O Johannes, et procerus Summi verbi nuntius,
0925602a  Fluctuantes in peccatis Tuae mirae sanctitatis Interventum quaerimus,
0925602b  A reatu, quo tenemur, Tuae prece ut mundemur, Et devote petimus.
0925603a  Praeclectus Supra pectus Qui recumbens Domini,
0925603b  Meruisti Jesu Christi Documentis imbui.
0925604a  Unde jubar solis veri Tibi datur intueri Penetratis nubibus,
0925604b  Cujus namque coelibatus Ultra coelos est levatus Pennatis virtutibus.
0925605a  Hinc figuram aquilae Gerens admirabile Et inenarrabile
0925605b  Verbum patris reperis, Dilectus prae ceteris Illico apostolis.
0925606a  Inauditum ergo illud saeculis
0925606b  Signis multis et doctrinis adstruis.
0925607a  Veneni poculum Hauris innocuum Divino munere,
0925607b  Missum in dolium Te fervens oleum Veretur laedere.
0925608a  De te Christus illud vere Dixit: volo sic manere Eum, donec veniam;
0925608b  Volens ibi mitigare Poenam tantum, non vitare Mortem cunctis debitam.
0925609a  Longum tandem post exsilium Invitaris ad convivium Supernorum civium.
0925609b  Inde nobis Dei filium Placa tuum per eximium, Precamur, suffragium.
0925610   Ut in fine hujus vitae Sentiamus tuum mite Et pium adjuvamen. Omnes dicant: fiat, Amen.
0925700   De sancto Josepho.
0925701a  Sanctum Christi nutritorem Veneremur ob honorem Talis ministerii,
0925701b  Huic Maria desponsatur, Ne diabolo prodatur Ratio mysterii.
0925702a  Sponsa Gabrielis ore Salutata novo more Verbum verbo concipit,
0925702b  Vir sacratus intellectam Rem non habet hanc suspectam Nec furore desipit.
0925703a  Puritatem sed Mariae Nec oblitus prophetiae Dictis facta comparat,
0925703b  Isaias concepturam Filiumque parituram Virginem praedixerat.
0925704a  Joseph ergo, Deo plenus, Tempus, locum, vitam, genus Suae pensat virginis;
0925704b  Sit arcanum esse signum Nec ministrum putat dignum Sed divini germinis.
0925705a  Ob hoc secum meditatur, Ut clam sponsa dimittatur, Virgo rea ne tradatur; Sed nocte per angelum
0925705b  Imperatur conjux duci, Ut vir dux sit Christo duci Et lucernae novae luci, Regem regat parvulum.
0925706a  Circumcisi vulgat nomen, Annae Simeonis omen Audit, parvo praebet fomen, Herodi tendens exsultat.
0925706b  Ex Aegypto postquam redit, Nazareth alumnum credit, Dum rex impius decedit, Innoxios qui jugulat.
0925707a  Templo quaerit iterum Cum Maria tenerum Duodennem puerum.
0925707b  Domum Jesus ducitur, Pater ejus dicitur Faber, cui subditur.
0925708a  Non est igitur delirum, Non est cassum, non est mirum, Si per omnem mundi gyrum Virginem Mariae virum Laus attollat populi.
0925708b  Sed tu, regis nostri rector, Pastor pius et refector, Noster dux sis et protector Ex Aegypto saeculi.
0925709a  Sanctum, Christe, per papatem Nostram rege pravitatem, Mentis aufer caecitatem, Cordis confer puritatem Carnis sanctimoniam.
0925709b  Nobis post sacramentalem Pastum, pastor, aeternalem Da, pro quibus temporalem Per alumnum virginalem Capis alimoniam.
0925800   De sancto Joseph.
0925801a  Jucundare plebs fidelis, Cujus pater est in caelis, Joseph voce Gabrielis Allocutus saepius.
0925801b  Ortus stirpe prophetali, Dignus fuit laude tali, Junctus matri virginali Verus David filius.
0925802a  Sanctus est sanctificatus, Dum Mariae sociatus Pro virtute coelibatus Deum prolem habuit;
0925802b  Evangelio testante Justus actu fuit ante, Qui Maria jam praegnante Ab hac ire voluit.
0925803a  Pater Jesu nominandus, A quo puer bajulandus, Angelo certificandus, Dignus constat omnibus.
0925803b  Nolens sponsam accusare Cogitansque occultare, Monebatur acceptare Eam dignam moribus.
0925804a  Virginem hanc permansisse, Sicut virginem duxisse, Virginemque concepisse Foetam sancto spiritu.
0925804b  Tunc accipiens Mariam Duxit pius pie piam, Parituram juxta viam Bethlehem in exitu.
0925805a  Rege coeli ibi nato, Diversorio locato, In praesepi reclinato Joseph semper adfuit;
0925805b  Jesu nomen imponebat, Forsan et circumcidebat, Sponsus sanguinumque flebat, Quantum Adam meruit.
0925806a  Cumque magi advenissent Muneraque detulissent Et admoniti abissent, Dedit haec pauperibus.
0925806b  In purificatione Prophetante Simeone Humili cum oblatione Venit cum turturibus.
0925807a  Ut lateret cum parente Jesus rege saeviente, Joseph angelo monente In Aegyptum abiit.
0925807b  Septem tempora mutantur, Dum ibidem conversantur Tres, qui unum computantur, Hincque quivis rediit.
0925808a  Joseph gentis firmamentum, Populi stabilimentum, Lustrat vetus testamentum Ut lucerna splendida;
0925808b  Erat sumens coeli gustus, Morans cum Maria justus, Quae est rubus incombustus Castitate florida.
0925809a  Scandens Jesus cum parente Die festo imminente, Est inventus a dolente Disputans post triduum;
0925809b  Virum istum deposcamus, Ut cum hoc inveniamus, Quem offensum formidamus, Dominum mellifluum.
0925900   De sancto Joseph.
0925901a  Ad Joseph mittitur In somno nuntius, Justum alloquitur Spirans interitus Assensum numini.
0925901b  Noli metuere, Proles Davidica, Sponsam accipere, Jussa te coelica Nubunt huic virgini.
0925902a  Tibi rex gloriae Mariam copulat, Mira vis gratiae Pudicum postulat Hoc matrimonium.
0925902b  Crede magnanimis, Audi, nil haesites, Haec sunt magna nimis, Cur novum cantites Epithalamium.
0925903a  Sis licet conscius Quod habet filium, Eac jussa citius, Dum scis mysterium, Noli hoc prodere.
0925903b  Exsurge, nuntia, Dic sponsae protinus: Tibi me, Maria, Nam hoc vult Dominus, Virum do propere.
0925904a  Virgo suscipias Dei depositum, In quo perficias Voti propositum Cum prolis gratia.
0925904b  Volo, quod nuntias, Refert humiliter Virgo dans gratias; Ergo solemniter Jungunt connubia.
0925905a  Nubunt angelicis Choris canentibus, Plaudunt sanctificis Parentes lusibus, Caste tripudiant.
0925905b  Dulce canentium Hymen inseritur Vehens ad gaudium, Quod coelo geritur, Et illis inhiant.
0925906a  Cognatam visita Virgo celeriter. Vis me, Joseph, ita? Vult et dat pariter Fideles comites.
0925906b  Clamat Elisabeth: Plausum infans edit, Prophetat quaelibet, Virgo tandem redit, Parit, neu dubites.
0925907a  En, Joseph, parvulum, Decorum adspice, Da, Joseph, osculum, Fer, fove, refice, Qualis o gloria!
0925907b  En tibi subditur, Qui coelis imperat, Servit, obsequitur, Qui mundum temperat, O mirabilia!
0925908a  Tuum dic filium, Jam juris corpore Vis habes proprium Consensus robore Dati conjugio.
0925908b  Sanctus se spiritus Dedit vicarium Fecundans coelitus Uxoris gremium Te voluntario.
0925909a  Virgo verbigena, Virgo fons gratiae, Nos, nos gens advena, Pleni miseriae Plenique vitio,
0925909b  Te, virgo, petimus, Te, Joseph, inclite, Vester, quem colimus, Jesus nos placide Locet in gaudio.
09259a01a Ad Joseph mittitur Justum alloquitur Asserens numini Proles Davidica Jussa te coelica.
0926000   De sancta Katharina.
0926001a  Nato patris sine matre, Nato matris sine patre Detur laus et gloria,
0926001b  Qui victricem te felicem Ut reginam Katharinam Coronavit gloria.
0926002a  Gaudet chorus coelestium Suo regi psallentium De tua victoria;
0926002b  Ergo gaude, Deo digna, Et nos tecum, o benigna, In tui memoria.
0926003a  Virgo pia, gloriosa, Per spiritum Christi sponsa Et ipsius filia,
0926003b  Sed secundum carnem florens, Stirpe recens, carne decens Costi regis filia.
0926004a  Tu unica parentibus Disciplinis scholaribus Imbuta divinitus,
0926004b  Praecipuis exterius Doctoribus, interius Dono sancti spiritus.
0926005a  Hujus dulcis te perfudit Et suavis te docuit In omnibus unctio,
0926005b  Nam difus in labiis Larga supervenit tuis Ejus benedictio.
0926006a  Ad certamen animata, Signo crucis roborata, Regis fers insignia;
0926006b  Oratores superasti, Christi testes per te facti Possident coelestia.
0926007a  Candidata, purpurata Stola legislator regis Induit te filius.
0926007b  Speciosa, generosa Haec regina, haec benigna, Cujus hic est filius.
0926008a  Sponsi tui prece pia In praesentis vitae via Fruantur amplexibus;
0926008b  Festum tuum celebrantes, Memoriam venerantes, Floreant virtutibus.
0926009a  Ergo confer pietatis Lac et donum caritatis, Da salutis oleum,
0926009b  Ut cantemus omnes tecum Alleluja, carmen laetum, Angelorum canticum.
0926100   De sancta Katharina.
0926101   Katharinae virginis Vita felix et finis, Nostra spes et gloria.
0926102a  Vicit mundi gaudia Regis et consilia Cum summa victoria;
0926102b  Puellaris actio Dolente Maxentio, Consolatur omnia.
0926103a  Deum unum colere, Deos plures spernere, Facta est praenuntia.
0926103b  Regni sceptrum unica Spernens est ad coelica Exspectata gaudia.
0926104a  Sophorum versutiam Vertit in solertiam, Horum dum opposita Prima est intuita.
0926104b  Reginam in consortium Trahit et Porphyrium, Quos ab idolatria Ejus lavit gratia.
0926105a  Virgis caesa stat illaesa, Dum torquetur, confitetur Jesum super omnia;
0926105b  Carceratur, confortatur Cor puellae, tu repelle, Quod mens timet conscia.
0926106a  Ruunt rei fracta rota, Nutu Dei stat immota Operum per merita;
0926106b  Specularis post haec cuncta, Stellae maris es adjuncta Sed honore subdita.
0926107a  Pugna, regem qua vicisti, Lac, in morte quod fudisti, Beata nobis gaudia Fuderunt in ecclesia.
0926107b  Katharina, quod mons Sina Te per chorum angelorum Collegit cum gloria, Mundum replet laetitia.
0926108a  Ergo pia miserere, Hac in via nos tuere, Creatori votum chori Clementer concilia;
0926108b  Qui cantamus hic jucunde, Te rogamus, preces funde Ut o deos omnes reos Mundet data venia.
0926109   Amen dicant omnia.
0926200   De sancta Katharina.
0926201a  Laetabundus Exultans te laude laudet, Katharina,
0926201b  Qui jucundus Victrici tibi congaudet, Katharina.
0926202a  Fidei constantia Superas Maxentium, Katharina,
0926202b  Mira eloquentia Victrix eloquentium, Katharina.
0926203a  Tu mactata verbere, Taetro clausa carcere, Katharina,
0926203b  Coeli luce frueris, Per columbam pasceris, Katharina.
0926204a  Te regina sequitur, Et morte praegreditur, Katharina,
0926204b  Atque cum Porphyrio Ducentena concio, Katharina.
0926205a  Fracta rotae machina Multa sternit milia, Nec te laedunt lamina, Katharina.
0926205b  Mox ut caput plecteris, Longius deveheris A ministris superis, Katharina.
0926206a  Locaris in Sina, Ex te medicina Fluit olei, Katharina.
0926206b  Quaesumus divina Ope a ruina Fac nos devehi, Katharina.
0926300   De sancta Katharina.
0926301a  Laudes Deo debitas Solvamus alacriter, Nos praesens solemnitas Gaudere perenniter Invitat solemniter.
0926301b  Dulcis est jucunditas, Si cum chorda pariter Cordis plaudat puritas Concordando leniter, Psallendo concorditer.
0926302a  Katharinae passio Eo nobis gratior, Quo Dei laudatio Mundo fit jucundior.
0926302b  Pulchra foris facie, Sed mente formosior, Omni major specie Decor est interior.
0926303a  Sponsa regis et regis filia, Major Christi, quam Costi gloria, Domus sponsi quam patris regia, Sponsi nequit capi prosapia.
0926303b  Capax sensu, tenax memoria, Litterali pollens industria, Major tamen fides facundia, Superabat naturam gratia.
0926304a  Edicta Maxentii Voce damnat libera, Foedi sacrificii Foeda spernit foedera.
0926304b  Cruoris innoxii Clamor pulsat sidera, Incestant flagitii Solum tanti scelera.
0926305a  Verba stupet rex profanus Objurgantis virginis, Instat vane cultor vanus Exercendi numinis Vanis caerimoniis.
0926305b  Meditatur malesanus Agones certaminis, Sed infirma nequit manus Obviare hominis Divinis suffragiis.
0926306a  Sapientes evocati Summae cedunt veritati, Non hinc victi sed victores Et hoc casu clariores.
0926306b  Quamvis sero sint vocati, Non sunt sero coronati, Quos caminus puriores, Poena fecit potiores.
0926307a  Mente fremens rex effera Rotas, ignes et verbera Profert, offert et munera Victoriosae virgini.
0926307b  Blandimenta pestifera Virgo spernit et tenera Poenis exponit latera Inclamans nomen Domini.
0926308a  Post agonem consummatum Capitali supplicio Corpus ejus est translatum Angelorum obsequio. In montis sinum Sinai.
0926308b  Hic de membris Katharinae Jugi manat profluvio Sacrae nectar medicinae Regali beneficio Regis regum Adonai.
0926309a  Ubi primum lex divina Lata fuit, Katharina, Requiescis miro more, Revirescis novo flore Meritorum gratia.
0926309b  Tua virgo, Christe, prece Nos ereptos carnis faece, Debriatos vivo fonte Et receptos summo monte Summa donet gloria.
0926400   De sancta Katharina.
0926401a  Eja nunc Alexandrinam Toto nisu Katharinam Collaudemus jugiter,
0926401b  Haec est illa Costi regis Nata, gnara divae legis, Pro qua stat viriliter.
0926402a  Nam dum judex immolaret Idolis et sic erraret, Confunditur a virgine;
0926402b  Pro quo clausa custoditur, Verbo pugnans invenitur Victrix in certamine.
0926403a  Victi Christum confitentur Judex, jubet, ut crementur Nec laeduntur penitus;
0926403b  Scorpiones adhibentur, Plagae magnae mox videntur Sanari divinitus.
0926404a  O quam felix, quam columba Pavit et de cujus tumba Emanavit oleum;
0926404b  Haec reginam coronavit Principemque confortavit Coelum dans aethereum.
0926405a  Orat, rotae confringuntur Et per partes occiduntur Multi tunc increduli;
0926405b  Decollatur nec desperat, Quod effluxit, hoc lac erat In salutem saeculi.
0926406a  Corpus datur monti Sina, Sed mens transit ad divina Intrans laeta patriam;
0926406b  Ad hanc, virgo, nos invita Tuam salvans in hac vita Agentes memoriam.
0926500   De sancta Katharina.
0926501a  Veni, sancte Spiritus, Katharinae coelitus Invitatus merito,
0926501b  Veni, splendor numinis, Katharinae virginis Mentem replens subito.
0926502a  Consolator optime, Doctor disertissime Katharinam instruens,
0926502b  In labore gratiam, In verbis prudentiam Katharinae tribuens.
0926503a  O lux beatissima, Per quam fit gratissima Hujus vita virginis,
0926503b  Pulchra nobilissima Et magistra maxima Supra vires hominis.
0926504a  Lavit viros sordidos Et rigavit aridos Aqua sapientiae,
0926504b  Flecti fecit rigidos Et reduxit devios Ad vitam justitiae,
0926505a  Sapientes Graeciae Christi subdens gratiae Artium peritia.
0926505b  Haec pro nobis hodie Sit patrona veniae In coelesti gloria.
0926600   De sancta Katharina.
0926601a  Extollamus in hac die Extollendas laudes piae Katharinae virginis,
0926601b  Commutantis morte brevi Vitam aeternalis aevi, Regnum vitae perpetis.
0926602a  O quam mundi salvatricem, O quam coeli regnatricem Decet haec pedissequa,
0926602b  Quam non vincunt blandimenta, Non sophorum argumenta Nec ars syllogistica.
0926603a  Diris poenis haec addicta Vincit omnes sed invicta, Vincit eloquentia, Fide, patientia.
0926603b  Morti cujus exquisitae Rotae, serrae gladiique Ejus collisa precibus Quaternis morsu millibus.
0926604a  Per hanc grex philosophorum, Imperatrix, plebs multorum Cum coetu nobilium
0926604b  Christo credunt et recedunt Cum tremore ab errore Et cultura daemonum.
0926605a  Fiunt isti Testes Christi, Reverentur, Confitentur Ore, corde Dominum;
0926605b  Pro quo torti Non absorpti Moriuntur Sed nascuntur Coelo per martyrium.
0926606a  Quos praemissos subsecuta Maryr hodie soluta Ab aerumnis saeculi
0926606b  Coelum scandit Katharina, Cujus corpus monti Sina Commendarunt angeli.
0926607a  Hujus signo tumuli Liquor stillat olei, Quo sanantur languidi.
0926607b  Rex regum mirabilis, Fove nos suffragiis Hujus mirae virginis
0926608   Huic supplicantes Tuis donis mirificis.
0926700   De sancta Katharina.
0926701a  Mundum replet gaudio Triumphalis passio Katharinae virginis,
0926701b  Cives Alexandriae Suae reddant filiae Laudem pii carminis.
0926702a  Opus fortitudinis Tam praeclarae virginis Admirantur saecula,
0926702b  Quod vicit diabolum, Hostem stravit subdolum Tenera juvencula.
0926703a  Hanc ab annis teneris Imbuendam literis Pater rex tradiderat,
0926703b  Sic ei scientia Praecendente gratia Multiplex accesserat.
0926704a  Annis crescens et aetate, Morum simul honestate Crescebat et gratia;
0926704b  Christianae fidei Cultrix cum virginei Pudoris munditia.
0926705a  Dum ad cultum idolorum Turbam cogit populorum Tyrannus Maxentius,
0926705b  Haec errorem aspernatur, Fidem Christi protestatur Et docet attentius.
0926706a  Oratores eruditos Ad certamen accersitos Ex regis imperio
0926706b  Sola vicit universos Et ad Christum mox conversos Sociat martyrio.
0926707a  Judex movet blandimentis, Minis terret et tormentis, Multis temptat argumentis Virginem seducere;
0926707b  Martyr constans et invicta Multis poenis est afflicta Et catenis dire stricta Clauditur in carcere.
0926708a  Ut a vero defectatur Aut repente perimatur, Rota quaedam praeparatur Et structura lignea.
0926708b  Sed aptatam pro tormento Dei virtus in momento Frangit ictu violento Flammaque fulminea.
0926709a  Pro signo miraculi Fit ad Christum populi Gentilis conversio;
0926709b  Uxor regis capite Truncatur cum milite Triumphans Porphyrio.
0926710a  Post de specu carcerali Praesentata tribunali Virgo sacra capitali Damnatur sententia;
0926710b  Orat Deum, vox respondet, Servis suis opem spondet, Quod conservet et fecundet Eos rerum copia.
0926711a  Pro vocis solatio Martyr plena gaudio Tandem caesa gladio Fudit lac pro sanguine.
0926711b  Truncum corpus sublevatum Ab angelis est translatum Et in montis collocatum Sinai cacumine.
0926712a  Ex ipsius tumulo Stupendo miraculo Fluit rivus unguinis,
0926712b  Quod membris languentium Datur ad remedium Et ad laudem virginis;
0926713   Quae nos suis precibus Jungat coeli civibus.
0926800   De sancta Katharina.
0926801a  In coeli viridario Nobilis campi lilio Sociatur rosula;
0926801b  Dic Christum sane lilium, Dic lilium convallium, Florem sine macula.
0926802a  Est Katharina rosula, In arguendo sedula Vicit magisterium;
0926802b  Imperatricem docuit, Martyrizari monuit Simul et Porphyrium.
0926803a  O magistra generalis, O ministra specialis, Multorum benefica,
0926803b  Virgo prudens praedicaris, Costi regis comprobaris Filia mirifica.
0926804a  Philosophi convertuntur Quinquaginta, referuntur Confessores fidei,
0926804b  In fornace renovantur In igneque dealbantur Facti plus quam nivei.
0926805a  Imperator contristatur Maxentius, stomachatur, Dente fremit impius;
0926805b  Katharinam sic affatur: Per te regnum conturbatur, Cerne quod vis melius.
0926806a  Katharinae respondenti, Indignanter proponenti, Praeparatur rotula,
0926806b  Sed prius incarceratur, In carcere visitatur Felix Christi famula.
0926807a  Katharina flagellatur, Sub flagello gloriatur, Laetatur in verbere;
0926807b  Virgo gladio feritur, Pro sanguine lac hauritur Sacro fusum vulnere.
0926808a  Ab angelis deportatur Corpus, in Sina locatur Olei dans copiam;
0926808b  Quo liquore qui sanantur Aegri, ad plenum curantur, Nesciunt inopiam.
0926809a  Ad haec virgo Christum orat Pro devotis et implorat Grata beneficia,
0926809b  Ut quos sibi scit devotos Sanos simul et aegrotos Suscipiat gloria.
0926900   De sancta Katharina.
0926901a  Collaudemus inclita Katharinae merita, Costi regis filiae,
0926901b  Clarens claris artibus, Orba suis partibus Praesidet familiae.
0926902a  Libat diis Maxentius, Obviat audentius Regis haec erroribus;
0926902b  Per hanc victi rhethores Igne fiunt martyres Non usti corporibus.
0926903a  Reginam, Porphyrium Armat ad martyrium Et ducentos complices,
0926903b  Rota ferox struitur, Fulmine diruitur, Cadunt et opifices.
0926904a  Caesa martyr gladio Migrat ab hoc stadio Fundens lac pro sanguine;
0926904b  Coeli cives veniunt, Hanc Sina sepeliunt, Tumba fluit unguine.
0926905a  Per te, virgo regia, Ducat ad collegia Nos sanctorum Dominus,
0926905b  Et te cum victoria In coelesti gloria Contemplemur cominus.
0927000   De sancta Katharina.
0927001a  Jucundare, plebs fidelis, Nam praeclara fit in caelis Hodie solemnitas,
0927001b  Dum regnanti sine fine Triumphantis Katharinae Salva nubit castitas.
0927002a  Quid hanc Christi sponsam laudem? Prosequendo talem laudem Vis humana deficit,
0927002b  Sed hic opis alienae Non est opus, quia plene Ipsa quidem sufficit.
0927003a  Quae tam claris nitet signis, Morte vitaque insignis, Tam gena quam genere,
0927003b  Satis ex se commendatur, Suo Christus nec celatur Artifex in opere.
0927004a  Ista fidem dum declarat, Et medelam ferre parat Errori gentilium,
0927004b  Regem versum in furorem, Regem suum, non rectorem Ostendit Maxentium.
0927005a  Ille sensu puellari Suos ritus irritari Mente ferns anxia,
0927005b  In puellam mox irritat Quinquaginta, quos praeditat Sensus, eloquentia.
0927006a  Mutos reddit et deliros Sola plures virgo viros, Jam maturos tenera,
0927006b  Mox victores fiunt isti Subeuntes jugum Christi Tyrannique vulnera.
0927007a  Rex puellam melle precum, In quo jacet, virus caecum, Emolitur, ferre secum Mortis in caliginem.
0927007b  Nec credentem blandimentis Caedi jubet hic tormentis Quem polus torquet furor mentis, Quam tormenta virginem.
0927008a  O res mira, res divina, Dum volventi Katharina Rotae superponitur,
0927008b  Totum ruit instrumentum Haec tormentis fit tormentum, Ipsa nusquam laeditur.
0927009a  Post tormenta decollatur, Decollata decoratur Insigni miraculo,
0927009b  Lac effudit non cruorem, Inattritum carnis florem Signans hoc signaculo.
0927010a  O quam digne, quam praeclare, Pie Deus, tuae carae Veneraris exitum,
0927010b  Cujus corpus sepulturae Dant ministri tuae curae Monte Sina positum.
0927011a  Tumba manat liquor pacis, In quo, Christe, tua facis Potenter miracula,
0927011b  Nam et sanis hic unguentum Fidem servat et languentum Blande solvit vincula.
0927012a  Sacra martyr, virgo pia, Nos in hujus vitae via Sic impetra vivere,
0927012b  Ut ad Christum verum montem Per tuarum precum pontem Valeamus scandere.
0927100   De sancta Katharina.
0927101a  Laeta festa Celebret concio nostra Die ista,
0927101b  Regis sponsa Qua scandit poli secreta Katharina.
0927102a  Angelum imitata, Carni nunquam subdita, Forti ore
0927102b  Sol illustrans rhethores Per hanc vicit et fecit Jam victores.
0927103a  Sicut quondam perfidos Prostravit Chaldaicos Pari forma
0927103b  Neque igne pueri, Neque virgo rotali Axe rupta.
0927104a  Cedrus haec est Libani, Nam reginam fidei Mancipavit;
0927104b  Verbum hanc visitavit, Duci a militibus Detrectavit.
0927105a  Isaias cecinit, Haec decantans meminit Dilecto et vineae Jubilavit,
0927105b  Si non suis precibus Nobis suffragantibus Atque supplicantibus Medicavit.
0927106a  Infelix excussit, Manans lac eduxit, Sanctam animam Lux produxit.
0927106b  Quam docet litera, Manu angelica Ecce locatam Monte Sina.
0927200   De sancta Katharina.
0927201a  Schola plaudat virginalis, Quia dies est natalis Katharinae virginis,
0927201b  In odore unguentorum Canat ejus ante thorum Dulces melos carminis.
0927202a  Haec repugnans carnis legi Virgo nupsit summo regi Desponsata coelitus;
0927202b  Quam dum Christus subarrhavit, Hanc in ejus collocavit Thalamo paraclitus.
0927203a  It a prima juventute Non se regens dissolute In virtutem de virtute Pedibus justitiae,
0927203b  Cumque calcat mundi florem Partem nacta meliorem, Concupivit rex decorem Sunanitis filiae.
0927204a  Mille scutis turrim David Consignatam rex firmavit, Quam nec hostis expugnavit, Nec ventorum turbo stravit Munitam divinitus.
0927204b  Katharina mundo stulta, Veritatis fide fulta, Oratorum verba multa Norma veri non exculta Confutavit penitus.
0927205a  Tandem ista margarita Lima mentis expolita Et fracturis carnis trita Paradisum adiit.
0927205b  Quam de fundo raptam maris Christus, lapis angularis, In structuram sui laris Gemmam vivam statuit.
0927206a  Corpus ejus angeli Monte locant Sinai Nobili mausoleo,
0927206b  Quod ob ejus inclita Declaranda merita Jugi rorat oleo.
0927207a  Virgo, martyr et regina, Coeli civis Katharina, Aurem nobis huc inclina Sponsum placans miseris.
0927207b  Ut purgatis vasis irae Regnum donet introire, Quo non valet quisquam ire Sorde tabens sceleris.
0927208   Laudes hujus feminae Resonemus odis, Tu autem, Domine. Miserere nobis.
0927300   De sancta Katharina.
0927301   Rosam jucunditatis
0927302a  Intulit hodie Dominus in paradisi palatium,
0927302b  Dum Katharina martyrio superat laeta Maxentium.
0927303a  Hodie virgo fidelis victo tyranno triumphum retulit,
0927303b  Hodie gaudens in caelis lampadem sponso succensam obtulit.
0927304a  Katharinam, recusantem immolari dis obscoenis
0927304b  Capit princeps et affligit, inauditis mactat poenis.
0927305a  Nunc insanit, nunc blanditur, Nec sic fides irretitur Virginis egregiae
0927305b  Et virtutem sacrae mentis, Quam non vincit rex tormentis, Nec frangit blanditie.
0927306a  Uritur princeps insanus Et accendit labor vanus Magis ejus furias,
0927306b  Dum scripturis explanatis Vincit virgo docta satis Rhethorum versutias.
0927307a  Error linquitur detectus, Igni datur grex electus, Rota virgo tenera Non terretur aspera
0927307b  Consummata passione, Caput caesa pugione Pro cruoris floribus Reddit lac vulneribus.
0927308a  Fusum virginalia Lac figurat lilia
0927308b  Mixta cum martyrii Rosis ictu gladii.
0927309a  O beata Katharina, Sponso Christo jam vicina,
0927309b  Precis nostrae memor esto, Sacra grege cum honesto
0927310   Sequens agni vestigia In coelesti gloria.
0927400   De sancto Lamberto.
0927401a  Christi laudem praedicemus, Christi quidem qui gaudemus Insignire nomine;
0927401b  Felix nomen, felix omen, Illi cedit, qui se credit Dignum hoc cognomine.
0927402a  Hoc Lambertus consecrari Et se studens decorari Sub annis infantiae,
0927402b  Christi jugo se subjecit, Mundi fastum a se jecit Donis pollens gratiae.
0927403a  Signa multis dans profectus Arbor ista germinat, Cujus odor longe vectus Mundo se discriminat.
0927403b  Hic in sancta sublimatur Sede Trajectensium Et optatum plene datur Populo praesidium.
0927404a  Hunc a sede cathedrali Pellit hostis invidus, Valde fremens, quod a tali Salvus fiat languidus.
0927404b  Monachorum subit aedem Praesul Deo deditus, Post in primam redit sedem Suo juri redditus.
0927405a  Sed confracta dum relocat Et dispersa dum revocat Ad ovile Domini,
0927405b  Scelus ingens et enorme Vidit adstans Christi normae Et excelso nomini.
0927406a  Nam Pipinus, dux Francorum, Qui legalem fugit thorum, Fractor legum, spretor morum, Adhaeret adulterae.
0927406b  Preces fundit et frequenter Instat praesul et patenter, Illum monet et clementer, Vult eum inducere,
0927407a  Ut contempto nexu tali Et amota causa mali Sub amplexu conjugali Motus carnis dirigat,
0927407b  Et perversum mutet morem Caste vivens et uxorem - Cedit enim ad honorem - Non incestam diligat.
0927408a  Alpaidis his acceptis Flagrescit medullitus, Non adspirat suis coeptis Dator pacis spiritus.
0927408b  Verbis usa venenatis Dodonem aggreditur, Illum urget, artat satis, Sic sanctus perimitur.
0927409a  Sic hostia salutaris Immolatur et in aris Sacer sanguis funditur;
0927409b  Sed redemptor protoplausti Vespertini holocausti Odore reficitur.
0927410a  Vervex pelle rubricata, Super nivem dealbata, Tegens tabernaculum,
0927410b  Passione rubricatum, Castitate candidatum Gessit habitaculum.
0927411a  Qui torcular sic calcavit Et qui vestem dealbavit Agni veri sanguine,
0927411b  A peccatis absolutos Coelo jungat et ablutos Nos reddat a crimine.
0927500   De sancto Lamberto.
0927501a  Christo laudes dans applaude De Lamberti digna laude Nostra psallens concio,
0927501b  Aper cujus ortu gaudet, Sed ne mundus eum fraudet, Ardet desiderio.
0927502a  Qui lactatus disciplinis Eruditur et doctrinis, Ut devote viveret,
0927502b  Cum magistro subit cellas Monachorum, ut procellas Mundi sic effugeret.
0927503a  Aquas prece dulces fecit, Quas de faece mare jecit, Quibus plebs nunc fruitur;
0927503b  Gessit ignem patri parens Sua veste vase carens, Sed nec vestis laeditur.
0927504a  Tandem sede praesulatus Ab omnibus sublimatus Se Deo sacrificat;
0927504b  Consolatur desolatos, Verbis arcet et elatos, Omnibus fructificat.
0927505a  Regno malis perturbato Rex necatur, quo necato Lampertus expellitur;
0927505b  Faramundus sede sedit, Pax fugatur, nexum cedit, Omne nefas tollitur.
0927506a  Cella latet vir fidei, Patri paret, servit ei, Qui creavit omnia;
0927506b  Crucem petit jussu laetus, Deo psallit, algor spretus Fervet Dei gratia.
0927507a  Revocatos Christianos Firmat, convertit paganos, Quorum perdit idola;
0927507b  Caelebs civis est in caelo, Rabientis cadens zelo Dodonis Christicola.
0927508a  Nos Lamberti, Jesu, prece A peccati munda faece Pietatis gratia,
0927508b  Ne cum malis lugeamus, Sed cum bonis gaudeamus In coelesti patria.
0927600   De sancto Laudo.
0927601a  Lux praeclara, lux solennis, Quam electus duodennis Illustravit obitu,
0927601b  Ter apparet Christi parens, Trino Laudum ter apparens Praesulavit monitu.
0927602a  Minor annis adolescens, Mente major fit senescens Morum privilegio;
0927602b  Usus stupet et natura, Quod aetatem tam matura Praevenit religio.
0927603a  Puer purus et insignis Insignitur multis signis Virtutis et gratiae,
0927603b  Dum thus ferret et batillum Fulsit ignis super illum In columbae specie.
0927604a  Serpens fallax et astutus Christi servos insecutus Robur serpit arboris,
0927604b  Servos servat a serpente Dei servus, tres repente Parte fiunt arboris.
0927605a  Laudo cedunt hostis doli, Tuos, Laude, tua noli Frustrari memoria.
0927605b  Jesu clemens et benigne, Fac cum Laudo te condigne Laudemus in gloria.
0927700   De sancto Laurentio.
0927701a  In coelesti hierarchia Jugi gaudet harmonia Levita Laurentius,
0927701b  Cui concordet in hac via Noster chorus alleluia Depromens hilarius.
0927702a  Ex Hispanis procreatus Ut Samuel inspiratus Fuit sacro flamine;
0927702b  Inde Romam est translatus, In supremo collocatus Levitorum culmine.
0927703a  In figura similis Joseph, per quem sterilis Terra relevatur,
0927703b  Ex thesauri fertilis Ope vitae fragilis Plebem consolatur.
0927704a  Hic sancti Job imitator, Viduarum consolator Pietate solita,
0927704b  Orphanorum sustentator, Egenorum recreator Operum per merita.
0927705a  Dum gladius Sixtum ferit, Laurentius mortem quaerit, Flens, quia deseritur:
0927705b  Elisaei formam gerit, Cujus mentem dolor terit, Dum Elias tollitur.
0927706a  Felix, per quem visio Ligno crucis praevio Caecis restauratur,
0927706b  Tobiae collirio Usus, per quem senio Patri lumen datur.
0927707a  Jacet vinclis religatus, Carceribus mancipatus Diri jussu Decii,
0927707b  Verberibus laceratus Super prunis est assatus Mortalis incendii.
0927708a  O quam fervebat ardore Caritatis et vigore Fidei interius,
0927708b  Gaudens igne tamquam rore Puerorum trium more Crematus exterius.
0927709a  Laudes ergo Laurentio, Qui in coelis martyrio Laureatur,
0927709b  Florens dogmate vario, Ens virgo serto tertio Decoratur.
0927710a  Hinc, Laurenti, pater bone, Triumphator in agone, Preces ad te fundimus
0927710b  Pro praesenti concione, Ut mundi victo praedone Feratur, quo tendimus.
0927800   De sancto Leonhardo.
0927801a  Patri nostro jucundemur, In hac dies gratulemur, Leonhardum veneremur Cum cordis tripudio.
0927801b  Idolorum nam cultores Christo reddit et errores Sternit remittendo flores Coelesti consortio.
0927802a  Ergo prudens Leonhardus Vigilavit et non tardus Subintravit et ornavit Lampadem cum oleo.
0927802b  Semetipsum abnegavit, Christum sequens, quem amavit, Crucem tollens stolam lavit In Dei servitio.
0927803a  Palmam manu fert victricem Digne sequens adjutricem Sanctam Dei genitricem In coelesti curia.
0927803b  Ut coelesti nos fecundet Rore foris, intus mundet Sanctus spiritus, inundet Nostra corda omnia.
0927900   De sancto Leonhardo.
0927901a  Clarum sidus fulget mundo, Luce micat laetabundo Tenebrarum in profundo Sole, luna clarius.
0927901b  Lonhardus fortis leo, Nardus sanans plagas reo, Praedicator placens Deo Et Christi vicarius.
0927902a  Naufragari mundum cernit, Mundum ut immundum spernit, Carnis voluptates sternit Petens solitudinem.
0927902b  Episcopatum nempe sprevit, Regis opes abolevit, Inops vivere decrevit Propter beatitudinem.
0927903a  Reginam partu morti datam, Prolem novam regis natam Per orationem gratam A morte suscitavit.
0927903b  Militem seris inclusum In cavernis terrae trusum Ad locum artum et obscurum Potenter liberavit.
0927904a  Locum rex sancto donavit, Campis, silvis hunc dotavit, Beatus vir aedificavit Deo monasterium.
0927904b  Locus est siccus in gyro, Impetrante sancto viro Fluunt aquae novo miro Per Dei ministerium.
0927905a  In tenebrositate densa Lux apparuit immensa, Vincla nil prosunt appensa, Arto loco volvitur.
0927905b  Milites custodientes Facti sunt velut amentes Claritatem hanc videntes, Vinctus statim solvitur.
0927906a  Peregrinum liberavit, Turrim cum castello stravit, Turris ruens pars necavit Plures de familia.
0927906b  Hospiti crura franguntur, Tyranno scandala nascuntur, Multis miraculis noscuntur Dei mirabilia.
0927907a  Servum Dei crudeli poena Liberavit cum catena, Templi duxit ad amoena, Demonstrant haec miracula.
0927907b  Sanctus in Aquitania Militem in Britannia, Captum tyranni mania, Absolvit sine macula.
0927908a  Te rogamus, serve Dei, Leonharde, sanctae spei, Caritatis et fidei Possessor et pincernula,
0927908b  Solve vincla peccatorum, Seras, cippos delictorum, O solamen afflictorum, Devote Christi vernula.
0927909a  Pater, abba venerande, Leonharde honorande, Alas super nos expande Tuae misericordiae,
0927909b  Ut a malis eruamur, De delictis compungamur, Te juvante conjungamur Coelesti concordia.
0928000   De sancto Leonhardo.
0928001a  Laetabundus Leonardo cantet chorus, Alleluja,
0928001b  Quem profudit Primo flore miro more Lux divina.
0928002a  Sanctus signis floruit, Quia pure coluit Creatorem,
0928002b  Franciam, quam rexerat, Prece munda reparat Ad vigorem.
0928003a  Ad desertum evolat, Nudus crucem bajulat Salvatoris;
0928003b  Ibi carnem macerat, Ibi pugnans superat Vim adoris.
0928004a  Dum sic Christo militat, Fratrum turmas incitat Ad aeterna,
0928004b  Leonhardus sibimet Apta loca petiit Ter quaterna.
0928005a  Eja, pater pauperum, Noxas dele scelerum, Ignem quo tartareum Evadamus;
0928005b  Tuis fer auxilium, Ut post hoc exsilium Tecum Dei filium Videamus.
0928006a  Ora pro tuorum Statu filiorum In conspectu summi regis,
0928006b  Ut nos a peccatis Nostris perpetratis Donet esse dextri gregis.
0928100   De sancto Leopoldo.
0928101a  Lux est orta populo Omni laude digna, Viget sanctus marchio Gratia benigna.
0928101b  Exultet ecclesia Pio Leopoldo, Laudum psallat carmina Voce, corde, lingua.
0928102a  O quanta justitia, Fide, spe, clementia, Exstirpando vitia Rexit hic pacifice.
0928102b  Pietatis opera Perfecit largissime, Unde pius marchio Proclamatur undique.
0928103a  Ornata virtutibus, Cunctis carens vitiis, Bonis plena moribus, Divi nata Caesaris
0928103b  Leopoldo traditur, Proles multa nascitur, Educata praecipuis Duobus episcopis.
0928104a  Duo monasteria Construxit hic funditus, Reformavit caetera Largis cum reditibus.
0928104b  Ubi monasterium Locaretur aptius, Conjugis flammeolum Ostendit divinitus.
0928105a  Sancta ejus anima Congaudens jam sanctis, Fulget nunc in ecclesia Maximis miraculis.
0928105b  Conditorem omnium, Nostrum redemptorem. Adoremus Dominum Votis sincerissimis.
0928106   Ut donet per merita Beati Leopoldi Nos hic et in patria Pia pace frui.
0928200   De sancta Lucia.
0928201a  Lucia, solemnio Tuo psallit concio Nostra Jesu, filio Dei patris.
0928201b  Agathae colloquio Discis, quod suffragio Tuo, virgo, passio Cesset matris.
0928202a  Atque temporalia Clemens spargis omnia, Cogeris ad impia Quasi maga.
0928202b  Sed resistens gratia Plena lucis filia, Diceris, egregia, Lupa vaga.
0928203a  Laesa verbis, verbere Judex te polluere Jubet carnis scelere, Sed, alumna,
0928203b  Jesu Christi munere Nullus quit te trahere, Fis immota propere Ceu columna.
0928204a  Virgo suffers gladium Resinam, incendium, Oleum et gladium Atque picem.
0928204b  Sertum carpis crinium, Per te Jesus, gentium Rex, det nobis bravium Se felicem.
0928300   De s. Ludovico Episcopo.
0928301a  Boni dator perfectius Deus mundum ditavit, Cum Ludovicus clarius Et altius In mundo radiavit.
0928301b  Accrescens iste filius Ut Joseph conservavit Semper se castum, purius Et plenius Populum Dei pavit.
0928302a  Nec cura Dei defuit, Quamvis incarcerari Permiserit, sed adfuit Et imbuit Doctrina salutari.
0928302b  Quotidie plus viguit Virtute singulari Et ut David non potuit Nec debuit A quoquam superari.
0928303a  Affluens est per omnia Natus stirpe regali Ut Salomon prudentia Cum gratia In statu pastorali.
0928303b  Laborat eloquentia Et ope manuali Hic Esdras, ut ecclesia Eximia Sit gradu principali.
0928304a  Innumeris virtutibus Ad instar Danielis Praepollens nos ab omnibus Insultibus Hostis serva crudelis.
0928304b  Sacrisque suis precibus Sic nos juvare velis, Quod mentibus, sermonibus Et actibus Simus semper in caelis.
0928400   De sancto Maglorio.
0928401a  Fulget dies hodierna, Qua conscendit ad superna Pontifex Maglorius,
0928401b  Regnat ubi sine fine Verbi, patris ac reginae Genitricis filius.
0928402a  Qui visebat parvus scholis Verum dogma veri solis Melle, favo dulcius,
0928402b  Quod secreta sibi cella Praesignabat in tabella Angelus eximius.
0928403a  Sic nimirium instrui coelitus Admiratus est doctor inclitus Puerum benignius; Omnis cessit huic sodalis, Cum doctrinae jubar talis Non sensit interius.
0928403b  Virgo mansit matris ab utero, Panno semper indutus aspero Advixit egregius Favorali sine vento; Se ciborum alimento Se ciborum alimento Jugi parsimonia
0928404a  Abdicavit quarta prorsus, Nec recepit quid introrsus Sexta nec non feria.
0928404b  Hic divinum per affatum Dereliquit praesulatum Petens solitaria.
0928405a  Ubi nunquam hausit vinum, Sed nec potum sicerinum Aspernatus talia,
0928405b  Pane vescens hordeorum Amnem bibit fluviorum Parcitate nimia.
0928406a  Felix vita, sacer actus, Nam patravit caelebs factus Virtutum insignia.
0928406b  Tactu manus lepram tersit, Rore sacro quem respersit Spiritalis gratia.
0928407a  Functis citam Dedit vitam, Cibo pavit, Quos vexavit Fames in Britannia.
0928407b  Naufragorum Parvulorum Suffragator, Consolator Fuit super maria.
0928408a  Informavit verba mutae, Per hunc rupis dissolutae Plebs fugavit hostes tute Lapillorum copia.
0928408b  Anguem stravit venenosum Et erexit tortuosum, Indulcavit acetosum Fructum ad convivia.
0928409a  Finis cujus consecratus Est e coelo nuntiatus, Quod sanctorum ei coetus Obviando canit laetus Divina magnalia.
0928409b  Sic post mundum triumphatum Et perfectum coelibatum Stola vitae revestitus Et corona redimitus Magnus fit in gloria.
0928410a  O Maglori, jam sonori Melos hujus audi chori, Nos supernis jungens turbis Fac perennis cives urbis Mundi post exsilia.
0928410b  Sed pro nobis, praesul care, Salvatorem deprecare, Ut dignetur nos salvare Verae lucis ac praeclarae Dans aeterna gaudia.
0928500   De sancto Mammete.
0928501   Omnipotens Deus, Salus nostra vera,
0928502a  Cujus imperio subditur creatura,
0928502b  Per quem veneranda fulget lux hodierna.
0928503a  Creator omnium, regnans per saecula sempiterna,
0928503b  Deus homo factus, ut transferret homines ad superna.
0928504a  Tu es victoria beatorum martyrum et corona,
0928504b  Perfecta caritas et laborum requies post tormenta.
0928505a  Rex immense, Deus, sanctorum gloria, Probatis per certamina Quanta parasti munera.
0928505b  Jam subdita Te contremiscunt tartara, Regis tua potentia Coelum, mare, terrestria.
0928506a  Tibi consona cantica plaudit coelestis caterva hac die, in qua venit Mammes cum laurea ad paradisi gaudia.
0928506b  O patientia, dira ferendo, vincens gravia et discrimina, per diversa supplicia crescit mater ecclesia.
0928507a  Salve, sanctorum decus, rex Christe, per Mammetis sacra salva nos merita.
0928507b  O flos martyrum, Mammes, tibi laus, puerilis gemma, precantes adjuva.
0928508a  Invictus athleta, fidei columna, cuncta sprevisti tormenta pro perenni vita. Deo tu victima pacifica obtulisti grata libamina mundi cordis fundens aromata.
0928508b  Jam cum Christo regna possidens superna, laesa et nimis inculta munda corda nostra. Tua recolentes solemnia transfer tecum ad vera gaudia, melos laudum ut cantemus una.
0928509a  Cum rex Christus in die suprema apparebit facie beata, tunc nos, martyr clementer excusa.
0928509b  Ut expulsa peccatorum nebula decorati stola incorrupta transeamus ad vitae pascua.
0928510   Ubi regnanti per saecula jubilemus omnes Alleluja.
0928600   De sancta Margaretha.
0928601a  Orta stirpe nobili, Vita commendabili Margaretha floruit.
0928601b  Habitu sub humili Corde, voto stabili Fide Christi viguit.
0928602a  Quam perspectam impius Prefectus Olybrius Precatur in conjugem,
0928602b  Sed fidei praevius Clipeus egregius Hanc tuetur virginem.
0928603a  Quam in Christo vivere Cernens nec devincere Suis valens precibus.
0928603b  Jubet mox arripere, Ac pressurae tradere Firmarique vectibus.
0928604a  Tandem foras trahitur Et duris affligitur Virgarum aculeis.
0928604b  Ungulis hinc scinditur, Ubi sanguis funditur, Nec cedit ut paleis.
0928605a  Et iterum clauditur, Ubi draco vincitur Signo crucis penitus.
0928605b  Ense demum caeditur, Ubi Christo creditur, Et fit felix transitus.
0928606   Eja, virgo, memineris, Quid in morte petieris, Ut per tua precamina Nostra solvantur crimina.
0928700   De sancta Margaretha.
0928701   Sacra nunc Margaretha tua alacres festa
0928702a  Nos colimus preces funde